യുവജ​നങ്ങൾ ചോദി​ക്കു​ന്നു . . .

എന്റെ ഉത്തമസു​ഹൃത്ത്‌ താമസം മാറ്റി​യത്‌ എന്തു​കൊണ്ട്‌?

‘നിങ്ങളെ കണ്ടാൽ ഉത്തമസു​ഹൃത്ത്‌ നഷ്ടമാ​യ​തു​പോ​ലെ​യു​ണ്ട​ല്ലോ.’ ഇംഗ്ലീ​ഷി​ലെ ഒരു ചൊല്ലാ​ണിത്‌. ആരെങ്കി​ലും അൽപ്പം ദുഃഖ​ത്തി​ലോ വിഷാ​ദ​ത്തി​ലോ ആണെന്നു കണ്ടാൽ ആളുകൾ ഇങ്ങനെ പറയാ​റുണ്ട്‌. എന്നാൽ, യഥാർഥ​ത്തിൽ ഉത്തമസു​ഹൃ​ത്തി​നെ നിങ്ങൾക്കു നഷ്ടമാ​യി​ട്ടു​ണ്ടെ​ങ്കിൽ ഈ പറച്ചി​ലി​നു തികച്ചും ഒരു പുതിയ അർഥം കൈവ​രു​ന്നു.

എന്തൊ​ക്കെ​യാ​ണെ​ങ്കി​ലും, യഥാർഥ സൗഹൃദം വിശേ​ഷ​ത​ര​വും വില​യേ​റി​യ​തു​മായ ഒന്നാണ​ല്ലോ. ബൈബിൾ പറയുന്നു: “സ്‌നേ​ഹി​തൻ എല്ലാകാ​ല​ത്തും സ്‌നേ​ഹി​ക്കു​ന്നു; അനർത്ഥ​കാ​ലത്തു അവൻ സഹോ​ദ​ര​നാ​യ്‌തീ​രു​ന്നു.” (സദൃശ​വാ​ക്യ​ങ്ങൾ 17:17) നല്ല സുഹൃ​ത്തു​ക്കൾ നമുക്കു സഖിത്വ​വും പിന്തു​ണ​യും പ്രദാനം ചെയ്യുന്നു. വൈകാ​രി​ക​വും ആത്മീയ​വു​മാ​യി വളരാൻ അവർ നമ്മെ സഹായി​ക്കു​ന്നു. വെറുതെ ഉപചാരം പറയുന്ന സുഹൃ​ത്തു​ക്ക​ളോ പരിച​യ​ക്കാ​രോ ധാരാളം ഉണ്ടായി​രി​ക്കാ​മെ​ങ്കി​ലും നിങ്ങൾക്കു യഥാർഥ​ത്തിൽ ആശ്രയി​ക്കാ​നും വിശ്വ​സി​ക്കാ​നും കഴിയുന്ന വ്യക്തികൾ പൊതു​വേ വിരള​മാ​യി​രി​ക്കും.

അതു​കൊണ്ട്‌, ഉത്തമസു​ഹൃത്ത്‌ താമസം മാറ്റി​യാൽ നിങ്ങൾക്ക്‌ അതിയായ ദുഃഖം തോന്നി​യേ​ക്കാ​മെ​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. ഉത്തമസു​ഹൃത്ത്‌ താമസം മാറ്റി​യ​പ്പോൾ തനിക്ക​നു​ഭ​വ​പ്പെ​ട്ടത്‌ എങ്ങനെ​യെന്നു ബ്രയാൻ എന്നു​പേ​രുള്ള യുവാവ്‌ അനുസ്‌മ​രി​ക്കു​ന്നു. “പേടി​യും ഏകാന്ത​ത​യും മനോ​വ്യ​ഥ​യും എനിക്ക്‌ അനുഭ​വ​പ്പെട്ടു,” അവൻ പറഞ്ഞു. ഒരുപക്ഷേ നിങ്ങളു​ടെ അനുഭ​വ​വും സമാന​മാ​യി​രി​ക്കാം.

