ബാങ്കുകൾ എത്ര സുരക്ഷി​ത​മാണ്‌?

“ഞങ്ങളുടെ അഭി​പ്രാ​യ​ത്തിൽ ബാങ്കു​ക​ളിൽ ലോക​വ്യാ​പ​ക​മാ​യി പൊതു​വെ ഒരു നിക്ഷേപ പിൻവ​ലി​ക്കൽ ഉണ്ടായി. ഫലത്തിൽ എല്ലാ ബാങ്കു​ക​ളും അടയ്‌ക്കു​ന്ന​തിന്‌ കുറെ സമയം—താരത​മ്യേന കുറഞ്ഞ സമയം—വേണ​മെ​ന്നേ​യു​ള്ളു.”—ഡന്നിസ്‌ റ്റേണറി​നാൽ വിരചി​ത​മായ ബാങ്കുകൾ പൊട്ടു​മ്പോൾ.

“ബാങ്കിംഗ്‌ വ്യവസ്ഥ തികച്ചും സുരക്ഷി​ത​മാണ്‌. സംജാ​ത​മാ​കുന്ന വലുതോ ചെറു​തോ ആയ ഏതു പ്രശ്‌ന​ങ്ങ​ളെ​യും കൈകാ​ര്യം ചെയ്യു​ന്ന​തി​നുള്ള സംവി​ധാ​നം നമുക്കുണ്ട്‌.”—ഫെഡറൽ ഡിപ്പോ​സിറ്റ്‌ ഇൻഷൂ​റൻസ്‌ കോർപ്പ​റേ​ഷന്റെ മുൻ ചെയർമാ​നായ വില്യം ഐസക്ക്‌, യു. എസ്‌. ന്യൂസ്‌ ആൻഡ്‌ വേൾഡ്‌ റിപ്പോർട്ടിൽ ഉദ്ധരി​ക്ക​പ്പെട്ടു.

മേലാൽ മെത്തയു​ടെ അടിയിൽ അധികം​പേർ പണം സൂക്ഷി​ക്കു​ന്നില്ല. അഗ്നിബാ​ധ​യാ​ലോ മോഷ​ണ​ത്താ​ലോ നഷ്ടപ്പെ​ടു​ന്ന​തി​ന്റെ അപകട​ത്തി​നു പുറമേ, അങ്ങനെ സൂക്ഷി​ക്ക​പ്പെ​ടുന്ന പണം കെട്ടി​ക്കി​ട​ക്കു​ക​യാണ്‌. അതു വർദ്ധി​ക്കു​ന്നില്ല. പണപ്പെ​രു​പ്പ​മോ കറൻസി​യു​ടെ മൂല്യ ശോഷ​ണ​മോ നിമിത്തം മൂല്യം കുറഞ്ഞു​പോ​കാ​നും ഇടയുണ്ട്‌.

ഒരുവന്റെ സമ്പാദ്യ​ങ്ങൾ വർദ്ധി​പ്പി​ക്കു​ന്ന​തിന്‌ പണം ഉപയോ​ഗി​ക്കേ​ണ്ട​തുണ്ട്‌. പരക്കെ അംഗീ​ക​രി​ക്ക​പ്പെ​ടു​ന്ന​തും ഉപയോ​ഗി​ക്ക​പ്പെ​ടു​ന്ന​തു​മായ മാർഗ്ഗം ബാങ്കിൽ നിക്ഷേ​പി​ക്കു​ക​യാണ്‌—ഭദ്രമായ സൂക്ഷി​പ്പി​നും ലാഭത്തി​നും. മുൻ ഉദ്ധരണി​ക​ളാൽ പ്രകട​മാ​ക്ക​പ്പെ​ടു​ന്ന​തു​പോ​ലെ വിവി​ധ​ങ്ങ​ളായ ഒട്ടേറെ വീക്ഷണ​ങ്ങ​ളുണ്ട്‌.

ഭയത്തിനു കാരണ​മു​ണ്ടോ?

“മുഴു ബാങ്കിംഗ്‌ വ്യവസ്ഥ​യും പരസ്‌പരം ബന്ധപ്പെ​ട്ടി​രി​ക്കു​ന്നു”വെന്ന്‌ ചെയ്‌സ്‌ മൻഹാട്ടൻ ബാങ്കിന്റെ റിട്ടയാർഡ്‌ ചെയർമാൻ ഡേവിഡ്‌ റോക്ക്‌ ഫെല്ലർ ചൂണ്ടി​ക്കാ​ണി​ക്കു​ന്നു. “ബാങ്കുകൾ അവശ്യം ധാരാളം ബിസി​നസ്സ്‌ പരസ്‌പരം ചെയ്യു​ന്നുണ്ട്‌, തന്നിമി​ത്തം വമ്പിച്ച പരസ്‌പ​രാ​ശ്ര​യ​മുണ്ട്‌.” തൽഫല​മാ​യി, യാതൊ​രു ബാങ്കും അല്ലെങ്കിൽ രാഷ്‌ട്ര​വും ഒറ്റക്കു നിൽക്കു​ന്നില്ല. അതു​കൊണ്ട്‌ ഒരു ബാങ്കു പൊട്ടു​മ്പോ​ഴെ​ല്ലാം, അത്‌ മറ്റു ബാങ്കു​ക​ളെ​യും പൊളി​ച്ചേ​ക്കു​മെ​ന്നോ ബാങ്കിംഗ്‌ വ്യവസാ​യ​ത്തി​നാ​വ​ശ്യ​മായ വിശ്വാ​സത്തെ കുറ​ച്ചേ​ക്കു​മെ​ന്നോ ഉള്ള ഉൽക്കണ്‌ഠ​യുണ്ട്‌. അപ്പോൾ മറ്റുള്ള​ട​ങ്ങ​ളി​ലെ നിക്ഷേ​പകർ തങ്ങളുടെ പണം പിൻവ​ലി​ക്കാൻ പരക്കം പായാ​നും അങ്ങനെ അനിയ​ന്ത്രി​ത​മായ ഒരു ശൃംഖ​ലാ​ഫ​ല​ത്താൽ മറ്റു ബാങ്കു​ക​ളു​ടെ പതനത്തി​നി​ട​യാ​ക്കാ​നു​മുള്ള സാദ്ധ്യ​ത​യുണ്ട്‌.

