ആവിശ​ക്തി​യു​ഗം തങ്ങിനിൽക്കു​ന്നു

ററൂ-ട്ട്‌! ഒരു വിസിൽ ഇംഗ്ലണ്ടി​ന്റെ സുസെ​ക്‌സ്‌ ഗ്രാമ പ്രദേ​ശ​ത്തി​ന്റെ പ്രശാ​ന്ത​തയെ ഭഞ്‌ജി​ക്കു​ന്നു. ഹിസ്സ്‌-സ്സ്‌! ചഗ്‌-ചഗ്‌-ചഗ്‌! അതിനു​ശേഷം, അടുത്തുള്ള എഞ്ചിൻ ഷെഡ്ഡിൽ നിന്ന്‌ നീരാ​വി​പ​ട​ല​ത്തിൽ കുളിച്ച്‌ ഒരു യന്ത്രരാ​ക്ഷസൻ പ്രത്യ​ക്ഷ​പ്പെ​ടു​ന്നു.

അല്ല, ഞാൻ സ്വപ്‌നം കാണു​കയല്ല. ഇത്‌ 1980-കൾ ആണ്‌. ഞാൻ ഷെഫീൽഡ്‌ പാർക്കിൽ നിന്ന്‌ ഹോർസ്‌റെ​റഡ്‌ കെയ്‌ൻസി​ലേക്ക്‌ വടക്കോട്ട്‌ നാലര മൈൽ ദൂരം തീവണ്ടി​യിൽ യാത്ര ചെയ്യാ​നുള്ള തയ്യാറി​ലാണ്‌. ഒരു ആവിയ​ന്ത്രം എന്റെ യാത്ര​ക്കുള്ള തീവണ്ടിക്ക്‌ ഊർജ്ജം പ്രദാനം ചെയ്യും!

ആവിയു​ടെ വശീക​ര​ണം

ഏകദേശം 50 വർഷങ്ങൾക്കു മുമ്പ്‌ ആവിയ​ന്ത്രങ്ങൾ അവയുടെ അത്യു​ച്ച​ത്തി​ലാ​യി​രു​ന്നു. അതിനു​ശേഷം, മിക്ക രാജ്യ​ങ്ങ​ളി​ലും ഡീസലി​ന്റെ​യും ഇലക്‌ട്രി​സി​റ​റി​യു​ടെ​യും ഘർഷണ​ബലം ആ സ്ഥാനം പിടി​ച്ചെ​ടു​ത്തു. എന്നിരു​ന്നാ​ലും ഇന്ന്‌ ആവി​കൊ​ണ്ടു പ്രവർത്തി​പ്പി​ക്കുന്ന ട്രെയി​നു​കൾ ഇപ്പോ​ഴും സാധാ​ര​ണ​ക്കാ​രു​ടെ മുഴു ശ്രദ്ധയും പിടി​ച്ചെ​ടു​ക്കു​ന്നു. റെയിൽവേകൾ ഉല്ലാസ​ത്തിന്‌ എന്ന പുസ്‌ത​ക​മ​നു​സ​രിച്ച്‌ ഏതു ലോക​രാ​ജ്യ​ങ്ങ​ളി​ലും വെച്ച്‌ ബ്രിട്ട​നാണ്‌ റെയിൽവേ ആവേശ​ഭ​രി​ത​രു​ടെ ഏററവും ഉയർന്ന ശതമാ​ന​മു​ള്ളത്‌. “തീവണ്ടി​പ്പാ​ത​ക​ളിൽ, വിശേ​ഷിച്ച്‌ ആവി വണ്ടിക​ളിൽ ക്ഷണിക​മാ​യ​തി​ലും കവിഞ്ഞ താൽപ്പ​ര്യം പ്രകട​മാ​ക്കുന്ന” നാൽപ്പതു ലക്ഷം പുരു​ഷൻമാ​രും സ്‌ത്രീ​ക​ളും കുട്ടി​ക​ളു​മു​ണ്ടെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു. എന്തു​കൊണ്ട്‌?

