ഒളിച്ചു കളി നടത്തുന്ന കാട്ടു പൂച്ച

സുറിനാമിലെ “ഉണരുക!” ലേഖകൻ

ഒരു കാട്ടു​വ​ഴി​യി​ലൂ​ടെ യാത്ര ചെയ്യു​മ്പോ​ഴാ​യി​രു​ന്നു ഞാനും എന്റെ ഭാര്യ​യും ആദ്യമാ​യി ഒളിച്ചു​കളി നടത്തുന്ന ഈ പൂച്ചയെ കണ്ടത്‌. “നോക്കൂ!” ഞങ്ങളുടെ ജീപ്പ്‌ ഒരു വളവു തിരി​ഞ്ഞ​പ്പോൾ ഞാൻ വിളിച്ചു പറഞ്ഞു. ഞങ്ങൾ ഒരു പെനി​റ​റി​ഗ്രി​യെ മുഖാ​മു​ഖം കണ്ടു. സുറി​നാ​മിൽ ഒരു പുള്ളി​പ്പു​ലി​യെ ഞങ്ങൾ അങ്ങനെ​യാണ്‌ വിളി​ക്കു​ന്നത്‌. മഞ്ഞയും തവിട്ടും കലർന്ന അതിന്റെ രോമ​പാ​ളി പുതു​താ​യി ചായം പൂശി​യ​തു​പോ​ലെ തിളങ്ങു​ന്നു​ണ്ടാ​യി​രു​ന്നു. അസ്‌തമന സൂര്യൻ അതിന്റെ നിറങ്ങൾക്ക്‌ പകിട്ടു വർദ്ധി​പ്പി​ച്ചു: തങ്ക നിറവും ചുവപ്പും തവിട്ടും. കവിൾത്ത​ട​വും നെഞ്ചും ഉദരവും മങ്ങിയ വയ്‌ക്കോൽ നിറം. ശരീര​ത്തിൽ എല്ലായി​ട​ത്തും തന്നെ കാണപ്പെട്ട പല വലിപ്പ​ത്തി​ലും രൂപത്തി​ലു​മുള്ള കറുത്ത പൊട്ടു​ക​ളാ​യി​രു​ന്നു ഏററം ശ്രദ്ധേ​യ​മാ​യത്‌.

കൊളം​ബ​സി​ന്റെ കാലത്തി​നു മുമ്പുള്ള ഇൻഡ്യൻ വംശജർ ഈ പുള്ളി​പ്പു​ലി​യു​ടെ രൂപലാ​വ​ണ്യ​ത്തിൽ ആകൃഷ്ട​രാ​യി അതിനെ ഒരു ദൈവ​മാ​യി കണക്കാ​ക്കി​യി​രു​ന്നു! അതിന്റെ പുള്ളി​ക്കു​പ്പാ​യം നക്ഷത്ര​നി​ബി​ഡ​മായ ആകാശത്തെ പ്രതി​നി​ധാ​നം ചെയ്യുന്നു എന്ന്‌ അവർ പറഞ്ഞി​രു​ന്നു. ദക്ഷിണ അമേരി​ക്കൻ മൃഗങ്ങൾക്കി​ട​യി​ലെ അജയ്യ രാജനാ​യി ഇന്നും അനേകർ പുള്ളി​പ്പു​ലി​യെ കരുതു​ന്നു. വാൽ ഉൾപ്പെ​ടു​ത്താ​തെ അളന്നാൽ ആറ്‌ അടി [1.8 മീററർ] നീളം വരുന്ന ഒരു ആൺ പുലിക്ക്‌ 250 റാത്തൽ [110 കിലോ​ഗ്രാം]a തൂക്കമുണ്ട്‌. അതിന്റെ ഉരുണ്ട തലയിൽനി​ന്നും ദൃഢ​പേ​ശി​യുള്ള കഴുത്തിൽനി​ന്നും വീപ്പക്കു​റ​റി​പോ​ലുള്ള ഉടലിൽ നിന്നും കുറി​യ​തും കരുത്തു​റ​റ​തു​മായ കാലിൽനി​ന്നും വലിപ്പ​മുള്ള കൈപ്പ​ത്തി​യിൽനി​ന്നും ഗംഭീ​ര​മായ ശക്തി വഴി​ഞ്ഞൊ​ഴു​കു​ന്നു.

