ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ഫെബ്രു​വരി 6-12

ആത്മീയമുത്തുകൾക്കായി കുഴി​ക്കു​ക

it-1-E 643 ¶4-5

വിവാ​ഹ​മോ​ച​നം

ആലങ്കാരിക വിവാ​ഹ​മോ​ചനം. തിരു​വെ​ഴു​ത്തു​ക​ളിൽ വിവാ​ഹ​ബ​ന്ധ​ങ്ങളെ ആലങ്കാ​രി​ക​മായ അർഥത്തിൽ ഉപയോ​ഗി​ച്ചി​ട്ടുണ്ട്‌. (യശ 54:1, 5, 6; 62:1-6) ആലങ്കാ​രിക വിവാ​ഹ​മോ​ച​ന​ത്തെ​ക്കു​റി​ച്ചും ‘ഭാര്യയെ പറഞ്ഞയയ്‌ക്കു​ന്ന​തി​നെ​ക്കു​റി​ച്ചും’ പരാമർശി​ച്ചി​ട്ടുണ്ട്‌.—യിര 3:8.

ബി.സി. 607-ൽ യഹൂദാ​രാ​ജ​ഭ​രണം അവസാ​നി​ക്കു​ക​യും യരുശ​ലേം നശിപ്പി​ക്ക​പ്പെ​ടു​ക​യും ചെയ്‌തു. ജനത്തെ ബാബി​ലോ​ണി​ലേക്ക്‌ പ്രവാ​സി​ക​ളാ​യി പിടി​ച്ചു​കൊ​ണ്ടു​പോ​യി. പ്രവാ​സ​ത്തി​ലേക്കു പോകു​മാ​യി​രുന്ന ജൂത​രോട്‌ വർഷങ്ങൾക്കു മുമ്പേ യഹോവ ഇങ്ങനെ പറഞ്ഞു: “നിങ്ങളു​ടെ അമ്മയെ പറഞ്ഞു​വി​ട്ട​പ്പോൾ ഞാൻ മോച​ന​പ​ത്രം കൊടു​ത്തോ?” (യശ 50:1) അവരുടെ ‘അമ്മയെ’ അല്ലെങ്കിൽ യഹൂദയെ തള്ളിക്ക​ള​ഞ്ഞതു ന്യായ​മാണ്‌. കാരണം യഹോവ ഉടമ്പടി ലംഘി​ക്കു​ക​യോ വിവാ​ഹ​മോ​ചന നടപടി​കൾക്കു തുടക്ക​മി​ടു​ക​യോ ചെയ്‌ത​തു​കൊ​ണ്ടല്ല പകരം അവൾ ഉടമ്പടി ലംഘി​ച്ച​തു​കൊ​ണ്ടാണ്‌ അതു സംഭവി​ച്ചത്‌. എന്നാൽ ഇസ്രാ​യേ​ല്യ​രിൽ ശേഷി​ച്ചവർ മാനസാ​ന്ത​ര​പ്പെ​ടു​ക​യും സ്വദേ​ശത്ത്‌ യഹോ​വ​യു​മാ​യുള്ള ഭർത്തൃ​തു​ല്യ​ബന്ധം പുനഃ​സ്ഥാ​പി​ക്കേ​ണമേ എന്ന്‌ പ്രാർഥി​ക്കു​ക​യും ചെയ്‌തു. വാഗ്‌ദാ​നം ചെയ്‌തി​രു​ന്ന​തു​പോ​ലെ, 70 വർഷത്തെ പ്രവാ​സ​ത്തി​നു ശേഷം ബി.സി. 537-ൽ യഹോവ തന്റെ നാമ​ത്തെ​ക്ക​രു​തി ജനത്തെ സ്വദേ​ശ​ത്തേക്കു തിരി​ച്ചു​കൊ​ണ്ടു​വന്നു.—സങ്ക 137:1-9.