“ദൈവ​വ​ചനം പൂർണ​മാ​യി പ്രസം​ഗി​ക്കുക”

¹ നിങ്ങൾക്കു ലഭിക്കുന്ന നല്ല എന്തി​നെ​യെ​ങ്കി​ലും നിങ്ങൾ ആത്മാർഥ​മാ​യി വിലമ​തി​ക്കു​മ്പോൾ, മനോ​ഭാ​വ​ത്തി​ലും പ്രവർത്ത​ന​ത്തി​ലും നിങ്ങൾ അതു പ്രകടി​പ്പി​ക്കു​ക​യി​ല്ലേ? തീർച്ച​യാ​യും! യഹോവ മനുഷ്യ​വർഗ​ത്തി​നു വെച്ചു​നീ​ട്ടുന്ന നന്മയോ​ടും സ്‌നേ​ഹ​ദ​യ​യോ​ടും അപ്പൊസ്‌ത​ല​നായ പൗലൊസ്‌ പ്രതി​ക​രി​ച്ചത്‌ എങ്ങനെ​യെന്നു ശ്രദ്ധി​ക്കുക. അവൻ ഇങ്ങനെ ഉദ്‌ഘോ​ഷി​ച്ചു: ‘ദൈവ​ത്തി​ന്റെ അവർണ​നീ​യ​മായ സൗജന്യ ദാനം നിമിത്തം അവനു നന്ദി!’ ആ ‘സൗജന്യ ദാന’ത്തിൽ എന്ത്‌ ഉൾപ്പെ​ടു​ന്നു? “ദൈവ​ത്തി​ന്റെ അതിമ​ഹ​ത്തായ അനർഹദയ.” അതിന്റെ ഏറ്റവും മുന്തിയ പ്രകട​ന​മാണ്‌ നമ്മുടെ പാപങ്ങൾക്കാ​യി ഒരു മറുവില എന്ന നിലയിൽ അവന്റെ സ്വന്തം പുത്രനെ ദാനമാ​യി നൽകി​യത്‌.—2 കൊരി. 9:14, 15, NW; യോഹ. 3:16.

² പൗലൊ​സി​ന്റെ നന്ദി​പ്ര​ക​ടനം കേവലം വാക്കു​ക​ളിൽ ഒതുങ്ങി​യോ? ഒരിക്ക​ലു​മില്ല! തന്റെ ആഴമായ വിലമ​തിപ്പ്‌ അവൻ അനേക വിധങ്ങ​ളിൽ പ്രകട​മാ​ക്കി. സഹ ക്രിസ്‌ത്യാ​നി​ക​ളു​ടെ ആത്മീയ ക്ഷേമത്തിൽ അവൻ അതീവ തത്‌പ​ര​നാ​യി​രു​ന്നു. ദൈവ​ത്തി​ന്റെ അനർഹ​ദ​യ​യിൽനി​ന്നു പൂർണ പ്രയോ​ജനം നേടാൻ അവരെ സഹായി​ക്കു​ന്ന​തിന്‌ തന്നാലാ​വതു ചെയ്യാൻ അവൻ ആഗ്രഹി​ച്ചു. അങ്ങനെ​യു​ള്ള​വരെ കുറിച്ച്‌ പൗലൊസ്‌ ഇപ്രകാ​രം പറഞ്ഞു: “ഇങ്ങനെ ഞങ്ങൾ നിങ്ങളെ ഓമനി​ച്ചു​കൊ​ണ്ടു നിങ്ങൾക്കു ദൈവ​ത്തി​ന്റെ സുവി​ശേഷം പ്രസം​ഗി​പ്പാൻ മാത്രമല്ല, നിങ്ങൾ ഞങ്ങൾക്കു പ്രിയ​രാ​ക​യാൽ ഞങ്ങളുടെ പ്രാണ​നും​കൂ​ടെ വെച്ചു​ത​രു​വാൻ ഒരുക്ക​മാ​യി​രു​ന്നു.” (1 തെസ്സ. 2:8) നിലവിൽ സഭയുടെ ഭാഗമാ​യി​രു​ന്ന​വരെ തങ്ങളുടെ രക്ഷ ഉറപ്പാ​ക്കാൻ സഹായി​ക്കു​ന്ന​തി​നു പുറമേ, പൗലൊസ്‌ “നിത്യ​ജീ​വനു ചേർന്ന ശരിയായ മനോ​നില” ഉള്ളവരെ കണ്ടെത്തു​ന്ന​തി​നു കരയി​ലൂ​ടെ​യും കടലി​ലൂ​ടെ​യും ആയിര​ക്ക​ണ​ക്കി​നു കിലോ​മീ​റ്റ​റു​കൾ സഞ്ചരി​ച്ചു​കൊണ്ട്‌ അക്ഷീണം സുവാർത്ത പ്രസം​ഗി​ക്കു​ക​യും ചെയ്‌തു. (പ്രവൃ. 13:48, NW) യഹോവ തനിക്കാ​യി ചെയ്‌ത സകല കാര്യ​ങ്ങ​ളോ​ടു​മുള്ള ആഴമായ വിലമ​തിപ്പ്‌, ‘ദൈവ​വ​ചനം പൂർണ​മാ​യി പ്രസം​ഗി​ക്കാൻ’ പൗലൊ​സി​നെ പ്രേരി​പ്പി​ച്ചു.—കൊലൊ. 1:25, NW.

³ നമ്മുടെ സഭയിൽ സഹായം ആവശ്യ​മു​ള്ള​വരെ ആത്മീയ​മാ​യി സഹായി​ക്കാൻ, യഹോവ നമുക്കാ​യി ചെയ്‌തി​രി​ക്കുന്ന സകല കാര്യ​ങ്ങ​ളോ​ടു​മുള്ള വിലമ​തിപ്പ്‌ നമ്മെ പ്രേരി​പ്പി​ക്കു​ന്നി​ല്ലേ? (ഗലാ. 6:10) നമ്മുടെ പ്രദേ​ശത്ത്‌ ഉടനീളം രാജ്യ സുവാർത്ത പ്രസം​ഗി​ക്കു​ന്ന​തിൽ പരമാ​വധി ചെയ്യാൻ നാം പ്രേരി​ത​രാ​കു​ന്നി​ല്ലേ?—മത്താ. 24:14.

