ഭീകര​പ്ര​വർത്തനം—ആരെങ്കി​ലും സുരക്ഷി​ത​രാ​ണോ?

ബോം​ബിംഗ്‌, കൂട്ട​ക്കൊല, റാഞ്ചൽ—ഇവ മിക്കവാ​റും പതിവാ​യി​ത്തീർന്നി​രി​ക്കു​ന്നു. ലോക​ത്തിൽ അനേക സ്ഥലങ്ങളും സുരക്ഷി​ത​മാ​യി തോന്നു​ന്നു​മില്ല. യു. എസ്സ്‌. സെൻട്രൽ ഇൻറലി​ജൻസ്‌ ഏജൻസി​യു​ടെ ഡയറക്ട​റായ വില്യം ജെ. കാസെ ഇപ്രകാ​രം പറയുന്നു: “ഭീകര​പ്ര​വർത്തനം അതിർവ​ര​മ്പു​ക​ളി​ല്ലാത്ത ഒരു നിർദ്ദയ യുദ്ധമാ​യി​ത്തീർന്നി​രി​ക്കു​ന്നു.”

ആയിര​ത്തി​തൊ​ള്ളാ​യി​രത്തി എഴുപ​ത്തൊ​ന്നു വരെയുള്ള അടുത്ത കാലങ്ങ​ളിൽ ഭീകര​രു​ടെ ആക്രമ​ണ​ത്താൽ ആണ്ടിൽ രണ്ടു ഡസനിൽ കുറച്ചു ആളുകൾ മാത്രം മരിച്ചി​രു​ന്നു. 1983 ആയപ്പോൾ ഓരോ വർഷവും കൊല്ല​പ്പെ​ടു​ന്ന​വ​രു​ടെ സംഖ്യ പതിനാ​യി​ര​ത്തി​നു മേലായി കുതി​ച്ചു​യർന്നു! മുൻ യു. എൻ. പ്രതി​നി​ധി ജീൻ കിർക്ക്‌പാ​ട്രിക്ക്‌ ഇപ്രകാ​രം എഴുതി, “ഭീകര പ്രവർത്തനം മിക്കവാ​റും എയ്‌ഡ്‌സ്‌ പോലെ തന്നെ വ്യാപ​ക​മാ​യി വർദ്ധി​ക്കു​ന്നു.”

ഈ തരത്തി​ലുള്ള അക്രമം ചരി​ത്ര​ത്തിന്‌ ഒരു കിരാ​ത​മായ വൈകൃ​ത​ഭാ​വം നൽകി​യി​രി​ക്കു​ന്നു. ദി വാൾ സ്‌ട്രീറ്റ്‌ ജേർണൽ ഇപ്രകാ​രം പരാമർശി​ക്കു​ന്നു, “ചരി​ത്ര​കാ​രൻമാർ വിവിധ കാലങ്ങൾക്ക്‌ പേരുകൾ നൽകാൻ ഇഷ്ടപ്പെ​ടു​ന്നു, “വിശ്വാ​സ​ത്തി​ന്റെ യുഗം അഥവാ ന്യായ​ത്തി​ന്റെ യുഗം.” എന്നാൽ അത്‌ ഇങ്ങനെ ഉപസം​ഹ​രി​ക്കു​ന്നു. “നമ്മു​ടേത്‌ ഭീകര​പ്ര​വർത്ത​ന​ത്തി​ന്റെ യുഗ​മെന്നു മാത്രമേ വിളി​ക്ക​പ്പെ​ടാ​നാ​വൂ, എന്തു​കൊ​ണ്ടെ​ന്നാൽ നമുക്ക്‌ എല്ലായ്‌പ്പോ​ഴും ഉണ്ടായി​രു​ന്നി​ട്ടുള്ള തരത്തിൽ മേലാൽ കൊള്ള​ക്കാ​രു​ടെ​യും ക്രമം തെറ്റിയ കൊല​യാ​ളി​ക​ളു​ടെ​യും ഒറ്റപ്പെട്ട സംഭവങ്ങൾ കൈകാ​ര്യം ചെയ്യു​കയല്ല. നാം ജീവി​ക്കു​ന്നത്‌ എല്ലാത്തരം വ്യവസ്ഥാ​പിത സമൂഹ​ത്തി​നു​മെ​തി​രായ വിപ്ലവ​ത്തി​ന്റെ, സംസ്‌ക്കാ​ര​ത്തി​നു​തന്നെ എതിരായ യുദ്ധത്തി​ന്റെ കാലത്താണ്‌.”