ഒരു കോർണി​ഷ്‌മാ​നായ റിച്ചാർഡ്‌ ട്രെവി​ത്തിക്ക്‌ (1771-1833) വസ്‌തു​ക്കൾ വലിച്ചു​കൊ​ണ്ടു​പോ​കു​ന്ന​തിന്‌ ആവിശ​ക്തി​യെ പ്രയോ​ജ​ന​പ്പെ​ടു​ത്തി​യ​തു​മു​തൽ ആവി ഘർഷണ താൽപ്പ​ര്യ​ക്കാർ ആവിഎ​ഞ്ചി​നെ, “മനുഷ്യ നിർമ്മി​തി​കളെ ഏററവു​മ​ധി​ക​മാ​യി അനുസ്‌മ​രി​പ്പി​ക്കുന്ന,” “നിർമ്മി​ച്ചി​ട്ടു​ള്ള​തി​ലേ​ക്കും കാൽപ്പ​നി​ക​വും മനോ​ഹ​ര​വു​മായ യന്ത്രങ്ങ​ളി​ലൊന്ന്‌” എന്ന നിലയിൽ വീക്ഷി​ച്ചി​രി​ക്കു​ന്നു. “അത്‌ ആവേശ​ഭ​രി​ത​രെ​യും സാധാ​ര​ണ​ക്കാ​രെ​യും ഒരു​പോ​ലെ ഉദ്വേ​ഗ​ഭ​രി​ത​രാ​ക്കുന്ന ഒരു ഉറവാണ്‌.” ബ്രിട്ട​നി​ലെ തീവണ്ടി​യാ​ത്ര​യു​ടെ ആദിമ​നാ​ളു​ക​ളിൽ തുടങ്ങി, ജോർജ്‌ സ്‌ററീ​ഫൻസന്റെ ലോ​ക്കോ​മോ​ഷൻ സഹിതം സ്‌റേ​റാ​ക്ക്‌ററൺ മുതൽ ഡാർലിം​ഗ്‌ററൺ വരെയുള്ള പാത 1825-ൽ തുറന്ന​തു​മു​തൽ “കേവലം യാത്രാ ആസ്വാ​ദ​ന​ത്തി​നു​വേണ്ടി മാത്രം” ആവേശ​ഭ​രി​തർ പാളത്തി​ലൂ​ടെ സഞ്ചരി​ച്ചി​ട്ടുണ്ട്‌. ചിലർക്ക്‌ കാലഹ​ര​ണ​പ്പെട്ട ഒരു ഗതാഗ​ത​മാർഗ്ഗ​മാ​യി​രി​ക്കു​ന്ന​തിൽ ഇത്ര ഉല്ലാസം ജനിപ്പി​ക്കു​ന്ന​തെ​ന്താണ്‌?

ആവിവ​ണ്ടി​ക​ളു​ടെ നാളുകൾ ഓർക്കാൻ തക്ക പ്രായ​മു​ള്ള​വർക്ക്‌ ഗതകാ​ല​സ്‌മരണ അതിന്റെ പങ്കുവ​ഹി​ക്കു​ന്നു. ആവിവ​ണ്ടി​യി​ലുള്ള യാത്ര അനുഭ​വി​ച്ച​റി​യാൻ തക്ക പ്രായ​മി​ല്ലാ​ത്ത​വർക്ക്‌ ഇന്നലത്തെ ശബ്ദായ​മാ​ന​മായ ഭീമൻ തീവണ്ടി​എ​ഞ്ചി​നു പിന്നിലെ സഞ്ചാരം ഒരു പുതു​മ​യാണ്‌. സിംഫണി ഇൻ സ്‌ററ എന്ന ഗ്രന്ഥത്തി​ന്റെ ആമുഖ​ത്തിൽ ഒ. എസ്സ്‌. നോക്ക്‌ പറയു​ന്നത്‌ ഈ താൽപ്പ​ര്യം “നമ്മി​ലെ​ല്ലാ​മുള്ള വികാ​ര​മാണ്‌” എന്നാണ്‌. ശരാശരി റെയിൽവെ ആവേശ​ഭ​രി​തനെ “ഉള്ളിൽ ഭേദമാ​കാത്ത വിചിത്ര ജീവി” എന്ന്‌ വർണ്ണി​ച്ചു​കൊണ്ട്‌ റെയിൽവേ വേൾഡ്‌ മാസിക യോജി​ക്കു​ന്നു. എന്നാൽ ആകർഷണം എവി​ടെ​യാണ്‌ സ്ഥിതി​ചെ​യ്യു​ന്നത്‌? “ഒരു തീവണ്ടി എഞ്ചിന്റെ ശക്തിയും കരുത്തും നിങ്ങൾക്കു കാണാ​നും അനുഭ​വി​ക്കാ​നും കഴിയും” എന്ന്‌ ആവി എഞ്ചിനിൽ ആവേശ​ഭ​രി​ത​നായ ഒരാൾ വിശദീ​ക​രി​ച്ചു. “അത്‌ ഏറെയും ജീവനുള്ള ഒരു വസ്‌തു​വാ​ണെന്ന്‌ തോന്നു​ന്നു.” “എന്നേസം​ബ​ന്ധി​ച്ച​ട​ത്തോ​ളം അതിന്റെ മണമാണ്‌ കാര്യം” എന്ന്‌ മറെറാ​രാൾ പ്രഖ്യാ​പി​ച്ചു.

