പോർട്ട്‌ ആർതറി​ലെ കൂട്ടക്കു​രു​തി—അതു സംഭവി​ച്ചത്‌ എന്തു​കൊണ്ട്‌?

ഓസ്‌ട്രേലിയയിലെ ഉണരുക! ലേഖകൻ

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റാറ്‌ ഏപ്രിൽ 28 ഞായറാഴ്‌ച ഉച്ചസമയം. ഓസ്‌​ട്രേ​ലി​യ​യി​ലെ ടാസ്‌മാ​നി​യ​യി​ലുള്ള പേരു​കേട്ട ഒരു വിനോ​ദ​സ​ഞ്ചാ​ര​കേ​ന്ദ്ര​മായ പോർട്ട്‌ ആർതറി​ലെ ചരി​ത്ര​പ്ര​സി​ദ്ധ​മായ സ്ഥലത്ത്‌ കാലാവസ്ഥ പ്രസന്ന​മാ​യി​രു​ന്നു. ബ്രോഡ്‌ ആരോ കഫേ, ഉച്ചഭക്ഷണം കഴിക്കുന്ന ആളുക​ളെ​ക്കൊ​ണ്ടു തിങ്ങി​നി​റ​ഞ്ഞി​രു​ന്നു. ഉച്ചകഴിഞ്ഞ്‌ ഏതാണ്ട്‌ 1.30 ആയപ്പോൾ കഫേയു​ടെ പുറം​തി​ണ്ണ​യി​ലി​രു​ന്നു ഭക്ഷണം കഴി​ച്ചെ​ഴു​ന്നേറ്റ ചെമ്പൻ തലമു​ടി​യുള്ള ഒരു 28 വയസ്സു​കാ​രൻ കെട്ടി​ട​ത്തി​ന​കത്തു കടന്നു വെടി​വെ​ക്കാൻ ആരംഭി​ച്ചു.

രക്ഷാധി​കാ​രി​കൾ കസേര​ക​ളിൽ മരിച്ചു​വീ​ണു, ആഹാര​സാ​ധ​നങ്ങൾ അപ്പോ​ഴും തങ്ങളുടെ വായി​ലി​രി​ക്കെ​ത്തന്നെ. “പടക്കള​ത്തി​ലെ കൂട്ടക്കു​രു​തി​പോ​ലെ”യായി​രു​ന്നു അതെന്ന്‌ പൊലീസ്‌ പറഞ്ഞു. എല്ലാവ​രും മരി​ച്ചെന്നു ബോധ്യ​മാ​യ​പ്പോൾ തോക്കു​ധാ​രി കൂസലി​ല്ലാ​തെ പുറ​ത്തേക്കു നടന്നു. 20 പേരെ അയാൾ വധിച്ചി​രു​ന്നു. നാലു വർഷം​കൊണ്ട്‌ ടാസ്‌മാ​നി​യ​യി​ലെ മുഴു ദ്വീപ​സം​സ്ഥാ​ന​ത്തി​ലും നടന്നി​ട്ടു​ള്ള​തി​നെ​ക്കാ​ള​ധി​കം ഹത്യകൾ അയാൾ സെക്കൻഡു​കൾകൊ​ണ്ടു നടത്തി​യി​രു​ന്നു!

ഇരകളെ ഒന്നൊ​ന്നാ​യി കൊ​ന്നൊ​ടു​ക്കി​ക്കൊണ്ട്‌ തോക്കു​ധാ​രി തന്റെ സംഹാ​ര​താ​ണ്ഡവം തുടർന്നു. ദൃഷ്ടാ​ന്ത​ത്തിന്‌, ചരി​ത്ര​പ്ര​സി​ദ്ധ​മായ ആ സ്ഥലത്തിന്റെ ബഹിർഗ​മ​ന​ദ്വാ​ര​ത്തി​ലേക്കു പോകുന്ന വഴിയി​ലാ​യി നാനിറ്റ്‌ മീഖാ​ഷി​നെ​യും അവരുടെ കൊച്ചു​പെൺമ​ക്ക​ളെ​യും അയാൾ കണ്ടു. നാനി​റ്റി​നെ​യും അവരുടെ മൂന്നു​വ​യ​സ്സു​കാ​രി മകളെ​യും അയാൾ വകവരു​ത്തി. ആറുവ​യ​സ്സു​കാ​രി രക്ഷപ്പെ​ടാൻ ശ്രമി​ക്കവേ അയാൾ അവളെ പിന്തു​ടർന്നു. പേടി​ച്ചു​വി​റച്ച്‌ ഒരു വൃക്ഷത്തി​നു പിന്നിൽ ഒളിച്ചി​രുന്ന അവളെ​യും അയാൾ വെടി​വെച്ചു കൊന്നു.