പ്രത്യേ​കി​ച്ചു യാത്ര ചെയ്യു​ന്നതു അനേക​രും അപകട​ക​ര​മെന്നു ചിന്തി​ക്കു​ന്നു—നല്ല കാരണ​ത്താൽ തന്നെ. 1985 ജൂൺ 23-ന്‌ എയർ ഇൻഡ്യ ഫൈറ്‌ളറ്‌ 182-നുള്ളിൽ നടന്ന ഒരു സ്‌ഫോ​ടനം അതിനെ അയർല​ണ്ടി​ന​ടു​ത്തുള്ള സമു​ദ്ര​ത്തിൽ ആഴ്‌ത്തി. 83 കുട്ടികൾ ഉൾപ്പെടെ 329 യാത്ര​ക്കാ​രും കൊല്ല​പ്പെട്ടു. യാത്ര ആരംഭിച്ച കാനഡ​യി​ലെ ടൊ​റൊൻഡൊ​യിൽ വെച്ച്‌ ഭീകരർ വിമാ​ന​ത്തിൽ ഒരു ബോംബ്‌ സ്ഥാപി​ച്ചി​രു​ന്നു എന്നു വിചാ​രി​ക്കു​ന്നു.

അതിനു കുറച്ചു ദിവസങ്ങൾ മുമ്പ്‌ ട്വാ ഫൈറ്‌ളറ്‌ 847 ഗ്രീസി​ലെ ഏതെൻസിൽ നിന്ന്‌ ഇറ്റലി​യി​ലെ റോമി​ലേക്ക്‌ പോകും വഴി റാഞ്ചി​യെ​ടു​ത്തു. ആ പ്രദേ​ശത്തെ മൂന്നു ദിവസ​ത്തി​നു​ള്ളി​ലുള്ള മൂന്നാ​മത്തെ റാഞ്ചലാ​യി​രു​ന്നു അത്‌, ഏറ്റവും നാടകീ​യ​വും. ശത്രു​വി​ന്റെ പക്കൽ ജാമ്യ​മാ​യി സൂക്ഷി​ച്ചി​രുന്ന അമേരി​ക്ക​ക്കാർ പ്രത്യ​ക്ഷ​പ്പെ​ട്ട​തി​നെ ലോകത്തെ ആദ്യത്തെ ടെലി​വി​ഷ​നി​ലൂ​ടെ​യുള്ള ഭീകര​ത​യു​ടെ അസ്വസ്ഥ​മായ അനിശ്ചി​തത്വ കാഴ്‌ച” എന്നു ടൈം മാസിക വിളിച്ചു.

ഒരു ഫൈറ്‌ളറ്‌ 847-ലെ ജാമ്യ​ത്ത​ട​വു​കാ​രു​ടെ ക്രൂര​മായ വധത്താ​ലും മറ്റുള്ള​വ​രു​ടെ വധ സാദ്ധ്യ​ത​യാ​ലും ഭയവി​ഹ്വ​ല​നാ​യി​ത്തീർന്ന യു. എസ്‌. പ്രസി​ഡൻഡ്‌ റീഗൻ ഇപ്രകാ​രം പറഞ്ഞു: “ഞാൻ ആരെയും പോലെ നിരാ​ശ​നാണ്‌. ഞാൻ ഒറ്റക്കാ​യി​രി​ക്കു​മ്പോൾ ഇതു സംബന്ധി​ച്ചു എന്തു ചെയ്യണ​മെ​ന്ന​റി​യാ​തെ പലവട്ടം തല ഭിത്തി​യി​ലി​ടി​ച്ചി​ട്ടുണ്ട്‌.”

ഒടുവിൽ, ഒരു യോജി​പ്പി​ലെ​ത്തു​ക​യും ജാമ്യ​ത്ത​ട​വു​കാ​രെ വിടു​ക​യും ചെയ്‌തു. എന്നാൽ സി. ഐ. എ. ഡയറക്ട​റായ കാസൊ “ട്വാ റാഞ്ചൽ തുടക്കം മാത്ര​മാ​യി​രു​ന്നു” എന്നു പറഞ്ഞു.

