യുവജ​നങ്ങൾ ചോദി​ക്കു​ന്നു...

ക്രിസ്‌തീയ യോഗ​ങ്ങൾക്ക്‌ എന്നെ എങ്ങനെ സഹായി​ക്കാൻക​ഴി​യും?

“ആത്മീയ​മാ​യി പുരോ​ഗ​മി​ക്കാൻ പള്ളികൾ നിങ്ങളെ സഹായി​ക്കു​മെന്ന്‌ ഞാൻ വിചാ​രി​ക്കു​ന്നില്ല. ഒരു വ്യക്തി ആത്മീയ​നാ​യി​രി​ക്ക​ണ​മോ വേണ്ടയോ എന്നത്‌ ആ വ്യക്തിയെ ആശ്രയി​ച്ചാ​ണി​രി​ക്കു​ന്നത്‌.”—കെവിൻ എന്ന 19 വയസ്സു​കാ​രൻ.

കെവിൻ പറയു​ന്നത്‌ പലപ്ര​കാ​ര​ത്തി​ലും ശരിയാണ്‌. “ഒരു വ്യക്തി ആത്മീയ​നാ​യി​രി​ക്ക​ണ​മോ വേണ്ടയോ” എന്ന്‌ തീരു​മാ​നി​ക്കു​ന്നത്‌ യഥാർത്ഥ​ത്തിൽ ഓരോ വ്യക്തി​യു​മാണ്‌. എന്നാൽ നിങ്ങൾ ഈ ലേഖനം വായി​ക്കു​ന്ന​തി​നാൽ, കുറഞ്ഞ​പക്ഷം ഒരു ആത്മീയ വ്യക്തി​യാ​യി​രി​ക്കാൻ ആഗ്രഹി​ക്കു​ന്ന​തി​നേ​ക്കാൾ കൂടു​ത​ലാ​യുണ്ട്‌. എങ്കിലും നിങ്ങൾ ഏതു തരത്തി​ലുള്ള ഒരു ആത്മീയ വ്യക്തി​യാണ്‌ അല്ലെങ്കിൽ എപ്രകാ​രം അങ്ങനെ​യാ​യി​ത്തീ​രാൻ കഴിയും എന്ന്‌ നിങ്ങൾക്ക്‌ കൃത്യ​മാ​യി തീർച്ച​യി​ല്ലാ​യി​രി​ക്കാം.

ലളിത​മാ​യി പറഞ്ഞാൽ ഒരു ആത്മീയ മനുഷ്യൻ, പരമോ​ന്നത ദൈവ​മായ യഹോ​വ​യു​ടെ നിർദ്ദേ​ശ​ങ്ങൾക്ക്‌ തന്റെ ചിന്തക​ളെ​യും അഭി​പ്രാ​യ​ങ്ങ​ളെ​യും പ്രവൃ​ത്തി​ക​ളെ​യും കീഴ്‌പ്പെ​ടു​ത്തുന്ന ഒരുവ​നാണ്‌. അയാൾ തന്റെ ദൈനം​ദിന തീരു​മാ​നങ്ങൾ എടുക്കു​മ്പോ​ഴും ലക്ഷ്യങ്ങൾ വെക്കു​മ്പോ​ഴും ജീവി​ത​ത്തിൽ മുൻഗ​ണ​നകൾ തയ്യാറാ​ക്കു​മ്പോ​ഴും തന്റെ സ്രഷ്ടാ​വി​നെ പരിഗ​ണി​ക്കു​ന്നു. മററു​പ്ര​കാ​ര​ത്തിൽ പറഞ്ഞാൽ ഒരു ആത്മീയ വ്യക്തി ദൈ​വോൻമു​ഖ​നാണ്‌.