അതിനു​ശേ​ഷം, ചരി​ത്ര​പ്ര​സി​ദ്ധ​മായ സ്ഥലത്തിന്റെ ബഹിർഗ​മ​ന​ദ്വാ​ര​ത്തി​ലുള്ള ചുങ്കം അടയ്‌ക്കുന്ന സ്ഥലത്തി​ന​ടു​ത്തു​വെച്ച്‌ ബിഎം​ഡ​ബ്ലി​യു-വിൽ (കാർ) വന്ന മൂന്നു​പേരെ വധിച്ച​ശേഷം തോക്കു​ധാ​രി കാർ കൈക്ക​ലാ​ക്കി. പിന്നീട്‌, കുറച്ചു ദൂരം പോയ​പ്പോൾ മറ്റൊരു കാറിൽ വന്ന ഒരു ദമ്പതി​കളെ അയാൾ കണ്ടുമു​ട്ടി. പുരു​ഷനെ അയാൾ ബിഎം​ഡ​ബ്ലി​യു-വിന്റെ ട്രങ്കി​ലേക്കു തള്ളിയി​ട്ടു. സ്‌ത്രീ​യെ അയാൾ വധിച്ചു. എന്നിട്ട്‌ കുറച്ച​ക​ലെ​യുള്ള സീസ്‌കെ​യ്‌പ്പ്‌ കോ​ട്ടേജ്‌ ഗസ്റ്റ്‌ഹൗ​സി​ലേക്കു കാറോ​ടി​ച്ചു​പോ​യി—ഉച്ചയ്‌ക്ക്‌ 2.00 മണി​യോ​ടെ അയാൾ അവി​ടെ​യെത്തി. അവി​ടെ​വെച്ച്‌ അയാൾ ബിഎം​ഡ​ബ്ലി​യു കാറിനു തീകൊ​ളു​ത്തി. തട്ടി​ക്കൊ​ണ്ടു​പോന്ന വ്യക്തി​യെ​യും ഗസ്റ്റ്‌ഹൗ​സി​ന്റെ ഉടമസ്ഥ​രായ പ്രായ​മായ ദമ്പതി​ക​ളെ​യും ബന്ദിക​ളാ​ക്കി​വെച്ചു. കഫേയിൽനി​ന്നു പോന്ന​ശേഷം അയാൾ 12 പേരെ കൊന്നി​രു​ന്നു. മരണനി​രക്ക്‌ 32 ആയി ഉയർന്നു. മറ്റുപ​ലർക്കും പരി​ക്കേ​റ്റി​രു​ന്നു.