യാഥാർഥ്യ​ത്തെ അഭിമു​ഖീ​ക​രി​ക്കൽ

നിങ്ങളു​ടെ സുഹൃത്ത്‌ താമസം മാറ്റാ​നു​ണ്ടായ കാരണ​ത്തെ​ക്കു​റി​ച്ചു പരിചി​ന്തി​ക്കു​ന്നതു സഹായ​ക​മാ​യേ​ക്കാം. തീർച്ച​യാ​യും, അതു നിങ്ങളു​ടെ സൗഹൃ​ദ​ത്തോ​ടു വിലമ​തിപ്പ്‌ ഇല്ലാഞ്ഞ​തു​കൊ​ണ്ടാ​യി​രു​ന്നില്ല. താമസ​മാ​റ്റം ആധുനിക ജീവി​ത​ത്തിൽ സർവസാ​ധാ​ര​ണ​മാ​യി​ത്തീർന്നി​രി​ക്കു​ന്നു. ഐക്യ​നാ​ടു​ക​ളിൽ മാത്രം വർഷം​തോ​റും 3.6 കോടി ആളുകൾ താമസം മാറ്റുന്നു! യു.എസ്‌. ബ്യൂറോ ഓഫ്‌ സെൻസസ്‌ പറയു​ന്ന​ത​നു​സ​രിച്ച്‌ ഒരു സാധാരണ അമേരി​ക്ക​ക്കാ​രൻ തന്റെ ആയുഷ്‌കാ​ല​ത്തിൽ 12 പ്രാവ​ശ്യം താമസം മാറ്റി​യി​രി​ക്കും.

ആളുകൾ ഇതു​പോ​ലെ താമസം മാറ്റു​ന്ന​തെ​ന്തു​കൊ​ണ്ടാണ്‌? കാരണങ്ങൾ പലതാണ്‌. പല കുടും​ബ​ങ്ങ​ളും താമസം മാറ്റു​ന്നതു മെച്ചപ്പെട്ട തൊഴി​ലു​ക​ളോ ഭവനങ്ങ​ളോ ലഭിക്കു​ന്ന​തി​നു വേണ്ടി​യാണ്‌. വികസ്വര രാഷ്‌ട്ര​ങ്ങ​ളിൽ യുദ്ധവും ദാരി​ദ്ര്യ​വും നിമിത്തം കോടി​ക്ക​ണ​ക്കി​നാ​ളു​കൾ താമസം മാറ്റാൻ നിർബ​ന്ധി​ത​രാ​കു​ന്നു. യുവജ​ന​ങ്ങ​ളിൽ പലരും പ്രായ​പൂർത്തി​യാ​കു​ന്ന​തോ​ടെ താമസം മാറ്റാ​നും സ്വന്തം കാലിൽ നിൽക്കാ​നു​മുള്ള തീരു​മാ​ന​മെ​ടു​ക്കു​ന്നു. ചിലർ താമസം മാറ്റു​ന്നതു വിവാ​ഹി​ത​രാ​കാ​നാണ്‌. (ഉല്‌പത്തി 2:24) ഇനിയും മറ്റുചി​ലർ ആത്മീയ താത്‌പ​ര്യ​ങ്ങൾ പിന്തു​ട​രാ​നാ​യി​രി​ക്കും താമസം മാറ്റു​ന്നത്‌. (മത്തായി 19:29) യഹോ​വ​യു​ടെ സാക്ഷി​കൾക്കി​ട​യിൽ പലരും, ക്രിസ്‌തീയ ശുശ്രൂ​ഷ​കരെ കൂടുതൽ ആവശ്യ​മുള്ള പ്രദേ​ശ​ങ്ങ​ളിൽ—ഒരുപക്ഷേ വിദേശ രാജ്യ​ങ്ങ​ളിൽപോ​ലും—സേവി​ക്കാൻ സുപരി​ചി​ത​മായ ചുറ്റു​പാ​ടു​ക​ളി​ലെ സുഖസൗ​ക​ര്യ​ങ്ങൾ വെടി​യു​ന്നു. യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​ങ്ങൾക്കു മേൽനോ​ട്ടം വഹിക്കു​ന്നി​ട​മായ ബെഥേ​ലിൽ സേവി​ക്കാൻ ക്ഷണം ലഭിക്കവേ, ചിലർ തങ്ങളുടെ രാജ്യ​ത്തി​നു​ള്ളിൽത്തന്നെ മാറി​ത്താ​മ​സി​ക്കു​ന്നു. അതേ, സുഹൃ​ത്തു​ക്കളെ നാം സ്‌നേ​ഹി​ക്കു​ന്നു​ണ്ടെ​ങ്കി​ലും കാലം കടന്നു​പോ​കവേ അവർ സാധ്യ​ത​യ​നു​സ​രി​ച്ചു മാറി​ത്താ​മ​സി​ക്കു​മെ​ന്നത്‌ ഒരു ജീവി​ത​യാ​ഥാർഥ്യ​മാ​യി നാം കാണണം.