എവി​ടെ​യെ​ങ്കി​ലും നടക്കുന്ന ഒരു ബാങ്കു​ത​കർച്ച അന്താരാ​ഷ്‌ട്ര ബാങ്കിംഗ്‌ വ്യവസ്ഥയെ പൊളി​ക്കാ​നുള്ള സാദ്ധ്യ​ത​യു​ണ്ടോ? “ആസന്നമാ​യി​രി​ക്കു​ന്ന​താ​യി കാണ​പ്പെ​ടുന്ന ഏതു വലിയ തകർച്ച​യെ​യും തടയാൻ യു. എസി​ലെ​യും മറ്റു രാജ്യ​ങ്ങ​ളി​ലെ​യും ക്രമപാ​ലകർ ശക്തമായ നടപടി​കൾ സ്വീക​രി​ക്കു​മെന്ന്‌ തീർച്ച​യാണ്‌. അതു സംഭവി​ക്കാൻ തീരെ സാദ്ധ്യ​ത​യി​ല്ലെന്ന്‌ ഞാൻ വിചാ​രി​ക്കു​ന്നു” എന്ന്‌ റോക്ക്‌ ഫെല്ലർ പറയുന്നു.

ഇത്ര​ത്തോ​ളം, സമീപ​വർഷ​ങ്ങ​ളിൽ ഗോള​ത്തി​നു ചുറ്റും ഗുരു​ത​ര​മായ ചില പ്രശ്‌ന​ങ്ങ​ളും തകർച്ച​ക​ളും ഉണ്ടായി​ട്ടു​ണ്ടെ​ങ്കി​ലും ഗവൺമെൻറു​കൾ കുഴപ്പ​ത്തി​ലായ തങ്ങളുടെ സ്ഥാപന​ങ്ങൾക്ക്‌ ജാമ്യം നിൽക്കാൻ മുന്നോ​ട്ടു​വ​ന്നി​ട്ടുണ്ട്‌. “ധന മന്ത്രി​മാ​രും ബാങ്കർമാ​രും മുമ്പെ​ന്ന​ത്തേ​തി​ലു​മ​ധി​ക​മാ​യി 1929-ലെ ഭൂതത്താൽ ബാധി​ക്ക​പ്പെ​ടു​ന്നുണ്ട്‌, അമ്പതു വർഷം മുമ്പു സംഭവിച്ച സാമ്പത്തിക വിപത്തി​ന്റെ ആവർത്തനം ഒഴിവാ​ക്കാൻ അവർ തങ്ങളാൽ കഴിയു​ന്ന​തെ​ല്ലാം ചെയ്യും—അതിന്റെ അനിവാ​ര്യ​ഫ​ല​മാ​യി തോന്നുന്ന ലോക​യു​ദ്ധത്തെ ഒഴിവാ​ക്കാ​മെന്ന്‌ ഏറെക്കു​റെ ബോധ​പൂർവ്വം പ്രത്യാ​ശി​ച്ചു​കൊ​ണ്ടു​തന്നെ” എന്ന്‌ ഫ്രഞ്ച്‌ വാരി​ക​യായ എൽ എക്‌സ്‌പ്രസ്സ്‌ വിശദീ​ക​രി​ക്കു​ന്നു. എന്നാലും, ആശങ്കക്ക്‌ കാരണ​മുണ്ട്‌.

ഋണപ്രശ്‌നം

ബാങ്കുകൾ സ്വതേ അപകട സാദ്ധ്യ​ത​യുള്ള ബിസി​ന​സ്സാണ്‌. അവ ഏറെയും തങ്ങളു​ടേ​ത​ല്ലാത്ത വലിയ പണത്തു​കകൾ കൈകാ​ര്യം ചെയ്യുന്നു. കൂടാതെ, അവ അവയുടെ അറ്റമൂ​ല്യ​ത്തെ​ക്കാൾ വളരെ​യ​ധി​കം പണം സൃഷ്ടി​ക്കു​ക​യും വായ്‌പ കൊടു​ക്കു​ക​യും ചെയ്യുന്നു. അവ മതിയായ മുൻക​രു​ത​ലു​കൾ സ്വീക​രി​ക്കു​ന്നു​വെ​ന്നി​രി​ക്കെ ചില വായ്‌പകൾ കിട്ടാ​ക്കു​റ്റി​ക​ളാ​യി​ത്തീ​രു​മെന്ന്‌ ബാങ്കു​കൾക്ക​റി​യാം. തന്നിമി​ത്തം കിട്ടാ​ക്കു​റ്റി​കൾക്കു പരിഹാ​രം കാണാൻ വായ്‌പാ കരുതൽ ധനമെ​ന്ന​നി​ല​യിൽ ഒരു തുക മാറ്റി വെക്ക​പ്പെ​ടു​ന്നു. എന്നാൽ ഒരു അസാധാ​രണ എണ്ണം വായ്‌പകൾ കിട്ടാ​ക്കു​റ്റി​ക​ളാ​യി​ത്തീ​രു​ന്നു​വെ​ങ്കിൽ, വലിയ ലോൺ നഷ്ടങ്ങൾക്ക്‌ പരിഹാ​രം കാണാ​നോ കൂട്ട​ത്തോ​ടെ​യുള്ള നിക്ഷേപ പിൻവ​ലി​ക്കൽ തടയാ​നോ മാറ്റി​വെച്ച കരുതൽ ധനം മതിയാ​ക​യില്ല. “വായ്‌പകൾ തിരി​ച്ച​ട​ക്കാ​ത്ത​തി​നാൽ അപകട​ത്തി​ലാ​കുന്ന മൂല്യം എത്രയ​ധി​ക​മാ​ണോ അത്രയ​ധി​ക​മാ​യി ബാങ്കുകൾ സാമ്പത്തി​ക​മാ​യി ദുർബ്ബ​ല​മാ​യി​ത്തീ​രു​ന്നു. ബാങ്ക്‌ മൂല്യ​മെ​ല്ലാം ഉപയോ​ഗി​ച്ചു​തീ​രു​മ്പോ​ഴാണ്‌ പാപ്പര​ത്വം (അഥവാ തകർച്ച) സംഭവി​ക്കു​ന്നത്‌” എന്ന്‌ ന്യൂ​യോർക്ക്‌ മാസിക പ്രസ്‌താ​വി​ക്കു​ന്നു.

