യഹോ​വ​യു​ടെ നാമ​ത്തെ​യും പ്രവൃ​ത്തി​ക​ളെ​യും കുറിച്ച്‌ അറിയി​ക്കു​ക

¹ “യഹോ​വെക്കു സ്‌തോ​ത്രം​ചെ​യ്‌വിൻ; തൻ നാമത്തെ വിളി​ച്ച​പേ​ക്ഷി​പ്പിൻ; അവന്റെ പ്രവൃ​ത്തി​കളെ ജാതി​ക​ളു​ടെ ഇടയിൽ അറിയി​പ്പിൻ. . . . യഹോ​വയെ അന്വേ​ഷി​ക്കു​ന്ന​വ​രു​ടെ ഹൃദയം സന്തോ​ഷി​ക്കട്ടെ.” (സങ്കീ. 105:1, 3) ആ വാക്കുകൾ രേഖ​പ്പെ​ടു​ത്തിയ സങ്കീർത്ത​ന​ക്കാ​രൻ യഹോ​വ​യെ​യും അവന്റെ ‘പ്രവൃ​ത്തി​ക​ളെ​യും’ കുറിച്ച്‌ മറ്റുള്ള​വ​രോട്‌ പറയു​ന്ന​തിൽ വളരെ സന്തോഷം കണ്ടെത്തി. ഏതു പ്രവൃ​ത്തി​കളെ കുറിച്ച്‌? അവന്റെ മഹത്തായ രാജത്വ​ത്തെ​യും “അവന്റെ രക്ഷയെ”യും കുറി​ച്ചു​ള്ള​വ​തന്നെ.—സങ്കീ. 96:2, 3; 145:11, 12.

² 2001-ലെ സ്‌മാ​ര​ക​കാ​ല​ത്തോട്‌ അടുക്കു​മ്പോൾ, യഹോ​വ​യു​ടെ ‘പ്രവൃ​ത്തി​കൾ’ സംബന്ധിച്ച്‌—വിശേ​ഷാൽ അവൻ നമുക്കു​വേണ്ടി ചെയ്‌തി​രി​ക്കുന്ന കാര്യങ്ങൾ സംബന്ധിച്ച്‌—സന്തോ​ഷി​ക്കാൻ നമുക്കു കൂടു​ത​ലായ കാരണങ്ങൾ ഉണ്ട്‌. എന്തു​കൊണ്ട്‌? നിസ്സം​ശ​യ​മാ​യും, എല്ലാ സത്യ ക്രിസ്‌ത്യാ​നി​ക​ളെ​യും സംബന്ധി​ച്ചി​ട​ത്തോ​ളം, കർത്താ​വി​ന്റെ സന്ധ്യാ​ഭ​ക്ഷ​ണ​മാണ്‌ ഏറ്റവും പ്രധാ​ന​പ്പെട്ട വാർഷിക ആചരണം. അതിന്റെ പ്രാധാ​ന്യ​വും ഉദ്ദേശ്യ​വും അതു നിർവ​ഹി​ക്ക​പ്പെ​ടുന്ന വിധവും കണക്കി​ലെ​ടു​ത്താൽ, ഇത്തര​മൊ​രു അവസരം വേറെ​യില്ല. നമുക്ക്‌ രക്ഷ പ്രദാനം ചെയ്യാ​നാ​യി യഹോ​വ​യും യേശു​വും ചെയ്‌ത കരുത​ലു​കളെ കുറിച്ച്‌ ഓർക്കാ​നുള്ള സമയമാണ്‌ ഇത്‌. അതു​കൊണ്ട്‌, സ്‌മാ​ര​ക​കാ​ലത്ത്‌ “അവന്റെ രക്ഷയെ” പ്രസി​ദ്ധ​മാ​ക്കുന്ന പ്രവർത്തനം വർധിച്ച അളവിൽ നടക്കു​ന്നതു കാണാൻ നാം സ്വാഭാ​വി​ക​മാ​യും പ്രതീ​ക്ഷി​ക്കു​ന്നു!