നിങ്ങളു​ടെ സുഹൃത്ത്‌ മാറി​ത്താ​മ​സി​ക്കാ​നുള്ള കാരണം എന്തുത​ന്നെ​യാ​യി​ക്കൊ​ള്ളട്ടെ, ആ നഷ്ടത്തിൽനിന്ന്‌ എങ്ങനെ വിമു​ക്ത​നാ​കു​മെന്നു നിങ്ങൾ ചിന്തി​ച്ചേ​ക്കാം. എന്നാൽ, കുറച്ചു​നാ​ള​ത്തേക്ക്‌ അൽപ്പം ഏകാന്ത​ത​യും വിഷാ​ദ​വും അനുഭ​വ​പ്പെ​ടു​ന്നതു സ്വാഭാ​വി​ക​മാ​ണെ​ങ്കി​ലും വെറുതെ ചടഞ്ഞു​കൂ​ടി​യി​രി​ക്കു​ന്ന​തു​കൊ​ണ്ടു കാര്യങ്ങൾ ഒട്ടും​തന്നെ മെച്ച​പ്പെ​ടാൻ പോകു​ന്നി​ല്ലെന്നു നിങ്ങൾ മനസ്സി​ലാ​ക്കി​യേ​ക്കാം. (സദൃശ​വാ​ക്യ​ങ്ങൾ 18:1) അതു​കൊണ്ട്‌, സഹായ​ക​മായ ചില കാര്യങ്ങൾ നമുക്കു നോക്കാം.

സമ്പർക്കം പുലർത്തൽ

“നിങ്ങളു​ടെ സുഹൃ​ദ്‌ബന്ധം അവസാ​നി​ച്ചി​ട്ടി​ല്ലെന്നു മനസ്സി​ലാ​ക്കുക,” കൊച്ചു ബ്രയാൻ ഉപദേ​ശി​ച്ചു. ഉവ്വ്‌, ഉത്തമസു​ഹൃത്ത്‌ താമസം മാറ്റു​ന്ന​തു​കൊണ്ട്‌ നിങ്ങളു​ടെ ബന്ധത്തിനു തീർച്ച​യാ​യും മാറ്റം​വ​രും. എന്നാൽ, നിങ്ങളു​ടെ സൗഹൃദം ഇല്ലാതാ​കു​മെന്ന്‌ അതിനർഥ​മില്ല. കൗമാ​ര​പ്രാ​യ​ക്കാർക്കു​വേ​ണ്ടി​യുള്ള ഉപദേ​ഷ്‌ട്രി ഡോ. റോസ്‌മേരീ വൈറ്റ്‌ പറഞ്ഞു: “നഷ്ടം എന്നു പറയു​ന്നതു ജീവി​ത​ത്തി​ന്റെ ഏതു ഘട്ടത്തി​ലും വളരെ പ്രയാ​സ​ക​രം​തന്നെ. എന്നാൽ അതു കൈകാ​ര്യം ചെയ്യാ​നാ​വുന്ന ഒരു വിധം, അത്‌ ഒരു മാറ്റമാ​ണെ​ന്നും എല്ലാറ്റി​ന്റെ​യും അന്ത്യമ​ല്ലെ​ന്നും ചിന്തി​ക്കു​ന്ന​താണ്‌.”

