ബൈബി​ളി​ന്റെ വീക്ഷണം

പൂർവി​കാ​രാ​ധന ക്രിസ്‌ത്യാ​നി​കൾക്കു​ള്ള​തോ?

ദശലക്ഷ​ക്ക​ണ​ക്കിന്‌ ആളുക​ളു​ടെ ജീവി​ത​ങ്ങ​ളിൽ, പ്രത്യേ​കിച്ച്‌ കൺഫ്യൂ​ഷ്യസ്‌ മതക്കാ​രു​ടെ​യും ബുദ്ധമ​ത​ക്കാ​രു​ടെ​യും ഷിന്റോ മതക്കാ​രു​ടെ​യും ജീവി​ത​ങ്ങ​ളിൽ, പൂർവി​കാ​രാ​ധ​നക്ക്‌ ഒരു മുഖ്യ പങ്കു​ണ്ടെന്ന്‌ മിക്ക ആളുകൾക്കും അറിയാം. എന്നാൽ ആഫ്രി​ക്ക​ക്കാ​രു​ടെ ജീവി​ത​ത്തി​ന്റെ ഇഴകളി​ലും പൂർവി​കാ​രാ​ധന നെയ്‌തു​ചേർത്തി​രി​ക്കു​ന്നു​വെന്ന്‌ നിങ്ങൾക്ക​റി​യാ​മാ​യി​രു​ന്നോ? യഥാർത്ഥ​ത്തിൽ മിക്കവാ​റും എല്ലാ മതങ്ങളി​ലും, ഒരുപക്ഷേ നിങ്ങളു​ടേ​തിൽപോ​ലും പൂർവി​കാ​രാ​ധ​ന​യു​ടെ നൂലുകൾ കാണാൻ കഴിയും. മതവി​ജ്ഞാ​ന​വി​ഭാ​ഗ​ത്തി​ന്റെ ഒരു നൈജീ​രി​യൻ പ്രൊ​ഫസർ, ഇത്‌ “ഒരു സാർവ​ലൗ​കിക പ്രതി​ഭാ​സ​മാ​ണെ”ന്ന്‌ പറയുന്നു.

പൂർവി​കാ​രാ​ധന എന്നാ​ലെ​ന്താണ്‌? ഒരുപക്ഷേ ഇതു സംബന്ധിച്ച നിങ്ങളു​ടെ ഗ്രാഹ്യം ഈ നിർവ​ച​ന​ത്തോട്‌ യോജി​ച്ചേ​ക്കാം: “[മരിച്ച​വ​രു​ടെ] ആത്മാക്കൾ ജീവി​ച്ചി​രി​ക്കു​ന്ന​വ​രു​ടെ വിധിയെ സ്വാധീ​നി​ക്കു​ന്നു എന്ന വിശ്വാ​സത്തെ അടിസ്ഥാ​ന​മാ​ക്കി മതചട​ങ്ങു​ക​ളോ​ടെ മരിച്ച ബന്ധുക്കളെ പ്രസാ​ദി​പ്പി​ക്ക​ലും ആവാഹ​ന​വും.”—ദി കൺ​സൈസ കൊള​മ്പി​യാ എൻ​സൈ​ക്ലോ​പ്പീ​ഡി​യാ.

