പുരോ​ഗ​മ​നാ​ത്മ​ക​മായ ബൈബി​ള​ധ്യ​യ​നങ്ങൾ നടത്തൽ

ഭാഗം 1: എന്താണ്‌ ഒരു ബൈബി​ള​ധ്യ​യനം?

¹ ദൈവജനം ലോക​വ്യാ​പ​ക​മാ​യി ഓരോ മാസവും ഏകദേശം 60 ലക്ഷം ബൈബി​ള​ധ്യ​യ​നങ്ങൾ നടത്തുന്നു. ഫലപ്ര​ദ​മായ പഠിപ്പി​ക്കൽ രീതികൾ അവലം​ബി​ക്കു​ന്ന​തി​ലൂ​ടെ, സമർപ്പ​ണ​ത്തി​ലേ​ക്കും സ്‌നാ​പ​ന​ത്തി​ലേ​ക്കും പുരോ​ഗ​മി​ക്കാ​നും അങ്ങനെ “മററു​ള്ള​വരെ ഉപദേ​ശി​പ്പാൻ സമർത്ഥ​രായ,” മതിയായ യോഗ്യ​ത​യുള്ള വ്യക്തി​ക​ളാ​യി​ത്തീ​രാ​നും ഈ ബൈബിൾ വിദ്യാർഥി​കളെ നമുക്കു സഹായി​ക്കാ​നാ​കും. (2 തിമൊ. 2:2) അത്തരം പുരോ​ഗതി വരുത്തു​ന്ന​തിന്‌ നിങ്ങളു​ടെ വിദ്യാർഥി​കളെ സഹായി​ക്കാൻ നിങ്ങൾ ആഗ്രഹി​ക്കു​ന്നു​വോ? പുരോ​ഗ​മ​നാ​ത്മ​ക​മായ ബൈബി​ള​ധ്യ​യ​നങ്ങൾ നടത്തു​ന്ന​തിൽ ഉൾപ്പെ​ട്ടി​രി​ക്കുന്ന അടിസ്ഥാന സംഗതി​കൾ വിശദീ​ക​രി​ക്കുന്ന ഒരു ലേഖന പരമ്പര ഈ ലക്കം മുതൽ നമ്മുടെ രാജ്യ ശുശ്രൂ​ഷ​യിൽ പ്രസി​ദ്ധീ​ക​രി​ക്കു​ന്ന​താ​യി​രി​ക്കും.

² ഒരു ബൈബി​ള​ധ്യ​യനം റിപ്പോർട്ടു ചെയ്യേ​ണ്ടത്‌ എപ്പോൾ? ഹ്രസ്വ​മെ​ങ്കി​ലും ക്രമമാ​യും ക്രമീ​കൃ​ത​മാ​യും ഏതെങ്കി​ലും നിർദിഷ്ട പ്രസി​ദ്ധീ​ക​രണം ഉപയോ​ഗിച്ച്‌ ബൈബിൾ ചർച്ച നടത്തു​മ്പോൾ നിങ്ങൾ ഒരു ബൈബി​ള​ധ്യ​യനം നടത്തു​ക​യാണ്‌. വീട്ടു​വാ​തിൽക്കൽ നിന്നു​കൊ​ണ്ടോ ടെലി​ഫോ​ണി​ലൂ​ടെ​യോ ആയാലും ഇതു സത്യമാണ്‌. ബൈബി​ള​ധ്യ​യന ക്രമീ​ക​രണം പ്രകടി​പ്പി​ച്ചു കാണിച്ച ശേഷം രണ്ടുതവണ അധ്യയനം നടത്തു​ക​യും അതു തുടരാൻ കഴിയു​മെന്നു തോന്നു​ക​യും ചെയ്യു​ന്നെ​ങ്കിൽ അധ്യയനം റിപ്പോർട്ടു ചെയ്യാ​വു​ന്ന​താണ്‌.

³ ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വും ആണ്‌ മിക്ക​പ്പോ​ഴും​തന്നെ ബൈബി​ള​ധ്യ​യ​നങ്ങൾ നടത്താൻ ഉപയോ​ഗി​ക്കുന്ന പ്രസി​ദ്ധീ​ക​ര​ണങ്ങൾ. അവ പൂർത്തി​യായ ശേഷം ഒരു വ്യക്തി, സാവധാ​ന​മാ​ണെ​ങ്കി​ലും പുരോ​ഗതി വരുത്തു​ന്ന​താ​യും പഠിക്കുന്ന കാര്യ​ങ്ങ​ളോ​ടു വിലമ​തി​പ്പു വളർത്തു​ന്ന​താ​യും കാണു​ന്നെ​ങ്കിൽ ദൈവത്തെ ആരാധി​ക്കുക പുസ്‌ത​ക​ത്തിൽനിന്ന്‌ അധ്യയനം തുടരാ​വു​ന്ന​താണ്‌.

⁴ ദശലക്ഷങ്ങളെ യേശു​ക്രി​സ്‌തു​വി​ന്റെ ശിഷ്യ​രാ​യി​ത്തീ​രാൻ സഹായി​ക്കു​ന്ന​തിൽ ബൈബി​ള​ധ്യ​യന ക്രമീ​ക​രണം ഇന്നോളം ഫലപ്ര​ദ​മാ​യി​രു​ന്നി​ട്ടുണ്ട്‌. (മത്താ. 28:19, 20) ഈ പരമ്പര​യിൽ വരാനി​രി​ക്കുന്ന ലേഖന​ങ്ങ​ളി​ലെ നിർദേ​ശങ്ങൾ പിൻപ​റ്റു​ന്നതു വഴി നിങ്ങൾക്ക്‌ പുരോ​ഗ​മ​നാ​ത്മ​ക​മായ ഒരു ബൈബി​ള​ധ്യ​യനം നടത്താൻ സാധി​ക്കും.