വീട്ടു​വാ​തിൽക്കൽവെ​ച്ചും ടെലി​ഫോ​ണി​ലൂ​ടെ​യും നടത്തുന്ന അധ്യയ​നങ്ങൾ പുരോ​ഗ​മി​ക്കു​ന്നു​വോ?

1. എന്തു ലക്ഷ്യത്തി​ലാണ്‌ നാം ബൈബി​ള​ധ്യ​യ​നങ്ങൾ നടത്തു​ന്നത്‌?

¹ ഒരു ബൈബി​ള​ധ്യ​യനം തുടങ്ങാൻ കഴിയു​ന്നത്‌ എത്ര സന്തോ​ഷ​ക​ര​മായ സംഗതി​യാണ്‌! എന്നാൽ ബൈബിൾ പഠിക്കാൻ താത്‌പ​ര്യ​മുള്ള ആരെ​യെ​ങ്കി​ലും കണ്ടുമു​ട്ടു​ന്നത്‌ ഒരു തുടക്കം മാത്രമേ ആകുന്നു​ള്ളൂ. കാരണം, ക്രിസ്‌തു​വി​ന്റെ യഥാർഥ ശിഷ്യ​നാ​യി​ത്തീ​രാൻ ആ വ്യക്തിയെ സഹായി​ക്കുക എന്നതാണ്‌ അധ്യയ​ന​ത്തി​ന്റെ ലക്ഷ്യം. (മത്താ. 28:19, 20) ആ ലക്ഷ്യം നേടാൻ നമ്മെ എന്തു സഹായി​ക്കും?

2. വീട്ടു​വാ​തിൽക്കൽവെ​ച്ചോ ടെലി​ഫോ​ണി​ലൂ​ടെ​യോ നടത്തുന്ന അധ്യയ​ന​ത്തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌, അവ ഫലപ്ര​ദ​മാ​ണെന്നു പറയാൻ കഴിയു​ന്നത്‌ എന്തു​കൊ​ണ്ടാണ്‌?

² തിരക്കുള്ള ആളുകൾ: ഇന്ന്‌ ആളുകൾ എന്നത്തെ​ക്കാ​ളും തിരക്കു​ള്ള​വ​രാണ്‌. ചില സ്ഥലങ്ങളിൽ, ബൈബിൾ പഠിക്കു​ന്ന​തി​നാ​യി തുടക്ക​ത്തിൽ ഒരു മണിക്കൂർ നീക്കി​വെ​ക്കാൻ മിക്കവർക്കും സമയമില്ല. അങ്ങനെ​യു​ള്ള​വ​രു​ടെ കാര്യ​ത്തിൽ വാതിൽക്കൽവെ​ച്ചോ ടെലി​ഫോൺ മുഖേ​ന​യോ അധ്യയനം തുടങ്ങാ​നും തുടർന്നു നടത്താ​നും നമ്മെ പ്രോ​ത്സാ​ഹി​പ്പി​ച്ചി​രു​ന്നു. ആദ്യ​മൊ​ക്കെ അവ, ബൈബിൾ പഠിപ്പി​ക്കു​ന്നു പുസ്‌ത​കം​പോ​ലുള്ള ഒരു പ്രസി​ദ്ധീ​ക​ര​ണ​ത്തി​ലെ ഒന്നോ രണ്ടോ ഖണ്ഡികകൾ ഉപയോ​ഗി​ച്ചു​കൊണ്ട്‌ ഏതാനും ബൈബിൾ വാക്യങ്ങൾ മാത്രം പരിചി​ന്തി​ക്കുന്ന താരത​മ്യേന ഹ്രസ്വ​മായ അധ്യയ​ന​ങ്ങ​ളാ​യി​രി​ക്കും. അനേകം പ്രസാ​ധ​ക​രും വീട്ടു​വാ​തിൽക്കൽവെ​ച്ചോ ടെലി​ഫോ​ണി​ലൂ​ടെ​യോ ഈ രീതി​യിൽ അധ്യയ​നങ്ങൾ നടത്തു​ന്നുണ്ട്‌ എന്നത്‌ തീർച്ച​യാ​യും അഭിന​ന്ദനം അർഹി​ക്കു​ന്നു.

3. വീട്ടു​വാ​തിൽക്കൽവെച്ച്‌ ഹ്രസ്വ​മായ ഒരു അധ്യയനം തുടരു​ന്ന​തു​കൊ​ണ്ടു നാം തൃപ്‌തി​പ്പെ​ട​രു​താ​ത്തത്‌ എന്തു​കൊണ്ട്‌?