³ നിങ്ങൾ സഹായ പയനി​യ​റിങ്‌ ചെയ്യു​മോ? കഴിഞ്ഞ ഏപ്രി​ലിൽ 3,287 പേർ സഹായ പയനി​യർമാ​രാ​യി പേർ ചാർത്തി. സഹായ പയനി​യർമാ​രു​ടെ എണ്ണത്തിലെ ഒരു അത്യു​ച്ച​മാ​യി​രു​ന്നു അത്‌. ഈ വർഷം, മാർച്ചും ഏപ്രി​ലും ശുശ്രൂ​ഷ​യി​ലെ നമ്മുടെ വർധിച്ച പ്രവർത്ത​ന​ത്തി​ന്റെ പ്രത്യേക മാസങ്ങ​ളാ​ക്കാൻ കഴിയു​മോ? മാർച്ചിൽ അഞ്ച്‌ ശനിയാ​ഴ്‌ച​ക​ളും ഏപ്രി​ലിൽ അഞ്ച്‌ ഞായറാ​ഴ്‌ച​ക​ളു​മുണ്ട്‌. വാരാ​ന്ത​ങ്ങ​ളിൽ മുഴുവൻ സമയവും വയലിൽ പ്രവർത്തി​ക്കാൻ ആസൂ​ത്രണം ചെയ്‌തു​കൊണ്ട്‌ സഹായ പയനി​യ​റിങ്‌ നടത്താൻ കഴിയു​മെന്ന്‌ മുഴു​സമയ ജോലി​ക്കാ​രായ പല പ്രസാ​ധ​ക​രും കണ്ടെത്തി​യി​രി​ക്കു​ന്നു. മാസം 50 മണിക്കൂർ എന്ന ലക്ഷ്യത്തി​ലെ​ത്താൻ ഒരു വാരം ശരാശരി 12 മണിക്കൂ​റാണ്‌ വേണ്ടത്‌. 4-ാം പേജിലെ ചതുര​ത്തിൽ നൽകി​യി​രി​ക്കുന്ന പട്ടികകൾ ശ്രദ്ധാ​പൂർവം പരി​ശോ​ധി​ക്കുക. ഇവയിൽ ഏതെങ്കി​ലും നിങ്ങളു​ടെ സാഹച​ര്യ​വു​മാ​യി ഇണങ്ങു​മോ? ഇല്ലെങ്കിൽ, മാർച്ച്‌, ഏപ്രിൽ മാസങ്ങ​ളിൽ പയനി​യ​റിങ്‌ ചെയ്യാ​നാ​യി നിങ്ങൾക്ക്‌ സ്വന്തമാ​യി ഒരു പട്ടിക ഉണ്ടാക്കാൻ കഴി​ഞ്ഞേ​ക്കും.

⁴ വർധിച്ച വയൽ പ്രവർത്ത​ന​ത്തി​നാ​യി ഉത്സാഹം വളർത്തി​യെ​ടു​ക്കാ​നും ഈ ക്രമീ​ക​ര​ണത്തെ പിന്തു​ണ​യ്‌ക്കാ​നാ​യി സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നും മൂപ്പന്മാർ ഇപ്പോൾ മുതൽ പ്രവർത്തി​ക്കേ​ണ്ട​താണ്‌. കഴിഞ്ഞ വർഷം, എല്ലാ മൂപ്പന്മാ​രും ശുശ്രൂ​ഷാ ദാസന്മാ​രും സഹായ പയനി​യർമാ​രാ​യി പേർ ചാർത്തിയ ഒരു സഭയിൽ, ആകെയുള്ള 121 പ്രസാ​ധ​ക​രിൽ 64 പേരും ഏപ്രിൽ മാസം പയനി​യ​റിങ്‌ ചെയ്‌തു! സ്‌നാ​പ​ന​മേ​റ്റി​ട്ടി​ല്ലാത്ത ആറ്‌ പ്രസാ​ധകർ മാർച്ചി​ലും ഏപ്രി​ലി​ലു​മാ​യി റിപ്പോർട്ടു ചെയ്‌തു തുടങ്ങി​യെ​ന്ന​തും സഭയെ സന്തോ​ഷി​പ്പി​ച്ചു. പരസ്യ സാക്ഷീ​ക​ര​ണ​ത്തിൽ ഏർപ്പെ​ടാൻ തക്കവിധം തങ്ങൾ യോഗ്യത പ്രാപി​ച്ചോ എന്നു കുട്ടി​കൾക്കും പുതി​യ​വർക്കും മൂപ്പന്മാ​രോട്‌ ചോദി​ക്കാൻ പറ്റിയ സമയം ഇതുത​ന്നെ​യാണ്‌.

