ഒളിമ്പിക്‌ ദീപശിഖ കരിനി​ഴൽ വീഴ്‌ത്തു​ന്നു

കാനഡയിലെ ഉണരുക! ലേഖകൻ

തീയും തീജ്വാ​ല​യും ചരി​ത്ര​ത്തി​ന്റെ തുടക്കം മുതൽതന്നെ മനുഷ്യ​നെ സംഭ്ര​മി​പ്പി​ച്ചി​ട്ടുണ്ട്‌. ഏദൻ തോട്ട​ത്തി​ലേ​ക്കുള്ള പ്രവേ​ശനം തടഞ്ഞ “ജ്വലി​ക്കുന്ന വാളിനെ” ആദ്യ മനുഷ്യർ ഭയത്തോ​ടെ വീക്ഷി​ച്ചി​ട്ടു​ണ്ടാ​കണം. (ഉല്‌പത്തി 3:24) എന്നിരു​ന്നാ​ലും മറെറാ​രു ജ്വാല, ഒളിമ്പിക്‌ ദീപശിഖ അനേക​രു​ടെ ഹൃദയ​ങ്ങ​ളിൽ ഊഷ്‌മ​ള​മായ വികാ​രങ്ങൾ ജ്വലി​പ്പി​ച്ചി​ട്ടുണ്ട്‌.

ഈ ദീപശിഖ വിവിധ ഗതാഗത മാർഗ്ഗങ്ങൾ ഉപയോ​ഗിച്ച്‌ ഗ്രീസ്സി​ലെ ഒളിമ്പി​യാ​യിൽ നിന്ന്‌ കടലു​ക​ളും ഭൂഖണ്ഡ​ങ്ങ​ളും താണ്ടി വിജയ​ക​ര​മാ​യി 1988-ലെ XV-ാം വിൻറർ ഒളിമ്പിക്‌ ഗെയിം​സിന്‌ തുടക്കം കുറി​ക്കു​ന്ന​തിന്‌ കാനഡ​യി​ലെ കൽഗാ​രി​യി​ലേ​ക്കും XXIV-ാം സമ്മർ ഒളിമ്പിക്‌ ഗെയിം​സി​ന്റെ തുടക്കം കുറി​ക്കു​ന്ന​തിന്‌ റിപ്പബ്ലിക്‌ ഓഫ്‌ കൊറി​യാ​യി​ലെ സിയൂ​ളി​ലേ​ക്കും കൊണ്ടു വരപ്പെ​ട്ടത്‌ ചിലർ ഓർമ്മി​ക്കു​ന്നു​ണ്ടാ​കും. ഈ ദീപശിഖ കാൽന​ട​യാ​യി​ട്ടും, വീൽചെ​യ​റി​ലും മഞ്ഞു വാഹന​ങ്ങ​ളി​ലും നായ്‌ക്കൾ വലിക്കുന്ന സെഡ്‌ള്‌ക​ളി​ലു​മാ​യി കാനഡ​യ്‌ക്ക്‌ കുറുകേ ഓരോ മൈലും മനുഷ്യ​രാൽ സംവഹി​ക്ക​പ്പെ​ട്ട​പ്പോൾ വികാ​രങ്ങൾ കുന്നു​ക​ളോ​ളം ഉയർന്ന​തി​നാൽ “വികാ​ര​ങ്ങ​ളു​ടെ ജ്വാല” എന്ന ശീർഷ​ക​ത്തിൽ മാക്ലീൻസ്‌ മാസിക ഒരു ലേഖനം പ്രസി​ദ്ധ​പ്പെ​ടു​ത്താൻ അതു ഇടയാക്കി.

എന്നിരു​ന്നാ​ലും, ഒളിമ്പിക്‌ ദീപശി​ഖ​യു​ടെ ഉറവി​നെ​പ്പ​ററി അന്വേ​ഷണം നടത്തുന്ന മററു​ള്ളവർ കാര്യ​ങ്ങളെ ഒരു വ്യത്യസ്‌ത വിധത്തിൽ കാണുന്നു. അവരെ സംബന്ധി​ച്ചി​ട​ത്തോ​ളം ഈ ജ്വാല അസ്വസ്ഥ​ജ​ന​ക​മായ ഒരു നിഴൽ പരത്തുന്നു.