അപ്രകാ​രം, ഭക്തനായ ഒരു പൂർവി​കാ​രാ​ധ​കന്റെ—ദൃഷ്‌ടാ​ന്ത​ത്തിന്‌ തെക്കു​കി​ഴക്കേ ഏഷ്യയിൽ വസിക്കുന്ന ഒരു ബുദ്ധമ​താ​നു​യാ​യി​യു​ടെ—ഭവനത്തിൽ ബന്ധത്തിൽപ്പെട്ട മരിച്ച ഒരാളു​ടെ ചിത്രം പ്രമു​ഖ​സ്ഥാ​നത്ത്‌ പ്രദർശി​പ്പി​ച്ചി​രി​ക്കുന്ന ഒരു ചെറിയ അൾത്താര നിങ്ങൾ കണ്ടേക്കാം. ഇവി​ടെ​യും നിങ്ങൾ സുഗന്ധ​ധൂ​പം മണക്കു​ക​യോ പ്രാർത്ഥ​നകൾ ഉരുവി​ടു​ന്ന​തും കൈ കൊട്ടു​ന്ന​തും കേൾക്കു​ക​യൊ ചെയ്‌തേ​ക്കാം. കൂടെ​ക്കൂ​ടെ, ഭക്തർ തങ്ങളുടെ മരിച്ച ബന്ധുവി​ന്റെ പ്രയോ​ജ​ന​ത്തി​നു​വേണ്ടി അൾത്താ​ര​യിൽ ആഹാരം വെക്കു​ക​യൊ പുഷ്‌പങ്ങൾ നിരത്തി​വെ​ക്കു​ക​യൊ ചെയ്യുന്നു.

മറെറാ​രു ഭൂഖണ്ഡ​ത്തി​ലേക്കു നീങ്ങുക, നിങ്ങൾ അനേകം ആഫ്രി​ക്ക​ക്കാർ “തങ്ങളുടെ മരിച്ച​വ​രോ​ടൊത്ത്‌ ജീവി​ക്കു​ന്ന​താ​യി” കണ്ടെത്തും. സഹാറാ​യു​ടെ കീഴ്‌ഭാ​ഗത്തെ ആഫ്രി​ക്ക​യി​ലെ പൊതു​വായ വിശ്വാ​സം ജീവി​ച്ചി​രി​ക്കു​ന്ന​വ​രും മരിച്ച​വ​രു​മാ​യുള്ള സഹവാ​സ​വും ആശയവി​നി​മ​യ​വും സാധ്യ​മാ​ണെ​ന്നാണ്‌. “ഞങ്ങൾ ആഫ്രി​ക്ക​ക്കാർ എല്ലാവ​രും ഞങ്ങളുടെ മരിച്ച മാതാ​പി​താ​ക്ക​ളും മററു പൂർവി​ക​രും ഞങ്ങളോ​ട​ടു​ത്തു​ണ്ടെന്ന്‌ വിചാ​രി​ക്കു​ന്നു,” എന്ന്‌ ആഫ്രി​ക്ക​യി​ലെ പ്രൊ​ട്ട​സ്‌റ​റൻറ്‌ വിശ്വാ​സ​ത്തി​ന്റെ ഒരു പ്രമുഖ ദൈവ​ശാ​സ്‌ത്രജ്ഞൻ പറയുന്നു.

ആഫ്രി​ക്ക​യി​ലെ മിക്ക ഭാഗങ്ങ​ളി​ലും മരിച്ച പൂർവി​കരെ അവർ ജീവി​ച്ചി​രു​ന്ന​പ്പോ​ഴത്തെ കുടും​ബ​ത്തി​ന്റെ​യൊ സമുദാ​യ​ത്തി​ന്റെ​യൊ തലവൻമാ​രാ​യി ഇപ്പോ​ഴും കണക്കാ​ക്കു​ന്നു. അവർ “കുടും​ബ​കാ​ര്യ​ങ്ങ​ളി​ലെ ആത്മീയ​മേൽനോ​ട്ടം വഹിക്കു​ന്ന​യാ​ളു​ക​ളാ​യി” സ്ഥിതി​ചെ​യ്യു​ന്നു​വെന്ന്‌ പ്രൊ​ഫസർ ഇ. ബൊലാ​ജി ഇഡോവു ആഫ്രിക്കൻ ട്രഡീ​ഷണൽ റിലി​ജി​യൻ—ഏ ഡെഫനി​ഷൻ എന്ന തന്റെ പുസ്‌ത​ക​ത്തിൽ പറയുന്നു. അനുവ​ദി​ച്ചു​ത​രാ​നോ ഒഴിവാ​ക്കി​ത്ത​രാ​നോ ഒരു പൂർവി​കാ​ത്‌മാ​വി​നോട്‌ അപേക്ഷി​ക്കാത്ത ഒരു സംഗതി​യു​മില്ല. അപ്രകാ​രം പൂർവി​കരെ “ആഫ്രിക്കൻ സമുദാ​യ​ത്തി​ലെ ഐക്യ​ത്തി​ന്റെ ഘടകങ്ങൾ” എന്ന പോലെ കണക്കാ​ക്കു​ന്നു, ദി ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ അനുസ​രിച്ച്‌ അവരുടെ പൂജ “കുടും​ബ​പ​ര​മായ ഐക്യ​ദാർഢ്യ​ത്തെ” പുരോ​ഗ​മി​പ്പി​ക്കു​ക​യും ചെയ്യുന്നു.

