ടെലി​വി​ഷൻ ലോക​ത്തി​നു മാററം വരുത്തി​യ​തെ​ങ്ങനെ?

കഴിഞ്ഞ വേനൽക്കാ​ലത്ത്‌ ടെലി​വി​ഷൻ ലോകത്തെ ഒരു ആഗോള സ്‌പോർട്ട്‌സ്‌വേ​ദി​യാ​ക്കി മാററി. ഇററലി​യി​ലെ റോമിൽ തെരു​വു​കൾ വിജന​മാ​യി​ക്കി​ടന്നു. ഏകദേശം 2.5 കോടി​യോ​ളം വരുന്ന ഇററലി​ക്കാർ ലോക​കപ്പ്‌ സോക്കർ മത്സരങ്ങൾ കണ്ടു​കൊ​ണ്ടി​രി​ക്കു​ക​യാ​യി​രു​ന്നു. അതു​പോ​ലെ, അർജൻറീ​ന​യി​ലെ ബ്യൂ​നോസ്‌ അയേഴ്‌സി​ലും ഇതേ കാരണ​ത്താൽ തെരു​വു​കൾ ശൂന്യ​മാ​യി​ക്കി​ടന്നു. പശ്ചിമാ​ഫ്രി​ക്ക​യി​ലെ കാമറൂ​ണി​ലും ഇതേ ചാര-നീല വെളിച്ചം ജനാല​ക​ളി​ലൂ​ടെ ഒളിമി​ന്നി​ക്കൊ​ണ്ടി​രി​ക്കവെ ലക്ഷക്കണ​ക്കി​നാ​ളു​കൾ ഒരുമിച്ച്‌ ഹർഷാ​രവം മുഴക്കി​ക്കൊ​ണ്ടി​രു​ന്നു. യുദ്ധം​കൊ​ണ്ടു വലഞ്ഞ ലെബ​നോ​നിൽ വെറുതെ കിടക്കുന്ന തങ്ങളുടെ ടാങ്കു​കൾക്കു​മീ​തെ ടെലി​വി​ഷ​നു​കൾ പൊക്കി​വെ​ച്ചു​കൊണ്ട്‌ പടയാ​ളി​കൾ രംഗങ്ങൾ വീക്ഷി​ച്ചു​കൊ​ണ്ടി​രു​ന്നു. ടൂർണ്ണ​മെൻറ്‌ അതിന്റെ മൂർദ്ധ​ന്യ​ത്തി​ലെ​ത്തി​യ​പ്പോൾ തീനാ​ള​ത്തി​നു ചുററും ഈയാ​മ്പാ​ററ പൊതി​യു​ന്ന​തു​പോ​ലെ ഭൂമി​യി​ലെ മൊത്തം ജനസം​ഖ്യ​യു​ടെ മൂന്നി​ലൊ​രു​ഭാ​ഗം ഈ പെട്ടി​യു​ടെ അരണ്ട വെളി​ച്ച​ത്തിൽ മിന്നുന്ന മുഖങ്ങ​ളു​മാ​യി ചുററും വന്നുകൂ​ടി.

ഈ വമ്പിച്ച ററിവി സംഭവം ഒററപ്പെട്ട ഒന്നല്ല. ഭൂമി​യി​ലെ ജനസം​ഖ്യ​യു​ടെ മൂന്നി​ലൊ​ന്നി​നോ​ടൊത്ത്‌—ഏതാണ്ട്‌ 1,60,00,00,000 പേർ—1985-ൽ ലൈവ്‌ എയ്‌ഡ്‌ എന്ന റോക്ക്‌ സംഗീത പരിപാ​ടി നിരീ​ക്ഷി​ക്കു​ക​യു​ണ്ടാ​യി. ഐസ്‌ലൻറ്‌ മുതൽ ഘാന വരെ നീണ്ടു​കി​ട​ക്കുന്ന ഏതാണ്ട്‌ 150 രാജ്യ​ങ്ങ​ളി​ലേക്ക്‌ ഈ പരിപാ​ടി ഒരു ഡസൻ ഉപഗ്ര​ഹങ്ങൾ റിലേ ചെയ്‌തു.