⁴ വിലമ​തി​പ്പു പ്രകടി​പ്പി​ക്കാ​നുള്ള ഒരു അവസരം: ഓരോ വർഷവും യേശു​വി​ന്റെ മരണത്തി​ന്റെ സ്‌മാ​രകം, യഹോ​വ​യും യേശു​വും നമുക്കാ​യി ചെയ്‌തി​രി​ക്കുന്ന കാര്യ​ങ്ങ​ളോ​ടു വിലമ​തി​പ്പു പ്രകടി​പ്പി​ക്കാ​നുള്ള ഒരു പ്രത്യേക അവസരം നമുക്കു നൽകുന്നു. ഇതൊരു സാധാരണ യോഗ​മോ ഒരു സംഭവ​ത്തി​ന്റെ വെറു​മൊ​രു സ്‌മര​ണ​യോ അല്ല. യേശു ഇപ്രകാ​രം പറഞ്ഞു: “എന്റെ ഓർമയ്‌ക്കാ​യി ഇതു ചെയ്‌തു​കൊ​ണ്ടി​രി​പ്പിൻ.” (ലൂക്കൊ. 22:19, NW) ക്രിസ്‌തു​വി​ന്റെ മരണത്തി​ന്റെ സ്‌മാ​രകം, അവൻ ഏതുതരം വ്യക്തി​യാണ്‌ എന്നു ധ്യാനി​ക്കാ​നുള്ള ഒരു അവസര​മാണ്‌. വിശ്വസ്‌ത ജീവി​ത​ഗ​തി​യും യാഗവും നിമിത്തം മഹത്ത്വ​വും രാജത്വ​വും ലഭിച്ച അവൻ ജീവി​ച്ചി​രി​ക്കുന്ന, പ്രവർത്തന നിരത​നായ ഒരു വ്യക്തി​യാ​ണെന്നു തിരി​ച്ച​റി​യാ​നുള്ള സമയമാ​ണത്‌. യേശു ക്രിസ്‌തീയ സഭയുടെ കാര്യാ​ദി​ക​ളെ​യും പ്രവർത്ത​ന​ത്തെ​യും നയിക്കവേ, അവന്റെ ശിരഃ​സ്ഥാ​ന​ത്തോ​ടുള്ള നമ്മുടെ കീഴ്‌പെടൽ പ്രകട​മാ​ക്കാ​നുള്ള ഒരു അവസരം കൂടി​യാണ്‌ ഈ ആചരണം. (കൊലൊ. 1:17-20) ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തിന്‌ ദൈവ​ത്തി​ന്റെ മുഴു​ജ​ന​വും ആദരപൂർവം ഹാജരാ​കണം. ഈ വർഷത്തെ സ്‌മാ​രകം 2002 മാർച്ച്‌ 28 വ്യാഴാഴ്‌ച സൂര്യാസ്‌തമയ ശേഷം ആയിരി​ക്കും.

⁵ കഴിഞ്ഞ വർഷം സ്‌മാ​ര​കാ​ച​ര​ണ​ത്തി​നു മുമ്പു നടത്തിയ ഉത്സാഹ​പൂർവ​ക​മായ പ്രവർത്ത​ന​ത്തി​ന്റെ ഫലമായി, ഇന്ത്യയിൽ സ്‌മാ​ര​ക​ത്തിന്‌ 52,725 പേർ ഹാജരാ​യി. അത്‌ ഒരു സർവകാല അത്യു​ച്ച​മാ​യി​രു​ന്നു. ഈ വർഷത്തെ ഹാജർ എത്ര ആയിരി​ക്കും? അത്‌ വലി​യൊ​രു പരിധി​വരെ, സാധ്യ​മാ​കു​ന്നത്ര ആളുകളെ ഹാജരാ​കാൻ സഹായി​ച്ചു​കൊണ്ട്‌ നാം ‘കഠിനാ​ധ്വാ​നം ചെയ്യു​ന്ന​തി​നെ​യും തീവ്ര​ശ്രമം നടത്തു​ന്ന​തി​നെ​യും’ ആശ്രയി​ച്ചി​രി​ക്കും.—1 തിമൊ. 4:10, NW.

⁶ കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​നു ഹാജരാ​കു​ന്ന​തി​നു പുറമേ, നമ്മുടെ വയൽ പ്രവർത്തനം വർധി​പ്പി​ക്കു​ന്ന​തി​നും നമുക്കു കഴി​ഞ്ഞേ​ക്കാം. പതിനാ​യി​ര​ക്ക​ണ​ക്കി​നു സഹോ​ദ​രീ​സ​ഹോ​ദ​ര​ന്മാർ ഒന്നോ അതില​ധി​ക​മോ മാസങ്ങ​ളിൽ സഹായ പയനി​യ​റിങ്‌ ചെയ്യു​മെ​ന്ന​തി​നു സംശയ​മില്ല. കഴിഞ്ഞ അഞ്ചു വർഷ കാലയ​ള​വിൽ, ഓരോ വർഷവും സ്‌മാരക കാലത്ത്‌—മാർച്ച്‌ മുതൽ മേയ്‌ വരെ—നമുക്കു ശരാശരി 1,515 സഹായ പയനി​യർമാർ ഉണ്ടായി​രു​ന്നു. ഈ വർഷം സഹായ പയനി​യ​റിങ്‌ എന്ന പദവി ആസ്വദി​ക്കാൻ തക്കവണ്ണം കാര്യാ​ദി​കൾ ക്രമീ​ക​രി​ക്കാൻ നിങ്ങൾക്കു കഴിയു​മോ? ക്രിസ്‌തു​വി​ന്റെ യാഗമെന്ന ദൈവ​ത്തി​ന്റെ സ്‌നേ​ഹ​പൂർവ​ക​മായ ദാന​ത്തോ​ടുള്ള നിങ്ങളു​ടെ ആത്മാർഥ​മായ വിലമ​തി​പ്പു പ്രകട​മാ​ക്കു​ന്ന​തി​നുള്ള ഒരു ഉത്തമ മാർഗ​മാണ്‌ അത്‌. യഹോ​വ​യു​ടെ അനു​ഗ്രഹം സംബന്ധിച്ച്‌ നിങ്ങൾക്ക്‌ ഉറപ്പു​ള്ളവർ ആയിരി​ക്കാൻ കഴിയും. പിൻവ​രുന്ന അനുഭ​വങ്ങൾ അതാണു വ്യക്തമാ​ക്കു​ന്നത്‌.