പുനരു​ത്ഥ​രി​ക്ക​പ്പെട്ട ജ്വാല

മിക്കവാ​റും ആദിമ ജനതക​ളു​ടെ ഇടയി​ലെ​ല്ലാം നിലവി​ലുള്ള ഐതി​ഹ്യ​ങ്ങ​ള​നു​സ​രിച്ച്‌ അഗ്നി ആകാശ​ത്തു​നിന്ന്‌ ഒരു ദിവ്യ സമ്മാന​മെന്ന നിലയിൽ ഭൂമി​യി​ലേക്ക്‌ അയയ്‌ക്ക​പ്പെട്ടു. ഗ്രീക്കു പുരാ​ണ​മ​നു​സ​രി​ച്ചാ​ണെ​ങ്കിൽ ഒളിമ്പസ്‌ പർവ്വത​ത്തിൽ വസിച്ചി​രുന്ന ദേവൻമാ​രിൽനിന്ന്‌ പ്രൊ​മീ​ത്തി​യസ്‌ അഗ്നി മോഷ്ടി​ച്ചെ​ടുത്ത്‌ മനുഷ്യർക്കു നൽകി. അഗ്നി വളരെ പ്രധാ​ന​പ്പെ​ട്ട​താ​യി​രു​ന്ന​തി​നാൽ ചില സമൂഹ​ങ്ങ​ളിൽ അതു സ്ഥിരമാ​യി, അണഞ്ഞു​പോ​കാ​തെ സൂക്ഷി​ക്ക​പ്പെ​ട്ടി​രു​ന്നു. ഗ്രീസ്സിൽ അനേകം ഭവനങ്ങ​ളിൽ അഗ്നി സൂക്ഷി​ക്കു​ന്ന​തിന്‌ പവി​ത്ര​മാ​യി കരുത​പ്പെട്ട ഒരു സ്ഥാനമു​ണ്ടാ​യി​രു​ന്നു, അതു ആളുക​ളു​ടെ ജീവനെ അല്ലെങ്കിൽ ആത്മാവി​നെ പ്രതി​നി​ധാ​നം ചെയ്‌തി​രു​ന്നു. റോമിൽ അടുപ്പി​ന്റെ ദേവത​യായ വെസ്‌റ​റ​യ്‌ക്ക്‌ സമർപ്പി​ക്ക​പ്പെട്ട ഒരു ക്ഷേത്ര​മു​ണ്ടാ​യി​രു​ന്നു.

പൊ. യു. മു. 776-ലെ ആദ്യ ഒളിമ്പി​ക്‌സി​ന്റെ സമയത്ത്‌ സേയൂസ്‌ ദേവന്‌ 100 കാളകൾ ബലി അർപ്പി​ക്ക​പ്പെട്ടു. കളിക്ക​ള​ത്തി​ന്റെ ഒരററ​ത്താ​യി ദീപശി​ഖ​യു​മാ​യി ഒരു പുരോ​ഹി​തൻ നിന്നു. കായി​കാ​ഭ്യാ​സി​കൾ മത്സരിച്ച്‌ പുരോ​ഹി​തന്റെ അടു​ത്തേക്ക്‌ ഓടി. ഓട്ടത്തിൽ ജയിച്ച​യാ​ളിന്‌ ദീപശിഖ ഏററു​വാ​ങ്ങു​ന്ന​തി​നും ബലിപീ​ഠ​ത്തിൽ തീ കാണി​ക്കു​ന്ന​തി​നു​മുള്ള പദവി ലഭിച്ചു. മത്‌സരം നടന്ന സമയ​ത്തെ​ല്ലാം സേയൂ​സിന്‌ അർപ്പി​ക്ക​പ്പെട്ട ബലി​യോ​ടുള്ള ബഹുമാന സൂചക​മാ​യി ആ തീ നാളം ജ്വലി​ച്ചു​കൊ​ണ്ടി​രു​ന്നു.

