ലോകത്തെ വീക്ഷിക്കൽ

സാക്ഷികൾ മൊസാ​മ്പി​ക്കിൽ നിയമ​പ​ര​മാ​യി അംഗീ​ക​രി​ക്ക​പ്പെ​ടു​ന്നു

യഹോ​വ​യു​ടെ സാക്ഷി​ക​ളു​ടെ പ്രസം​ഗ​പ്ര​വർത്ത​ന​ത്തിന്‌ ആഫ്രി​ക്ക​യു​ടെ തെക്കു​കി​ഴക്കേ രാജ്യ​മായ മൊസാ​മ്പി​ക്കിൽ നിയമ​പ​ര​മായ അംഗീ​കാ​രം നൽകി​യി​രി​ക്കു​ന്നു. നീതി​ന്യാ​യ മന്ത്രാ​ല​യ​ത്തിൽ നിന്നുള്ള 1991 ഫെബ്രു​വരി 11-ലെ ഒരു കത്ത്‌ ഇങ്ങനെ പ്രസ്‌താ​വി​ക്കു​ന്നു: “മററു മതസ്ഥാ​പ​ന​ങ്ങൾപോ​ലെ യഹോ​വ​യു​ടെ സാക്ഷികൾ മൊസാ​മ്പി​ക്കു റിപ്പബ്ലി​ക്കി​ന്റെ ഭരണഘ​ട​ന​യിൽ പറയുന്ന എല്ലാ അവകാ​ശ​ങ്ങ​ളും സംരക്ഷ​ണ​ങ്ങ​ളും ആസ്വദി​ക്കു​ന്നു.” ആ കത്ത്‌ രാജ്യത്തെ മതകാ​ര്യ​ങ്ങൾക്കുള്ള ഡയറക്ട​റാണ്‌ ഒപ്പു​വെ​ച്ചത്‌. ഈ നല്ല വാർത്ത കഴിഞ്ഞ ജനുവ​രി​യിൽ അവിടെ ബൈബി​ളി​ന്റെ ദൂത്‌ പ്രസം​ഗി​ച്ച​താ​യി റിപ്പോർട്ടു​ചെ​യ്യ​പ്പെട്ട 5,235 സാക്ഷികൾ ആഹ്ലാദ​പൂർവം സ്വാഗതം ചെയ്‌തു. മൊസാ​മ്പി​ക്കിൽ അടുത്ത​കാ​ലത്തു നടന്ന മൂന്നു “നിർമ്മ​ല​ഭാ​ഷാ” ഡിസ്‌ട്രിക്ട്‌ കൺ​വെൻ​ഷ​നു​ക​ളിൽ പങ്കെടുത്ത 13,971 പ്രതി​നി​ധി​ക​ളും ഔദ്യോ​ഗിക അംഗീ​കാ​ര​ത്തിൽ നന്ദിയു​ള്ള​വ​രാണ്‌. പ്രസ്‌തുത സമ്മേള​ന​ങ്ങ​ളിൽ 357 പേർ സ്‌നാ​പ​ന​മേ​ററു. (g91 6/22)

യു.എസ്സ്‌.എസ്സ്‌.ആറിൽ നിന്നു സുവാർത്ത

ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​യൊ​ന്നു മാർച്ച്‌ 28-ാം തീയതി സോവ്യ​ററ്‌ നീതി​ന്യാ​യ​വ​കു​പ്പു മന്ത്രി, യഹോ​വ​യു​ടെ സാക്ഷി​ക​ളു​ടെ സംഘട​നക്ക്‌ സോവ്യ​ററു യൂണി​യ​നിൽ നിയമ​പ​ര​മായ അംഗീ​കാ​രം നൽകുന്ന ഒരു പ്രമാണം കൈമാ​റി. (g91 6/22)

“ഇററലി കൂടുതൽ അക്ര​മോ​ത്സു​കം”