കാത്തു​സൂ​ക്ഷി​ക്ക​പ്പെ​ടുന്ന ആവി

ആയിര​ത്തി​തൊ​ള്ളാ​യി​രത്തി അറുപ​ത്തെട്ട്‌ ഓഗസ്‌ററ്‌ മാസം ബ്രിട്ട​നി​ലെ ദേശീയ റെയിൽ സിസ്‌റ​റത്തെ സംബന്ധി​ച്ച​ട​ത്തോ​ളം സ്‌ററീം എഞ്ചിന്റെ മരണം കൈവ​രു​ത്തി. താപീയ കാര്യ​ക്ഷമത 6 ശതമാ​ന​ത്തിൽ കവിയു​ന്നത്‌ അപൂർവ​മാ​യ​തു​കൊണ്ട്‌ സ്‌ററീം എഞ്ചിനു​കൾ കൂടുതൽ ഫലപ്ര​ദ​മായ ഘർഷണ​യൂ​ണി​റ​റു​കൾക്ക്‌ വഴിമാ​റി​ക്കൊ​ടു​ത്തു. പ്രസിദ്ധ സ്‌ററീം ട്രെയി​നു​കൾ ഇട്ടിരുന്ന ഡിപ്പോ​കൾക്കു പ്രചാ​ര​മി​ല്ലാ​താ​യി. നൂറു​ക​ണ​ക്കിന്‌ ആവി എഞ്ചിനു​കൾ പൊളി​ച്ചു​വി​ററു. ആവിശ​ക്തി​യു​ഗം നാശ​ത്തോ​ട​ടു​ത്തു. ഏതായാ​ലും റെയിൽ ആസൂ​ത്രകർ ആവേശ​ഭ​രി​ത​രു​ടെ വൈകാ​രിക താൽപ്പ​ര്യ​ത്തെ കണക്കി​ലെ​ടു​ത്തില്ല. എഴുത്തു​കാ​ര​നായ ബ്രൈയൻ ഹൊളിം​ഗ്‌സ്‌വെർത്ത്‌ പറയു​ന്ന​ത​നു​സ​രിച്ച്‌ അവർ “തങ്ങളുടെ പ്രിയം​ക​ര​മായ തീവണ്ടി​ക​ളു​ടെ അപ്രത്യ​ക്ഷ​ത​യി​ലുള്ള നഷ്ടബോ​ധം പഴയനാ​ളു​ക​ളു​ടെ അന്തരീ​ക്ഷ​ത്തിൽ കുറെ കാത്തു​സൂ​ക്ഷി​ക്കാൻ ശ്രമി​ക്ക​യെന്ന ആശയം ഏറെറ​ടു​ക്കാൻ പ്രചോ​ദ​നം​നൽകിയ ആളുക​ളാ​യി​രു​ന്നു.” അവർ ഈ ജോലി എങ്ങനെ നിർവ​ഹി​ക്കാൻ ഒരു​മ്പെട്ടു?