⁷ കഴിഞ്ഞ മാർച്ചിൽ സഹായ പയനി​യ​റിങ്‌ നടത്തി​യ​തി​നെ കുറിച്ച്‌ മുഴു​സമയ ലൗകിക ജോലി ഉണ്ടായി​രുന്ന ഒരു സഹോ​ദരി ഇപ്രകാ​രം എഴുതി: “സാഹച​ര്യം അനുവ​ദി​ക്കുന്ന എല്ലാവ​രും സ്‌മാരക കാലത്തു സഹായ പയനി​യ​റിങ്‌ നടത്താൻ 2001 ഫെബ്രു​വ​രി​യി​ലെ നമ്മുടെ രാജ്യ ശുശ്രൂഷ പ്രോ​ത്സാ​ഹി​പ്പി​ച്ചി​രു​ന്നു. മാർച്ചിൽ അഞ്ചു ശനിയാഴ്‌ചകൾ ഉണ്ടായി​രു​ന്ന​തി​നാൽ അത്‌ എന്റെ പട്ടിക​യു​മാ​യി യോജി​ച്ചു. അതു​കൊണ്ട്‌ ഞാൻ അപേക്ഷ സമർപ്പി​ക്കാൻ തീരു​മാ​നി​ച്ചു.” ഒരു ഭവന ബൈബിൾ അധ്യയനം ആരംഭി​ക്കാൻ ശ്രമി​ക്കു​ക​യെന്ന ലക്ഷ്യം മാസാ​രം​ഭ​ത്തിൽത്തന്നെ അവർ വെച്ചു. ആ ലക്ഷ്യം നിറ​വേ​റി​യോ? ഉവ്വ്‌, ആ മാസത്തെ സാക്ഷീ​ക​ര​ണ​ത്തി​ന്റെ 52-ാമത്തെ മണിക്കൂ​റിൽ! അവർ എന്തു നിഗമ​ന​ത്തിൽ എത്തി​ച്ചേർന്നു? “കൂടു​ത​ലായ ശ്രമം ചെയ്യു​മ്പോൾ അത്ഭുത​ക​ര​മായ അനു​ഗ്ര​ഹങ്ങൾ നമുക്കാ​യി കാത്തി​രി​ക്കു​ന്നു.”

⁸ കുടും​ബം ഒത്തൊ​രു​മി​ച്ചു പയനി​യ​റിങ്‌ ചെയ്യു​ന്ന​തി​ന്റെ പ്രയോ​ജ​നങ്ങൾ എന്തൊ​ക്കെ​യാണ്‌? കഴിഞ്ഞ ഏപ്രി​ലിൽ അപ്രകാ​രം ചെയ്‌ത ഒരു നാലംഗ കുടും​ബം അത്‌ ഒരിക്ക​ലും മറക്കാ​നാ​വാത്ത ഒരു മാസമാ​ണെന്നു കണ്ടെത്തി. മാതാവ്‌ ഇപ്രകാ​രം പറഞ്ഞു: “ഞങ്ങൾ ഒത്തൊ​രു​മി​ച്ചു ശുശ്രൂ​ഷ​യിൽ ഏർപ്പെ​ട്ടി​രു​ന്ന​തി​നാൽ ഓരോ ദിവസത്തെ കുറി​ച്ചും ഞങ്ങൾക്ക്‌ എത്ര ക്രിയാ​ത്മ​ക​മായ ഒരു വീക്ഷണ​മാണ്‌ ഉണ്ടായി​രു​ന്നത്‌! സേവന​ത്തി​ലെ ഞങ്ങളുടെ പ്രവർത്ത​ന​ങ്ങളെ കുറി​ച്ചുള്ള ചർച്ചകൾ അത്താഴ​വേ​ളയെ വളരെ ആസ്വാ​ദ്യ​മാ​ക്കി.” “ഒരാഴ്‌ച ജോലി​ക്കു പോകാ​തെ വയൽസേ​വ​ന​ത്തി​നു വേണ്ടി മാറ്റി​വെച്ച ഡാഡി​യോ​ടൊ​പ്പം ഒരുമി​ച്ചു പ്രവർത്തി​ച്ചതു ഞാൻ ആസ്വദി​ച്ചു,” മകൻ പറഞ്ഞു. പിതാവ്‌ ഇപ്രകാ​രം കൂട്ടി​ച്ചേർത്തു: “നമ്മുടെ നാളിലെ അതി​പ്ര​ധാന വേലയിൽ ഞങ്ങൾ ഒത്തൊ​രു​മി​ച്ചു പ്രവർത്തി​ക്കു​ന്നു എന്ന അറിവ്‌ കുടും​ബ​നാ​ഥൻ എന്ന നിലയിൽ എനിക്കു സംതൃപ്‌തി പകർന്നു.” നിങ്ങളു​ടെ കുടും​ബ​ത്തിന്‌ ഒത്തൊ​രു​മി​ച്ചു പയനി​യ​റിങ്‌ ചെയ്യാൻ കഴിയു​മോ? ഈ സ്‌മാരക കാലത്ത്‌ നിങ്ങളു​ടെ മുഴു കുടും​ബ​ത്തി​നും സഹായ പയനി​യ​റിങ്‌ ചെയ്യാൻ സാധി​ക്കു​മോ എന്നു കാണാൻ എന്തു​കൊണ്ട്‌ ഒരു കുടുംബ ചർച്ച നടത്തി​ക്കൂ​ടാ?

⁹ മാർച്ചി​നെ ഏറ്റവും മെച്ചപ്പെട്ട മാസം ആക്കാൻ നമുക്കാ​കു​മോ? 2000-ത്തിന്റെ തുടക്ക​ത്തിൽ നമ്മുടെ രാജ്യ ശുശ്രൂഷ ഒരു ചോദ്യം ഉന്നയിച്ചു: “2000 ഏപ്രിൽ നമുക്ക്‌ ഏറ്റവും മെച്ചപ്പെട്ട മാസം ആക്കാനാ​കു​മോ?” പ്രതി​ക​രണം എന്തായി​രു​ന്നു? പല അത്യു​ച്ചങ്ങൾ റിപ്പോർട്ടു ചെയ്യ​പ്പെട്ടു. ഒരു മാസം 3,287 സഹായ പയനി​യർമാ​രു​ടെ ഒരു സർവകാല അത്യുച്ചം ഉണ്ടായി. കൂടാതെ, ബൈബിൾ അധ്യയ​നങ്ങൾ, മണിക്കൂർ, പ്രസാ​ധകർ, മടക്കസ​ന്ദർശ​നങ്ങൾ എന്നിവ​യി​ലും പുതിയ അത്യു​ച്ചങ്ങൾ ഉണ്ടായി​രു​ന്നു. ആ പ്രത്യേക മാസത്തെ തിരക്കിട്ട ആത്മീയ പ്രവർത്തനം നിങ്ങളു​ടെ സഭയിൽ ഉളവാ​ക്കിയ ഉത്സാഹം നിങ്ങൾക്ക്‌ ഓർമി​ക്കാൻ കഴിയു​മോ? ആ നേട്ടങ്ങൾക്ക്‌ ഒപ്പമെ​ത്താ​നോ അതിനെ മറിക​ട​ക്കാ​നോ ഈ വർഷം നമുക്കാ​കു​മോ? എല്ലാവ​രു​ടെ​യും കൂട്ടായ ശ്രമത്താൽ 2002 മാർച്ച്‌ “ഏറ്റവും മെച്ചപ്പെട്ട മാസം” ആക്കിത്തീർക്കാൻ നമുക്കു കഴിയും. മാർച്ചിന്‌ എന്താണു പ്രത്യേ​കത?