ഫ്രാൻസൊ കാനഡാ​യൊ പോലുള്ള പാശ്ചാ​ത്യ​നാ​ടു​ക​ളിൽ പള്ളിക​ളും ചാപ്പലു​ക​ളും അൾത്താ​ര​ക​ളും വീരപൂർവി​കർ എന്നു വിളി​ക്ക​പ്പെ​ടുന്ന പുണ്യ​വാ​ളൻമാർക്ക്‌ സമർപ്പി​ക്ക​പ്പെ​ട്ടി​രി​ക്കു​ന്നു. ഊമവി​ഗ്ര​ഹ​ങ്ങ​ളു​ടെ മുമ്പാകെ ഭക്തരുടെ അധരങ്ങ​ളിൽനി​ന്നുള്ള പ്രാർത്ഥ​നകൾ ഉരുവി​ടു​ന്നു. അല്ലെങ്കിൽ, സ്വർണ്ണം​പൊ​തിഞ്ഞ പ്രതി​മ​കൾക്ക്‌ ഭക്തൻമാർ നീട്ടിയ കൈക​ളോ​ടെ മുട്ടിൻമേൽ നിന്നു​കൊണ്ട്‌ വഴിപാ​ടു​കൾ അർപ്പി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ മതാനു​യാ​യി​കൾ തങ്ങളുടെ ഭക്തി​പ്ര​ക​ടനം പൂർവി​കാ​രാ​ധ​ന​യാ​ണെ​ന്നുള്ള ആശയത്തെ എതിർക്കു​മെ​ന്നു​ള്ളത്‌ സത്യം തന്നെ; എന്നാൽ ബുദ്ധമ​ത​ക്കാ​ര​നൊ ഷിന്റോ മതക്കാ​ര​നൊ ആഫ്രി​ക്കൻഭ​ക്ത​നൊ പുഞ്ചി​രി​ക്കു​ന്നു. ഈ “ക്രിസ്‌ത്യാ​നി​കൾ” പ്രകട​മാ​ക്കുന്ന ഭക്ത്യാ​ദ​രവ്‌ തന്റെ സ്വന്തം ആരാധ​നാ​ക്രി​യ​ക​ളിൽനിന്ന്‌ വളരെ വ്യത്യ​സ്‌ത​മ​ല്ലെന്ന്‌ അയാൾക്ക​റി​യാം.

പൂർവി​കാ​രാ​ധന എന്തില​ടി​സ്ഥാ​ന​പ്പെ​ട്ടി​രി​ക്കു​ന്നു?

പൂർവി​കാ​രാ​ധ​ന​യു​ടെ കാതൽ മനുഷ്യ​വ്യ​ക്തി​യു​ടേ​താ​യി അതിജീ​വി​ക്കുന്ന ഒരു ഘടകത്തി​ലൂ​ടെ മരിച്ച​വ​രു​ടെ അസ്‌തി​ത്വം തുടരു​ന്നു എന്ന വിശ്വാ​സ​മാണ്‌. ഉഗാണ്ടൻ കത്തോ​ലി​ക്കാ എഴുത്തു​കാ​ര​നായ ഡാമിയൻ ല്വാസാ പറയുന്ന പ്രകാരം അത്‌ “ദേഹി​യു​ടെ അമർത്ത്യത”യിലുള്ള വിശ്വാ​സ​മാണ്‌. അങ്ങനെ​യുള്ള വിശ്വാ​സ​ത്തി​ന്റെ അടിസ്ഥാ​നം എത്ര ദൃഢമാണ്‌? “തങ്ങളുടെ പൂർവി​കർ ആത്മാവിൽ ജീവി​ച്ചി​രി​ക്കു​ന്നു” എന്ന്‌ അവകാ​ശ​പ്പെ​ടുന്ന ആഫ്രി​ക്ക​ക്കാർ “ഈടുററ യാതൊ​രു തെളി​വും കൂടാ​തെ​യാണ്‌ അങ്ങനെ ചെയ്യു​ന്നത്‌” എന്ന്‌ സിയറാ ലിയോ​ണി​യൻ ദൈവ​ശാ​സ്‌ത്ര​ജ്ഞ​നായ ഹാരി സായർ സമ്മതി​ക്കു​ന്നു.