ചിലർ ഉപയോ​ഗ​മി​ല്ലാത്ത എഞ്ചിൻ ഷെഡ്ഡുകൾ വിലക്കു​വാ​ങ്ങി. വടക്കൻ ഇംഗ്ലണ്ടി​ലെ കാൺഫോർത്തി​ലുള്ള ഇവയി​ലൊന്ന്‌ മുപ്പ​ത്തേ​ഴേക്കർ വരുന്ന ഒരു സ്‌ററീം കാഴ്‌ച​ബം​ഗ്ലാ​വാണ്‌. വിവി​ധ​ത​ര​ത്തി​ലുള്ള സ്‌ററീം എഞ്ചിനു​കൾ മാറി മാറി സന്ദർശ​കരെ രസിപ്പി​ക്കു​മാറ്‌ പാളത്തി​ലൂ​ടെ അൽപ്പദൂ​രം കോച്ചു​കൾ വലിച്ചു​കൊ​ണ്ടു പോകു​ന്നു. എന്നാൽ ബ്രിട്ട​നി​ലെ റെയിൽവേ സംരക്ഷണ സൊ​സൈ​റ​റി​ക​ളിൽ പലതി​ന്റെ​യും ലക്ഷ്യം അങ്ങനെ​യുള്ള എഞ്ചിനു​കൾ അവയുടെ ക്രമമായ ജോലി​യിൽ ഉപയോ​ഗി​ച്ചി​രുന്ന യഥാർത്ഥ പാളത്തി​ലൂ​ടെ​യുള്ള ഒരു ആവി യാത്ര​യു​ടെ ഉല്ലാസം നേടു​ക​യാണ്‌.

ആവേശ​ഭ​രി​ത​രു​ടെ ശ്രദ്ധ സൗത്ത്‌ വെയ്‌ൽസി​ലുള്ള നിരു​പ​യോഗ വസ്‌തു​ക്കൾ ഇടുന്ന ഒരു സ്‌ക്രാപ്പ്‌ യാർഡി​ലേക്ക്‌ തിരിഞ്ഞു, അത്‌ ദി സൺഡേ ടെല​ഗ്രാഫ്‌ “സ്‌ററീം ബഫ്‌സു​ക​ളു​ടെ ഒരു മെക്കാ” എന്നു വിളി​ക്ക​പ്പെ​ടു​ന്ന​താ​യി വികാസം പ്രാപി​ച്ചി​രു​ന്നു. തുണ്ടു​ക​ളാ​ക്കാൻ വിൽക്ക​പ്പെട്ട ആദ്യത്തെ 400 എഞ്ചിനു​ക​ളു​ടെ നാലി​ലൊന്ന്‌ 1983 ആയതോ​ടെ സംരക്ഷ​ണ​ത്തി​നു​വേണ്ടി വീണ്ടെ​ടു​ക്ക​പ്പെട്ടു. സ്‌ററ റെയിൽവേ മാസിക ഇങ്ങനെ റിപ്പോർട്ടു ചെയ്യുന്നു: “ബാരി സ്‌ക്രാ​പ്പ്‌യാർഡിൽ നിന്നുള്ള ആവി എഞ്ചിൻ വിടു​ത​ലു​ക​ളു​ടെ പുതുമ സമീപ​കാല വർഷങ്ങ​ളിൽ കുറഞ്ഞി​രി​ക്കാം, എന്നാൽ വേല ഇപ്പോ​ഴും തുടരു​ന്നു. “1985 സെപ്‌റ​റ​മ്പ​റിൽ വിൽക്ക​പ്പെ​ടാത്ത മൊത്തം എഞ്ചിനു​കൾ വെറും മുപ്പതാ​യി കുറഞ്ഞ​തിൽ നിന്നും “അവയി​ലൊ​ന്നൊ​ഴിച്ച്‌ എല്ലാറ​റി​നും വാങ്ങാ​നു​ദ്ദേ​ശി​ക്കുന്ന ഒരാൾ ഉണ്ടെന്നു”ള്ള വാർത്ത​യിൽ നിന്നും ഇത്‌ തെളി​യു​ന്നു.

