നിങ്ങൾ ഓർമി​ക്കു​ന്നു​വോ?

വീക്ഷാഗോപുരത്തിന്റെ അടുത്ത കാലത്തെ ലക്കങ്ങൾ പ്രാ​യോ​ഗിക മൂല്യ​മു​ള്ള​താ​ണെന്നു നിങ്ങൾ കണ്ടെത്തി​യോ? അങ്ങനെ​യെ​ങ്കിൽ പിൻവ​രുന്ന ചോദ്യ​ങ്ങൾ ഉപയോ​ഗിച്ച്‌ എന്തു​കൊ​ണ്ടു നിങ്ങളു​ടെ ഓർമ​ശക്തി ഒന്നു പരി​ശോ​ധി​ച്ചു​കൂ​ടാ:

◻എന്തുകൊണ്ടാണു യഹോ​വ​യു​ടെ സാക്ഷികൾ തങ്ങളുടെ അയൽക്കാ​രെ വീണ്ടും വീണ്ടും സന്ദർശി​ക്കു​ന്നത്‌?

വാഗ്‌ദത്തരാജ്യം മുഖേ​ന​യുള്ള ദൈവ​ത്തി​ന്റെ അനു​ഗ്രഹം തങ്ങൾക്കു​ണ്ടാ​കാൻ യഹോ​വ​യു​ടെ സാക്ഷികൾ ആഗ്രഹി​ക്കു​ന്നു. തങ്ങളുടെ അയൽക്കാ​രെ സ്‌നേ​ഹി​ക്കു​ന്ന​തു​കൊണ്ട്‌ അതേ അനു​ഗ്രഹം അവർക്കും ലഭിക്ക​ണ​മെന്നു സാക്ഷികൾ ആഗ്രഹി​ക്കു​ന്നു. അങ്ങനെ, യേശു​വി​ന്റെ മാതൃക പിൻപ​റ​റുന്ന അവർ നിസ്വാർഥ സ്‌നേഹം ഹേതു​വാ​യി തങ്ങളുടെ അയൽക്കാ​രെ സന്ദർശി​ക്കാൻ നിർബ​ന്ധി​ത​രാ​കു​ന്നു. (മത്തായി 6:9, 10; 22:37-39)—8⁄15, പേജുകൾ 8, 9.

◻പരിണാമത്തിലുള്ള വിശ്വാ​സം, കേവലം ഒരു വിശ്വാ​സ​മാ​യി​രി​ക്കു​ന്ന​തെ​ന്തു​കൊണ്ട്‌?

ഉത്‌പരിവർത്തനങ്ങൾ—പ്രയോ​ജ​ന​പ്ര​ദ​മാ​യ​വ​പോ​ലും—പുതിയ ജീവൻ ഉത്‌പാ​ദി​പ്പി​ക്കു​ന്ന​താ​യി ശാസ്‌ത്ര​ജ്ഞൻമാർ ആരും നിരീ​ക്ഷി​ച്ചി​ട്ടില്ല. എന്നിട്ടും, പുതിയ ജന്തുഗ​ണങ്ങൾ ഉണ്ടായത്‌ അങ്ങനെ​യാ​ണെന്നു പരിണാ​മ​വാ​ദി​കൾ അവകാ​ശ​പ്പെ​ടു​ന്നു. അജൈവ പദാർഥ​ത്തിൽനി​ന്നു ജൈവ​വ​സ്‌തു ഉണ്ടാകു​ന്നതു പരിണാ​മ​വാ​ദി​കൾ നേരിട്ടു കണ്ടിട്ടില്ല. എന്നിട്ടും അങ്ങനെ​യാ​ണു ജീവൻ ഉരുത്തി​രി​ഞ്ഞ​തെന്ന്‌ അവർ നിർബന്ധം പിടി​ക്കു​ന്നു.—9⁄1, പേജ്‌ 5.

◻നിബന്ധനകളുടെ ഫലമായി ജീവി​ത​ത്തി​ലു​ണ്ടാ​കുന്ന നിരു​ത്സാ​ഹത്തെ നമുക്ക്‌ എങ്ങനെ ഏററവും മെച്ചമായ രീതി​യിൽ തരണം​ചെ​യ്യാ​നാ​വും?