അതു അപ്രകാ​ര​മാ​യി​രു​ന്നു​താ​നും. ആ അമേരി​ക്കൻ ജാമ്യ​ത്ത​ട​വു​കാ​രെ വിടു​ന്ന​തി​നു മുമ്പു​തന്നെ ജർമ്മനി​യി​ലെ ഫ്രാങ്ക്‌ ഫർട്ട്‌ അന്തർദ്ദേ​ശീയ വിമാ​ന​ത്താ​വ​ള​ത്തിൽ ഒരു ബോംബു സ്‌ഫോ​ട​ന​മു​ണ്ടാ​യി. സമീപത്തു നിന്നി​രുന്ന മൂന്നു​പേർ കൊല്ല​പ്പെ​ടു​ക​യും ഡസൻ കണക്കിനു മറ്റുള്ള​വർക്ക്‌ പരു​ക്കേൽക്കു​ക​യും ചെയ്‌തു.

മെഡി​റ്റ​റേ​നി​യൻ കടലിലെ ഒരു ഉല്ലാസ യാത്രാ​വേ​ള​യിൽ, 1985 ഒക്‌ടോ​ബ​റിൽ ഇറ്റാലി​യൻ കപ്പലായ ആച്ചില്ലി ലോറോ ഭീകരർ റാഞ്ചി​ക്കൊ​ണ്ടു​പോ​യി. നാലു ദിവസ​ത്തേക്കു തടസ്സ​പ്പെ​ടു​ത്ത​ലും അതീവ ഭയവും തുടർന്നു. അതു തീരു​ന്ന​തി​നു മുമ്പു ഭീകരർ ഒരു അമേരി​ക്കൻ ജാമ്യ​ത്ത​ട​വു​കാ​രനെ വധിച്ചി​രു​ന്നു.

അതേ വർഷം നവമ്പറിൽ ജൗജി​പ്‌റ്റ്‌ എയർ ഫൈറ്‌ളറ്‌ 648-ന്റെ റാഞ്ചൽ അത്ഭുത​പൂർവ്വ​ക​മായ അത്യാ​ഹി​ത​ത്തിൽ കലാശി​ച്ചു. റാഞ്ചികൾ യാത്ര​ക്കാ​രെ ഒരുവനു പിന്നാലെ മറ്റൊ​രു​വനെ നിഷ്‌ഠൂ​ര​മാ​യി വധിക്ക​യും ഇന്ധനം നിറക്കു​ന്ന​തി​നുള്ള അവരുടെ ആവശ്യം നിറ​വേ​റ്റി​യി​ല്ലെ​ങ്കിൽ വധം തുടരു​മെന്നു ഭീഷണി​പ്പെ​ടു​ത്തു​ക​യും ചെയ്‌തു. ഈജി​പ്‌ഷ്യൻ കമാ​ന്റോ​കൾ ആക്രമി​ച്ചു വിമാനം പിടി​ച്ചെ​ടു​ത്ത​പ്പോൾ മിക്കയാ​ത്ര​ക്കാ​രും കൊല്ല​പ്പെട്ടു. മൊത്തം 60 പേർ മരിക്ക​യും 27 പേർക്കു പരു​ക്കേൽക്ക​യും ചെയ്‌തു. അടുത്ത പേജിൽ തുടങ്ങി ഒരു അതിജീ​വ​കന്റെ നേരി​ട്ടുള്ള വിവരണം നിങ്ങൾക്കു വായി​ക്കാൻ കഴിയും.

പിന്നീട്‌, ക്രിസ്‌തു​മസ്സ്‌ കഴിഞ്ഞു ഉടൻ റോമി​ലെ​യും വിയന്നാ​യി​ലെ​യും വിമാ​ന​ത്താ​വ​ള​ങ്ങ​ളിൽ ഭീകരർ ഒരു ഹീനമായ ആക്രമ​ണ​ത്തിൽ 19 പേരെ കൂട്ട​ക്കൊല നടത്തു​ക​യും 110-ൽ അധികം പേരെ പരു​ക്കേൽപ്പി​ക്കു​ക​യും ചെയ്‌തു. അങ്ങനെ തുടർന്നു​കൊ​ണ്ടേ​യി​രി​ക്കു​ന്നു. ഒരു സംഭവം ആറിത്ത​ണു​ക്കു​മ്പോൾ മറ്റൊന്നു സംഭവി​ക്കു​ന്നു. മിക്കവാ​റും എല്ലാ ദിവസ​വും ഭീകരർ എവി​ടെ​യെ​ങ്കി​ലും കടന്നാ​ക്ര​മി​ക്കു​ന്നു.