ആയിര​ത്തി​തൊ​ള്ളാ​യി​രത്തി തൊണ്ണൂ​റിൽ ഇററലി​യിൽ ഉണ്ടായ കുററ​കൃ​ത്യ​ങ്ങ​ളു​ടെ വിവരങ്ങൾ ശേഖരി​ക്ക​പ്പെട്ടു. ഇററാ​ലി​യൻ ദിനപ്പ​ത്ര​മായ കൊറി​യേറാ ദാലാ സാറാ പറയു​ന്ന​ത​നു​സ​രിച്ച്‌ വിവരങ്ങൾ “വളരെ വ്യക്തവും ഭീതി​ക്കി​ട​നൽകു​ന്ന​തു​മാണ്‌.” കഴിഞ്ഞ വർഷത്തെ അപേക്ഷിച്ച്‌ കുററ​കൃ​ത്യ​ങ്ങൾ 21.8 ശതമാനം വർദ്ധിച്ചു. ഇററാ​ലി​യൻ സ്ഥിതി​വി​വ​ര​സ്ഥാ​പ​ന​മായ ഐഎസ്സ്‌റ​റി​എ​ററി നൽകിയ കണക്കു​കൾപ്ര​കാ​രം 1990-ൽ 25,01,640 കുററ​കൃ​ത്യ​ങ്ങൾ നീതി​ന്യാ​യാ​ധി​കൃ​തർക്കു റിപ്പോർട്ടു ചെയ്യ​പ്പെട്ടു. ശരാശരി 6,854 കുററ​കൃ​ത്യ​ങ്ങൾ ഓരോ ദിവസ​വും ചെയ്യ​പ്പെ​ടു​ന്നു. മോഷണം ഭീതി​പ്പെ​ടു​ത്തുന്ന വേഗത്തിൽ പെരു​കു​ന്നു. 1990-ൽ 24,817 മൈനർമാർ കുററ​കൃ​ത്യ​ങ്ങ​ളി​ലേർപ്പെ​ട്ട​താ​യി റിപ്പോർട്ടുണ്ട്‌. അതു​കൊ​ണ്ടു മെച്ച​പ്പെ​ടു​മെ​ന്നുള്ള പ്രതീക്ഷ അനിശ്ചി​ത​ത്വ​ത്തി​ലാണ്‌. ഇത്‌ 1989-തുമായി താരത​മ്യ​പ്പെ​ടു​ത്തു​മ്പോൾ 17.9 ശതമാനം വർദ്ധന​വാണ്‌. 1990-കളി​ലേക്കു കടക്കു​ന്നത്‌ “കൂടുതൽ അക്ര​മോ​ത്സു​ക​മായ ഒരു ഇററലി”യാണെന്ന്‌ ലാ റെപ്പബ്ലി​ക്കേ എന്ന ദിനപ്പ​ത്രം പറയുന്നു. (g91 7/8)

ആഫ്രിക്കൻ ആനകളെ സംരക്ഷി​ക്കു​ന്നു

ആഫ്രിക്കൻ ആനകളു​ടെ സംഖ്യ ഒരു ദശകത്തിൽ ആദ്യമാ​യി വർദ്ധി​ച്ചു​വെന്ന്‌ ഒരു ജർമ്മൻ വിദഗ്‌ദ്ധ​സം​ഘം പ്രഖ്യാ​പി​ച്ച​താ​യി സൗത്ത്‌ ആഫ്രിക്കൻ വർത്തമാ​ന​പ്പ​ത്ര​മായ ദി സ്‌ററാർ റിപ്പോർട്ടു​ചെ​യ്യു​ന്നു. ഇപ്പോൾ ആഫ്രി​ക്ക​യിൽ 6,09,000 ആനകൾ ഉള്ളതായി സംഘം കണക്കാ​ക്കു​ന്നു. അത്‌ 1979-ൽ ഉണ്ടായി​രു​ന്ന​വ​യു​ടെ പകുതി​യിൽ കുറവാണ്‌, എന്നാൽ എണ്ണം കുറഞ്ഞു​കൊ​ണ്ടേ​യി​രുന്ന അവസ്ഥ അവസാ​നി​ച്ച​താ​യി വിദഗ്‌ദ്ധ​സം​ഘം വിശ്വ​സി​ക്കു​ന്നു. ആനക്കൊമ്പ്‌ വ്യാപ​ക​മാ​യി നിരോ​ധി​ച്ച​താണ്‌ ഇതിനു കാരണ​മെന്ന്‌ അവർ വിശ്വ​സി​ക്കു​ന്നു. ആനക്കൊ​മ്പി​ന്റെ വില കുതി​ച്ചു​യ​രു​ന്ന​തി​നും കച്ചവടം തകരു​ന്ന​തി​നും ഇതിട​യാ​ക്കി. ഇതേ സമയം ആഫ്രിക്കൻ കാണ്ടാ​മൃ​ഗ​ങ്ങളെ സംരക്ഷി​ക്കു​ന്ന​തി​നും അടിയ​ന്തിര യത്‌നം നടക്കുന്നു. നമീബി​യാ​യിൽ മോഷ്ടാ​ക്കൾ കാണ്ടാ​മൃ​ഗ​ങ്ങളെ കൊമ്പി​നു​വേണ്ടി കൊല്ലാ​തി​രി​ക്കു​ന്ന​തി​നു സംരക്ഷ​ണാ​നു​കൂ​ലി​കൾ അവയുടെ കൊമ്പു​കൾ നീക്കം ചെയ്യുന്നു. എങ്കിലും ദി സ്‌ററാർ പറയു​ന്ന​ത​നു​സ​രിച്ച്‌ ഈ സാഹസിക സംരംഭം നടക്കു​ന്നതല്ല എന്ന്‌ സ്വാസി​ലാൻഡ്‌ സംരക്ഷ​ണാ​നു​കൂ​ലി ടെഡ്‌ റെയ്‌ലി പ്രവചി​ക്കു​ന്നു. മോഷ്ടാ​ക്കൾ കാണ്ടാ​മൃ​ഗ​ക്കു​ട്ടി​ക​ളെ​പ്പോ​ലും അവയുടെ ചെറിയ കൊമ്പു​കൾക്കാ​യി കശാപ്പു​ചെ​യ്യു​ന്നത്‌ അദ്ദേഹം കണ്ടിട്ടുണ്ട്‌. (g91 7/8)

