സാങ്കേ​തി​ക​വി​ദ്യ—അടിമ​യോ യജമാ​ന​നോ?

അമ്മ വാപൊ​ളി​ച്ചു ചിരി​ച്ചു​കൊണ്ട്‌ തന്റെ കൊച്ചു​മ​കളെ ഊഷ്‌മ​ള​മാ​യി ആശ്ലേഷി​ക്കു​ന്നു. ജോലി കഴിഞ്ഞ്‌ വീട്ടി​ലേക്കു മടങ്ങുന്ന ഏതു മാതാ​വും അതു ചെയ്‌തേ​ക്കാം. എന്നാൽ പത്രത്തി​ന്റെ മുൻപേ​ജി​ലെ ഫോ​ട്ടോ​യു​ടെ അടിയി​ലെ വാചക​മി​താണ്‌: “ഡോ. അന്നാ എൽ. ഫിഷർ ബഹിരാ​കാ​ശ​ത്തു​നി​ന്നു മടങ്ങി​വ​രവേ പുത്രി ക്രിസ്‌റ്റീ​നെ വാരി​പ്പു​ണ​രു​ന്നു”. അവർ എട്ടുദി​വ​സത്തെ ഒരു ബഹിരാ​കാ​ശ​യാ​ത്ര കഴിഞ്ഞ്‌ മടങ്ങി​വ​ന്ന​തേ​യു​ണ്ടാ​യി​രു​ന്നു​ള്ളു. ഈ യാത്ര​യിൽ ബഹിരാ​കാ​ശ​യാ​ത്രി​കർ അലഞ്ഞു​തി​രി​യുന്ന രണ്ട്‌ ഉപഗ്ര​ഹ​ങ്ങളെ വീണ്ടെ​ടു​ക്കു​ക​യും ഒരു സ്‌പേസ്‌ ഷട്ടിലിൽ ഭൂമി​യി​ലേക്ക്‌ തിരികെ കൊണ്ടു​വ​രി​ക​യും ചെയ്‌തു.

വർത്തമാ​ന​പ​ത്ര​ത്തി​ന്റെ അതേ പേജിൽ ഒരു പെൺകു​ഞ്ഞി​ന്റെ ചരി​ത്ര​പ്ര​ധാ​ന​മായ ഹൃദയം മാറ്റി​വെ​യ്‌ക്കൽ കേസിലെ ഏറ്റവും ഒടുവി​ലത്തെ വികാസം സംബന്ധിച്ച ഒരു റിപ്പോർട്ടുണ്ട്‌. കുഞ്ഞ്‌ 21 ദിവസത്തെ പോരാ​ട്ട​ത്തി​നു​ശേഷം മരി​ച്ചെ​ങ്കി​ലും “അവൾക്ക്‌ ഒരു ബാബൂ​ണി​ന്റെ (ഒരു ജാതി വലിയ കുരങ്ങ്‌) ഹൃദയം വെച്ചു​കൊ​ടുത്ത ശസ്‌ത്ര​ക്രീയ സയൻസി​നെ പുരോ​ഗ​മി​പ്പി​ച്ചു​വെ​ന്നും ഒരു നാളിൽ അനേകം കുട്ടി​ക​ളു​ടെ ജീവൻ രക്ഷിക്കു​മെ​ന്നും അവളുടെ ഡോക്ടർ ഇന്നു പറയു​ക​യു​ണ്ടാ​യി.”

വെറും 50 വർഷം മുമ്പ്‌ ഇവപോ​ലുള്ള സാങ്കേ​തി​ക​നൂ​ത​ന​ത്വ​ങ്ങൾ ശാസ്‌ത്ര​നോ​വ​ലു​ക​ളു​ടെ വിഷയ​മാ​യി​രു​ന്നു. എന്നിരു​ന്നാ​ലും ഇന്ന്‌ അവ മിക്കവർക്കും ഒരു വിദേ​ശ​യാ​ത്ര​ക​ഴിഞ്ഞ്‌ ഒരു സുഹൃത്ത്‌ മടങ്ങി​വ​രു​ന്ന​തു​പോ​ലെ​യോ, റ്റോൺസി​ലു​കൾ നീക്കം ചെയ്യാൻ ആരെങ്കി​ലും ആശുപ​ത്രി​യിൽ പോകു​ന്ന​തു​പോ​ലെ​യോ സാധാ​ര​ണ​കാ​ര്യ​മാ​യി​ത്തീർന്നി​രി​ക്കു​ന്നു.