¹⁰ മാർച്ച്‌ പ്രവർത്ത​ന​ത്തി​ന്റെ ഒരു പ്രത്യേക മാസം ആയിരി​ക്കണം എന്നതിനു രണ്ടു കാരണ​ങ്ങ​ളുണ്ട്‌. ഒന്നാമത്‌, മാർച്ച്‌ അവസാനം ആചരി​ക്ക​പ്പെ​ടുന്ന സ്‌മാ​ര​ക​ത്തി​നു പരമാ​വധി ആളുകളെ ക്ഷണിക്കാൻ മാസത്തി​ന്റെ തുടക്ക​ത്തിൽത്തന്നെ നമുക്കു വേണ്ടത്ര അവസരം ലഭിക്കു​ന്നു. രണ്ടാമത്‌, ഈ വർഷം മാർച്ചിന്‌ അഞ്ചു വാരാ​ന്ത​ങ്ങ​ളുണ്ട്‌. അത്‌ ലൗകിക ജോലി ചെയ്യു​ന്ന​വർക്കും സ്‌കൂ​ളിൽ പോകു​ന്ന​വർക്കും സഹായ പയനി​യ​റിങ്‌ ചെയ്യുക കൂടുതൽ എളുപ്പ​മാ​ക്കി​ത്തീർക്കു​ന്നു. ഈ അനുബ​ന്ധ​ത്തിൽ നൽകി​യി​രി​ക്കുന്ന കലണ്ടർ ഉപയോ​ഗിച്ച്‌ പ്രാ​യോ​ഗി​ക​മായ ഒരു പട്ടിക ഇപ്പോൾത്തന്നെ എന്തു​കൊണ്ട്‌ ഉണ്ടാക്കി​ക്കൂ​ടാ? സഹായ പയനി​യ​റിങ്‌ നിങ്ങൾ വിചാ​രി​ക്കു​ന്ന​തി​നെ​ക്കാൾ എളുപ്പ​മാ​യി​രി​ക്കാം. ഉദാഹ​ര​ണ​ത്തിന്‌, അഞ്ചു വാരാ​ന്ത​ങ്ങ​ളിൽ ഓരോ​ന്നി​ലും വയൽസേ​വ​ന​ത്തിന്‌ 8 മണിക്കൂർ പട്ടിക​പ്പെ​ടു​ത്തു​ന്നെ​ങ്കിൽ, 50 മണിക്കൂർ വ്യവസ്ഥ​യിൽ എത്തി​ച്ചേ​രു​ന്ന​തിന്‌ മാസത്തി​ന്റെ ശേഷിച്ച സമയത്ത്‌ നിങ്ങൾ 10 മണിക്കൂർ മാത്രം പ്രവർത്തി​ച്ചാൽ മതിയാ​കും.

¹¹ “ദൈവ​വ​ചനം പൂർണ​മാ​യി പ്രസംഗി”ക്കാൻ സഭയി​ലുള്ള എല്ലാവ​രെ​യും സഹായി​ക്കു​ന്ന​തി​നു മൂപ്പന്മാർക്ക്‌ എന്തു ചെയ്യാ​നാ​കും? യോഗ​പ​രി​പാ​ടി​ക​ളി​ലൂ​ടെ​യും വ്യക്തി​പ​ര​മായ സംഭാ​ഷ​ണ​ങ്ങ​ളി​ലൂ​ടെ​യും ഉത്സാഹം പകരുക. സഭാ പുസ്‌ത​കാ​ധ്യ​യന നിർവാ​ഹ​കർക്കും അവരുടെ സഹായി​കൾക്കും തങ്ങളുടെ കൂട്ടത്തി​ലെ ഓരോ​രു​ത്ത​രോ​ടും സംസാ​രിച്ച്‌ വ്യക്തി​പ​ര​മായ സഹായം കൊടു​ക്കു​ന്ന​തിൽ മുൻകൈ എടുക്കാ​വു​ന്ന​താണ്‌. ദയാപൂർവ​ക​മായ ചുരുക്കം ചില പ്രോ​ത്സാ​ഹന വാക്കു​ക​ളോ പ്രാ​യോ​ഗി​ക​മായ ഏതാനും നിർദേ​ശ​ങ്ങ​ളോ മാത്ര​മാ​യി​രി​ക്കാം ആകെ ആവശ്യ​മാ​യി​രി​ക്കു​ന്നത്‌. (സദൃ. 25:11) തങ്ങളുടെ പട്ടിക​യിൽ നേരിയ പൊരു​ത്ത​പ്പെ​ടു​ത്ത​ലു​കൾ വരുത്തു​ന്ന​തി​ലൂ​ടെ സഹായ പയനി​യർമാ​രാ​യി സേവി​ക്കു​ക​യെന്ന പദവി ആസ്വദി​ക്കാ​നാ​കു​മെന്ന്‌ അനേകർ കണ്ടെത്തും. അനേകം സഭകളിൽ, മിക്കവാ​റും എല്ലാ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും അവരുടെ ഭാര്യ​മാ​രും സ്‌മാരക കാലത്ത്‌ ഒന്നിച്ചു സഹായ പയനി​യ​റിങ്‌ ചെയ്‌തു​കൊണ്ട്‌ നല്ല മാതൃക വെക്കുന്നു. ആ പ്രവർത്ത​ന​ത്തിൽ ചേരാൻ ഇത്‌ അനേകം പ്രസാ​ധ​കരെ പ്രോ​ത്സാ​ഹി​പ്പി​ച്ചി​രി​ക്കു​ന്നു. ശാരീ​രിക പരിമി​തി​ക​ളോ മറ്റു സാഹച​ര്യ​ങ്ങ​ളോ നിമിത്തം ചില പ്രസാ​ധ​കർക്കു പയനി​യ​റിങ്‌ ചെയ്യാൻ കഴി​ഞ്ഞെന്നു വരില്ല. എന്നാൽ, സഭയിലെ മറ്റുള്ള​വ​രോ​ടൊ​പ്പം ശുശ്രൂ​ഷ​യിൽ പരമാ​വധി ചെയ്‌തു​കൊണ്ട്‌ തങ്ങളുടെ വിലമ​തി​പ്പു പ്രകടി​പ്പി​ക്കാൻ അവരെ പ്രോ​ത്സാ​ഹി​പ്പി​ക്കാ​നാ​കും.