എന്നാൽ ഞങ്ങളുടെ പുള്ളി​പ്പു​ലി കറുത്ത പൊട്ടു​ക​ളുള്ള വാൽ ഉയർത്തി​പ്പി​ടി​ച്ചു​കൊണ്ട്‌ സാവകാ​ശം നടന്നു നീങ്ങി. കുററി​ച്ചെ​ടി​കൾക്കി​ട​യിൽ അതു നിലയു​റ​പ്പി​ച്ചു. അതിന്റെ കറുത്ത പൊട്ടു​കൾ നിഴൽപാ​ടു​കൾ പോലെ, അത്‌ വെയി​ലേ​ററു നിൽക്കുന്ന ചുററു​പാ​ടിൽ ഇഴുകി​ചേർന്ന​പ്പോൾ “എത്ര നല്ല പ്രച്ഛന്ന വേഷം!” ഞങ്ങൾ അടക്കം പറഞ്ഞു.

ഒളിസ്ഥ​ല​ങ്ങ​ളിൽ കഴിയാൻ ഇഷ്ടപ്പെ​ടു​ന്ന​തി​നാൽ പുള്ളി​പ്പു​ലി​യെ വിരള​മാ​യേ കാണാൻ കിട്ടു​ക​യു​ള്ളു. സുറി​നാ​മി​ന്റെ 80 ശതമാ​ന​വും ഉഷ്‌ണ​മേ​ഖ​ലാ​വ​ന​മാ​യ​തി​നാൽ അതു പുള്ളി​പ്പു​ലി​കൾക്കും ഏററം യോജിച്ച നാടാണ്‌.

‘സന്ദർശന കാർഡു​കൾ’ ഇട്ടിട്ടു പോകു​ന്നു

എന്നിരു​ന്നാ​ലും പുള്ളി​പ്പു​ലി അതിന്റെ സന്ദർശന കാർഡു​കൾ നാട്ടി​ലെ​ല്ലാം ഇട്ടിട്ടു​പോ​കു​ന്നു. “ഞാൻ അവയുടെ പാദമു​ദ്രകൾ അററ്‌ലാൻറിക്‌ തീരത്തെ ചെളി​മ​ണ്ണിൽ കണ്ടിട്ടുണ്ട്‌” ഒരു വനവാസി പിന്നീട്‌ എന്നോട്‌ പറഞ്ഞു. “ബ്രസ്സീ​ലി​ന്റെ അതിർത്തി​യി​ലും അവയുടെ നഖപ്പാ​ടു​ക​ളുള്ള മരങ്ങൾ ഞാൻ കാണാ​നി​ട​യാ​യി​ട്ടുണ്ട്‌.” പുള്ളി​പ്പു​ലി​കൾ തങ്ങളുടെ സ്വന്തം പ്രദേ​ശ​ത്തിന്‌ അതിരു​കൾ ഇടുന്നത്‌ അങ്ങനെ​യാ​ണെന്ന്‌ ചിലർ പറയുന്നു.

“അതു ശരിയാണ്‌,” വനസഞ്ചാ​രി​ക​ളു​ടെ ഗൈഡാ​യി സേവി​ച്ചി​ട്ടുള്ള 83 വയസ്സു​കാ​രൻ ജെയിംസ്‌ ബ്രൗൺ പറയുന്നു. “ഒരു പെനി​റ​റി​ഗ്രി ഞങ്ങളുടെ മുമ്പേ പോയി​ട്ടുണ്ട്‌ എന്ന്‌ വിളി​ച്ച​റി​യി​ക്കുന്ന നഖപ്പാ​ടു​കൾ മരങ്ങളിൽ ഞങ്ങൾ പലപ്പോ​ഴും കണ്ടിട്ടുണ്ട്‌.” തങ്ങളുടെ നഖങ്ങൾക്ക്‌ മൂർച്ച കൂട്ടാ​നും പുള്ളി​പ്പു​ലി​കൾ മരപ്പട്ട മാന്തി​ക്കീ​റും.

