അതിന്റെ അവസ്ഥ എന്താണ്‌?

നാം സമർപ്പി​ക്കാൻ ഉദ്ദേശി​ക്കുന്ന സാഹി​ത്യം ഏതായാ​ലും ഈ ചോദ്യം പ്രസക്ത​മാണ്‌. അറ്റം മടങ്ങി​യ​തോ നിറം മങ്ങിയ​തോ അഴുക്കു പറ്റിയ​തോ കീറി​യ​തോ ആയ സാഹി​ത്യ​മാണ്‌ നാം നൽകു​ന്ന​തെ​ങ്കിൽ അതിൽ അടങ്ങി​യി​രി​ക്കുന്ന ആകർഷ​ക​വും ജീവര​ക്ഷാ​ക​ര​വു​മായ സന്ദേശം വീട്ടു​കാ​രൻ വിലമ​തി​ക്കാ​തെ​പോ​യേ​ക്കാം. നമ്മുടെ സംഘട​ന​യെ​ക്കു​റിച്ച്‌ ഒരു നല്ല ധാരണ​യാ​യി​രി​ക്കില്ല ആ വ്യക്തിക്കു ലഭിക്കു​ന്നത്‌.

നമുക്ക്‌ എങ്ങനെ സാഹി​ത്യം എപ്പോ​ഴും വൃത്തി​യാ​യി സൂക്ഷി​ക്കാം? ഓരോ​ന്നും വെവ്വേറെ സൂക്ഷി​ക്കു​ന്നത്‌ ഫലം​ചെ​യ്യു​മെന്ന്‌ പലരും കണ്ടെത്തി​യി​രി​ക്കു​ന്നു. ഉദാഹ​ര​ണ​ത്തിന്‌, പുസ്‌ത​കങ്ങൾ, മാസി​ക​ക​ളും ലഘുപ​ത്രി​ക​ക​ളും, ലഘു​ലേ​ഖകൾ എന്നിവ ബാഗിൽ വെവ്വേറെ കള്ളിക​ളി​ലാണ്‌ അവർ വെക്കു​ന്നത്‌. ബൈബി​ളും സാഹി​ത്യ​വും ബാഗിൽ തിരികെ വെക്കു​മ്പോൾ, അതാതി​ന്റെ സ്ഥാനത്ത്‌ ചുളു​ങ്ങാത്ത വിധത്തിൽ വെക്കാൻ അവർ ശ്രദ്ധി​ക്കു​ന്നു. ചില പ്രസാ​ധകർ അതിനാ​യി ഫോൾഡ​റു​ക​ളോ വൃത്തി​യുള്ള പ്ലാസ്റ്റിക്‌ കവറു​ക​ളോ ഉപയോ​ഗി​ക്കാ​റുണ്ട്‌. സാഹി​ത്യം സൂക്ഷി​ക്കാൻ നാം എന്തു മാർഗം സ്വീക​രി​ച്ചാ​ലും ശരി, നമ്മുടെ ശുശ്രൂ​ഷയെ ആക്ഷേപി​ക്കാൻ നാം ആർക്കു​മൊ​രു കാരണം നൽകരുത്‌.—2 കൊരി. 6:3.