ഇന്ന്‌ അധിക​മ​ധി​കം ബാങ്കുകൾ ആ അവസ്ഥയിൽ എത്തിയി​രി​ക്കു​ക​യാണ്‌—അവയുടെ ഒട്ടേറെ വായ്‌പകൾ കിട്ടാ​ക്കു​റ്റി​ക​ളാ​യി​ത്തീ​രു​ന്നു. അവയ്‌ക്കു പിന്താങ്ങൽ കൊടു​ക്കാൻ വേണ്ടത്ര മൂലധ​ന​മില്ല. നൽക​പ്പെ​ടുന്ന കാരണങ്ങൾ നിരവ​ധി​യാണ്‌: എണ്ണപ്ര​തി​സന്ധി, വ്യാപാ​ര​നി​യ​ന്ത്ര​ണ​ങ്ങ​ളും കമ്മിക​ളും, സമ്പദ്‌ഘ​ട​ന​യി​ലെ അധോ​ഗതി, അസ്ഥിര​മായ പലിശ​നി​ര​ക്കു​കൾ, മൂലധന പാച്ചിൽ, പണപ്പെ​രു​പ്പം, പണപ്പെ​രു​പ്പ​നി​യ​ന്ത്രണം, അവധി​വെ​ക്ക​ലു​കൾ, അമിത​മായ പണം കടം കൊടു​ക്കൽ നയങ്ങൾ, കോർപ്പ​റ്റേറ്‌ പാപ്പര​ത്വ​ങ്ങൾ, ഭീകര മത്സരം, അവ്യവസ്ഥ,—അജ്ഞതയും മൂഢത്വ​വും പോലും.

എന്നാൽ ജീവ​നോ​ടെ പിടി​ച്ചു​നിൽക്കാൻ വഴിക​ളുണ്ട്‌—കടലാ​സിൽ. മിക്ക​പ്പോ​ഴും ഉപയോ​ഗി​ക്ക​പ്പെ​ടു​ന്ന​തും ആവർത്തി​ച്ചു​പ​യോ​ഗി​ക്കു​ന്ന​തു​മായ ഒരു മാർഗ്ഗ​മാണ്‌ കടത്തിന്റെ കാലാ​വധി ദീർഘി​പ്പിച്ച്‌ വായ്‌പകൾ പുനഃ​സം​വി​ധാ​നം ചെയ്യു​ന്നത്‌. മുതൽ പൂർണ്ണ​മാ​യി കിട്ടു​മെ​ന്നുള്ള പ്രത്യാ​ശ​യി​ല്ലാ​തെ​യാ​ണെ​ങ്കി​ലും വായ്‌പ​ക​ളു​ടെ പൂർണ്ണ​മൂ​ല്യം പട്ടിക​പ്പെ​ടു​ത്തു​ക​യാണ്‌ മറ്റൊരു മാർഗ്ഗം. മിക്ക​പ്പോ​ഴും ഉപയോ​ഗി​ക്ക​പ്പെ​ടുന്ന ഒരു നയം വായ്‌പ വാങ്ങു​ന്ന​വർക്ക്‌ പലിശ അടയ്‌ക്കാൻ കഴിയ​ത്ത​ക്ക​വണ്ണം കൂടുതൽ പണം അവർക്കു കടം കൊടു​ക്കു​ക​യാണ്‌.

മൂന്നാം ലോക കടത്തിന്റെ കാര്യ​ത്തിൽ ഇപ്പോൾ ബാങ്കുകൾ ഈ രീതി​ക​ളെ​ല്ലാം ഉപയോ​ഗി​ക്കു​ന്നുണ്ട്‌. അന്താരാ​ഷ്‌ട്ര ബാങ്കിംഗ്‌ വ്യവസ്ഥക്ക്‌ ഈ കടം ഏറ്റവും വലിയ ഭീഷണി​യാ​ണെന്ന്‌ അനേകർ കരുതു​ന്നു. ഒരു ലോക​ബാങ്ക്‌ സർവ്വേ അനുസ​രിച്ച്‌, ആറില​ധി​കം വികസ്വര രാഷ്‌ട്ര​ങ്ങ​ളു​ടെ ബാഹ്യ​കടം 1985-ന്റെ ഒടുവിൽ മൊത്തം 95000 കോടി ഡോള​റി​ലെത്തി. ഇത്‌ മുൻവർഷത്തെ അപേക്ഷിച്ച്‌ 4.6 ശതമാ​ന​ത്തി​ന്റെ വർദ്ധന​വാണ്‌. ഇപ്പോൾത്തന്നെ വളരെ കൂടി​യ​തെ​ങ്കി​ലും അത്‌ 1986-ന്റെ ഒടുവിൽ 100100,00,00,000 ഡോളർ ആകു​മെന്നു പ്രതീ​ക്ഷി​ച്ചി​രു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ ആ രാഷ്‌ട്ര​ങ്ങ​ളിൽ പലതി​നും കേവലം തിരി​ച്ച​ട​യ്‌ക്കാൻ കഴിവില്ല. അവ കൂടുതൽ സമയവും പണവും അനുവ​ദി​ക്കാൻ നിർബ്ബ​ന്ധി​ക്കു​ക​യാണ്‌. അവയുടെ വായ്‌പ​ക​ളു​ടെ വലിപ്പം പരിഗ​ണിച്ച്‌ ബാങ്കുകൾ വഴങ്ങി. ഒരു വ്യക്തി പറഞ്ഞ പ്രകാരം “ഞാൻ നിങ്ങൾക്ക്‌ ഒരു ഡോളർ തരാനു​ണ്ടെ​ങ്കിൽ ഞാൻ നിങ്ങളു​ടെ അധികാ​ര​ത്തിൻ കീഴി​ലാണ്‌; എന്നാൽ ഞാൻ പത്തുലക്ഷം തരാനു​ണ്ടെ​ങ്കിൽ, നിങ്ങൾ എന്റെ അധികാ​ര​ത്തിൻ കീഴി​ലാണ്‌.”

