ക്യൂ ഗാർഡൻസ്‌—ലോക​ത്തി​നു വേണ്ടി​യുള്ള പറിച്ചു​ന​ടീൽ കേന്ദ്രം

ബ്രിട്ടനിലെ ഉണരുക! ലേഖകൻ

ഇംഗ്ലണ്ടി​ലെ ലണ്ടനിൽനി​ന്നുള്ള തോട്ട​നിർമ്മാ​ണ​വി​ദ​ഗ്‌ദ്ധ​നായ സൈമൻ ഗുഡി​നഫ്‌ തന്റെ സ്വാഭാ​വിക ഉയരഭീ​തി തരണം​ചെ​യ്‌തു​കൊണ്ട്‌ വിദൂര സൗത്ത്‌ അററ്‌ലാൻറി​ക്ക്‌ദ്വീ​പായ സെൻറ്‌ ഹെലീ​നാ​യി​ലെത്തി, ഒരു ചെങ്കു​ത്തു​മു​ഖ​ത്തി​ലൂ​ടെ അദ്ദേഹം കയറിൽ സൂക്ഷ്‌മ​ത​യോ​ടെ ഊർന്നി​റങ്ങി. ഒടുവിൽ അയാൾ തന്റെ ലക്ഷ്യത്തി​ലെ​ത്തു​ക​യും ചെങ്കു​ത്തി​ന്റെ വശത്തു​നിന്ന്‌ ഒരു അപൂർവ്വ ഇനം ഡെയി​സി​ച്ചെ​ടി​യു​ടെ മാതൃക സാവധാ​ന​ത്തിൽ പറി​ച്ചെ​ട​ക്കു​ക​യും​ചെ​യ്‌തു. മിക്കവാ​റും അസ്‌ത​മി​ച്ചു​പോ​യി​രുന്ന ഈ കുററി​ച്ചെടി പിന്നീട്‌ സൂക്ഷ്‌മ​പ​രി​പാ​ല​ന​ത്തി​നാ​യി ഇംഗ്ലണ്ടി​ലേക്ക്‌ 6,000 മൈൽവ​രുന്ന ഒരു യാത്ര തിരിച്ചു.

ചെടിക്ക്‌ ഇംഗ്ലണ്ടിൽ ലഭിച്ച പരിപാ​ല​ന​ത്തോട്‌ അത്‌ നന്നായി പ്രതി​ക​രി​ക്കു​ക​യും പെരു​കാൻ തുടങ്ങു​ക​യും​ചെ​യ്‌തു. അത്‌ സെൻറ്‌ഹെ​ലീ​ന​യി​ലേക്ക്‌ തിരി​ച്ച​യ​ക്ക​പ്പെട്ടു, രണ്ടു വർഷം കഴിഞ്ഞ​പ്പോൾ അപൂർവ​മായ ആ ഒരു ചെടി ഒരായി​ര​മാ​യി​ത്തീ​രു​ക​യും ആ ദ്വീപി​ന്റെ മണ്ണൊ​ലി​പ്പു പ്രശ്‌ന​ത്തി​ന്റെ പരിഹാ​ര​ത്തിന്‌ സഹായി​ക്കു​ക​യും​ചെ​യ്‌തു.

ഇത്‌ ഇംഗ്ലണ്ട്‌, ലണ്ടനിലെ റോയൽ ബോട്ടാ​ണിക്ക്‌ ഗാർഡൻസ്‌ നേടിയ അനേകം പറിച്ചു​ന​ടീൽ വിജയ​ങ്ങ​ളിൽ ഒന്നുമാ​ത്ര​മാണ്‌. എന്നാൽ ഈ ചെടി ഇത്രയും ദൂരേക്ക്‌ അയക്കു​ന്ന​തെ​ന്തി​നെന്ന്‌ നിങ്ങൾ അറിയാ​നാ​ഗ്ര​ഹി​ച്ചേ​ക്കാം. ക്യൂവി​ലെ ഗാർഡൻസി​ന്റെ പ്രത്യേ​ക​ത​യെ​ന്താണ്‌?

