ചോദ്യപ്പെട്ടി
◼ വീട്ടുവാതിൽക്കൽവെച്ചുള്ള ബൈബിളധ്യയനത്തിന ഒരു പ്രസാധകൻ കൂടെയുള്ളപ്പോൾ പ്രസാധിക ശിരോവസ്‌ത്രം ധരിക്കണമോ?
പ്രസാധിക ക്രമീകൃതമായി ആഴ്‌ചതോറും നടത്തുന്ന ബൈബിളധ്യയനത്തിൽ ഒരു പ്രസാധകൻ സന്നിഹിതനാണെങ്കിൽ ആ പ്രസാധിക ശിരോവസ്‌ത്രം ധരിച്ചിരിക്കണം. (1 കൊരി. 11:3-10) 2002 ജൂലൈ 15 ലക്കം വീക്ഷാഗോപുരം, പേജ്‌ 27 ഇപ്രകാരം വിശദീകരിക്കുന്നു: “അധ്യയനം എടുക്കുന്ന വ്യക്തി ആധ്യക്ഷ്യം വഹിക്കുന്ന, മുൻകൂട്ടി ക്രമീകരിക്കപ്പെട്ടിരിക്കുന്ന ഒരു പഠനപരിപാടിയാണ്‌ അത്‌. ഇത്തരം സാഹചര്യങ്ങളിൽ, ഒരു അധ്യയന ക്രമീകരണം സഭയുടെ ഒരു അനുബന്ധ ഭാഗം ആയിത്തീരുന്നു. സ്‌നാപനമേറ്റ ഒരു ആണിന്റെ സാന്നിധ്യത്തിൽ സ്‌നാപനമേറ്റ ഒരു സ്‌ത്രീ അത്തരമൊരു അധ്യയനം നിർവഹിക്കുമ്പോൾ, ആ സഹോദരി ഉചിതമായും ശിരോവസ്‌ത്രം ധരിക്കും.” സ്‌നാനമേൽക്കാത്ത പ്രസാധകൻ കൂടെയുള്ളപ്പോഴും ഇതുതന്നെ ബാധകമാകും. അധ്യയനം വീട്ടിൽവെച്ചോ വാതിൽക്കൽവെച്ചോ മറ്റെവിടെവെച്ചോ ആണെങ്കിലും ഇങ്ങനെതന്നെയാണു ചെയ്യേണ്ടത്‌.
ഇതിൽനിന്നും വ്യത്യസ്‌തമായി, വീട്ടുവാതിൽക്കൽവെച്ചുള്ള ഒരു ബൈബിളധ്യയനം ക്രമീകൃതമായ വിധത്തിൽ ആരംഭിച്ചിട്ടില്ലെങ്കിൽ ഒരു സഹോദരന്റെ സാന്നിധ്യത്തിൽ സഹോദരി നടത്തുന്ന മടക്കസന്ദർശനത്തിന്‌ ശിരോവസ്‌ത്രം ധരിക്കേണ്ടതില്ല. ബൈബിളധ്യയനം അവതരിപ്പിച്ചു കാണിക്കാനോ ഏതെങ്കിലും പഠനസഹായിയിൽനിന്നു വിവരങ്ങൾ ചർച്ച ചെയ്യാനോ ആണ്‌ മടക്കസന്ദർശനം നടത്തുന്നതെങ്കിൽപ്പോലും ഇതു ബാധകമാണ്‌. വീട്ടുവാതിൽക്കൽവെച്ചു നടത്തുന്ന ബൈബിളധ്യയനം ലഭിക്കുന്നത്‌ അനേകം പുരോഗമനാത്മകമായ മടക്കസന്ദർശനങ്ങളിൽക്കൂടിയാണ്‌. ആയതിനാൽ, പ്രസാധകർ സാഹചര്യം വിലയിരുത്തി എപ്പോൾമുതൽ ശിരോവസ്‌ത്രം ധരിക്കണമെന്ന കാര്യത്തിൽ ന്യായയുക്തരായിരിക്കണം.