ആഴമായി കടത്തിൽ ആണ്ടിരി​ക്കുന്ന ചില രാഷ്‌ട്രങ്ങൾ ചെലവു ചുരുക്കൽ പരിപാ​ടി​ക​ളു​ടെ പ്രയാ​സ​ങ്ങ​ളിൽ മടുത്ത്‌ വായ്‌പ ഒട്ടും തിരി​ച്ച​ട​ക്കാ​തി​രി​ക്കു​ന്ന​തിന്‌ തീരു​മാ​നി​ക്കാ​നുള്ള സാദ്ധ്യത എല്ലായ്‌പ്പോ​ഴും മുന്നി​ലുണ്ട്‌. പണമട​ച്ചു​തീർക്കാൻ പരമാ​ധി​കാര രാഷ്‌ട്ര​ങ്ങളെ ബാങ്കു​കൾക്ക്‌ നിർബ്ബ​ന്ധി​ക്കാൻ സാദ്ധ്യമല്ല. സാവി മാഗസിൻ ഇങ്ങനെ പ്രസ്‌താ​വി​ക്കു​ന്നു. “ബാങ്കു​കളെ സംബന്ധി​ച്ച​ട​ത്തോ​ളം ആഗോള ഋണപ്രതിസന്ധിയുടെ അർത്ഥം ലളിത​മാണ്‌. അവ തങ്ങളുടെ ലാഭങ്ങ​ളിൽ അധിക​വും നേടു​ന്നത്‌ വായ്‌പകൾ കൊടു​ക്കു​ന്ന​തി​നാ​ലാണ്‌. രാജ്യ​ങ്ങൾക്ക്‌ അവയുടെ ഭീമായ വായ്‌പകൾ തിരി​ച്ച​ട​ക്കാൻ കഴിവി​ല്ലെ​ങ്കിൽ ബാങ്കിന്റെ ലാഭങ്ങ​ളും മൂലധന അടിത്ത​റ​ക​ളും സ്‌റ്റോക്ക്‌ വിലക​ളും കുത്തനെ ഇടി​ഞ്ഞേ​ക്കാം . . . ഗണ്യമായ മൂന്നാം ലോക കുടി​ശ്ശി​ക​കൾക്ക്‌ സാമ്പത്തിക വ്യവസ്ഥയെ തകർച്ച​യു​ടെ ഘട്ടം വരെ എത്തിക്കാൻ കഴിയും, വലിയ ബാങ്കു​ക​ളു​ടെ തകർച്ച​യിൽ കലാശി​ക്കാ​നു​മി​ട​യുണ്ട്‌.”

വെറും നാലു രാഷ്‌ട്രങ്ങൾ—മെക്‌സി​ക്കോ​യും ബ്രസീ​ലും ആർജൻറീ​നാ​യും വെനി​സ്വേ​ല​യും—വീഴ്‌ച വരുത്തി​യാൽ ഐക്യ​നാ​ടു​ക​ളി​ലെ ഏറ്റവും വലിയ ഒൻപതു ബാങ്കു​ക​ളു​ടെ തകർച്ച ഉണ്ടാകാ​വു​ന്ന​താണ്‌ എന്ന്‌ വിദഗ്‌ദ്ധൻമാർ മുന്നറി​യി​പ്പു കൊടു​ക്കു​ന്നു. “ആ യഥാർത്ഥ വീഴ്‌ചകൾ ഉണ്ടായി​ട്ടി​ല്ലെ​ന്നു​ള്ളത്‌ ശ്രദ്ധേ​യ​മാണ്‌” എന്ന്‌ ദ ന്യൂ​യോർക്ക്‌ റ്റൈംസ്‌ മാഗസിൻ പ്രസ്‌താ​വി​ക്കു​ന്നു.” തീർച്ച​യാ​യും ഒരുവന്‌ അത്‌ അർത്ഥവ്യാ​പ്‌തി നിമി​ത്ത​മാ​ണെന്ന്‌ പറയാൻ കഴിയും. മേലാൽ യുദ്ധങ്ങൾ ‘പ്രഖ്യാ​പി​ക്ക​പ്പെ​ടു​ന്നില്ല,’ അതു​പോ​ലെ, ഇപ്പോൾ ആരും ‘നിയമ​പ​ര​മാ​യി’ വീഴ്‌ച​വ​രു​ത്തി​യ​താ​യി പ്രഖ്യാ​പി​ക്ക​പ്പെ​ടു​ന്നില്ല.”

“എന്റെ ബാങ്കു ഭദ്രമാ​ണോ?