¹² വിജയം മൂപ്പന്മാ​രു​ടെ ഭാഗത്തെ ശ്രദ്ധാ​പൂർവ​ക​മായ ആസൂ​ത്ര​ണത്തെ ആശ്രയി​ച്ചി​രി​ക്കു​ന്നു. വാരത്തിൽ ഉടനീളം സൗകര്യ​പ്ര​ദ​മായ സമയത്ത്‌ വയൽസേവന യോഗങ്ങൾ ക്രമീ​ക​രി​ക്കണം. സാധ്യ​മെ​ങ്കിൽ, എല്ലാ വയൽസേവന യോഗ​ങ്ങ​ളും നടത്താൻ സേവന മേൽവി​ചാ​രകൻ യോഗ്യ​ത​യുള്ള സഹോ​ദ​ര​ന്മാ​രെ മുൻകൂ​ട്ടി നിയമി​ക്കും. നല്ല തയ്യാറാ​ക​ലോ​ടെ നടത്തു​മ്പോൾ, കൂട്ടങ്ങളെ തിരി​ച്ചു​വി​ടു​ന്ന​തും പ്രദേശം നിയമി​ച്ചു കൊടു​ക്കു​ന്ന​തും പ്രാർഥി​ക്കു​ന്ന​തും ഉൾപ്പെടെ വയൽസേവന യോഗം 10 മുതൽ 15 വരെ മിനി​ട്ടിൽ കൂടുതൽ നീളു​ക​യില്ല. (2001 സെപ്‌റ്റം​ബർ ലക്കം നമ്മുടെ രാജ്യ ശുശ്രൂ​ഷ​യി​ലെ ‘ചോദ്യ​പ്പെട്ടി’ കാണുക.) ആ മാസ​ത്തേ​ക്കുള്ള പ്രവർത്ത​ന​ത്തി​ന്റെ ഒരു പട്ടിക സഭയിൽ വ്യക്തമാ​യി വിശദീ​ക​രി​ക്കു​ക​യും അത്‌ നോട്ടീസ്‌ ബോർഡിൽ ഇടുക​യും വേണം.

¹³ വേണ്ടത്ര പ്രദേശം ലഭ്യമാ​യി​രി​ക്കണം. കൂടെ​ക്കൂ​ടെ പ്രവർത്തി​ക്കാത്ത പ്രദേ​ശ​ങ്ങ​ളിൽ പ്രവർത്തി​ക്കു​ന്ന​തി​നു ക്രമീ​ക​ര​ണങ്ങൾ ചെയ്യാൻ സേവന മേൽവി​ചാ​രകൻ പ്രദേ​ശങ്ങൾ കൈകാ​ര്യം ചെയ്യുന്ന സഹോ​ദ​ര​നു​മാ​യി കൂടി​യാ​ലോ​ചി​ക്കണം. ആളില്ലാ-ഭവനങ്ങൾ സന്ദർശി​ക്കൽ, തെരുവു സാക്ഷീ​ക​രണം, കടകൾതോ​റു​മുള്ള പ്രവർത്തനം, സായാഹ്ന സാക്ഷീ​ക​രണം എന്നിവയ്‌ക്ക്‌ ഊന്നൽ കൊടു​ക്കണം. ഉചിത​മാ​യി​രി​ക്കു​ന്നി​ടത്ത്‌, ടെലി​ഫോൺ സാക്ഷീ​ക​രണം നടത്താൻ ചില പ്രസാ​ധ​കരെ സഹായി​ക്കാ​വു​ന്ന​താണ്‌.

¹⁴ വീണ്ടും സേവന​ത്തിൽ ഏർപ്പെ​ടാൻ അവരെ സഹായി​ക്കുക: സുവാർത്താ പ്രസം​ഗ​ത്തിൽ ഏർപ്പെ​ടാത്ത നിഷ്‌ക്രി​യ​രായ ആരെങ്കി​ലും നിങ്ങളു​ടെ സഭാ പ്രദേ​ശ​ത്തു​ണ്ടോ? അവർ ഇപ്പോ​ഴും സഭയുടെ ഭാഗമാണ്‌, അവർക്കു സഹായം ആവശ്യ​മുണ്ട്‌. (സങ്കീ. 119:176) ഈ പഴയ ലോക​ത്തി​ന്റെ അന്ത്യം വളരെ അടുത്തി​രി​ക്കു​ന്ന​തി​നാ​ലും പുതിയ ലോകം നമ്മുടെ തൊട്ടു​മു​ന്നിൽ ആയിരി​ക്കു​ന്ന​തി​നാ​ലും, നിഷ്‌ക്രി​യർ ആയിത്തീർന്ന​വരെ സഹായി​ക്കാൻ സകല ശ്രമവും ചെയ്യു​ന്ന​തി​നു നമുക്കു നല്ല കാരണ​മുണ്ട്‌. (റോമ. 13:11, 12) കഴിഞ്ഞ അഞ്ചില​ധി​കം വർഷങ്ങ​ളാ​യി, ഓരോ വർഷവും 300-ഓളം പേർ നൽകപ്പെട്ട സഹായ​ത്തോ​ടു പ്രതി​ക​രിച്ച്‌ പുനഃ​ക്രി​യർ ആയിത്തീർന്നി​രി​ക്കു​ന്നു. തുടക്ക​ത്തിൽ ഉണ്ടായി​രുന്ന സ്‌നേ​ഹ​വും വിശ്വാ​സ​വും വീണ്ടെ​ടു​ക്കാൻ അനേകരെ കൂടി സഹായി​ക്കാൻ നമുക്ക്‌ എന്തു ചെയ്യാ​നാ​കും?—എബ്രാ. 3:12-14.