ഹംഗറി​യി​ലെ സാത്താന്യ ആരാധനാ സംഘങ്ങൾ

ഹംഗറി​യിൽ ചെറു​പ്പ​ക്കാർ സാത്താനെ ആരാധി​ക്കു​ന്നത്‌ സർവസാ​ധാ​ര​ണ​മാ​യി​രി​ക്കു​ന്നു, രാഷ്‌ട്രം പകച്ചു​നിൽക്കു​ന്നു. “കൗമാ​ര​പ്രാ​യ​ക്കാർ നടത്തിയ അനുഷ്‌ഠാ​ന​പ​ര​മായ കൊല​പാ​ത​ക​ങ്ങ​ളെ​ക്കു​റി​ച്ചുള്ള അന്വേ​ഷ​ണങ്ങൾ വെളി​പ്പെ​ടു​ത്തി​യത്‌ മന്ത്രവാ​ദ​ത്തെ​ക്കു​റിച്ച്‌ അടുത്ത കാലത്തു ലഭ്യമായ മാസി​കകൾ വായി​ച്ച​തി​നു​ശേഷം സാത്താ​ന്യാ​രാ​ധ​ന​യിൽ നിമഗ്ന​രാ​കാൻ പ്രലോ​ഭി​പ്പി​ക്ക​പ്പെ​ടുന്ന ചെറു​പ്പ​ക്കാ​രെ​ക്കു​റി​ച്ചുള്ള നൂറു​ക​ണ​ക്കി​നു കേസു​ക​ളാ​യി​രു​ന്നു” എന്ന്‌ ലണ്ടനിൽ പ്രസി​ദ്ധ​പ്പെ​ടു​ത്തുന്ന ദി യൂറോ​പ്യൻ എന്ന വാരിക റിപ്പോർട്ടു​ചെ​യ്യു​ന്നു. അത്തര​മൊ​രു അനുഷ്‌ഠാ​ന​പ​ര​മായ കൊല​പാ​ത​ക​ത്തിൽ 13 വയസ്സുള്ള സ്വന്തം സഹോ​ദ​രി​യെ കുത്തി​ക്കൊന്ന്‌ അവളുടെ അവയവ​ങ്ങ​ളെ​ല്ലാം വേർപെ​ടു​ത്തി മുറി​യിൽ മുഴുവൻ നിരത്തി​വെച്ച ഒരു 17 വയസ്സു​കാ​രൻ ഉൾപ്പെ​ട്ടി​രു​ന്നു. ഭീകര സാഹി​ത്യം, ചലച്ചി​ത്രങ്ങൾ, വീഡി​യോ​കൾ എന്നിവ​യു​ടെ പരസ്യം നിരോ​ധി​ക്ക​ണ​മെന്ന്‌ ക്രിസ്‌ത്യൻ ഡെമോ​ക്രാ​റ​റിക്‌ പീപ്പിൾസ്‌ പാർട്ടി​യു​ടെ ഡെപ്യൂ​ട്ടി ബെലാ സെപ്പെ അഭ്യർത്ഥി​ച്ചത്‌ അതിശ​യമല്ല. (g91 7/8)

