ദൈവം—അവൻ എന്നെക്കു​റി​ച്ചു് ചിന്തി​ക്കു​ന്നു​ണ്ടോ?

“എനിക്കി​നി അതെടു​ക്കാൻ ഒട്ടും വയ്യാ” എന്നു് അവൾ വിളിച്ചു പറഞ്ഞു. “എനിക്കു് എന്നെ കൊല്ലാ​നുള്ള ശേഷി​യെ​ങ്കി​ലു​മു​ണ്ടാ​യി​രു​ന്നെ​ങ്കിൽ ഞാൻ ഈ നശിച്ച ലോക​ത്തി​ലെ വിരസ​മായ ജീവിതം അവസാ​നി​പ്പി​ച്ചേനേ.”

ജില്ലി​നു് “നിരാ​ശ​യും വിദ്വേ​ഷ​വും അക്രമ​വു​മുള്ള ഒരു ലോക​ത്തു് ജീവി​ക്കു​ന്ന​തിൽ യാതൊ​രു ലക്ഷ്യവും കാണാൻ” കഴിയു​ന്നില്ല. മയക്കു​മ​രു​ന്നു​ക​ളിൽ നിന്നും മദ്യത്തിൽ നിന്നും സംഗീ​ത​ത്തിൽനി​ന്നും ആശ്വാസം ലഭിക്കു​മെ​ന്നു് അവൾ കരുതി. പക്ഷേ അവ ആശ്വാസം നൽകി​യില്ല. വിവാ​ഹ​മോ​ചനം അവളുടെ കുടും​ബാ​ഗ​ങ്ങളെ അഞ്ചു് വ്യത്യസ്‌ത ദിശക​ളി​ലേ​ക്കു് ചിതറി​ച്ച​പ്പോൾ അവൾ ചോദി​ച്ചു. “ഈ കാലഘ​ട്ട​ത്തി​ലെ​ല്ലാം ദൈവം എവി​ടെ​യാ​യി​രു​ന്നു?”

നിങ്ങക്കു് മോശ​മായ സംഗതി​കൾ സംഭവി​ക്കു​മ്പോൾ, സമാന​മായ ചോദ്യ​ങ്ങൾ നിങ്ങളു​ടെ മനസ്സിനെ തളർത്തു​ന്നു​ണ്ടോ? തുറന്നു​പ​റ​ഞ്ഞാൽ, നമ്മുടെ ഈ ദുരന്ത​ബാ​ധിത 20-ാം നൂറ്റാ​ണ്ടിൽ ദൈവം എവി​ടെ​യാ​ണു്? സ്‌നേ​ഹ​വാ​നായ ഒരു ദൈവ​ത്തിൽ വിശ്വ​സി​ക്കാൻ ആഗ്രഹി​ക്കുന്ന എല്ലാവ​രും അഭിമു​ഖീ​ക​രി​ക്കേണ്ട ഒരു ചോദ്യ​മാ​ണ​തു്. ആളുകൾക്കു് സംഭവി​ക്കു​ന്ന​തി​നെ​ക്കു​റി​ച്ചു് ദൈവം വാസ്‌ത​വ​ത്തിൽ ചിന്തയു​ള്ള​വ​നാ​ണോ? സത്യത്തിൽ അവൻ എന്നെക്കു​റി​ച്ചു് കരുതു​ന്നു​ണ്ടോ?