⁵ കൂടുതലായ ശ്രമം അനു​ഗ്ര​ഹങ്ങൾ കൈവ​രു​ത്തു​ന്നു: പ്രത്യേക ലക്ഷ്യങ്ങൾ വെക്കു​ക​യും കൂടു​ത​ലായ ശ്രമം ചെലു​ത്തു​ക​യും ചെയ്യുന്ന സഭകൾ അനവധി അനു​ഗ്ര​ഹങ്ങൾ ആസ്വദി​ക്കു​ന്നു. ചില സഭകൾ, അപൂർവ​മാ​യി പ്രവർത്തി​ച്ചി​ട്ടുള്ള പ്രദേ​ശങ്ങൾ പ്രവർത്തി​ച്ചു തീർക്കു​ന്ന​തി​നോ വീടു​തോ​റു​മുള്ള വേല കൂടാ​തെ​യുള്ള സാക്ഷീ​ക​ര​ണ​ത്തി​ന്റെ വ്യത്യസ്‌ത വശങ്ങളിൽ ഏർപ്പെ​ടു​ന്ന​തി​നോ ടെലി​ഫോൺ സാക്ഷീ​ക​രണം നടത്തു​ന്ന​തി​നോ—ആളില്ലാ​ഭ​വ​ന​ങ്ങ​ളി​ലെ​യും പ്രവേ​ശനം നിരോ​ധി​ച്ചി​രി​ക്കു​ന്നി​ട​ങ്ങ​ളി​ലെ​യും താമസ​ക്കാർക്ക്‌ സാക്ഷ്യം നൽകാ​നുള്ള ഒരു ഫലകര​മായ ഉപാധി​യാണ്‌ ഇത്‌—പ്രത്യേക ഊന്നൽ നൽകി​യേ​ക്കാം.

⁶ മോശമായ ആരോ​ഗ്യ​മോ പ്രായാ​ധി​ക്യ​മോ സേവന​ത്തിൽ പരമാ​വധി ഏർപ്പെ​ടു​ന്ന​തിന്‌ ഒരു തടസ്സമാ​ണോ? എല്ലാവ​രു​ടെ​യും കാര്യ​ത്തിൽ അങ്ങനെ​യാ​ക​ണ​മെ​ന്നില്ല. കാൻസർ ബാധിച്ച 86 വയസ്സുള്ള ഒരു സഹോ​ദ​രി​യു​ടെ കാര്യ​മെ​ടു​ക്കാം. കാലുകൾ നീരു​വെച്ച്‌ വീങ്ങി​യി​രു​ന്നെ​ങ്കി​ലും, ഏപ്രി​ലിൽ അവർ സഹായ പയനി​യ​റിങ്‌ ചെയ്‌തു. സേവന​ത്തിൽ പൂർണ​മായ പങ്കുണ്ടാ​യി​രി​ക്കാൻ ടെലി​ഫോൺ സാക്ഷീ​ക​രണം അവരെ സഹായി​ച്ചു. അങ്ങനെ, യഹോ​വയെ സ്‌തു​തി​ക്കു​ന്ന​തി​ലെ തന്റെ പങ്ക്‌ വർധി​പ്പി​ക്കാൻ അവർക്കു കഴിഞ്ഞു. ഇത്‌ അവർക്കും സഭയിലെ സഹോ​ദ​ര​ങ്ങൾക്കും വലിയ പ്രോ​ത്സാ​ഹ​ന​മാ​യി​രു​ന്നു.

⁷ സ്‌മാരകത്തിനുവേണ്ടി നന്നായി തയ്യാറാ​കുക: ഈ വർഷത്തെ സ്‌മാ​രകം ഏപ്രിൽ 8-നാണ്‌. ഇത്‌ ഒരു ഞായറാഴ്‌ച ആയതി​നാൽ കൂടുതൽ പേർക്ക്‌ ഇതിന്‌ ഹാജരാ​കാ​നാ​കും. പിൻവ​രുന്ന വിധം പ്രവർത്തി​ച്ചു​കൊണ്ട്‌ നമ്മുടെ പങ്ക്‌ നിർവ​ഹി​ക്കു​ന്നെ​ങ്കിൽ ഒരു അത്യുച്ച ഹാജർ നമുക്കു ലഭി​ച്ചേ​ക്കാം. (1) നാംതന്നെ ഹാജരാ​കുക, (2) സ്‌മാ​ര​കാ​ഘോ​ഷ​ത്തിന്‌ നമ്മോ​ടൊ​പ്പം ചേരാൻ മറ്റുള്ള​വരെ ക്ഷണിക്കുക. നാം ആരെയാണ്‌ ക്ഷണി​ക്കേ​ണ്ടത്‌?

