നമുക്ക്‌ പ്രാർഥ​നാ​നി​ര​ത​രാ​യി​രി​ക്കാം

1. ശുശ്രൂഷ നിവർത്തി​ക്കാൻ നമുക്ക്‌ എന്ത്‌ ആവശ്യ​മാണ്‌?

¹ നമ്മുടെ സ്വന്തം കഴിവി​നാൽ ശുശ്രൂഷ നിവർത്തി​ക്കാൻ നമുക്കാ​വില്ല. യഹോ​വ​യാണ്‌ നമുക്ക്‌ അതിനുള്ള ശക്തി നൽകു​ന്നത്‌. (ഫിലി. 4:13) ആത്മാർഥ ഹൃദയരെ കണ്ടെത്താൻ അവൻ ദൂതന്മാ​രു​ടെ സഹായ​വും നമുക്ക്‌ പ്രദാ​നം​ചെ​യ്യു​ന്നു. (വെളി. 14:6, 7) നാം നടുക​യും നനയ്‌ക്കു​ക​യും ചെയ്യുന്ന സത്യത്തി​ന്റെ വിത്തുകൾ വളരാൻ ഇടയാ​ക്കു​ന്നത്‌ യഹോ​വ​യാണ്‌. (1 കൊരി. 3:6, 9) അതു​കൊണ്ട്‌ ക്രിസ്‌തീയ ശുശ്രൂ​ഷ​ക​രായ നാം പ്രാർഥ​ന​യിൽ നമ്മുടെ സ്വർഗീയ പിതാ​വി​നെ സമീപി​ക്കേ​ണ്ടത്‌ എത്ര പ്രധാ​ന​മാണ്‌!

2. ഏതെല്ലാം കാര്യ​ങ്ങൾക്കു​വേണ്ടി നമുക്കു പ്രാർഥി​ക്കാം?

² നമുക്കു​വേണ്ടി: പ്രസം​ഗ​വേ​ല​യിൽ ഏർപ്പെ​ടു​മ്പോ​ഴെ​ല്ലാം നാം പ്രാർഥി​ക്കേ​ണ്ട​തുണ്ട്‌. (എഫെ. 6:18) ഏതെല്ലാം കാര്യ​ങ്ങൾക്കു​വേണ്ടി നാം പ്രാർഥി​ക്കണം? പ്രദേ​ശ​ത്തുള്ള ആളുക​ളെ​ക്കു​റിച്ച്‌ ശരിയായ ഒരു മനോ​ഭാ​വം ഉണ്ടായി​രി​ക്കാ​നും അതു​പോ​ലെ ധൈര്യ​ത്തി​നാ​യും നമുക്കു പ്രാർഥി​ക്കാം. (പ്രവൃ. 4:29, 30) ബൈബിൾ പഠിക്കാൻ താത്‌പ​ര്യം കാണി​ച്ചേ​ക്കാ​വുന്ന ആത്മാർഥ​ഹൃ​ദ​യ​രു​ടെ അടുക്ക​ലേക്ക്‌ നമ്മെ നയി​ക്കേ​ണമേ എന്ന്‌ നമുക്ക്‌ അപേക്ഷി​ക്കാ​വു​ന്ന​താണ്‌. വീട്ടു​കാ​രൻ ചോദ്യ​ങ്ങൾ ചോദി​ക്കു​മ്പോൾ ഉത്തരം കൊടു​ക്കു​ന്ന​തി​നു​മുമ്പ്‌ ഹ്രസ്വ​മാ​യി മനസ്സിൽ പ്രാർഥി​ക്കാ​നാ​കും. ശരിയായ ഉത്തരം നൽകാൻ അതു നിങ്ങളെ സഹായി​ക്കും. (നെഹെ. 2:4) പ്രതി​കൂല സാഹച​ര്യ​ങ്ങ​ളി​ന്മ​ധ്യേ ധൈര്യ​ത്തോ​ടും വിവേ​ക​ത്തോ​ടും കൂടെ പ്രസം​ഗി​ക്കാ​നുള്ള സഹായ​ത്തി​നാ​യും പ്രാർഥി​ക്കാ​വു​ന്ന​താണ്‌. (മത്താ. 10:16; പ്രവൃ. 4:29, 30) ശുശ്രൂ​ഷ​യ്‌ക്ക്‌ ജീവി​ത​ത്തിൽ ഒന്നാം സ്ഥാനം നൽകാ​നുള്ള ജ്ഞാനത്തി​നാ​യും നമുക്ക്‌ യാചി​ക്കാ​നാ​കും. (യാക്കോ. 1:5) ദൈവ​ത്തി​ന്റെ ശുശ്രൂ​ഷ​ക​രാ​യി​രി​ക്കാ​നുള്ള പദവി​യെ​പ്രതി പ്രാർഥ​ന​യി​ലൂ​ടെ അവന്‌ നന്ദിക​രേ​റ്റാ​നും നമുക്കു​ക​ഴി​യും. അത്തരം പ്രാർഥ​നകൾ യഹോ​വ​യ്‌ക്കു പ്രസാ​ദ​ക​ര​മാണ്‌.—കൊലോ. 3:15.