ഒരു ആവിഎ​ഞ്ചിൻ നവീക​രി​ക്കാൻ എളുപ്പ​മൊ ലാഭമൊ അല്ല. ഏതാണ്ട്‌ 15,000 ഡോളർ വിലക്ക്‌ സ്വന്തം ആവി എഞ്ചിൻ വാങ്ങാൻ കഴിയുന്ന വ്യക്തികൾ അധിക​മില്ല. പുനഃ​സ്ഥി​തീ​ക​ര​ണ​ത്തിന്‌ മറെറാ​രു 30,000 ഡോളർ കൂടി ചെലവാ​കും. ആവേശ​ഭ​രി​ത​രു​ടെ ടീമുകൾ ഭയന്നു​മാ​റാ​തെ എഞ്ചിനു​കൾ വാങ്ങു​ക​യും അവ പുനഃ​സ്ഥി​തീ​ക​രി​ക്കു​ന്ന​തിന്‌ വാരാ​ന്ത്യ​ങ്ങ​ളി​ലും മററ്‌ ഒഴിവു സമയങ്ങ​ളി​ലും പണി​യെ​ടു​ക്കു​ക​യും ചെയ്യുന്നു. 1983 ആയപ്പോ​ഴേക്ക്‌ അവർ ഏതാണ്ട്‌ ആയിരം ആവി എഞ്ചിനു​കൾ സംരക്ഷി​ച്ചി​രു​ന്നു. “സംരക്ഷിത ആവിയെ” ഉപയോ​ഗ​മുള്ള സ്‌ററീം ആക്കുക​യെന്ന ലക്ഷ്യ​ത്തോ​ടെ ബ്രിട്ട​നി​ലെ നൂറ്‌ റെയിൽവേ സംരക്ഷണ സൊ​സൈ​റ​റി​കൾ ഇപ്പോൾ 229 മൈൽ ട്രാക്കി​ന്റെ ഉടമക​ളാ​യി​രി​ക്ക​യാണ്‌. ഇവയിൽ ബ്ലൂബെൽ റെയിൽവേ​യാണ്‌ സ്വകാര്യ സ്‌ററാൻഡേർഡ്‌ ഗെയ്‌ജ്‌ ലൈനു​ക​ളു​ടെ ഇടയിലെ മുന്നോ​ടി.

ബ്ലൂബെൽ ലൈനി​ലൂ​ടെ ഒരു യാത്ര

എന്റെ കൈയി​ലെ റെയിൽ ടിക്കററ്‌ ഷെഫീൽഡ്‌ പാർക്കു​മു​തൽ ഹോർസ്‌റെ​റഡ്‌ കെയ്‌നെസ്‌ വരെയുള്ള ഒരു റൗണ്ട്‌ ട്രിപ്പിന്‌ മതിയാ​യ​താണ്‌. സ്‌റേ​റ​ഷ​നി​ലെ പ്ലാററ്‌ഫോ​മിൽ നിന്നു​കൊണ്ട്‌ 0415-ക്ലാസ്സ്‌ എഞ്ചിൻ നമ്പർ 488 പുകപ​ട​ല​ത്തിൽ പൊതിഞ്ഞ്‌ അനായാ​സം പുറ​ത്തേ​ക്കി​റ​ങ്ങു​മ്പോൾ ഞാൻ ലൈനി​ലൂ​ടെ എഞ്ചിൻഷെ​ഡ്ഡു​ക​ളി​ലേക്ക്‌ നോക്കു​ക​യാണ്‌. വിക്‌ടോ​റി​യാ യുഗത്തി​ലെ സ്‌മര​ണാർഹ​ങ്ങ​ളായ വസ്‌തു​ക്കൾ ചുററു​പാ​ടു​മെ​ല്ലാ​മുണ്ട്‌. ഒരു ചെറിയ കാഴ്‌ച​ബം​ഗ്ലാവ്‌ ആവി യുഗത്തി​ന്റെ മുന്നണി​പ്ര​വർത്ത​ക​രാ​യി​രുന്ന ജയിംസ്‌ വാട്ട്‌, ജോർജ്‌ സ്‌ററീ​ഫൻസൺ, ഐ. കെ. ബ്രൂണൽ എന്നിവ​രു​ടെ വർണ്ണസ്‌ഫ​ടിക ചിത്രങ്ങൾ സഹിതം ആവിയു​ഗ​ത്തി​ന്റെ പ്രശസ്‌ത നാളിനെ പുനരാ​വി​ഷ്‌ക​രി​ക്കു​ന്നു. പഴയ റെയിൽ ടിക്കറ​റു​ക​ളും യൂണി​ഫോ​റ​ങ്ങ​ളും ടൈം​ടേ​ബി​ളു​ക​ളും എഞ്ചിൻ റാന്തലു​ക​ളും ഗാർഡു​ക​ളു​ടെ കൊടി​ക​ളും എല്ലാം അവി​ടെ​യുണ്ട്‌.