ആയിര​ത്തി​എ​ണ്ണൂ​ററി തൊണ്ണൂ​റ​റി​യാ​റിൽ ബാരൺ പിയേർ ഡി ക്യൂ​ബെർട്ടിൽ ഒളിമ്പിക്‌ മത്സരങ്ങൾ പുനരാ​രം​ഭി​ച്ച​പ്പോൾ ഒരു ദീപശിഖ ഉണ്ടായി​രു​ന്ന​താ​യി രേഖ​യൊ​ന്നു​മില്ല. എന്നിരു​ന്നാ​ലും 1928-ൽ ആംസ്‌റ​റർഡാ​മി​ലും 1932-ൽ ലോസ്‌ ഏഞ്ചൽസി​ലും ഒളിമ്പിക്‌ മത്‌സ​രങ്ങൾ നടന്ന​പ്പോൾ ഒളിമ്പിക്‌ ദീപം ജ്വലി​ച്ചി​രു​ന്ന​താ​യി റിപ്പോർട്ടുണ്ട്‌.

എന്നാൽ ആധുനിക നാളി​ലെ​പ്പോ​ലെ ദീപശിഖ വഹിച്ചു​കൊണ്ട്‌ പോകു​ന്ന​തി​ന്റെ ഈ ആശയം എന്നാണ്‌ ഉടലെ​ടു​ത്തത്‌? ആയിര​ത്തി​തൊ​ള്ളാ​യി​രത്തി മുപ്പത്തി​യാ​റി​ലെ ബെർലിൻ സമ്മർ ഒളിമ്പി​ക്‌സി​ന്റെ നാസ്സി പാർട്ടി സംഘാ​ടകൻ ഗ്രീസ്സി​ലെ ഒളിമ്പി​യാ​യിൽ നിന്ന്‌ ബെർലി​നി​ലേക്ക്‌ 12 ദിവസം ദീർഘി​ച്ച​തും 3,000 ദീപശി​ഖാ വാഹകരെ ഉപയോ​ഗി​ച്ചു​കൊ​ണ്ടു​ള്ള​തു​മായ ഒരു പ്രയാണം സംഘടി​പ്പി​ച്ച​താ​യി മാക്ലീൻസ്‌ മാസിക റിപ്പോർട്ടു ചെയ്യുന്നു. മൂന്നാം ജർമ്മൻ റിപ്പബ്ലി​ക്കി​ന്റെ നേതാ​ക്കൻമാർ ജനങ്ങളിൽ പരമാ​വധി പ്രതി​ക​രണം ഉളവാ​ക്കു​ന്ന​തിൽ വിദഗ്‌ദ്ധ​രാ​യി​രു​ന്നു. മാക്ലീൻസ്‌ ഇപ്രകാ​രം തുടരു​ന്നു: “ദീപശി​ഖ​യു​ടെ ആഗമനം ഉദ്‌ഘാ​ടന ചടങ്ങിന്‌ മുമ്പൊ​രി​ക്ക​ലും ഉണ്ടായി​രു​ന്നി​ട്ടി​ല്ലാത്ത തരം നാടകീ​യത പ്രദാനം ചെയ്‌തു, ആ ആശയം ഇന്നോളം നിലനി​ന്നു​പോ​രു​ന്നു.”

ഗ്രീക്ക്‌ എഴുത്തു​കാ​ര​നായ സെന​ഫോൺ മെസ്സി​നെസ്സി പ്രസ്‌താ​വി​ക്കു​ന്നു: “ഒളിമ്പി​യാ​യിൽനിന്ന്‌ ചില​പ്പോൾ രണ്ടു മാസം പ്രയാണം ചെയ്‌ത്‌ എത്തി​ച്ചേ​രുന്ന ദീപശി​ഖ​യോ​ളം മററ്‌ യാതൊ​രു ചടങ്ങും വൈകാ​രി​കാ​നു​ഭൂ​തി പ്രദാനം ചെയ്യു​ന്നില്ല. അതു നടത്ത​പ്പെ​ടാൻ പോകുന്ന മത്സരങ്ങളെ നൂററാ​ണ്ടു​ക​ളി​ലൂ​ടെ പവി​ത്ര​മാ​ക്ക​പ്പെട്ട മതപര​മായ ചടങ്ങു​ക​ളോട്‌ ബന്ധപ്പെ​ടു​ത്തു​ന്നു.”