ദൈവം കരുതു​ന്നു​ണ്ടു്

നിങ്ങൾക്കു ചുറ്റും നോക്കുക. ദൈവം ആളുകൾക്കു​വേണ്ടി കരുതു​ന്നി​ല്ലെ​ങ്കിൽ, അവൻ സ്വാ​ദേ​റിയ ഭക്ഷണപ​ദാർത്ഥ​ങ്ങ​ളും ഹൃദയത്തെ സന്തോ​ഷി​പ്പി​ക്കുന്ന ഓമന​മൃ​ഗ​ങ്ങ​ളും അത്ഭുത​ക​ര​മായ പ്രകൃ​തി​ദൃ​ശ്യ​ങ്ങ​ളും സൃഷ്ടി​ക്കാൻ ശ്രമി​ച്ച​തെ​ന്തു​കൊ​ണ്ടു്? നഗരത്തി​ലെ വികൃ​ത​മായ താഴ്‌ന്ന പ്രദേ​ശങ്ങൾ പോലും മനോ​ജ്ഞ​മായ സൂര്യാ​സ്‌ത​മ​യ​ങ്ങ​ളാൽ ശോഭ​യു​ള്ള​താ​യി​ത്തീ​രു​ന്നു. അപ്പോ​സ്‌ത​ല​നായ പൗലോ​സു് ലുക്ക​വേ​ന്യ​രോ​ടു് പറഞ്ഞതു​പോ​ലെ ദൈവം “നിങ്ങൾക്കു​വേണ്ടി ചെയ്യുന്ന നല്ലകാ​ര്യ​ങ്ങ​ളിൽ തന്നെക്കു​റി​ച്ചു് നിങ്ങൾക്കു് തെളി​വു് തരാതി​രു​ന്നി​ട്ടില്ല; അവൻ നിങ്ങൾക്കു് ആകാശ​ത്തു​നി​ന്നു് മഴ അയയ്‌ക്കു​ന്നു. അവൻ കൃക്ഷി​യുൽപ്പ​ന്നങ്ങൾ വളരേ​ണ്ട​പ്പോൾ അവ വളരു​മാ​റാ​ക്കു​ന്നു. അവൻ നിങ്ങൾക്കു് ഭക്ഷണം നൽകു​ക​യും നിങ്ങളെ സന്തുഷ്ട​രാ​ക്കു​ക​യും ചെയ്യുന്നു.”—പ്രവൃത്തി 14:17, യരുശ​ലേം ബൈബിൾ.

എന്നാൽ മനോ​ഹ​ര​മായ സൂര്യാ​സ്‌ത​മ​യങ്ങൾ സന്തുഷ്ടി​യി​ല്ലാത്ത ഒരു കുടും​ബത്തെ സന്തുഷ്ട​മാ​ക്ക​യില്ല എന്നു് സമ്മതി​ക്കേ​ണ്ടി​യി​രി​ക്കു​ന്നു. കളിക്കുന്ന മൃഗങ്ങൾ പ്രിയ​പ്പെ​ട്ട​വ​രു​ടെ നഷ്ടത്തി​ലു​ണ്ടാ​കുന്ന വേദന ഇല്ലാതാ​ക്കു​ന്നില്ല. ആസ്വാ​ദ്യ​ക​ര​മായ ഫലങ്ങൾക്കു് നൈരാ​ശ്യ​ത്താൽ തകർന്ന ഹൃദയ​ങ്ങളെ ഉൻമേ​ഷ​മു​ള്ള​താ​ക്കാൻ സാദ്ധ്യമല്ല. ദൈവം ആളുകൾക്കു് വേണ്ടി വസ്‌ത​വ​ത്തിൽ കരുതു​ന്നു​വെ​ങ്കിൽ അവൻ ഇന്നത്തെ കഷ്ടതക​ളു​ടെ കാരണം സംബന്ധി​ച്ചു് എന്തെങ്കി​ലും ചെയ്യാ​ത്ത​തെ​ന്തു​കൊ​ണ്ടു്?

അവൻ അതു് സംബന്ധി​ച്ചു് ചിലതു ചെയ്യു​ന്നു​ണ്ടു്, നിങ്ങൾക്കു് അതിൽനി​ന്നു് പ്രയോ​ജനം നേടു​ക​യും ചെയ്യാം എന്നതാ​ണു് അതിനുള്ള ഉത്തരം. ദൈവം നിങ്ങ​ളെ​ക്കു​റി​ച്ചു് ചിന്തി​ക്കു​ന്നു​ണ്ടെ​ന്നു​ള്ള​തി​ന്റെ താഴെ​പ്പ​റ​യുന്ന തെളി​വു​കൾ പരിചി​ന്തി​ക്കുക.