ഞായറാഴ്‌ച ഉച്ചകഴി​ഞ്ഞത്തെ പ്രസം​ഗ​വേല

ഇതിനി​ട​യിൽ, യഹോ​വ​യു​ടെ സാക്ഷി​ക​ളു​ടെ പോർട്ട്‌ ആർതർ സഭയിലെ അംഗങ്ങ​ളായ ജെനീ സീഗ്ലെ​റും കുടും​ബ​വും ശുശ്രൂ​ഷ​യിൽ പങ്കെടു​ക്കു​ന്ന​തി​നുള്ള തയ്യാ​റെ​ടു​പ്പോ​ടെ 1.30-നു കൂടി​വന്നു. എന്നിട്ട്‌, കുടും​ബം പോർട്ട്‌ ആർതറി​ലെ ചരി​ത്ര​പ്ര​സി​ദ്ധ​മായ സ്ഥലത്തേക്കു യാത്ര​തി​രി​ച്ചു. ജെനീക്ക്‌ സീസ്‌കെ​യ്‌പ്പ്‌ കോ​ട്ടേജ്‌ ഗസ്റ്റ്‌ഹൗസ്‌ ഉടമസ്ഥ​നായ ഡേവിഡ്‌ മാർട്ടി​നെ സന്ദർശി​ക്ക​ണ​മാ​യി​രു​ന്നു. സൗഹാർദ മനോ​ഭാ​വ​മുള്ള ഒരു വ്യക്തി​യാ​യി​രു​ന്നു അദ്ദേഹം. മുമ്പ്‌ അവരും മറ്റൊരു സഹോ​ദ​രി​യും അദ്ദേഹ​വു​മാ​യി രസകര​മായ ഒരു ബൈബിൾചർച്ച നടത്തി​യി​രു​ന്നു.

2.00 മണി കഴിഞ്ഞ​തേ​യു​ണ്ടാ​യി​രു​ന്നു​ള്ളൂ. ജെനീ​യും ഭർത്താ​വും കുട്ടി​ക​ളും ഗസ്റ്റ്‌ഹൗ​സി​നോ​ട​ടു​ത്ത​പ്പോൾ പുൽത്ത​കി​ടി​യിൽ കിടന്നി​രുന്ന ഒരു കാറിൽനി​ന്നു പുക ഉയരു​ന്ന​താ​യി അവർ ശ്രദ്ധിച്ചു. പൊലീസ്‌ ഉദ്യോ​ഗ​സ്ഥ​ന്മാർ അവരെ തടഞ്ഞു​കൊണ്ട്‌ വന്നവഴി​യേ​തന്നെ പോകാൻ പറഞ്ഞു. “അവിടത്തെ അന്തരീ​ക്ഷ​ത്തിൽ എന്തൊ​ക്കെ​യോ ദുരൂഹത തങ്ങിനി​ന്നി​രു​ന്ന​താ​യി ഞങ്ങൾക്കു തോന്നി,” ജെനീ അഭി​പ്രാ​യ​പ്പെട്ടു. “റോഡു​കൾ പതിവി​ല്ലാ​ത്ത​വി​ധം ആളൊ​ഴി​ഞ്ഞു കാണ​പ്പെട്ടു.”

എങ്കിലും, എന്തെങ്കി​ലും കുഴപ്പം പറ്റിയി​ട്ടു​ണ്ടെന്ന്‌ അപ്പോ​ഴും അറിവി​ല്ലാ​തി​രു​ന്ന​തു​കൊണ്ട്‌ ആസൂ​ത്രണം ചെയ്‌ത പ്രസം​ഗ​വേല നിർവ​ഹി​ക്കു​ന്ന​തി​നു കുടും​ബം ദേശീ​യ​പാ​ത​യി​ലൂ​ടെ ഒരു കൊച്ചു കടൽപ്പു​റ​ത്തേക്കു തിരിച്ചു. അവിടെ എല്ലാം സാധാ​ര​ണ​ഗ​തി​യി​ലാ​യി​രു​ന്നു: വെള്ളത്തിൽ കുട്ടികൾ നീന്തുന്നു, കടലോ​ര​ത്തിൽ അങ്ങു ദൂരെ​വരെ ആളുകൾ നടക്കുന്നു. വയസ്സു​ചെന്ന ഒരു ദമ്പതികൾ തങ്ങളുടെ കാറിൽ പുസ്‌തകം വായി​ച്ചു​കൊണ്ട്‌ ഇരിക്കു​ന്നു. “എന്റെ ഭർത്താവ്‌ അവരെ സമീപി​ച്ചു. തുടർന്ന്‌ ഒരു രസികൻ ചർച്ചയും നടന്നു,” ജെനീ പറഞ്ഞു. “ദേശീ​യ​പാ​ത​യിൽ എന്തോ പ്രശ്‌ന​മു​ള്ള​തു​പോ​ലെ തോന്നു​ന്ന​താ​യി അദ്ദേഹം അവരെ അറിയി​ച്ചു. അതു​കൊണ്ട്‌, കടൽപ്പു​റ​ത്തു​നി​ന്നു പോകു​മ്പോൾ മറ്റൊരു വഴിക്കു തിരി​ച്ചു​പോ​ക​ണ​മെ​ന്നും അദ്ദേഹം നിർദേ​ശി​ച്ചു. ഞാൻ ഒരു ചെറു​പ്പ​ക്കാ​ര​നോ​ടു ഹ്രസ്വ​മാ​യി സംസാ​രി​ച്ചു. താമസി​യാ​തെ ഞങ്ങൾ മടങ്ങി.”