ഒരു കൗമാ​ര​പ്രാ​യ​ക്കാ​രൻ എന്ന നിലയിൽ നിങ്ങൾ നിങ്ങളു​ടെ ആത്മീയ വളർച്ചയെ “ഈ വ്യവസ്ഥി​തി​യു​ടെ ഉൽക്കണ്‌ഠകൾ” തടസ്സ​പ്പെ​ടു​ത്തു​ന്ന​താ​യി കണ്ടെത്തി​യേ​ക്കാം. (മത്തായി 13:22) ‘സദാസ​മ​യ​വും തെററ്‌ ചെയ്യാൻ ചായ്‌വുള്ള’ സഹപാ​ഠി​ക​ളു​മാ​യി ദിവസം മുഴുവൻ സഹവസി​ക്കു​ന്ന​തും നിരു​ത്സാ​ഹ​ക​ര​മാണ്‌. (ഉല്‌പ്പത്തി 6:5) ശരിയാ​യ​തിൽ നിങ്ങളു​ടെ മനസ്സിനെ കേന്ദ്രീ​ക​രി​ക്കു​ന്ന​തിന്‌ പ്രയാസം വരുത്ത​ത്ത​ക്ക​രീ​തി​യിൽ ചിലർ “ചീത്തയാ​യവ സംസാ​രി​ക്ക​യും പരിഹ​സി​ക്ക​യും” ചെയ്‌തേ​ക്കാം. (സങ്കീർത്തനം 7:15; 3:8) അതു​പോ​ലെ നിങ്ങളു​ടെ മാതാ​പി​താ​ക്ക​ളോ മററു കുടും​ബാം​ഗ​ങ്ങ​ളോ നിങ്ങളു​ടെ വിശ്വാ​സ​ത്തിൽ പങ്കാളി​ക​ള​ല്ലെ​ന്നു​വ​രി​കിൽ, അവർ യാതൊ​രു ആത്മീയ പ്രോ​ത്സാ​ഹ​ന​വും നൽകാ​തി​രു​ന്നേ​ക്കാം. ഈ നിഷേ​ധാ​ത്മക സ്വാധീ​ന​ങ്ങ​ളോട്‌ പ്രതി​പ്ര​വർത്തനം നടത്തു​ന്ന​തി​നും ആത്മീയ​മാ​യി വളരു​ന്ന​തി​നും നിങ്ങൾക്കെന്തു ചെയ്യാൻ കഴിയും?

നിങ്ങൾക്ക്‌ ചെയ്യാൻ സാധി​ക്കുന്ന ഒരു കാര്യം യഹോ​വ​യു​ടെ സാക്ഷി​ക​ളു​ടെ രാജ്യ​ഹോ​ളി​ലെ മീററിം​ഗു​ക​ളിൽ ക്രമമാ​യി പങ്കുപ​റ​റുക എന്നതാണ്‌. പള്ളി ശുശ്രൂ​ഷ​കൾക്കു വിപരീ​ത​മാ​യി അവി​ടെ​യുള്ള മീററിം​ഗു​കൾ “ദൈവി​ക​ഭക്തി നിങ്ങളു​ടെ ലക്ഷ്യമാ​ക്കി” പ്രവർത്തി​ക്കാ​നും ആത്മീയ ശൈശ​വ​ത്തിൽനിന്ന്‌ ആത്മീയ പ്രായ​പൂർത്തി​യി​ലേ​ക്കുള്ള നിങ്ങളു​ടെ പുരോ​ഗ​തി​യെ സഹായി​ക്കാ​നും ഉതകുന്നു.—1 തിമോ​ഥെ​യോസ്‌ 4:7; എഫേസ്യർ 4:13, 14.

പഠിക്കാൻ നിങ്ങളെ സഹായി​ക്കുന്ന മീററിം​ഗു​കൾ

യഹോ​വ​യു​ടെ സാക്ഷികൾ ഭൂമി​യി​ലു​ട​നീ​ള​മുള്ള 63,000-ത്തിൽ പരം സഭകളി​ലാ​യി, “ശ്രദ്ധി​ക്കു​ന്ന​തി​നും പഠിക്കു​ന്ന​തി​നു​മാ​യി ജനങ്ങളെ, പുരു​ഷൻമാ​രെ​യും സ്‌ത്രീ​ക​ളെ​യും കുട്ടി​ക​ളെ​യും കൂട്ടി​വ​രു​ത്തുക” എന്ന ബൈബി​ളി​ന്റെ ഉപദേശം പിന്തു​ട​രു​ന്നു. (ആവർത്തനം 31:12) അതിനാൽ സാക്ഷി​ക​ളു​ടെ ഇടയിൽ നിങ്ങ​ളെ​പ്പോ​ലുള്ള യുവാ​ക്കളെ നിങ്ങൾ കണ്ടെത്തും.