നമ്മുടെ ജീവി​ത​സാ​ഹ​ച​ര്യം എന്തുമാ​യി​ക്കൊ​ള്ളട്ടെ, ചെയ്യാൻ സാധി​ക്കാത്ത സംഗതി​ക​ളി​ലല്ല, ചെയ്യാൻ സാധി​ക്കുന്ന സംഗതി​ക​ളിൽ ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ നമ്മുടെ ജീവിതം സംതൃ​പ്‌തി​ക​ര​മാ​യി​രി​ക്കും. യഹോ​വ​യു​ടെ സേവന​ത്തിൽ നാം ആഹ്ലാദം കണ്ടെത്തു​ക​യും ചെയ്യും. (സങ്കീർത്തനം 126:5, 6)—9⁄1, പേജ്‌ 28.

◻ക്ഷമിക്കുന്നതുകൊണ്ടുള്ള പ്രയോ​ജ​നങ്ങൾ ഏവ?

മററുള്ളവരോടു ക്ഷമിക്കു​ന്നത്‌ നല്ല ബന്ധങ്ങൾക്കു വഴിതു​റ​ക്കു​ന്നു. (എഫെസ്യർ 4:32); അതു കേവലം, സഹക്രി​സ്‌ത്യാ​നി​ക​ളോ​ടുള്ള ബന്ധത്തിൽ മാത്രമല്ല, ആന്തരി​ക​മാ​യും സമാധാ​നം കൈവ​രു​ത്തു​ന്നു. (റോമർ 14:19; കൊ​ലൊ​സ്സ്യർ 3:13-15); മററു​ള്ള​വ​രോ​ടു ക്ഷമിക്കു​ന്നത്‌ നമ്മുടെ പാപങ്ങൾ ക്ഷമിക്കു​ന്ന​തി​നുള്ള വഴി​യൊ​രു​ക്കു​ന്നു. (മത്തായി 6:14); കൂടാതെ, നാം തന്നെ ക്ഷമ ആവശ്യ​മു​ള്ള​വ​രാ​ണെന്ന്‌ ഓർക്കാൻ അതു നമ്മെ സഹായി​ക്കു​ന്നു. (റോമർ 3:23)—9⁄15, പേജ്‌ 7.

◻പ്രവാചകനായ ആമോ​സി​ന്റെ ദൃഷ്ടാന്തം പ്രസം​ഗ​വേ​ല​യിൽ നമ്മെ എങ്ങനെ സഹായി​ക്കു​ന്നു?

ആമോസിനെപ്പോലെ നാമും ദൈവ​സ​ന്ദേ​ശ​ത്തിൽ മാററം വരുത്തു​ക​യോ വെള്ളം ചേർക്കു​ക​യോ ചെയ്യു​ന്നില്ല. മറിച്ച്‌, നമ്മുടെ കേൾവി​ക്കാ​രു​ടെ പ്രതി​ക​രണം കണക്കി​ലെ​ടു​ക്കാ​തെ നാം അനുസ​ര​ണ​യോ​ടെ അതു പ്രഖ്യാ​പി​ക്കു​ന്നു.—9⁄15, പേജ്‌ 17.

◻ദൈവത്തിന്റെ ഏതു ഗുണവി​ശേ​ഷങ്ങൾ നാം അനുക​രി​ക്കണം?

യഹോവയുടെ സംഘടനാ പ്രാപ്‌തി​യും അവന്റെ സന്തുഷ്ടി​യു​മാ​ണു രണ്ടു പ്രധാന ഗുണവി​ശേ​ഷങ്ങൾ. (1 കൊരി​ന്ത്യർ 14:33; 1 തിമൊ​ഥെ​യൊസ്‌ 1:11) ദൈവ​ത്തി​ന്റെ ഈ ഗുണങ്ങൾ സമതു​ലി​ത​മാണ്‌. അതു​കൊണ്ട്‌, ഒന്നിനു ചേതം വരുത്തി​ക്കൊ​ണ്ടു മററതി​നെ പ്രധാ​ന​മാ​ക്കു​ന്നില്ല.—10⁄1, പേജ്‌ 10.