പോർട്ട്‌ ആർതറി​ലെ ചരി​ത്ര​പ്ര​സി​ദ്ധ​മായ സ്ഥലത്തേക്കു പോകുന്ന റോഡി​ലൂ​ടെ സീഗ്ലെർ കുടും​ബം യാത്ര​തു​ടർന്നു. “അവിടെ, ആ സ്ഥലത്തേ​ക്കുള്ള പ്രവേ​ശ​ന​ദ്വാ​രം തടഞ്ഞു​കൊണ്ട്‌ കുറേ കാറുകൾ കിടന്നി​രു​ന്നു,” ജെനീ വിശദ​മാ​ക്കി. “വെടി​വെ​ച്ചു​കൊ​ല്ല​പ്പെട്ട ആളുക​ളു​ടെ ശരീരത്തെ കാഴ്‌ച​യിൽനി​ന്നു മറയ്‌ക്കത്തക്ക വിധമാ​യി​രു​ന്നു അവ കിടന്നി​രു​ന്ന​തെന്നു ഞങ്ങൾ പിന്നീടു മനസ്സി​ലാ​ക്കി. ഒരാൾ ഞങ്ങൾക്ക്‌ ഇപ്രകാ​ര​മുള്ള അറിയി​പ്പു നൽകി: ‘ഒരുത്തൻ തോക്കു​മാ​യി ഭ്രാന്തു പിടിച്ച്‌ ഓടി​ന​ട​പ്പുണ്ട്‌. 15 പേർ മരി​ച്ചെന്നു തോന്നു​ന്നു!’ ഉടനടി അവിടം വിടാ​നുള്ള ഉപദേശം ഞങ്ങൾക്കു ലഭിച്ചു.”

വല്ലാ​ത്തൊ​രു പര്യവ​സാ​നം

അഗ്നിപ​രീക്ഷ അപ്പോ​ഴും അവസാ​നി​ച്ചി​രു​ന്നില്ല. ജെനീ പറഞ്ഞ​പ്ര​കാ​രം: “തോക്കു​ധാ​രി എവി​ടെ​യാ​യി​രു​ന്നെന്ന്‌ അറിയാ​ത്ത​തു​കൊണ്ട്‌ വീട്ടി​ലേക്കു വണ്ടി​യോ​ടി​ച്ചു​പോ​കുക എന്നത്‌ ഒരു പരീക്ഷണം തന്നെയാ​യി​രു​ന്നു. റോഡിൽ മറ്റൊരു കാർ കണ്ടുമു​ട്ടു​മ്പോ​ഴൊ​ക്കെ അതിൽ അയാളു​ണ്ടാ​യി​രി​ക്കു​മോ എന്നു ഞങ്ങൾ സംശയി​ച്ചു. സുരക്ഷി​ത​മാ​യി വീട്ടിൽ തിരി​ച്ചെ​ത്തി​യെ​ങ്കി​ലും ആക്രമ​ണ​ത്തിന്‌ ഇരയാ​കാ​നുള്ള സാധ്യ​ത​യു​ണ്ടെന്ന തോന്ന​ലാ​യി​രു​ന്നു ഞങ്ങൾക്ക്‌. കാരണം, പ്രദേ​ശ​ത്തെ​ക്കു​റിച്ച്‌ അറിയാ​വുന്ന ഒരു വ്യക്തിക്ക്‌ എളുപ്പം ഒളിഞ്ഞി​രി​ക്കാ​വുന്ന ഒരു ഒറ്റപ്പെട്ട പ്രദേ​ശ​ത്താ​യി​രു​ന്നു ഞങ്ങൾ താമസി​ച്ചി​രു​ന്നത്‌. ഉച്ചകഴിഞ്ഞ ആ സമയത്ത്‌ ഞങ്ങൾ എവി​ടേ​ക്കാ​ണു പോയി​രു​ന്ന​തെന്ന്‌ അറിയാ​മാ​യി​രുന്ന ഞങ്ങളുടെ ക്രിസ്‌തീയ സഹോ​ദ​രീ​സ​ഹോ​ദ​ര​ന്മാർ ഒട്ടും​വൈ​കാ​തെ​തന്നെ ഞങ്ങൾ സുരക്ഷി​ത​രാ​ണോ​യെ​ന്ന​റി​യാൻ ഫോൺ ചെയ്‌തു തുടങ്ങി.