ശാസ്‌ത്ര​ത്തി​നും ഉല്ലാസ​ത്തി​നും വേണ്ടി​യുള്ള തോട്ടങ്ങൾ

നന്നായി ക്രമീ​ക​ര​ണം​ചെ​യ്യ​പ്പെ​ട്ടി​രി​ക്കുന്ന 288 ഏക്കർ തോട്ട​ത്തി​ന്റെ സന്ദർശനം ആസ്വദി​ക്കു​ന്ന​തിന്‌ ഓരോ വർഷവും പത്തുല​ക്ഷ​ത്തി​ല​ധി​കം സന്ദർശകർ വരുന്നുണ്ട്‌. ഏതു സീസണി​ലും അനേകം തരം സസ്യങ്ങ​ളു​ടെ നവോൻമേ​ഷ​ദാ​യ​ക​മായ സുഗന്ധം വഹിക്കു​ന്ന​താണ്‌ അവിടത്തെ വായു. ക്യൂവി​ലെ 40,000ത്തിൽപരം വ്യത്യ​സ്‌ത​തരം ചെടി​ക​ളു​ടെ ജീവി​ക്കുന്ന ശേഖരം അനേക​രും ക്യൂ ഗാർഡൻസി​നെ ലോക​ത്തി​ലെ ഏററം നല്ല ബോട്ടാ​ണി​ക്കൽ ഗാർഡൻ എന്നു വീക്ഷി​ക്കാ​നി​ട​യാ​ക്കി​യി​രി​ക്കു​ന്നു. എന്നാൽ ക്യൂ ഗാർഡൻസ്‌ സംബന്ധിച്ച്‌ കേവലം ഭംഗി​യിൽ കവിഞ്ഞ കാര്യ​ങ്ങ​ളുണ്ട്‌.

ബോട്ടാ​ണി​ക്കൽ ഗാർഡ​നു​ക​ളു​ടെ മുഖ്യ​ധർമ്മ​ങ്ങ​ളി​ലൊന്ന്‌ പൊതു​ജ​ന​വി​ദ്യാ​ഭ്യാ​സ​മാ​ണെന്ന്‌ നിങ്ങൾക്ക്‌ അറിയാ​മോ? എന്തിന്‌, “പുഷ്‌പ​ങ്ങ​ളാ​കുന്ന പാഠപ്പു​സ്‌ത​ക​ങ്ങ​ളോ​ടു​കൂ​ടിയ ഒരു യൂണി​വേ​ഴ്‌സി​ററി”യെന്ന്‌ ക്യൂ വർണ്ണി​ക്ക​പ്പെ​ട്ടി​ട്ടുണ്ട്‌! പഠനത്തി​ന്റെ ഈ ബോട്ടാ​ണി​ക്കൽ ആസ്ഥാന​ത്തി​നു തുടക്ക​മി​ട്ട​തെ​ങ്ങ​നെ​യാ​യി​രു​ന്നു?

ഡൊവാ​ഗർ വെയിൽസ്‌ രാജകു​മാ​രി​യാ​യി​രുന്ന ഒഗസ്‌ററാ, റിച്ച്‌മോ​ണ്ടി​ലെ തേംസ്‌ നദീതീ​രത്തെ തന്റെ ഭൂമി​യിൽ തോട്ടങ്ങൾ നട്ടുപി​ടി​പ്പിച്ച 18-ാം നൂററാ​ണ്ടി​ന്റെ മദ്ധ്യം മുതൽ ക്യൂ തോട്ട​കൃ​ഷി​സം​ബ​ന്ധ​മായ താല്‌പ​ര്യ​ത്തി​ന്റെ കേന്ദ്ര​മാ​യി​രു​ന്നി​ട്ടുണ്ട്‌. എന്നാൽ ഏറെയും സർ ജോസഫ്‌ ബാങ്ക്‌സി​ന്റെ (1743-1820) സഹായ​ത്താ​ലാണ്‌ ക്യൂ ഗാർഡൻസ്‌ പ്രസി​ദ്ധ​മാ​യത്‌. അദ്ദേഹം വമ്പിച്ച ഒരു സസ്യ​ശേ​ഖ​ര​ണ​പ​ദ്ധതി സംഘടി​പ്പി​ച്ചു. സസ്യശാ​സ്‌ത്ര​ജ്ഞൻമാർ സസ്യമാ​തൃ​കകൾ കൊണ്ടു​വന്ന്‌ വർഗ്ഗീ​ക​രണം നടത്താൻ ലണ്ടനിൽനിന്ന്‌ ലോക​ത്തി​ലെ​ങ്ങും സഞ്ചരിച്ചു. ക്യൂവിൽ ഉണക്കി അമർത്തി​വെ​ച്ചി​രി​ക്കുന്ന സസ്യങ്ങ​ളു​ടെ, ലോക​ത്തി​ലെ എററവും വലിയ ശേഖര​ങ്ങ​ളി​ലൊ​ന്നുണ്ട്‌. അതിലെ ഫയലു​ക​ളിൽ 65,00,000 ചെടി​ക​ളു​ടെ വിശദാം​ശങ്ങൾ ഉണ്ട്‌.