പുനർജീ​വി​പ്പി​ക്ക​പ്പെട്ട മത്സരങ്ങൾ

ആദ്യ ഒളിമ്പിക്‌ മത്സരങ്ങൾ ആരാധ​ന​യു​ടെ ജ്വാല ഊതി​ക്ക​ത്തി​ക്കാൻ ഉദ്ദേശി​ച്ചു​ള്ള​വ​യാ​യി​രു​ന്നു. ഒളിമ്പി​യൻ ദേവൻമാ​രിൽ അഗ്രഗ​ണ്യ​നാ​യി​രുന്ന സേയൂ​സി​നെ ബഹുമാ​നി​ക്കാ​നുള്ള മതപര​മായ ആഘോ​ഷ​മാ​യി​ട്ടാണ്‌ അവ ആരംഭി​ച്ചത്‌. പൊ. യു. മു. 776 മുതൽ പൊ. യു. 394 വരെ ഓരോ നാലു​വർഷ​ത്തിൽ ഒരിക്കൽ വീതം ഇവ നടത്ത​പ്പെ​ട്ടി​രു​ന്നു. പൊ. യു. 394-ൽ “ക്രിസ്‌തു​മതം സ്വീക​രിച്ച” റോമൻ ചക്രവർത്തി തെയ​ഡോ​ഷ്യസ്‌ ഈ “‘പുറജാ​തി ഉത്സവങ്ങൾ’ അവസാ​നി​പ്പി​ക്കാൻ” ഉത്തരവി​ട്ടു. അന്നു റോമൻ സാമ്രാ​ജ്യ​ത്തി​ന്റെ ഒരു ഭാഗമാ​യി​രുന്ന ഗ്രീസ്സ്‌ അതിന്‌ വഴങ്ങി.

ഈ റോമൻ കല്‌പന വളരെ കർക്കശ​മാ​യി പാലി​ക്ക​പ്പെ​ട്ട​തി​നാൽ ഒളിമ്പിക്‌ മത്സരങ്ങൾ നടത്തപ്പെട്ട സ്ഥലംതന്നെ തിരി​ച്ച​റി​യ​പ്പെ​ടാ​താ​വു​ക​യും 1,800കൾ വരെ അജ്ഞാത​മാ​യി തുടരു​ക​യും ചെയ്‌തു. “അതു വീണ്ടും തിരി​ച്ച​റി​യ​പ്പെ​ട്ടത്‌, ഒളിമ്പിക്‌ പാരമ്പ​ര്യം പുനർജീ​വി​പ്പി​ക്കാ​നുള്ള ആഗ്രഹം ജനിപ്പി​ക്കു​ക​യും തൽഫല​മാ​യി 1896-ൽ ആദ്യത്തെ ആധുനിക ഒളിമ്പിക്‌ മത്സരം ആഥൻസിൽ നടത്ത​പ്പെ​ടു​ക​യും ചെയ്‌തു,” എന്ന്‌ ദി റെറാ​റെ​ന്റോ സ്‌ററാർ റിപ്പോർട്ടു ചെയ്യുന്നു.

