മുഴു​സമയ സേവന​ത്തി​ന്റെ സന്തോ​ഷ​ങ്ങൾ

¹ യുവ​പ്രാ​യ​ത്തി​ലുള്ള ഒരു വ്യക്തി​യാ​ണു നിങ്ങ​ളെ​ങ്കിൽ ഭാവി​യെ​ക്കു​റി​ച്ചു നിങ്ങൾ എന്തെങ്കി​ലു​മൊ​ക്കെ ചിന്തി​ച്ചു​കാ​ണും. “ഉത്സാഹി​യു​ടെ വിചാ​രങ്ങൾ” അഥവാ പദ്ധതികൾ “സമൃദ്ധി​ഹേ​തു​കങ്ങൾ ആകുന്നു” എന്ന്‌ സദൃശ​വാ​ക്യ​ങ്ങൾ 21:5 പറയുന്നു. അതു​കൊണ്ട്‌, നിങ്ങളു​ടെ ജീവി​ത​ല​ക്ഷ്യ​ങ്ങൾക്കു ഗൗരവ​മായ ശ്രദ്ധ കൊടു​ക്കേ​ണ്ടത്‌ പ്രധാ​ന​മാണ്‌. ഭാവി​പ​ദ്ധ​തി​കൾ ആസൂ​ത്രണം ചെയ്യു​മ്പോൾ, മുഴു​സമയ സേവനം ഏറ്റെടു​ക്കു​ന്ന​തി​നെ​ക്കു​റി​ച്ചു ചിന്തി​ക്കുക. എന്തു​കൊണ്ട്‌?

² യൗവന​കാ​ലത്തു പയനി​യ​റിങ്‌ ചെയ്‌തി​ട്ടു​ള്ള​വ​രോട്‌ ചോദി​ച്ചാൽ എല്ലാവ​രും ഒരേ സ്വരത്തിൽ പറയും, “എന്റെ ജീവി​ത​ത്തി​ലെ ഏറ്റവും നല്ല വർഷങ്ങ​ളാ​യി​രു​ന്നു അവ” എന്ന്‌. യൗവന​കാ​ലം മുതൽ മുഴു​സമയ സേവന​ത്തി​ന്റെ സന്തോഷം അനുഭ​വിച്ച ഒരു സഹോ​ദരൻ പിൽക്കാ​ലത്ത്‌ ഇങ്ങനെ പറഞ്ഞു: “‘യൗവന​കാ​ലത്തു നിന്റെ സ്രഷ്ടാ​വി​നെ ഓർത്തു​കൊൾക’ എന്ന ജ്ഞാനപൂർവ​ക​മായ ബുദ്ധി​യു​പ​ദേ​ശ​ത്തി​നു ചെവി​കൊ​ടു​ത്ത​ല്ലോ എന്നോർക്കു​മ്പോൾ എനിക്ക്‌ എന്തെന്നി​ല്ലാത്ത ചാരി​താർഥ്യം തോന്നു​ന്നു.” (സഭാ. 12:1) ഈ സന്തോഷം നിങ്ങൾക്ക്‌ അനുഭ​വി​ക്കാൻ കഴിയ​ണ​മെ​ങ്കിൽ, നിങ്ങളു​ടെ​യും മാതാ​പി​താ​ക്ക​ളു​ടെ​യും ഭാഗത്ത്‌ ഇപ്പോൾത്തന്നെ നല്ല ആസൂ​ത്രണം ആവശ്യ​മാണ്‌.