“ഞാൻ ഇവിടം സന്ദർശി​ച്ചു” എന്നതിന്‌ പുള്ളി​പ്പു​ലി​കൾ അടയാളം ഇടുന്ന മറെറാ​രു രീതി അവയുടെ മണം പരത്തു​ക​യും കാഷ്‌ഠ​മി​ടു​ക​യും ചെയ്യുക എന്നതാണ്‌. ഡോക്ടർ അലൻ റാബി​നോ​വി​റ​റ്‌സ്‌ ഈയിടെ പുള്ളി​പ്പു​ലി​കളെ സംബന്ധി​ച്ചുള്ള ഒരു രണ്ടു വർഷത്തെ പഠനം പൂർത്തി​യാ​ക്കി. ഒരു പുള്ളി​പ്പു​ലി മിക്ക​പ്പോ​ഴും 15 മുതൽ 40 വരെ ചതുരശ്ര മൈൽ [40-100 ച. കി. മീ.] വിസ്‌തീർണ്ണ​മുള്ള ഒരു നിബിഢ വനപ്ര​ദേശം സ്വന്തമാ​യി അതിരി​ട്ടു തിരി​ച്ചെ​ടു​ക്കു​ന്നു. പര്യ​വേ​ഷണം നടത്തുന്ന സഞ്ചാരി​കൾ പുള്ളി​പ്പു​ലി​ക​ളു​ടെ ജീവിതം സംബന്ധിച്ച്‌ അൽപ്പമേ മനസ്സി​ലാ​ക്കി​യി​ട്ടു​ള്ളു എന്നത്‌ അതിശ​യമല്ല! അവരുടെ കണ്ടുപി​ടു​ത്തങ്ങൾ എല്ലാം കൂടെ ഒന്നിച്ചു​ചേർക്കു​മ്പോൾ അത്യാ​കർഷ​ക​മായ ഒരു ചിത്ര​മാണ്‌ തെളി​ഞ്ഞു​വ​രു​ന്നത്‌. അതു ചുരുൾ നിവരു​ന്നത്‌ എങ്ങനെ​യെന്ന്‌ കാണുക.

പുള്ളി​പ്പു​ലി​ക​ളു​ടെ ലോക​ത്തി​ലേക്ക്‌ ഒരു എത്തി​നോ​ട്ടം

നേരം സന്ധ്യയാ​കു​ന്നു. മൂളുന്ന ഷട്‌പ​ദ​ങ്ങ​ളു​ടെ​യും പാടുന്ന പക്ഷിക​ളു​ടെ​യും ആക്രോ​ശി​ക്കുന്ന കുരങ്ങൻമാ​രു​ടെ​യും ശബ്ദം നമ്മുടെ ചുററി​ലും കേൾക്കാം. എന്നാൽ ശ്രദ്ധിക്കൂ! ഭീതി​പ്പെ​ടു​ത്തുന്ന പരുക്കൻ മുറു​മു​റുപ്പ്‌ മരങ്ങൾക്കി​ട​യി​ലൂ​ടെ അരിച്ചു വരുന്നു. തുടർന്ന്‌ ഭയാന​ക​മായ നിശബ്ദത. കുതി​ച്ചു​പാ​യുന്ന മൃഗങ്ങ​ളും ചൂളം​വി​ളി​ച്ചു പായുന്ന പക്ഷിക​ളും ചിതറി​യോ​ടു​ന്നു. സിംഹ​ത്തി​ന്റെ അലർച്ച​പോ​ലെ പേടി​പ്പെ​ടു​ത്തുന്ന മുറുമ്മൽ ഒരു വട്ടം കൂടെ കേൾക്കു​ന്നു! കരുത്ത​നായ ഒരു ആൺപുലി മറനീക്കി പ്രത്യ​ക്ഷ​പ്പെ​ടു​ന്നു.

