ചോദ്യ​പ്പെ​ട്ടി

◼ നമ്മുടെ സഹോ​ദ​ര​ങ്ങളെ നേരിട്ടു ബാധി​ക്കുന്ന ഒരു ദുരന്തം സംഭവി​ക്കു​ന്നെ​ങ്കിൽ എന്തു ചെയ്യണം?

നിങ്ങളു​ടെ പ്രദേ​ശത്ത്‌ ഒരു ദുരന്തം സംഭവി​ക്കു​ന്നെ​ങ്കിൽ: പരി​ഭ്രാ​ന്ത​രാ​ക​രുത്‌. മനസ്സാ​ന്നി​ധ്യം കൈവി​ടാ​തെ, യഥാർഥ​ത്തിൽ മൂല്യ​മുള്ള സംഗതി​യിൽ—ജീവനിൽ, സ്വത്തു​ക്ക​ളി​ലല്ല—ശ്രദ്ധ കേന്ദ്രീ​ക​രി​ക്കുക. നിങ്ങളു​ടെ കുടും​ബ​ത്തി​ന്റെ അടിയ​ന്തിര ശാരീ​രിക ആവശ്യ​ങ്ങൾക്കാ​യി കരുതുക. അതിനു​ശേഷം നിങ്ങളു​ടെ സാഹച​ര്യ​വും ഇപ്പോൾ എവി​ടെ​യാ​ണെ​ന്ന​തും മൂപ്പന്മാ​രെ അറിയി​ക്കുക.

മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ദുരി​താ​ശ്വാ​സ പ്രവർത്ത​ന​ങ്ങ​ളിൽ ഒരു നിർണാ​യക പങ്കു വഹിക്കു​ന്നു. ഒരു ദുരന്ത​ത്തെ​ക്കു​റിച്ച്‌ മുന്നറി​യി​പ്പു ലഭിക്കു​ന്നു​വെ​ങ്കിൽ, ഉദാഹ​ര​ണ​ത്തിന്‌ വലിയ കൊടു​ങ്കാ​റ്റു പോലു​ള്ള​വ​യു​ടെ കാര്യ​ത്തിൽ, എല്ലാവ​രും സുരക്ഷിത സ്ഥാനങ്ങ​ളി​ലാ​ണെന്ന്‌ ഈ സഹോ​ദ​ര​ന്മാർ ഉറപ്പു വരുത്തണം. കൂടാതെ സമയം അനുവ​ദി​ക്കു​ന്ന​പക്ഷം, വേണ്ടി​വ​ന്നേ​ക്കാ​വുന്ന അത്യാ​വശ്യ സാധനങ്ങൾ സംഭരി​ക്കു​ക​യും വിതരണം ചെയ്യു​ക​യും വേണം.

തുടർന്ന്‌, പുസ്‌ത​കാ​ധ്യ​യന നിർവാ​ഹകർ ഓരോ കുടും​ബ​വും എവി​ടെ​യാ​ണെന്നു കണ്ടുപി​ടിച്ച്‌ അവരുടെ ക്ഷേമം അന്വേ​ഷി​ക്കണം. ആർക്കും കുഴപ്പ​മൊ​ന്നും ഇല്ലെങ്കിൽപ്പോ​ലും, ഓരോ കുടും​ബ​ത്തി​ന്റെ​യും അവസ്ഥ സംബന്ധിച്ച്‌ അധ്യക്ഷ മേൽവി​ചാ​ര​ക​നെ​യോ മറ്റേ​തെ​ങ്കി​ലും മൂപ്പ​നെ​യോ അറിയി​ക്കണം. ആർക്കെ​ങ്കി​ലും പരി​ക്കേ​റ്റി​ട്ടു​ണ്ടെ​ങ്കിൽ, മൂപ്പന്മാർ ചികിത്സാ ക്രമീ​ക​ര​ണങ്ങൾ ഏർപ്പെ​ടു​ത്താൻ ശ്രമി​ക്കും. ഭക്ഷണം, വസ്‌ത്രം, താമസ​സൗ​ക​ര്യം, വീട്ടാ​വ​ശ്യ​ത്തി​നുള്ള മറ്റു സാധനങ്ങൾ തുടങ്ങി ഏതു ഭൗതിക ആവശ്യ​ങ്ങൾക്കും വേണ്ടി അവർ കരുതും. (യോഹ. 13:35; ഗലാ. 6:10) പ്രാ​ദേ​ശിക മൂപ്പന്മാർ സഭയ്‌ക്ക്‌ ആത്മീയ​വും വൈകാ​രി​ക​വു​മായ പിന്തുണ നൽകു​ക​യും എത്രയും പെട്ടെന്ന്‌ സഭാ​യോ​ഗങ്ങൾ പുനരാ​രം​ഭി​ക്കാ​നുള്ള ക്രമീ​ക​ര​ണങ്ങൾ നടത്തു​ക​യും ചെയ്യും. വസ്‌തു​തകൾ വിശദ​മാ​യി വിലയി​രു​ത്തിയ ശേഷം മൂപ്പന്മാ​രു​ടെ സംഘത്തെ പ്രതി​നി​ധീ​ക​രി​ച്ചു​കൊണ്ട്‌ ഒരു മൂപ്പൻ പരി​ക്കേ​റ്റ​വരെ സംബന്ധി​ച്ചും രാജ്യ​ഹാ​ളി​നോ സഹോ​ദ​ര​ങ്ങ​ളു​ടെ ഭവനങ്ങൾക്കോ വന്ന നാശന​ഷ്ടങ്ങൾ സംബന്ധി​ച്ചും മറ്റ്‌ എന്തെങ്കി​ലും പ്രത്യേക ആവശ്യങ്ങൾ സംബന്ധി​ച്ചും സർക്കിട്ട്‌ മേൽവി​ചാ​ര​കന്‌ അറിവു നൽകണം. സർക്കിട്ട്‌ മേൽവി​ചാ​രകൻ ബ്രാഞ്ച്‌ ഓഫീ​സി​ലേക്ക്‌ ഫോൺ ചെയ്‌ത്‌ അവസ്ഥകൾ സംബന്ധിച്ച്‌ റിപ്പോർട്ടു നൽകും. ബ്രാഞ്ച്‌ ഓഫീസ്‌ ആവശ്യ​മുള്ള വിപു​ല​മായ ദുരി​താ​ശ്വാ​സ വസ്‌തു​ക്കൾ ഏകോ​പി​പ്പി​ക്കു​ന്ന​താ​യി​രി​ക്കും.