അനേക​രും അത്ഭുത​പ​ര​ത​ന്ത്ര​രാ​യി ആധുനി​ക​ശാ​സ്‌ത്ര​ത്തി​നും സാങ്കേ​തി​ക​വി​ദ്യ​ക്കും എല്ലാം സാദ്ധ്യ​മാ​ണെന്ന്‌ വിചാ​രി​ച്ചു തുടങ്ങി​യി​രി​ക്കു​ന്നു. “സ്‌പർശ​നീ​യ​മായ പ്രയോ​ജ​നങ്ങൾ ഉളവാ​ക്കു​ന്ന​തി​ലുള്ള അവരുടെ ബൃഹത്തായ വിജയം . . . ശാസ്‌ത്ര​ജ്ഞൻമാ​രു​ടെ​യും സാങ്കേ​തി​ക​വി​ദ​ഗ്‌ദ്ധ​രു​ടെ​യും മുഴു ഉല്‌പ​ന്ന​വും ഒരു വിശുദ്ധ പശു ആയി കരുത​പ്പെ​ടാ​നി​യാ​ക്കി​യി​രി​ക്കു​ന്നു”വെന്ന്‌ സയൻസ്‌ വിദ്യാ​ഭ്യാ​സ പ്രവർത്ത​ക​നായ ജോൺ ഗിബ്ബൻസ്‌ പ്രസ്‌താ​വി​ക്കു​ക​യു​ണ്ടാ​യി. യു. എസ്‌. പ്രസി​ഡണ്ട്‌ റൊണാൾഡ്‌ റേയ്‌ഗൻ 1983ൽ ചെയ്‌ത യൂണിയൻ സ്‌റ്റേ​റ്റ്‌ പ്രസം​ഗ​ത്തിൽ നടത്തിയ പ്രസ്‌താ​വന ഇത്തരം ശുഭാ​പ്‌തി വിശ്വാ​സത്തെ പ്രതി​ഫ​ലി​പ്പി​ക്കു​ന്ന​താണ്‌. “അമേരി​ക്ക​യു​ടെ പയനിയർ സ്‌പി​രി​റ്റ്‌ നമ്മെ 20-ാം നൂറ്റാ​ണ്ടി​ലെ വ്യാവ​സാ​യിക രാക്ഷസൻ ആക്കിയ​തു​പൊ​ലെ തീർച്ച​യാ​യി ഇന്ന്‌ അതേ പയനിയർ സ്‌പി​രി​റ്റ്‌ മറ്റൊ​രു വിസ്‌തൃ​ത​മായ അവസര​ത്തി​ന്റെ മുന്നണി—ഉയർന്ന സാങ്കേ​തി​ക​വി​ദ്യ​യു​ടെ മണ്ഡലം—തുറന്നു​ത​ന്നു​കൊ​ണ്ടി​രി​ക്കു​ക​യാണ്‌.”

എന്നിരു​ന്നാ​ലും മറ്റു ചിലർ കുറേ​ക്കൂ​ടെ ഉത്സാഹം കുറഞ്ഞ വീക്ഷണ​മാണ്‌ പുലർത്തു​ന്നത്‌. ദൃഷ്ടാ​ന്ത​ത്തിന്‌, സയൻസ്‌ പ്രൊ​ഫസ്സർ മേരി ഹലീനർ ക്ലാർക്ക്‌ ഒരു അഭിമുഖ സംഭാ​ഷ​ണ​ത്തിൽ ഇങ്ങനെ ഉദ്‌ഘോ​ഷി​ച്ചു: “അമേരി​ക്ക​യി​ലും പുരോ​ഗ​മിച്ച മറ്റു സംസ്‌ക്കാ​ര​ങ്ങ​ളി​ലും സാങ്കേ​തിക ശാസ്‌ത്ര​ത്തി​ലുള്ള വിശ്വാ​സം ഒരു മതവി​ശ്വാ​സ​മാ​യി​ത്തീർന്നി​രി​ക്കു​ന്നു. ഏതു പ്രതി​സ​ന്ധി​യെ​യും തരണം ചെയ്യാൻ നാം അയവു​ള്ള​വ​രാ​യി​രി​ക്ക​ത്ത​ക്ക​വണ്ണം സാങ്കേ​തി​ക​ശാ​സ്‌ത്ര​പ​ര​മാ​യി നാം വളരെ സമർത്ഥ​രാ​ണെന്ന്‌ നമ്മേക്കു​റി​ച്ചു​തന്നെ വിചാ​രി​ക്കു​ന്നു.” ചിലർ ഈ സംഗതി സംബന്ധിച്ച്‌ മിക്കവാ​റും ദോ​ഷൈ​ക​ദൃ​ക്കു​കൾപോ​ലു​മാണ്‌. ‘ഉയർന്ന സാങ്കേ​തി​ക​ശാ​സ്‌ത്രം സ്വന്തമാ​യി ആക്കം കൂട്ടി​യി​രി​ക്കു​ക​യാണ്‌; സമുദാ​യം ഉയർന്ന സാങ്കേ​തിക ശാസ്‌ത്രത്തെ നിയ​ന്ത്രി​ക്കു​ന്ന​ട​ത്തോ​ളം​തന്നെ അതു സമുദാ​യ​ത്തെ​യും നിയ​ന്ത്രി​ക്കു​ന്നു” എന്ന്‌ കംപ്യൂ​ട്ടർ ശാസ്‌ത്ര​ജ്ഞ​നായ ജാക്വസ്‌ വാലീസ്‌ വിചാ​രി​ക്കു​ന്ന​താ​യി ഒരു എഴുത്തു​കാ​രൻ പ്രസ്‌താ​വി​ച്ചു.

സാങ്കേ​തി​ക​ശാ​സ്‌ത്രം യഥാർത്ഥ​ത്തിൽ അവസര​ത്തി​ന്റെ ഒരു പുതിയ മണ്ഡലം, നമ്മുടെ പ്രശ്‌നങ്ങൾ പരിഹ​രി​ക്കു​ന്ന​തി​നുള്ള ഒരു മാർഗ്ഗ​മാ​ണോ? അതോ സാങ്കേ​തി​ക​ശാ​സ്‌ത്രം സത്വരം നമ്മുടെ ദാസനല്ല, യജമാ​ന​നാ​യി​ത്തീ​ര​ത്ത​ക്ക​വണ്ണം അത്‌ നമ്മുടെ ചിന്ത​യെ​യും ജീവി​ത​രീ​തി​യെ​യും അത്രയ​ധി​കം ബാധി​ച്ചി​രി​ക്കു​ക​യാ​ണോ? (g85 11/22)