ഇത്‌ അവന്റെ രാജ്യ​മാണ്‌—നദീതീ​രത്തെ വനവും ചതുപ്പു​നി​ല​ങ്ങ​ളും. മാർജ്ജാര വർഗ്ഗത്തിൽപെട്ട എല്ലാ വലിയ മൃഗങ്ങ​ളി​ലും​വെച്ച്‌ വെള്ളത്തിൽ ഏററവും അധികം പരിച​യ​മു​ള്ളത്‌ പുള്ളി​പ്പു​ലി​ക്കാണ്‌. വാസ്‌ത​വ​ത്തിൽ വിനോ​ദ​ത്തി​നും ബിസി​ന​സ്സി​നും അവന്‌ വെള്ളം അത്യാ​വ​ശ്യ​മാണ്‌—മത്സ്യബന്ധന ബിസി​നസ്സ്‌. നദിക്ക​രെ​യുള്ള തന്റെ മീൻപി​ടു​ത്ത​കേ​ന്ദ്ര​ത്തി​ലേക്ക്‌ അവൻ നീന്തുന്നു, തലയും മുതു​കും വാലും വെള്ളത്തി​നു​മു​ക​ളിൽ പിടി​ച്ചു​കൊണ്ട്‌ വളരെ വിദഗ്‌ദ്ധ​മായ രീതി​യിൽ ഏതാണ്ട്‌ നേർവ​ര​യിൽത്തന്നെ അവൻ തുഴഞ്ഞു നീങ്ങുന്നു. “പുള്ളി​പ്പു​ലി​കൾ വളരെ നന്നായി നീന്തും,” ഒരു വനപര്യ​വേ​ഷ​ക​നായ ഹെയിൻസ്‌ ഹെയിഡ്‌ എന്നോടു പറഞ്ഞു. “അവ വളരെ വേഗത്തിൽ നീന്തു​ന്ന​തി​നാൽ അവ വില്ലാ​കൃ​തി​യി​ലുള്ള തരംഗങ്ങൾ സൃഷ്ടി​ക്കു​ന്നു. അവ വെള്ളച്ചാ​ട്ട​ങ്ങൾക്ക്‌ കുറുകെ കടക്കു​ന്നത്‌ ഞാൻ കണ്ടിട്ടുണ്ട്‌.”

നദി കുറുകെ കടന്നു കഴിഞ്ഞാൽ പുള്ളി​പ്പു​ലി കരക്കു​ക​യറി ദേഹത്തു​നിന്ന്‌ വെള്ളം കുടഞ്ഞു​ക​ള​യു​ന്നു. അവൻ നദിയി​ലേക്കു ചാഞ്ഞു​കി​ട​ക്കുന്ന ഒരു വൃക്ഷകാ​ണ്ഡ​ത്തിൽ കയറി വെള്ളത്തി​ന്റെ ആഴത്തി​ലേക്ക്‌ തുളച്ചു​ക​ട​ക്കാൻ ആഗ്രഹി​ക്കുന്ന നോട്ട​വു​മാ​യി വെള്ളത്തിൽ കണ്ണും​നട്ട്‌ പമ്മിക്കി​ട​ക്കു​ന്നു. എന്നിട്ട്‌ മിന്നൽവേ​ഗ​ത്തിൽ കൂർത്ത നഖങ്ങളുള്ള കൈപ്പ​ത്തി​കൊണ്ട്‌ ചെതു​മ്പ​ലുള്ള തന്റെ ഇരയെ കോരി​യെ​ടു​ക്കു​ന്നു.