അവൻ കരുതു​ന്നു​വെ​ന്നു് നാം അറിയുന്ന വിധം

◻ കഷ്ടസമ്പൂർണ്ണ​മായ ഇപ്പോ​ഴത്തെ വ്യവസ്ഥി​തി​യെ മാറ്റാൻ ദൈവം അത്ഭുത​ക​ര​മായ ഒരു പറുദീ​സാ ഉദ്ദേശി​ച്ചി​രി​ക്ക​യാ​ണു്. “മരണമോ വിലാ​പ​മോ കരച്ചി​ലോ വേദന​യോ മേലാൽ ഇല്ലാത്ത” ഒരു ഭൂമി​യെ​ക്കു​റി​ച്ചു് ബൈബിൾ വ്യക്തമാ​യി വർണ്ണി​ക്കു​ന്നു​ണ്ടു്. (വെളി​പ്പാ​ടു് 21:4) ഈ അവസ്ഥക​ളിൻകീ​ഴിൽ ആരു് ജീവി​ക്കും? സൗമ്യ​ത​യു​ള്ളവർ തന്നെ ഭൂമിയെ കൈവ​ശ​മാ​ക്കും, അവർ സമാധാന സമൃദ്ധി​യിൽ തങ്ങളുടെ അതിവി​ശി​ഷ്ട​മായ ആനന്ദം കണ്ടെത്തു​ക​യും ചെയ്യും.” (സങ്കീർത്തനം 37:11) ഒരു പറുദീ​സ​യെ​ക്കു​റി​ച്ചു കൂടു​ത​ലാ​യി വായി​ച്ച​റി​യാൻ നിങ്ങളു​ടെ ബൈബിൾ യെശയ്യാ 11, 35, 65 എന്നീ അദ്ധ്യാ​യ​ങ്ങ​ളി​ലേ​ക്കു് എന്തു​കൊ​ണ്ടു് തുറന്നു​കൂ​ടാ?

◻ നിങ്ങൾക്കു് ആ പറുദീ​സ​യിൽ ജീവി​ക്കാൻ കഴി​യേ​ണ്ട​തി​നു്, ദൈവം അവന്റെ പ്രിയ​പ്പെട്ട ഏകജാ​ത​പു​ത്രനെ നൽകി​യി​രി​ക്കു​ക​യാ​ണു്. “അവന്റെ ഏകജാ​ത​നായ പുത്ര​നിൽ വിശ്വ​വാ​സം അർപ്പി​ക്കുന്ന ഏവനും നശിക്ക​പ്പെ​ടാ​തെ നിത്യ​ജീ​വൻ ഉണ്ടായി​രി​ക്കേ​ണ്ട​തി​നു്, ദൈവം അവനെ നൽകു​വാൻ തക്കവണ്ണം ലോകത്തെ അത്രയ​ധി​കം സ്‌നേ​ഹി​ച്ചു.” (യോഹ​ന്നാൻ 3:16) ഈ ക്രമീ​ക​ര​ണ​ത്തി​നു് നന്ദി. ജീവനി​ലേ​ക്കുള്ള ഒരു പുനരു​ത്ഥാ​ന​ത്താൽ മരിച്ച​വർക്കു​പോ​ലും ആ പറുദീ​സാ​ഭൂ​മി​യിൽ നിന്നു് പ്രയോ​ജനം അനുഭ​വി​ക്കാൻ കഴിയും.—യോഹ​ന്നാൻ 5:28-30.

◻ നിങ്ങൾ ദൈവ​ത്തി​ന്റെ കരുത​ലിൽനി​ന്നു് പ്രയോ​ജനം നേടേ​ണ്ട​തി​നു്, അവൻ മുഴു​ഭൂ​മി​യി​ലും അവന്റെ രാജ്യ​സു​വാർത്ത ഘോഷി​ക്ക​പ്പെ​ടാൻ ക്രമീ​ക​രി​ച്ചി​രി​ക്ക​യാ​ണു്. “രാജ്യ​ത്തി​ന്റെ ഈ സുവാർത്ത സകല രാഷ്ടങ്ങൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും, അപ്പോൾ അവസാനം വരും.” (മത്തായി 24:14) ദൈവം “സകല രാഷ്ടങ്ങ​ളി​ലു​മു​ള്ള​വരെ ശിഷ്യ​രാ​ക്കാൻ” അവന്റെ ജനത്തെ അവന്റെ പുത്രന്റെ മാർഗ്ഗ​നിർദ്ദേ​ശ​ത്തിൻ കീഴിൽ നിയോ​ഗി​ച്ചി​രി​ക്ക​യാ​ണു്.—മത്തായി 28:18-20.

എന്നാൽ നിങ്ങ​ളെ​ക്കു​റി​ച്ചുള്ള ദൈവ​ത്തി​ന്റെ ചിന്തയിൽനി​ന്നു് പ്രയോ​ജനം നേടാൻ, നിങ്ങൾ ചെയ്യേണ്ട മറ്റു ചിലതു​ണ്ടു്. നിങ്ങൾ ദൈവ​ത്തെ​ക്കു​റി​ച്ചു് ചിന്തി​ക്കു​ന്നു​ണ്ടെ​ന്നു് അവനെ കാണി​ക്കേ​ണ്ട​താ​ണു്.

