ബൈബി​ളി​ന്റെ വീക്ഷണം

നിങ്ങൾ കരിങ്ക​ണ്ണി​നെ ഭയപ്പെ​ട​ണ​മോ?

ആമസോൺ ഗ്രാമ​ത്തി​ലെ ഒരു സ്‌ത്രീ തന്റെ ശിശു​വി​നെ സാവധാ​ന​ത്തിൽ ഒരു തുണി​ത്തൊ​ട്ടി​ലിൽ കിടത്തു​ന്നു. പിന്നീട്‌, അതിന്റെ കൊച്ചു കൈമു​ട്ടിൽ ഒരു ചെമന്ന ചരടു കെട്ടി​യ​ശേഷം അവൾ മറെറാ​രു ചരട്‌ അതിന്റെ അരയിൽ കെട്ടുന്നു. ചടങ്ങു പൂർത്തി​യാ​യി, അവൾ ആശ്വാ​സ​ത്തി​ന്റെ ഒരു നിശ്വാ​സ​മു​തിർക്കു​ന്നു: “ഇപ്പോൾ ശിശു കരിങ്ക​ണ്ണിൽനിന്ന്‌ സംരക്ഷി​ക്ക​പ്പെ​ടു​ന്നു.”

കരിങ്ക​ണ്ണു​ഭ​യം തെക്കേ അമേരി​ക്ക​യി​ലെ ഗോ​ത്ര​ജ​ന​ങ്ങൾക്കു പരിമി​ത​പ്പെ​ട്ടി​രി​ക്കു​ന്നില്ല. ഇററലി​യി​ലെ നിയമ​വി​ദ​ഗ്‌ദ്ധ​രും ഇൻഡ്യ​യി​ലെ കർഷക​രും വടക്കേ അമേരി​ക്ക​യി​ലെ വ്യാപാ​രി​ക​ളു​മെ​ല്ലാം കരിങ്ക​ണ്ണിൽ ഭയന്നു​വി​റ​ക്കു​ന്നു.

കരിങ്കണ്ണ്‌ എന്താണ്‌? കേവലം നിങ്ങളെ നോക്കു​ന്ന​തി​നാൽ നിങ്ങളെ ഉപദ്ര​വി​ക്കാ​നോ കൊല്ലാൻ പോലു​മോ ഉള്ള ശക്തി ചിലർക്കു​ണ്ടെ​ന്നുള്ള വിശ്വാ​സ​മാ​ണത്‌. നിങ്ങളു​ടെ ഐശ്വ​ര്യം അവരുടെ അസൂയയെ ഉണർത്തു​മ്പോൾ അവർ കണ്ണു​വെ​ച്ചേ​ക്കാം. തന്നെയു​മല്ല, സദു​ദ്ദേ​ശ്യ​മുള്ള അനേകർക്കു​പോ​ലും കരിങ്ക​ണ്ണു​ണ്ടെ​ന്നും അവരുടെ നോട്ടം മററു​ള്ള​വരെ അനിച്ഛാ​പൂർവം പോലും ഉപദ്ര​വി​ച്ചേ​ക്കാ​മെ​ന്നും വിശ്വ​സി​ക്ക​പ്പെ​ടു​ന്നു.

നിങ്ങൾക്ക്‌ ഈ ഭയമു​ണ്ടോ? ഉണ്ടെങ്കിൽ, ഈ ഭയം നിങ്ങളെ സഹായി​ക്കു​ന്നു​വോ അതോ ഉപദ്ര​വി​ക്കു​ക​യാ​ണോ?

വസ്‌തു​ത​യോ കെട്ടു​ക​ഥ​യോ?

