വിരസത സംഘർഷ​ത്തി​നും വിഷാ​ദ​ത്തി​നും കാരണ​മാ​കാം

“മനുഷ്യർ അനുഭ​വി​ക്കുന്ന അത്യന്തം ഞെരു​ക്കു​ന്ന​തും ഞെക്കി​പ്പി​ഴി​യു​ന്ന​തു​മായ സംഘർഷ​ങ്ങ​ളിൽ ഒന്ന്‌ വിരസ​ത​യാണ്‌.” ഒക്ലഹോമ സർവ്വക​ലാ​ശാ​ല​യിൽനിന്ന്‌ മന:ശാസ്‌ത്ര​വും സ്വഭാ​വ​ശാ​സ്‌ത്ര​വും വകുപ്പിൽ നിന്ന്‌ പിരിഞ്ഞ പ്രൊ​ഫ​സ​റായ ഡോ. ജെയ്‌ ഷർലെ എല്ലി മാസി​ക​യി​ലെ ഒരു ലേഖന​ത്തിൽ അപ്രകാ​രം റിപ്പോർട്ടു ചെയ്യുന്നു. അദ്ദേഹം ഇപ്രകാ​രം പറഞ്ഞു: “നമ്മുടെ ജീവി​ത​ത്തിൽ എന്തോ ശരിയല്ല എന്ന ദു:ഖകരമായ അഹിത​ക​ര​മായ തോന്നൽ ആണ്‌ വിരസത. അത്‌ ഒരു പ്രത്യേ​ക​തരം പ്രചോ​ദ​ന​ത്തി​നാ​യുള്ള അപേക്ഷ, നമ്മുടെ ആവശ്യങ്ങൾ നിറ​വേ​റു​ന്നില്ല എന്നുള്ള ഒരു സിഗ്നൽ, കെണി​യിൽ അകപ്പെ​ട്ട​താ​യുള്ള തോന്നൽ ആണ്‌. അത്‌ വളരെ സംഘർഷ​പൂ​രി​ത​മാണ്‌, അത്‌ വിവിധ പ്രശ്‌ന​ങ്ങ​ളി​ലേക്ക്‌ നയിക്കു​ക​യും ചെയ്‌തേ​ക്കാം—വിഷാദം, മയക്കു​മ​രു​ന്നു​പ​യോ​ഗം, മാനസിക രോഗം, അല്ലെങ്കിൽ വിരസ​ത​യിൽ നിന്ന്‌ രക്ഷപെ​ടാൻ വളരെ​യ​ധി​കം ഉറങ്ങു​ന്ന​തു​പോ​ലെ ലളിത​മായ എന്തെങ്കി​ലും.”

വിരസ​ത​യു​ടെ കാരണ​ങ്ങ​ളും ഫലങ്ങളും സംബന്ധി​ച്ചുള്ള ഡോ. ഷർലെ​യു​ടെ ഗവേഷണം അൻറാർട്ടി​ക്കി​ലെ അഞ്ചുവർഷത്തെ ഒരു പദ്ധതി​യു​ടെ ഭാഗമാ​യി​രു​ന്നു. വിരസ​തക്ക്‌ ഒരു ദൂഷിത വലയം തൊടു​ത്തു​വി​ടാൻ കഴിയും എന്നതാ​യി​രു​ന്നു അയാളു​ടെ ശ്രദ്ധേ​യ​മായ നിരീ​ക്ഷ​ണ​ങ്ങ​ളിൽ ഒന്ന്‌. അതിന്‌ ഒരു വ്യക്തി​യിൽ വലിയ സംഘർഷം ജനിപ്പി​ക്കാൻ കഴിയും. ക്രമത്തിൽ സംഘർഷം വിരസ​ത​യു​ണ്ടാ​ക്കു​ന്നു, അത്‌ വീണ്ടും കൂടുതൽ ആന്തരിക സംഘർഷം സൃഷ്‌ടി​ക്കു​ന്നു.

