ബൈബിൾ പഠിപ്പി​ക്കു​ന്നു പുസ്‌തകം—നമ്മുടെ മുഖ്യ ബൈബി​ള​ധ്യ​യന സഹായി

¹ “ദൈവിക അനുസ​രണം” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം പ്രകാ​ശനം ചെയ്‌തത്‌ നമ്മെ എത്ര പുളകം​കൊ​ള്ളി​ച്ചു! ശനിയാ​ഴ്‌ചത്തെ പരിപാ​ടി​യു​ടെ അവസാനം ആ പുസ്‌ത​ക​ത്തി​ന്റെ ഒരു പ്രതി ലഭിച്ച​തിൽ കൂടി​വ​ന്നവർ സന്തോ​ഷി​ച്ചു. ഈ പുതിയ അധ്യയന സഹായി എങ്ങനെ​യാണ്‌ ഉപയോ​ഗി​ക്കേ​ണ്ടത്‌? നമ്മുടെ മുഖ്യ ബൈബി​ള​ധ്യ​യന സഹായി ആയിരി​ക്കാൻ തക്കവി​ധ​മാണ്‌ ഇതു തയ്യാറാ​ക്കി​യി​രി​ക്കു​ന്നത്‌. ഇത്‌ സാഹിത്യ സമർപ്പ​ണ​മെ​ന്ന​നി​ല​യിൽ ആദ്യമാ​യി വിശേ​ഷ​വ​ത്‌ക​രി​ക്ക​പ്പെ​ടു​ന്നത്‌ മാർച്ച്‌ മാസത്തി​ലാ​ണെ​ങ്കി​ലും ബൈബി​ള​ധ്യ​യ​നങ്ങൾ ആരംഭി​ക്കു​ന്ന​തി​നും നടത്തു​ന്ന​തി​നും ഇപ്പോൾത്തന്നെ ഇത്‌ ഉപയോ​ഗി​ച്ചു​തു​ട​ങ്ങാൻ പ്രസാ​ധ​കരെ പ്രോ​ത്സാ​ഹി​പ്പി​ക്കു​ന്നു.

² നിലവിലുള്ള ബൈബി​ള​ധ്യ​യ​നങ്ങൾ: പരിജ്ഞാ​നം പുസ്‌ത​ക​ത്തിൽനി​ന്നോ ആവശ്യം ലഘുപ​ത്രി​ക​യിൽനി​ന്നോ ബൈബി​ള​ധ്യ​യനം നടത്തുന്ന പ്രസാ​ധകർ അധ്യയ​ന​ത്തിൽ എപ്പോൾ, എങ്ങനെ പുതിയ പ്രസി​ദ്ധീ​ക​രണം ഉപയോ​ഗി​ച്ചു തുടങ്ങണം എന്നതു സംബന്ധി​ച്ചു നല്ല വിവേചന ഉപയോ​ഗി​ക്കണം. അധ്യയനം അടുത്ത​കാ​ലത്ത്‌ തുടങ്ങി​യ​താ​ണെ​ങ്കിൽ നിങ്ങൾക്ക്‌ പുതിയ പുസ്‌ത​ക​ത്തി​ന്റെ ആരംഭം മുതൽ പഠിപ്പി​ക്കാ​വു​ന്ന​താണ്‌. എന്നാൽ പരിജ്ഞാ​നം പുസ്‌ത​ക​ത്തി​ന്റെ കുറെ ഭാഗം പഠിച്ചു കഴി​ഞ്ഞെ​ങ്കിൽ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ അതിനു തുല്യ​മായ അധ്യാ​യം​മു​തൽ തുടരാ​വു​ന്ന​താണ്‌. ഇനി, പരിജ്ഞാ​നം പുസ്‌തകം തീരാ​റാ​യെ​ങ്കിൽ അതു പൂർത്തി​യാ​ക്കാൻ നിങ്ങൾ തീരു​മാ​നി​ച്ചേ​ക്കാം.

³ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ പഠനത്തിൽനി​ന്നു പ്രയോ​ജനം അനുഭ​വി​ച്ചേ​ക്കാ​വുന്ന അനേകം ആളുകളെ നമു​ക്കെ​ല്ലാം അറിയാം. അങ്ങനെ​യുള്ള ഓരോ​രു​ത്തർക്കും ബൈബിൾ സത്യങ്ങൾ പടിപ​ടി​യാ​യി വിശദീ​ക​രി​ച്ചി​രി​ക്കുന്ന ഈ പുസ്‌തകം ഉപയോ​ഗിച്ച്‌ ഒരു അധ്യയനം വാഗ്‌ദാ​നം ചെയ്യരു​തോ? ഉദാഹ​ര​ണ​ത്തിന്‌, ആവശ്യം ലഘുപ​ത്രി​ക​യോ പരിജ്ഞാ​നം പുസ്‌ത​ക​മോ പഠിച്ചു​ക​ഴി​ഞ്ഞ​വ​രും എന്നാൽ സമർപ്പ​ണ​ത്തി​ലേ​ക്കും സ്‌നാ​പ​ന​ത്തി​ലേ​ക്കും പുരോ​ഗ​മി​ക്കാ​ത്ത​വ​രും ആയവർ ഈ പുതിയ പുസ്‌തകം ഉപയോ​ഗിച്ച്‌ അധ്യയനം പുനരാ​രം​ഭി​ക്കാൻ ആഗ്രഹി​ച്ചേ​ക്കാം. ദൈ​വേഷ്ടം സംബന്ധിച്ച പരിജ്ഞാ​നം മക്കൾക്കു പകർന്നു​കൊ​ടു​ക്കു​ന്ന​തിന്‌ ഈ പ്രസി​ദ്ധീ​ക​രണം ഉപയോ​ഗി​ക്കാൻ മാതാ​പി​താ​ക്കൾ തീരു​മാ​നി​ച്ചേ​ക്കാം.—കൊലൊ. 1:9, 10.

⁴ രണ്ടാമത്തെ പുസ്‌ത​ക​ത്തി​ന്റെ പഠനം: ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം പഠിച്ച​ശേഷം ബൈബിൾ വിദ്യാർഥി​യു​മൊത്ത്‌ രണ്ടാമ​തൊ​രു പുസ്‌തകം പഠിക്കു​ന്ന​തി​നുള്ള ക്രമീ​ക​രണം ഉണ്ടോ? ഉണ്ട്‌. സാവധാ​ന​ത്തി​ലാ​ണെ​ങ്കി​ലും വിദ്യാർഥി പുരോ​ഗ​തി​വ​രു​ത്തു​ക​യും പഠിക്കുന്ന കാര്യ​ങ്ങ​ളോ​ടു വിലമ​തി​പ്പു വളർത്തി​യെ​ടു​ക്കു​ക​യും ചെയ്യു​ന്ന​താ​യി കാണു​ന്നെ​ങ്കിൽ ഏക സത്യ​ദൈ​വത്തെ ആരാധി​ക്കുക എന്ന പുസ്‌തകം ഉപയോ​ഗിച്ച്‌ അധ്യയനം തുടരാ​നാ​യേ​ക്കും. ശിഷ്യരെ ഉളവാ​ക്കാ​നുള്ള നമ്മുടെ നിയോ​ഗം നിറ​വേ​റ്റു​ന്ന​തിൽ ബൈബിൾ പഠിപ്പി​ക്കു​ന്നു പുസ്‌തകം ശക്തമായ ഒരു ഉപകര​ണ​മാ​യി വർത്തി​ക്കു​മെന്ന കാര്യ​ത്തിൽ നമുക്ക്‌ ഉറപ്പുണ്ട്‌.—മത്താ. 28:19, 20.