സൗഹൃ​ദ​ത്തി​ന്റെ കവാടം തുറന്നി​ടാൻ തക്കവണ്ണം നിങ്ങൾക്കെന്തു ചെയ്യാൻ കഴിയും? ദാവീ​ദി​നെ​യും യോനാ​ഥാ​നെ​യും കുറി​ച്ചുള്ള ബൈബിൾ വൃത്താന്തം പരിചി​ന്തി​ക്കുക. കാര്യ​മായ പ്രായ​വ്യ​ത്യാ​സ​മു​ണ്ടാ​യി​രു​ന്നെങ്കി​ലും അവർ ഏറ്റവും അടുത്ത സുഹൃ​ത്തു​ക്ക​ളാ​യി​രു​ന്നു. സാഹച​ര്യ​ങ്ങൾ നിമിത്തം ദാവീദ്‌ ഒരു പ്രവാ​സി​യെ​ന്ന​നി​ല​യിൽ ഓടി​പ്പോ​കാൻ നിർബ​ന്ധി​ത​നാ​യ​പ്പോൾ അവർ ഒരു വാക്കു​പോ​ലും ഉരിയാ​ടാ​തെ വേർപി​രി​യു​കയല്ല ചെയ്‌തത്‌. മറിച്ച്‌, സുഹൃ​ത്തു​ക്ക​ളാ​യി തുടരാ​മെന്ന ഒരു ഉടമ്പടി അല്ലെങ്കിൽ കരാർ ഉണ്ടാക്കി​ക്കൊണ്ട്‌ അവർ തങ്ങളുടെ അനശ്വ​ര​മായ സുഹൃ​ദ്‌ബ​ന്ധത്തെ ദൃഢീ​ക​രി​ക്കു​ക​യാ​ണു ചെയ്‌തത്‌.—1 ശമൂവേൽ 20:42.

അതു​പോ​ലെ, സുഹൃത്ത്‌ വിടപ​റ​യു​ന്ന​തി​നു​മുമ്പ്‌ നിങ്ങൾക്ക്‌ അവനോ​ടോ അവളോ​ടോ സംസാ​രി​ക്കാ​വു​ന്ന​താണ്‌. ഈ സൗഹൃ​ദ​ത്തി​നു നിങ്ങൾ എത്രമാ​ത്രം വിലകൽപ്പി​ക്കു​ന്നു​ണ്ടെ​ന്നും പരസ്‌പരം സമ്പർക്കം പുലർത്താൻ എത്രമാ​ത്രം ആഗ്രഹി​ക്കു​ന്നു​ണ്ടെ​ന്നും സുഹൃ​ത്തി​നെ അറിയി​ക്കുക. കരയും കടലും ചേർന്ന്‌ 8,000 കിലോ​മീ​റ്റ​റി​ന്റെ വ്യത്യാ​സ​ത്തിൽ കഴിയുന്ന ഉത്തമസു​ഹൃ​ത്തു​ക്ക​ളായ പാറ്റി​യും മനീന​യും ചെയ്‌തത്‌ അതുത​ന്നെ​യാണ്‌. “ഞങ്ങൾ പരസ്‌പരം സമ്പർക്കം പുലർത്താൻ ഉദ്ദേശി​ക്കു​ന്നു,” പാറ്റി വിശദ​മാ​ക്കി. എങ്കിലും സുനി​ശ്ചി​ത​മായ ചില ക്രമീ​ക​ര​ണങ്ങൾ നടത്തി​യി​ല്ലെ​ങ്കിൽ അത്തരം ആസൂ​ത്ര​ണങ്ങൾ പരാജ​യ​പ്പെ​ട്ടേ​ക്കാം.—ആമോസ്‌ 3:3 താരത​മ്യം ചെയ്യുക.

