ചോദ്യ​പ്പെ​ട്ടി

◼ നമ്മുടെ ശുശ്രൂ​ഷ​യോ​ടുള്ള ബന്ധത്തിൽ നാം എതിർ ലിംഗ​വർഗ​ത്തിൽപെട്ട ആരെങ്കി​ലു​മാ​യി സഹവസി​ക്കു​മ്പോൾ ഏതു മുന്നറി​യി​പ്പു​കൾ ആവശ്യ​മാണ്‌?

നമ്മുടെ സഹോ​ദ​രീ​സ​ഹോ​ദ​രൻമാർ തങ്ങളുടെ വ്യക്തി​പ​ര​മായ നടത്തയിൽ ഉന്നതമായ ധാർമിക നിലവാ​ര​ങ്ങ​ളോ​ടു പറ്റിനിൽക്കാൻ ജാഗ്ര​ത​യു​ള്ള​വ​രാ​ണെന്നു പ്രതീ​ക്ഷി​ക്കാൻ നമുക്കു കാരണ​മുണ്ട്‌. എന്നിരു​ന്നാ​ലും, വളരെ​ക്കു​റച്ചു ധാർമിക പരിധി​കൾ മാത്ര​മുള്ള അശുദ്ധ​വും അനുവാ​ദാ​ത്മ​ക​വു​മായ ഒരു ലോക​ത്തി​ലാ​ണു നാം ജീവി​ക്കു​ന്നത്‌. നമുക്ക്‌ ഏറ്റവും മെച്ചമായ ഉദ്ദേശ്യ​ങ്ങൾ ഉണ്ടായി​രു​ന്നേ​ക്കാ​മെ​ങ്കി​ലും, നിന്ദയ്‌ക്കി​ട​യാ​ക്കു​ന്ന​തോ അനുചി​ത​മോ ആയ എന്തി​ലെ​ങ്കി​ലും ഉൾപ്പെ​ടു​ന്നത്‌ ഒഴിവാ​ക്കാൻ നാം തുടർച്ച​യാ​യി ജാഗ്രത പുലർത്തണം. ശുശ്രൂ​ഷ​യിൽ ഏർപ്പെ​ടു​മ്പോൾ ജാഗ്ര​ത​യു​ള്ള​വ​രാ​യി​രി​ക്കു​ന്നത്‌ ഇതിൽ ഉൾപ്പെ​ടു​ന്നു.

സത്യത്തിൽ ആത്മാർഥ​മായ താത്‌പ​ര്യം പ്രകടി​പ്പി​ക്കു​ന്ന​താ​യി തോന്നുന്ന എതിർ ലിംഗ​വർഗ​ത്തിൽപെ​ട്ട​വരെ നാം വയൽസേ​വ​ന​ത്തിൽ മിക്ക​പ്പോ​ഴും കണ്ടുമു​ട്ടാ​റുണ്ട്‌. നാം സന്ദർശി​ക്കു​ന്നത്‌ ഒറ്റയ്‌ക്കാ​യി​രി​ക്കു​ക​യും വീട്ടിൽ മറ്റാരും ഇല്ലാതി​രി​ക്കു​ക​യു​മാ​ണെ​ങ്കിൽ, അകത്തു പ്രവേ​ശി​ക്കു​ന്ന​തി​നു പകരം വാതിൽക്കൽനിന്ന്‌ സാക്ഷ്യം നൽകു​ന്ന​താ​യി​രി​ക്കും സാധാ​ര​ണ​ഗ​തി​യിൽ ഏറ്റവും നല്ലത്‌. താത്‌പ​ര്യം കണ്ടെത്തു​ന്നെ​ങ്കിൽ മറ്റൊരു പ്രസാ​ധകൻ ഒപ്പമു​ള്ള​പ്പോ​ഴോ വീട്ടിലെ മറ്റുള്ളവർ സന്നിഹി​ത​രാ​യി​രി​ക്കു​മ്പോ​ഴോ മടങ്ങി​ച്ചെ​ല്ലാൻ ക്രമീ​ക​രി​ക്കാ​വു​ന്ന​താണ്‌. അതു സാധ്യ​മ​ല്ലെ​ങ്കിൽ, വീട്ടി​ലുള്ള ആളുടെ അതേ ലിംഗ​വർഗ​ത്തിൽപ്പെട്ട ഒരാൾക്ക്‌ ആ മടക്കസ​ന്ദർശനം കൈമാ​റു​ന്നതു ജ്ഞാനമാ​യി​രി​ക്കും. എതിർ ലിംഗ​വർഗ​ത്തിൽപ്പെട്ട ഒരാളു​മാ​യി ബൈബി​ള​ധ്യ​യനം നടത്തു​ന്ന​തി​ലും ഇതു ബാധക​മാണ്‌.—മത്താ. 10:16.

ശുശ്രൂ​ഷ​യിൽ നമ്മോ​ടൊ​പ്പം പ്രവർത്തി​ക്കാൻ ആരെ​യെ​ങ്കി​ലും തിര​ഞ്ഞെ​ടു​ക്കു​മ്പോൾ നാം ജാഗ്ര​ത​യു​ള്ള​വ​രാ​യി​രി​ക്കണം. എതിർ ലിംഗ​വർഗ​ത്തിൽപ്പെട്ട പ്രസാ​ധകർ ചില​പ്പോൾ ഒരുമിച്ച്‌ പ്രവർത്തി​ച്ചേ​ക്കാം. എന്നാൽ ഒരു കൂട്ടമാ​യി പ്രവർത്തി​ക്കു​മ്പോ​ഴാണ്‌ ഇത്‌ ഏറ്റവും മെച്ചമാ​യി​രി​ക്കു​ന്നത്‌. സാധാ​ര​ണ​മാ​യി, ശുശ്രൂ​ഷ​യിൽ ആയിരി​ക്കു​മ്പോൾപോ​ലും, നമ്മുടെ വിവാ​ഹിത ഇണയല്ലാത്ത എതിർ ലിംഗ​വർഗ​ത്തിൽപ്പെട്ട ഒരാളു​മാ​യി തനിച്ചു സമയം ചെലവ​ഴി​ക്കു​ന്നതു നമ്മെ സംബന്ധി​ച്ചി​ട​ത്തോ​ളം ജ്ഞാനപൂർവ​കമല്ല. അതു​കൊണ്ട്‌, കൗമാ​ര​പ്രാ​യ​ക്കാർ ഉൾപ്പെ​ടെ​യുള്ള പ്രസാ​ധ​കരെ ഒരുമി​ച്ചു പ്രവർത്തി​ക്കാൻ നിയമി​ക്കു​മ്പോൾ സേവന​ക്കൂ​ട്ട​ത്തി​ന്റെ മേൽനോ​ട്ടം വഹിക്കുന്ന സഹോ​ദരൻ നല്ല ന്യായ​ബോ​ധം ഉപയോ​ഗി​ക്കണം.

എല്ലായ്‌പോ​ഴും നല്ല ന്യായ​ബോ​ധം ഉപയോ​ഗി​ക്കു​ന്ന​തി​നാൽ, നമുക്കോ മറ്റുള്ള​വർക്കോ ‘ഇടർച്ച​യ്‌ക്ക്‌ എന്തെങ്കി​ലും കാരണം നൽകു​ന്നത്‌’ നാം ഒഴിവാ​ക്കും.—2 കൊരി. 6:3, NW.