ഗ്രേററ്‌ ബാരി​യെർ റീഫ്‌—അത്ര പഴക്കമു​ള്ള​തല്ല

ലോക​ത്തിൽ ഏററവും വലിയ പവിഴ ശേഖരം—ദി ഗ്രേററ്‌ ബാരി​യെർ റീഫ്‌—ഒരിക്കൽ കരുതി​യി​രു​ന്ന​തു​പോ​ലെ അത്ര പഴക്കമു​ള്ള​താ​യി​രി​ക്ക​ണ​മെ​ന്നില്ല. ആസ്‌​ത്രേ​ലി​യാ​യു​ടെ ഉത്തരതീ​ര​ത്തോ​ടു ചേർന്ന്‌ ഏതാണ്ട്‌ 2,000 കിലോ​മീ​ററർ നീണ്ടു​കി​ട​ക്കുന്ന വമ്പിച്ച പവിഴ​പ്പു​റ​റു​വ്യൂ​ഹം ഏകദേശം രണ്ടു​കോ​ടി വർഷങ്ങൾ പഴക്കമു​ള്ള​വ​യാ​ണെന്നു കണക്കാ​ക്ക​പ്പെ​ടു​ന്നു. പവിഴ​പ്പു​റ​റു​ക​ളെ​പ്പ​ററി പഠിക്കുന്ന ഭൂഗർഭ​ശാ​സ്‌ത്രജ്ഞർ അടുത്ത കാലത്തു പവിഴ​ശേ​ഖ​ര​ങ്ങ​ളിൽ കുഴി​ച്ചു​നോ​ക്കു​ക​യു​ണ്ടാ​യി. പവിഴ​പ്പു​റ​റു​ക​ളു​ടെ പ്രായം സംബന്ധി​ച്ചു പുനഃ​പ​രി​ശോ​ധന നടത്താൻ അവരുടെ കണ്ടെത്ത​ലു​കൾ ശാസ്‌ത്ര​ജ്ഞരെ പ്രേരി​പ്പി​ച്ചു. പുററു​കൾ അഞ്ചുല​ക്ഷ​ത്തി​നും പത്തുല​ക്ഷ​ത്തി​നു​മി​ടക്ക്‌ പ്രായ​മു​ള്ള​വ​യാ​ണെന്ന്‌ ഇപ്പോൾ അവർ വിശ്വ​സി​ക്കു​ന്നു. വ്യത്യ​സ്‌ത​ജീ​വ​രൂ​പങ്ങൾ ദശലക്ഷ​ക്ക​ണ​ക്കി​നു വർഷങ്ങൾകൊ​ണ്ടു ക്രമേണ പ്രത്യ​ക്ഷ​മാ​യെ​ന്നുള്ള പരിണാ​മ​സി​ദ്ധാ​ന്ത​ത്തി​നു വിരു​ദ്ധ​മാ​ണെന്നു കാണ​പ്പെ​ടു​ന്ന​തി​നാൽ ശാസ്‌ത്ര​സ​മൂ​ഹ​ത്തിൽ കോളി​ള​ക്ക​മു​ണ്ടാ​ക്കാൻ ഈ കണ്ടുപി​ടു​ത്തം കാരണ​മാ​യേ​ക്കു​മെന്നു ഫ്രെഞ്ചു​മാ​സി​ക​യായ ടെറേ സാവേജ്‌ പ്രസ്‌താ​വി​ക്കു​ന്നു. ജീവൻ ആവിർഭ​വി​ച്ചത്‌ ടെറേ സാവേജ്‌ പറയു​ന്ന​ത​നു​സ​രിച്ച്‌ “ഒരു വലിയ ജനിതക വിസ്‌ഫോ​ടന”ത്താലാ​ണെന്ന്‌ പവിഴ​പ്പു​റ​റു​ക​ളിൽനി​ന്നുള്ള തെളിവ്‌ സൂചി​പ്പി​ക്കു​ന്നു​വ​ത്രെ. (g91 7/8)