ആധുനിക ഒളിമ്പിക്‌ പ്രസ്ഥാ​ന​ത്തിന്‌ ഒരു സമുന്ന​ത​മായ ലക്ഷ്യമാണ്‌ ഉള്ളത്‌. മെച്ചപ്പെട്ട സാമൂഹ്യ മൂല്യ​ങ്ങ​ളു​ടെ തേട്ടം. കൽഗാരി ഹെറാൾഡിൽ എഴുതു​ക​യിൽ ബ്രൂസ്സ്‌ കിഡ്‌ ഇപ്രകാ​രം പ്രസ്‌താ​വി​ച്ചു: “ഒളിമ്പി​സ​ത്തി​ന്റെ മനുഷ്യ​സ്‌നേ​ഹ​പ​ര​മായ തത്വശാ​സ്‌ത്ര​വും വിശാ​ല​മായ വിദ്യാ​ഭ്യാ​സ പ്രവർത്ത​ന​ങ്ങ​ളും പ്രചരി​പ്പി​ക്കുക വഴി ലോകത്തെ കൂടുതൽ മെച്ചപ്പെട്ട സ്ഥലമാ​ക്കി​ത്തീർക്കാ​നുള്ള ഒരു സാമൂഹ്യ പ്രസ്ഥാ​ന​ത്തി​ന്റെ കേന്ദ്ര സ്ഥാനമാ​യി​രി​ക്കാ​നാണ്‌ അതിന്റെ സ്ഥാപക​നായ പിയെർ ഡി ക്യൂ​ബെർട്ടിൻ ആധുനി​ക​കാല ഒളിമ്പി​ക്‌സ്‌ സ്ഥാപി​ച്ചത്‌.” ഒളിമ്പി​ക്‌സ്‌ മത്സരങ്ങൾ സമുന്ന​ത​മായ ഈ ലക്ഷ്യം നേടി​യി​ട്ടു​ണ്ടോ? കാനഡ​യി​ലെ ഒളിമ്പിക്‌ അക്കാഡ​മി​യു​ടെ ചെയർമാ​നും ഒരു മുൻ ഒളിമ്പി​യ​നു​മായ കിഡ്‌ ഇപ്രകാ​ര​വും കൂടെ കൂട്ടി​ച്ചേർത്തു: “ഒളിമ്പിക്‌ പ്രസ്ഥാനം ഒരു മതേതര മതമാ​ണെന്ന്‌ അവകാ​ശ​പ്പെ​ടു​ന്നു. പൊതു​വേ ഒളിമ്പിക്‌ പ്രസ്ഥാനം നൻമയ്‌ക്കുള്ള ഒരു ശക്തിയാ​യി​രു​ന്നി​ട്ടുണ്ട്‌, എന്നിരു​ന്നാ​ലും അത്‌ അത്തരം ഉന്നതല​ക്ഷ്യ​ങ്ങൾ നേടു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു.”

ഒരുപക്ഷേ അതു ലക്ഷ്യം നേടു​ന്ന​തിൽ പരാജ​യ​പ്പെ​ടു​ന്നത്‌ കടുത്ത മത്സരമുള്ള സ്‌പോർട്ട്‌സ്‌ രംഗത്തു സാമു​ദാ​യി​ക​മായ പരിഷ്‌ക്കാ​രങ്ങൾ കൊണ്ടു​വ​രു​ന്നത്‌ വളരെ പ്രയാ​സ​മാ​യ​തി​നാ​ലാ​യി​രി​ക്കും. കൂടാതെ ഈ വിധത്തി​ലുള്ള മത്സരം ആധുനിക ഒളിമ്പിക്‌ ദീപശി​ഖ​യു​ടെ പിന്നിലെ ആദർശങ്ങൾ ബലിക​ഴി​ക്കാൻ ഇടയാ​ക്കി​യി​രി​ക്കു​ന്നു.