ഈ വിഷയം​സം​ബ​ന്ധിച്ച മിക്ക റഫറൻസ്‌ഗ്ര​ന്ഥ​ങ്ങ​ളും കരിങ്ക​ണ്ണി​നെ ഒരു അന്ധവി​ശ്വാ​സ​മാ​യി​ട്ടാണ്‌ വർണ്ണി​ക്കു​ന്നത്‌. ഒരു അന്ധവി​ശ്വാ​സം “യുക്തി​യി​ലൊ വസ്‌തു​ത​യി​ലൊ അധിഷ്‌ഠി​ത​മ​ല്ലാത്ത” ഒരു വിശ്വാ​സം എന്ന്‌ നിർവ​ചി​ക്ക​പ്പെ​ടു​ന്ന​തു​കൊണ്ട്‌ കരിങ്കണ്ണ്‌ ദുർബ്ബ​ല​മാ​ന​സ​രു​ടെ ഒരു ഉല്‌പ​ന്ന​മ​ല്ലാ​തെ മറെറാ​ന്നു​മ​ല്ലെന്ന്‌ ചിലർ വിശ്വ​സി​ക്കു​ന്നു.

കരിങ്ക​ണ്ണി​നെ​ക്കു​റി​ച്ചുള്ള നിരവധി കഥകൾ കെട്ടു​ക​ഥകൾ ആണെന്ന്‌ സമ്മതി​ക്കു​ന്നു. ദൃഷ്ടാ​ന്ത​ത്തിന്‌ കോങ്ക​ണ്ണോ തിമി​ര​മൊ ഉള്ളവർ അല്ലെങ്കിൽ പശു നക്കിയ​തു​പോ​ലെ മുടി വളരു​ന്നവർ കരിങ്ക​ണ്ണു​ള്ളവർ ആയിരി​ക്കാൻ പ്രവണത കാട്ടുന്നു എന്ന ഭയം ഭാവനാ​സൃ​ഷ്ടി​യാണ്‌. നിങ്ങളു​ടെ ശിശു​വി​നു രോഗം ബാധി​ക്കു​ക​യൊ നിങ്ങളു​ടെ പശു ചാവു​ക​യൊ നിങ്ങളു​ടെ കോഴി മുട്ടയി​ടാ​തി​രി​ക്ക​യൊ ചെയ്യു​മ്പോൾ മാരക​മായ കരിങ്കണ്ണ്‌ പ്രാവർത്തി​ക​മാ​കു​ക​യാ​ണെന്ന്‌ വിശ്വ​സി​ക്കു​ന്നത്‌ ആവശ്യ​ത്തി​ല​ധി​കം അതിൻമേ​ലാ​രോ​പി​ക്കു​ക​യാണ്‌.

എന്നിരു​ന്നാ​ലും ഒരു നാളി​കേ​ര​ത്തി​ന്റെ കനത്ത തൊണ്ടി​ന​ടി​യിൽ കട്ടിയുള്ള തേങ്ങാ മറഞ്ഞി​രി​ക്കു​ന്ന​തു​പോ​ലെ കരിങ്ക​ണ്ണി​നെ സംബന്ധിച്ച കഥകളു​ടെ കനത്ത പാളി​ക്ക​ടി​യിൽ ചില കടുപ്പ​മുള്ള വസ്‌തു​തകൾ മറഞ്ഞി​രി​പ്പുണ്ട്‌. അതു​കൊണ്ട്‌ നമുക്കു കെട്ടു​ക​ഥയെ അറത്തു​മു​റിച്ച്‌ ചില വസ്‌തു​തകൾ പുറ​ത്തെ​ടു​ക്കാം.