³ എന്നാൽ വാതിൽക്കൽവെച്ച്‌ ഒരു അധ്യയനം തുടരു​ന്ന​തു​കൊ​ണ്ടു​മാ​ത്രം നാം തൃപ്‌തി​പ്പെ​ട​രുത്‌. പുതു​താ​യി തുടങ്ങുന്ന ഒരു അധ്യയ​ന​ത്തി​ന്റെ കാര്യ​ത്തിൽ വളരെ​യേറെ സമയ​മെ​ടു​ക്കാ​തി​രി​ക്കു​ന്ന​താ​ണു ബുദ്ധി​യെ​ങ്കി​ലും 1990 ജൂൺ ലക്കം നമ്മുടെ രാജ്യ ശുശ്രൂ​ഷ​യു​ടെ 4-ാം പേജിൽ ഇങ്ങനെ പ്രസ്‌താ​വി​ച്ചി​രി​ക്കു​ന്നു: “ഒരിക്കൽ അധ്യയനം സ്ഥാപി​ക്കു​ക​യും വീട്ടു​കാ​രന്റെ താൽപ​ര്യം വികസി​ക്കു​ക​യും ചെയ്‌തു​ക​ഴി​ഞ്ഞാൽ അധ്യയ​ന​ത്തിന്‌ കൂടുതൽ ദീർഘ​മായ സമയം ഉപയോ​ഗി​ക്കാ​മാ​യി​രി​ക്കും.” ഇതു വളരെ പ്രധാ​ന​മാണ്‌. പട്ടിണി​യാൽ വലഞ്ഞി​രി​ക്കുന്ന ഒരു കുട്ടി​യു​ടെ കാര്യം ഉദാഹ​ര​ണ​മാ​യെ​ടു​ക്കുക. ഭക്ഷണ​ത്തോ​ടുള്ള ആഗ്രഹം വീണ്ടെ​ടു​ക്കു​ന്ന​തു​വരെ അവന്‌ അൽപ്പാൽപ്പ​മാ​യി​ട്ടാ​യി​രി​ക്കും ഭക്ഷണം കൊടു​ക്കുക, എന്നാൽ നല്ല ആരോ​ഗ്യ​ത്തോ​ടെ വളരണ​മെ​ങ്കിൽ എന്നും അതേ അളവിൽ ഭക്ഷണം കൊടു​ത്താൽ പോരാ. സമാന​മാ​യി, യഹോ​വ​യു​ടെ ഒരു പക്വത​യുള്ള ദാസനാ​യി​ത്തീ​രു​ന്ന​തിന്‌ ബൈബിൾ വിദ്യാർഥിക്ക്‌ ക്രമമാ​യി നടത്തുന്ന, കുറെ​ക്കൂ​ടെ ഔപചാ​രി​ക​മായ ഒരു അധ്യയനം ആവശ്യ​മാണ്‌.—എബ്രാ. 5:13, 14.

4. വീടി​ന​ക​ത്തു​വെച്ച്‌ അധ്യയനം നടത്തു​ന്ന​തി​ന്റെ പ്രയോ​ജ​നങ്ങൾ എന്തെല്ലാം?

⁴ വീടിനകത്തുവെച്ചുള്ള അധ്യയ​നങ്ങൾ: മറ്റുള്ള​വ​രു​ടെ ശ്രദ്ധ ആകർഷി​ക്കുന്ന സ്ഥലത്തു​വെച്ച്‌ ഒരു അധ്യയനം നടത്തു​ന്ന​തി​നെ​ക്കാൾ നല്ലത്‌ അൽപ്പം സ്വകാ​ര്യ​ത​യു​ള്ളി​ട​ത്തു​വെച്ച്‌ അതു നടത്തു​ന്ന​താണ്‌—അതായത്‌ വീടി​ന​ക​ത്തോ അനു​യോ​ജ്യ​മായ മറ്റൊ​രി​ട​ത്തോ​വെച്ച്‌. അത്‌, മെച്ചമാ​യി പഠിക്കു​ന്ന​തി​നും ദൈവ​വ​ച​ന​ത്തി​ന്റെ പൊരുൾ മനസ്സി​ലാ​ക്കു​ന്ന​തി​നും വിദ്യാർഥി​യെ സഹായി​ക്കും. (മത്താ. 13:23) കൂടാതെ, വിദ്യാർഥി​ക്കു യോജി​ക്കും​വി​ധം പഠനഭാ​ഗം ചർച്ച​ചെ​യ്യാൻ അത്‌ അധ്യയന നിർവാ​ഹ​കനെ കൂടുതൽ പ്രാപ്‌ത​നാ​ക്കും. മാത്ര​വു​മല്ല, അധ്യയ​ന​ത്തി​ന്റെ ദൈർഘ്യം കൂട്ടു​ന്നത്‌ വിശ്വാ​സം ബലിഷ്‌ഠ​മാ​ക്കും​വി​ധം നന്നായി ദൈവ​വ​ച​ന​ത്തെ​ക്കു​റി​ച്ചു ചർച്ച​ചെ​യ്യു​ന്ന​തിന്‌ അവസര​മൊ​രു​ക്കും.—റോമ. 10:17.