¹⁵ കഴിഞ്ഞ ഏതാനും വർഷങ്ങ​ളാ​യി നിഷ്‌ക്രി​യർ ആയിരി​ക്കു​ന്ന​വരെ എങ്ങനെ സഹായി​ക്കാ​മെന്ന്‌ മൂപ്പന്മാ​രു​ടെ സംഘം ചർച്ച ചെയ്യും. (മത്താ. 18:12-14) സെക്ര​ട്ടറി സഭാ പ്രസാധക രേഖാ കാർഡ്‌ പരി​ശോ​ധിച്ച്‌ ആരൊ​ക്കെ​യാ​ണു നിഷ്‌ക്രി​യർ എന്നു കണ്ടുപി​ടി​ക്കണം. അവർക്കു സഹായം നൽകാൻ ഇടയ സന്ദർശ​ന​ത്തി​ലൂ​ടെ ഒരു പ്രത്യേക ശ്രമം ചെയ്യേ​ണ്ട​തുണ്ട്‌. മുമ്പുള്ള പരിച​യ​മോ സഹവാ​സ​മോ നിമിത്തം ഒരു പ്രസാ​ധ​കനെ സന്ദർശി​ക്കാൻ ഒരു മൂപ്പൻ ആഗ്രഹി​ച്ചേ​ക്കാം, അല്ലെങ്കിൽ മറ്റു പ്രസാ​ധ​ക​രോട്‌ അദ്ദേഹത്തെ സഹായി​ക്കാൻ പറഞ്ഞേ​ക്കാം. അവർ ഒരുപക്ഷേ ആ വ്യക്തിക്ക്‌ അധ്യയനം എടുത്തി​ട്ടു​ള്ള​താ​യി​രി​ക്കാം; ഈ അവശ്യ സമയത്ത്‌ പ്രത്യേക സഹായം നൽകാൻ ലഭിക്കുന്ന അവസരത്തെ അവർ സ്വാഗതം ചെയ്യും. നിഷ്‌ക്രി​യ​രായ അനേകർ വീണ്ടും ദൈവ​വ​ചനം പ്രസം​ഗി​ച്ചു തുടങ്ങാൻ പ്രേരി​ത​രാ​കു​മെന്നു പ്രതീ​ക്ഷി​ക്കാം. അവർ യോഗ്യത പ്രാപി​ക്കു​ന്നെ​ങ്കിൽ, അവർക്കു തുടക്ക​മി​ടാൻ ഏറ്റവും പറ്റിയ സമയമാണ്‌ സ്‌മാരക കാലം!—കൂടു​ത​ലായ വിശദാം​ശ​ങ്ങൾക്ക്‌ 2000 നവംബർ ലക്കം നമ്മുടെ രാജ്യ ശുശ്രൂ​ഷ​യി​ലെ ‘ചോദ്യ​പ്പെട്ടി’ കാണുക.

¹⁶ മറ്റുള്ളവർ പ്രസം​ഗി​ക്കാൻ യോഗ്യത നേടി​യി​രി​ക്കു​ന്നു​വോ? ‘സകല ജനതക​ളി​ലെ​യും അഭികാ​മ്യ വസ്‌തു​ക്കളെ’ കൂട്ടി​വ​രു​ത്തി​ക്കൊണ്ട്‌ യഹോവ തന്റെ ജനത്തെ അനു​ഗ്ര​ഹി​ക്കു​ന്ന​തിൽ തുടരു​ന്നു. (ഹഗ്ഗാ. 2:7, NW) ഓരോ വർഷവും ആയിരങ്ങൾ സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​ക​രാ​കാൻ യോഗ്യത പ്രാപി​ക്കു​ന്നു. അവർ ആരാണ്‌? യഹോ​വ​യു​ടെ സാക്ഷി​ക​ളു​ടെ കുട്ടി​ക​ളും പുരോ​ഗ​മി​ച്ചു​കൊ​ണ്ടി​രി​ക്കുന്ന ബൈബിൾ വിദ്യാർഥി​ക​ളും. സുവാർത്ത​യു​ടെ പ്രസാ​ധ​ക​രാ​യി​രി​ക്കാൻ അവർ യോഗ്യത പ്രാപി​ച്ചി​രി​ക്കു​ന്നു​വോ എന്നു നമുക്ക്‌ എങ്ങനെ അറിയാം?

¹⁷ യഹോ​വ​യു​ടെ സാക്ഷി​ക​ളു​ടെ കുട്ടികൾ: അനേകം കുട്ടി​ക​ളും സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധകർ ആയിത്തീർന്നി​ട്ടി​ല്ലെ​ങ്കി​ലും വർഷങ്ങ​ളാ​യി മാതാ​പി​താ​ക്ക​ളോ​ടൊ​പ്പം വീടു​തോ​റും പോകു​ന്ന​വ​രാണ്‌. മാർച്ച്‌ അവർക്കു തുടക്ക​മി​ടാൻ പറ്റിയ സമയം ആയിരി​ക്കാം. നിങ്ങളു​ടെ കുട്ടി യോഗ്യത പ്രാപി​ച്ചി​രി​ക്കു​ന്നു​വോ എന്നു നിങ്ങൾക്ക്‌ എങ്ങനെ അറിയാം? “ഒരു കുട്ടി നടത്തയിൽ മാതൃ​കാ​യോ​ഗ്യ​നാ​യി​രി​ക്കു​ക​യും ഹൃദ്‌പ്രേ​ര​ണ​യോ​ടെ സുവാർത്ത​യെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കു​ന്ന​തി​നാൽ തന്റെ വിശ്വാ​സ​ത്തി​ന്റെ വ്യക്തി​പ​ര​മായ പ്രകാ​ശനം നടത്താൻ പ്രാപ്‌ത​നാ​യി​രി​ക്കു​ക​യും ചെയ്യു​മ്പോൾ” ആണ്‌ അവൻ യോഗ്യ​നാ​യി​രി​ക്കു​ന്നത്‌ എന്ന്‌ നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പുസ്‌ത​ക​ത്തി​ന്റെ 100-ാം പേജ്‌ പറയുന്നു. നിങ്ങളു​ടെ കുട്ടി യോഗ്യത പ്രാപി​ച്ചെന്നു നിങ്ങൾ വിചാ​രി​ക്കു​ന്നെ​ങ്കിൽ, സഭാ സേവന കമ്മിറ്റി​യി​ലെ ഒരു മൂപ്പ​നോട്‌ അതേപ്പറ്റി സംസാ​രി​ക്കുക.