യഥാർത്ഥ​ത്തിൽ ബൈബി​ള​നു​സ​രിച്ച്‌ ശരീര​ത്തി​ന്റെ മരണത്തെ അതിജീ​വി​ക്കുന്ന ഒരു ആത്മീയ​ഭാ​ഗം ഒരു വ്യക്തി​ക്കില്ല. സ്രഷ്ടാവു തന്നെ പറയുന്നു: “നോക്കു! സകല ദേഹി​ക​ളും—അവ എനിക്കു​ള്ള​വ​യാ​കു​ന്നു. പിതാ​വി​ന്റെ ദേഹി​യെ​ന്ന​പോ​ലെ പുത്രന്റെ ദേഹി​യും അവ എനിക്കു​ള്ള​വ​യാ​കു​ന്നു—പാപം ചെയ്യുന്ന ദേഹി—അതുതന്നെ മരിക്കും.” (യെഹെ​സ്‌കേൽ 18:4) ശരീര​ത്തി​ന്റെ മരണത്തെ അതിജീ​വി​ക്കുന്ന ബോധ​മു​ള്ള​തും ജീവി​ക്കു​ന്ന​തു​മായ മനുഷ്യ​രു​ടെ യാതൊ​രു ഭാഗവും ശാസ്‌ത്ര​ജ്ഞൻമാ​രും ഭിഷഗ്വ​രൻമാ​രും കണ്ടെത്തി​യി​ട്ടില്ല.

കൺഫ്യൂ​ഷ്യ​സി​നൊ ബുദ്ധനൊ ദീർഘ​നാൾ മുമ്പു​തന്നെ ക്രിസ്‌തീ​യ​പൂർവ കാലങ്ങ​ളി​ലെ ഒരു ജ്ഞാനി ഇങ്ങനെ എഴുതി: “ജീവനു​ള്ള​വർക്ക്‌ തങ്ങൾ മരിക്കു​മെന്ന ബോധ​മുണ്ട്‌; എന്നാൽ മരിച്ച​വരെ സംബന്ധി​ച്ചാ​ണെ​ങ്കിൽ അവർക്ക്‌ ഒന്നി​നെ​ക്കു​റി​ച്ചും ബോധ​മില്ല.” (സഭാ​പ്ര​സം​ഗി 9:5) നേരത്തെ ഇയ്യോബ്‌ ഇങ്ങനെ പറഞ്ഞു: “ഒരു ഭൗമിക മനുഷ്യൻ മരിക്കു​ന്നു, അവൻ എവി​ടെ​യാ​കു​ന്നു? അവന്റെ പുത്രൻമാർക്കു ബഹുമതി ലഭിക്കു​ന്നു, എന്നാൽ അവൻ അത്‌ അറിയു​ന്നില്ല.” (ഇയ്യോബ്‌ 14:10, 21) അങ്ങനെ, മരിച്ച​വർക്ക്‌ ‘കുടും​ബ​കാ​ര്യ​ങ്ങ​ളു​ടെ ആത്മീയ മേൽനോ​ട്ട​ക്കാ​രാ​യി’ സേവി​ക്കാൻ കഴിയു​ക​യില്ല. മരണത്തി​ങ്കൽ ഒരുവന്‌ “യാതൊ​ന്നും കൊണ്ടു​പോ​കാൻ കഴിയു​ക​യില്ല.”—സങ്കീർത്തനം 49:10, 17-19.