5. വീട്ടു​വാ​തിൽക്കൽവച്ചു നടത്തുന്ന ഒരു അധ്യയനം വീടി​നു​ള്ളി​ലേക്കു മാറ്റാൻ നമു​ക്കെന്തു ചെയ്യാ​നാ​കും?

⁵ വീട്ടുവാതിൽക്കൽവെച്ചു നടത്തുന്ന ഒരു അധ്യയനം വീടി​നു​ള്ളി​ലേക്കു മാറ്റാ​നാ​യി എന്തു ചെയ്യാ​നാ​കും? ഹ്രസ്വ​മായ ഏതാനും അധ്യയ​ന​ങ്ങൾക്കു​ശേഷം, അധ്യയ​ന​ത്തി​ന്റെ സമയം കൂട്ടുന്ന കാര്യം നിങ്ങൾക്കു നേരിട്ടു പറയാ​നാ​കും; എന്നിട്ട്‌ അധ്യയനം എത്ര സമയം നടത്താ​നാണ്‌ നിങ്ങൾ ആഗ്രഹി​ക്കു​ന്ന​തെന്നു സൂചി​പ്പി​ക്കുക. അല്ലെങ്കിൽ നേരിട്ടു പറയു​ന്ന​തി​നു പകരം, “അൽപ്പ​നേരം ഇരുന്ന്‌ ചർച്ച​ചെ​യ്യാൻ ഇന്നു സാധി​ക്കു​മോ?” എന്നോ “ഇന്ന്‌ ഈ വിഷയ​ത്തെ​ക്കു​റി​ച്ചു ചർച്ച ചെയ്യാൻ നമുക്ക്‌ എത്ര സമയം എടുക്കാ​നാ​കും?” എന്നോ ചോദി​ക്കാ​നാ​കും. ശ്രമം വിജയി​ക്കു​ന്നി​ല്ലെ​ങ്കിൽ നടത്തി​ക്കൊ​ണ്ടി​രി​ക്കുന്ന അധ്യയനം അതേപടി തുടരുക. ഉചിത​മെന്നു തോന്നുന്ന മറ്റൊരു സമയത്ത്‌ അധ്യയനം വീടി​നു​ള്ളി​ലേക്കു മാറ്റാൻ വീണ്ടും ശ്രമി​ക്കാ​വു​ന്ന​താണ്‌.

6. ശുശ്രൂഷ നിർവ​ഹി​ക്കു​മ്പോൾ നമ്മുടെ ലക്ഷ്യം എന്തായി​രി​ക്കണം, ഈ ലേഖന​ത്തി​ലെ നിർദേ​ശങ്ങൾ ആ ലക്ഷ്യം കൈവ​രി​ക്കാൻ നമ്മെ സഹായി​ക്കു​ന്നത്‌ എങ്ങനെ?

⁶ അർഹതയുള്ളവരെ കണ്ടുമു​ട്ടാ​നുള്ള ശ്രമത്തിൽ തുടരവേ ബൈബി​ള​ധ്യ​യ​നങ്ങൾ തുടങ്ങു​ക​യും തുടരു​ക​യും ചെയ്യു​ന്ന​തി​ന്റെ പിന്നിലെ നമ്മുടെ ലക്ഷ്യം നമുക്കു മറക്കാ​തി​രി​ക്കാം. സമർപ്പി​ച്ചു സ്‌നാ​പ​ന​മേറ്റ്‌ യഹോ​വ​യു​ടെ ദാസന്മാ​രാ​യി​ത്തീ​രാൻ ഹൃദയ​പ​ര​മാർഥ​ത​യു​ള്ള​വരെ സഹായി​ക്കുക എന്നതാണ്‌ നമ്മുടെ ലക്ഷ്യം. ഈ ലക്ഷ്യ​ത്തോ​ടെ നാം നമ്മുടെ ശുശ്രൂഷ നിർവ​ഹി​ക്കവേ യഹോവ നമ്മുടെ ശ്രമങ്ങളെ അനു​ഗ്ര​ഹി​ക്കു​മാ​റാ​കട്ടെ.—2 തിമൊ. 4:5.