ലോക​വ്യാ​പ​ക​മാ​യുള്ള യഹോ​വ​യു​ടെ സാക്ഷികൾ ഒരേ വിദ്യാ​ഭ്യാ​സ പരിപാ​ടി​യിൽ പങ്കുപ​റ​റു​ന്നു. ഇതിൽ ഏകദേശം ഒരു മണിക്കൂർ ദൈർഘ്യ​മുള്ള അഞ്ച്‌ പ്രതി​വാര മീററിം​ഗു​കൾ ഉൾപ്പെ​ടു​ന്നു. അഞ്ചു മീററിം​ഗു​കൾ ഇവയാണ്‌:

പരസ്യ​യോ​ഗം—ഒരു ബൈബിൾ വിഷയത്തെ വിശേ​ഷ​വൽക്ക​രി​ച്ചുള്ള ഒരു ബൈബിൾ പ്രസംഗം.

വീക്ഷാ​ഗോ​പു​ര​ദ്ധ്യ​യനം—യഹോ​വ​യു​ടെ സാക്ഷി​ക​ളു​ടെ മുഖ്യ പ്രസി​ദ്ധീ​ക​ര​ണ​മായ വീക്ഷാ​ഗോ​പു​രം മാസിക ഉപയോ​ഗി​ച്ചുള്ള ബൈബി​ളി​ന്റെ പഠിപ്പി​ക്ക​ലു​ക​ളു​ടെ ഒരു ആഴമായ പഠനം.

ദിവ്യാ​ധി​പ​ത്യ ശുശ്രൂ​ഷാ​സ്‌കൂൾ—ക്രിസ്‌തീയ ശുശ്രൂ​ഷ​ക്കുള്ള പ്രസംഗ വൈദ​ഗ്‌ദ്ധ്യം അഭ്യസി​പ്പി​ക്കു​ന്നു.

സേവന​യോ​ഗം—ബൈബി​ള​ദ്ധ്യ​യന ശുശ്രൂ​ഷ​ക്കും വീടു​തോ​റു​മുള്ള ശുശ്രൂ​ഷ​ക്കും വേണ്ടി​യുള്ള ഫലകര​മായ പഠിപ്പി​ക്കൽരീ​തി​യു​ടെ പ്രകട​ന​ങ്ങ​ളും ചർച്ചക​ളും വിശേ​ഷ​വൽക്ക​രി​ക്കു​ന്നു.

സഭാപു​സ്‌ത​കാ​ദ്ധ്യ​യനം—ഒരു ബൈബിൾ സഹായി ഉപയോ​ഗിച്ച്‌ ചെറു​ഗ്രൂ​പ്പു​ക​ളാ​യുള്ള ചോ​ദ്യോ​ത്തര ചർച്ച—സാധാരണ സ്വകാര്യ ഭവനങ്ങ​ളിൽ നടത്ത​പ്പെ​ടു​ന്നു.

ഈ മീററിം​ഗു​ക​ളി​ലെ വിദ്യാ​ഭ്യാ​സ പരിപാ​ടി​കൾ നിങ്ങളെ “ദൈവ​ത്തി​ന്റെ ആഴമായ കാര്യ​ങ്ങൾപോ​ലും” പഠിക്കാൻ സഹായി​ക്കും. (1 കൊരി​ന്ത്യർ 2:10; സദൃശ​വാ​ക്യ​ങ്ങൾ 2:5) എന്നുവ​രി​കി​ലും പങ്കെടു​ക്കു​ന്ന​തിൽനിന്ന്‌ മററു പ്രയോ​ജ​ന​ങ്ങ​ളു​മുണ്ട്‌.