ഒരു ബാങ്ക്‌ ശക്തവും കടം വീട്ടാൻ കഴിവു​ള്ള​തു​മാ​ണെന്ന്‌ ഒരുവന്‌ പറയാൻ കഴിയു​മോ? “ഒരു ബാങ്ക്‌ ഏതവസ്ഥ​യി​ലാ​ണെന്ന്‌ കണ്ടുപി​ടി​ക്കുക മിക്ക നിക്ഷേ​പ​കർക്കും പ്രയാ​സ​മാണ്‌ അല്ലെങ്കിൽ അസാദ്ധ്യ​മാണ്‌” എന്ന്‌ മാറി​വ​രുന്ന കാലങ്ങൾ എന്ന മാസിക പറയുന്നു. ദ ന്യൂ​യോർക്ക്‌ റ്റൈംസ്‌ ഇങ്ങനെ കൂട്ടി​ച്ചേർക്കു​ന്നു: “പുറത്തു​ള്ള​വർക്ക്‌ ഒരു ബാങ്കിന്റെ ഭദ്രതയെ വിധി​ക്കുക അങ്ങേയറ്റം പ്രയാ​സ​മാ​ണെന്ന്‌ അടുത്ത​കാ​ലത്തെ അനുഭവം പ്രകട​മാ​ക്കി​യി​രി​ക്കു​ന്നു. സമീപ വർഷങ്ങ​ളിൽ തകർന്ന​തോ തകരാ​റാ​യ​തോ ആയ മിക്കവാ​റും എല്ലാ വലിയ ബാങ്കു​ക​ളും ബാങ്ക്‌—സ്‌റ്റോക്ക്‌ വിശകലന വിദഗ്‌ദ്ധ​രാൽ വളരെ​യ​ധി​കം പരി​ശോ​ധ​നാ​വി​ധേ​യ​മാ​ക്ക​പ്പെട്ടി​രു​ന്നു. ബാങ്ക്‌ ക്രമപാ​ല​കർക്കും ഓഡി​റ്റർമാർക്കും പോലും തീരെ വൈകി​പ്പോ​കു​ന്ന​തു​വരെ ഗുരു​ത​ര​മായ കുഴപ്പങ്ങൾ കണ്ടുപി​ടി​ക്കാൻ കഴിഞ്ഞില്ല.”

സാധാ​ര​ണ​യാ​യി ഒരു പതിവു​കാ​രൻ ഏറ്റവും കൂടി​യാൽ ബാങ്കിന്റെ ബാഹ്യാ​കാ​ര​മാണ്‌ പരി​ശോ​ധി​ക്കുക: ഏതു തരം സേവനം അർപ്പി​ക്കു​ന്നു, എത്ര സൗഹാർദ്ദ​പ​ര​മാ​യും വേഗത്തി​ലും അയാളെ സേവി​ക്കു​ന്നു എന്നിങ്ങനെ. യഥാർത്ഥ​ത്തിൽ, ബാങ്കുകൾ പരസ്യം കൊടു​ക്കു​ന്ന​ടത്ത്‌ അവ ആ വക കാര്യ​ങ്ങ​ളാണ്‌ ഊന്നി​പ്പ​റ​യു​ന്നത്‌—സൗഹൃ​ദ​മുള്ള ബാങ്കർ, കാലവി​ളം​ബം കൂടാ​തെ​യുള്ള വായ്‌പ, പ്രത്യേക അക്കൗണ്ടു​കൾ അല്ലെങ്കിൽ സേവനങ്ങൾ, സൗകര്യം എന്നിവ. ചില​പ്പോൾ പുതിയ നിക്ഷേ​പ​കരെ ആകർഷി​ക്കാൻ സമ്മാനങ്ങൾ വാഗ്‌ദാ​നം ചെയ്യ​പ്പെ​ടു​ന്നു. എന്നാൽ ബാങ്കിന്റെ സാമ്പത്തി​ക​നി​ല​യെ​ക്കു​റിച്ച്‌ അധിക​മൊ​ന്നും പറയു​ന്നില്ല. തീർച്ച​യാ​യും ഒരു ബാങ്കിന്റെ സേവനങ്ങൾ പ്രധാ​ന​മാണ്‌. കൊടു​ക്ക​പ്പെ​ടുന്ന പലിശ​യും അതു കൂട്ടു​ന്ന​രീ​തി​യും ശ്രദ്ധി​ക്കേ​ണ്ട​താണ്‌; കാരണം ആദായം വ്യത്യാ​സ​പ്പെ​ടും. നിക്ഷേ​പ​കന്‌ അത്യന്തം പ്രധാ​ന​മാ​യത്‌ അയാളു​ടെ പണത്തിന്റെ ഭദ്രത​യാണ്‌.

ഇവിടെ നിക്ഷേപ ഇൻഷു​റൻസാണ്‌ താക്കോൽ. “നിക്ഷേപ ഇൻഷു​റൻസ്‌ നിമിത്തം, ബാങ്കിംഗ്‌ വ്യവസ്ഥ​യു​ടെ ഒരു സമ്പൂർണ്ണ തകർച്ച ഇല്ലാത്ത​പക്ഷം ഇവ നിക്ഷേ​പ​ക​രു​ടെയല്ല, പിന്നെ​യോ ബാങ്കർമാ​രു​ടെ​യും ഓഹരി​യു​ട​മ​ക​ളു​ടെ​യും പ്രശ്‌ന​ങ്ങ​ളാണ്‌” എന്ന്‌ ദ അറ്റ്‌ലാൻറിക്ക്‌ മന്ത്‌ലി പറയുന്നു. “ഇന്നത്തെ ബാങ്കു​ത​കർച്ചകൾ വ്യക്തി​ക​ളു​ടെ ആജീവ​നാന്ത സമ്പാദ്യ​ങ്ങളെ മുപ്പതു​ക​ളി​ലെ രീതി​യിൽ നഷ്ടപ്പെ​ടു​ത്താൻ തീരെ സാദ്ധ്യ​ത​യില്ല.”