പ്ലാസ്‌റ​റിക്ക്‌ വനങ്ങൾ

“നാം കൃത്രി​മ​വ​നങ്ങൾ നട്ടാൽ, പത്തുവർഷ​ങ്ങൾകൊ​ണ്ടു മരുഭൂ​മി​കൾ കൃഷി​ഭൂ​മി​ക​ളാ​ക്കാം” എന്ന്‌ ഗവേഷ​ക​നായ അന്റോ​ണി​യോ ഇബാ​നെസ്‌ അൽബാ അവകാ​ശ​പ്പെ​ടു​ന്നു. അപ്രാ​യോ​ഗി​ക​മെന്നു തോന്നു​ന്നു​വെ​ങ്കി​ലും അനേകം ഉത്തര ആഫ്രിക്കൻ രാജ്യങ്ങൾ ഈ ആശയം ആവേശ​പൂർവം സ്വീക​രി​ച്ചി​രി​ക്കു​ന്നു​വെന്നു മാഡ്രിസ്‌ ദിനപ്പ​ത്ര​മായ ഡയാറി​യോ 16 റിപ്പോർട്ടു ചെയ്യുന്നു. വനങ്ങൾ സ്വാഭാ​വി​ക​മാ​യി ചെയ്യു​ന്ന​തു​പോ​ലെ ലക്ഷക്കണ​ക്കി​നു പ്ലാസ്‌റ​റിക്‌ വൃക്ഷങ്ങൾ രാത്രി​യി​ലെ അന്തരീ​ക്ഷ​ത്തിൽനി​ന്നുള്ള ഈർപ്പം തടഞ്ഞു​നിർത്തു​ക​യും പകൽ സമയത്ത്‌ നീരാവി പുറത്തു​വി​ടു​ക​യും ചെയ്യും. പത്തുവർഷ​ങ്ങൾകൊ​ണ്ടു ഈ കൃത്രിമ വൃക്ഷങ്ങൾ, സൈദ്ധാ​ന്തി​ക​മാ​യി വേണ്ടത്ര മഴ പെയ്യാൻ പ്രചോ​ദനം നൽകും, സ്വാഭാ​വിക വൃക്ഷങ്ങൾക്ക്‌ ഈ ജോലി ഏറെറ​ടു​ക്കുക സാദ്ധ്യ​മാ​ക്കി​ക്കൊ​ണ്ടു​തന്നെ. പോളി​യൂ​റി​ത്തേൻ വൃക്ഷങ്ങൾ കാഴ്‌ചക്കു എങ്ങനെ​യി​രി​ക്കും? “പ്രകൃ​തി​യു​ടെ ഡി​സൈ​നു​കൾ ഒന്നാന്ത​ര​മാ​യ​തി​നാൽ അവ പനകൾപോ​ലി​രി​ക്കും. മഞ്ഞുതു​ള്ളി​കൾ തടഞ്ഞു​നിർത്തി ബാഷ്‌പീ​ക​രണം സാദ്ധ്യ​മാ​ക്കാൻ അനു​യോ​ജ്യ​മായ രൂപമാ​ണ​വക്ക്‌” എന്ന്‌ അവയുടെ രൂപസം​വി​ധാ​യകൻ വിശദീ​ക​രി​ക്കു​ന്നു. അവയുടെ മുഖ്യ പ്രയോ​ജ​നങ്ങൾ? അവയ്‌ക്കു ജലസേ​ചനം വേണ്ട; വിറകി​നാ​യി മുറി​ക്കാ​നു​മി​ട​യില്ല. (g91 7/8)

തവിട്ടു​ക​ര​ടി​കളേ വിട?