ഫ്രാൻസി​ലെ ഒരു ബോം​ബിം​ഗി​നെ സംബന്ധിച്ച്‌ റിപ്പോർട്ടു ചെയ്‌ത​ശേഷം 1986 ഫെബ്രു​വരി 6-ലെ ന്യൂ​യോർക്ക്‌ ടൈംസ്‌ ഇപ്രകാ​രം നിരീ​ക്ഷി​ച്ചു: “ചുരു​ങ്ങിയ നാളു​കൾക്കു​ള്ളിൽ പാരീ​സി​ലെ തിര​ക്കേ​റിയ പ്രദേ​ശത്തെ മൂന്നാ​മത്തെ അത്തരം സംഭവ​മാ​യി​രു​ന്നു ഇത്‌, ഈ നഗരം അതിന്റെ ഏറ്റം അറിയ​പ്പെ​ടു​ന്ന​തും സർവ്വസാ​ധാ​ര​ണ​മാ​യി സാന്ദ്ര​മാ​യ​തു​മായ വ്യാപാര പ്രദേ​ശ​ങ്ങളെ ലക്ഷ്യമാ​ക്കി​യു​ള്ള​തും ലക്കില്ലാ​ത്ത​തു​മായ ഭീകര പ്രവർത്ത​ന​ത്തി​ന്റെ പ്രസ്ഥാ​ന​ത്തിൽ ആഴ്‌ത്തി കളഞ്ഞി​രു​ന്നു എന്നു വ്യക്തമാ​ക്കി​യി​രു​ന്നു.”

സുരക്ഷി​ത​ത്വ​ത്തി​നു ഭീഷണി

കുറേ​ക്കൂ​ടി അടുത്ത കാലത്തെ സമുദ്ര യാത്രാ​വേ​ള​യിൽ ആച്ചിലെ ലോ​റോ​യ്‌ക്ക്‌ ഒരു ബോംബു ഭീഷണി ലഭിച്ച​പ്പോൾ സംഭവി​ച്ചത്‌ ഭീകര പ്രവർത്തനം ഉല്‌പാ​ദി​പ്പി​ക്കുന്ന ഭയം ചിത്രീ​ക​രി​ക്കു​ന്നു. കപ്പൽ ജോലി​ക്കാർ കൊടും​ഭീ​തി​യിൽ, പത്തുലക്ഷം ഡോളർ വിലയുള്ള പുതിയ ചൂതാട്ട ഉപകര​ണങ്ങൾ വെച്ചി​രുന്ന കൂടക​ളിൽ ഒന്നിൽ ഒരു ബോംബു ഉണ്ടായി​രി​ക്കു​മെ​ന്നുള്ള ഭീതി​യിൽ അവ സമു​ദ്ര​ത്തിൽ എറിഞ്ഞു​ക​ളഞ്ഞു! ആ ഭീഷണി വ്യാജ​മാ​യി​രു​ന്നു.

അനേകം വിമാ​ന​ത്താ​വ​ള​ങ്ങ​ളും ഫലത്തിൽ യോദ്ധാ​ക്ക​ളു​ടെ ക്യാമ്പു​ക​ളാ​യി​ത്തീർന്നി​രി​ക്കു​ന്നു. ഇസ്രാ​യേ​ലി​ലെ ബെൻഗു​രി​യോൻ വിമാ​ന​ത്താ​വ​ളം​പോ​ലെ​യുള്ള സ്ഥലങ്ങളിൽ യാത്രാ​സാ​മാ​നങ്ങൾ ഓരോ​ന്നോ​രോ​ന്നാ​യി പരി​ശോ​ധി​ക്കു​ന്നു. അവിടെ ഒരു ഇൻസ്‌പെക്ടർ സംശയ​ത്തോ​ടെ ഒരു ടുത്ത്‌പെ​യ്‌സ്‌റ്റ്‌ ട്യൂബ്‌ കയ്യിൽ എടുത്ത​പ്പോൾ ഒരു യാത്ര​ക്കാ​രൻ അർത്ഥഫ​ലി​ത​ത്തിൽ ഇപ്രകാ​രം പറഞ്ഞു: “നിങ്ങൾ അതു ഞെക്കി​വെ​ളി​യിൽ എടുത്താൽ തിരികെ കയറ്റു​ന്ന​തി​നു വളരെ വിഷമി​ക്കേ​ണ്ടി​വ​രും.” ഒരു നടപടി​ക്കും 100 ശതമാനം സുരക്ഷി​ത​ത്വം ഉറപ്പു​നൽകാൻ സാദ്ധ്യമല്ല.

