പുരോ​ഗ​മ​നാ​ത്മ​ക​മായ ബൈബി​ള​ധ്യ​യ​നങ്ങൾ നടത്തൽ—അധ്യയ​ന​വേ​ള​യിൽ എത്ര ഖണ്ഡികകൾ പരിചി​ന്തി​ക്കാം?

¹ ശിഷ്യ​ന്മാ​രെ പഠിപ്പി​ക്കവെ, യേശു അവരുടെ പരിമി​തി​കൾ കണക്കി​ലെ​ടു​ത്തി​രു​ന്നു. “അവർക്കു ഗ്രഹി​ക്കാൻ കഴിയു​ന്നി​ട​ത്തോ​ളം” വിവരങ്ങൾ മാത്രമേ അവൻ അവരെ പഠിപ്പി​ച്ചി​രു​ന്നു​ള്ളൂ. (മർക്കോ. 4:33; യോഹ. 16:12) ഇന്ന്‌ ബൈബിൾ പഠിപ്പി​ക്കു​ന്ന​വ​രും ഓരോ അധ്യയന സെഷനി​ലും എത്ര വിവരങ്ങൾ പരിചി​ന്തി​ക്കാ​മെന്ന്‌ തിട്ട​പ്പെ​ടു​ത്തേ​ണ്ട​തുണ്ട്‌. എത്ര ഖണ്ഡികകൾ പഠിക്ക​ണ​മെ​ന്നത്‌ ബൈബിൾ പഠിപ്പി​ക്കുന്ന വ്യക്തി​യു​ടെ​യും വിദ്യാർഥി​യു​ടെ​യും പ്രാപ്‌തി​യെ​യും സാഹച​ര്യ​ത്തെ​യും ആശ്രയിച്ച്‌ വ്യത്യാ​സ​പ്പെ​ട്ടി​രി​ക്കും.

² വിശ്വാ​സം ബലിഷ്‌ഠ​മാ​ക്കുക: ചില വിദ്യാർഥി​കൾക്ക്‌ ഒരു പാഠഭാ​ഗത്തെ വിവരങ്ങൾ ഒറ്റ സെഷനി​ലൂ​ടെ മനസ്സി​ലാ​ക്കാ​നാ​കു​മെ​ന്നി​രി​ക്കെ, മറ്റു ചിലർക്ക്‌ അത്‌ മനസ്സി​ലാ​ക്കാൻ രണ്ടോ മൂന്നോ സെഷനു​കൾ വേണ്ടി​വ​ന്നേ​ക്കാം. പാഠഭാ​ഗങ്ങൾ ഓടി​ച്ചു​തീർക്കുക എന്നതല്ല, വിദ്യാർഥിക്ക്‌ അതിലെ വിവരങ്ങൾ വ്യക്തമാ​യി മനസ്സി​ലാ​ക്കി​ക്കൊ​ടു​ക്കുക എന്നതാണ്‌ നമ്മുടെ ലക്ഷ്യം. താൻ പുതു​താ​യി പഠിക്കുന്ന കാര്യ​ങ്ങൾക്ക്‌ ഒരു ഉറച്ച അടിസ്ഥാ​ന​മു​ണ്ടെന്ന്‌, അതായത്‌ അവ ദൈവ​വ​ച​ന​ത്തിൽ അധിഷ്‌ഠി​ത​മാ​ണെന്ന്‌ ഓരോ വിദ്യാർഥി​ക്കും മനസ്സി​ലാ​കണം.—സദൃ. 4:7; റോമ. 12:2.