പ്രസിദ്ധ വിജയങ്ങൾ

ഗോള​ത്തി​ന്റെ ഒരു ഭാഗത്തു​നിന്ന്‌ മറെറാ​ന്നി​ലേക്ക്‌ ചെടി​കളെ മാററാൻ ക്യൂവി​ലെ സന്ദേശ​വാ​ഹകർ സഹായി​ച്ചു. ഒരു ക്യൂ ഗാർഡ​ന​റായ ഡേവിഡ്‌ നെൽസൻ 1787-ൽ ക്യാപ്‌ററൻ ബൈയ്‌ളു​ടെ നേതൃ​ത്വ​ത്തിൽ ബൗണ്ടി എന്ന പ്രസിദ്ധ കപ്പലിൽ ഇംഗ്ലണ്ടിൽനി​ന്നു പുറ​പ്പെട്ടു. അയാളു​ടെ ദൗത്യ​മെ​ന്താ​യി​രു​ന്നു? സൗത്ത്‌ പസഫി​ക്കി​ലെ താഹി​തി​യിൽനിന്ന്‌ ധാന്യ​ക​സ​മൃ​ദ്ധ​മായ കടപ്ലാം​ച​ക്ക​ശേ​ഖ​രിച്ച്‌ ഒരു ഭക്ഷ്യ​പ്ര​ഭ​വ​മെന്ന നിലയിൽ കരീബി​യ​നിൽ നടുക​യെ​ന്ന​താ​യി​രു​ന്നു. ആ ദുരന്ത നാവി​ക​യാ​ത്ര ലഹളയിൽ കലാശി​ച്ചു. ക്യാപ്‌റ​റ​നോ​ടു​കൂ​ടെ കപ്പൽചേ​ത​ത്തിൽപെട്ട നെൽസൻ ഒടുവിൽ ഇൻഡോ​നേ​ഷ്യൻദ്വീ​പായ ടൈമ​റിൽ ഭൂമി സമ്പാദി​ച്ചു. അവിടെ അദ്ദേഹം മരിച്ചു. എന്നിരു​ന്നാ​ലും, മററു ക്യൂ പ്രതി​നി​ധി​കൾ പിൻതു​ടർന്നു, ഒടുവിൽ കടപ്ലാം​ചക്ക അതിന്റെ ലക്ഷ്യമായ സെൻറ്‌ വിൻസൻറ്‌ ദ്വീപി​ലെത്തി.

ലാഭ സസ്യശാ​സ്‌ത്രം അഥവാ പ്രയോ​ജ​ന​ക​ര​മായ ചെടി​കൾക്കു​വേ​ണ്ടി​യുള്ള അന്വേ​ഷണം ക്യൂവി​ന്റെ പ്രത്യേ​ക​ത​യാ​യി​ത്തീർന്നു. ഈ ഗാർഡൻസ്‌ ലോക​ച​രി​ത്ര​ത്തെ​ത്തന്നെ മാററി​മ​റി​ച്ചു​വെന്ന്‌ ചിലർ വിശ്വ​സി​ക്കുന്ന ഒരു പദാർത്ഥ​ത്തി​ന്റെ ഉല്‌പാ​ദ​ന​ത്തി​നു സംഭാ​വ​ന​ചെ​യ്‌തു. പെറു​വി​ലെ കൊയി​നാ മരത്തിന്റെ പട്ടയിൽനിന്ന്‌ വേർതി​രി​ച്ചെ​ടു​ക്കുന്ന മലമ്പനി​ക്കെ​തി​രായ ഒരു ശക്തമായ ഔഷധ​മായ കൊയി​നാ ആണത്‌.

