അവരുടെ ഓർമ്മ വിസമ​രി​ക്ക​പ്പെ​ട്ടി​രി​ക്കു​ന്നു​വോ?

നിങ്ങൾ എന്നെങ്കി​ലും ഇംഗ്ലണ്ടി​ലെ ടൊ​ക്കെ​സ്‌ബെ​റി​യി​ലെ ഈ ഒന്നു​പോ​ലെ​യുള്ള ഒരു പഴയ ശ്‌മശാ​നം സന്ദർശി​ക്കു​ക​യും പേരുകൾ മിക്കവാ​റും പൊടി​ഞ്ഞു മാഞ്ഞു​പോയ തകർന്നു​കൊ​ണ്ടി​രി​ക്കുന്ന ശവകു​ടീ​ര​ശി​ലകൾ ശ്രദ്ധി​ക്കു​ക​യും ചെയ്‌തി​ട്ടു​ണ്ടോ? മിക്കവാ​റും മൂന്നോ അതില​ധി​ക​മോ തലമു​റ​ക്കു​മു​മ്പുള്ള മരിച്ച മുത്തച്ഛൻമാ​രും മുത്തശ്ശി​മാ​രും അതിനു മുമ്പു​ള്ള​വ​രും വിസ്‌മ​രി​ക്ക​പ്പെ​ട്ടി​രി​ക്കു​ന്ന​താ​യി തോന്നു​ന്നു. യഥാർത്ഥ​ത്തിൽ ബൈബിൾ ഇപ്രകാ​രം പറയുന്നു: “എന്തു​കൊ​ണ്ടെ​ന്നാൽ ജീവനു​ള്ളവർ തങ്ങൾ മരിക്കു​മെന്ന്‌ അറിയു​ന്നു; എന്നാൽ മരിച്ച​വരെ സംബന്ധി​ച്ചോ അവർക്ക്‌ യാതൊ​ന്നി​നെ​ക്കു​റി​ച്ചും ബോധ​മില്ല, അവർക്ക്‌ മേലാൽ ഒരു പ്രതി​ഫ​ല​വു​മില്ല, എന്തു​കൊ​ണ്ടെ​ന്നാൽ അവരുടെ ഓർമ്മ വിസ്‌മ​രി​ക്ക​പ്പെ​ട്ടി​രി​ക്കു​ന്നു.” അതിന്റെ അർത്ഥം അവരെ ദൈവം​പോ​ലും മറന്നി​രി​ക്കു​ന്നു​വെ​ന്നാ​ണോ?—സഭാ​പ്ര​സം​ഗി 9:5.

യേശു ഇപ്രകാ​രം പറഞ്ഞ​പ്പോൾ സംഗതി​യതല്ല എന്നു പ്രകട​മാ​ക്കി: “ഇതിങ്കൽ ആശ്ചര്യ​പ്പെ​ട​രുത്‌, എന്തു​കൊ​ണ്ടെ​ന്നാൽ സ്‌മാ​ര​ക​ക്ക​ല്ല​റ​ക​ളിൽ ഉള്ളവർ എല്ലാവ​രും അവന്റെ ശബ്ദം കേട്ട്‌ നല്ല കാര്യങ്ങൾ ചെയ്‌തവർ ജീവന്റെ പുനരു​ത്ഥാ​ന​ത്തി​നാ​യും, ദുഷ്‌കാ​ര്യ​ങ്ങൾ പതിവാ​യി ചെയ്‌തവർ ന്യായ​വി​ധി​യു​ടെ പുനരു​ത്ഥാ​ന​ത്തി​നാ​യും പുറത്തു​വ​രു​ന്ന​തി​നുള്ള നാഴിക വരുന്നു.” അതു​കൊണ്ട്‌ മരിച്ചവർ ശുദ്ധീ​ക​രി​ക്ക​പ്പെട്ട ഒരു പറുദീ​സാ​ഭൂ​മി​യിൽ എന്നേക്കും ജീവി​ക്കു​ന്ന​തി​നുള്ള അവസര​ത്തി​ലേക്ക്‌ മടങ്ങി​വ​രും.—യോഹ​ന്നാൻ 5:28, 29; വെളി​പ്പാട്‌ 21:3, 4.

നിശ്ചയ​മാ​യും ചലനോർജ്ജ​ത്തി​ന്റെ ഉറവി​ട​വും കോടി​ക്ക​ണ​ക്കി​നു നക്ഷത്ര​ങ്ങ​ളെ​യും ഗ്രഹങ്ങ​ളെ​യും ഗാലക്‌സി​ക​ളെ​യും പേരി​നാൽ അറിയാ​വു​ന്ന​വ​നു​മായ യഹോ​വ​യാം ദൈവ​ത്തിന്‌ മനുഷ്യ​വർഗ്ഗ​ത്തി​ന്റെ ചരി​ത്ര​ത്തി​ലു​ട​നീ​ളം മരിച്ച ശതകോ​ടി​ക്ക​ണ​ക്കി​നാ​ളു​ക​ളു​ടെ ജീവി​ത​രീ​തി​യും വ്യക്തി​ത്വ​വും ഓർമ്മ​യി​ലേക്കു കൊണ്ട​വ​രു​ന്ന​തിൽ പ്രശ്‌ന​മു​ണ്ടാ​യി​രി​ക്ക​യില്ല. അതു​കൊണ്ട്‌ മരിച്ചവർ, ഒരുപക്ഷേ തങ്ങളുടെ പിൻഗാ​മി​ക​ളാൽ വിസ്‌മ​രി​ക്ക​പ്പെ​ട്ടി​രി​ക്കാ​മെ​ങ്കി​ലും ദൈവ​ത്താൽ വിസ്‌മ​രി​ക്ക​പ്പെ​ടു​ന്നില്ല.—യെശയ്യാവ്‌ 40:26. (g89 5/8)