³ പഠിക്കുന്ന കാര്യങ്ങൾ മനസ്സി​ലാ​ക്കാ​നും അവ അംഗീ​ക​രി​ക്കാ​നും വിദ്യാർഥിക്ക്‌ എത്ര സമയം ആവശ്യ​മാ​ണോ, അത്രയും സമയം നാം അധ്യയ​ന​ത്തി​നു ചെലവ​ഴി​ക്കണം. പഠിക്കുന്ന സത്യങ്ങ​ളു​ടെ മൂല്യം തിരി​ച്ച​റി​യാ​നാ​കാ​ത്ത​വി​ധം പാഠഭാ​ഗങ്ങൾ ഓടി​ച്ചു​തീർക്കു​ന്നത്‌ ഒഴിവാ​ക്കുക. പ്രധാന ആശയങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും ഓരോ ഉപദേ​ശ​ങ്ങൾക്കും ആധാര​മാ​യി​രി​ക്കുന്ന മുഖ്യ തിരു​വെ​ഴു​ത്തു​കൾ വായിച്ച്‌ വിശദീ​ക​രി​ക്കാ​നും വേണ്ടത്ര സമയം ചെലവ​ഴി​ക്കണം.—2 തിമൊ. 3:16, 17.

⁴ പരിചി​ന്തി​ക്കുന്ന വിവര​ങ്ങ​ളിൽനിന്ന്‌ വ്യതി​ച​ലി​ക്ക​രുത്‌: ഖണ്ഡികകൾ ഓടി​ച്ചു​തീർക്കാ​തി​രി​ക്കാൻ ശ്രദ്ധി​ക്കു​മ്പോൾത്തന്നെ, പാഠഭാ​ഗ​വു​മാ​യി ബന്ധമി​ല്ലാത്ത കാര്യങ്ങൾ സംസാ​രിച്ച്‌ അധ്യയ​ന​ഭാ​ഗ​ത്തു​നിന്ന്‌ വ്യതി​ച​ലി​ക്കാ​തി​രി​ക്കാ​നും ശ്രദ്ധി​ക്കണം. വ്യക്തി​പ​ര​മായ കാര്യ​ങ്ങ​ളെ​ക്കു​റിച്ച്‌ ദീർഘ​നേരം സംസാ​രി​ക്കാൻ വിദ്യാർഥി ചായ്‌വു കാണി​ക്കു​ന്നെ​ങ്കിൽ അധ്യയ​ന​ത്തി​നു​ശേഷം അതേക്കു​റി​ച്ചു സംസാ​രി​ക്കാ​മെന്ന്‌ നയപൂർവം പറയാ​വു​ന്ന​താണ്‌.—സഭാ. 3:1.

⁵ ബൈബിൾ സത്യങ്ങ​ളെ​ക്കു​റി​ച്ചുള്ള തീക്ഷ്‌ണ​ത​കൊണ്ട്‌ അമിത​മാ​യി സംസാ​രി​ക്കാ​നുള്ള പ്രവണത അധ്യയനം നടത്തുന്ന വ്യക്തി​യും ഒഴിവാ​ക്കണം. (സങ്കീ. 145:6, 7) ഇടയ്‌ക്കൊ​ക്കെ, ഖണ്ഡിക​യി​ലി​ല്ലാത്ത വിശദാം​ശ​മോ അനുഭ​വ​മോ പഠനഭാ​ഗത്ത്‌ ഉൾപ്പെ​ടു​ത്തു​ന്നത്‌ നല്ലതാ​ണെ​ങ്കി​ലും, അമിത​മാ​യാൽ അടിസ്ഥാന ബൈബി​ളു​പ​ദേ​ശങ്ങൾ സംബന്ധിച്ച പരിജ്ഞാ​നം സമ്പാദി​ക്കു​ന്ന​തിൽനിന്ന്‌ അത്‌ വിദ്യാർഥി​യെ തടയും.

⁶ ഓരോ സെഷനി​ലും വിദ്യാർഥിക്ക്‌ ഗ്രഹി​ക്കാൻ പറ്റുന്നത്ര വിവരങ്ങൾ മാത്രം പരിചി​ന്തി​ക്കു​ന്നത്‌ ‘യഹോ​വ​യു​ടെ വെളി​ച്ച​ത്തിൽ നടക്കാൻ’ വിദ്യാർഥി​യെ സഹായി​ക്കും.—യെശ. 2:5.