എന്തു വില​കൊ​ടു​ത്തും വിജയം വരിക്കുക

ദേശീയ തലത്തി​ലും വ്യക്തി​പ​ര​മായ തലത്തി​ലും എന്തു വില കൊടു​ത്തും സകല​രെ​യും വെല്ലാ​നുള്ള അതിരു​കടന്ന ആഗ്രഹം കായിക പ്രാപ്‌തി മെച്ച​പ്പെ​ടു​ത്താ​നുള്ള ഉത്തേജക ഔഷധങ്ങൾ വ്യാപ​ക​മാ​യി ഉപയോ​ഗി​ക്കാ​നി​ട​യാ​ക്കി​യി​രി​ക്കു​ന്നു. ഈ ഉപയോ​ഗം കഠിന​മായ മ്ലാനത മുതൽ അനിയ​ന്ത്രി​ത​മായ കോപാ​വേശം വരെയുള്ള മാനസിക പ്രശ്‌ന​ങ്ങ​ളി​ലേക്ക്‌ നയി​ച്ചേ​ക്കാം. കൽഗാരി ഹെരാൾഡിൽ ഡോ. ഹാരിസൺ പോപ്പി​നെ ഉദ്ധരി​ച്ചു​കൊണ്ട്‌ ഇപ്രകാ​രം പറഞ്ഞി​രി​ക്കു​ന്നു: “അനാ​ബോ​ളിക്‌ സ്‌റെ​റ​റോ​യി​ഡ്‌സ്‌ ഉപയോ​ഗി​ക്കു​ന്ന​തിൽനി​ന്നുള്ള മാനസ്സിക രോഗ​ല​ക്ഷ​ണങ്ങൾ നാമാ​രെ​ങ്കി​ലും നേരത്തെ കരുതി​യ​തി​നേ​ക്കാ​ളൊ​ക്കെ വളരെ കൂടു​ത​ലാണ്‌.” യു. എസ്‌. ഒളിമ്പിക്‌ ടീമി​നോട്‌ ബന്ധപ്പെട്ട ഒരു ഡോക്ടർ പറഞ്ഞു: “ഇപ്പോൾ അനാ​ബോ​ളിക്‌ സ്‌റെ​റ​റോ​യി​ഡ്‌സ്‌ ഉപയോ​ഗി​ക്കാ​തെ നിങ്ങൾക്ക്‌ അന്താരാ​ഷ്‌ട്ര കായിക മത്‌സ​ര​ങ്ങ​ളിൽ പങ്കെടു​ക്കാ​നാ​വില്ല.”

“ആളുകളെ വലിപ്പ​ത്തി​ലും വേഗത​യി​ലും ശക്തിയി​ലും മെച്ച​പ്പെ​ട്ട​വ​രാ​ക്കാൻ ഞങ്ങൾ ബയോ എൻജി​നി​യ​റിംഗ്‌ ഉപയോ​ഗി​ക്കു​ക​യാണ്‌” എന്ന്‌ ഒരു ഒളിമ്പിക്‌ ടീം ഡോക്ടർ കൂട്ടി​ച്ചേർത്തു. “അതിൽ കൂടുതൽ കൂടുതൽ കാടത്തം കടന്നു​കൂ​ടു​ക​യാണ്‌. തങ്ങളുടെ പ്രകടനം മെച്ച​പ്പെ​ടു​ത്താൻവേണ്ടി ആളുകൾ എന്തു വേണ​മെ​ങ്കി​ലും ചെയ്യും.” “എന്തുവില കൊടു​ത്തും വിജയി​ക്കുക” രോഗ​ല​ക്ഷ​ണ​മെ​ന്നോ അതിലും അസ്വസ്ഥ​ജ​ന​ക​മാ​യി, “ഫ്രാ​ങ്കെൻസ്‌റ​റീൻ രോഗ​ല​ക്ഷ​ണ​മെ​ന്നോ” അത്‌ ഇന്ന്‌ അറിയ​പ്പെ​ടു​ന്നു. “സ്വർണ്ണം” നേടാ​നുള്ള ഏതു ശ്രമവും—വിജയ​വും അതേത്തു​ടർന്നു ലഭിക്കുന്ന പ്രചാ​ര​വും അതിൽനി​ന്നുള്ള പണവു​മെ​ല്ലാം—നീതീ​ക​രി​ക്കുന്ന സമൂഹ​ത്തിൽ “വിജയി​ക്കു​ന്ന​തി​നേ​ക്കാൾ പ്രധാനം പങ്കെടു​ക്കു​ന്ന​താണ്‌” എന്ന ക്യൂ​ബെർട്ടി​ന്റെ മുദ്രാ​വാ​ക്യ​ത്തിന്‌ യാതൊ​രു പ്രസക്തി​യും ഇല്ലാത്ത​തു​പോ​ലെ തോന്നു​ന്നു.