ഇപ്പോൾ കോച്ചു​ക​ളോട്‌ ഘടിപ്പി​ച്ചി​രി​ക്കുന്ന നമ്പർ 488 തീവണ്ടി​യെ നയിക്കു​ന്നു. സെമാ​ഫോർ സിഗ്നൽ അഥവാ കൈചൂ​ണ്ടി​പ്പലക താഴുന്നു. ഗാർഡ്‌ വിസിൽ ഊതു​ക​യും പച്ചക്കൊ​ടി വീശു​ക​യും ചെയ്യുന്നു. മുമ്പിൽ നിന്ന്‌ എഞ്ചിന്റെ സജീവ പ്രതി​ക​രണം വരുന്നു—ടൂ-ട്ട്‌! സാവധാ​ന​ത്തിൽ വർദ്ധി​ക്കുന്ന വേഗത​യോ​ടെ നമ്മുടെ തീവണ്ടി നീങ്ങുന്നു. ആദ്യം ആവിവ​ണ്ടി​യി​ലെ യാത്ര​ക്കാർക്ക്‌ പരിചി​ത​മായ അഗ്രാ​ഹ്യ​വും പിന്നീട്‌ വളരെ താളാ​ത്മ​ക​വു​മാ​യി സാവധാ​ന​ത്തി​ലുള്ള മേൽപ്പോ​ട്ടും കീഴ്‌പ്പോ​ട്ടു​മുള്ള ചലനം അനുഭ​വ​പ്പെ​ടു​ന്നു. പാളത്തി​ന്റെ ബന്ധങ്ങൾ കടക്കു​മ്പോൾ കേൾക്കുന്ന റാ-ററാററ്‌-ററാററ്‌ ശബ്ദത്തിന്‌ വേഗത കൂടുന്നു. സാവധാ​ന​ത്തി​ലുള്ള ഉയരത്തി​ലേക്ക്‌ എഞ്ചിൻ പുക തുപ്പി​ക്കൊണ്ട്‌ കുതി​ക്കു​ന്നു.