ഫ്രാൻസി​ലുള്ള അവസാ​നത്തെ തവിട്ടു​ക​ര​ടി​ക​ളും പെട്ടെന്നു നശിച്ചി​ല്ലാ​തെ​യാ​കു​മെന്ന്‌ പാരീസ്‌ വർത്തമാ​ന​പ്പ​ത്ര​മായ ലെ ഫിഗാ​റോ റിപ്പോർട്ടു ചെയ്യുന്നു. ഒരിക്കൽ ബ്രിട്ടീഷ്‌ ദ്വീപു​കൾ മുതൽ സ്‌പെ​യിൻവ​രെ​യുള്ള പ്രദേ​ശ​ങ്ങ​ളിൽ കാണ​പ്പെ​ട്ടി​രുന്ന യൂറോ​പ്യൻ തവിട്ടു​ക​രടി മിക്കവാ​റും മുഴു​വ​നാ​യി പശ്ചിമ യൂറോ​പ്പിൽനിന്ന്‌ അപ്രത്യ​ക്ഷ​മാ​യി. 1962 മുതൽ ഈ ഇനം ഫ്രാൻസിൽ ഔദ്യോ​ഗി​ക​മാ​യി സംരക്ഷി​ക്ക​പ്പെ​ടു​ന്നു. നായാ​ട്ടും വിഷ​പ്ര​യോ​ഗ​വും, ഫ്രാൻസി​നും സ്‌പെ​യി​നു​മി​ട​ക്കുള്ള പൈ​റെ​നീസ്‌ മലകളി​ലെ സ്വാഭാ​വിക നിവാ​സ​ഭൂ​മി​യു​ടെ നാശവും അവശേ​ഷി​ക്കുന്ന കരടി​ക​ളു​ടെ സംഖ്യ പത്തോളം ആക്കി കുറച്ച​താ​യി പരിസ്ഥി​തി​ശാ​സ്‌ത്ര​വി​ദ​ഗ്‌ദ്ധർ ഭയപ്പെ​ടു​ന്നു.—വംശവർദ്ധ​നക്കു തീരെ അപര്യാ​പ്‌തം. കരടി​കളെ സംരക്ഷി​ക്കാ​നുള്ള യത്‌ന​ങ്ങ​ളു​ടെ പ്രകട​മായ പരാജ​യ​ത്തിൽ മനം​നൊന്ത പരിസ്ഥി​തി ശാസ്‌ത്ര​വി​ദ​ഗ്‌ദ്ധൻ ജോർജ്ജ്‌ ഇറോം പറയുന്നു: “പ്രകൃ​തി​സം​ര​ക്ഷ​ണ​ത്തി​നുള്ള നമ്മുടെ ആകമാ​ന​മായ കഴിവു​കേ​ടി​നെ ഇതു വ്യക്തമാ​ക്കു​ന്നു. എന്നാൽ പരിസ്ഥി​തി ജീവിതം തന്നെയാ​ണെന്ന്‌ ഇപ്പോൾ നാം മനസ്സി​ലാ​ക്കു​ന്നു.” (g91 7/8)

സമാധാ​ന​പ​ര​മായ സഹവർത്തി​ത്വം

കാക്കക​ളും മനുഷ്യ​രും തമ്മിലുള്ള ഒരു പോരാ​ട്ട​ത്തിൽ കാക്കകൾ വിജയി​ച്ചു. കുറഞ്ഞ​പക്ഷം ജപ്പാനി​ലെ ഒട്ടാ നഗരത്തി​ലെ​ങ്കി​ലും. ഉപേക്ഷി​ക്ക​പ്പെട്ട ചെമ്പു കമ്പിക​ളും ഇരുമ്പു​നൂൽക്ക​മ്പി​ക​ളും ഉപയോ​ഗിച്ച്‌ ഇലക്‌ട്രിക്‌ ട്രാൻസ്‌മി​ഷൻ ടവറു​കൾക്കു​മേൽ കൂടു​കെ​ട്ടുന്ന പതിവ്‌ വർഷങ്ങ​ളോ​ളം കാക്കകൾക്കു​ണ്ടാ​യി​രു​ന്നു. ലോഹ​ക്കൂ​ടു​കൾ വിദ്യു​ച്ഛ​ക്തി​പ്ര​വാ​ഹം തകരാ​റി​ലാ​ക്കു​മെ​ന്നത്‌ കാക്കകൾക്കു പ്രശ്‌ന​മ​ല്ലാ​യി​രു​ന്നു. ഇത്തരം കൂടുകൾ പതിവാ​യി നീക്കം ചെയ്‌തു മടുത്ത ടോക്കി​യോ ഇലക്‌ട്രിക്‌ പവ്വർ കമ്പനി അവസാനം കാക്കകളെ കൂടു​കെ​ട്ടാൻ സഹായി​ക്കാ​മെന്ന്‌ തീരു​മാ​നി​ച്ചു. ഇലക്‌ട്രി​ക്‌ക​മ്പനി പുതിയ നയം സ്വീക​രിച്ച ആദ്യവർഷം കുട്ടയു​ടെ ആകൃതി​യി​ലുള്ള നൂറു​ക​ണ​ക്കി​നു കൂടുകൾ വൈദ്യു​തി പ്രശ്‌നം ഉണ്ടാവാ​ത്ത​വി​ധം ട്രാൻസ്‌മി​ഷൻ ടവറു​ക​ളിൽ വെച്ചു എന്ന്‌ ടോക്കി​യോ​യി​ലെ അസാഹി ഈവനിംഗ്‌ ന്യൂസ്‌ റിപ്പോർട്ടു ചെയ്യുന്നു. പുതിയ കുട്ടകൾകൊണ്ട്‌ കാക്കകൾ തൃപ്‌തി​പ്പെ​ട്ടെന്നു തോന്നു​ന്നു. ഇപ്പോൾ കാക്കക​ളും ഒട്ടായി​ലെ ഇലക്‌ട്രിക്‌ കമ്പനി​യും സമാധാ​ന​പ​ര​മായ സഹവർത്തി​ത്വ​ത്തിൽ ജീവി​ക്കു​ന്നു. (g91 7/8)

