‘സകലവും ആത്മീയ വർദ്ധ​നെ​ക്കാ​യി ഉതകട്ടെ’

¹ സഹോ​ദ​ര​ങ്ങ​ളു​മാ​യുള്ള നമ്മുടെ എല്ലാ ഇടപാ​ടു​ക​ളി​ലും അവരെ കെട്ടു​പണി ചെയ്യാ​നു​ത​കുന്ന കാര്യ​ങ്ങ​ളാ​യി​രി​ക്കണം നാം ചെയ്യേ​ണ്ടത്‌. അവരുടെ ആത്മീയ ക്ഷേമം സംരക്ഷി​ക്കു​ന്ന​തിൽ തത്‌പ​ര​രാ​യി​രി​ക്കുക എന്നാണ്‌ അതിന്റെ അർഥം. ഒരു ഉത്‌പ​ന്ന​മോ സേവന​മോ ഉന്നമി​പ്പി​ക്കുന്ന ഏതെങ്കി​ലും ലൗകിക തൊഴി​ലിൽ നാം ഏർപ്പെ​ടു​ന്നെ​ങ്കിൽ, ചെയ്യുന്ന ഏതൊരു കാര്യ​വും സഹോ​ദ​ര​ങ്ങൾക്ക്‌ ഇടർച്ച​യ്‌ക്ക്‌ കാരണ​മാ​കാ​തി​രി​ക്കാൻ നാം ശ്രദ്ധി​ക്കേ​ണ്ട​തുണ്ട്‌.—2 കൊരി. 6:3; ഫിലി. 1:9, 10.

² സഹ ക്രിസ്‌ത്യാ​നി​കളെ സാധ്യ​ത​യുള്ള ഉപഭോ​ക്താ​ക്ക​ളാ​യി വീക്ഷി​ച്ചു​കൊണ്ട്‌ ചിലർ പലതര​ത്തി​ലുള്ള ബിസി​നസ്സ്‌ സംരം​ഭ​ങ്ങ​ളിൽ ഏർപ്പെ​ട്ടി​ട്ടുണ്ട്‌. സ്വന്ത മതത്തിൽപ്പെ​ട്ടവർ ഉൾപ്പെടെ എല്ലാവ​രെ​യും ഉപഭോ​ക്താ​ക്ക​ളാ​യി കാണാൻ ചില വ്യാപാര സ്ഥാപനങ്ങൾ തങ്ങളുടെ പ്രതി​നി​ധി​കളെ പ്രോ​ത്സാ​ഹി​പ്പി​ക്കു​ന്നു. ഒരു ബിസി​നസ്സ്‌ സംരം​ഭ​ത്തിൽ ഏർപ്പെ​ടാ​നുള്ള പ്രോ​ത്സാ​ഹനം നൽകുക എന്ന ലക്ഷ്യത്തിൽ ചില സഹോ​ദ​രങ്ങൾ സാക്ഷി​ക​ളു​ടെ വലിയ കൂട്ടങ്ങൾ വിളി​ച്ചു​കൂ​ട്ടി​യി​ട്ടുണ്ട്‌. മറ്റുചി​ലർ സഹവി​ശ്വാ​സി​കൾക്ക്‌, അവർ ആവശ്യ​പ്പെ​ടാ​തെ​തന്നെ ലേഖന​ങ്ങ​ളും പത്രി​ക​ക​ളും കാസെ​റ്റു​ക​ളും ഇന്റർനെ​റ്റി​ലെ വിവര​ങ്ങ​ളും നൽകി​ക്കൊണ്ട്‌ തങ്ങളുടെ സംരം​ഭ​ങ്ങളെ ഉന്നമി​പ്പി​ക്കാൻ ശ്രമി​ക്കു​ന്നു. ഇത്തരത്തിൽ, തന്റെ ദിവ്യാ​ധി​പത്യ ബന്ധങ്ങൾ ഉപയോ​ഗിച്ച്‌ ആത്മീയ സഹോ​ദ​ര​ങ്ങളെ മുത​ലെ​ടു​ക്കാൻ ശ്രമി​ക്കു​ന്നത്‌ ഒരു ക്രിസ്‌ത്യാ​നിക്ക്‌ ചേരു​ന്ന​താ​ണോ? ഒരിക്ക​ലു​മല്ല!—1 കൊരി. 10:23, 24, 31-33.