“ഈ ഘട്ടത്തിൽ ഒരു വിമാ​ന​ത്താ​വ​ള​വും യഥാർത്ഥ​ത്തിൽ സുരക്ഷി​ത​മാ​ണെന്നു തോന്നു​ന്നില്ല,” എന്നു ഒരു യു. എസ്‌. ട്രാവൽ ഏജൻസി​യു​ടെ മാനേ​ജ​രായ മീഖാ​യേൽ ബാരോൺ പറയുന്നു. “നിങ്ങൾ നിങ്ങളു​ടെ പണം കൊടു​ക്കു​ന്നു, നിങ്ങൾക്കു സംഭവി​ക്കാ​വുന്ന എന്തി​നെ​യും ഏറ്റെടു​ക്ക​യും ചെയ്യുന്നു.”

ഭീകര പ്രവർത്ത​നത്തെ ഭയപ്പെ​ട്ട​തി​നാൽ ആയിരങ്ങൾ തങ്ങളുടെ യാത്ര​യ്‌ക്കുള്ള ആസൂ​ത്ര​ണങ്ങൾ മാറ്റി​യി​ട്ടുണ്ട്‌. ഒരു വൻ റാഞ്ചലി​നു​ശേഷം ഏകദേശം 8,50,000 അമേരി​ക്ക​ക്കാർ കഴിഞ്ഞ വേനൽക്കാ​ലത്തു വിദേശ യാത്രകൾ ഒഴിവാ​ക്കി​യി​രി​ക്കും എന്നു റിപ്പോർട്ടു ചെയ്യുന്നു. ന്യൂ​യോർക്കി​ലെ ഒരു ട്രാവൽ ഏജൻറ്‌ ഈ അടുത്ത​കാ​ലത്ത്‌ ഇപ്രകാ​രം നിരീ​ക്ഷി​ച്ചു: “ഇപ്പോൾ തന്നെ ഇവി​ടെ​യുള്ള ട്രാവൽ ഏജൻറു​മാർ പോലും യൂറോ​പ്പി​ലേക്കു യാത്ര​ചെ​യ്യാൻ ആഗ്രഹി​ക്കു​ന്നില്ല,” അയാൾ ഇങ്ങനെ കൂട്ടി​ച്ചേർത്തു, “ഞങ്ങൾക്കു സൗജന്യ​മാ​യി പോവു​ക​യും ചെയ്യാം.”

സാഹച​ര്യം ഗൗരവ​മു​ള്ള​താണ്‌. സംഗ്ര​ഹ​മാ​യി, യു. എസ്‌. സെനറ്റ്‌ കമ്മറ്റി​യായ സി. ഐ. എ. യുടെ ഡയറക്ടർ കാസി ഇപ്രകാ​രം പറഞ്ഞു: “നാം പ്രഖ്യാ​പി​ക്ക​പ്പെ​ടാത്ത ഒരു യുദ്ധത്തി​നി​ട​യി​ലാണ്‌.” എന്നാൽ ശത്രു​വി​നെ തിരി​ച്ച​റി​യു​ന്ന​താ​ണു പ്രശ്‌നം. അതു വിമാ​ന​ത്തിൽ അടുത്ത സീറ്റിൽ ഇരിക്കുന്ന യാത്ര​ക്കാ​ര​നാ​യി​രി​ക്കാം.

സാഹസി​ക​രാ​യ റാഞ്ചി​ക​ളാൽ പിടി​ക്ക​പ്പെ​ട്ടാ​ലുള്ള അവസ്ഥ എന്തായി​രി​ക്കു​മെ​ന്ന​റി​യാൻ നിങ്ങൾ ഇഷ്ടപ്പെ​ടു​ന്നോ? എങ്കിൽ ഈജി​പ്‌റ്റ്‌ എയർ ഫൈറ്‌ളറ്‌ 648-ന്റെ റാഞ്ചലിൽനി​ന്നു രക്ഷപ്പെട്ട ഏലിയാസ്‌ റൂസി​യാ​സി​ന്റെ പിൻവ​രുന്ന സംഭവ കഥ വായി​ക്കുക. (g86 6/22)

[12-ാം പേജിലെ ചിത്രം]

റോം വിമാ​ന​ത്താ​വ​ള​ത്തി​ലെ കൂട്ട​ക്കൊ​ല

[കടപ്പാട്‌]

AGI photo, Rome, Italy

[11-ാം പേജിലെ ചിത്ര​ത്തിന്‌ കടപ്പാട്‌]

Reuters/Bettmann Newsphotos