“ചന്ദ്രി​ക​യുള്ള ഒരു രാത്രി​യിൽ,” മി. ഹെയിഡ്‌ അനുസ്‌മ​രി​ക്കു​ന്നു, “ഒരു പുള്ളി​പ്പു​ലി മൂന്നടി [ഒരു മീററർ] നീളമുള്ള അഞ്ചോ​മാ​രാ​കളെ [ഒരിനം മത്സ്യം] കോരി​യെ​റി​യു​ന്നതു ഞാൻ കണ്ടു. ഏറിന്റെ ശക്തി​കൊണ്ട്‌ അവ വായു​വി​ലൂ​ടെ പറന്ന്‌ പുലി​യു​ടെ 15 അടി [5 മീററർ] പിന്നി​ലാ​യി​ട്ടാണ്‌ അലച്ചു​വീ​ണത്‌. പുള്ളി​പ്പു​ലി​കൾ അവിശ്വ​സ​നീ​യ​മാം​വണ്ണം കരുത്ത​രാണ്‌!” “ഒരു പുള്ളി​പ്പു​ലി ഭീമാ​കാ​ര​നായ ഒരു എയററ്‌ കാൻറി​യെ [ഒരിനം ആമ] 4 മീററർ ദൂര​ത്തേക്ക്‌ കോരി എറിഞ്ഞ​തി​ന്റെ അടയാളം ഞാൻ കണ്ടു” എന്ന്‌ പുലി​കളെ വനത്തിൽ നിരീ​ക്ഷി​ച്ചി​ട്ടുള്ള ജീവശാ​സ്‌ത്ര​ജ്ഞ​നായ പീററർ ററ്യൂ​ണി​സൻ പറഞ്ഞി​രി​ക്കു​ന്നു.

പുള്ളി​പ്പു​ലി കരുത്ത്‌ മാത്രമല്ല മററു പല പ്രാപ്‌തി​ക​ളും ഉള്ളവനാണ്‌. അവൻ മൂന്നു വ്യത്യസ്‌ത ചുററു​പാ​ടു​ക​ളി​ലും വിദഗ്‌ദ്ധ വേട്ടക്കാ​ര​നാണ്‌, വെള്ളത്തി​ലും കരയി​ലും മരത്തി​ലും. വെള്ളത്തി​ലൂ​ടെ നടക്കു​മ്പോ​ഴും മരത്തിൽ പിടിച്ചു കയറു​മ്പോ​ഴും അവന്റെ നഖങ്ങൾ പർവതാ​രോ​ഹ​കന്റെ കൂർത്ത ആണിക​ളുള്ള ചെരി​പ്പു​പോ​ലെ കാൽ വഴുതാ​തെ അവനെ സഹായി​ക്കു​ന്നു. കരയി​ലാ​കട്ടെ ശബ്ദം ഒട്ടും പുറ​പ്പെ​ടു​വി​ക്കാത്ത കാലു​മാ​യി​ട്ടു നടക്കു​ന്ന​തിന്‌ അവൻ നഖങ്ങൾ ഉള്ളി​ലേക്ക്‌ വലിക്കു​ന്നു. ഇരപി​ടി​ക്കാൻ പററിയ പാദങ്ങൾ തന്നെ.

എന്നാൽ ഒരു വേട്ടക്കാ​രന്‌ ക്ഷമയും വേഗത​യും സമയ ക്ലിപ്‌ത​ത​യും ആവശ്യ​മാണ്‌. സ്വന്തമാ​യി ഇര പിടി​ക്കാൻ കഴിയു​ന്ന​തിന്‌ ഒരു പുലി​ക്കു​ട്ടിക്ക്‌ അമ്മയിൽനി​ന്നുള്ള രണ്ടു വർഷത്തെ പരിശീ​ലനം ആവശ്യ​മാ​യി​രി​ക്കു​ന്നത്‌ അതിശ​യമല്ല! ആറ്‌ ആഴ്‌ചകൾ കഴിയു​മ്പോൾ തന്നെ പുലി​ക്കു​ട്ടി​കൾ അമ്മയോ​ടൊ​പ്പം സഞ്ചരിച്ചു തുടങ്ങു​ന്നു. എന്നാൽ അവൾ ഇരപി​ടി​ക്കാൻപോ​കു​മ്പോൾ അവ വള്ളിക്കാ​ടു​ക​ളിൽ ഒളിച്ചു കിടക്കും.