◻യഹോവയെ സേവി​ക്കു​ന്ന​തി​നു തങ്ങളുടെ കുട്ടി​കളെ സഹായി​ക്കാൻ മാതാ​പി​താ​ക്കൾ സ്വീക​രി​ച്ചി​ട്ടുള്ള ഏതാനും ചില ക്രിയാ​ത്മക പടികൾ ഏവ?

അതിപ്രധാനമായ ഒരു താക്കോൽ നേരത്തേ തുടങ്ങുക എന്നതാണ്‌. ബാല്യ​കാ​ലത്തു ലഭിച്ചി​ട്ടുള്ള ധാരണ​ക​ളും പാഠങ്ങ​ളും ആയുഷ്‌കാ​ലം മുഴു​വ​നും നീണ്ടു​നിൽക്കും. (സദൃശ​വാ​ക്യ​ങ്ങൾ 22:6) എല്ലാ യോഗ​ങ്ങ​ളി​ലും അവരെ അനുസ​ര​ണ​യും യഹോ​വ​യോ​ടും അവന്റെ ആരാധ​ന​യോ​ടു​മുള്ള ആദരവും പഠിപ്പി​ക്കു​ന്നതു പ്രധാ​ന​മാണ്‌. വിജയ​പ്ര​ദ​രായ മാതാ​പി​താ​ക്കൾ തങ്ങളുടെ കുട്ടി​ക​ളു​ടെ തെററായ പ്രവണ​തകൾ തിരി​ച്ച​റി​യാൻ പഠിക്കു​ക​യും അവ തിരു​ത്താൻ തങ്ങളുടെ കുട്ടി​കളെ സഹായി​ക്കു​ക​യും ചെയ്യുന്നു. (സദൃശ​വാ​ക്യ​ങ്ങൾ 22:15) അവസാ​ന​മാ​യി, നിങ്ങളു​ടെ കുട്ടിക്കു ന്യായ​മാ​യും എത്തി​ച്ചേ​രാ​വുന്ന ദിവ്യാ​ധി​പത്യ ലാക്കുകൾ വെക്കാൻ നേര​ത്തെ​തന്നെ തുടങ്ങുക.—10⁄1, പേജുകൾ 27-8.

◻യഹോവയുടെ ക്ഷമയുടെ ഏതു സ്‌പഷ്ട​മായ ഘടകമാ​ണു നാം പ്രവൃ​ത്തി​പ​ഥ​ത്തിൽ കൊണ്ടു​വ​രാൻ ശ്രമി​ക്കേ​ണ്ടത്‌?

യഹോവ ക്ഷമിക്കുക മാത്രമല്ല മറക്കു​ക​യും ചെയ്യുന്നു. (യിരെ​മ്യാ​വു 31:34) മനുഷ്യ​സൃ​ഷ്ടി​കളെ സംബന്ധി​ച്ചി​ട​ത്തോ​ളം ഇത്‌ ബുദ്ധി​മു​ട്ടുള്ള കാര്യ​മാണ്‌. അപ്രകാ​രം ചെയ്യു​ന്ന​തി​ന്റെ പ്രാധാ​ന്യം യേശു മത്തായി 6:14, 15-ൽ സൂചി​പ്പി​ച്ചി​രി​ക്കു​ന്ന​പോ​ലെ ഊന്നി​പ്പ​റ​യു​ക​യു​ണ്ടാ​യി.—10⁄15, പേജുകൾ 25-6.

◻നാം അനുക​മ്പ​യു​ള്ള​വ​രാ​യി​ത്തീ​രു​ന്ന​തി​നുള്ള മൂന്നു തടസ്സങ്ങൾ ഏവ?