ഇൻഡ്യാ ഉപഭൂ​ഖ​ണ്ഡ​ത്തി​ന്റെ ബാധയാ​യി​രുന്ന മലമ്പനി​യു​ടെ നിയ​ന്ത്ര​ണ​ത്തി​നു സഹായി​ക്ക​ണ​മെ​ന്നുള്ള അഭിലാ​ഷം ഒരു ക്ലെമൻറ്‌ മാർക്കാം വളർത്തി. 1859-ൽ നിത്യ​ഹ​രിത കൊയി​നാ​മ​ര​ത്തി​ന്റെ അറിയ​പ്പെ​ടുന്ന സകല ജാതി​ക​ളു​ടെ​യും വിത്തു​ക​ളും ചെടി​ക​ളും ശേഖരി​ക്കാൻ പെറു​വി​ലും ഇക്വ​ഡോ​റി​ലും ബൊളീ​വി​യ​യി​ലും പര്യ​വേ​ക്ഷണം നടത്തു​ന്ന​തിന്‌ മററു തോട്ട​നിർമ്മാ​ണ​ത​ല്‌പ​ര​രു​മാ​യി അദ്ദേഹം ക്യൂവിൽ നിന്നു പുറ​പ്പെട്ടു. മോശ​മായ കാലാ​വ​സ്ഥ​യും ഗതാഗ​ത​ത്തി​ന്റെ ക്ലേശങ്ങ​ളു​മു​ണ്ടാ​യി​രു​ന്നി​ട്ടും ചില തൈകൾ ക്യൂവി​ലെ സസ്യോ​ഷ്‌ണ​ശാ​ല​യു​ടെ സംരക്ഷ​ണ​ത്തിൻകീ​ഴി​ലെത്തി. ഇവിടെ വിദഗ്‌ദ്ധ​രു​ടെ പരിപാ​ല​ന​ത്തിൽ അവ പുനരു​ല്‌പാ​ദനം നടത്തു​ക​യും തുടർന്ന്‌ ഇൻഡ്യ​യി​ലേക്ക്‌ അയക്ക​പ്പെ​ടു​ക​യും ചെയ്‌തു. അധികം താമസി​യാ​തെ ഇൻഡ്യ​യി​ലെ ഗ്രാമ​ങ്ങ​ളിൽ കൊയി​നാ​യു​ടെ ഡോസു​കൾ ക്രമമാ​യി ലഭ്യമാ​യി​ത്തു​ടങ്ങി.

ക്യൂ മ്യൂസി​യ​ത്തി​ലെ ഒരു പ്രദർശ​ന​ക്കൂട്‌ മറെറാ​രു പറിച്ചു​ന​ടീൽവി​ജ​യകഥ ഭംഗി​യാ​യി വരച്ചു​കാ​ട്ടു​ന്നു. അവിടെ നിങ്ങൾക്ക്‌ റബ്ബർക്കു​രു (ഹെവീ ബ്രാസി​ലി​യെൻസിസ) ശേഖര​ണ​ത്തി​ന്റെ വിശദാം​ശങ്ങൾ കാണാൻ കഴിയും. ക്യൂവി​ലെ ഒരു മുൻ ഡയറക്ട​റാ​യി​രുന്ന ജോസഫ്‌ ഹൂക്കർ ഈ വിത്തുകൾ തെക്കെ അമേരി​ക്ക​യിൽനിന്ന്‌ ക്യൂവി​ലേക്കു മാററു​ന്ന​തിന്‌ ഒരു പദ്ധതി സംവി​ധാ​നം​ചെ​യ്‌തു. ഗതാഗ​ത​പ്ര​യാ​സ​ങ്ങ​ളു​ണ്ടാ​യി​രു​ന്നി​ട്ടും ഒടുവിൽ 70,000 വിത്തുകൾ ഇംഗ്ലണ്ടി​ലെ ലിവർപൂ​ളി​ലെത്തി. അവിടെ അവ ക്യൂവി​ലേ​ക്കുള്ള പ്രത്യേക തീവണ്ടി​യാ​ത്ര തുടർന്നു. അവയിൽ 2,397 എണ്ണം മാത്രമേ വിജയ​ക​ര​മാ​യി മുളച്ചു​ള്ളു​വെ​ങ്കി​ലും രണ്ടു മാസത്തി​നകം 1,919 എണ്ണം സിലോ​ണി​ലേ​ക്കും (ഇപ്പോൾ ശ്രീലങ്ക) മലയാ​യി​ലേ​ക്കും അയച്ചു. അവയിൽനി​ന്നാണ്‌ ആ രാജ്യ​ങ്ങ​ളി​ലെ ഇന്നത്തെ വിസ്‌തൃ​ത​മായ റബ്ബർതോ​ട്ടങ്ങൾ വളർന്നു​വ​ന്നത്‌.