അപ്പോ​സ്‌ത​ല​നാ​യ യോഹ​ന്നാ​നു തന്റെ സുഹൃ​ത്തായ ഗായൊ​സി​നെ കാണാൻ സാധി​ക്കാ​തെ വന്നപ്പോൾ ‘മഷിയും തൂവലും​കൊണ്ട്‌ എഴുതി’ അവനു​മാ​യി സമ്പർക്കം പുലർത്തി​യെന്നു ബൈബിൾ നമ്മോടു പറയുന്നു. (3 യോഹ​ന്നാൻ 13, NW) പരസ്‌പരം ഒരു എഴുത്തോ കാർഡോ പതിവാ​യി, ഒരുപക്ഷേ ആഴ്‌ച​യി​ലൊ​രി​ക്ക​ലോ മാസത്തി​ലൊ​രി​ക്ക​ലോ, അയയ്‌ക്കാ​നും നിങ്ങൾക്കു സമ്മതി​ക്കാ​വു​ന്ന​താണ്‌. ദീർഘ​ദൂ​ര​ത്തേക്കു ഫോൺ ചെയ്യാ​നുള്ള പണച്ചെ​ല​വു​കൾ നിങ്ങളു​ടെ മാതാ​പി​താ​ക്കൾക്കൊ​രു പ്രശ്‌ന​മ​ല്ലെ​ങ്കിൽ കൂടെ​ക്കൂ​ടെ ഫോൺ ചെയ്‌ത്‌ ജീവി​ത​ത്തിൽ അടുത്ത​കാ​ല​ത്തു​ണ്ടായ സംഭവ​വി​കാ​സ​ങ്ങ​ളെ​ക്കു​റി​ച്ചുള്ള വിവരങ്ങൾ കൈമാ​റാൻ സാധി​ക്കും. അല്ലെങ്കിൽ കാസെ​റ്റി​ലോ വീഡി​യോ ടേപ്പി​ലോ റെക്കോർഡു ചെയ്‌ത സന്ദേശങ്ങൾ പരസ്‌പരം കൈമാ​റാ​നും നിങ്ങൾക്കു സമ്മതി​ക്കാ​വു​ന്ന​താണ്‌. ഭാവി​യിൽ, ഒരു വാരാന്ത്യ സന്ദർശനം അല്ലെങ്കിൽ ഒരുമിച്ച്‌ ഒരു അവധി​ക്കാ​ലം ചെലവ​ഴി​ക്കാ​നള്ള ക്രമീ​ക​ര​ണം​പോ​ലു​മോ ചെയ്യാൻ കഴി​ഞ്ഞെ​ന്നു​വ​രാം. അങ്ങനെ സൗഹൃദം തുടർന്നും പുഷ്ടി​പ്പെ​ടും.

ശൂന്യത നികത്തൽ

എങ്കിലും, ഒരു ഉത്തമസു​ഹൃ​ത്തി​ന്റെ വേർപാട്‌ നിങ്ങളു​ടെ ജീവി​ത​ത്തിൽ ശൂന്യത ഉളവാ​ക്കും. തത്‌ഫ​ല​മാ​യി, കൂടുതൽ സമയം ഇപ്പോൾ ലഭ്യമാ​ണെന്നു നിങ്ങൾ കണ്ടെത്തും. ആ സമയം പാഴാ​ക്കി​ക്ക​ള​യ​രുത്‌. (എഫെസ്യർ 5:16) ഫലദാ​യ​ക​മായ എന്തെങ്കി​ലും ചെയ്യു​ന്ന​തിന്‌—ഒരുപക്ഷേ, പുതി​യൊ​രു സംഗീ​തോ​പ​ക​രണം വായി​ക്കാൻ പഠിക്കു​ന്ന​തി​നോ പുതി​യൊ​രു ഭാഷയിൽ പ്രാവീ​ണ്യം നേടു​ന്ന​തി​നോ ഒരു ഹോബി​യിൽ ഏർപ്പെ​ടു​ന്ന​തി​നോ—ആ സമയം വിനി​യോ​ഗി​ക്കുക. സഹായം ആവശ്യ​മു​ള്ള​വർക്കു​വേണ്ടി ഒരു കൈയാ​ളാ​യി പ്രവർത്തി​ക്കു​ന്നതു സമയത്തെ ഫലദാ​യ​ക​മായ വിധത്തിൽ ഉപയോ​ഗി​ക്കാൻ പറ്റിയ മാർഗ​മാണ്‌. നിങ്ങൾ ഒരു യഹോ​വ​യു​ടെ സാക്ഷി​യാ​ണെ​ങ്കിൽ പ്രസം​ഗ​പ്ര​വർത്ത​ന​ത്തി​ലുള്ള നിങ്ങളു​ടെ പങ്കു വർധി​പ്പി​ക്കാൻ സാധി​ക്കും. (മത്തായി 24:14) അല്ലെങ്കിൽ നിങ്ങൾക്കു രസാവ​ഹ​മായ ഒരു ബൈബിൾ പഠനപ​ദ്ധതി തുടങ്ങാൻ സാധി​ക്കും.