മറ്റെവി​ടെ​യെ​ങ്കി​ലും ഒരു ദുരന്തം സംഭവി​ക്കു​ന്നെ​ങ്കിൽ: അവിടു​ത്തെ സഹോ​ദ​രീ​സ​ഹോ​ദ​ര​ന്മാ​രെ നിങ്ങളു​ടെ പ്രാർഥ​ന​യിൽ ഓർക്കുക. (2 കൊരി. 1:8-11) ധനസഹാ​യം നൽകാൻ ആഗ്രഹി​ക്കു​ന്നെ​ങ്കിൽ നിങ്ങൾക്ക്‌ സംഭാ​വ​നകൾ സൊ​സൈ​റ്റിക്ക്‌ അയക്കാ​വു​ന്ന​താണ്‌. മേൽവിലാസം: Watch Tower Society, H-58 Old Khandala Road, Lonavla, MAH 410 401. (പ്രവൃ. 2:44, 45; 1 കൊരി. 16:1-3; 2 കൊരി. 9:5-7; 1986 ആഗസ്റ്റ്‌ 1 ലക്കം വീക്ഷാ​ഗോ​പു​ര​ത്തി​ന്റെ 27-30 പേജുകൾ കാണുക.) ചുമതല വഹിക്കുന്ന സഹോ​ദ​ര​ന്മാർ പ്രത്യേ​കം ആവശ്യ​പ്പെ​ടാ​ത്ത​പക്ഷം ദുരിത ബാധിത പ്രദേ​ശ​ത്തേക്ക്‌ ഭൗതിക വസ്‌തു​ക്ക​ളോ മറ്റ്‌ അവശ്യ സാധന​ങ്ങ​ളോ അയക്കരുത്‌. അങ്ങനെ​യാ​കു​മ്പോൾ ക്രമീ​കൃ​ത​മായ വിധത്തിൽ ദുരി​താ​ശ്വാ​സ പ്രവർത്തനം നടത്താ​നും സാധനങ്ങൾ ശരിയായ വിധത്തിൽ വിതരണം ചെയ്യാ​നും സാധി​ക്കും. (1 കൊരി. 14:39,ബി) ആവശ്യ​മി​ല്ലാ​തെ സൊ​സൈ​റ്റി​ക്കു ഫോൺ ചെയ്യരുത്‌. ഇത്‌ ഫോൺ ലൈനു​കൾ എപ്പോ​ഴും തിരക്കു​ള്ള​താ​ക്കു​ക​യും അങ്ങനെ ദുരിത ബാധിത പ്രദേ​ശ​ങ്ങ​ളിൽ നിന്നുള്ള ഫോൺ കോളു​കൾ ലഭിക്കാ​തി​രി​ക്കാൻ ഇടയാ​ക്കു​ക​യും ചെയ്യും.

സാഹച​ര്യ​ങ്ങൾ നന്നായി വിലയി​രു​ത്തിയ ശേഷം ഒരു ദുരി​താ​ശ്വാ​സ സംഘത്തെ രൂപീ​ക​രി​ക്കേ​ണ്ട​തു​ണ്ടോ എന്നു സൊ​സൈറ്റി തീരു​മാ​നി​ക്കും. ഉത്തരവാ​ദി​ത്ത​പ്പെട്ട സഹോ​ദ​രങ്ങള വിവരം അറിയി​ക്കും. എല്ലാ സഹോ​ദ​ര​ങ്ങ​ളു​ടെ​യും അടിയ​ന്തിര ആവശ്യ​ങ്ങൾക്കു വേണ്ടി കരുതുക സാധ്യ​മാ​ക്കു​ന്ന​തിന്‌ നേതൃ​ത്വ​മെ​ടു​ക്കുന്ന മൂപ്പന്മാ​രോട്‌ എല്ലാവ​രും സഹകരി​ക്കണം.—യഹോ​വ​യു​ടെ സാക്ഷികൾ—ദൈവ​രാ​ജ്യ ഘോഷകർ, (ഇംഗ്ലീഷ്‌) 310-15 പേജുകൾ കാണുക.