രക്തത്തിൽ ശ്വേതാ​ണു​ക്ക​ളു​ടെ അളവ്‌ വർദ്ധി​പ്പി​ക്കൽ, ഹോർമോൺ ചികിത്സ, കൃത്രിമ ഗർഭധാ​ര​ണ​വും അതേതു​ടർന്ന്‌ അലസി​പ്പി​ക്ക​ലും, മൂത്രം മാറൽ എന്നിവ​യെ​ല്ലാം തങ്ങളുടെ പ്രകടനം മെച്ച​പ്പെ​ടു​ത്തു​ന്ന​തി​നും എന്നാൽ മയക്കു​മ​രു​ന്നു പരി​ശോ​ധ​ന​യിൽ കണ്ടുപി​ടി​ക്ക​പ്പെ​ടാ​തി​രി​ക്കു​ന്ന​തി​നും ചില ഒളിമ്പിക്‌ കായിക താരങ്ങൾ ഉപയോ​ഗി​ക്കുന്ന തന്ത്രങ്ങ​ളാണ്‌. ദി റെറാ​റെ​ന്റോ സ്‌ററാർ അഭി​പ്രാ​യ​പ്പെ​ട്ട​പ്ര​കാ​രം ചില സ്‌ത്രീ കായി​ക​താ​രങ്ങൾ “ഗർഭധാ​ര​ണ​ത്തോട്‌ അനുബ​ന്ധിച്ച്‌ ശരീര​ത്തി​ലു​ണ്ടാ​കു​ന്ന​താ​യി നിരീ​ക്ഷി​ക്ക​പ്പെ​ട്ടി​ട്ടുള്ള ഹോർമോൺ വർദ്ധന​വിൽ നിന്ന്‌ നേട്ടമു​ണ്ടാ​ക്കാൻവേണ്ടി കൃത്രി​മ​മാ​യി ഗർഭം ധരിക്കു​ക​യും രണ്ടോ മൂന്നോ മാസങ്ങൾ കഴിയു​മ്പോൾ ഗർഭം അലസി​പ്പി​ക്കു​ക​യും ചെയ്യുന്നു.” മററു ചില കായിക താരങ്ങൾ “മയക്കു​മ​രു​ന്നു​പ​യോ​ഗി​ച്ച​ശേഷം മൂത്ര പരി​ശോ​ധ​ന​യിൽ അതു കണ്ടുപി​ടി​ക്ക​പ്പെ​ടാ​തി​രി​ക്കാൻ വേണ്ടി തങ്ങളുടെ മൂത്ര സഞ്ചി മററു​ള്ള​വ​രു​ടെ മയക്കു​മ​രു​ന്നു കലരാത്ത മൂത്രം കൊണ്ട്‌ നിറയ്‌ക്കു​ന്നു.” ചില കായിക താരങ്ങൾ തങ്ങളുടെ ശരീര​ത്തിൽ നിന്ന്‌ രക്തം എടുത്തു സൂക്ഷിച്ചു വയ്‌ക്കു​ന്നു. അപ്പോൾ ശരീര​ത്തിൽ ശ്വേത​ര​ക്താ​ണു​ക്കൾക്കു​ണ്ടാ​കുന്ന കുറവ്‌ സ്വഭാ​വി​ക​മാ​യി പരിഹ​രി​ക്ക​പ്പെ​ടു​ന്നു. മത്സരത്തിന്‌ മുമ്പായി ആ രക്തം വീണ്ടും ശരീര​ത്തിൽ പ്രവേ​ശി​പ്പി​ക്കു​ക​യും അങ്ങനെ മസിലു​കൾക്ക്‌ കൂടുതൽ ഓക്‌സി​ജൻ ലഭിക്കു​ക​യും ചെയ്യുന്നു.

