വസ്‌ത്ര​ത്തി​ന്റെ മേൽമടക്ക്‌

ബൈബിൾക്കാ​ല​ങ്ങ​ളിൽ ഇസ്രാ​യേ​ല്യർ ധരിച്ചി​രു​ന്നതു നെഞ്ചു​ഭാ​ഗം നല്ല അയവുള്ള പുറങ്കു​പ്പാ​യ​ങ്ങ​ളാണ്‌. അരപ്പട്ട​യു​ടെ മീതെ ആ പുറങ്കു​പ്പാ​യ​ത്തി​ന്റെ ഒരു ഭാഗം തൂങ്ങി​ക്കി​ട​ക്കുന്ന രീതി​യിൽ അതു ധരിക്കാം. ആളുകൾ അതു മടക്കി​പ്പി​ടിച്ച്‌ അതിനു​ള്ളിൽ ധാന്യ​വും പണവും മറ്റു വസ്‌തു​ക്ക​ളും കൊണ്ടു​പോ​കുന്ന രീതി​യു​ണ്ടാ​യി​രു​ന്നു. നല്ല വലുപ്പ​മുള്ള ആ മടക്കി​നു​ള്ളിൽ ചില​പ്പോൾ കുഞ്ഞു​ങ്ങ​ളെ​യും ആട്ടിൻകു​ട്ടി​ക​ളെ​യും​പോ​ലും വെച്ചി​രു​ന്നു. (പുറ 4:6, 7; സംഖ 11:12; 2രാജ 4:39; ഇയ്യ 31:33; യശ 40:11) ലൂക്ക 6:38-ൽ “നിങ്ങളു​ടെ മടിയി​ലേക്ക്‌” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കുപദത്തിന്റെ അക്ഷരാർഥം “നിങ്ങളു​ടെ മാർവി​ട​ത്തി​ലേക്ക്‌ (നെഞ്ചി​ലേക്ക്‌)” എന്നാ​ണെ​ങ്കി​ലും സാധ്യ​ത​യ​നു​സ​രിച്ച്‌ ഇവിടെ അതു കുറി​ക്കു​ന്നത്‌, അരപ്പട്ട​യ്‌ക്കു മുകളി​ലേക്കു തൂങ്ങി​ക്കി​ട​ക്കുന്ന കുപ്പാ​യ​ഭാ​ഗ​ത്തെ​യാണ്‌. ആളുകൾ സാധനം വാങ്ങു​മ്പോൾ ചില കച്ചവട​ക്കാർ അത്‌ അവരുടെ പുറങ്കുപ്പായത്തിന്റെ ഈ മടക്കി​ലേക്ക്‌ ഇട്ടു​കൊ​ടു​ത്തി​രു​ന്നു. ഈ രീതി​യെ​യാ​യി​രി​ക്കാം “മടിയി​ലേക്ക്‌ ഇട്ടുത​രും” എന്ന പദപ്ര​യോ​ഗം കുറി​ക്കു​ന്നത്‌.