¹⁸ യോഗ്യത പ്രാപിച്ച ബൈബിൾ വിദ്യാർഥി​കൾ: ഒരു ബൈബിൾ വിദ്യാർഥി പരിജ്ഞാ​നം നേടു​ക​യും കുറച്ചു​കാ​ലം യോഗ​ങ്ങൾക്കു ഹാജരാ​കു​ക​യും ചെയ്‌ത​ശേഷം, ഒരു രാജ്യ പ്രസാ​ധ​ക​നാ​കാൻ ആഗ്രഹി​ച്ചേ​ക്കാം. അത്തരത്തി​ലുള്ള ഒരു വിദ്യാർഥി​ക്കു നിങ്ങൾ അധ്യയനം എടുക്കു​ന്നു​ണ്ടെ​ങ്കിൽ, പിൻവ​രുന്ന ചോദ്യ​ങ്ങൾ പരിചി​ന്തി​ക്കുക: പ്രായ​ത്തി​നും പ്രാപ്‌തി​ക്കും ചേർച്ച​യിൽ അദ്ദേഹം പുരോ​ഗതി നേടു​ന്നു​വോ? അദ്ദേഹം തന്റെ വിശ്വാ​സം മറ്റുള്ള​വ​രു​മാ​യി അനൗപ​ചാ​രി​ക​മാ​യി പങ്കു​വെ​ക്കാൻ തുടങ്ങി​യോ? അദ്ദേഹം “പുതിയ വ്യക്തി​ത്വം” ധരിക്കു​ന്നു​ണ്ടോ? (കൊലൊ. 3:10, NW) നമ്മുടെ ശുശ്രൂഷ പുസ്‌ത​ക​ത്തി​ന്റെ 97-9 പേജു​ക​ളിൽ, സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​കർക്കാ​യി നൽകി​യി​രി​ക്കുന്ന യോഗ്യ​ത​ക​ളിൽ അദ്ദേഹം എത്തി​ച്ചേ​രു​ന്നു​ണ്ടോ? എങ്കിൽ, സഭാ സേവന കമ്മിറ്റി​യു​മാ​യി ബന്ധപ്പെ​ടുക. അങ്ങനെ, രണ്ടു മൂപ്പന്മാർ നിങ്ങ​ളോ​ടും വിദ്യാർഥി​യോ​ടു​മൊ​ത്തു കൂടി​വ​രു​ന്ന​തി​നുള്ള ക്രമീ​ക​ര​ണങ്ങൾ ചെയ്യാൻ അവർക്കു കഴിയും. വിദ്യാർഥി യോഗ്യത പ്രാപി​ച്ചി​രി​ക്കു​ന്നെ​ങ്കിൽ, അദ്ദേഹ​ത്തി​നു പരസ്യ ശുശ്രൂ​ഷ​യിൽ പങ്കുപ​റ്റാ​വു​ന്ന​താ​ണെന്ന്‌ ആ രണ്ടു മൂപ്പന്മാർ അദ്ദേഹത്തെ അറിയി​ക്കും.

¹⁹ ഏപ്രിൽ, മേയ്‌ മാസങ്ങ​ളി​ലോ? ഇവയും വയൽ ശുശ്രൂ​ഷ​യിൽ വർധിച്ച പ്രവർത്ത​ന​ത്തി​നുള്ള മാസങ്ങൾ ആയിരി​ക്കും. മാർച്ചിൽ സഹായ പയനി​യ​റിങ്‌ ചെയ്യുന്ന അനേകർക്കും ഏപ്രിൽ, മേയ്‌ മാസങ്ങ​ളി​ലോ അതിൽ ഏതെങ്കി​ലും ഒരു മാസത്തി​ലോ വീണ്ടും അതിനു കഴി​ഞ്ഞേ​ക്കും. ഏപ്രിൽ, മേയ്‌ മാസങ്ങ​ളിൽ ശുശ്രൂ​ഷ​യിൽ വീക്ഷാ​ഗോ​പു​രം, ഉണരുക! മാസി​കകൾ വിശേ​ഷ​വത്‌ക​രി​ക്കു​ന്ന​തി​നു നാം മുൻഗണന കൊടു​ക്കും. ആ മാസി​കകൾ വായി​ക്കു​ന്ന​വ​രു​ടെ ജീവി​ത​ത്തി​ന്മേൽ അവയ്‌ക്ക്‌ എത്ര നല്ല ഫലം ഉണ്ടായി​രു​ന്നി​ട്ടുണ്ട്‌! ലോക​വ്യാ​പ​ക​മാ​യി ഉണ്ടായി​രി​ക്കുന്ന വിസ്‌മ​യാ​വ​ഹ​മായ വർധന​യിൽ ഈ മാസി​കകൾ വലിയ ഒരു പങ്കു വഹിച്ചി​രി​ക്കു​ന്നു. കഴിയു​ന്നത്ര ആളുകൾക്ക്‌ ഈ മാസി​കകൾ സമർപ്പി​ക്കാൻ ഏപ്രി​ലി​ലും മേയി​ലും ഒരു പ്രത്യേക ശ്രമം നടത്തു​ന്ന​താ​യി​രി​ക്കും. അതിൽ ഒരു പൂർണ പങ്ക്‌ ഉണ്ടായി​രി​ക്കാൻ ഇപ്പോൾത്തന്നെ ആസൂ​ത്രണം ചെയ്യുക.

²⁰ വർധിച്ച പ്രസംഗ പ്രവർത്ത​ന​ത്തി​നു പദ്ധതി​യി​ട്ടി​രി​ക്കു​ന്ന​തു​കൊണ്ട്‌, നിങ്ങളു​ടെ മാസികാ ഓർഡർ കൂട്ടേ​ണ്ട​തു​ണ്ടോ? സേവന​വർഷ​ത്തിൽ ഉടനീളം, നമ്മുടെ നിർദിഷ്ട മാസികാ ദിനമായ ഓരോ ശനിയാഴ്‌ച​യും നാം വീക്ഷാ​ഗോ​പു​രം, ഉണരുക! മാസി​കകൾ വിശേ​ഷ​വത്‌ക​രി​ക്കു​ന്നു. എന്നിരു​ന്നാ​ലും, അനേകർ സഹായ പയനിയർ സേവന​ത്തിൽ ഏർപ്പെ​ടു​ക​യും നാം എല്ലാവ​രും രണ്ടു മാസം മുഴു​വ​നും മാസി​കകൾ വിശേ​ഷ​വത്‌ക​രി​ക്കു​ക​യും ചെയ്യു​മെ​ന്ന​തി​നാൽ, നിങ്ങളു​ടെ മാസികാ ഓർഡർ കൂട്ടേ​ണ്ടത്‌ ആവശ്യ​മാ​യി​രി​ക്കാം. എങ്കിൽ, നിങ്ങളു​ടെ സഭയിലെ മാസികാ ദാസനെ പെട്ടെ​ന്നു​തന്നെ അറിയി​ക്കുക. അതേസ​മയം, എല്ലാവ​രു​ടെ​യും ഉപയോ​ഗ​ത്തി​നാ​യി ബൈബി​ളി​നെ കുറിച്ച്‌ കൂടുതൽ അറിയാൻ നിങ്ങൾ ആഗ്രഹി​ക്കു​വോ? എന്ന ലഘു​ലേ​ഖ​യു​ടെ വേണ്ടത്ര ശേഖരം ഉണ്ടെന്ന്‌ സാഹിത്യ ദാസൻ ഉറപ്പു വരുത്തണം.