സർവത്ര കാണ​പ്പെ​ടുന്ന ഈ പേടകം—ററിവി, ഗൂഢമാ​യി അരങ്ങേ​റുന്ന ഒരു വിപ്ലവ​ത്തി​ന്റെ മർമ്മസ്ഥാ​ന​ത്തു​നി​ന്നു പ്രവർത്തി​ക്കു​ന്നു. ഒളിഞ്ഞും തെളി​ഞ്ഞും മിന്നി​യി​രുന്ന 1920കളിലെയും 1930കളിലെയും കൊച്ചു സ്‌ക്രീ​നു​ക​ളിൽനിന്ന്‌ ഇന്നത്തെ വ്യക്തത​യേ​റിയ വർണ്ണഭം​ഗി​യും ചാരു​ത​യു​മുള്ള അത്യാ​ധു​നി​ക​മായ സ്‌ക്രീ​നു​ക​ളി​ലേക്ക്‌ സാങ്കേ​തി​ക​വി​ദ്യ വളരു​ക​യും അതോ​ടൊ​പ്പം ആഗോ​ള​വ്യാ​പ​ക​മാ​യി ററിവി​യു​ടെ എണ്ണത്തിൽ ഒരു പ്രളയ​ത്തിന്‌ അത്‌ വഴിമ​രു​ന്നി​ടു​ക​യും ചെയ്‌തി​രി​ക്കു​ന്നു. ലോകത്ത്‌ 1950ൽ 50 ലക്ഷത്തിൽ താഴെ ടെലി​വി​ഷൻ സെററു​കളെ ഉണ്ടായി​രു​ന്നു​ള്ളു. ഇന്ന്‌, ഏകദേശം 75,00,00,000 എണ്ണമുണ്ട്‌.

ലോക​കപ്പ്‌ സോക്കർ മത്സരങ്ങൾപോ​ലുള്ള സംഭവങ്ങൾ, ഒരൊററ വിവര​പ്ര​സാ​രണ ശ്രംഖ​ല​യിൽ ഗോളത്തെ മുഴുവൻ ഒന്നിച്ചു​കൂ​ട്ടാ​നുള്ള ററിവി​യു​ടെ ശക്തിയെ വിളി​ച്ച​റി​യി​ക്കു​ന്നു. ആളുകൾ തങ്ങൾക്കു ചുററി​നു​മുള്ള ലോക​ത്തെ​പ്പ​ററി പഠിക്കുന്ന വിധത്തിന്‌ ററിവി മാററം വരുത്തി​യി​രി​ക്കു​ന്നു. വാർത്ത​ക​ളും ആശയങ്ങ​ളും സംസ്‌കാ​ര​വും മൂല്യ​ങ്ങ​ളും​പോ​ലും രാഷ്‌ട്രീ​യ​മോ ഭൂമി​ശാ​സ്‌ത്ര​പ​ര​മോ ആയ വേലി​ക്കെ​ട്ടു​കളെ ഭേദി​ച്ചു​കൊണ്ട്‌ ദേശത്തു​നിന്ന്‌ ദേശ​ത്തേക്ക്‌ നിർബാ​ധം പ്രവഹി​ക്കു​ന്ന​തിന്‌ അത്‌ സഹായി​ച്ചി​രി​ക്കു​ന്നു. ഒരുകാ​ലത്ത്‌ ഈ വേലി​ക്കെ​ട്ടു​കൾ അത്തരം വേലി​യേ​റ​റ​ങ്ങളെ തടഞ്ഞു​നിർത്തി​യി​രു​ന്നു. ററിവി ലോക​ത്തി​നു മാററം വരുത്തി. ചിലർ പറയു​ന്നത്‌ അതിന്‌ നിങ്ങ​ളെ​യും മാററാൻ കഴിയും എന്നാണ്‌.