കരണ്ടു തിന്നുന്ന ജന്തുക്ക​ളിൽവെച്ച്‌ ലോക​ത്തി​ലെ ഏററം വലിയ ഇനമായ കാപ്പി​ബാ​റാ​ഡി​ന്റെ ഒരു കൂട്ടത്തെ കണ്ടെത്തു​ന്ന​തു​വരെ അവൾ നദീതീ​ര​ത്തു​കൂ​ടെ ശ്രദ്ധാ​പൂർവ​വും സാവകാ​ശ​വും നീങ്ങുന്നു. അവൾ ഇഞ്ചിഞ്ചാ​യി ഇഴഞ്ഞു നീങ്ങുന്നു, ഇരയു​ടെ​മേൽ ദൃഷ്ടി പതിപ്പിച്ച്‌ അനങ്ങാതെ കിടക്കു​ന്നു. വാലിന്റെ അററം ഒഴിച്ചാൽ അവളുടെ ശരീരം ചലനമററ നിലയി​ലാണ്‌. എന്നാൽ അവളുടെ സാന്നി​ദ്ധ്യം മനസ്സി​ലാ​ക്കിയ കാപ്പി​ബാ​റാ​കൾ വെള്ളത്തി​ലേക്ക്‌ ഊളി​യി​ടു​ന്നു. പുള്ളി​പ്പു​ലി​കൾക്ക്‌ അത്തരം പരാജയം നന്നേ വിരള​മാണ്‌. മിക്ക​പ്പോ​ഴും പുലി​കൾക്ക്‌ അവയെ പിടി​കൂ​ടാൻ കഴിയു​ന്ന​തി​നാൽ കാപ്പി​ബാ​റാ​കളെ “പുള്ളി​പ്പു​ലി​ക​ളു​ടെ അനുദി​നാ​ഹാ​രം” എന്ന്‌ വിളി​ക്കു​ന്നു.

ഉപവി​ഭ​വ​ങ്ങ​ളോ? ധാരാ​ള​മുണ്ട്‌. ചെറിയ എലിപ്പന്നി മുതൽ തടിച്ചു​കൊ​ഴുത്ത ററാപ്പിർ വരെ, മുള്ളൻപ​ന്നി​ക​ളും ആമകളും മുതല​ക​ളും പോലും സുരക്ഷി​തരല്ല. ചില​പ്പോ​ഴൊ​ക്കെ പുലികൾ വനം വിട്ട്‌ മേച്ചിൽപ്ര​ദേ​ശ​ങ്ങ​ളി​ലേ​ക്കും കടന്നു​വ​രു​ന്നു. “കഴിഞ്ഞ ദിവസം ഒരു പശുവി​നെ​യും കിടാ​വി​നെ​യും ഒരു പുലി ആക്രമി​ച്ചു” എന്ന്‌ റോണി ക്രാനൻബർഗ്‌ എന്ന മൃഗ ഡോക്ടർ പറയുന്നു. “അതു സംഭവി​ച്ചത്‌ പട്ടണത്തിൽ നിന്ന്‌ ഏതാനും മൈലു​കൾ മാത്രം അകലെ​യാണ്‌.” എന്നാൽ ഈ ആക്രമ​ണങ്ങൾ മിക്ക​പ്പോ​ഴും ചെറു​പ്പ​ക്കാ​രായ എതിരാ​ളി​ക​ളാൽ പുറന്ത​ള്ള​പ്പെ​ടുന്ന പ്രായ​മേ​റിയ പുലി​ക​ളൊ വെടി​യേ​ററ്‌ അവശ നിലയി​ലായ മൃഗങ്ങ​ളൊ ഉൾപ്പെ​ട്ട​വ​യാണ്‌.