ക്യൂവി​ലെ 19-ാംനൂ​റ​റാ​ണ്ടി​ലെ നേട്ടങ്ങ​ളിൽ അസൻഷൻദ്വീ​പിൽ വളരേണ്ട വൃക്ഷങ്ങ​ളു​ടെ തെര​ഞ്ഞെ​ടുപ്പ്‌ ഉൾപ്പെ​ടു​ന്നു. നേരത്തെ അത്‌ മിക്കവാ​റും വൃക്ഷര​ഹി​ത​മാ​യി​രു​ന്നു. ഗാർഡൻസ്‌ കോച്ചീ​നി​യൽ പ്രാണി​കളെ വളർത്താൻ ഉപയോ​ഗി​ക്കു​ന്ന​തിന്‌ കാനറി​ദ്വീ​പു​ക​ളി​ലേക്ക്‌ കള്ളിമുൾച്ചെ​ടി​കൾ അയക്ക​പ്പെട്ടു. ഈ പ്രാണി​യെ പൊടിച്ച്‌ സൗന്ദര്യ​വർദ്ധ​ക​വ​സ്‌തു​ക്ക​ളി​ലും ചില പാനീ​യ​ങ്ങ​ളി​ലും നിറം പകരു​ന്ന​തിന്‌ ഉപയോ​ഗി​ക്ക​പ്പെ​ടു​ന്നു. പ്രയോ​ജ​ന​ക​ര​ങ്ങ​ളായ മററ​നേകം ചെടികൾ ആസ്‌​ത്രേ​ലി​യാ​യി​ലേ​ക്കും ന്യൂസീ​ല​ണ്ടി​ലേ​ക്കും സൗത്താ​ഫ്രി​ക്ക​യി​ലേ​ക്കും ഐക്യ​നാ​ടു​ക​ളി​ലേ​ക്കും അയച്ചു.

എന്നാൽ ഇന്ന്‌ ക്യൂവി​നെ സംബന്ധി​ച്ചെന്ത്‌? അതിലെ തോട്ട​നിർമ്മാ​ണ​വി​ദ​ഗ്‌ദ്ധ​രു​ടെ നൈപു​ണ്യ​ത്തിൽനിന്ന്‌ നമുക്കി​പ്പോ​ഴും പ്രയോ​ജനം കിട്ടു​ന്നു​ണ്ടോ?

ഇംഗ്ലണ്ടി​ലെ ചികിൽസാ​ശാ​സ്‌ത്ര​കാ​ലാ​വസ്ഥ

ഗാർഡന്റെ പ്രവർത്തനം “ലോക​ത്തി​ലെ വ്യത്യ​സ്‌ത​പ്ര​ദേ​ശ​ങ്ങ​ളിൽ, വിശിഷ്യ, ഊഷര​മായ മദ്ധ്യ​രേ​ഖാ​പ്ര​ദേ​ശ​ങ്ങ​ളിൽ, കൃഷി​ചെ​യ്യാൻ പററിയ ലാഭക​ര​മായ ചെടി​ക​ളെ​സം​ബ​ന്ധിച്ച അറിവ്‌ പരത്തുക”യെന്ന താല്‌പ​ര്യ​ത്തി​ലാ​ണെന്ന്‌ അതിന്റെ ഡയറക്ടർ കാണുന്നു. കൽക്കരി​യും എണ്ണയും പോലുള്ള അംശക ഇന്ധന ശേഖര​ങ്ങ​ളു​ടെ ശോഷണം ഇന്ധനങ്ങ​ളു​ടെ​യും ഔഷധ​സം​യു​ക്ത​ങ്ങ​ളു​ടെ​യും മുഖ്യ ഉറവായി ചെടി​കളെ ഉപയോ​ഗി​ക്കാൻ മനുഷ്യ​വർഗ്ഗത്തെ നിർബ​ന്ധി​ത​രാ​ക്കു​മെന്ന്‌ അദ്ദേഹം വിശ്വ​സി​ക്കു​ന്നു. നിലത്തിന്‌ നല്ല മണ്ണുസം​ര​ക്ഷ​ണാ​വ​രണം പ്രദാ​നം​ചെ​യ്യാൻ പ്രാപ്‌തി​യുള്ള ചെടികൾ കൃഷി​ചെ​യ്യു​ക​നി​മി​ത്തം ചില പ്രദേ​ശങ്ങൾ മെച്ചപ്പെട്ട പരിസ്ഥി​തി ആസ്വദി​ക്കു​ന്നു, അവയെ​ക്കു​റിച്ച്‌ ക്യൂവിൽ പഠനം നടത്തി​യി​രു​ന്നു.