³ സഹോ​ദ​രങ്ങൾ ജാഗ്രത പാലി​ക്കണം: സഹോ​ദ​രങ്ങൾ തമ്മിൽ ബിസി​നസ്സ്‌ ഇടപാ​ടു​കൾ നടത്താൻ പാടി​ല്ലെന്ന്‌ ഇത്‌ അർഥമാ​ക്കു​ന്നില്ല. അത്‌ വ്യക്തി​പ​ര​മായ ഒരു കാര്യ​മാണ്‌. എന്നുവ​രി​കി​ലും, ചിലർ അത്യാ​ഗ്ര​ഹത്തെ ഊട്ടി​വ​ളർത്തുന്ന ബിസി​നസ്സ്‌ പദ്ധതികൾ തുടങ്ങു​ക​യും സഹവി​ശ്വാ​സി​കളെ തങ്ങളുടെ പങ്കാളി​ക​ളാ​കാ​നോ അതിൽ പണംനി​ക്ഷേ​പി​ക്കാ​നോ പ്രേരി​പ്പി​ക്കു​ക​യും ചെയ്യുന്നു. ഇതിൽ മിക്ക സംരം​ഭ​ങ്ങ​ളും പൊട്ടി​പ്പോ​കു​ക​യും കക്ഷികൾക്ക്‌ വൻനഷ്ടം വരുത്തി​വെ​ക്കു​ക​യും ചെയ്യുന്നു. ഈ സംരം​ഭ​ത്തിൽ ചേരാൻ മറ്റു കക്ഷികളെ പ്രേരി​പ്പി​ച്ചത്‌ ലാഭ​ക്കൊ​തി​യാ​ണെ​ങ്കി​ലും, അതു പൊട്ടി​പ്പോ​യാൽ തനിക്ക്‌ യാതൊ​രു ഉത്തരവാ​ദി​ത്വ​വു​മി​ല്ലെന്ന്‌ അതിന്റെ സംഘാ​ടകൻ വിചാ​രി​ക്ക​രുത്‌. സംരംഭം പരാജ​യ​മ​ട​യു​ന്ന​പക്ഷം അത്‌ സഹോ​ദ​ര​ങ്ങ​ളു​ടെ ആത്മീയ​വും ഭൗതി​ക​വു​മായ ക്ഷേമത്തെ എങ്ങനെ ബാധി​ക്കു​മെന്ന്‌ അയാൾ മുന്ന​മേ​തന്നെ ചിന്തി​ക്കണം. ദിവ്യാ​ധി​പത്യ ഉത്തരവാ​ദി​ത്വ​ങ്ങൾ വഹിക്കു​ന്നവർ തങ്ങളുടെ ലൗകിക തൊഴിൽ സംരം​ഭങ്ങൾ സംബന്ധിച്ച്‌ പ്രത്യേ​കാൽ ശ്രദ്ധാ​ലു​ക്ക​ളാ​യി​രി​ക്കണം. കാരണം, മറ്റുള്ളവർ അവരെ ആദര​വോ​ടെ വീക്ഷി​ക്കു​ക​യും അവരിൽ കൂടുതൽ വിശ്വാ​സ​മർപ്പി​ക്കു​ക​യും ചെയ്‌തേ​ക്കാം. ആ വിശ്വാ​സത്തെ ദുരു​പ​യോ​ഗം ചെയ്യു​ന്നത്‌ തെറ്റാ​യി​രി​ക്കും. ഒരു സഹോ​ദ​രന്‌ മറ്റുള്ള​വ​രു​ടെ ആദരവ്‌ നഷ്ടപ്പെ​ട്ടാൽ അദ്ദേഹ​ത്തിന്‌ തന്റെ ദിവ്യാ​ധി​പത്യ പദവി​ക​ളും നഷ്ടമാ​യേ​ക്കാം.

⁴ ‘സകലവും ആത്മിക​വർദ്ധ​നെ​ക്കാ​യി ഉതകണം’ എന്നതാ​യി​രി​ക്കട്ടെ നമ്മുടെ ലക്ഷ്യം. (1 കൊരി. 14:26) സഭയ്‌ക്കു​ള്ളിൽ നാം വ്യാപാര ഇടപാ​ടു​കൾ നടത്തു​ക​യോ അവയെ പ്രോ​ത്സാ​ഹി​പ്പി​ക്കുന്ന തരത്തി​ലുള്ള ഒന്നും ചെയ്യു​ക​യോ അരുത്‌. കൂടി​വ​ര​വി​നുള്ള നമ്മുടെ തിരു​വെ​ഴു​ത്തു​പ​ര​മായ കാരണ​ങ്ങ​ളു​മാ​യി അത്തരം കാര്യ​ങ്ങൾക്ക്‌ യാതൊ​രു ബന്ധവു​മില്ല.—എബ്രാ.10:24, 25.