അതിലു​മു​പ​രി, അപ്പോ​സ്‌ത​ല​നായ പൗലൊസ്‌ കൊരി​ന്ത്യ ക്രിസ്‌താ​നി​കളെ, “വിശാ​ല​ത​യു​ള്ള​വ​രാ​യി”രിക്കാൻ—അതായത്‌, തങ്ങളുടെ സുഹൃ​ദ്വ​ല​യ​ത്തിൽ മറ്റുള്ള​വരെ ഉൾപ്പെ​ടു​ത്താൻ—ബുദ്ധ്യു​പ​ദേ​ശി​ച്ചു. (2 കൊരി​ന്ത്യർ 6:13) ഒരുപക്ഷേ സുഹൃ​ത്തു​ക്ക​ളാ​യി​ത്തീ​രു​മാ​യി​രുന്ന മറ്റുള്ള​വരെ അവഗണി​ച്ചു​കൊണ്ട്‌ ഒരു സുഹൃ​ത്തി​നോ​ടൊ​പ്പം മാത്രം നിങ്ങൾ ഏറെ സമയം ചെലവ​ഴി​ച്ചി​രി​ക്കാം. യഹോ​വ​യു​ടെ സാക്ഷി​കൾക്കി​ട​യി​ലുള്ള യുവജ​നങ്ങൾ, സൗഹൃദം തുടങ്ങാ​നുള്ള അവസരങ്ങൾ മിക്ക​പ്പോ​ഴും പ്രാ​ദേ​ശിക സഭകളിൽത്തന്നെ യഥേഷ്ടം ലഭ്യമാ​ണെന്നു കണ്ടെത്തു​ന്നു. അതു​കൊണ്ട്‌, സഭാ​യോ​ഗ​ങ്ങൾക്കു നേരത്തേ ഹാജരാ​കാ​നും യോഗ​ങ്ങൾക്കു​ശേഷം അൽപ്പ​നേരം തങ്ങാനും ശ്രമി​ക്കുക. ആളുകളെ അറിയാൻ തക്കവിധം കൂടുതൽ സമയം ഇതു നിങ്ങൾക്കു നൽകും. ക്രിസ്‌തീയ കൺ​വെൻ​ഷ​നു​ക​ളും ചെറിയ സാമൂ​ഹിക കൂടി​വ​ര​വു​ക​ളും പുതിയ സുഹൃ​ത്തു​കളെ സമ്പാദി​ക്കു​ന്ന​തി​നുള്ള മറ്റവസ​രങ്ങൾ പ്രദാനം ചെയ്യുന്നു.

എങ്കിലും ഒരു കാര്യം ശ്രദ്ധി​ക്കു​ന്നത്‌ ഉചിത​മാ​യി​രി​ക്കും: നിങ്ങളു​ടെ ആത്മീയ ലാക്കു​ക​ളും മൂല്യ​ങ്ങ​ളും പങ്കിടാത്ത ചെറു​പ്പ​ക്കാ​രു​മാ​യി അടുത്തു സഹവസി​ക്ക​ത്ത​ക്ക​വി​ധം പുതിയ സുഹൃ​ത്തു​ക്കളെ സമ്പാദി​ക്കാൻ തിടുക്കം കാട്ടരുത്‌. അത്തരം ആളുകൾ നിങ്ങളെ പ്രതി​കൂ​ല​മായ വിധത്തിൽ സ്വാധീ​നി​ച്ചേ​ക്കാം. മാത്രമല്ല, അതു നിങ്ങൾക്കു ഗുണ​ത്തേ​ക്കാ​ളേറെ ദോഷം ചെയ്‌തേ​ക്കാം. (സദൃശ​വാ​ക്യ​ങ്ങൾ 13:20; 1 കൊരി​ന്ത്യർ 15:33) സത്‌സ്വ​ഭാ​വി​ക​ളെന്നു പേരെ​ടുത്ത ആത്മീയ ചിന്താ​ഗ​തി​ക്കാ​രായ ചെറു​പ്പ​ക്കാ​രു​മാ​യി​മാ​ത്രം സഹവസി​ക്കുക.