നിങ്ങൾ ദൈവ​ത്തെ​ക്കു​റി​ച്ചു് ചിന്തി​ക്കു​ന്നു​ണ്ടോ?

അതു് വിചി​ത്ര​മാ​യി തോന്നു​ന്നു​ണ്ടോ? അങ്ങനെ തോന്ന​രു​തു്. എന്തായി​രു​ന്നാ​ലും, രണ്ടു വ്യക്തികൾ തമ്മിലുള്ള ഏതു ബന്ധത്തി​ലും, അവരിൽ ഒരാളിൽനി​ന്നു​മാ​ത്രം ചിന്തമു​ഴു​വൻ പ്രതീ​ക്ഷി​ക്കു​ന്ന​തു് ന്യായമല്ല, അല്ലേ? ഇതേ സംഗതി യഹോ​വ​യാം ദൈവ​വും ഒരു വ്യക്തി​യും തമ്മിലുള്ള ബന്ധത്തി​ലും സത്യമാ​ണു്. അവന്റെ വചനം ആവർത്തി​ച്ചാ​വർത്തി​ച്ചു് ഇതു് വ്യക്തമാ​ക്കു​ന്നു​ണ്ടു്. “ദൈവ​ത്തോ​ടു് അടുത്തു ചെല്ലുക. അവൻ നിങ്ങ​ളോ​ടും അടുത്തു​വ​രും” എന്നു് യാക്കോ​ബ്‌ 4:8 ആവശ്യ​പ്പെ​ടു​ന്നു.

ദൈവം അവന്റെ ജനത്തിൽനി​ന്നു് പ്രതീ​ക്ഷി​ക്കുന്ന സംഗതി​യി​ലേ​ക്കു് വിരൽ ചൂണ്ടി​ക്കൊ​ണ്ടു് ആവർത്തനം 30:19, 20 പരയുന്നു. “ഞാൻ നിങ്ങളുട മുമ്പിൽ ജീവനും മരണവും, അനു​ഗ്ര​ഹ​വും ശാപവും വെച്ചി​രി​ക്കു​ന്നു. നിങ്ങളു​ടെ ദൈവ​മായ യഹോ​വയെ സ്‌നേ​ഹി​ച്ചു​കൊ​ണ്ടും അവന്റ വാക്കു് ശ്രദ്ധി​ച്ചു​കൊ​ണ്ടും അവനോ​ടു് പറ്റിനി​ന്നു​കൊ​ണ്ടും, നീയും നിന്റെ സന്തതി​യും തുടന്നു് ജീവി​ച്ചി​രി​ക്കേ​ണ്ട​തി​നു് നീ ജീവനെ തിര​ഞ്ഞെ​ടു​ത്തു​കൊൾക.” നമ്മുടെ ഭാഗത്തു​ണ്ടാ​യി​രി​ക്കേണ്ട ചിന്തയു​ടെ അഭാവം നിമിത്തം ദൈവ​വു​മാ​യുള്ള ഒരു ബന്ധത്തിന്റെ നിത്യ​പ്ര​യോ​ജ​നങ്ങൾ നാം നഷ്ടപ്പെ​ടു​ത്തു​ന്നെ​ങ്കിൽ അതു് എത്ര ദാരു​ണ​മാ​യി​രി​ക്കും!