⁸ സത്യത്തിൽ കുറ​ച്ചെ​ങ്കി​ലും താത്‌പ​ര്യം കാണി​ച്ചി​ട്ടു​ള്ള​വ​രു​ടെ—നിങ്ങൾ അവരെ ക്രമമാ​യി സന്ദർശി​ക്കു​ന്നി​ല്ലെ​ങ്കിൽപ്പോ​ലും—പേരുകൾ കണ്ടുപി​ടി​ക്കാ​നാ​യി നിങ്ങളു​ടെ വീടു​തോ​റു​മുള്ള രേഖകൾ പരി​ശോ​ധി​ക്കുക. സ്‌മാ​ര​ക​ത്തിന്‌ രണ്ടോ മൂന്നോ ആഴ്‌ച മുമ്പ്‌, ഇവരെ സന്ദർശിച്ച്‌ സ്‌മാരക ക്ഷണക്കത്ത്‌ കൊടു​ക്കാൻ പ്രത്യേ​കം ശ്രദ്ധി​ക്കുക. നിങ്ങളു​ടെ സാഹച​ര്യം അനുവ​ദി​ക്കു​മെ​ങ്കിൽ, ഹാജരാ​കാൻ ആഗ്രഹി​ക്കു​ന്ന​വർക്ക്‌ യാത്രാ സൗകര്യ​ങ്ങൾ ചെയ്‌തു​കൊ​ടു​ക്കാ​മെന്നു പറയുക.

⁹ ചില സഭകൾ ക്ഷണക്കത്തു​കൾ മുഴു​വ​നും കൊടു​ത്തു​തീർക്കാ​റില്ല. അങ്ങനെ വരാതി​രി​ക്കാൻ, അവയെ​ല്ലാം വിതരണം ചെയ്യാൻത​ക്ക​വി​ധം നേരത്തേ ലഭ്യമാ​ക്കു​ന്നു​വെന്ന്‌ സഭാ സെക്ര​ട്ട​റി​മാർ ഉറപ്പു​വ​രു​ത്തണം. ക്ഷണക്കത്തി​ന്റെ അടിയി​ലാ​യി സ്‌മാ​ര​കാ​ഘോ​ഷ​ത്തി​ന്റെ സമയവും സ്ഥലവും ടൈപ്പു ചെയ്യു​ക​യോ വ്യക്തമാ​യി എഴുതു​ക​യോ ചെയ്യുക. രാജ്യ​ഹാ​ളി​ലാണ്‌ സ്‌മാ​ര​കാ​ഘോ​ഷം നടത്തു​ന്ന​തെ​ങ്കിൽ അതിന്റെ മേൽവി​ലാ​സം ഉള്ള നോട്ടീസ്‌ ക്ഷണക്കത്തി​നോ​ടൊ​പ്പം കൊടു​ക്കാ​വു​ന്ന​താണ്‌. സാധ്യ​മാ​കു​ന്നി​ട​ത്തോ​ളം, ക്ഷണക്കത്ത്‌ വീട്ടു​കാ​രന്റെ കൈയിൽ നേരിട്ടു കൊടു​ക്കു​ന്ന​താണ്‌ ഉചിത​മെന്ന്‌ ഓർത്തി​രി​ക്കുക.