സംസ്‌ക്കാ​ര​ങ്ങൾ ഇടകല​രാ​നുള്ള അവസരങ്ങൾ സംബന്ധി​ച്ചാ​ണെ​ങ്കിൽ, മത്സരത്തിൽ പങ്കെടു​ക്കുന്ന ദേശീയ ടീമുകൾ അന്യോ​ന്യം ബന്ധപ്പെ​ടാ​തെ വേർപ്പെട്ടു നിൽക്കു​ന്നു. മററ്‌ മാദ്ധ്യ​മ​ങ്ങ​ളും തങ്ങളുടെ ടീമു​ക​ളോട്‌ ചേർന്നു നിൽക്കു​ന്നു. അതു​കൊണ്ട്‌ ഈ “വിശുദ്ധ ജ്വാല” ദേശീയ അതിർവ​ര​മ്പു​കൾ ഇല്ലാതാ​ക്കു​ന്ന​തിൽ കാര്യ​മാ​യി ഒന്നും ചെയ്യു​ന്നില്ല. ഒരു എഴുത്തു​കാ​രൻ നിരീ​ക്ഷിച്ച പ്രകാരം: “കൽഗാ​രി​യി​ലെ ശീതകാല ഒളിമ്പി​ക്‌സി​ലും തുടർന്ന്‌ സീയൂ​ളി​ലെ വേനൽക്കാല ഒളിമ്പി​ക്‌സി​ലും സംഭവി​ക്കാൻ പോകു​ന്നത്‌ ഇതാണ്‌. അവ ഓരോ രാജ്യ​ത്തി​നും തങ്ങളുടെ മേൻമ പ്രദർശി​പ്പി​ക്കാ​നുള്ള ഷോ കെയിസ്‌ മാത്ര​മാ​യി​രി​ക്കും.” ഇത്‌ എത്രയോ സത്യ​മെന്ന്‌ തെളിഞ്ഞു! ഒരു ഒളിമ്പിക്‌ ടീമിന്റെ ചീഫ്‌ മെഡിക്കൽ ഓഫീസർ കൂട്ടി​ച്ചേർത്തു, “കായിക താരങ്ങൾ പടയാ​ളി​ക​ളാണ്‌. അവർ വിജയി​ക്കു​ന്നെ​ങ്കിൽ ഞങ്ങളുടെ സംസ്‌ക്കാ​രം മററു​ള്ള​വ​രു​ടേ​തി​നേ​ക്കാൾ ശ്രേഷ്‌ഠ​മാ​ണെന്ന്‌ അംഗീ​ക​രി​ക്ക​പ്പെ​ടും.” അവസാന മെഡൽ നിലയാണ്‌ അതിന്റെ അളവു​കോൽ.

ഒളിമ്പിക്‌ ദീപശി​ഖ​യും അതു എന്തിനു​വേണ്ടി നില കൊണ്ടോ ആ ശ്രേഷ്‌ഠ​മായ ലക്ഷ്യങ്ങ​ളും ഇന്ന്‌ രാഷ്‌ട്രീ​യ​ത്താ​ലും വ്യാപാര ലക്ഷ്യങ്ങ​ളാ​ലും മയക്കു​മ​രു​ന്നു ദുരു​പ​യോ​ഗ​ത്താ​ലും അണയ്‌ക്ക​പ്പെ​ട്ടി​രി​ക്കു​ന്നു. കനേഡി​യൻ ഹ്രസ്വ​ദൂര ഓട്ടക്കാ​ര​നായ ബെൻ ജോൺസ​ണും മററു ചില താരങ്ങൾക്കും മെഡലു​കൾ നഷ്ടപ്പെ​ടാ​നി​ട​യാ​ക്കിയ സീയൂൾ ഒളിമ്പി​ക്‌സി​ലെ മയക്കു​മ​രു​ന്നു ദുഷ്‌കീർത്തി​ക്കു​ശേഷം ഇങ്ങനെ ചോദി​ക്കാൻ ഒരുവൻ നിർബ​ന്ധി​ത​നാ​യി​ത്തീ​രു​ന്നു, ക്ഷണിക​മായ മഹത്വ​ത്തി​നു​വേണ്ടി ഇനിയും എന്തു വിലയാണ്‌ നൽക​പ്പെ​ടുക? (g89 3/8)

[23-ാം പേജിലെ ചിത്രം]

ഒളിമ്പിക്‌ ദീപശിഖ, 1988-ലെ വിൻറർ ഒളിമ്പി​ക്‌സിന്‌ കാനഡാ​യി​ലെ കൽഗാ​രി​യിൽ എത്തി​ച്ചേ​രു​ന്നു