ജീവിത-സേവന യോഗ​ത്തി​നുള്ള പഠനസഹായി—പരാമർശങ്ങൾ

ഒക്‌ടോ​ബർ 17-23

ആത്മീയ​മു​ത്തു​കൾക്കാ​യി കുഴി​ക്കു​ക

(സദൃശ​വാ​ക്യ​ങ്ങൾ 15:15) അരിഷ്ടന്റെ ജീവനാൾ ഒക്കെയും കഷ്ടകാലം; സന്തുഷ്ട​ഹൃ​ദ​യ​ന്നോ നിത്യം ഉത്സവം.

g-E 11/13 16

നിങ്ങൾക്കു ‘നിത്യം ഉത്സവമാ​ണോ?’

“അരിഷ്ടന്റെ ജീവനാൾ ഒക്കെയും കഷ്ടകാലം; സന്തുഷ്ട​ഹൃ​ദ​യ​ന്നോ നിത്യം ഉത്സവം.”—സദൃശ​വാ​ക്യ​ങ്ങൾ 15:15.

ഈ വാക്കു​ക​ളു​ടെ അർഥം എന്താണ്‌? അത്‌ ഒരുവന്റെ മാനസി​ക​വും വൈകാ​രി​ക​വും ആയ നില​യെ​യാണ്‌ സൂചി​പ്പി​ക്കു​ന്നത്‌. “അരിഷ്ടൻ” അല്ലെങ്കിൽ മനോ​വി​ഷ​മ​മു​ള്ളവൻ മനസ്സിനെ തളർത്തുന്ന കാര്യ​ങ്ങ​ളാ​യി​രി​ക്കും ചിന്തി​ച്ചു​കൂ​ട്ടു​ന്നത്‌. അത്‌ അവന്റെ ദിവസങ്ങൾ ‘കഷ്ടതയു​ള്ള​താ​ക്കു​ന്നു.’ എന്നാൽ ‘സന്തുഷ്ട​ഹൃ​ദയൻ’ നല്ല കാര്യ​ങ്ങ​ളിൽ അതായത്‌ അവന്‌ സന്തോഷം വർധി​പ്പി​ക്കുന്ന കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ ശ്രമി​ക്കു​ന്നു. അതു​കൊണ്ട്‌ അവന്‌ ‘നിത്യം ഉത്സവം’ ആയിരി​ക്കും.

നമ്മു​ടെ​യെ​ല്ലാം സന്തോഷം കവർന്നെ​ടു​ക്കുന്ന ധാരാളം പ്രശ്‌ന​ങ്ങ​ളുണ്ട്‌. എങ്കിലും, പ്രയാസം നിറഞ്ഞ അത്തരം സമയങ്ങ​ളി​ലും സന്തോഷം വീണ്ടെ​ടു​ക്കാൻ സഹായി​ക്കുന്ന ചില കാര്യങ്ങൾ നമുക്ക്‌ ചെയ്യാ​നാ​കും. ബൈബിൾ ഇതെക്കു​റിച്ച്‌ പറയു​ന്നത്‌ ശ്രദ്ധി​ക്കുക.

• നാളത്തെ ഉത്‌ക​ണ്‌ഠകൾ ഇന്നത്തെ ദിവസ​ത്തി​ന്റെ സന്തോഷം കവർന്നെ​ടു​ക്കാൻ അനുവ​ദി​ക്ക​രുത്‌. യേശുക്രിസ്‌തു പറഞ്ഞു: “നാളെ​യെ​ക്കു​റിച്ച്‌ ഒരിക്ക​ലും ഉത്‌ക​ണ്‌ഠ​പ്പെ​ട​രുത്‌; നാളത്തെ ദിവസ​ത്തിന്‌ അതി​ന്റേ​തായ ഉത്‌ക​ണ്‌ഠകൾ ഉണ്ടായി​രി​ക്കു​മ​ല്ലോ. അതതു ദിവസ​ത്തിന്‌ അന്നന്നത്തെ ക്ലേശങ്ങൾതന്നെ ധാരാളം.”—മത്തായി 6:34.