“ഇരുമ്പ്‌ ഇരുമ്പി​നു മൂർച്ച വരുത്തു​ന്ന​തു​പോ​ലെ”

“ദൈവത്തെ സേവി​ക്കുന്ന മററു​ള്ള​വ​രു​ടെ ഇടയിൽ ഒരു ക്രിസ്‌ത്യാ​നി ആയിരി​ക്കുക എളുപ്പ​മാ​ണെ”ന്ന്‌ മിഷെൽ എന്ന 15 വയസ്സു​കാ​രി പറയുന്നു. “എന്നാൽ സ്‌കൂ​ളിൽ പോകു​മ്പോൾ നിങ്ങളു​ടെ സഹപാ​ഠി​കൾക്ക്‌ വ്യത്യസ്‌ത ലക്ഷ്യങ്ങ​ളും നിലവാ​ര​ങ്ങ​ളും ഉള്ളതി​നാൽ അത്‌ കൂടുതൽ വിഷമ​ക​ര​മാണ്‌.” അതു​കൊണ്ട്‌ മീററിം​ഗു​ക​ളിൽ സംബന്ധി​ക്കു​ന്ന​തി​ന്റെ ഒരു പ്രയോ​ജനം സഹവി​ശ്വാ​സി​ക​ളോ​ടൊത്ത്‌ സഹവസി​ക്കാ​നുള്ള അവസര​മാണ്‌.

ജ്ഞാനി​യാ​യ ശലോ​മോൻ രാജാവ്‌ പറഞ്ഞു: “ഇരുമ്പ്‌ ഇരുമ്പി​നു മൂർച്ച​വ​രു​ത്തു​ന്നു, അപ്രകാ​രം ഒരുവൻ മറെറാ​രു​വന്റെ ബുദ്ധിക്ക്‌ മൂർച്ച​കൂ​ട്ടു​ന്നു.” (സദൃശ്യ​വാ​ക്യ​ങ്ങൾ 27:17, ദി ന്യൂ ഇംഗ്ലീഷ്‌ ബൈബിൾ) ചില​പ്പോൾ ആത്മീയ​ചി​ന്താ​ശ​ക്തിക്ക്‌ അതായത്‌ ആത്മീയ അറിവി​നും ഉൾക്കാ​ഴ്‌ച​യ്‌ക്കും മൂർച്ച​കൂ​ട്ടേ​ണ്ട​യാ​വ​ശ്യ​മുണ്ട്‌. ഒരു അക്ഷരീയ കത്തിക്ക്‌ മൂർച്ച കൂട്ടണ​മെ​ങ്കിൽ ഉചിത​മായ ഉപകര​ണ​ങ്ങ​ളും വൈദ​ഗ്‌ദ്ധ്യ​വും ആവശ്യ​മാ​യി​രി​ക്കു​ന്ന​തു​പോ​ലെ​തന്നെ, നിങ്ങൾക്ക്‌ ചില “ആത്മീയ ദാനങ്ങൾ നൽകാൻ കഴിവുള്ള” യോഗ്യ​രായ ആളുക​ളു​മാ​യി നിങ്ങൾ സഹവസി​ക്കേ​ണ്ട​യാ​വ​ശ്യ​മുണ്ട്‌. റോമർ 1:11.

രാജ്യ​ഹോ​ളിൽ നിങ്ങൾ, വ്യത്യസ്‌ത പ്രായ​ത്തി​ലും വർഗ്ഗത്തി​ലും രാഷ്‌ട്ര​ങ്ങ​ളി​ലു​മുള്ള അത്തരം ആളുകളെ കണ്ടെത്തും. നിങ്ങളു​ടെ സമപ്രാ​യ​ക്കാ​രിൽ നിങ്ങൾക്ക്‌ ആകർഷണം തോന്നി​യേ​ക്കാ​മെന്നു മനസ്സി​ലാ​ക്കാ​വു​ന്ന​തേ​യു​ള്ളു. എങ്കിലും യഹോ​വയെ സേവി​ക്കു​ന്ന​തിൽ വിശ്വ​സ്‌ത​ത​യോ​ടെ അനേക​വർഷങ്ങൾ ചെലവ​ഴി​ച്ച​വരെ പ്രത്യേ​കാൽ ശ്രദ്ധി​ക്കുക. (ലേവ്യാ​പു​സ്‌തകം 19:32) ബൈബി​ളി​ലെ ആഴമായ അറി​വോ​ടു​കൂ​ടിയ അവരുടെ ജീവി​താ​നു​ഭ​വ​പ​രി​ചയം നിങ്ങൾക്ക്‌ വലിയ സഹായ​മാ​യി​രി​ക്കാൻ കഴിയും. അങ്ങനെ​യു​ള്ള​വരെ നിങ്ങൾക്ക്‌ എങ്ങനെ മനസ്സി​ലാ​ക്കാൻ കഴിയും? ‘നിങ്ങൾ സത്യത്തി​ലേക്കു വരാനി​ട​യാ​യ​തെ​ങ്ങനെ?,’ അല്ലെങ്കിൽ ‘നിങ്ങൾ ചെറു​പ്പ​മാ​യി​രു​ന്ന​പ്പോൾ വയൽസേ​വനം എപ്രകാ​രം അനുഭ​വ​പ്പെ​ട്ടി​രു​ന്നു?’ എന്നിങ്ങ​നെ​യുള്ള ചോദ്യ​ങ്ങൾ അവരോ​ടു ചോദി​ച്ചു​കൊണ്ട്‌ ശ്രമി​ക്കാം. അവർ തീർച്ച​യാ​യും ചില ആത്മീയ ദാനങ്ങൾ നിങ്ങൾക്കു നൽകി​യേ​ക്കാം!