³ മാതാ​പി​താ​ക്കളേ, മുഴു​സമയ സേവനം ഏറ്റെടു​ക്കാൻ മക്കളെ പ്രോ​ത്സാ​ഹി​പ്പി​ക്കുക: കരുത​ലുള്ള ഒരു പിതാവ്‌ എന്നനി​ല​യിൽ യഹോവ, സഞ്ചരി​ക്കേണ്ട വഴി തന്റെ മക്കൾക്ക്‌ കൃത്യ​മാ​യി കാണി​ച്ചു​ത​രു​ന്നു. (യെശ. 30:21) അങ്ങനെ അവൻ ക്രിസ്‌തീയ മാതാ​പി​താ​ക്ക​ളായ നിങ്ങൾക്ക്‌ ഒരു നല്ല മാതൃക വെക്കുന്നു. നല്ല വഴി ഏതെന്നു സ്വയം തിര​ഞ്ഞെ​ടു​ക്കാൻ മക്കളെ അനുവ​ദി​ക്കു​ന്ന​തി​നു​പ​കരം ശരിയായ വഴിയിൽ സഞ്ചരി​ക്കാൻ ജ്ഞാനപൂർവം അവരെ പരിശീ​ലി​പ്പി​ക്കുക. അപ്പോൾ യഹോ​വ​യു​ടെ അനു​ഗ്രഹം അവർക്കു ലഭിക്കും. വളർന്നു​ക​ഴി​യു​മ്പോൾ നിങ്ങൾ നൽകിയ പരിശീ​ലനം “ശരിയും തെറ്റും തിരി​ച്ച​റി​യാൻ” അവരെ സഹായി​ക്കു​ക​യും ചെയ്യും. (എബ്രാ. 5:14) സ്വന്തം വിവേ​ക​ത്തിൽ ആശ്രയി​ക്കാ​നാ​വി​ല്ലെ​ന്നും തങ്ങളുടെ പാതകളെ നേരെ​യാ​ക്കാൻ യഹോ​വ​യിൽ ആശ്രയി​ക്കേ​ണ്ട​തു​ണ്ടെ​ന്നും മുതിർന്ന​യാ​ളു​കൾ അനുഭ​വ​ത്തിൽനിന്ന്‌ മനസ്സി​ലാ​ക്കി​യി​രി​ക്കു​ന്നു. (സദൃ. 3:5, 6) ആ സ്ഥിതിക്ക്‌, വളരെ കുറച്ചു​മാ​ത്രം ജീവി​താ​നു​ഭ​വ​മുള്ള യുവജ​നങ്ങൾ എത്രയ​ധി​കം യഹോ​വ​യിൽ ആശ്രയി​ക്കണം!

⁴ മാതാ​പി​താ​ക്കളേ, നിങ്ങളു​ടെ കുട്ടികൾ കൗമാ​ര​ത്തോട്‌ അടുക്കു​മ്പോൾ, ഒരുപക്ഷേ അതിനു​മു​മ്പു​തന്നെ, അവരുടെ ജീവി​ത​ല​ക്ഷ്യ​ങ്ങ​ളെ​ക്കു​റിച്ച്‌ അവരു​മാ​യി യാഥാർഥ്യ​ബോ​ധ​ത്തോ​ടെ സംസാ​രി​ക്കണം. സ്‌കൂൾ ഉപദേ​ഷ്ടാ​ക്ക​ളും അധ്യാ​പ​ക​രും സഹപാ​ഠി​ക​ളും, ലൗകി​ക​വും ധനാസ​ക്ത​വും ആയ കാര്യങ്ങൾ പിന്തു​ട​രാ​നാ​യി​രി​ക്കും അവരെ പ്രോ​ത്സാ​ഹി​പ്പി​ക്കുക. അതു​കൊ​ണ്ടു​തന്നെ രാജ്യ​താ​ത്‌പ​ര്യ​ങ്ങൾ ബലിക​ഴി​ക്കാ​തെ ഭൗതി​കാ​വ​ശ്യ​ങ്ങൾ നിറ​വേ​റ്റാൻ സഹായി​ക്കുന്ന, പ്രാ​യോ​ഗിക പരിശീ​ലനം നൽകുന്ന കോഴ്‌സു​കൾ തിര​ഞ്ഞെ​ടു​ക്കാൻ നിങ്ങളു​ടെ കുട്ടി​കളെ സഹായി​ക്കുക. (1 തിമൊ. 6:6-11) സാധാ​ര​ണ​ഗ​തി​യിൽ, പ്രാ​യോ​ഗിക പരിശീ​ലനം സഹിത​മുള്ള ഹൈസ്‌കൂൾ വിദ്യാ​ഭ്യാ​സ​മോ ഒരു തൊഴിൽ പരിച​യ​മോ മതിയാ​കും അടിസ്ഥാന ആവശ്യ​ങ്ങൾക്കാ​യി കരുതാ​നും സാധാരണ പയനിയർ ശുശ്രൂഷ തുടങ്ങാ​നും.

