അധ്യയന ലേഖനങ്ങൾ

അധ്യയന ലേഖനങ്ങൾ

▪ യഹോവയുടെ ഗുണങ്ങളോടുള്ള വിലമതിപ്പ്‌ ആഴമുള്ളതാക്കുക

▪ യഹോവയുടെ ഉദാരമനസ്‌കതയും ന്യായബോധവും വിലമതിക്കുക

▪ യഹോവയുടെ വിശ്വസ്‌തതയും ക്ഷമിക്കാനുള്ള മനസ്സും വിലമതിക്കുക

യഹോവയെക്കുറിച്ചു ചിന്തിക്കുമ്പോൾ അവന്റെ നാലു പ്രമുഖഗുണങ്ങളാണ്‌ ക്രിസ്‌ത്യാനികളിൽ അനേകരുടെയും മനസ്സിലേക്ക്‌ ഓടിയെത്തുന്നത്‌. എന്നാൽ യഹോവയുടെ, അത്ര കൂടെക്കൂടെ പഠിക്കാത്ത ചില ഗുണങ്ങളോടുള്ള നമ്മുടെ വിലമതിപ്പു വർധിപ്പിക്കുന്നതാണ്‌ ഈ മൂന്ന്‌ ലേഖനങ്ങൾ. ഓരോ ഗുണത്തെക്കുറിച്ചും പിൻവരുന്ന ചോദ്യങ്ങൾ നാം ചിന്തിക്കും: അതിന്റെ അർഥമെന്താണ്‌? യഹോവ ആ ഗുണം പ്രകടിപ്പിക്കുന്നത്‌ എങ്ങനെയാണ്‌? അക്കാര്യത്തിൽ നമുക്ക്‌ യഹോവയെ എങ്ങനെ അനുകരിക്കാം?

▪ നിങ്ങളെ മനയാൻ യഹോവയുടെ ശിക്ഷണത്തെ അനുവദിക്കുക

യഹോവയ്‌ക്ക്‌ മനുഷ്യരുടെമേലുള്ള പരമാധികാരത്തെ ദൃഷ്ടാന്തരൂപേണ വർണിക്കവെ, തിരുവെഴുത്ത്‌ അവനെ നമ്മെ ‘മനയുന്നവൻ’ എന്നു വിളിച്ചിരിക്കുന്നു. (യെശ. 64:8) കഴിഞ്ഞ കാലങ്ങളിൽ വ്യക്തികളെയും ജനതകളെയും ‘വലിയ കുശവൻ’ മനഞ്ഞ വിധത്തിൽനിന്ന്‌ നമുക്ക്‌ എന്തു പഠിക്കാൻ കഴിയുമെന്ന്‌ ഈ ലേഖനം കാണിച്ചുതരുന്നു. ഇന്ന്‌ അവൻ നമ്മെ മനയുമ്പോൾ നമുക്ക്‌ എങ്ങനെ പ്രയോജനം നേടാമെന്നും ഈ ലേഖനം വ്യക്തമാക്കുന്നു.