അതു​കൊണ്ട്‌ അക്കൗണ്ടു​കൾ ഇൻഷ്വർ ചെയ്‌തി​ട്ടു​ണ്ടോ​യെ​ന്നും ആരാണ്‌ ചെയ്‌തി​രി​ക്കു​ന്ന​തെ​ന്നും പരി​ശോ​ധി​ക്കു​ന്നതു നല്ലതാണ്‌. തീർച്ച​യാ​യും സർക്കാർ ഇൻഷു​റൻസാണ്‌ ഏറ്റവും നല്ലത്‌. ഇതിന്റെ ഒരു ദൃഷ്ടാ​ന്ത​മാണ്‌ ഐക്യ​നാ​ടു​ക​ളി​ലെ ഫെഡറൽ ഡിപ്പോ​സിറ്റ്‌ ഇൻഷു​റൻസ്‌ കോർപ്പ​റേഷൻ. തങ്ങളുടെ അക്കൗണ്ടു​കൾ ഇൻഷ്വർ ചെയ്‌തി​ട്ടു​ണ്ടെന്ന്‌ പറയപ്പെട്ട ചിലർ അത്‌ ഒരു സ്വകാര്യ ഏജൻസി​യാ​ലാ​ണെന്ന്‌ പിന്നീടു കണ്ടെത്തി. ബാങ്കു പൊട്ടി​യ​പ്പോൾ എല്ലാ നിക്ഷേ​പ​കർക്കും തിരികെ കൊടു​ക്കാൻ വേണ്ടത്ര പണം ആ ഏജൻസി​ക്കി​ല്ലാ​യി​രു​ന്നു. ഇൻഷ്വർ ചെയ്‌ത തുകയും പരി​ശോ​ധി​ക്കുക. നിങ്ങളു​ടെ അക്കൗണ്ട്‌ ആ പരിധി​യെ കവിയു​ന്നു​വെ​ങ്കിൽ, നിങ്ങളു​ടെ പണം മുഴുവൻ ഉൾപ്പെ​ടു​ത്താൻ മറ്റു ബാങ്കു​ക​ളിൽ അക്കൗണ്ടു​കൾ തുടങ്ങുന്ന കാര്യം പരിഗ​ണി​ക്കുക.

ഭാവി​യിൽ സ്ഥിതി​ചെ​യ്യു​ന്നത്‌

ഒറ്റപ്പെട്ട ബാങ്കു​ത​കർച്ചകൾ തുടരു​മെ​ന്നും എണ്ണം വർദ്ധി​ച്ചേ​ക്കാ​മെ​ന്നു​പോ​ലും പ്രതീ​ക്ഷി​ക്ക​പ്പെ​ടു​ന്നു. എന്നാൽ ബാങ്കിംഗ്‌ വ്യവസ്ഥ​യ്‌ക്ക്‌ ഏറ്റവും പ്രധാ​ന​മാ​യി​രി​ക്കു​ന്നത്‌ അതിലുള്ള വിശ്വാ​സം നിലനിർത്തു​ക​യാണ്‌. “ഈ സാമ്പത്തിക വിഷമ​ഘ​ട്ട​ങ്ങളെ, ബാധി​ക്ക​പ്പെ​ട്ടി​രി​ക്കുന്ന ബാങ്കു​ക​ളിൽനിന്ന്‌ തങ്ങളുടെ പണം പിൻവ​ലി​ക്കു​ന്ന​തി​നുള്ള കാരണ​മാ​യി വ്യാഖ്യാ​നി​ച്ചെ​ങ്കിൽ മാത്രമേ ഒരു പ്രതി​സന്ധി സംജാ​ത​മാ​കു​ക​യു​ള്ളു” വെന്ന്‌ ഫോർച്ച്യൂൺ മാസിക പ്രസ്‌താ​വി​ക്കു​ന്നു. അതു​കൊണ്ട്‌, ബാങ്കിംഗ്‌ പദ്ധതിയെ ബലിഷ്‌ഠ​മാ​ക്കാ​നും ആ വിശ്വാ​സത്തെ ശക്തമായി നിലനിർത്താ​നും സമഗ്ര​മായ ശ്രമങ്ങൾ ചെയ്യു​ന്നുണ്ട്‌.

മൂന്നാം ലോക രാജ്യ​ങ്ങ​ളു​ടെ കടങ്ങളെ താങ്ങാ​വുന്ന തലങ്ങളി​ലേക്കു കുറച്ചു​കൊ​ണ്ടു​വ​രാ​നും അവയുടെ കടപ്പാ​ടു​കൾ നിറ​വേ​റ്റാൻ സഹായി​ക്കാ​നു​മുള്ള പദ്ധതി​ക​ളും പ്രവർത്ത​ന​ത്തി​ലുണ്ട്‌. “അന്തിമ വിശക​ല​ന​ത്തിൽ, ഭീമായ സാമ്പത്തിക കമ്മി ലോക​വ്യാ​പ​ക​മാ​യുള്ള നികു​തി​ദാ​യ​ക​രാൽ നികത്ത​പ്പെടു”മെന്ന്‌ വ്യാവ​സാ​യിക ആസൂ​ത്ര​ണ​ത്തി​ന്റെ മുൻ ഫ്രഞ്ച്‌ മന്ത്രി​യായ ആൽബിൻ ചലൻഡൻ പ്രസ്‌താ​വി​ക്കു​ന്നു.