അപ്രകാ​ര​മു​ള്ള ആരെ​യെ​ങ്കി​ലും കണ്ടുമു​ട്ടു​മ്പോൾ എന്തെങ്കി​ലും ഒരുമി​ച്ചു ചെയ്യാൻ ആസൂ​ത്രണം ചെയ്‌തു​കൊണ്ട്‌ സൗഹൃദം വളർത്തി​യെ​ടു​ക്കുക. ഒരുമി​ച്ചി​രുന്ന്‌ ഒരു​നേരം ഭക്ഷണം കഴിക്കുക. ഒരു കാഴ്‌ച​ബം​ഗ്ലാ​വു സന്ദർശി​ക്കുക. ഒരുമി​ച്ചു നടക്കാൻ പോകുക. ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത ആളുകളെ അറിയി​ച്ചു​കൊണ്ട്‌ ക്രിസ്‌തീയ ശുശ്രൂ​ഷ​യിൽ ഒരു ദിവസം ഒരുമി​ച്ചു ചെലവി​ടാൻവേണ്ട ക്രമീ​ക​രണം ചെയ്യുക. സമയവും ശ്രമവും ചെലവി​ടു​ന്ന​പക്ഷം പുതിയ സുഹൃ​ദ്‌ബന്ധം വളരും. കാരണം, ക്രിസ്‌തീയ സ്‌നേഹം വിപു​ല​മാ​ക​യാൽ—മറ്റുള്ള​വരെ കൂടെ ഉൾപ്പെ​ടു​ത്താൻ തക്കവണ്ണം അതു ‘വിശാ​ല​മാ​ക​യാൽ’—പുതിയ സുഹൃ​ത്തു​ക്കളെ സമ്പാദി​ക്കു​മ്പോൾ താമസം മാറ്റിയ പഴയ സുഹൃ​ത്തി​നോട്‌ അവിശ്വ​സ്‌തത കാണി​ച്ച​താ​യി തോന്നേണ്ട കാര്യ​മില്ല.

നിങ്ങളെ ഏറ്റവും കൂടുതൽ സ്‌നേ​ഹി​ക്കു​ന്ന​വ​രോട്‌—നിങ്ങളു​ടെ മാതാ​പി​താ​ക്ക​ളോട്‌—അടുക്കാ​നും നിങ്ങൾക്ക്‌ അവസരം തക്കത്തിൽ വിനി​യോ​ഗി​ക്കാൻ കഴിയും. അവരുടെ സഖിത്വം തേടു​ന്ന​തിൽ നിങ്ങൾക്ക്‌ ആദ്യം ജാള്യം തോന്നു​മെ​ങ്കി​ലും അവർ വലി​യൊ​രു സഹായ​മാ​യി​രി​ക്കും. ജോഷ്‌ എന്നു പേരുള്ള ഒരു യുവാവ്‌ പറഞ്ഞു: “മമ്മി​യോ​ടും ഡാഡി​യോ​ടും അന്ന്‌ അത്ര അടുപ്പം ഇല്ലായി​രു​ന്ന​തു​കൊണ്ട്‌ അവരു​മാ​യി സമയം ചെലവ​ഴി​ക്കാൻ എനിക്കു വളരെ ശ്രമം ചെലു​ത്തേ​ണ്ടി​വന്നു. പക്ഷേ, ഇപ്പോൾ അവർ എന്റെ ഏറ്റവും അടുത്ത സുഹൃ​ത്തു​ക്ക​ളാണ്‌!”

നിങ്ങൾക്ക്‌ ഇപ്പോ​ഴും സ്വർഗ​ത്തിൽ ഒരു സുഹൃ​ത്തു​ണ്ടെ​ന്നും ഓർക്കുക. 13 വയസ്സു​കാ​രൻ ഡാൻ പറഞ്ഞതു​പോ​ലെ, “നിങ്ങൾ വാസ്‌ത​വ​ത്തിൽ തനിച്ചല്ല, നിങ്ങൾക്കു യഹോ​വ​യുണ്ട്‌.” നമ്മുടെ സ്വർഗീയ പിതാ​വി​നെ പ്രാർഥ​ന​യി​ലൂ​ടെ നമുക്ക്‌ എപ്പോ​ഴും ലഭ്യമാണ്‌. നിങ്ങൾ അവനെ ആശ്രയി​ക്കു​ന്നെ​ങ്കിൽ പ്രയാ​സ​ക​ര​മായ ഈ സാഹച​ര്യ​ത്തെ തരണം​ചെ​യ്യാൻ അവൻ നിങ്ങളെ സഹായി​ക്കും.—സങ്കീർത്തനം 55:22.