പുലികൾ മനുഷ്യ​രെ ആക്രമി​ക്കാ​റി​ല്ലേ? “ഇല്ല, അതു വളരെ വിരള​മാണ്‌” എന്ന്‌ മേൽപറഞ്ഞ മൃഗ​ഡോ​ക്ടർ പറയുന്നു. ജീവശാ​സ്‌ത്ര​ജ്ഞ​നായ ററ്യൂ​ണി​സെൻ അതി​നോട്‌ യോജി​ക്കു​ന്നു. കടലാ​മ​കളെ സംബന്ധി​ച്ചുള്ള ഒരു ഗവേഷ​ണ​ത്തിൽ സഹായി​ക്കു​ന്ന​തി​നി​ട​യിൽ സമു​ദ്ര​തീ​രത്തു കൂടെ നടന്നത്‌ അദ്ദേഹം ഓർമ്മി​ക്കു​ന്നു. തിരികെ വരു​മ്പോൾ തന്റെ പാദമു​ദ്ര​കൾക്കു മുകളിൽ ഒരു പുലി​യു​ടെ പാദങ്ങൾ പതിഞ്ഞി​രി​ക്കു​ന്ന​താ​യി അദ്ദേഹ​ത്തി​ന്റെ കൈവ​ശ​മു​ണ്ടാ​യി​രുന്ന റേറാർച്ചു​ലൈ​ററ്‌ വെളി​പ്പെ​ടു​ത്തി. ഒരു പുലി അദ്ദേഹത്തെ അടുത്തു പിന്തു​ട​രു​ന്നു​ണ്ടാ​യി​രു​ന്നു! എന്നാൽ ആ ജീവശാ​സ്‌ത്രജ്ഞൻ തിരികെ വന്നപ്പോൾ ഉപദ്ര​വി​ക്കു​ന്ന​തി​നു പകരം പെട്ടെ​ന്നു​തന്നെ പുലി അപ്രത്യ​ക്ഷ​മാ​യി.

“അവ ആമകളെ ആക്രമി​ക്കാ​റുണ്ട്‌,” ററ്യൂ​ണി​സെൻ പറയുന്നു, “അതു​കൊണ്ട്‌ രാത്രി​കാ​ല​ങ്ങ​ളിൽ ആമമു​ട്ടകൾ മാന്തി​യെ​ടു​ത്തി​രു​ന്ന​പ്പോൾ എനിക്ക്‌ അൽപ്പം അസ്വസ്ഥത അനുഭ​വ​പ്പെട്ടു. മണൽ വീഴു​ന്ന​തി​ന്റെ ശബ്ദം ആമകൾ മണൽ മാന്തു​മ്പോ​ഴ​ത്തേ​തു​പോ​ലെ തന്നെയാണ്‌. എനിക്ക്‌ ആകെകൂ​ടെ ചെയ്യാ​മാ​യി​രു​ന്നത്‌ ആമകൾ റേറാർച്ചു​ലൈ​റ​റു​മാ​യി വരിക​യില്ല എന്ന്‌ പുലി​കൾക്ക്‌ അറിയാം എന്ന്‌ പ്രതീ​ക്ഷി​ച്ചു​കൊണ്ട്‌ ഇടക്കിടെ റേറാർച്ച്‌ മിന്നി​ക്കുക മാത്ര​മാ​യി​രു​ന്നു.

കള്ളക്കടത്ത്‌

എന്നാൽ പുള്ളി​പ്പു​ലി​കൾക്ക്‌ മനുഷ്യ​രിൽനി​ന്നുള്ള ഭീഷണി സംബന്ധി​ച്ചെന്ത്‌? വന്യജീ​വി​ക​ളു​ടെ കച്ചവടം നിയ​ന്ത്രി​ക്കാ​നുള്ള സംഘട​ന​യായ അപകട​ത്തി​ലാ​യി​രി​ക്കുന്ന വന്യജീ​വ​ജാ​ല​ങ്ങ​ളു​ടെ അന്താരാ​ഷ്‌ട്ര വ്യാപാര സംഘത്തി​ന്റെ സെക്ര​ട്ട്രറി ജനറലാണ്‌ ജാക്‌സെ ബേർണി. പുള്ളി​പ്പു​ലി​കൾ അപകട​ക​ര​മാം​വണ്ണം വർഗ്ഗനാശ ഭീഷണി​യിൻ കീഴി​ലാ​ണെന്ന്‌ അദ്ദേഹം എന്നോടു പറഞ്ഞു. അതു​കൊണ്ട്‌ പുലി​കളെ വാങ്ങു​ന്ന​തും വിൽക്കു​ന്ന​തും നിരോ​ധി​ച്ചി​രി​ക്ക​യാണ്‌.