സസ്യ​രോ​ഗാ​ണു​ബാ​ധ​യു​ടെ കെടു​തി​ക​ളോ​ടു പൊരു​തു​ന്ന​തിന്‌ ഒരു “ഇൻറർമീ​ഡി​യ​ററ്‌ ക്വാരൻ​റൈ​റ​നിംഗ്‌”പദ്ധതി പ്രയോ​ജ​ന​ക​ര​മെന്ന്‌ തെളി​യു​ന്നുണ്ട്‌. ക്യൂവിൽ വന്നെത്തുന്ന ഏതെങ്കി​ലും രോഗ​ബാ​ധിത ചെടി അതിന്റെ പുതിയ ലക്ഷ്യത്തി​ലേക്കു യാത്ര തിരി​ക്കു​ന്ന​തി​നു​മുമ്പ്‌ ചികിൽസക്ക്‌ സമയമാ​വ​ശ്യ​മാണ്‌. ഇവി​ടെ​യാണ്‌ ഇംഗ്ലണ്ടി​ലെ കാലാവസ്ഥ ചികിൽസാ​ഗു​ണ​മു​ള്ള​താ​ണെന്ന്‌ തെളി​യു​ന്നത്‌. ദൃഷ്ടാ​ന്ത​മാ​യി, ചില​പ്പോൾ വെസ്‌ററ്‌ ഇൻഡ്യൻ കൊ​ക്കോ​യെ ദൂഷി​ത​മാ​ക്കുന്ന രോഗാ​ണു​ക്കളെ ക്യൂവി​ലെ നിയ​ന്ത്രിത കാലാവസ്ഥ കൊല്ലു​ന്നു. അങ്ങനെ​യുള്ള ചികിൽസ ആരോ​ഗ്യം വീണ്ടെ​ടുത്ത ചെടികൾ വെസ്‌റ​റാ​ഫ്രി​ക്കൻവി​ള​വി​നെ വർദ്ധി​പ്പി​ക്കു​ന്ന​തി​നുള്ള അവയുടെ യാത്ര തുടരു​ന്ന​തിന്‌ അനുവ​ദി​ക്കു​ന്നു.

നാശഭീ​ഷ​ണി

ചെടി​കളെ സംരക്ഷി​ക്കു​ന്ന​തി​നുള്ള പോരാ​ട്ടം തുടരു​ക​യാണ്‌. “അഞ്ചു ഭൂഖണ്ഡ​ങ്ങ​ളി​ലു​മാ​യി വളരുന്ന 3,00,000 സസ്യജാ​തി​ക​ളിൽ, കുറഞ്ഞ​പക്ഷം 20,000 എണ്ണം നാശഭീ​ഷ​ണി​യെ നേരി​ടു​ക​യാ​ണെ”ന്ന്‌ യു.എസ്‌.എ. മിസൗറി സെൻറ്‌. ലൂയി​സി​ലെ ബോട്ടാ​ണി​ക്കൽ ഗാർഡന്റെ ഡയറക്ട​റായ പീററർ റാവൻ പറയുന്നു. സയൻസ എററ വൈ (സയൻസും ജീവി​ത​വും) എന്ന ഫ്രഞ്ച്‌ മാസിക ഇങ്ങനെ കൂട്ടി​ച്ചേർക്കു​ന്നു: “അടുത്ത ശതകത്തി​ന്റെ മദ്ധ്യത്തി​നു​മുമ്പ്‌ ഈ എണ്ണം 40,000 ആയി വർദ്ധി​ക്കാം. അത്‌ ഏഴിൽ ഒന്നാണ്‌!” ഇത്ര നിർണ്ണാ​യ​ക​മായ സാഹച​ര്യ​ത്തെ അഭിമു​ഖീ​ക​രി​ക്കു​ന്ന​തു​കൊണ്ട്‌ നാശത്തി​ലേ​ക്കുള്ള പ്രവണ​തയെ തടയാൻ എന്താണ്‌ ചെയ്‌തു​കൊ​ണ്ടി​രി​ക്കു​ന്നത്‌?