യഥാർത്ഥ​ത്തിൽ സഭയിലെ മററു​ള്ള​വരെ സമീപി​ക്കു​മ്പോൾ, “പ്രായ​മാ​യ​വ​രോ​ടു സംസാ​രി​ക്കാൻ ഞാൻ സാധാ​ര​ണ​യാ​യി ഭയമു​ള്ള​വ​നാ​യി​രു​ന്നു. ഞാൻ എന്തെങ്കി​ലും തെററാ​യി സംസാ​രി​ക്കു​ക​യാ​ണെ​ങ്കിൽ എനിക്ക്‌ അവർ ബുദ്ധി​യു​പ​ദേശം നൽകും” എന്നു ഞാൻ വിചാ​രി​ച്ചു എന്നു പറഞ്ഞ 12 വയസ്സു​കാ​ര​നായ ക്രെയ്‌ഗി​നെ​പ്പോ​ലെ നിങ്ങളും ആദ്യം ചിന്തി​ച്ചേ​ക്കാം. ക്രെയ്‌ഗ്‌ തന്റെ തോന്ന​ലു​കൾ അടിസ്ഥാ​ന​ര​ഹി​ത​മാ​യി​രു​ന്നു എന്ന്‌ ഇപ്പോൾ മനസ്സി​ലാ​ക്കു​ന്നു. “ഇപ്പോൾ അവരോട്‌ സംസാ​രി​ക്കു​ന്ന​തിൽ എനിക്ക്‌ ആശ്വാസം ഉണ്ട്‌” എന്ന്‌ അയാൾ വിശദീ​ക​രി​ക്കു​ന്നു. സഭയിലെ ആത്മീയ പക്വത​യു​ള്ള​വ​രു​മാ​യി സഹവസി​ക്കു​വാൻ ഒരു സമാന​മായ ശ്രമം എന്തു​കൊണ്ട്‌ ചെയ്‌തു​കൂ​ടാ? അങ്ങനെ ചെയ്യു​ന്ന​തി​നാൽ നിങ്ങൾക്ക്‌ പക്വത​യുള്ള ക്രിസ്‌ത്യാ​നി​കളെ നിരീ​ക്ഷി​ക്കു​ന്ന​തി​നും അനുക​രി​ക്കു​ന്ന​തി​നു​മുള്ള ഒരു വിലതീ​രാത്ത അവസരം ലഭിക്കും.—2 തെസ​ലൊ​നീ​ക്യർ 3:9.

“പഠിപ്പി​ക്ക​പ്പെ​ട്ട​വ​രു​ടെ ഒരു നാവ്‌”