അപ്പോൾ ബാങ്കുകൾ എത്ര ഭദ്രമാണ്‌? ഒരു ബാങ്ക്‌ ഉദ്യോ​ഗസ്ഥൻ അത്‌ ഈ വിധത്തിൽ പ്രസ്‌താ​വി​ച്ചു: “ബാങ്കുകൾ അവയെ പിന്തു​ണ​ക്കുന്ന ഗവൺമെൻറു​ക​ളോ​ളം തന്നെ ഭദ്രമാണ്‌.” അത്‌ ഇപ്പോൾ ഉറപ്പു​നൽകു​ന്ന​താ​യി തോന്നി​യേ​ക്കാ​മെ​ങ്കി​ലും, ചിന്താ​ശീ​ല​രായ ആളുകൾക്ക്‌ നിന്നു ചിന്തി​ക്കാൻ അതു കാരണ​മാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ സകല ഭൗമിക ഗവൺമെൻറു​ക​ളു​ടെ​യും സമ്പൂർണ്ണ​നാ​ശ​ത്തെ​യും തൽസ്ഥാ​നത്ത്‌ വരുന്ന ദൈവ​ത്തി​ന്റെ നിത്യ​രാ​ജ്യ​ത്തെ​യും കുറിച്ച്‌ ബൈബിൾ മുൻകൂ​ട്ടി​പ്പ​റ​യു​ന്നു. (ദാനി​യേൽ 2:44) ഇപ്പോ​ഴത്തെ വ്യവസ്ഥി​തി​യു​ടെ സമാപ​നത്തെ അടയാ​ള​പ്പെ​ടു​ത്തു​ന്ന​വ​യെ​ന്ന​നി​ല​യിൽ അത്‌ ഈ 20-ാം നൂറ്റാ​ണ്ടി​ലെ സംഭവ​ങ്ങ​ളി​ലേക്കു വിരൽ ചൂണ്ടുന്നു.—മത്തായി 24:3, 6, 7, 21, 22.

ആ കാലത്ത്‌ ആളുകൾ തങ്ങളെ രക്ഷിക്കു​ന്ന​തിൽ വിലയി​ല്ലാ​ത്ത​വ​യെ​ന്ന​നി​ല​യിൽ തങ്ങളുടെ പൊന്നും വെള്ളി​യും തെരു​വിൽ എറിഞ്ഞു​ക​ള​യു​ന്ന​തി​നെ​ക്കു​റി​ച്ചു ബൈബിൾ പറയുന്നു. (യെഹെ​സ്‌ക്കേൽ 7:19; സെഫന്യാവ്‌ 1:18) ഈ കൂടുതൽ വില​യേ​റിയ വസ്‌തു​ക്കളെ സംബന്ധി​ച്ചു അതു സത്യമാ​യി​രി​ക്കു​ന്ന​തു​കൊണ്ട്‌ ദേശീയ കറൻസി​ക​ളി​ലോ അവയെ ആശ്രയി​ച്ചു​നിൽക്കുന്ന സാമ്പത്തിക സ്ഥാപന​ങ്ങ​ളി​ലോ എത്രമാ​ത്രം ആശ്രയം വെക്കാൻ കഴിയും? അവയെ പിന്താ​ങ്ങുന്ന ഗവൺമെൻറു​കൾ പൊയ്‌പ്പോ​യി​രി​ക്കും!

തന്നിമി​ത്തം യേശു ഉചിത​മാ​യി മുന്നറി​യി​പ്പു​നൽകി: “പുഴു​വും തുരു​മ്പും തിന്നു​ന്ന​ട​വും കള്ളൻമാർ ഭേദി​ച്ചു​ക​ടന്നു മോഷ്ടി​ക്കു​ന്ന​ട​വു​മായ ഭൂമി​യിൽ നിങ്ങൾക്കു നിക്ഷേ​പങ്ങൾ ശേഖരി​ക്കു​ന്നതു നിർത്തുക. മറിച്ച്‌, പുഴു​വോ തുരു​മ്പോ തിന്നാ​ത്ത​ട​വും കള്ളൻമാർ ഭേദി​ച്ചു​ക​ടന്നു മോഷ്ടി​ക്കാ​ത്ത​ട​വു​മായ സ്വർഗ്ഗ​ത്തിൽ നിങ്ങൾക്ക്‌ നിക്ഷേ​പങ്ങൾ ശേഖരി​ക്കുക. എന്തെന്നാൽ നിങ്ങളു​ടെ നിക്ഷേ​പ​മു​ള്ള​ടത്ത്‌ നിങ്ങളു​ടെ ഹൃദയ​വു​മി​രി​ക്കും. . . . നിങ്ങൾക്ക്‌ ദൈവ​ത്തി​നും ധനത്തി​നും വേണ്ടി അടിമ​വേല ചെയ്യാൻ കഴിക​യില്ല.”—മത്തായി 6:19-21, 24. (g86 10/22)

[9-ാം പേജിലെ ചതുരം]

ബാങ്കിംഗ്‌ സാഹച​ര്യം—മറ്റുള്ളവർ പറയു​ന്നത്‌

● കടംബാ​ധി​ച്ചി​ട്ടുള്ള ഡസൻ കണക്കിനു ഗവൺമെൻറു​ക​ളും അന്താരാ​ഷ്‌ട്രീയ നാണയ നിധി​യും ഫെഡറൽ റിസേർവ്‌ ബോർഡും അമേരി​ക്ക​യി​ലെ​യും വിദേ​ശ​ങ്ങ​ളി​ലെ​യും ശതക്കണ​ക്കി​നു ബാങ്കു​ക​ളും ആകെകൂ​ടി 1930-കൾക്കു​ശേഷം ഉണ്ടായി​ട്ടുള്ള അതിക​ഠി​ന​വും അതിവി​പു​ല​വു​മായ പ്രതി​സ​ന്ധി​യെ അഭിമു​ഖീ​ക​രി​ക്കു​ക​യാണ്‌.”—ന്യൂ​യോർക്ക്‌ മാഗസിൻ.