“സംഭവി​ച്ച​തി​നെ​ക്കു​റി​ച്ചു ചിന്തി​ക്കവേ, ഗസ്റ്റ്‌ഹൗസ്‌ ഉടമസ്ഥനെ സന്ദർശി​ക്കാൻ ഏതാനും മിനി​റ്റു​കൾക്കു​മു​മ്പാ​യി​രു​ന്നു എത്തി​ച്ചേർന്നി​രു​ന്ന​തെ​ങ്കിൽ കൊല​ചെ​യ്യ​പ്പെ​ട്ട​വ​രു​ടെ കൂട്ടത്തിൽ ഞങ്ങളും ഉൾപ്പെ​ടു​മാ​യി​രു​ന്നു​വെന്നു ഞങ്ങൾ മനസ്സി​ലാ​ക്കി. അവി​ടെ​യുള്ള പൊലീ​സു​ക​രോ​ടു ഞങ്ങൾ സംസാ​രി​ക്കു​മ്പോ​ഴും കൊല​യാ​ളി​ക്കു തന്റെ തോക്ക്‌ ഞങ്ങളുടെ നേരെ ഉന്നം​വെ​ക്കാ​മാ​യി​രു​ന്ന​ല്ലോ എന്നോർത്തു ഞങ്ങൾ കിടി​ലം​കൊ​ണ്ടു!”

ഒടുവിൽ, ആ ഞായറാഴ്‌ച രാത്രി 200-ലേറെ പൊലീ​സു​കാർ ഗസ്റ്റ്‌ഹൗസ്‌ വളഞ്ഞു. തോക്കു​ധാ​രി​യു​ടെ തുരു​തു​രെ​യുള്ള വെടി​വെ​പ്പിൽനിന്ന്‌ ഒഴിഞ്ഞു​മാ​റാൻ അവർക്കു കമിഴ്‌ന്നു കിട​ക്കേ​ണ്ടി​വന്നു. രക്ഷപ്പെ​ടാൻ ഒരു ഹെലി​കോ​പ്‌റ്റർ അയാൾ ആവശ്യ​പ്പെ​ട്ട​തു​പോ​ലെ തോന്നു​ന്നു. എന്നാൽ, രാത്രി​യിൽ ഒത്തുതീർപ്പു​കൾ പരാജ​യ​പ്പെട്ടു. രാത്രി 8.00 മണി​യോ​ടെ വീട്ടിൽനി​ന്നു പുക ഉയരു​ന്ന​താ​യി കാണ​പ്പെട്ടു. പൊള്ള​ലേ​റ്റെ​ങ്കി​ലും തോക്കു​ധാ​രി ജീവ​നോ​ടെ പുറത്തു​വന്നു. സീഗ്ലെർ കുടും​ബം നേരത്തേ സന്ദർശി​ക്കാൻ ശ്രമിച്ച ആ ഗസ്റ്റ്‌ഹൗസ്‌ ഉടമസ്ഥൻ ഉൾപ്പെടെ മൂന്നു ബന്ദിക​ളും വീടിന്റെ കത്തിച്ചാ​മ്പ​ലായ അവശി​ഷ്ട​ങ്ങൾക്കി​ട​യിൽ മരിച്ചു​കി​ട​ക്കു​ന്ന​താ​യി പിന്നീടു കണ്ടെത്തി. ഇതോടെ മരണസം​ഖ്യ 35 ആയി.