ജൊഹാ​നസ്‌ ഗുട്ടൻബർഗി​ന്റെ അച്ചുകൂ​ട​ത്തിൽനിന്ന്‌ 1455-ൽ ആദ്യത്തെ ബൈബിൾ പുറത്തു​വ​ന്ന​പ്പോൾ ബഹുജന വാർത്താ​വി​നി​മയ സംവി​ധാ​ന​ങ്ങൾക്ക്‌ അദ്ദേഹം വിപ്ലവ​ക​ര​മായ മാററം വരുത്തി എന്ന്‌ പരക്കെ വിലമ​തി​ക്ക​പ്പെ​ടു​ന്നു. ഇന്ന്‌ വളരെ ചുരു​ങ്ങിയ ചെലവിൽ ചുരു​ങ്ങിയ സമയം​കൊണ്ട്‌ ശ്രോ​താ​ക്ക​ളു​ടെ അതിബൃ​ഹ​ത്തായ ഒരു സംഘത്തി​ന​രി​കെ ഒരു സന്ദേശം എത്തിക്കാൻ കഴിയു​ന്നു. അച്ചടിച്ച മാദ്ധ്യ​മ​ങ്ങ​ളു​ടെ ശക്തി ഗവൺമെൻറു​കൾ പെട്ടെന്ന്‌ തിരി​ച്ച​റി​യു​ക​യും ലൈസൻസിംഗ്‌ നിയമ​ങ്ങൾവഴി അവയെ നിയ​ന്ത്രി​ക്കാൻ ശ്രമി​ക്കു​ക​യും ചെയ്‌തു. പക്ഷേ അച്ചടിച്ച മാദ്ധ്യ​മങ്ങൾ എക്കാല​ത്തേ​തി​ലും വലിയ സദസ്സി​ന​രി​കെ എത്തി​ച്ചേർന്നു. ഒരൊററ ദിവസം​കൊണ്ട്‌ 10000 മനസ്സു​ക​ളിൽ ഒരേ ആശയം പതിപ്പി​ക്കാ​നുള്ള അസാധാ​ര​ണ​മായ ശക്തി പത്രമാ​ദ്ധ്യ​മ​ങ്ങൾക്കുണ്ട്‌ എന്ന്‌ ചരി​ത്ര​കാ​ര​നായ അലക്‌സിസ്‌ ഡി. ടോക്യു​വിൻ 1800കളുടെ തുടക്ക​ത്തിൽ അഭി​പ്രാ​യ​പ്പെട്ടു.

ഇപ്പോ​ഴി​താ, ടെലി​വി​ഷനെ പരിഗ​ണി​ക്കുക. അതിന്‌ കോടി​ക്ക​ണ​ക്കി​നാ​ളു​ക​ളു​ടെ മനസ്സിൽ ഒരേ ആശയം—ഒരേ നിമി​ഷ​ത്തിൽതന്നെ പതിപ്പി​ക്കാൻ കഴിയു​ന്നു! അച്ചടിച്ച താളി​നെ​പ്പോ​ലെ അത്‌ വായന എന്ന സങ്കീർണ്ണ കല അഭ്യസി​ക്കാൻ അതിന്റെ പ്രേക്ഷ​ക​രിൽനിന്ന്‌ ആവശ്യ​പ്പെ​ടു​ന്നില്ല. അവരോട്‌ അവരവ​രു​ടെ മനോ​ബിം​ബ​ങ്ങൾക്കും ചിത്ര​ങ്ങൾക്കും രൂപം നൽകാൻ ആവശ്യ​പ്പെ​ടു​ന്നു​മില്ല. അത്‌ അതിന്റെ സന്ദേശങ്ങൾ ചിത്ര​ങ്ങ​ളോ​ടും ശബ്ദങ്ങ​ളോ​ടും ആവുന്നത്ര വശ്യത​ക​ളോ​ടും​കൂ​ടെ പ്രസാ​ര​ണം​ചെ​യ്യു​ന്നു.