• നിങ്ങളു​ടെ ജീവി​ത​ത്തിൽ സംഭവിച്ച നല്ല കാര്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കുക. മനസ്സ്‌ തളർന്നി​രി​ക്കു​മ്പോൾ, ജീവി​ത​ത്തിൽ സംഭവിച്ച നല്ല കാര്യ​ങ്ങ​ളു​ടെ ഒരു പട്ടിക​യു​ണ്ടാ​ക്കി അവയെ​ക്കു​റിച്ച്‌ ചിന്തി​ക്കാൻ ശ്രമി​ച്ചു​കൂ​ടെ? എന്നാൽ, കഴിഞ്ഞ​കാല പിഴവു​ക​ളെ​ക്കു​റി​ച്ചോ മോശ​മായ പ്രവൃ​ത്തി​ക​ളെ​ക്കു​റി​ച്ചോ ചിന്തിച്ച്‌ മനസ്സു​പു​ണ്ണാ​ക്ക​രുത്‌. പകരം അവയിൽനിന്ന്‌ പാഠം ഉൾക്കൊണ്ട്‌ മുന്നോട്ട്‌ നീങ്ങുക. വണ്ടി ഓടി​ക്കുന്ന ഒരു ഡ്രൈവർ പിന്നി​ലുള്ള കാര്യങ്ങൾ അറിയാൻ കണ്ണാടി​യിൽ ഇടയ്‌ക്കൊ​ക്കെ നോക്കാ​റു​ണ്ടെ​ങ്കി​ലും അയാൾ അതിൽതന്നെ നോക്കി​യി​രി​ക്കാ​റില്ല. ‘ദൈവ​ത്തി​ന്റെ പക്കൽ വിമോ​ചനം ഉണ്ട്‌’ എന്നത്‌ മനസ്സിൽപ്പി​ടി​ക്കുക.—സങ്കീർത്തനം 130:4.

ദുഃഖ​ഭാ​രം നിങ്ങളെ തളർത്തി​ക്ക​ള​യു​മ്പോൾ, ആശ്വസി​പ്പി​ക്കാ​നും പ്രോ​ത്സാ​ഹി​പ്പി​ക്കാ​നും കഴിയുന്ന ഒരാ​ളോട്‌ അതെക്കു​റിച്ച്‌ പറയുക. “മനോ​വ്യ​സനം ഹേതു​വാ​യി മനുഷ്യ​ന്റെ മനസ്സി​ടി​യു​ന്നു; ഒരു നല്ല വാക്കോ അതിനെ സന്തോ​ഷി​പ്പി​ക്കു​ന്നു” എന്ന്‌ സദൃശ​വാ​ക്യ​ങ്ങൾ 12:25 പറയുന്നു. അത്തരത്തി​ലുള്ള ഒരു ‘നല്ല വാക്ക്‌’ കുറ്റം​ക​ണ്ടു​പി​ടി​ക്കുന്ന സ്വഭാ​വ​മി​ല്ലാത്ത, “എല്ലാകാ​ല​ത്തും സ്‌നേ​ഹി​ക്കുന്ന” ഒരു കുടും​ബാം​ഗ​ത്തിൽനി​ന്നോ ഒരു ഉറ്റ സുഹൃ​ത്തിൽനി​ന്നോ ലഭി​ച്ചേ​ക്കാം.— സദൃശ​വാ​ക്യ​ങ്ങൾ 17:17.

പ്രയാ​സ​സാ​ഹ​ച​ര്യ​ങ്ങ​ളി​ലും സന്തോഷം നിലനി​റു​ത്താൻ ബൈബി​ളി​ലെ ജ്ഞാനോ​പ​ദേ​ശങ്ങൾ അനേകരെ സഹായി​ച്ചി​ട്ടുണ്ട്‌. അതു നിങ്ങ​ളെ​യും സഹായി​ക്കും, തീർച്ച!