²¹ നമ്മുടെ രാജ്യ ശുശ്രൂ​ഷ​യി​ലെ “മാസി​കകൾ വിശേ​ഷ​വത്‌ക​രി​ക്കാൻ പറയാ​വു​ന്നത്‌” എന്ന പംക്തിയെ കുറിച്ച്‌ അനേകർ വിലമ​തി​പ്പു പ്രകടി​പ്പി​ച്ചി​രി​ക്കു​ന്നു. മാതൃകാ മാസി​കാ​വ​ത​രണം പഠിച്ചു​കൊണ്ട്‌ നിങ്ങൾ ഈ കരുത​ലിൽനി​ന്നു പ്രയോ​ജനം നേടി​യി​രി​ക്കു​ന്നു​വോ? ഓരോ വാരത്തി​ലെ​യും നിങ്ങളു​ടെ കുടുംബ ബൈബിൾ അധ്യയന സമയത്തി​ന്റെ ഒരു ഭാഗം ഈ അവതര​ണങ്ങൾ പരിശീ​ലി​ക്കാൻ എന്തു​കൊണ്ട്‌ ഉപയോ​ഗി​ച്ചു​കൂ​ടാ?

²² ഈ സ്‌മാരക കാലം പൂർണ​മാ​യി പ്രയോ​ജ​ന​പ്പെ​ടു​ത്തുക: ഈ സ്‌മാരക കാല​ത്തേ​ക്കാ​യി ക്രമീ​ക​രി​ച്ചി​രി​ക്കുന്ന ആത്മീയ പ്രവർത്ത​ന​ങ്ങ​ളിൽ പൂർണ​മാ​യി പങ്കെടു​ക്കു​ക​വഴി, അപ്പൊസ്‌ത​ല​നായ പൗലൊ​സി​നെ പോലെ യഹോ​വ​യു​ടെ “അവർണ​നീ​യ​മായ സൗജന്യ ദാനം” നാം എത്രമാ​ത്രം വിലമ​തി​ക്കു​ന്നു​വെന്ന്‌ നമുക്ക്‌ അവനു കാണി​ച്ചു​കൊ​ടു​ക്കാം. ആ പ്രവർത്ത​ന​ങ്ങ​ളിൽ പിൻവ​രു​ന്നവ ഉൾപ്പെ​ടു​ന്നു: (1) ഈ വർഷത്തെ ഏറ്റവും പ്രധാ​ന​പ്പെട്ട സന്ദർഭ​ത്തിന്‌, അതായത്‌ 2002 മാർച്ച്‌ 28 വ്യാഴാഴ്‌ച കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​ന്റെ ആചരണ​ത്തി​നു ഹാജരാ​കൽ; (2) നിഷ്‌ക്രി​യർ ആയിത്തീർന്ന​വരെ അവരുടെ “ആദ്യസ്‌നേഹം” വീണ്ടെ​ടു​ക്കാൻ സഹായി​ക്കൽ (വെളി. 2:4; റോമ. 12:11); (3) സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധകർ ആയിത്തീ​രാൻ യോഗ്യത പ്രാപി​ച്ചി​രി​ക്കുന്ന നമ്മുടെ കുട്ടി​ക​ളെ​യും ബൈബിൾ വിദ്യാർഥി​ക​ളെ​യും സഹായി​ക്കൽ; (4) കഴിയു​ന്നത്ര പൂർണ​മാ​യി—മാർച്ചി​ലും അതിനു​ശേ​ഷ​വും സഹായ പയനി​യ​റിങ്‌ ചെയ്‌തു​കൊ​ണ്ടു​പോ​ലും—സുവി​ശേ​ഷി​ക്കൽ വേലയിൽ ഉൾപ്പെടൽ.—2 തിമൊ. 4:5.

²³ യഹോവ നമുക്കാ​യി ചെയ്‌തി​രി​ക്കുന്ന എല്ലാറ്റി​നോ​ടു​മുള്ള വിലമ​തി​പ്പി​ന്റെ ആഴം പ്രകട​മാ​ക്കാൻ തക്കവണ്ണം ഈ സ്‌മാരക കാലത്ത്‌ രാജ്യ സുവാർത്ത പ്രസം​ഗി​ക്കു​ന്ന​തിൽ നമുക്ക്‌ എല്ലാവർക്കും ഒരു പൂർണ പങ്ക്‌ ഉണ്ടായി​രി​ക്കട്ടെ എന്നാണു ഞങ്ങളുടെ ആത്മാർഥ​മായ പ്രാർഥന.

[6-ാം പേജിലെ ചതുരം]

2002 മാർച്ചി​ലേ​ക്കുള്ള വ്യക്തിഗത വയൽസേവന പട്ടിക

ഞായർ തിങ്കൾ ചൊവ്വ ബുധൻ വ്യാഴം വെള്ളി ശനി

1 2

മാസികാ ദിനം

3 4 5 6 7 8 9

മാസികാ ദിനം

10 11 12 13 14 15 16

മാസികാ ദിനം

17 18 19 20 21 22 23

മാസികാ ദിനം

24 25 26 27 28 29 30

സ്‌മാ​രകം മാസികാ ദിനം

സൂര്യാസ്‌ത​മയ

31 ശേഷം

മാർച്ചിൽ സഹായ പയനി​യ​റിങ്‌ ചെയ്യാ​നാ​യി 50 മണിക്കൂർ പട്ടിക​പ്പെ​ടു​ത്താൻ നിങ്ങൾക്കു കഴിയു​മോ?