നമ്മുടെ തീവണ്ടി സ്‌റേ​റ​ഷനെ പിമ്പി​ലാ​ക്കി​ക്കൊണ്ട്‌ വസന്ത ഗ്രാമ​ത്തി​ലൂ​ടെ​യുള്ള ഒരു വഴിയെ നീങ്ങുന്നു. വളർന്നു​കൊ​ണ്ടി​രി​ക്കുന്ന ചോള വയലു​ക​ളി​ലൂ​ടെ നീങ്ങു​മ്പോൾ അത്‌ ഒരു താഴ്‌ച​കൂ​ടിയ സ്ഥലത്ത്‌ സാവധാ​ന​ത്തി​ലാ​കു​ന്നു. ഒരു റോഡി​ലെ ഇഷ്ടിക​പ്പാ​ല​ത്തിൻ കീഴി​ലൂ​ടെ അത്‌ മുന്നോ​ട്ടു പോകു​ന്നു. അത്‌ ഒരു വളവ്‌ കടക്കു​മ്പോൾ അതിന്റെ വിസിൽ ജാഗ്രത ഉണർത്തു​ന്നു. അത്‌ ഒരു വനത്തി​ലേക്ക്‌ കുതി​ക്കു​ന്നു. ആവിയു​ടെ തൂവൽ ദിശയെ സൂചി​പ്പി​ക്കു​ന്നു. ഇപ്പോൾ നാം ബ്‌ളൂ​ബെൽസ്‌ പുഷ്‌പ​ങ്ങ​ളു​ടെ​യും ബട്ടർക​പ്പ്‌സ്‌ പുഷ്‌പ​ങ്ങ​ളു​ടെ​യും മനോ​ഹ​ര​മായ പരവതാ​നി​ക്ക​രി​കി​ലൂ​ടെ സഞ്ചരി​ക്കു​ന്നു. ആ ലൈനിന്‌ ബ്‌ളു​ബെൽ ലൈൻ എന്ന്‌ പേരു​കി​ട്ടി​യത്‌ അങ്ങനെ​യാണ്‌. അടുത്ത​താ​യി ഹോർസ്‌റെ​റഡ്‌ കെയ്‌ൻസ്‌ സ്‌റേ​റ​ഷനെ സമീപി​ക്കു​മ്പോ​ഴുള്ള അന്തിമ മേട്ടി​ലേക്ക്‌ എഞ്ചിൻ കയറു​മ്പോൾ മുമ്പോ​ട്ടും പിമ്പോ​ട്ടു​മുള്ള ഒരു ചലനം അനുഭ​വ​പ്പെ​ടു​ന്നു. മറെറാ​രു സെമാ​ഫോർ സിഗ്നൽ കടന്ന്‌ നാം പ്രധാ​ന​പ്പെട്ട രണ്ട്‌ പ്ലാററ്‌ഫോ​മു​കൾക്കി​ട​യി​ലേക്ക്‌ പ്രതാ​പ​ത്തോ​ടെ പ്രവേ​ശി​ക്കു​ന്നു. നമ്മൾ പുറ​പ്പെട്ട്‌ 20 മിനിട്ട്‌ കഴിഞ്ഞ്‌ അവിടെ എത്തുന്നു.

പുനഃ​സ്ഥി​തീ​ക​രി​ക്ക​പ്പെട്ട സ്‌റേ​റഷൻ കെട്ടി​ടങ്ങൾ ചുററി നടന്നു കാണാൻ ഇപ്പോൾ സമയമുണ്ട്‌. ലഘുഭ​ക്ഷ​ണ​ശാ​ല​യിൽ അൽപ്പസ​മയം ചെലവ​ഴി​ക്കാം. പിന്നീട്‌ നാം മടക്കയാ​ത്രക്ക്‌ തീവണ്ടി​യിൽ തിരികെ കയറുന്നു. എഞ്ചിൻ വിജയ​ക​ര​മാ​യി നമ്മുടെ തീവണ്ടി​യു​ടെ മറേറ അററത്ത്‌ ഘടിപ്പി​ച്ചി​രി​ക്കു​ന്നു. തിരിയെ ഷെഫീൽഡ്‌ പാർക്കി​ലേക്ക്‌ പെട്ടെ​ന്നുള്ള ഇറക്കത്തി​ലാണ്‌ അത്‌.

സന്ദർശ​ക​രാ​യ സ്‌കൂൾകു​ട്ടി​കൾ ആവിശ​ക്തി​കൊ​ണ്ടോ​ടുന്ന തീവണ്ടി​യി​ലെ തങ്ങളുടെ ആദ്യ സവാരി​ക്കാ​യി ഇറങ്ങി​പ്പോ​കുന്ന യാത്ര​ക്കാർക്കു ചുററും കൂടുന്നു. അവരുടെ കൂട്ടത്തിൽ തുടരുന്ന ആവിയു​ഗ​ത്തി​ന്റെ തെളിവ്‌ പിടി​ച്ചെ​ടു​ക്കാൻ തുനി​ഞ്ഞി​റ​ങ്ങി​യി​രി​ക്കുന്ന മുതിർന്നവർ ഉണ്ട്‌, അവർ സ്‌ററിൽ ക്യാമ​റാ​ക​ളും വീഡി​യോ ക്യാമ​റാ​ക​ളും എടുത്തി​രി​ക്കു​ന്നു.