ഒക്‌ടോ​ബർ 31 – നവംബർ 6

it-2-E 818 ¶4

വടി

മാതാ​പി​താ​ക്ക​ളു​ടെ അധികാ​രം. കുട്ടി​ക​ളു​ടെ​മേ​ലുള്ള മാതാ​പി​താ​ക്ക​ളു​ടെ അധികാ​രത്തെ ചിത്രീ​ക​രി​ക്കാൻ ‘വടി’ എന്ന പദം ഉപയോ​ഗി​ച്ചി​ട്ടുണ്ട്‌. ഇത്തരം അധികാ​ര​ത്തെ​ക്കു​റി​ച്ചുള്ള അനേകം പരാമർശങ്ങൾ സദൃശ​വാ​ക്യ​ങ്ങൾ എന്ന പുസ്‌ത​ക​ത്തി​ലുണ്ട്‌. അത്‌ എല്ലാത്തരം ശിക്ഷണ​ത്തെ​യും, അതായത്‌ അക്ഷരീ​യ​മാ​യി ശിക്ഷി​ക്കു​ന്ന​തി​നെ​യോ അല്ലെങ്കിൽ ശാസി​ക്കു​ന്ന​തി​നെ​യോ ഒക്കെ അർഥമാ​ക്കു​ന്നു. എന്നാൽ കുട്ടി​കളെ നിയ​ന്ത്രി​ക്കാൻ മാതാ​പി​താ​ക്കൾ ഈ വടി ഉപയോ​ഗി​ക്കു​മ്പോൾ അവർ തീർച്ച​യാ​യും ദൈവ​ത്തോട്‌ കണക്കു​ബോ​ധി​പ്പി​ക്കേ​ണ്ട​വ​രാ​ണെന്ന്‌ ഓർക്കുക. ഇക്കാര്യ​ത്തിൽ മാതാ​പി​താ​ക്കൾ പരാജ​യ​പ്പെ​ട്ടാൽ കുട്ടി​യു​ടെ അധഃപ​ത​ന​ത്തി​നും മരണത്തി​നും ഉത്തരവാ​ദി​യാ​കുക മാത്രമല്ല അവർക്കു ദൈവ​ത്തി​ന്റെ പ്രീതി​യും അംഗീ​കാ​ര​വും നഷ്ടപ്പെ​ടു​ക​യും ചെയ്യും. (സദൃ. 10:1; 15:20; 17:25; 19:13) “ബാലന്റെ ഹൃദയ​ത്തോ​ടു ഭോഷ​ത്വം പറ്റിയി​രി​ക്കു​ന്നു; ശിക്ഷെ​ക്കുള്ള വടി അതിനെ അവനിൽനി​ന്നു അകറ്റി​ക്ക​ള​യും.” “ബാലന്നു ശിക്ഷ കൊടു​ക്കാ​തി​രി​ക്ക​രു​തു; വടി​കൊ​ണ്ടു അടിച്ചാൽ അവൻ ചത്തു​പോ​ക​യില്ല. വടി​കൊ​ണ്ടു അവനെ അടിക്കു​ന്ന​തി​നാൽ നീ അവന്റെ പ്രാണനെ പാതാ​ള​ത്തിൽനി​ന്നു വിടു​വി​ക്കും.” (സദൃ. 22:15; 23:13, 14) വാസ്‌ത​വ​ത്തിൽ, “വടി ഉപയോ​ഗി​ക്കാ​ത്തവൻ തന്റെ മകനെ പകെക്കു​ന്നു; അവനെ സ്‌നേ​ഹി​ക്കു​ന്ന​വ​നോ ചെറു​പ്പ​ത്തി​ലേ അവനെ ശിക്ഷി​ക്കു​ന്നു.”—സദൃ. 13:24; 19:18; 29:15; 1 ശമു. 2:27-36.