¹⁰ നിഷ്‌ക്രിയരെ മറന്നു​ക​ള​യ​രുത്‌: ഒരു ബൈബിൾ വിദ്യാർഥി തന്നെത്തന്നെ യഹോ​വ​യ്‌ക്ക്‌ സമർപ്പിച്ച്‌ ജലനി​മ​ജ്ജ​ന​ത്താൽ അതു പ്രതീ​ക​പ്പെ​ടു​ത്തു​ന്നത്‌ സന്തോ​ഷ​ക​ര​മായ ഒരു സംഗതി​യാണ്‌. എങ്കിലും, ഓരോ വർഷവും നമ്മുടെ കൂട്ടത്തി​ലുള്ള ചിലർ, നമ്മളു​മാ​യി സഹവസി​ക്കു​ന്ന​തും യഹോ​വ​യു​ടെ നാമ​ത്തെ​യും അവന്റെ പ്രവൃ​ത്തി​ക​ളെ​യും കുറിച്ച്‌ മറ്റുള്ള​വ​രോ​ടു പറയു​ന്ന​തും നിറു​ത്തു​ന്നു. അതു​കൊണ്ട്‌, നമുക്ക്‌ ആശങ്കയ്‌ക്ക്‌ കാരണ​മുണ്ട്‌. നിഷ്‌ക്രി​യ​രായ മിക്കവ​രും സത്യം ഉപേക്ഷി​ച്ചി​ട്ടി​ല്ലെ​ങ്കി​ലും, നിരു​ത്സാ​ഹ​മോ വ്യക്തി​പ​ര​മായ പ്രശ്‌ന​ങ്ങ​ളോ മറ്റ്‌ ജീവി​തോ​ത്‌ക​ണ്‌ഠ​ക​ളോ നിമിത്തം സുവാർത്താ പ്രസംഗം നിറു​ത്തി​യി​രി​ക്കു​ന്നു. (മത്താ. 13:20-22) സാത്താന്റെ ഈ വ്യവസ്ഥി​തി വിഴു​ങ്ങി​ക്ക​ള​യു​ന്ന​തി​നു മുമ്പ്‌ സഭയി​ലേക്കു തിരി​ച്ചു​വ​രു​ന്ന​തിന്‌ ആത്മീയ​മാ​യി ബലഹീ​ന​രായ ഇവർക്ക്‌ സഹായം ആവശ്യ​മാണ്‌. (1 പത്രൊ. 5:8) യോഗ്യ​ത​യുള്ള എല്ലാ നിഷ്‌ക്രി​യ​രെ​യും സുവാർത്താ പ്രസം​ഗ​ത്തിൽ വീണ്ടും പങ്കെടു​പ്പി​ക്കു​ന്ന​തി​നാ​യി സ്‌മാ​ര​ക​കാ​ലത്ത്‌ ഒരു പ്രത്യേക ശ്രമം നടത്താൻ നാം ആഗ്രഹി​ക്കു​ന്നു.

¹¹ നിഷ്‌ക്രിയരായ വ്യക്തി​കളെ കുറിച്ച്‌ സഭാ സെക്ര​ട്ടറി അവരുടെ പുസ്‌ത​കാ​ധ്യ​യന നിർവാ​ഹ​കരെ ഓർമി​പ്പി​ക്കണം. എല്ലാ നിഷ്‌ക്രി​യർക്കും ഇടയസ​ന്ദർശ​നങ്ങൾ ക്രമീ​ക​രി​ക്കു​ന്ന​തിൽ സഭാ സേവന​ക്ക​മ്മി​റ്റി മുൻ​കൈ​യെ​ടു​ക്കും. ഒരു ബൈബിൾ അധ്യയനം വ്യക്തിക്ക്‌ പ്രയോ​ജ​ന​ക​ര​മാ​കു​മെന്ന്‌ ബോധ്യ​പ്പെ​ടു​ന്നെ​ങ്കിൽ, അധ്യയനം നടത്താൻ ഏറ്റവും യോജി​ച്ചത്‌ ആരായി​രി​ക്കു​മെ​ന്നതു സംബന്ധിച്ച്‌ സേവന​ക്ക​മ്മി​റ്റി​യി​ലെ അംഗങ്ങ​ളു​മാ​യി കൂടി​യാ​ലോ​ചി​ച്ച​ശേഷം സേവന​മേൽവി​ചാ​രകൻ സഹായ​മേ​കാ​നുള്ള ക്രമീ​ക​രണം ചെയ്യു​ന്ന​താ​യി​രി​ക്കും. അധ്യയനം ദീർഘ​കാ​ലം നടത്തേ​ണ്ട​തി​ല്ലാ​യി​രി​ക്കാ​മെ​ങ്കി​ലും അധ്യയനം എടുക്കു​ന്ന​യാൾക്ക്‌ മണിക്കൂ​റും മടക്കസ​ന്ദർശ​ന​ങ്ങ​ളും ബൈബിൾ അധ്യയ​ന​വും റിപ്പോർട്ടു ചെയ്യാ​വു​ന്ന​താണ്‌.