പുസ്‌ത​ക​ക്ക​ള്ളൻമാർ

പുസ്‌ത​ക​മോ​ഷ​ണ​ത്തി​ന്റെ വർദ്ധനവു കാരണം ലൈ​ബ്രേ​റി​യൻമാ​രും പുസ്‌ത​ക​വ്യ​വ​സാ​യ​ത്തി​ലുള്ള മററു​ള്ള​വ​രും ബുദ്ധി​മു​ട്ടു​ന്നു. ന്യൂ​യോർക്ക്‌ ടൈംസ്‌ ബുക്ക്‌ റിവ്യൂ പറയു​ന്ന​പ്ര​കാ​രം ‘ഓരോ വർഷവും സാദ്ധ്യ​ത​യ​നു​സ​രിച്ച്‌ മോഷ്ടി​ക്ക​പ്പെ​ടു​ന്നത്ര പുസ്‌ത​കങ്ങൾ ലൈ​ബ്ര​റി​കൾ വാങ്ങുന്നു’ എന്ന്‌ ചിക്കാ​ഗോ പബ്ലിക്ക്‌ ലൈ​ബ്ര​റി​യു​ടെ കളക്‌ഷൻ ഡെവല​പ്പ്‌മെൻറു ഡയറക്ടർ മേരി എലെൻ ക്വിൻ പ്രസ്‌താ​വി​ക്കു​ന്നു. ചില ഡോക്ടർമാർ, പത്ര​പ്ര​വർത്തകർ, നിയമജ്ഞർ, ഗവേഷ​ണ​വി​ദ്യാർത്ഥി​കൾ, അദ്ധ്യാ​പകർ എന്നിവർക്കു പുറമെ ലൈ​ബ്രേ​റി​യൻമാർപോ​ലും പുസ്‌തക മോഷ്ടാ​ക്ക​ളു​ടെ ലിസ്‌റ​റിൽ പെടുന്നു. പുസ്‌തകം മോഷ്ടി​ക്കു​ന്നവർ “ലോകത്തെ ഒന്നാം തരക്കാ​രിൽ ചിലരാ​ണെ”ന്ന്‌ ഒരു വിദഗ്‌ദ്ധൻ സൂചി​പ്പി​ച്ചു. ബൈബി​ളാണ്‌ “വ്യക്തമാ​യും ഏററവു​മ​ധി​കം മോഷ്ടി​ക്ക​പ്പെ​ടുന്ന പുസ്‌തകം. ആളുകൾക്കു മോഷ്ടി​ക്കാ​തി​രി​ക്കാൻ വയ്യാത്ത എക്കാല​ത്തേ​യും ആകർഷക വസ്‌തു” എന്ന്‌ ഗവേഷകർ പറയുന്നു. (g91 6/22)

ഓഫീ​സി​ലേ​ക്കൊ​രു ‘പാത’