ടെലി​വി​ഷ​ന്റെ ബൃഹത്തായ സാദ്ധ്യ​തകൾ തിരി​ച്ച​റി​യാൻ രാഷ്‌ട്രീ​യ​ക്കാർക്ക്‌ ഏറെത്താ​മ​സി​ക്കേണ്ടി വന്നില്ല. ഐക്യ​നാ​ടു​ക​ളിൽ ഡ്വൈ​ററ്‌ ഡി. ഐസ​നോ​വർ തന്റെ 1952ലെ പ്രസി​ഡൻറ്‌ തെര​ഞ്ഞെ​ടു​പ്പിൽ ററിവി-യെ ബുദ്ധി​പൂർവം ഉപയോ​ഗി​ച്ചു. ററ്യൂബ്‌ ഓഫ്‌ പ്ലെൻറി—ദി ഇവലൂഷൻ ഓഫ്‌ അമേരി​ക്കൻ ടെലി​വി​ഷൻ എന്ന പുസ്‌തകം പറയു​ന്ന​ത​നു​സ​രിച്ച്‌ ഐസൻഹോ​വർ തെര​ഞ്ഞെ​ടുപ്പ്‌ ജയിച്ചത്‌ അദ്ദേഹം മാദ്ധ്യ​മ​ങ്ങ​ളിൽ ഏറെ “കച്ചവട​മൂ​ല്യ​മുള്ള” സ്ഥാനാർത്ഥി​യാ​യി​രു​ന്ന​തു​കൊ​ണ്ടാണ്‌. റിച്ചാർഡ്‌ എം. നിക്‌സ​നു​മേൽ ജോൺ എഫ്‌. കെന്നഡി 1960ലെ തെര​ഞ്ഞെ​ടു​പ്പിൽ നേടിയ വിജയ​ത്തിൽ ററിവി കുറേ​ക്കൂ​ടി വലിയ പങ്കുവ​ഹി​ച്ചി​ട്ടുണ്ട്‌. സ്ഥാനാർത്ഥി​കൾ ററിവി​യിൽ വാഗ്‌വാ​ദം നടത്തി​യ​പ്പോൾ നിക്‌സ​നെ​ക്കാൾ കെന്നഡിക്ക്‌ പ്രേക്ഷ​ക​രു​ടെ മതിപ്പ്‌ ഏറെ പിടി​ച്ചു​പ​റ​റാ​നാ​യി. പക്ഷേ, ഇതേ വാഗ്‌വാ​ദം​തന്നെ റേഡി​യോ​യിൽ കേട്ട സദസ്സ്‌, ഇരുവ​രും സമനി​ല​യിൽ ആയിരു​ന്നു​വെന്ന്‌ പറഞ്ഞു. എന്താണ്‌ ഈ വ്യത്യാ​സ​ത്തി​നു കാരണം? നിക്‌സൺ ആകെ വിളറി​ക്ഷീ​ണി​ച്ച​തു​പോ​ലെ കാണ​പ്പെ​ട്ട​പ്പോൾ കെന്നഡി നല്ല പ്രസരി​പ്പോ​ടും രക്തപ്പൊ​ലി​മ​യോ​ടും​കൂ​ടെ നല്ല ആത്മവി​ശ്വാ​സ​വും ഓജസ്സും പ്രതി​ഫ​ലി​പ്പി​ച്ചു. തെര​ഞ്ഞെ​ടു​പ്പി​നു​ശേഷം കെന്നഡി ടെലി​വി​ഷ​നെ​ക്കു​റിച്ച്‌ ഇങ്ങനെ പറഞ്ഞു: “ആ പേടക​മി​ല്ലാ​തെ ഞങ്ങൾ പ്രാർത്ഥന എത്തിക്കു​ക​പോ​ലു​മി​ല്ലാ​യി​രു​ന്നു.”

“ആ പേടകം” ലോക​മെ​ങ്ങും അതിന്റെ സ്വാധീ​ന​ശക്തി അനുഭ​വ​പ്പെ​ടാൻ ഇടയാക്കി. ചിലർ അതിനെ ലോക​ത്തി​ലെ മൂന്നാം വൻശക്തി എന്നു പേരു​വി​ളി​ക്കാൻ തുടങ്ങി. ദേശീയ അതിർത്തി​ക​ളെ​യും മഹാസ​മു​ദ്ര​ങ്ങ​ളെ​യും മറിക​ട​ന്നു​കൊണ്ട്‌ തങ്ങളുടെ സന്ദേശങ്ങൾ സം​പ്രേ​ക്ഷണം ചെയ്യാൻ ഉപഗ്രഹ സാങ്കേ​തി​ക​വി​ദ്യ ററിവി പ്രക്ഷേ​പ​കരെ പ്രാപ്‌ത​രാ​ക്കി​യി​രി​ക്കു​ന്നു. ലോക​നേ​താ​ക്കൾ രാജ്യാ​ന്തര പിന്തു​ണ​നേ​ടു​ന്ന​തി​നും എതിരാ​ളി​കളെ തകർക്കു​ന്ന​തി​നും ഉള്ള ഒരു വേദി​യാ​യി ററിവി​യെ മാററി​യി​രി​ക്കു​ന്നു. ചില ഗവൺമെൻറു​കൾ ശത്രു​രാ​ജ്യ​ങ്ങ​ളിൽ ആശയ​പ്ര​ച​രണം നടത്താൻ ററിവി​യെ ഉപയോ​ഗി​ച്ചി​രി​ക്കു​ന്നു. ഗുട്ടൻബർഗ്ഗി​ന്റെ കണ്ടുപി​ടു​ത്ത​ത്തി​ന്റെ ശക്തി തിരി​ച്ച​റി​ഞ്ഞ​തോ​ടെ അതിനെ നിയ​ന്ത്രി​ച്ചൊ​തു​ക്കാൻ ഗവൺമെൻറു​കൾ ശ്രമി​ച്ച​തു​പോ​ലെ പല ഗവൺമെൻറു​ക​ളും ടെലി​വി​ഷ​ന്റെ​മേൽ പിടി​മു​റു​ക്കാൻ തുടങ്ങി. ആകെയുള്ള രാഷ്‌ട്ര​ങ്ങ​ളിൽ പകുതി​യോ​ട​ടുത്ത്‌ സർക്കാർ നിയ​ന്ത്രിത പരിപാ​ടി​കൾ മാത്ര​മാണ്‌ 1986ൽ സം​പ്രേ​ക്ഷണം ചെയ്‌തത്‌.

