വിവിധ പശ്ചാത്ത​ല​ങ്ങ​ളിൽ ഉള്ളവർക്കു​വേ​ണ്ടി​യുള്ള രണ്ടുമാ​സി​ക​കൾ

1. വിശ്വ​സ്‌ത​നും വിവേ​കി​യു​മായ അടിമ ഏതു കാര്യ​ത്തിൽ പൗലോസ്‌ അപ്പൊ​സ്‌ത​ലനെ അനുക​രി​ക്കു​ന്നു?

¹ എല്ലാത്തരം ആളുക​ളെ​യും നേടാൻ പറ്റിയ വിധത്തി​ലാണ്‌ പൗലോസ്‌ അപ്പൊ​സ്‌തലൻ സുവാർത്ത അവതരി​പ്പി​ച്ചത്‌. (1 കൊരി. 9:22, 23) സമാന​മാ​യി, വ്യത്യസ്‌ത പശ്ചാത്ത​ല​ങ്ങ​ളി​ലും വിശ്വാ​സ​ങ്ങ​ളി​ലും ഉള്ളവരെ സത്യത്തി​ലേക്ക്‌ ആകർഷി​ക്കാൻ പറ്റിയ വിധത്തി​ലാണ്‌ വിശ്വ​സ്‌ത​നും വിവേ​കി​യു​മായ അടിമ വീക്ഷാ​ഗോ​പു​രം, ഉണരുക! മാസി​കകൾ തയ്യാറാ​ക്കു​ന്നത്‌. അവ ആരെ ഉദ്ദേശി​ച്ചാണ്‌ എഴുതി​യി​രി​ക്കു​ന്ന​തെന്നു മനസ്സിൽപ്പി​ടി​ക്കു​ന്നത്‌ വളരെ പ്രധാ​ന​മാണ്‌. എങ്കിൽ മാത്രമേ നമ്മുടെ മാസി​കകൾ നന്നായി ഉപയോ​ഗി​ക്കാൻ നമുക്കു സാധിക്കൂ.

2. ഉണരുക! മാസിക തയ്യാറാ​ക്കു​ന്നത്‌ ആരെ ഉദ്ദേശി​ച്ചാണ്‌?

² ഉണരുക!: പൗലോസ്‌ അപ്പൊ​സ്‌തലൻ ഒരിക്കൽ ‘ഏഥൻസി​ലെ പുരു​ഷ​ന്മാ​രെ’ അഭിസം​ബോ​ധ​ന​ചെ​യ്‌തു സംസാ​രി​ക്കു​ക​യു​ണ്ടാ​യി. (പ്രവൃ. 17:22) അവർക്ക്‌ ക്രിസ്‌തീയ ഉപദേ​ശ​ങ്ങ​ളെ​ക്കു​റി​ച്ചോ തിരു​വെ​ഴു​ത്തു​ക​ളെ​ക്കു​റി​ച്ചോ ഒന്നും​തന്നെ അറിയി​ല്ലാ​യി​രു​ന്നു. ഇന്ന്‌ അങ്ങനെ​യുള്ള ആളുകളെ മനസ്സിൽക്ക​ണ്ടു​കൊ​ണ്ടാണ്‌ ഉണരുക! തയ്യാറാ​ക്കു​ന്നത്‌. ക്രിസ്‌തീയ ഉപദേ​ശ​ങ്ങ​ളെ​പ്പറ്റി അറിവി​ല്ലാ​ത്ത​വ​രോ മതത്തിൽ വിശ്വാ​സ​മി​ല്ലാ​ത്ത​വ​രോ ബൈബി​ളി​ന്റെ പ്രാ​യോ​ഗിക മൂല്യം സംബന്ധിച്ച്‌ അജ്ഞരോ ആയിരി​ക്കും അവർ. സത്യ​ദൈ​വ​മു​ണ്ടെന്നു മനസ്സി​ലാ​ക്കാൻ വായന​ക്കാ​രെ സഹായി​ക്കു​ക​യാണ്‌ ഉണരുക!-യുടെ ഒരു ലക്ഷ്യം. യഹോ​വ​യു​ടെ സാക്ഷികൾ മറ്റു മതവി​ഭാ​ഗ​ങ്ങ​ളിൽനി​ന്നു വ്യത്യ​സ്‌ത​രാ​ണെന്നു മനസ്സി​ലാ​ക്കാൻ ആളുകളെ സഹായി​ക്കു​ന്ന​തും ബൈബി​ളിൽ വിശ്വ​സി​ക്കാൻ അവരെ പ്രചോ​ദി​പ്പി​ക്കു​ന്ന​തും ഈ മാസി​ക​യു​ടെ ലക്ഷ്യങ്ങ​ളിൽപ്പെ​ടു​ന്നു.