കരിങ്ക​ണ്ണി​ന്റെ ഉത്ഭവം

പുരാതന ബാബി​ലോ​ന്യർ കരിങ്ക​ണ്ണി​നെ ഭയപ്പെ​ട്ടി​രു​ന്നു​വെന്ന്‌ എൻ​സൈ​ക്ലോ​പ്പീ​ഡി​യാ ഓഫ റിലിജൻ ആൻഡ എത്തിക്കസ പറയുന്നു. ആരാണീ ഭയത്തെ പ്രോ​ത്സാ​ഹി​പ്പി​ച്ചത്‌? ബാബി​ലോ​ന്യ ക്ഷുദ്ര​ക്കാർ അഥവാ മന്ത്രവാ​ദി​കൾ. അവർ തങ്ങളുടെ ഒരു നോട്ട​ത്താൽ മന്ത്രം പ്രയോ​ഗിച്ച്‌ ഭയങ്കര ദുരി​തങ്ങൾ വരുത്തു​ന്ന​തിൽ പ്രസി​ദ്ധ​രാ​യി​രു​ന്നു. എന്നിരു​ന്നാ​ലും ഈ ക്ഷുദ്ര​ക്കാർ ഇതു സ്വന്തമാ​യി ചെയ്‌ത​താ​യി​രു​ന്നില്ല. ആരാണ്‌ അവരെ അധികാ​ര​പ്പെ​ടു​ത്തി​യത്‌? ഭൂതങ്ങൾ എന്നു വിളി​ക്ക​പ്പെ​ടുന്ന ആത്മജീ​വി​കൾ. ബാബി​ലോ​ണി​യാ​യി​ലേ​യും അസീറി​യാ​യി​ലേ​യും മതം എന്ന പുസ്‌തകം ഇങ്ങനെ വിശദീ​ക​രി​ക്കു​ന്നു: “മന്ത്രവാ​ദി​കൾക്ക്‌ യഥേഷ്ടം ഭൂതങ്ങളെ ആവാഹി​ക്കാ​നും തങ്ങൾ വിചാ​രി​ക്കു​ന്ന​വരെ ഭൂതങ്ങ​ളു​ടെ ശക്തിയിൻകീ​ഴി​ലാ​ക്കു​വാ​നും കഴിയു​മാ​യി​രു​ന്നു.”

അതു​പോ​ലെ​ത​ന്നെ ബൈബിൾ “ആഭിചാ​ര​ശക്തി”യുടെ ഉറവെന്ന നിലയിൽ സ്വയം ഭൂതങ്ങ​ളാ​യി​ത്തീർന്ന ദൂതൻമാ​രി​ലേക്ക്‌ വിരൽചൂ​ണ്ടു​ന്നു. (1 ശമുവേൽ 15:23; 1 തിമൊ​ഥെ​യോസ്‌ 4:1; യൂദാ 6) കൂടാതെ ഭൂതങ്ങൾ ആത്മാചാ​ര​ക്കാർക്കും ഭൂത നിയ​ന്ത്രി​ത​രായ ആളുകൾക്കും തങ്ങളുടെ ദ്രോ​ഹ​ക​ര​മായ ശക്തി പങ്കു​വെ​ക്കു​ന്നു​വെന്ന്‌ ദൈവ​വ​ചനം സ്ഥിരീ​ക​രി​ക്കു​ന്നു. (പ്രവൃ​ത്തി​കൾ 16:16-18; വെളി​പ്പാട്‌ 22:15) തൽഫല​മാ​യി അങ്ങനെ​യുള്ള ആളുകൾ ചില​പ്പോൾ അവരുടെ ദൃഷ്ടികൾ മുഖേന ‘മന്ത്രശ​ക്തി​യാൽ ബന്ധിക്കു​ന്ന​തിന്‌’ പ്രാപ്‌ത​രാണ്‌. (ആവർത്തനം 18:10-12) അങ്ങനെ, തീർച്ച​യാ​യും കരിങ്കണ്ണ്‌ ചില വസ്‌തു​ത​ക​ളിൽ അധിഷ്‌ഠി​ത​മാണ്‌.