വീണ്ടും ആവി​കൊ​ണ്ടുള്ള മുഖ്യ ലൈനോ?

സ്വകാര്യ ലൈനു​ക​ളു​ടെ വിജയം സംസ്ഥാന റെയിൽ സിസ്‌റ​റ​മായ ബ്രിട്ടീഷ്‌ റെയ്‌ലി​ന്റെ ചിന്തയെ സ്വാധീ​നി​ച്ചി​രി​ക്കു​ന്നു. പ്രത്യേക വിനോ​ദ​സ​ഞ്ചാര തീവണ്ടി​കൾക്ക്‌ നേതൃ​ത്വം വഹിക്കു​ന്ന​തിന്‌ ചില പഴയ ഭീമ ആവി എഞ്ചിനു​കൾ സാധാ​ര​ണ​യുള്ള മുഖ്യ ലൈനു​ക​ളിൽ വർണ്ണോ​ജ്ജ്വ​ല​മായ വേഷത്തിൽ ഇപ്പോൾ പരേഡ്‌ ചെയ്യു​ന്നുണ്ട്‌. ദൃഷ്ടാ​ന്ത​മാ​യി 1938-ൽ മണിക്കൂ​റിൽ 126 മൈൽ ഓടി റിക്കാർഡു ഭേദിച്ച്‌ പ്രശസ്‌തി നേടിയ ദി ഗാർട്ടർ ബ്ലൂ മല്ലാർഡ്‌ അടുത്ത കാലത്ത്‌ 1963-നു ശേഷം ആദ്യമാ​യി ആവി ശക്തിയാൽ ഒരു തീവണ്ടി​യെ യോർക്കി​ലെ അതിന്റെ നാഷണൽ മ്യൂസി​യം ഭവനത്തിൽ നിന്ന്‌ വലിച്ചു​കൊ​ണ്ടു​പോ​യി.

മുഖ്യ ലൈൻ സ്‌ററീ​മി​ന്റെ സംരക്ഷണം ആവേശ​ഭ​രി​ത​രു​ടെ​യെ​ല്ലാം ഹൃദയ​ത്തിൽ ഒരു സ്ഥാനം നേടി. വാരാ​ന്ത്യ​ങ്ങ​ളിൽ ഒരു സ്‌ററീം എക്‌സ്‌പ്ര​സ്സി​ന്റെ പുളക​പ്ര​ദ​മായ ഇരമ്പൽ കേൾക്കാൻ ശതക്കണ​ക്കി​നാ​ളു​കൾ സ്‌റേ​റഷൻ പ്ലാററ്‌ഫോ​മിൽ അണിനി​ര​ക്കു​ന്നു. ആവി യുഗം തങ്ങിനിൽക്കു​ന്നു എന്നതിന്റെ തെളി​വാ​യി തീവണ്ടി​കൾ ഇരമ്പി​പ്പാ​യു​മ്പോൾ ആളുകൾ കഴുത്തു​നീ​ട്ടി​യും തിരി​ച്ചും നോക്കു​ന്നു.—ബ്രിട്ട​നി​ലെ ഉണരുക! ലേഖകൻ. (g88 3/8)

[17-ാം പേജിലെ ചിത്രം]

മുകളിൽ: 1825-ൽ ആവിശക്തി കൊണ്ടുള്ള ആദ്യത്തെ പൊതു റയിൽവേ​ക്കു​വേണ്ടി ജോർജ്‌ സ്‌ററീ​ഫൻസൺ & കമ്പനി നിർമ്മിച്ച ആവിഎ​ഞ്ചി​ന്റെ മാതൃക.

[കടപ്പാട്‌]

Beamish North of England Open-Air Museum

[15-ാം പേജിലെ ചിത്ര​ത്തിന്‌ കടപ്പാട്‌]

Beamish North of England Open-Air Museum

[16-ാം പേജിലെ ചിത്ര​ത്തിന്‌ കടപ്പാട്‌]

Photos: The Bluebell Railway, England