ജപ്പാനി​ലെ ഒസാക്കാ നഗരം സന്ദർശി​ക്കു​ന്നവർ ഗോള​സ്‌തം​ഭാ​കൃ​തി​യി​ലുള്ള ഒരു കെട്ടി​ട​ത്തി​ന​ക​ത്തേക്കു നേരെ ചെല്ലുന്ന ഒരു പാത മറുവ​ശ​ത്തു​കൂ​ടെ പുറ​ത്തേക്കു പോകു​ന്നതു കണ്ട്‌ അമ്പരക്കു​ന്നു. “റോഡ്‌ഘടന കെട്ടി​ട​ത്തിൽ സ്‌പർശി​ക്കാ​ത്ത​തി​നാൽ പ്രകമ്പനം അനുഭ​വ​പ്പെ​ടു​ന്നില്ല. രാജവീ​ഥി മറയ്‌ക്ക​ത്ത​ക്ക​വി​ധം ഞങ്ങൾ ഭിത്തി​യും പണിയും; അങ്ങനെ ഓഫീസ്‌ ജീവന​ക്കാർക്കു ശല്യമാ​കുന്ന ശബ്ദവും പുകയും തടയും” എന്ന്‌ ഹാർഷിൻ എക്‌സ്‌പ്ര​സ്സ്‌വേ പബ്ലിക്ക്‌ കോർപ്പ​റേ​ഷന്റെ ഒരു ഉദ്യോ​ഗസ്ഥൻ വിശദ​മാ​ക്കി​യ​താ​യി മെയ്‌നി​ച്ചി ഡെയ്‌ലി ന്യൂസ്‌ പറയുന്നു. ഈ നിർമ്മി​തി​യു​ടെ പ്രമുഖ കാരണം പ്രസ്‌തുത പ്രദേ​ശത്ത്‌ ഭൂമിക്ക്‌ ചതുരശ്ര മീററ​റിന്‌ 22,50,000 രൂപ വിലയു​ണ്ടെ​ന്നു​ള്ള​താണ്‌. ഉയരത്തി​ലുള്ള പാത 16 നില കെട്ടി​ട​ത്തി​ന്റെ അഞ്ചുമു​തൽ ഏഴുവരെ നിലക​ളി​ലൂ​ടെ കടന്നു​പോ​കു​ന്ന​തി​നാൽ ഹാൻഷിൻ കോർപ്പ​റേഷൻ ഏകദേശം 36 കോടി ഡോള​റി​ന്റെ വമ്പിച്ച ലാഭമു​ണ്ടാ​ക്കു​ന്നു. ഒസാക്കാ നഗരത്തിൽ പണിയാൻ പദ്ധതി​യി​ട്ടി​രി​ക്കുന്ന കെട്ടി​ട​ത്തി​ലൂ​ടെ​യുള്ള മൂന്നു ഹൈ​വേ​ക​ളിൽ ആദ്യ​ത്തേ​താ​ണിത്‌. ഇത്‌ അടുത്ത വർഷം തുറന്നു​കൊ​ടു​ക്കും. (g91 7/8)

തീരു​മാ​നി​ക്കു​ന്ന​താര്‌?

മാതാ​പി​താ​ക്ക​ളേ​ക്കൊ​ണ്ടു വാങ്ങി​പ്പി​ക്കു​ന്ന​തി​നു കുട്ടി​കളെ എങ്ങനെ പ്രേരി​പ്പി​ക്കാ​മെന്ന്‌ പരസ്യ​ക്ക​മ്പ​നി​കൾക്കു ദീർഘ​നാ​ളാ​യി അറിയാം. “പിൻവ​രുന്ന ഗണങ്ങളിൽ ഒരു കുട്ടി​യു​ടെ അഭി​പ്രാ​യം നിർണ്ണാ​യ​ക​മാ​ണെന്ന്‌” ചിൽഡ്രൻസ്‌ ഇൻസ്‌റ​റി​ട്യൂട്ട്‌ ഓഫ്‌ ഫ്രാൻസ്‌ നടത്തിയ ഒരു സർവ്വേ വെളി​പ്പെ​ടു​ത്തി​യ​താ​യി ലെ ഫിഗാ​റോ മാഗസിൻ റിപ്പോർട്ടു ചെയ്യുന്നു. “ഭക്ഷണം (70%) ഒരവധി​ക്കാ​ലം ആസൂ​ത്രണം ചെയ്യുക (51%) ശുചി​ത്വം, സൗന്ദര്യ സംവർദ്ധക വസ്‌തു​ക്കൾ (43%) വീട്ടു​പ​ക​ര​ണങ്ങൾ (40%) ടിവി-ഹൈ-ഫൈ (33%) കാറുകൾ (30%).” എന്നാൽ ഒരു വലിയ പരസ്യ ഏജൻസി​യു​ടെ എക്‌സി​ക്യൂ​ട്ടീവ്‌ ഈ ലളിത​മായ ഉപദേശം നൽകി: “മുതിർന്ന​വരെ ഭരിക്കാൻ അവർ കുട്ടി​കളെ അനുവ​ദി​ക്ക​രുത്‌.” (g91 7/8)