സാങ്കേ​തി​ക​വി​ദ്യ പക്ഷേ ററിവി​യെ മേൽക്കു​മേൽ നിയ​ന്ത്രി​ക്കാ​നാ​കാത്ത ഒന്നായി മാററി​യി​രി​ക്ക​യാണ്‌. പ്രക്ഷേ​പണം സ്വീക​രി​ക്കാ​നാ​കുന്ന താരത​മ്യേന ചെറിയ ഡിഷ്‌ ആൻറി​ന​ക​ളുള്ള ഭവനങ്ങ​ളിൽപോ​ലും പിടി​ച്ചെ​ടു​ക്കാൻ കഴിയുന്ന തരത്തി​ലുള്ള വീചി​ക​ളാണ്‌ ഇന്നുള്ള ഉപഗ്ര​ഹങ്ങൾ റിലേ ചെയ്യു​ന്നത്‌. കൊണ്ടു​ന​ട​ക്കാ​വു​ന്ന​തരം ചെറിയ വീഡി​യോ ക്യാമ​റകൾ, വീഡി​യോ കാസെ​റ​റു​കൾ എന്നിവ​യും അതോ​ടൊ​പ്പം അമച്വർ ഫോ​ട്ടോ​ഗ്രാ​ഫർമാ​രു​ടെ പെരു​പ്പ​വും ഇന്ന്‌ വാർത്താ​പ്രാ​ധാ​ന്യ​മുള്ള മിക്കവാ​റും ഏതൊരു സംഭവ​ത്തി​ന്റെ​യും വീഡി​യോ റെക്കോർഡു​ക​ളു​ടെ ഒരു തടുക്കാ​നാ​കാത്ത പ്രളയം​തന്നെ സൃഷ്ടി​ച്ചി​രി​ക്കു​ന്നു.

ഒരു യു.എസ്‌. വാർത്താ​വി​തരണ സംഘട​ന​യായ ടർണർ ബ്രോ​ഡ്‌കാ​സ്‌റ​റിം​ഗി​ന്റെ സിഎൻഎൻ (കേബിൾ ന്യൂസ്‌ നെററ്‌ വർക്ക്‌) ഏകദേശം 80 രാജ്യ​ങ്ങ​ളിൽനിന്ന്‌ വാർത്താ​റി​പ്പോർട്ടു​കൾ ശേഖരിച്ച്‌ ലോക​മെ​ങ്ങും അവയെ റിലേ ചെയ്യുന്നു. അതിന്റെ ആഗോ​ള​വ്യാ​പ​ക​മായ രാപക​ലി​ല്ലാ​തെ​യുള്ള വാർത്താ​ശേ​ഖരണ സംവി​ധാ​നം ഏതൊരു സംഭവ​ത്തെ​യും മിക്കവാ​റും നിമി​ഷ​നേ​രം​കൊണ്ട്‌ ഒരു രാജ്യാ​ന്തര സംഭവ​മാ​ക്കി മാററു​ന്നു.