അത്‌ എന്തു​കൊ​ണ്ടു സംഭവി​ച്ചു?

ഏതാണ്ട്‌ ഏഴാഴ്‌ച മുമ്പ്‌ മാർച്ച്‌ 13-ന്‌ സ്‌കോ​ട്ട്‌ലൻഡി​ലെ ഡൻബ്ലെ​നിൽ ഒരു തോക്കു​ധാ​രി ഒരു സ്‌കൂൾ ജിം​നേ​ഷ്യ​ത്തിൽ കടന്നു​ചെന്ന്‌ 16 കൊച്ചു​കു​ട്ടി​ക​ളെ​യും അവരുടെ അധ്യാ​പി​ക​യെ​യും വെടി​വെ​ച്ചു​വീ​ഴ്‌ത്തി​യി​രു​ന്നു. “ചോര​പ്പുഴ ഒഴുകി​യാൽ സംഭവം പ്രധാന വാർത്ത​യാ​കും” എന്ന ഒരു പഴയ ടെലി​വി​ഷൻ വാർത്ത​യോ​ടുള്ള ചേർച്ച​യിൽ ഇത്‌ ഒരു രാജ്യാ​ന്തര വാർത്ത​യാ​യി മാറി. ഓസ്‌​ട്രേ​ലി​യൻ തോക്കു​ധാ​രി, ഡൻബ്ലെ​നിൽ നടന്ന വധങ്ങളു​ടെ എണ്ണത്തെ കടത്തി​വെ​ട്ടാൻ ശ്രമി​ക്കു​ക​യാ​യി​രു​ന്നി​രി​ക്കാ​മെന്നു മനുഷ്യ​സ്വ​ഭാ​വ​ത്തെ​ക്കു​റി​ച്ചു പഠിക്കുന്ന ചില വിദഗ്‌ധർ അഭി​പ്രാ​യ​പ്പെ​ടു​ന്നു. വർഷങ്ങ​ളാ​യി ന്യൂ​യോർക്ക്‌ നഗരത്തെ കിടി​ലം​കൊ​ള്ളിച്ച, സോഡി​യാക്‌ കൊല​യാ​ളി എന്നുവി​ളി​ക്ക​പ്പെ​ട്ട​യാൾ, താൻ വായി​ച്ചി​ട്ടുള്ള കൊല​യാ​ളി​കളെ കടത്തി​വെ​ട്ടാൻ ശ്രമി​ച്ചി​ട്ടു​ണ്ടെന്നു പറഞ്ഞതു ശ്രദ്ധേ​യ​മാണ്‌.