ഈ വിരസതാ-സംഘർഷം പരിവൃ​ത്തി​യു​ടെ ഫലങ്ങൾ വിനാ​ശ​ക​ര​മാ​യി​രി​ക്കാ​വു​ന്ന​താണ്‌. ഡോ. ഷർലെ ഇപ്രകാ​രം അവകാ​ശ​പ്പെ​ടു​ന്നു: “പല ഉപേക്ഷ​ണ​ങ്ങ​ളും ഉണ്ടാകു​ന്നത്‌ ഒരു ഭർത്താ​വോ ഭാര്യ​യോ ജോലി​യിൽ വിരസ​ത​യ​നു​ഭ​വി​ക്കു​ക​യും കുട്ടികൾ പോയ​തി​നാൽ ഇപ്പോൾ വിരസ​ത​യ​നു​ഭ​വി​ക്കു​ക​യും മ്ലാനമായ ഒരു സാമൂ​ഹ്യ​ജീ​വി​ത​ത്താൽ വിരസ​ത​യ​നു​ഭ​വി​ക്കു​ക​യും, എന്നാൽ പ്രശ്‌നം അടിസ്ഥാ​ന​പ​ര​മാ​യി വ്യക്തി​പരം ആണെന്നുള്ള വസ്‌തുത അഭിമു​ഖീ​ക​രി​ക്കാ​തി​രി​ക്കു​ക​യും അഥവാ അതിനു കഴിയാ​തി​രി​ക്കു​ക​യും ചെയ്യു​ന്നതു നിമി​ത്ത​മാണ്‌.” അതു​കൊണ്ട്‌ വിരസ​ത​യ​നു​ഭ​വി​ക്കുന്ന ഇണ വിവാ​ഹ​മോ​ചനം നേടി “പുതിയ ആരെ​യെ​ങ്കി​ലും കണ്ടെത്തു​ന്നു, കുറച്ചു​കാ​ല​ത്തേക്ക്‌ അത്‌ പ്രശ്‌നം പരിഹ​രി​ക്കു​ന്നു. കുറച്ചു​കാ​ല​ത്തേക്ക്‌ മാത്രം. അത്‌ വീണ്ടും ഒരുവനെ പിടി​കൂ​ടാൻ വരുന്നു.” അതെ, വിരസത വീണ്ടും വ്യക്തിയെ മനോ​വൈ​ക്ല​ബ്യ​ത്തി​ലേക്ക്‌ തള്ളിവി​ടു​ന്നു.

“മനുഷ്യ​മ​നസ്സ്‌ മാററ​ത്തി​നും വെല്ലു​വി​ളി​ക്കും പഠനത്തി​നും പുതിയ അനുഭ​വ​ത്തി​നു​മാ​യി വിശക്കു​ന്നു. വൈവി​ദ്ധ്യം ജീവി​ത​ത്തി​ന്റെ മേമ്പൊ​ടി​യല്ല. അത്‌ ജീവി​ത​ത്തി​ന്റെ അടിസ്ഥാന വസ്‌തു​വാണ്‌,” എന്ന്‌ ഡോ. ഷർലെ പറഞ്ഞു. ഈ ബന്ധത്തിൽ ധനികർക്ക്‌ പ്രത്യേ​കി​ച്ചും വിരസതാ പ്രശ്‌നങ്ങൾ ഉള്ളതെ​ന്തു​കൊ​ണ്ടെന്ന്‌ ഡോ. ഷർലെ വിശദീ​ക​രി​ച്ചു. “അവർക്ക്‌ അവർ ആഗ്രഹി​ക്കുന്ന എന്തും വാങ്ങാൻ കഴിയും. എന്തെങ്കി​ലും യഥാർത്ഥ​ത്തിൽ സംതൃ​പ്‌തി​ക​ര​മാ​യി​രി​ക്കു​ന്ന​തിന്‌ അത്‌ പ്രയത്‌നി​ച്ചു നേടേ​ണ്ടി​യി​രി​ക്കു​ന്നു. ഒന്നും യഥാർത്ഥ​ത്തിൽ വെല്ലു​വി​ളി​പ​ര​മ​ല്ലാ​ത്ത​പ്പോൾ അത്യന്തം പകി​ട്ടേ​റിയ മഹത്വ​മേ​റിയ ആസ്‌തി​ക്യം പോലും വിരസ​മാണ്‌—ഈ അവസ്ഥയി​ലുള്ള വളരെ​യ​ധി​കം ആളുക​ളും മയക്കു​മ​രു​ന്നു​പ​യോ​ഗ​ത്തി​ലേക്കു തിരി​യു​ന്ന​തി​ന്റെ ഒരു കാരണം തന്നെ.” (g89 12/22)