പുരോ​ഗതി പ്രാപി​ക്കേ​ണ്ട​തായ മറെറാ​രു മണ്ഡലത്തിൽ നിങ്ങളു​ടെ പഠിപ്പി​ക്കൽ പ്രാപ്‌തി​കൾ ഉൾപ്പെ​ട്ടി​രി​ക്കു​ന്നു. ഉദാഹ​ര​ണ​ത്തിന്‌ ബൈബിൾ സത്യങ്ങൾ വ്യക്തമാ​യി മററു​ള്ള​വ​രോ​ടു സംസാ​രി​ക്കാൻ നിങ്ങൾക്ക്‌ പ്രാപ്‌തി​യു​ണ്ടോ? ഒരു സദസ്സിന്റെ ശ്രദ്ധ പിടി​ച്ചെ​ടു​ക്കാൻ നിങ്ങൾക്കു കഴിവു​ണ്ടോ? നിങ്ങളു​ടെ വായന അർത്ഥവ​ത്താ​ക്കാൻ എങ്ങനെ കഴിയു​മെന്ന്‌ നിങ്ങൾക്ക​റി​യാ​മോ? “പരമാ​ധി​കാര കർത്താ​വായ യഹോ​വ​തന്നെ എനിക്ക്‌ പഠിപ്പി​ക്ക​പ്പെ​ട്ട​വ​രു​ടെ ഒരു നാവ്‌ തന്നിരി​ക്കു​ന്നു” എന്ന്‌ യെശയ്യാവ്‌ പറഞ്ഞു. (യെശയ്യാവ്‌ 50:4) അതു​പോ​ലെ പരിശീ​ല​ന​ത്താൽ, പഠിപ്പി​ക്ക​പ്പെ​ട്ട​വ​രു​ടെ ഒരു നാവ്‌ നിങ്ങൾക്കും ഉണ്ടായി​രി​ക്കാൻ കഴിയും. ഇതി​നോ​ടുള്ള ബന്ധത്തിൽ നിങ്ങൾക്കു പ്രയോ​ജനം നേടാൻ കഴിയുന്ന ഒരു പ്രത്യേക മീററിംഗ്‌ ഉണ്ട്‌: ദിവ്യാ​ധി​പത്യ ശുശ്രൂ​ഷാ സ്‌കൂൾ. നിങ്ങൾ ആ സ്‌കൂ​ളിൽ ഇതിനകം ചേർന്നി​ട്ടി​ല്ലേ?

മററു​ള്ള​വ​രോട്‌ സംസാ​രി​ക്കു​ന്ന​തിന്‌ ക്രിസ്‌ത്യാ​നി​കൾക്ക്‌ പ്രബോ​ധനം നൽകാ​നാണ്‌ ദിവ്യാ​ധി​പത്യ ശുശ്രൂ​ഷാ സ്‌കൂൾ രൂപകൽപ്പന ചെയ്‌തി​രി​ക്കു​ന്നത്‌. അതിൽ പങ്കെടു​ക്കു​ന്ന​തിന്‌ ഒരു പ്രായ​പ​രി​ധി​യില്ല, സ്‌നാ​പനം ഒരു നിബന്ധ​ന​യും അല്ല. എങ്കിലും നിങ്ങൾക്ക്‌ എഴുതാ​നും വായി​ക്കാ​നും ഉള്ള കഴിവ്‌ ഉണ്ടായി​രി​ക്കണം, സഭയോട്‌ സജീവ​മാ​യി സഹവസി​ക്കണം, ക്രിസ്‌തീയ തത്വങ്ങ​ളോട്‌ യോജി​പ്പി​ലുള്ള ഒരു ജീവിതം നയിക്കു​ന്ന​വ​നു​മാ​യി​രി​ക്കണം. ഈ ശുശ്രൂ​ഷാ സ്‌കൂൾ എങ്ങനെ നടത്തുന്നു?