ടെലി​വി​ഷൻ ലോക​സം​ഭ​വങ്ങൾ രേഖ​പ്പെ​ടു​ത്തുന്ന ഒരു പേടകം എന്നതി​ലേറെ, വർദ്ധിച്ച അളവിൽ, ലോക​സം​ഭ​വ​ങ്ങൾക്ക്‌ രൂപം നൽകുന്ന ഒരു പേടകം ആയി മാറി​യി​ട്ടുണ്ട്‌. പൗരസ്‌ത്യ യൂറോ​പ്പി​നെ 1989ൽ പിടി​ച്ചു​ലച്ച വിപ്ലവ​ങ്ങ​ളു​ടെ പരമ്പര​യിൽ ററിവി ഒരു സുപ്ര​ധാന പങ്കുവ​ഹി​ച്ചു. ചെക്കോ​സ്ലോ​വാ​ക്യ​യി​ലെ പ്രാഗിൽ ജനക്കൂ​ട്ടങ്ങൾ ററിവി​യി​ലെ “തൽസമയ സം​പ്രേ​ക്ഷണം” ആവശ്യ​പ്പെ​ട്ടു​കൊണ്ട്‌ തെരു​വു​ക​ളി​ലൂ​ടെ ആർത്തി​രമ്പി. വിപ്ലവ​കാ​രി​കൾ ഒരു കാലത്ത്‌ സർക്കാർ കെട്ടി​ട​ങ്ങ​ളും കോട്ട​ക​ളും പൊലീ​സ്‌താ​വ​ള​ങ്ങ​ളും കയ്യടക്കാ​നാ​യി രക്തച്ചൊ​രി​ച്ചിൽ നടത്തി​യെ​ങ്കിൽ 1989ലെ വിപ്ലവ​കാ​രി​കൾ ഒന്നാമത്‌ പോരാ​ടി​യത്‌ ടെലി​വി​ഷൻ സ്‌റേ​റ​ഷ​നു​ക​ളിൽ കടന്നു​കൂ​ടു​ന്ന​തി​നു​വേ​ണ്ടി​യാ​യി​രു​ന്നു. വാസ്‌ത​വ​ത്തിൽ റുമേ​നി​യ​യു​ടെ പുതിയ ഭരണകൂ​ടം രാജ്യത്തെ ഭരിക്കാൻ തുടങ്ങി​യത്‌ ടെലി​വി​ഷൻ സ്‌റേ​റ​ഷ​നിൽ നിന്നാണ്‌! അതു​കൊണ്ട്‌ ററിവി​യെ ലോക​ത്തി​ലെ മൂന്നാം വൻശക്തി​യെന്ന്‌ വിളി​ക്കു​ന്ന​തിൽ അസാം​ഗ​ത്യ​മില്ല.

പക്ഷേ രാഷ്‌ട്രീ​യ​രം​ഗത്തെ സ്വാധീ​നി​ക്കു​ന്ന​തി​നേ​ക്കാൾ കൂടുതൽ കാര്യങ്ങൾ ററിവി ചെയ്‌തി​രി​ക്കു​ന്നു. അത്‌ ഇന്നു​പോ​ലും ലോക​ത്തി​ന്റെ സംസ്‌കാ​ര​വും മൂല്യ​ങ്ങ​ളും മാററി​മ​റി​ച്ചു​കൊ​ണ്ടി​രി​ക്കു​ക​യാണ്‌. ഐക്യ​നാ​ടു​കൾ “സാംസ്‌കാ​രിക സാമ്രാ​ജ്യ​ത്വ”ത്തിന്റെ പേരിൽ കുററം ആരോ​പി​ക്ക​പ്പെ​ട്ടു​കൊ​ണ്ടി​രി​ക്കു​ന്നു, അതായത്‌ ടെലി​വി​ഷൻ എന്ന മാദ്ധ്യമം ഉപയോ​ഗ​പ്പെ​ടു​ത്തി​ക്കൊണ്ട്‌ അമേരി​ക്ക​യു​ടെ സംസ്‌കാ​രം ലോകത്തെ അടി​ച്ചേൽപ്പി​ക്കു​ന്ന​തി​ന്റെ​പേ​രിൽ. ലാഭക​ര​മായ കച്ചവട പരിപാ​ടി​ക​ളു​ടെ ഒരു കൂമ്പാരം തന്നെ നിർമ്മിച്ച ആദ്യരാ​ജ്യം ഐക്യ​നാ​ടു​ക​ളാ​യ​തു​കൊണ്ട്‌ 1940കളുടെ ഒടുക്ക​വും 1950കളിലും അമേരി​ക്കൻ നിർമ്മാ​താ​ക്കൾക്ക്‌, മററു രാഷ്‌ട്ര​ങ്ങൾക്കു തങ്ങളുടെ സ്വന്തം പരിപാ​ടി​കൾ ആവിഷ്‌ക്ക​രി​ക്കാൻ വേണ്ടി​വ​രുന്ന ചെലവി​ന്റെ ഒരു ചെറിയ അംശത്തിന്‌ പരിപാ​ടി​കൾ വിൽക്കാൻ കഴിഞ്ഞു.