ഇതി​നെ​ക്കു​റി​ച്ചു ചിന്തി​ക്കുക. മരിച്ച​പൂർവി​കർ അവർക്കു അർപ്പി​ക്ക​പ്പെ​ടുന്ന നല്ല ആഹാരം ഭക്ഷിക്കു​ന്നു​ണ്ടോ? ഭക്ഷണം തൊടാ​തെ അവശേ​ഷി​ക്കു​ന്നു എന്ന വസ്‌തുത മരിച്ചവർ അശക്തരാ​ണെന്നു സൂചി​പ്പി​ക്കു​ന്നി​ല്ലേ? കൂടാതെ ജീവി​ച്ചി​രി​ക്കുന്ന സന്തതികൾ അർപ്പി​ക്കുന്ന ഭക്ത്യാ​ദ​ര​വൊ ബലിക​ളൊ സംബന്ധിച്ച്‌ അറിവു​ണ്ടാ​യി​രി​ക്കാൻ മരിച്ച​വർക്കു സാധ്യമല്ല. അസ്‌തി​ത്വ​ര​ഹി​ത​രാ​ക​യാൽ അവർക്ക്‌ തങ്ങളുടെ മുൻ കുടും​ബ​ത്തിൽ തൽപ്പര​രാ​യി​രി​ക്കാ​നൊ അതിന്റെ കാര്യ​ങ്ങ​ളിൽ ഇടപെ​ടാ​നൊ കഴിയു​ക​യില്ല. ബൈബിൾ ഇങ്ങനെ പറയുന്നു: “സൂര്യനു കീഴിൽ ചെയ്യ​പ്പെ​ടാ​നുള്ള യാതൊ​ന്നി​നും അനിശ്ചി​ത​കാ​ല​ത്തോ​ളം മേലാൽ അവർക്ക്‌ ഓഹരി​യില്ല.”—സഭാ​പ്ര​സം​ഗി 9:6.

മരിച്ച പൂർവി​കർക്ക എന്തു പ്രത്യാശ?

ആ സ്ഥിതിക്ക്‌ മരിച്ച പ്രിയ​പ്പെ​ട്ട​വ​രു​മാ​യി കൂടി​ച്ചേ​രാ​നുള്ള പ്രത്യാ​ശ​യി​ല്ലെ​ന്നാ​ണൊ ഇതിന്റെ അർത്ഥം. അശേഷമല്ല! പണ്ടേ മരണത്താൽ വേർപെ​ട്ടു​പോ​യവർ പുനരു​ത്ഥാ​ന​ത്തിൽ ജീവനി​ലേക്കു തിരികെ വരുത്ത​പ്പെ​ടു​മ്പോൾ വീണ്ടും യോജി​പ്പി​ക്ക​പ്പെ​ടും. “സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും അവന്റെ ശബ്ദം കേട്ടു പുറത്തു​വ​രുന്ന നാഴി​ക​വ​രു​ന്നു” എന്ന്‌ ബൈബി​ളിൽ യേശു വാഗ്‌ദാ​നം ചെയ്യുന്നു.—യോഹ​ന്നാൻ 5:28, 29.