¹² കഴിഞ്ഞ ഏപ്രി​ലിൽ വീടു​തോ​റു​മുള്ള പ്രവർത്ത​ന​ത്തിൽ ഏർപ്പെ​ട്ടി​രി​ക്കെ ഒരു സഹോ​ദരി തെരു​വിൽവെച്ച്‌ ഒരു ചെറു​പ്പ​ക്കാ​രനു മാസി​കകൾ നൽകി. തന്റെ ഭാര്യ നിഷ്‌ക്രി​യ​യായ ഒരു സാക്ഷി​യാ​ണെന്ന്‌ അയാൾ സഹോ​ദ​രി​യോ​ടു പറഞ്ഞു. അയാൾ രാജ്യ​ഹാൾ എവി​ടെ​യാ​ണെന്ന്‌ ചോദി​ച്ച​റി​യു​ക​യും സഹോ​ദ​രി​യെ തന്റെ വീട്ടി​ലേക്ക്‌ ക്ഷണിക്കു​ക​യും ചെയ്‌തു. തുടർന്ന്‌, ആ ദമ്പതികൾ അടുത്ത യോഗ​ത്തി​നു ഹാജരാ​കു​ക​യും ബൈബിൾ അധ്യയ​ന​ത്തി​നു സമ്മതി​ക്കു​ക​യും ചെയ്‌തു.

¹³ വർധിച്ച പ്രവർത്ത​ന​ത്തി​നാ​യി ഒരുങ്ങുക! യഹോ​വ​യു​ടെ നാമ​ത്തെ​യും അവന്റെ പ്രവൃ​ത്തി​ക​ളെ​യും കുറിച്ച്‌ അറിയി​ക്കാൻ ആഹ്വാനം ചെയ്‌ത​ശേഷം സങ്കീർത്ത​ന​ക്കാ​രൻ ഇങ്ങനെ കൂട്ടി​ച്ചേർത്തു: “അവന്നു പാടു​വിൻ; അവന്നു കീർത്തനം പാടു​വിൻ; അവന്റെ സകല അത്ഭുത​ങ്ങ​ളെ​യും കുറിച്ചു സംസാ​രി​പ്പിൻ. അവന്റെ വിശു​ദ്ധ​നാ​മ​ത്തിൽ പ്രശം​സി​പ്പിൻ.” (സങ്കീ. 105:2, 3) വയൽസേ​വ​ന​ത്തി​ലെ നമ്മുടെ പങ്ക്‌ വർധി​പ്പി​ച്ചു​കൊണ്ട്‌ യഹോ​വ​യു​ടെ മഹാ നാമ​ത്തെ​യും അവന്റെ ‘അത്ഭുത പ്രവൃ​ത്തി​ക​ളെ​യും’ കുറിച്ച്‌ സംസാ​രി​ക്കാ​നുള്ള നമ്മുടെ താത്‌പ​ര്യം നമുക്കു പ്രകട​മാ​ക്കാം. അങ്ങനെ, ഈ സ്‌മാ​ര​ക​കാ​ലം പൂർവാ​ധി​കം മഹത്തര​മാ​ക്കാം!

[4-ാം പേജിലെ ചതുരം]

സഹായ പയനി​യ​റി​ങ്ങി​നാ​യി ആഴ്‌ച​യിൽ 12 മണിക്കൂർ പട്ടിക​പ്പെ​ടു​ത്താ​നുള്ള വ്യത്യസ്‌ത വിധങ്ങൾ

ദിവസം മണിക്കൂർ

തിങ്കൾ 1 2 − −

ചൊവ്വ 1 − 3 −

ബുധൻ 1 2 − 5

വ്യാഴം 1 − 3 −

വെള്ളി 1 2 − −

ശനി 5 4 3 5

ഞായർ 2 2 3 2

മൊത്തം: 12 12 12 12

ഇവയിൽ ഏതെങ്കി​ലും നിങ്ങളു​ടെ സാഹച​ര്യ​വു​മാ​യി ഇണങ്ങു​മോ?

ഇല്ലെങ്കിൽ, സ്വന്തമാ​യി ഒരു പട്ടിക ഉണ്ടാക്ക​രു​തോ?