നമ്മുടെ പാപപ​ങ്കി​ല​മായ സ്വഭാവം നിമിത്തം അസൂയക്കു നമ്മുടെ ഹൃദയ​ങ്ങ​ളിൽ വേരു​റ​പ്പി​ക്കാൻ കഴിയും. നമുക്ക്‌ ആരോ​ടെ​ങ്കി​ലും അസൂയ തോന്നു​ന്നു​വെ​ങ്കിൽ അയാ​ളോ​ടു നമുക്ക്‌ എങ്ങനെ ആർദ്രാ​നു​ക​മ്പ​യോ​ടെ പെരു​മാ​റാൻ കഴിയും? അനാവ​ശ്യ​മാ​യി അക്രമങ്ങൾ വീക്ഷി​ക്കു​ന്ന​താ​ണു മറെറാ​രു തടസ്സം. കഷ്ടപ്പെ​ടു​ന്ന​വ​രോ​ടു നാം സഹാനു​ഭൂ​തി കാണി​ക്കാ​തി​രി​ക്കാൻ ഇത്‌ ഇടയാ​ക്കും. കൂടാതെ, സ്വാർഥ​ത​ത്‌പ​ര​നായ ഒരു വ്യക്തി അനുക​മ്പ​യി​ല്ലാ​ത്ത​വ​നാ​യി​രി​ക്കാ​നാ​ണു സാധ്യത. (1 യോഹ​ന്നാൻ 3:17)—11⁄1, പേജുകൾ 19, 20.

◻ഇയ്യോബിനെക്കുറിച്ചുള്ള തിരു​വെ​ഴു​ത്തു വിവര​ണ​ത്തിൽനി​ന്നു നമുക്ക്‌ എന്തു പാഠങ്ങൾ പഠിക്കാ​നാ​വും?

ഇയ്യോബിനെക്കുറിച്ചുള്ള തിരു​വെ​ഴു​ത്തു വിവരണം സാത്താന്റെ തന്ത്രങ്ങ​ളെ​ക്കു​റി​ച്ചു നമ്മെ കൂടുതൽ ബോധ​വാൻമാ​രാ​ക്കു​ക​യും യഹോ​വ​യു​ടെ സാർവ​ത്രി​ക​പ​ര​മാ​ധി​കാ​രം മനുഷ്യ​നിർമ​ല​ത​യു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു​വെന്നു മനസ്സി​ലാ​ക്കാൻ നമ്മെ സഹായി​ക്കു​ക​യും ചെയ്യുന്നു. ഇയ്യോ​ബി​നെ​പ്പോ​ലെ ദൈവത്തെ സ്‌നേ​ഹി​ക്കുന്ന എല്ലാവ​രും പരി​ശോ​ധി​ക്ക​പ്പെ​ടണം. എന്നാൽ, ഇയ്യോ​ബി​നെ​പ്പോ​ലെ നമുക്കും സഹിച്ചു​നിൽക്കാ​നാ​വും, സാത്താൻ ഒരു നുണയ​നാ​ണെന്നു തെളി​യി​ക്കാ​നാ​വും, ദൈവ​രാ​ജ്യ​ത്തി​ന്റെ അനു​ഗ്ര​ഹങ്ങൾ ആസ്വദി​ക്കാ​നും കഴിയും.—11⁄15, പേജ്‌ 20.

◻മൂപ്പൻമാരുടെ സംഘത്തി​ന്റെ അധ്യക്ഷന്‌ എങ്ങനെ ഓരോ മൂപ്പൻമാർക്കും ഉചിത​മായ അംഗീ​കാ​രം നൽകാൻ കഴിയും?

സാധ്യമാകുമ്പോഴെല്ലാം അധ്യക്ഷൻ മററു മൂപ്പൻമാർക്കു നേര​ത്തെ​തന്നെ ഒരു അജൻഡ നൽകി, ഓരോ ആശയ​ത്തെ​ക്കു​റി​ച്ചും പ്രാർഥ​നാ​പൂർവം പരിചി​ന്തി​ക്കു​ന്ന​തിന്‌ ആവശ്യ​മായ സമയം നൽകേ​ണ്ട​താണ്‌. മൂപ്പൻമാ​രു​ടെ യോഗ​ത്തിൽ ചർച്ച​ചെ​യ്യുന്ന വിഷയങ്ങൾ സംബന്ധിച്ച്‌ അദ്ദേഹം മൂപ്പൻമാ​രു​ടെ അഭി​പ്രാ​യത്തെ രൂപ​പ്പെ​ടു​ത്താൻ ശ്രമി​ക്കു​ന്ന​തി​നു പകരം “സംസാ​ര​സ്വാ​ത​ന്ത്ര്യം” ഉപയോ​ഗി​ക്കാൻ അവരെ പ്രോ​ത്സാ​ഹി​പ്പി​ക്കും. (1 തിമൊ​ഥെ​യൊസ്‌ 3:13)—12⁄1, പേജ്‌ 30.