ഒരു ക്രിയാ​ത്മക വീക്ഷണം പുലർത്തു​ക

ജ്ഞാനി​യായ ശലോ​മോൻ രാജാവ്‌ ഈ ഉപദേശം നൽകി: “പണ്ടത്തേ കാലം ഇപ്പോ​ഴ​ത്തേ​തി​നെ​ക്കാൾ നന്നായി​രു​ന്ന​തി​ന്റെ കാരണം എന്തു എന്നു നീ ചോദി​ക്ക​രു​തു.” (സഭാ​പ്ര​സം​ഗി 7:10) മറ്റുവി​ധ​ത്തിൽ പറഞ്ഞാൽ, ഗതകാ​ല​ത്തിൽ മുങ്ങി​ത്തു​ടി​ക്ക​രുത്‌. ഏതൽക്കാ​ലത്തെ പരമാ​വധി വിനി​യോ​ഗി​ക്കുക. ഇപ്പോൾ 20-ാം വയസ്സി​ലേക്കു കാലൂ​ന്നിയ ബിൽ തന്റെ ഉത്തമസു​ഹൃ​ത്തി​നെ നഷ്ടമാ​യ​പ്പോൾ ചെയ്‌തത്‌ അതുത​ന്നെ​യാ​യി​രു​ന്നു. അവൻ അനുസ്‌മ​രി​ച്ചു: “കുറച്ചു​ക​ഴി​ഞ്ഞ​പ്പോൾ ഞാൻ പുതിയ സുഹൃ​ത്തു​ക്കളെ സമ്പാദി​ക്കാൻ തുടങ്ങി. ഗതകാ​ല​ത്തെ​ക്കു​റി​ച്ചു ഞാൻ ഏറെ​യൊ​ന്നും ചിന്തി​ച്ചില്ല. ഭാവി​ക്കു​വേണ്ടി തയ്യാ​റെ​ടു​ക്കാ​നും ഏതൽക്കാ​ല​ത്തിന്‌ അനു​യോ​ജ്യ​മാ​യി ജീവി​ക്കാ​നും ഞാൻ ശ്രമിച്ചു.”

ഈ നിർദേ​ശങ്ങൾ സഹായ​ക​മാ​യേ​ക്കാം. എങ്കിലും ഉത്തമസു​ഹൃത്ത്‌ താമസം മാറ്റു​ന്നതു ദുഃഖ​ക​ര​മായ ഒരു സംഗതി​ത​ന്നെ​യാണ്‌. നിങ്ങൾ ഒരുമി​ച്ചാ​യി​രു​ന്ന​പ്പോ​ഴത്തെ ഓർമകൾ കുറച്ചു​കാ​ല​ത്തേക്കേ നിങ്ങളെ വേദനി​പ്പി​ക്കു​ക​യു​ള്ളൂ. മാറ്റം ജീവി​ത​ത്തി​ന്റെ ഒരു ഭാഗമാ​ണെ​ന്നും അതു നിങ്ങൾക്കു പക്വത വരാനും വളരാ​നു​മുള്ള അവസരം പ്രദാനം ചെയ്യു​ന്നു​വെ​ന്നും ഓർക്കുക. ഒരു വിശിഷ്ട സുഹൃ​ത്തി​ന്റെ സ്ഥാനത്തു മറ്റൊ​രാ​ളെ സ്ഥാപി​ക്കാൻ പൂർണ​മാ​യും കഴിയി​ല്ലെ​ങ്കി​ലും “യഹോ​വെ​ക്കും മനുഷ്യർക്കും പ്രീതി​യു​ള്ള​വനാ”ക്കിത്തീർക്കുന്ന ഗുണങ്ങൾ നിങ്ങൾക്കു വളർത്തി​യെ​ടു​ക്കാൻ സാധി​ക്കും. (1 ശമൂവേൽ 2:26) നിങ്ങൾ അങ്ങനെ ചെയ്യു​മ്പോൾ സുഹൃത്ത്‌ എന്നു വിളി​ക്കാൻ കഴിയുന്ന ആരെങ്കി​ലു​മൊ​ക്കെ നിങ്ങൾക്കു​ണ്ടാ​യി​രി​ക്കും!

[15-ാം പേജിലെ ചിത്രം]

ഉത്തമസുഹൃത്തിനു വിടനൽകു​ന്നതു വേദനാ​ജ​ന​ക​മായ ഒരു അനുഭ​വ​മാണ്‌