‘ഞാൻ ദൈവ​ത്തെ​ക്കു​റി​ച്ചു് ചിന്തയു​ള്ള​വ​നാ​ണെ​ന്നും അതു് വാസ്‌ത​വ​ത്തിൽ എന്റെ ഹൃദയ​ത്തിൽനി​ന്നു​ത​ന്നെ​യു​ള്ള​താ​ണെ​ന്നും എനിക്കു് ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ങ്ങനെ?’ എന്നു നിങ്ങൾ വിചാ​രി​ച്ചേ​ക്കാം. ദൈവം തനിക്കു​വേണ്ടി, ലോക​ത്തി​നു് ഹിതക​ര​മ​ല്ലാത്ത ഒരു നിലപാ​ടു് സ്വീക​രി​ക്കാ​നോ അവനു​വേണ്ടി പൊതു​പ്ര​സം​ഗം പോ​ലെ​യുള്ള, ലോക​പ്രി​യ​മ​ല്ലാത്ത ഏതെങ്കി​ലും സാമൂ​ഹ്യ​സേ​വ​ന​ത്തി​ലേർപ്പെ​ട​നോ നിങ്ങ​ളോ​ടു് ആവശ്യ​പ്പെ​ടു​ന്നു​വെ​ന്നു് സങ്കൽപ്പി​ക്കുക. നിങ്ങൾ എങ്ങനെ പ്രതി​വർത്തി​ക്കും? നിങ്ങളു​ടെ പ്രവർത്ത​ന​ങ്ങ​ളാൽ നിങ്ങൾ ദൈവ​ത്തെ​യും അവന്റെ​പു​ത്ര​നെ​യും കുറി​ച്ചു് ചിന്തയു​ള്ള​വ​നാ​ണെ​ന്നു് പ്രകടി​പ്പി​ക്കാൻ ഇഷ്ടപ്പെ​ടു​മോ? യേശു മുന്നറി​യി​പ്പു നൽകി. “പാപമ​യ​വും ദുഷി​ച്ച​തു​മായ ഈ തലമു​റ​യിൽ എന്നെക്കു​റി​ച്ചും എന്റെ വചനങ്ങ​ളെ​ക്കു​റി​ച്ചും ലജ്ജിക്കുന്ന ഏവരെ​യും കുറി​ച്ചു് താൻ വിശു​ദ്ധ​ദൂ​തൻമാ​രു​മാ​യി തന്റെ പിതാ​വി​ന്റെ മഹത്വ​ത്തിൽ വന്നെത്തു​മ്പോൾ മനുഷ്യ​പു​ത്ര​നും ലജ്ജിക്കും.”—മർക്കോസ്‌ 8:38

നേരേ​മ​റി​ച്ചു്, യഹോ​വ​യും യേശു​വും തങ്ങളോ​ടും തങ്ങളുടെ ഇന്നത്തെ യഥാർത്ഥ ദാസൻമാ​രോ​ടും താല്‌പ​ര്യം കാണി​ക്കു​ന്ന​വരെ വളരെ​യ​ധി​കം വിലമ​തി​ക്കു​ന്നു. യേശു പറഞ്ഞു: “ആരെങ്കി​ലും ഈ ചെറി​യ​വ​രിൽ ഒരാൾക്കു്, അവൻ എന്റെ ശിഷ്യ​നാ​യി​രി​ക്കു​ന്ന​തി​നാൽ ഒരു കപ്പു് പച്ചവെ​ള്ള​ത്തോ​ളം നൽകു​ന്നെ​ങ്കിൽ, ഞാൻ ഇതു് നിങ്ങ​ളോ​ടു് പറയുന്നു: ആ മനുഷ്യ​നു് നിശ്ചയ​മാ​യും പ്രതി​ഫലം ലഭിക്കാ​തെ പോക​യില്ല.”—മത്തായി 10:41, 42, നൂ ഇംഗ്ലീഷ്‌ ബൈബിൾ

അതെ, ദൈവം നിങ്ങ​ളെ​ക്കു​റി​ച്ചു്, ഇന്നു് ഭൂമി​യി​ലെ​ല്ലാ​മുള്ള നിർമ്മ​ല​ഹൃ​ദ​യ​രെ​ക്കു​റി​ച്ചു് ശവക്കു​ഴി​യി​ലു​ള്ള​വ​രെ​ക്കു​റി​ച്ചു​പോ​ലും ചിന്തി​ക്കു​ന്നു​ണ്ടു്. എന്നാൽ ചിന്ത​യെ​ന്ന​തു് പരസ്‌പരം അങ്ങോ​ട്ടു​മി​ങ്ങോ​ട്ടും വേണ്ട ഒന്നാണു്. നിങ്ങൾ ദൈവ​ത്തെ​ക്കു​റി​ച്ചു് ചിന്തി​ക്കു​ന്നു​ണ്ടോ? ചിന്തി​ക്കു​ന്നു​ണ്ടെ​ങ്കിൽ, നിങ്ങൾ ചിന്തി​ക്കു​ന്നു​ണ്ടെ​ന്നു് പ്രകടി​പ്പി​ക്കാ​നാ​ഗ്ര​ഹി​ക്കു​ന്നെ​ങ്കിൽ നിങ്ങൾക്കു് ഒരു അനന്തഭാ​വി സ്വന്തമാ​ക്കാം

[26-ാം പേജിലെ ചിത്രം]

ദൈവം കരുതു​ന്നി​ല്ലെ​ങ്കിൽ അവൻ ഈ സംഗതി​കൾ പ്രധാനം ചെയ്‌ത​തെ​ന്തു​കൊ​ണ്ടു്?