ഏറ്റവും ആസ്വാ​ദ്യ​മായ ഒരു വേല

1. ആത്മീയ രോഗ​ശാ​ന്തി നൽകുന്ന എന്തു വേലയാണ്‌ ഇക്കാലത്ത്‌ നടക്കു​ന്നത്‌?

¹ ഒന്നാം നൂറ്റാ​ണ്ടിൽ നടന്ന രോഗ​ശാ​ന്തി നേരിൽ കണ്ടത്‌ അന്നു ജീവി​ച്ചി​രുന്ന ആളുകളെ അത്യധി​കം സന്തോ​ഷി​പ്പി​ച്ചു. (ലൂക്കോ. 5:24-26) ഇന്ന്‌ നമ്മെ സംബന്ധി​ച്ചി​ട​ത്തോ​ളം ആത്മീയ രോഗ​ശാ​ന്തി നൽകുന്ന വേലയാണ്‌ നമുക്ക്‌ സന്തോഷം തരുന്നത്‌. (വെളി. 22:1, 2, 17) യഹോ​വ​യു​ടെ വചനവും പരിശു​ദ്ധാ​ത്മാ​വും ആളുക​ളു​ടെ ജീവി​ത​ത്തിൽ വരുത്തുന്ന പരിവർത്ത​ന​ങ്ങ​ളെ​ക്കു​റി​ച്ചു വായി​ക്കു​ന്നത്‌ എത്ര പുളക​പ്ര​ദ​മാണ്‌! എന്നാൽ മറ്റുള്ള​വരെ ബൈബിൾ പഠിപ്പി​ച്ചു​കൊണ്ട്‌ ആ വേലയിൽ പങ്കെടു​ക്കു​ന്നത്‌ അതി​ലേറെ സന്തോഷം നൽകും.

2. ഒരാളെ സത്യം പഠിപ്പി​ക്കു​മ്പോൾ നമുക്ക്‌ എന്തെല്ലാം സന്തോഷം അനുഭ​വി​ക്കാ​നാ​കു​ന്നു?

² ദൈവ​ത്തി​ന്റെ പേര്‌ എന്താണ്‌? അവൻ കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊ​ണ്ടാണ്‌? ദൈവ​രാ​ജ്യം മനുഷ്യ​വർഗ​ത്തിന്‌ എന്ത്‌ അനു​ഗ്ര​ഹങ്ങൾ കൈവ​രു​ത്തും? ഇത്തരം ചോദ്യ​ങ്ങൾക്ക്‌ ഉത്തരം നൽകാൻ കഴിയു​ന്നു എന്നതി​ലു​പരി ഈ സത്യങ്ങൾ മനസ്സി​ലാ​ക്കു​മ്പോൾ വിദ്യാർഥി​യു​ടെ മുഖത്തു പ്രതി​ഫ​ലി​ച്ചു കാണുന്ന ആഹ്ലാദ​മാണ്‌ നമ്മെ ഏറെ സന്തോ​ഷി​പ്പി​ക്കു​ന്നത്‌. (സദൃ. 15:23; ലൂക്കോ. 24:32) വിദ്യാർഥി പുരോ​ഗതി പ്രാപി​ക്കു​മ്പോൾ അദ്ദേഹം യഹോ​വ​യു​ടെ നാമം ഉപയോ​ഗി​ക്കാൻ തുടങ്ങും, വസ്‌ത്ര​ധാ​ര​ണ​ത്തി​ലും ചമയത്തി​ലും വേണ്ട മാറ്റങ്ങൾ വരുത്തും, ദുശ്ശീ​ലങ്ങൾ ഉപേക്ഷി​ക്കും, താൻ പഠിച്ച കാര്യ​ങ്ങ​ളെ​ക്കു​റിച്ച്‌ മറ്റുള്ള​വ​രോട്‌ സംസാ​രി​ച്ചു​തു​ട​ങ്ങും. ഒടുവിൽ സമർപ്പി​ച്ചു സ്‌നാ​ന​മേൽക്കു​ന്ന​തോ​ടെ ആ വ്യക്തി നമ്മുടെ സഹോ​ദ​ര​നും കൂട്ടു​വേ​ല​ക്കാ​ര​നും ആയിത്തീ​രു​ന്നു. ഈ ഓരോ പടിയും നമുക്ക്‌ സന്തോ​ഷ​ത്തി​നു വകനൽകു​ന്നു.—1 തെസ്സ. 2:19, 20.

3. ഒരു ബൈബി​ള​ധ്യ​യനം ആരംഭി​ക്കാൻ നാം എന്തു ചെയ്യണം?

³ നിങ്ങൾക്കും ആ വേലയിൽ പങ്കുപ​റ്റാ​നാ​കു​മോ? അങ്ങേയറ്റം ആസ്വാ​ദ്യ​മായ ഈ വേലയിൽ ഒരു പങ്കുണ്ടാ​യി​രി​ക്കാൻ നിങ്ങൾക്ക്‌ ആഗ്രഹ​മു​ണ്ടോ? എങ്കിൽ ഒരു ബൈബി​ള​ധ്യ​യനം നടത്താ​നുള്ള നിങ്ങളു​ടെ ആഗ്രഹം പ്രാർഥ​ന​യി​ലൂ​ടെ യഹോ​വയെ അറിയി​ക്കുക. എന്നിട്ട്‌ നിങ്ങളു​ടെ പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കുക. (1 യോഹ. 5:14) കണ്ടുമു​ട്ടു​ന്ന​വ​രോ​ടെ​ല്ലാം സുവാർത്ത അറിയി​ക്കുക. സാധ്യ​മാ​കു​ന്നി​ട​ത്തൊ​ക്കെ ബൈബി​ള​ധ്യ​യ​ന​ത്തെ​ക്കു​റി​ച്ചു പറയുക. (സഭാ. 11:6) താത്‌പ​ര്യം കാണി​ച്ച​വ​രു​ടെ ഹൃദയ​ത്തിൽ നിങ്ങൾ പാകിയ സത്യത്തി​ന്റെ വിത്ത്‌ നനയ്‌ക്കാ​നാ​യി മടങ്ങി​ച്ചെ​ല്ലുക.—1 കൊരി. 3:6-9.

4. ബൈബി​ള​ധ്യ​യ​നങ്ങൾ നടത്തു​ന്ന​തിൽ നാം ഉത്സാഹം കാണി​ക്കേ​ണ്ടത്‌ എന്തു​കൊണ്ട്‌?

⁴ നീതി​ക്കാ​യി വിശക്കു​ക​യും ദാഹി​ക്കു​ക​യും ചെയ്യുന്ന ഒട്ടനവധി ആളുകൾ ഇന്നുമുണ്ട്‌. ഒരു ബൈബി​ള​ധ്യ​യ​ന​ത്തി​ലൂ​ടെ അവരുടെ ആത്മീയ ആവശ്യങ്ങൾ തൃപ്‌തി​പ്പെ​ടു​ത്താ​നാ​കും. അതിന്‌ ആരാണ്‌ അവരെ സഹായി​ക്കുക? (മത്താ. 5:3, 6) നമുക്ക്‌ ഓരോ​രു​ത്തർക്കും അതിനാ​യി മുന്നോ​ട്ടു​വ​രാം. അതെ, കൊയ്‌ത്തു​കാ​ലം അവസാ​നി​ക്കു​ന്ന​തി​നു​മുമ്പ്‌ പ്രസംഗ, ശിഷ്യ​രാ​ക്കൽവേല പൂർത്തി​യാ​ക്കാൻ നമുക്ക്‌ ഉത്സാഹി​ക്കാം.—യെശ. 6:8.