ലോക വന്യജീ​വി ഫണ്ടിന്റെ (യു. എസ്സ്‌.) വാർത്താ​പ​ത്രി​ക​യായ ഫോക്കസ്‌ പറയു​ന്ന​ത​നു​സ​രിച്ച്‌ നിയമ​വി​രുദ്ധ മൃഗവേട്ട ഇന്നും തഴച്ചു വളരുന്ന ഒരു പ്രസ്ഥാ​ന​മാണ്‌. എന്താണ​തി​ന്റെ കാരണം? പുള്ളി​പ്പു​ലി​യു​ടെ രോമം​കൊ​ണ്ടുള്ള കോട്ടിന്‌ ആവശ്യ​ക്കാർ ധാരാ​ള​മാണ്‌! വേട്ടക്കാർ രാത്രി​കാ​ല​ങ്ങ​ളിൽ ആമസോൺ വനങ്ങളിൽ ചുററി നടന്ന്‌ ശക്തമായ ഫ്‌ളാ​ഷ്‌​ലൈ​ററ്‌ ഉപയോ​ഗിച്ച്‌ പുലി​ക​ളു​ടെ കണ്ണഞ്ചി​പ്പി​ക്കു​ക​യും തരിച്ചു​നി​ന്നു​പോ​കുന്ന മൃഗങ്ങ​ളു​ടെ തലക്ക്‌ വെടി​വെ​ക്കു​ക​യും ചെയ്യുന്നു.

മണിക്കൂ​റു​കൾക്കു​ള്ളിൽ പുലി​യു​ടെ തൊലി ഒരു ചട്ടത്തിൽ ഉറപ്പിച്ച്‌ ഉണക്കി​യെ​ടു​ക്കു​ന്നു. പെട്ടെ​ന്നു​തന്നെ “കാപ്പി” എന്ന്‌ ലേബ​ലൊ​ട്ടിച്ച ഒരു തടി​പ്പെ​ട്ടി​യി​ലാ​ക്കി അതു യൂറോ​പ്പി​ലേക്ക്‌ കയററി അയക്ക​പ്പെ​ടു​ന്നു. ഓരോ വർഷവും ഏതാണ്ട്‌ 6,000 പുള്ളി​പ്പു​ലി​കളെ ഇപ്രകാ​രം കൊന്നു തോലു​രി​യു​ന്ന​താ​യി ചില ആധികാ​രിക കേന്ദ്രങ്ങൾ കണക്കാ​ക്കു​ന്നു.

ഇപ്പോൾ ഏതായാ​ലും സുറി​നാം താരത​മ്യേന ഈ ഗംഭീര മൃഗങ്ങ​ളു​ടെ ഒരു സമൃദ്ധി ആസ്വദി​ക്കു​ന്നു. അത്‌ അങ്ങനെ​തന്നെ തുടരു​മെന്ന്‌ നമുക്ക്‌ പ്രത്യാ​ശി​ക്കാം. അല്ലെങ്കിൽ ഒളിച്ചു കളിക്കുന്ന പുള്ളി​പ്പു​ലി​യെ മേലാൽ കാണാൻ കിട്ടാത്ത ഒരു കാലം വന്നേക്കാം. (g90 8⁄22)

[അടിക്കു​റി​പ്പു​കൾ]

[26-ാം പേജിലെ ചിത്ര​ത്തിന്‌ കടപ്പാട്‌]

H. Armstrong Roberts