കൊല​പാ​ത​ക​ങ്ങൾ വ്യാപ​ക​മാ​കാ​നുള്ള കാരണ​മാ​യി പലരും പറയു​ന്നത്‌, സിനി​മ​ക​ളി​ലും വീഡി​യോ​ക​ളി​ലും ചിത്രീ​ക​രി​ക്കുന്ന ലൈം​ഗി​ക​ത​യും അക്രമ​വു​മാണ്‌. ഓസ്‌​ട്രേ​ലി​യ​യു​ടെ ഹെറാൾഡ്‌ സൺ റിപ്പോർട്ടു ചെയ്യുന്നു: “പോർട്ട്‌ ആർതറി​ലെ കൂട്ട​ക്കൊല നടത്തി​യ​തി​നു പിടി​ക്ക​പ്പെട്ട കൊല​യാ​ളി മാർട്ടിൻ ബ്രയാൻറി​ന്റെ വീട്ടിൽനിന്ന്‌ അക്രമ​ങ്ങ​ളും അശ്ലീല​ങ്ങ​ളു​മുള്ള മൊത്തം 2,000 വീഡി​യോ​കൾ പിടി​ച്ചെ​ടു​ത്തു. . . . പോർട്ട്‌ ആർതറി​ലെ കൂട്ടക്കു​രു​തി​യിൽ അക്രമാ​സ​ക്ത​മായ ചലച്ചി​ത്ര​ങ്ങൾക്കുള്ള പങ്കി​ലേക്കു ശ്രദ്ധതി​രി​ക്ക​വേ​യാണ്‌ വീഡി​യോ കാസെ​റ്റു​കൾ കണ്ടെടു​ത്തത്‌.” അതു​പോ​ലെ​തന്നെ, കുറ്റസ​മ്മതം നടത്തിയ സോഡി​യാക്‌ കൊല​യാ​ളി​യു​ടെ “കട്ടിലിൽ രണ്ടു പെട്ടി അശ്ലീല വീഡി​യോ​കൾ കിടന്നി​രുന്ന”തായി ന്യൂ​യോർക്ക്‌ ഡെയ്‌ലി ന്യൂസ്‌ റിപ്പോർട്ടു ചെയ്‌തു.

പോർട്ട്‌ ആർതറി​ലെ കൂട്ടക്കു​രു​തി​യെ​ക്കു​റി​ച്ചുള്ള വിവരം പുറത്തു​വ​ന്ന​പ്പോൾ ചില ടെലി​വി​ഷൻ സ്റ്റേഷനു​കൾ പട്ടിക​പ്പെ​ടു​ത്തി​യി​രുന്ന തങ്ങളുടെ പരിപാ​ടി​ക​ളിൽ ഉടനടി മാറ്റം​വ​രു​ത്തി. പിന്നീട്‌, കോള​മെ​ഴു​ത്തു​കാ​ര​നായ പനെ​ലൊ​പി ലേയ്‌ലൻഡ്‌ “അക്രമ​വും ദുഃഖ​വും സംബന്ധിച്ച ടിവി കാപട്യം” എന്ന ലേഖനം എഴുതി. അദ്ദേഹം അഭി​പ്രാ​യ​പ്പെട്ടു: “ഒരുത​ര​ത്തിൽ പറഞ്ഞാൽ, അക്രമാ​സ​ക്ത​മായ ആ പരിപാ​ടി​കൾ അവതരി​പ്പി​ക്കാ​തി​രു​ന്നതു യാന്ത്രി​ക​മായ ഒരു കാട്ടി​ക്കൂ​ട്ട​ലാ​യി​രു​ന്നു. നാളെ, അടുത്ത ആഴ്‌ച, അടുത്ത മാസം, അതു പതിവു ബിസി​നസ്‌ തന്നെയാ​യി​രി​ക്കും.”

എങ്കിലും, അക്രമങ്ങൾ ഇത്ര വ്യാപ​ക​മാ​യി​രി​ക്കു​ന്ന​തി​ന്റെ കാരണം സംബന്ധിച്ച്‌ കൂടുതൽ ഉൾക്കാഴ്‌ച ലഭിക്ക​ണ​മെ​ങ്കിൽ നാം ബൈബി​ളി​ലേക്കു തിരി​യേ​ണ്ടി​യി​രി​ക്കു​ന്നു. ‘അന്ത്യകാ​ലത്തു ദുർഘ​ട​സ​മ​യങ്ങൾ വരും. മനുഷ്യൻ . . . അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ആയിരി​ക്കും’ എന്ന്‌ അത്‌ ദീർഘ​നാൾമു​മ്പു മുൻകൂ​ട്ടി​പ്പ​റഞ്ഞു. (2 തിമൊ​ഥെ​യൊസ്‌ 3:1-5) അതു​കൊണ്ട്‌, ഇന്നത്തെ അക്രമ​ത്തി​ന്റെ വർധനവ്‌, നാം അന്ത്യനാ​ളു​ക​ളി​ലാ​ണു ജീവി​ക്കു​ന്ന​തെ​ന്നും ഈ വ്യവസ്ഥി​തി​യു​ടെ സമാപനം അടുത്തി​രി​ക്കു​ന്നു​വെ​ന്നു​മു​ള്ള​തി​ന്റെ കൂടു​ത​ലായ തെളിവു മാത്ര​മാണ്‌.—മത്തായി 24:3-14.