3. മറ്റുള്ള​വർക്കു​വേ​ണ്ടി​യുള്ള പ്രാർഥ​നകൾ പ്രസം​ഗ​വേ​ല​യ്‌ക്ക്‌ എങ്ങനെ ഗുണം​ചെ​യ്യും?

³ മറ്റുള്ള​വർക്കു​വേണ്ടി: “ഒരുവ​നു​വേണ്ടി മറ്റൊ​രു​വൻ പ്രാർഥിക്ക”ണമെന്ന്‌ ബൈബിൾ പറയുന്നു. ഉചിത​മാ​യി​രി​ക്കു​മ്പോൾ മറ്റുള്ള​വ​രു​ടെ പേരെ​ടു​ത്തു​പ​റഞ്ഞ്‌ പ്രാർഥി​ക്കാ​നാ​കും. (യാക്കോ. 5:16; പ്രവൃ. 12:5) മോശ​മായ ആരോ​ഗ്യം​നി​മി​ത്തം ശുശ്രൂ​ഷ​യിൽ അധിക​മൊ​ന്നും ചെയ്യാ​നാ​കാത്ത അവസ്ഥയി​ലാ​ണോ നിങ്ങൾ? എങ്കിൽ ആരോ​ഗ്യ​മുള്ള നിങ്ങളു​ടെ സഹശു​ശ്രൂ​ഷ​കർക്കാ​യി പ്രാർഥി​ക്ക​രു​തോ? അത്തരം പ്രാർഥ​നകൾ അവരെ സഹായി​ക്കും എന്നകാ​ര്യം മറക്കരുത്‌. പ്രസം​ഗ​വേ​ല​യോട്‌ അനുഭാ​വം ഉള്ളവരാ​യി​രി​ക്കാൻ അധികാ​രി​കളെ പ്രേരി​പ്പി​ക്ക​ണമേ എന്ന്‌ യഹോ​വ​യോ​ടു പ്രാർഥി​ക്കു​ന്ന​തും ഉചിത​മാണ്‌. അങ്ങനെ, “ശാന്തത​യും സമാധാ​ന​വു​മുള്ള ജീവിതം നയിക്കാൻ” നമ്മുടെ സഹോ​ദ​ര​ങ്ങൾക്കു സാധി​ക്കും.—1 തിമൊ. 2:1, 2.

4. നാം പ്രാർഥ​ന​യിൽ ഉറ്റിരി​ക്കേ​ണ്ടത്‌ എന്തു​കൊണ്ട്‌?

⁴ മുഴു​ഭൂ​മി​യി​ലും സുവാർത്ത പ്രസം​ഗി​ക്കുക എന്നത്‌ അതിബൃ​ഹ​ത്തായ ഒരു വേലയാണ്‌. നാം ‘പ്രാർഥ​ന​യിൽ ഉറ്റിരി​ക്കു​ന്നെ​ങ്കിൽ’ യഹോ​വ​യു​ടെ സഹായ​ത്താൽ ഈ വേല പൂർത്തീ​ക​രി​ക്കാൻ നമുക്കാ​കും.—റോമ. 12:12.