● ഇപ്പോ​ഴത്തെ നയങ്ങൾ ഏറ്റവും ഗുരു​ത​രാ​വ​സ്ഥ​യി​ലുള്ള ഒരു സംരക്ഷണം മാത്ര​മാണ്‌ നൽകു​ന്നത്‌. ലോക​ത്തി​ലെ സാമ്പത്തിക ഭദ്രത ഒരു പിച്ചാ​ത്തി​വാ​യ്‌ത്ത​ല​യി​ലാണ്‌ തുലനം ചെയ്യു​ന്നത്‌. ഋണ പ്രതി​സന്ധി വികസ്വര രാഷ്‌ട്ര​ങ്ങ​ളി​ലെ വികസ​നത്തെ മാത്രമല്ല, വ്യാവ​സാ​യിക രാജ്യ​ങ്ങ​ളി​ലെ ബാങ്കിംഗ്‌ വ്യവസ്ഥ​ക​ളു​ടെ സ്ഥിരത​യെ​യും ഭീഷണി​പ്പെ​ടു​ത്തു​ന്നു.”—വിദഗ്‌ദ്ധ​രു​ടെ ഒരു കോമൺവെൽത്ത്‌ സംഘത്തി​ന്റെ റിപ്പോർട്ട്‌, ദി ഗാർഡി​യൻ ഓഫ്‌ ലണ്ടൻ.

● ഐക്യ​നാ​ടു​ക​ളി​ലെ ബാങ്കു​കൾക്ക്‌ മൂന്നാം ലോക​രാ​ഷ്‌ട്രങ്ങൾ കൊടു​ത്തു​തീർക്കാ​നുള്ള വമ്പിച്ച കടം അമേരി​ക്കൻ ബാങ്കിംഗ്‌ വ്യവസ്ഥ​യു​ടെ​മേൽ വരാൻ സാദ്ധ്യ​ത​യുള്ള ഒരു വമ്പിച്ച ഹിമരാ​ശി​പോ​ലെ നില​കൊ​ള്ളു​ക​യാണ്‌.”—ദി ന്യൂ​യോർക്ക്‌ റ്റൈംസ്‌ മാഗസിൻ

● അന്താരാ​ഷ്‌ട്ര ബാങ്കിംഗ്‌ വ്യവസ്ഥ​യിൽ ഒരു ഒന്നാം​കിട ഋണപ്രതിസന്ധിക്ക്‌ അടിത്തറ പാകത്ത​ക്ക​വണ്ണം മൊത്ത​ത്തി​ലുള്ള ആഗോള ഋണബാദ്ധ്യത അത്ര വമ്പിച്ച​താണ്‌.” “മുഴു പദ്ധതി​യെ​യും താഴെ തള്ളിയി​ടാ​തെ കരകയ​റാൻ കഴിയാ​ത്ത​വി​ധം ബാങ്കുകൾ അത്ര അഗാധ​ത്തി​ലാ​ണ്ടി​രി​ക്കു​ന്നു​വെ​ന്ന​താണ്‌ ആഗോള ഋണ പ്രതി​സന്ധി സംബന്ധിച്ച വിരോ​ധാ​ഭാ​സം.”—സാവി മാഗസിൻ

● “ഇന്നത്തെ സാഹച​ര്യം 1930-കളി​ലേ​തി​നെ​ക്കാൾ നിർണ്ണാ​യ​ക​വും അപകട​ക​ര​വു​മാണ്‌.”—പഞ്ചിമ​ജർമ്മൻ സാമ്പത്തിക ശാസ്‌ത്രജ്ഞൻ, കുർട്ട്‌ റിച്ചെ​ബാ​ക്കർ, യു. എസ്‌. ന്യൂസ്‌ ആൻഡ്‌ വേൾഡ്‌ റിപ്പോർട്ട്‌.

ഭാരിച്ച കടമുള്ള പതി​നേഴു വികസ്വര രാജ്യങ്ങൾ

[10-ാം പേജിലെ ചാർട്ട്‌]

രാജ്യം വിദേ​ശ​കടം സ്വകാര്യ

($ യു. എസ്‌. കേന്ദ്ര​ങ്ങൾക്ക്‌ ശതകോ​ടി​ക​ളിൽ) കടപ്പെ​ട്ടി​രി​ക്കുന്ന ശതമാനംa

ആർജൻറീനാ 50.8 86.8

ബൊളീവിയാ 4.0 39.3

ബ്രസീൽ 107.3 84.2

ചിലി 21.0 87.2

കൊളംബിയാ 11.3 57.5

കോസ്‌റ്റാറിക്കാ 4.2 59.7

ഇക്വഡോർ 8.5 73.8

ഐവറികോസ്‌റ്റ്‌ 8.0 64.1

ജമയ്‌ക്കാ 3.4 24.0

മെക്‌സിക്കോ 99.0 89.1

മൊറോക്കോ 14.0 39.1

നൈജീറിയാ 19.3 88.2

പെറു 13.4 60.7

ഫിലിപ്പീൻസ്‌ 24.8 67.8

ഉറുഗ്വേ 3.6 82.1

വെനീസ്വേല 33.6 99.5

യൂഗോസ്ലാവ്യ 19.6 64.0

മൊത്തം 445.9 80.8

[അടിക്കു​റി​പ്പു​കൾ]

അവലംബം: ലോക കടപ്പട്ടി​കകൾ, 1985-86 പതിപ്പ്‌, വേൾഡ്‌ ബാങ്ക്‌, വാഷിം​ഗ്‌ടൺ ഡി. സി. പ്രസി​ദ്ധ​പ്പെ​ടു​ത്തി​യത്‌.

[8-ാം പേജിലെ ചിത്രം]

അനേകം ബാങ്കുകൾ തകരു​ന്നു​വെ​ങ്കിൽ ഒരു ശൃംഖലാ ഫലം മുഴു ബാങ്കിംഗ്‌ വ്യവസ്ഥ​യു​ടെ​യും പതനത്തി​നി​ട​യാ​ക്കി​യേ​ക്കാം

[8-ാം പേജിലെ ചിത്രം]

അനേകം ബാങ്കുകൾ തകരു​ന്നു​വെ​ങ്കിൽ ഒരു ശൃംഖലാ ഫലം മുഴു ബാങ്കിംഗ്‌ വ്യവസ്ഥ​യു​ടെ​യും പതനത്തി​നി​ട​യാ​ക്കി​യേ​ക്കാം