പ്രകൃ​തി​സം​ര​ക്ഷ​ണ​ത്തി​നു​വേ​ണ്ടി​യുള്ള ദി ഇൻറർനാ​ഷനൽ യൂണിയൻ ക്യൂവിൽ ഒരു പരി​ശോ​ധനാ യൂണി​ററ്‌ പ്രവർത്തി​പ്പി​ക്കു​ന്നുണ്ട്‌. ഇവിടെ ശാസ്‌ത്ര​ജ്ഞൻമാർ അപകട​ത്തി​ലായ ചെടി​ക​ളു​ടെ വിത്തുകൾ സൂക്ഷ്‌മ​മാ​യി പഠിക്കു​ക​യും അവയുടെ കൃഷി​ക്കു​വേണ്ടി ഏററവും അനു​യോ​ജ്യ​മായ അവസ്ഥകളെ നിരീ​ക്ഷി​ക്കു​ക​യും​ചെ​യ്യു​ന്നു. ഈ വിവര​ങ്ങ​ളോ​ടെ ഒരു ചെടി​യു​ടെ പരിസ്ഥി​തി​യെ എങ്ങനെ അനുക​രി​ക്കാ​മെന്ന്‌ അവർ കണക്കു​കൂ​ട്ടു​ന്നു. അനന്തരം തോട്ട​നിർമ്മാ​ണ​വി​ദ​ഗ്‌ദ്ധർ അപകട​ത്തി​ലായ ജാതി​ക​ളു​ടെ പ്രചാ​ര​പ്ര​ക്രി​യക്കു തുടക്ക​മി​ടു​ന്നു.

ഭീഷണി​യി​ലാ​യി​രി​ക്കുന്ന സകല ജാതി​ക​ളും ഒന്നില​ധി​കം ബോട്ടാ​ണി​ക്കൽ ഗാർഡ​നു​ക​ളിൽ കൃഷി​ചെ​യ്യു​ന്ന​താണ്‌ കൂടു​ത​ലായ ഒരു സംരക്ഷണം. ഇതിന്‌ എങ്ങനെ​യാണ്‌ ക്രമീ​ക​ര​ണം​ചെ​യ്യു​ന്നത്‌. ഇത്‌ ബോട്ടാ​ണി​ക്കൽ ഗാർഡ​നു​കൾ തമ്മിൽ വിത്തുകൾ കൈമാ​റു​ന്ന​തു​വ​ഴി​യാണ്‌. അത്‌ വിത്തു​ബാ​ങ്കു​ക​ളു​ടെ സ്ഥാപി​ക്ക​ലി​ലേക്കു നയിച്ചി​രി​ക്കു​ന്നു. ഈ ബാങ്കു​ക​ളു​ടെ സംരക്ഷണം ഭാവി​യി​ലേ​ക്കുള്ള ഒരു നിക്ഷേ​പ​മാ​ണെന്നു കാണ​പ്പെ​ടു​ന്നു.