കെനിയ, 1980കളുടെ അവസാന വർഷങ്ങ​ളിൽ ററിവി പരിപാ​ടി​ക​ളു​ടെ 60 ശതമാനം ഇറക്കു​മ​തി​ചെ​യ്യു​ക​യാ​യി​രു​ന്നു; ആസ്‌​ത്രേ​ലിയ 46 ശതമാ​ന​വും ഇക്വ​ഡോർ 70 ശതമാ​ന​വും സ്‌പെ​യിൻ 35 ശതമാ​ന​വും. ഈ ഇറക്കു​മ​തി​ക​ളിൽ മിക്കവ​യും ഐക്യ​നാ​ടു​ക​ളിൽനി​ന്നു വന്നു. ലിററിൽ ഹൗസ്‌ ഓൺ ദി പ്രയറി എന്ന അമേരി​ക്കൻ ഷോ 110 രാജ്യ​ങ്ങ​ളിൽ പ്രക്ഷേ​പണം ചെയ്യ​പ്പെട്ടു. ഡള്ളസ്‌ എന്ന ഷോ 96 നാടു​ക​ളിൽ പ്രത്യ​ക്ഷ​പ്പെട്ടു. ലോക​ത്തെ​വി​ടെ​യും ടെലി​വി​ഷ​നിൽനിന്ന്‌ പ്രാ​ദേ​ശി​ക​ച്ചുവ മങ്ങിമ​റ​യു​ന്നു​വെ​ന്നും അമേരി​ക്കൻ ഉപഭോ​ഗ​പ്ര​സ്ഥാ​ന​വും ഭൗതി​ക​ത്വ​വും വ്യാപി​ക്കു​ന്നു​വെ​ന്നും ചിലർ പരാതി​പ്പെ​ടു​ക​യു​ണ്ടാ​യി.

‘സാംസ്‌കാ​രിക സാമ്രാ​ജ്യ​ത്വ’ത്തെചൊ​ല്ലി​യുള്ള ഒച്ചപ്പാ​ടി​ലാണ്‌ പല രാഷ്‌ട്ര​ങ്ങ​ളും. വിദേശ പരിപാ​ടി​ക​ളു​ടെ അതി​പ്ര​സരം ദേശീയ സംസ്‌കാ​രത്തെ കാർന്നു​തി​ന്നു​ന്നു​വെന്ന്‌ നൈജീ​റി​യാ​യിൽ പ്രക്ഷേ​പകർ പരാതി​പ്പെ​ട്ടി​രി​ക്കു​ന്നു; നൈജീ​റി​യൻ പ്രേക്ഷ​കർക്ക്‌ നൈജീ​റി​യാ​യെ​ക്കാ​ള​ധി​കം ഐക്യ​നാ​ടു​ക​ളെ​ക്കു​റി​ച്ചും ബ്രിട്ട​നെ​ക്കു​റി​ച്ചു​മാണ്‌ വിവര​മു​ള്ളത്‌ എന്ന്‌ അവർ വ്യാകു​ല​പ്പെ​ടു​ന്നു. യൂറോ​പ്യൻമാ​രും ഇതു​പോ​ലെ​തന്നെ ചിന്തി​ക്കു​ന്നു. യു.എസ്സ്‌. കോൺഗ്രസ്‌ നടത്തിയ ഒരു വിസ്‌താ​ര​ത്തിൽവെച്ച്‌ സം​പ്രേക്ഷണ സാമ്രാ​ട്ടായ റോബർട്ട്‌ മാക്‌സ്‌വെൽ രോഷ​ത്തോ​ടെ ഇങ്ങനെ പറഞ്ഞു: “ഒരു രാഷ്‌ട്ര​വും അതിന്റെ സംസ്‌കാ​രത്തെ ഒരു വിദേശ സംസ്‌കാ​രം അടിച്ച​മർത്താൻ സമ്മതി​ക്ക​രുത്‌.” തത്‌ഫ​ല​മാ​യി സ്‌റേ​റ​ഷ​നു​കൾക്ക്‌ സം​പ്രേ​ക്ഷണം ചെയ്യാ​നാ​കുന്ന സ്വന്തമ​ല്ലാത്ത പരിപാ​ടി​ക​ളു​ടെ എണ്ണത്തിന്‌ പരിധി​കൾ വെയ്‌ക്ക​പ്പെട്ടു.