⁵ ഏകാകി​ത്വം എന്ന വരം പിന്തു​ട​രാൻ യുവജ​ന​ങ്ങളെ പ്രോ​ത്സാ​ഹി​പ്പി​ക്കുക. വിവാഹം കഴിക്കാൻ പിന്നീടു തീരു​മാ​നി​ക്കു​ന്നെ​ങ്കിൽ, വിവാഹം കൈവ​രു​ത്തുന്ന വലിയ ഉത്തരവാ​ദി​ത്വ​ങ്ങൾ ഏറ്റെടു​ക്കാൻ പറ്റിയ ഒരു അവസ്ഥയി​ലാ​യി​രി​ക്കും അവർ. (2003 സെപ്‌റ്റം​ബർ ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തി​ലെ “നിങ്ങ​ളെ​ത്തന്നെ ലഭ്യമാ​ക്കാൻ കഴിയു​മോ?” എന്ന ലേഖന​ത്തി​ന്റെ 19-ാം ഖണ്ഡിക കാണുക.) പയനി​യ​റി​ങ്ങി​നെ​യും ആവശ്യം അധിക​മു​ള്ളി​ടത്ത്‌ സേവി​ക്കു​ന്ന​തി​നെ​യും ബെഥേൽ സേവന​ത്തെ​യും കുറിച്ച്‌ ക്രിയാ​ത്മ​ക​മാ​യി സംസാ​രി​ച്ചു​കൊണ്ട്‌, യഹോ​വ​യ്‌ക്ക്‌ പ്രസാ​ദ​ക​ര​വും മറ്റുള്ള​വർക്ക്‌ പ്രയോ​ജ​ന​പ്ര​ദ​വും തങ്ങൾക്കു​തന്നെ സന്തോഷം കൈവ​രു​ത്തു​ന്ന​തും ആയ വിധത്തിൽ ജീവിതം ഉപയോ​ഗി​ക്കാ​നുള്ള ആഗ്രഹം യുവജ​ന​ങ്ങ​ളിൽ ചെറു​പ്പ​ത്തി​ലേ നട്ടുവ​ളർത്തുക.

⁶ യുവജ​ന​ങ്ങളേ, മുഴു​സമയ ശുശ്രൂഷ ഒന്നാമതു വെക്കുക: യുവജ​ന​ങ്ങളേ, പയനി​യർവേല എങ്ങനെ​യു​ള്ള​താ​യി​രി​ക്കും എന്നോർത്ത്‌ ഉത്‌ക​ണ്‌ഠ​പ്പെ​ടേ​ണ്ട​തില്ല. സാധ്യ​മാ​കു​മ്പോ​ഴൊ​ക്കെ പഠന​ത്തോ​ടൊ​പ്പ​വും അവധി​ക്കാ​ല​ങ്ങ​ളി​ലും സഹായ​പ​യ​നി​യ​റിങ്‌ ചെയ്‌തു​കൊണ്ട്‌ നിങ്ങൾക്ക്‌ അത്‌ പരീക്ഷി​ച്ചു​നോ​ക്കാ​വു​ന്ന​താണ്‌. അപ്പോൾ നിങ്ങൾക്കു മനസ്സി​ലാ​കും പയനി​യർവേല എത്ര സംതൃ​പ്‌തി​ദാ​യ​ക​മാ​ണെന്ന്‌!