പലരും സംശയി​ച്ചേ​ക്കാ​വു​ന്ന​തു​പോ​ലെ, ഭൂതങ്ങൾ—അദൃശ്യ ദുഷ്ടാ​ത്മ​സേ​നകൾ—കിരാ​ത​മായ, മാനു​ഷി​ക​മ​ല്ലാത്ത പെരു​മാ​റ്റം വ്യാപി​പ്പി​ക്കു​ന്ന​തിൽ ഉൾപ്പെ​ട്ടി​രി​ക്കു​ന്നു. (എഫെസ്യർ 6:12) പിശാ​ചായ സാത്താ​നെ​യും അവന്റെ ഭൂതങ്ങ​ളെ​യും സ്വർഗ​ത്തിൽനിന്ന്‌ പുറത്താ​ക്കി​യ​തി​നെ സംബന്ധി​ച്ചു വർണി​ച്ചു​കൊണ്ട്‌ ബൈബിൾ ഇപ്രകാ​രം പറയുന്നു: “ഭൂമി​ക്കും സമു​ദ്ര​ത്തി​നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” (വെളി​പ്പാ​ടു 12:7-9, 12) ഇപ്പോൾ നാം കഷ്ടത്തി​ന്റെ​തായ കാലഘ​ട്ട​ത്തി​ലാ​ണു ജീവി​ക്കു​ന്നത്‌. മനുഷ്യ​രെ​ക്കൊ​ണ്ടു കൂടുതൽ അക്രമങ്ങൾ ചെയ്യി​ക്കാൻ സാത്താ​നും അവന്റെ ഭൂതങ്ങ​ളും കിണഞ്ഞു പരി​ശ്ര​മി​ക്കു​ക​യാണ്‌.

എന്നാൽ, സാത്താ​നും അവന്റെ ഭൂതങ്ങ​ളും അവരുടെ ദുഷ്ട​ലോ​ക​വും താമസി​യാ​തെ പൊയ്‌പ്പോ​കും. നീതി​യു​ടെ​തായ ഒരു പുതിയ ഭൂമി​യിൽ ദൈവ​രാ​ജ്യ​ഭ​രണം ആരംഭി​ക്കും. (ദാനീ​യേൽ 2:44; മത്തായി 6:9, 10; 2 പത്രൊസ്‌ 3:13; 1 യോഹ​ന്നാൻ 2:17; വെളി​പ്പാ​ടു 21:3-5) ജെനീ ഇപ്രകാ​രം അഭി​പ്രാ​യ​പ്പെട്ടു: “ഇപ്പോൾ ഞങ്ങൾ ‘കരയു​ന്ന​വ​രോ​ടു​കൂ​ടെ കരയു​ക​യാണ്‌.’ എന്നാൽ, ഈ ദുരന്ത​ത്തി​ന്റെ ആഘാത​മേറ്റ സമുദാ​യ​ത്തി​ലെ ആളുക​ളു​മാ​യി രാജ്യ​പ്ര​ത്യാ​ശ പങ്കു​വെ​ക്കു​ക​യെ​ന്ന​താ​ണു ഞങ്ങളുടെ അഭിലാ​ഷം.”—റോമർ 12:15.

[17-ാം പേജിലെ ചിത്രം]

കൂട്ടക്കുരുതി ആരംഭിച്ച ബ്രോഡ്‌ ആരോ കഫേ

[16-ാം പേജിലെ ഭൂപട​ത്തിന്‌ കടപ്പാട]

Mountain High Maps® Copyright © 1995 Digital Wisdom, Inc.