ഈ പുനരു​ത്ഥാന പ്രത്യാശ തന്റെ പൂർവി​കരെ ആരാധി​ച്ചി​രുന്ന ഒരു ഓക്കി​നാ​വാ​ക്കാ​രി സ്‌ത്രീ​യു​ടെ ജീവി​തത്തെ വീണ്ടും രൂപ​പ്പെ​ടു​ത്താൻ സഹായി​ച്ചു. അവൾ വിശദീ​ക​രി​ക്കു​ന്നു: ‘എന്റെ ജീവി​ത​വീ​ക്ഷ​ണ​ത്തി​നു മാററം ഭവിച്ചു. യേശു​ക്രി​സ്‌തു​വി​ന്റെ ഒരു അനുഗാ​മി​യാ​യി​ത്തീർന്നത്‌ ജീവി​ച്ചി​രി​ക്കുന്ന എന്റെ ബന്ധുക്ക​ളോ​ടും മററു​ള്ള​വ​രോ​ടും കൂടുതൽ സ്‌നേ​ഹ​മു​ള്ള​വ​ളാ​യി​രി​ക്കാൻ എന്നെ സഹായി​ച്ചി​രി​ക്കു​ന്നു.’ ജീവി​ക്കുന്ന മാതാ​പി​താ​ക്ക​ളോ​ടുള്ള സ്‌നേഹം മരിച്ച പൂർവി​ക​രോ​ടുള്ള ഭക്ത്യാ​ദ​ര​വി​നെ​ക്കാൾ ന്യായ​യു​ക്ത​മ​ല്ല​യോ? (എഫേസ്യർ 6:2, 3) അവൾ തുടരു​ന്നു: ‘പ്രായം​കൂ​ടി​ക്കൊ​ണ്ടി​രി​ക്കുന്ന മാതാ​പി​താ​ക്ക​ളു​ടെ​യും വല്യമ്മ​വ​ല്യ​പ്പൻമാ​രു​ടെ​യും ഏകാന്തത ഞാൻ കാണു​മ്പോൾ അവർ ജീവി​ച്ചി​രി​ക്കു​മ്പോൾത്തന്നെ എന്റെ മാതാ​പി​താ​ക്ക​ളോട്‌ യഥാർത്ഥ ആദരവും സ്‌നേ​ഹ​വും കാണി​ക്കാൻ ഞാൻ പഠിച്ച​തിൽ എനിക്ക്‌ വളരെ നന്ദിയുണ്ട്‌.’

കൂടാതെ, പൂർവി​കാ​രാ​ധ​ന​യോട്‌ ക്രിസ്‌ത്യാ​നി​ക്കുള്ള ഏററം ഗുരു​ത​ര​മായ എതിർപ്പ്‌ അത്‌ ദൈവ​ത്തി​ന്റെ ഈ വ്യക്തമായ കല്‌പ​ന​ക്കെ​തി​രായ ഒരു മത്സരഗ​തി​യെ പ്രതി​നി​ധാ​നം​ചെ​യ്യു​ന്നു​വെ​ന്ന​താണ്‌: “എനി​ക്കെ​തി​രെ നിനക്ക്‌ മററു ദൈവങ്ങൾ ഉണ്ടായി​രി​ക്ക​രുത്‌ . . . എന്തു​കൊ​ണ്ടെ​ന്നാൽ നിന്റെ ദൈവ​മായ യഹോ​വ​യായ ഞാൻ അനന്യ​മായ ഭക്തി നിഷ്‌ക്കർഷി​ക്കുന്ന ഒരു ദൈവ​മാ​കു​ന്നു.” (പുറപ്പാട്‌ 20:3, 5) അതു​കൊണ്ട്‌ മരിച്ച ബന്ധുക്കളെ ആരാധി​ക്കു​ന്ന​തി​നു പകരം യഹോ​വയെ ആരാധി​ക്കാ​നുള്ള ബൈബി​ളി​ന്റെ ബുദ്ധി​യു​പ​ദേശം അനുസ​രി​ക്കുക, അവനു മാത്ര​മാണ്‌ മരിച്ച ബന്ധുക്ക​ളു​മാ​യുള്ള സന്തോ​ഷ​ക​ര​മായ ഒരു പുനഃ​സ​മാ​ഗമം സാദ്ധ്യ​മാ​ക്കാൻ കഴിയു​ന്നത്‌.—വെളി​പ്പാട്‌ 20:12, 13. (g89 3/8)

[26-ാം പേജിലെ ആകർഷ​ക​വാ​ക്യം]

“മരിച്ച​വരെ സംബന്ധി​ച്ചി​ട​ത്തോ​ളം അവർക്കു യാതൊ​ന്നി​നെ​ക്കു​റി​ച്ചും ബോധ​മില്ല.”—സഭാ​പ്ര​സം​ഗി 9:5.