അതു​കൊണ്ട്‌ മന്ത്രവാദ വൈദ്യൻമാ​രു​ടെ മന്ത്ര​പ്ര​യോ​ഗം അനുദി​ന​ജീ​വി​ത​ത്തി​ന്റെ ഭാഗമാ​യി​രി​ക്കുന്ന ഒരു സമുദാ​യ​ത്തി​ലാണ്‌ നിങ്ങൾ ജീവി​ക്കു​ന്ന​തെ​ങ്കിൽ കരിങ്ക​ണ്ണി​നെ​ക്കു​റി​ച്ചുള്ള നിങ്ങളു​ടെ ഭയം നിലനിൽക്കു​ന്ന​താ​ശ്ച​ര്യ​മല്ല. എന്നിരു​ന്നാ​ലും ആ മന്ത്ര​പ്ര​യോ​ഗങ്ങൾ എത്ര ഭീഷക​മാ​യാ​ലും നിങ്ങൾ നിങ്ങളു​ടെ അയൽക്കാ​രന്റെ ഭയത്തിൽ പങ്കാളി​യാ​ക​രുത്‌. എന്തു​കൊണ്ട്‌? ഒന്നാമതു തന്നെ, കരിങ്ക​ണ്ണി​നെ​യുള്ള ഭയത്തിന്‌ നിങ്ങളെ ഭൂതങ്ങ​ളു​ടെ ദാസ്യ​ത്തി​ലേക്ക്‌ അനായാ​സം നയിക്കാൻ കഴിയും—ബൈബിൾ അതു വിലക്കു​ന്നു. (1 കൊരി​ന്ത്യർ 10:20, 21 കാണുക.) രണ്ടാമത്‌, കരിങ്ക​ണ്ണി​ന്റെ ഫലങ്ങളെ ഹനിക്കു​ന്ന​തും സകല ഭയകാ​ര​ണ​ങ്ങ​ളും നീക്കം ചെയ്യു​ന്ന​തു​മായ ഒരു സംരക്ഷ​ണത്തെ നിങ്ങൾക്കു പ്രയോ​ജ​ന​പ്പെ​ടു​ത്താൻ കഴിയും. ഏതു സംരക്ഷ​ണത്തെ? രക്ഷ കെട്ടു​ന്ന​തി​നാ​ലോ?

പ്രാ​യോ​ഗി​ക​മായ സംരക്ഷണം

ഉത്തരത്തിന്‌ ഈ ദൃഷ്ടാന്തം പരിചി​ന്തി​ക്കുക. ഒരു വലിയ വൃക്ഷം മറിഞ്ഞു​വീണ്‌ നിങ്ങളു​ടെ വീട്‌ തകർക്കു​മെന്ന്‌ നിങ്ങൾ ഭയപ്പെ​ടു​ന്നെ​ങ്കിൽ നിങ്ങൾ എന്തു ചെയ്യും? പിടന്നു​വീ​ഴുന്ന വൃക്ഷത്തി​ന്റെ ആഘാതത്തെ ചെറു​ത്തു​നിൽക്കു​മെ​ന്നാ​ശി​ച്ചു​കൊണ്ട്‌ നിങ്ങൾ മേൽക്കൂ​രയെ ബലവത്താ​ക്കു​മോ? അതോ നിങ്ങൾ സുരക്ഷി​ത​മാ​യി വൃക്ഷങ്ങൾ വെട്ടി​യി​ടാൻ കഴിവുള്ള മരം​വെ​ട്ടു​കാ​രു​ടെ സഹായം തേടു​മോ? വൃക്ഷം വെട്ടി​യി​ടു​ന്നത്‌ അപകട​കാ​ര​ണത്തെ നീക്കു​ക​യും അങ്ങനെ നിങ്ങളു​ടെ ഭയത്തിന്‌ അറുതി​വ​രു​ത്തു​ക​യും ചെയ്യുന്നു.

അതു​പോ​ലെ​ത​ന്നെ ഒരു ആത്മവി​ദ്യ​ക്കാ​രൻ തന്റെ കരിങ്കണ്ണ്‌ നിങ്ങൾക്കെ​തി​രെ ഉപയോ​ഗി​ക്കു​മെന്ന്‌ ഭീഷണി​പ്പെ​ടു​ത്തു​ന്നു​വെ​ങ്കിൽ നിങ്ങളു​ടെ ഭയത്തെ എന്തായി​രി​ക്കും നീക്കു​ന്നത്‌? നിങ്ങളു​ടെ കഴുത്തി​നു ചുററും രക്ഷകൾ കെട്ടു​ന്ന​തി​നാൽ നിങ്ങൾ നിങ്ങ​ളെ​ത്തന്നെ ശക്തീക​രി​ക്കാൻ ശ്രമി​ക്കു​മോ? അതോ ഭൂതങ്ങളെ അശക്തരാ​ക്കു​ന്ന​തി​ന്റെ രേഖയുള്ള ഒരാളു​ടെ സഹായം നിങ്ങൾ തേടു​മോ? പ്രസ്‌പ​ഷ്ട​മാ​യി, ഒടുവിൽ പറഞ്ഞതാണ്‌ ജ്ഞാനമാർഗ്ഗം, എന്തു​കൊ​ണ്ടെ​ന്നാൽ അയാൾ അപകട കാരണത്തെ നീക്കം ചെയ്യു​ക​യും നിങ്ങളു​ടെ ഭയത്തിന്‌ അറുതി വരുത്തു​ക​യും ചെയ്യുന്നു.