അങ്ങനെ​യു​ള്ള സംരക്ഷണം ബോട്ടാ​ണി​ക്കൽ ഗാർഡ​നു​ക​ളു​ടെ വലിയ ശ്രമങ്ങ​ളാ​വ​ശ്യ​മാ​ക്കി​ത്തീർക്കു​ന്ന​തെ​ന്തു​കൊ​ണ്ടെന്ന്‌ അറിയാൻ നിങ്ങൾ ആഗ്രഹി​ക്കു​ന്നു​ണ്ടാ​യി​രി​ക്കാം. മാൽക്കോം കോ പ്രസാ​ധനം ചെയ്യുന്ന ദി നാച്ചുറൽ വേൾഡ ഒരു അടിയ​ന്തിര കാരണം നിർദ്ദേ​ശി​ക്കു​ന്നു: “ആവാസ​വ്യ​വ​സ്ഥ​ക​ളു​ടെ സ്ഥിരത​ക്കും വഴക്കത്തി​നും നേരി​ടുന്ന കെടുതി ഒടുവിൽ മമനു​ഷ്യ​ന്റെ ക്ഷേമത്തിന്‌ കേടു​വ​രു​ത്തും.”

ഇപ്പോൾ സെൻറ്‌ ഹെലീ​ന​യു​ടെ മണ്ണൊ​ലി​പ്പു​പ്ര​ശ്‌ന​ങ്ങ​ളോ​ടു പോരാ​ടാൻ സഹായി​ക്കുന്ന കുററി​ച്ചെ​ടി​യു​ടെ പറിച്ചു​ന​ടീൽ പോ​ലെ​യുള്ള ക്യൂ ഗാർഡന്റെ വിജയങ്ങൾ തീർച്ച​യാ​യും ശ്രദ്ധേ​യ​മാണ്‌. എന്നാൽ മററു​ള്ളി​ട​ങ്ങ​ളിൽ ഈ നേട്ടങ്ങൾ ആവർത്തി​ക്കാൻ കഴിയു​മോ? പറിച്ചു​ന​ടീൽ ഊഷര​പ്ര​ദേ​ശ​ങ്ങളെ എത്ര​ത്തോ​ളം ഫലഭൂ​യി​ഷ്‌ഠ​മാ​ക്കും? കാലം മാത്രമേ അറിയി​ക്കു​ക​യു​ള്ളു. എന്നാൽ അതിനി​ട​യിൽ നാം ക്യൂ ഗാർഡ​നി​ലെ അർപ്പണ​ബോ​ധ​മുള്ള സസ്യശാ​സ്‌ത്ര​ജ്ഞൻമാ​രു​ടെ​യും തോട്ട​നിർമ്മാ​ണ​വി​ദ​ഗ്‌ദ്ധ​രു​ടെ​യും ജോലി​യെ വിലമ​തി​ക്കു​ന്നു. ഒരുപക്ഷേ, ഒരു കാലത്ത്‌ “ലോക​ത്തി​നു​വേ​ണ്ടി​യുള്ള ഈ പറിച്ചു​ന​ടീൽ കേന്ദ്രം” സന്ദർശി​ക്കു​ന്ന​തി​നും കാണു​ന്ന​തി​നും നിങ്ങൾക്ക്‌ അവസരം ലഭിക്കു​ക​പോ​ലും ചെയ്‌തേ​ക്കാം. (g89 1/8)

[12-ാം പേജിലെ ചിത്രം]

ക്യൂ ഗാർഡൻസി​ലെ ഒരു സസ്യ​ശേ​ഖ​രാ​ല​യ​ത്തി​ലെ വലിയ ലില്ലി​ച്ചെ​ടി​ത്ത​ട്ടങ്ങൾ

[13-ാം പേജിലെ ചിത്രങ്ങൾ]

ഏതാണ്ട്‌ 250ഓളം ജറാനി​യം ജാതി​ക​ളിൽ ഒന്നായ റീഗൽ പെലർഗോ​ണി​യാ ഗ്രനഡാ

വെളുത്തതും ഇളംചു​വ​പ്പു​ള്ള​തും ചുവന്ന​തും മഞ്ഞയും ഓറഞ്ചു​മായ ചെമ്പരത്തി പ്പൂക്കളുണ്ട്‌

[14-ാം പേജിലെ ചിത്രം]

ലോകത്തിനു ചുററും ഏതാണ്ടു നൂറു ജാതി റോസ​ക​ളു​ടെ ആയിര​ക്ക​ണ​ക്കിന്‌ ഇനങ്ങളുണ്ട്‌

[15-ാം പേജിലെ ചിത്രം]

പഗോഡാ ക്യൂ ഗാർഡ​നി​ലെ ഒരു പ്രസിദ്ധ അടയാ​ള​വ​സ്‌തു​വാണ്‌