⁷ സ്‌നാ​ന​മേറ്റ ഒരു സഹോ​ദ​ര​നാണ്‌ നിങ്ങ​ളെ​ങ്കിൽ, ഒരു ശുശ്രൂ​ഷാ​ദാ​സ​നാ​കാൻ യോഗ്യത പ്രാപി​ക്കു​ന്ന​തി​നെ​ക്കു​റിച്ച്‌ നിങ്ങൾക്ക്‌ ഗൗരവ​പൂർവം ചിന്തി​ക്കാ​വു​ന്ന​താണ്‌. (1 തിമൊ. 3:8-10, 12) ഇനിയും, ബെഥേൽസേ​വനം ഏറ്റെടു​ക്കാ​നോ ഏകാകി​ക​ളായ സഹോ​ദ​ര​ന്മാർക്കുള്ള ബൈബിൾ സ്‌കൂ​ളിൽ സംബന്ധി​ക്കാ​നോ ഉള്ള പ്രായ​മാ​യി​ട്ടു​ണ്ടെ​ങ്കിൽ അതേക്കു​റി​ച്ചും ചിന്തി​ക്കാം. അടുക്കും ചിട്ടയു​മുള്ള ജീവിതം എങ്ങനെ നയിക്കാം, മറ്റുള്ള​വ​രു​മാ​യി എപ്രകാ​രം ഒത്തു​പോ​കാം, ഉത്തരവാ​ദി​ത്വ​ബോ​ധം എങ്ങനെ വളർത്തി​യെ​ടു​ക്കാം എന്നതു​പോ​ലുള്ള വില​യേ​റിയ പാഠങ്ങൾ പയനിയർ ശുശ്രൂ​ഷ​യി​ലൂ​ടെ ലഭിക്കുന്ന അനുഭ​വ​പ​രി​ചയം നിങ്ങളെ പഠിപ്പി​ക്കും. ഇവയെ​ല്ലാം ഭാവി​യിൽ വലിയ പദവികൾ ഏറ്റെടു​ക്കാൻ നിങ്ങളെ സജ്ജനാ​ക്കും.

⁸ ദൈവ​സേ​വ​ന​ത്തിൽ ശുഷ്‌കാ​ന്തി​യു​ള്ള​വ​രാ​യി​രി​ക്കുന്ന​താണ്‌ മുഴു​സമയ ശുശ്രൂ​ഷ​യിൽ വിജയം കണ്ടെത്താ​നുള്ള സുപ്ര​ധാന മാർഗം. അപ്പൊ​സ്‌ത​ല​നായ പൗലോസ്‌ അത്തരം മനോ​ഭാ​വത്തെ പ്രോ​ത്സാ​ഹി​പ്പി​ക്കു​ക​യും അതിന്റെ പ്രയോ​ജനം ചൂണ്ടി​ക്കാ​ട്ടു​ക​യും ചെയ്‌തു: “നിങ്ങൾ ചെയ്യു​ന്ന​തൊ​ക്കെ​യും . . . യഹോ​വ​യ്‌ക്ക്‌ എന്നപോ​ലെ മുഴു​ദേ​ഹി​യോ​ടെ ചെയ്യു​വിൻ. അവകാ​ശ​മെന്ന പ്രതി​ഫലം യഹോ​വ​യിൽനി​ന്നാ​ണു ലഭിക്കു​ന്ന​തെന്ന്‌ നിങ്ങൾ അറിയു​ന്നു​വ​ല്ലോ.” (കൊലോ. 3:23, 24) മുഴു​സമയ സേവന​ത്തിൽ നിരവധി സന്തോ​ഷങ്ങൾ നൽകി യഹോവ നിങ്ങളെ അനു​ഗ്ര​ഹി​ക്കു​മാ​റാ​കട്ടെ!