എന്നാൽ സങ്കീർത്ത​ന​ക്കാ​ര​നെ​പ്പോ​ലെ “എന്റെ സഹായം എവി​ടെ​നിന്ന്‌ വരും?” എന്ന്‌ നിങ്ങൾ ചോദി​ച്ചേ​ക്കാം. ദൈവ​നി​ശ്വ​സ്‌ത​നാ​യി അവൻ ഉത്തരം നൽകുന്നു. “ആകാശ​ത്തി​ന്റെ​യും ഭൂമി​യു​ടേ​യും നിർമ്മാ​താ​വായ യഹോ​വ​യിൽ നിന്നാ​കു​ന്നു എന്റെ സഹായം.” സ്രഷ്ടാ​വി​ന്റെ സഹായ​ത്തിൽ കരിങ്ക​ണ്ണിൽനി​ന്നുള്ള സംരക്ഷ​ണ​വും ഉൾപ്പെ​ടു​ന്നു​വോ? ഉവ്വ്‌, എന്തെന്നാൽ സങ്കീർത്ത​ന​ക്കാ​രൻ നമുക്ക്‌ ഇങ്ങനെ ഉറപ്പു നൽകുന്നു: “യഹോവ തന്നെ സകല അനർത്ഥ​ത്തിൽ നിന്നും നിങ്ങളെ കാത്തു​സൂ​ക്ഷി​ക്കും.” (സങ്കീർത്തനം 121) സംരക്ഷി​ക്കു​ന്ന​തി​നുള്ള യഹോ​വ​യു​ടെ പ്രാപ്‌തി​യി​ലുള്ള നിങ്ങളു​ടെ വിശ്വാ​സത്തെ പുഷ്ടി​പ്പെ​ടു​ത്തു​ന്ന​തിന്‌ ഭൂതങ്ങ​ളു​മാ​യുള്ള അവന്റെ ഇടപെ​ട​ലു​ക​ളു​ടെ വിശ്വാസ പ്രചോ​ദ​ക​മായ രേഖ പരിഗ​ണി​ക്കുക.

‘ഭൂതങ്ങൾ വിറക്കു​ന്നു’—എന്തു​കൊണ്ട?

നോഹ​യു​ടെ നാളിൽ യഹോവ അനുസ​ര​ണം​കെട്ട ദൂതൻമാ​രെ പ്രീതി​യു​ടെ സ്ഥാനത്തു​നിന്ന്‌ തള്ളി​ക്കൊണ്ട്‌ ആത്മീയ അന്ധകാ​ര​ത്തി​ന്റെ ‘ഒരു തടങ്കലിൽ’ ഒതുക്കി​നിർത്തി. (1 പത്രോസ്‌ 3:19; ഉൽപ്പത്തി 6:1-4) പിന്നീട്‌ ദൈവ​ത്തി​ന്റെ പ്രതി​നി​ധി​യാ​യി പ്രവർത്തി​ച്ചു​കൊണ്ട്‌ ഒന്നാം നൂററാ​ണ്ടിൽ യേശു ഇച്ഛിച്ച​പ്പോ​ഴൊ​ക്കെ ഭൂതങ്ങളെ പുറത്താ​ക്കി. (മത്തായി 8:31, 32; മർക്കോസ്‌ 1:39) വീണ്ടും ഈ ഇരുപ​താം നൂററാ​ണ്ടിൽ യേശു സാത്താ​നേ​യും അവന്റെ ഭൂതങ്ങ​ളെ​യും സ്വർഗ്ഗ​ത്തിൽ നിന്ന്‌ ബഹിഷ്‌ക്ക​രി​ക്കു​ന്ന​തിന്‌ തന്റെ ദൈവ​ദ​ത്ത​മായ ശക്തി ഉപയോ​ഗി​ച്ചു. (വെളി​പ്പാട്‌ 12:7-9) അതു​കൊണ്ട്‌, ദൈവ​ശ​ക്തി​യോട്‌ താരത​മ്യ​പ്പെ​ടു​ത്തു​മ്പോൾ തങ്ങളുടെ ശക്തി ഏതുമി​ല്ലെന്ന്‌ ഭൂതങ്ങൾ കഠിന​വി​ധ​ത്തിൽ പഠിച്ചു. എന്നിരു​ന്നാ​ലും യഹോവ ഈ രേഖ​യോട്‌ മറെറാ​രു പേജു​കൂ​ടി ചേർക്കാൻപോ​ക​യാണ്‌. താമസി​യാ​തെ സാത്താ​നും ബഹിഷ്‌കൃ​ത​രായ ഈ മത്സരി​ക​ളും ഒരു ആയിരം വർഷ​ത്തേക്ക്‌ ഒരു അഗാധ​ത്തിൽ തള്ളപ്പെ​ടും.—വെളി​പ്പാട്‌ 20:1-3.