‘സാംസ്‌കാ​രിക സാമ്രാ​ജ്യം’ സംസ്‌കാ​ര​ങ്ങളെ മാത്രമല്ല മററ്‌ പലതി​നെ​യും അപകട​പ്പെ​ടു​ത്തു​ന്നു. അത്‌ ഈ ഗ്രഹ​ത്തെ​വരെ ഹനി​ച്ചേ​ക്കാം. പാശ്ചാ​ത്യ​സം​സ്‌കാ​ര​ത്തി​ന്റേ​തായ ഇപ്പോൾതന്നെ-എല്ലാം-സ്വന്തമാ​ക്കൂ എന്ന ഉപഭോഗ തത്വശാ​സ്‌ത്രം വായു​വി​നെ മലിന​മാ​ക്കു​ന്ന​തി​ലും വെള്ളത്തെ വിഷലി​പ്‌ത​മാ​ക്കു​ന്ന​തി​ലും ഭൂമിയെ പൊതു​വിൽ താറു​മാ​റാ​ക്കു​ന്ന​തി​ലും അതിന്റെ പങ്കുവ​ഹി​ച്ചി​രി​ക്കു​ന്നു. ദി ഇൻഡി​പ്പെൻഡെൻറ്‌ എന്ന ഒരു ലണ്ടൻ വർത്തമാ​ന​പ്പ​ത്രം ഇങ്ങനെ പറയു​ക​യു​ണ്ടാ​യി: “ടെലി​വി​ഷൻ ലോക​സ​മക്ഷം ഭൗതി​ക​സ്വാ​ത​ന്ത്ര്യ​ത്തി​ന്റെ വെട്ടി​ത്തി​ള​ങ്ങുന്ന പ്രതീക്ഷ അവതരി​പ്പി​ച്ചി​രി​ക്കു​ന്നു—പാശ്ചാത്യ സമ്പൽസ​മൃ​ദ്ധി—അത്‌ വഞ്ചനാ​ത്മ​ക​മാണ്‌, കാരണം പരിഹ​രി​ക്കാ​നാ​കാത്ത വിധത്തിൽ സ്വാഭാ​വിക പരിസ്ഥി​തി​യെ നശിപ്പി​ച്ചു​ക​ള​ഞ്ഞാൽ മാത്രമെ ആ സമൃദ്ധി കൈവ​രി​ക്കാ​നാ​ക​യു​ള്ളു.”

വ്യക്തമാ​യി​ത്ത​ന്നെ, ടെലി​വി​ഷൻ ലോക​ത്തിന്‌ മാററം വരുത്തി​ക്കൊ​ണ്ടി​രി​ക്കു​ന്നു. എപ്പോ​ഴും ഗുണത്തി​നാ​യി​ട്ട​ല്ല​താ​നും. പക്ഷേ വ്യക്തി​ക​ളു​ടെ​മേൽ അതിന്‌ ഒട്ടുവ​ളരെ പ്രത്യേക സ്വാധീ​ന​ഫ​ല​ങ്ങ​ളുണ്ട്‌. നിങ്ങൾ അവയ്‌ക്കു വശംവ​ദ​നാ​ണോ? (g91 5/22)

[4-ാം പേജിലെ ആകർഷ​ക​വാ​ക്യം]

വാർത്താപത്രങ്ങൾക്ക്‌ ഒരാശയം ഒററദി​വ​സം​കൊണ്ട്‌ പതിനാ​യി​രം മനസ്സു​ക​ളിൽ പതിപ്പി​ക്കാൻ കഴിയും

[5-ാം പേജിലെ ആകർഷ​ക​വാ​ക്യം]

ടെലിവിഷന്‌ ഒരാശയം ശതകോ​ടി​ക്ക​ണ​ക്കിന്‌ മനസ്സു​ക​ളിൽ നിമി​ഷ​ങ്ങൾക്കകം പതിപ്പി​ക്കാൻ കഴിയും