3. വീക്ഷാ​ഗോ​പു​ര​ത്തി​ന്റെ ഓരോ പതിപ്പും ആർക്കു​വേ​ണ്ടി​യാണ്‌ തയ്യാറാ​ക്കു​ന്നത്‌?

³ വീക്ഷാ​ഗോ​പു​രം: ദൈവത്തെ ഭയപ്പെ​ടു​ക​യും തിരു​വെ​ഴു​ത്തു​കളെ മാനി​ക്കു​ക​യും ചെയ്യുന്ന ആളുകൾക്കു​വേ​ണ്ടി​യു​ള്ള​താണ്‌ വീക്ഷാ​ഗോ​പു​ര​ത്തി​ന്റെ പൊതു​ജന പതിപ്പ്‌. ബൈബി​ളി​നെ​പ്പറ്റി കുറ​ച്ചൊ​ക്കെ അറിവു​ണ്ടെ​ങ്കി​ലും ബൈബിൾ ഉപദേ​ശ​ങ്ങ​ളെ​ക്കു​റിച്ച്‌ ഇവർക്ക്‌ കൃത്യ​മായ ഗ്രാഹ്യ​മില്ല. ‘ദൈവത്തെ ഭയപ്പെ​ടു​ന്നവർ’ എന്നു പൗലോസ്‌ പരാമർശിച്ച ആളുക​ളെ​പ്പോ​ലെ​യാണ്‌ ഇവർ. (പ്രവൃ. 13:14-16) ഇനി, അധ്യയന പതിപ്പി​ന്റെ കാര്യ​മോ? അത്‌ മുഖ്യ​മാ​യും യഹോ​വ​യു​ടെ സാക്ഷി​കൾക്കു​വേ​ണ്ടി​യു​ള്ള​താണ്‌. തിരു​വെ​ഴു​ത്തു​ക​ളെ​ക്കു​റിച്ച്‌ അറിവു​ണ്ടാ​യി​രുന്ന, സത്യത്തി​ന്റെ സൂക്ഷ്‌മ​പ​രി​ജ്ഞാ​നം ഉണ്ടായി​രുന്ന ആളുകൾക്കാണ്‌ പൗലോസ്‌ തന്റെ ലേഖനങ്ങൾ എഴുതി​യത്‌. (1 കൊരി. 1:1, 2) അതു​പോ​ലെ അധ്യയന പതിപ്പ്‌ തയ്യാറാ​ക്കു​ന്ന​തും സഭാ​യോ​ഗ​ങ്ങൾക്കു പതിവാ​യി കൂടി​വ​രുന്ന, ദിവ്യാ​ധി​പ​ത്യ​പ​ദ​ങ്ങ​ളും ആശയങ്ങ​ളും പരിച​യ​മു​ള്ള​വർക്കു​വേ​ണ്ടി​യാണ്‌.

4. വയലിൽ ഉപയോ​ഗി​ക്കുന്ന മാസി​ക​ക​ളു​ടെ ഉള്ളടക്കം നാം അറിഞ്ഞി​രി​ക്കേ​ണ്ടത്‌ എന്തു​കൊണ്ട്‌?

⁴ സാധാരണ രണ്ടുമാ​സി​ക​ക​ളും ഒരുമി​ച്ചാണ്‌ സമർപ്പി​ക്കു​ന്ന​തെ​ങ്കി​ലും ഏതെങ്കി​ലും ഒരു മാസി​ക​യാ​യി​രി​ക്കും നാം വിശേ​ഷ​വ​ത്‌ക​രി​ക്കു​ന്നത്‌. ഓരോ ലക്കത്തി​ന്റെ​യും ഉള്ളടക്കം നന്നായി മനസ്സി​ലാ​ക്കാൻ പ്രത്യേക ശ്രമം ചെയ്യുക. അങ്ങനെ​യാ​കു​മ്പോൾ കണ്ടുമു​ട്ടുന്ന ഓരോ​രു​ത്തർക്കും ഇണങ്ങുന്ന ലേഖനങ്ങൾ വിശേ​ഷ​വ​ത്‌ക​രി​ക്കാൻ നിങ്ങൾക്കാ​കും.