ഈ അറിവ്‌ അവരെ എങ്ങനെ ബാധി​ക്കു​ന്നു? “ഭൂതങ്ങൾ വിശ്വ​സി​ക്കു​ക​യും വിറക്കു​ക​യും ചെയ്യുന്നു” എന്ന്‌ ബൈബിൾ വെളി​പ്പെ​ടു​ത്തു​ന്നു. (യാക്കോബ്‌ 2:19) ഇനി, നിങ്ങളെ ഈ അറിവ്‌ എങ്ങനെ ബാധി​ക്കു​ന്നു? നിങ്ങൾ ആ ‘വിറക്കുന്ന’ ഭൂതങ്ങ​ളെ​യും അവരുടെ മാനുഷ പിണി​യാ​ളു​ക​ളെ​യും ഇപ്പോ​ഴും ഭയപ്പെ​ടു​മോ? അതോ കരിങ്ക​ണ്ണി​നെ​തി​രായ യഹോ​വ​യു​ടെ അദൃശ്യ​മായ സംരക്ഷ​ണ​ത്തിൽ പൂർണ്ണ​മാ​യി ആശ്രയി​ച്ചു​കൊണ്ട്‌ “യഹോ​വയെ ഭയപ്പെ​ടുക മാത്രം” ചെയ്യു​മോ?—1 ശമുവേൽ 12:24.

സത്യത്തിൽ നിങ്ങളു​ടെ രക്ഷകൾ അഴിച്ചു​മാ​റ​റു​ന്ന​തി​നും നിങ്ങളു​ടെ ജനസമൂ​ഹ​ത്തി​ലെ യഹോ​വ​യു​ടെ സാക്ഷി​ക​ളു​മാ​യുള്ള നിങ്ങളു​ടെ ബന്ധത്തെ ബലിഷ്‌ഠ​മാ​ക്കു​ന്ന​തി​നും വിശ്വാ​സം നിങ്ങളെ പ്രേരി​പ്പി​ക്കു​ന്നു​വെ​ങ്കിൽ പുരാതന കാലത്തെ കോര​ഹ്‌പു​ത്രൻമാ​രു​ടെ വാക്കു​കളെ പ്രതി​ധ്വ​നി​പ്പി​ക്കു​ന്ന​തിൽ അവരോ​ടു​കൂ​ടെ നിങ്ങൾ താമസി​യാ​തെ ചേരു​ന്ന​താ​യി​രി​ക്കും. അവർ ഇങ്ങനെ ഉദ്‌ഘോ​ഷി​ച്ചു: “ദൈവം നമുക്ക്‌ ഒരു സങ്കേത​വും ബലവും ആകുന്നു, കഷ്ടതക​ളിൽ അനായാ​സം കണ്ടെത്താ​വുന്ന ഒരു സഹായം തന്നെ. അതു​കൊ​ണ്ടാണ നാം ഭയപ്പെ​ടു​ക​യി​ല്ലാ​ത്തത.”—സങ്കീർത്തനം 46:1, 2; റോമർ 8:31 താരത​മ്യ​പ്പെ​ടു​ത്തു. (g89 1/8)