പേരു ചാർത്തി​യ​തി​നു​ശേഷം ഒരു പ്രത്യേക തിരു​വെ​ഴു​ത്തു വിഷയ​ത്തെ​സം​ബ​ന്ധിച്ച ഒരു ലഘു​പ്ര​സം​ഗം നടത്താൻ നിങ്ങൾക്കു നിയമനം ലഭിക്കും. നിങ്ങളു​ടെ പ്രസംഗം തയ്യാറാ​ക്കു​ന്ന​തിന്‌ കഠിന പ്രയത്‌നം ചെയ്യുക. ദൃഷ്ടാ​ന്ത​ത്തിന്‌ നിങ്ങളു​ടെ വിഷയ​ത്തെ​ക്കു​റി​ച്ചുള്ള വിവരങ്ങൾ വാച്ച്‌ടവർ പബ്ലി​ക്കേ​ഷൻസ്‌ ഇൻഡെ​ക്‌സു​കൾ ഉപയോ​ഗിച്ച്‌ ബൈബിൾസാ​ഹി​ത്യ​ങ്ങൾ ഗവേഷണം ചെയ്യു​ന്ന​തി​നാ​ലും തിരു​വെ​ഴു​ത്തു​കളെ സംബന്ധിച്ച ഉൾക്കാഴ്‌ച എന്ന ബൈബിൾവിജ്ഞാനകോശംa പരി​ശോ​ധി​ക്കു​ന്ന​തി​നാ​ലും നിങ്ങൾക്കു കണ്ടെത്താൻ കഴിയും. ഇതു സംബന്ധിച്ച്‌ നിങ്ങൾക്ക്‌ സഹായം ആവശ്യ​മാ​ണെ​ങ്കിൽ നിങ്ങളു​ടെ മാതാ​പി​താ​ക്ക​ളോ​ടോ അനുഭ​വ​പ​രി​ച​യ​മുള്ള ഒരു ക്രിസ്‌ത്യാ​നി​യോ​ടോ നിങ്ങളെ സഹായി​ക്കാൻ ആവശ്യ​പ്പെ​ടുക. നിങ്ങൾ ചെയ്‌ത ഗവേഷ​ണ​ത്തി​നു നിങ്ങളു​ടെ പ്രസംഗം വിജ്ഞാ​ന​പ്ര​ദ​മാ​ക്കാ​നും നിങ്ങളു​ടെ ആത്മീയ വളർച്ചയെ പ്രചോ​ദി​പ്പി​ക്കാ​നും കഴിയും.—സദൃശ​വാ​ക്യ​ങ്ങൾ 2:1-5.

നിങ്ങൾ സഭയുടെ മുമ്പാകെ ഒരു പ്രസംഗം നടത്തു​മ്പോൾ സ്‌കൂൾ നടത്തുന്ന യോഗ്യ​ത​യുള്ള ശുശ്രൂ​ഷകൻ ശ്രദ്ധാ​പൂർവം കേട്ടു​കൊ​ണ്ടി​രി​ക്കും. നിങ്ങളു​ടെ പ്രസം​ഗ​ത്തി​നു​ശേഷം അദ്ദേഹം പരസ്യ പ്രസം​ഗ​കരെ സഹായി​ക്കു​ന്ന​തി​നു രൂപകൽപ്പന ചെയ്‌തി​രി​ക്കുന്ന ഒരു പ്രസി​ദ്ധീ​ക​ര​ണ​മായ ദിവ്യാ​ധി​പത്യ ശുശ്രൂ​ഷാ സ്‌കൂൾ ഗൈഡ്‌ ബുക്കലെ വിവര​ങ്ങളെ അടിസ്ഥാ​ന​മാ​ക്കി നിങ്ങൾക്ക്‌ ബുദ്ധി​യു​പ​ദേ​ശ​വും ഉചിത​മായ പ്രോ​ത്സാ​ഹ​ന​വും തരും. ഈ ബുദ്ധി​യു​പ​ദേ​ശ​ത്തിന്‌ സൂക്ഷ്‌മ ശ്രദ്ധ​കൊ​ടു​ക്കുക. ഇത്‌ നിങ്ങളെ വിമർശി​ക്കാ​നോ വിഷമി​പ്പി​ക്കാ​നോ അല്ല. നൽക​പ്പെ​ടുന്ന നിർദ്ദേ​ശങ്ങൾ നിങ്ങളെ സഹായി​ക്കു​ന്ന​തി​നാണ്‌. “പരസ്യ​വാ​യ​നക്ക്‌ നിങ്ങൾ നിങ്ങ​ളെ​ത്തന്നെ തുടർച്ച​യാ​യി ലഭ്യമാ​ക്കു​ന്നു”വെങ്കിൽ നിങ്ങളു​ടെ ആത്മീയ പുരോ​ഗതി എല്ലാ ആളുകൾക്കും “പ്രത്യ​ക്ഷ​മാ​ക്ക​പ്പെ​ടും.”—1 തിമൊ​ഥെ​യോസ്‌ 4:13-15.

‘നിങ്ങളു​ടെ അധരങ്ങ​ളാൽ യഹോ​വയെ സ്‌തു​തി​ക്കുക’

ക്രിസ്‌തീയ മീററിം​ഗു​ക​ളിൽ ആത്മീയ​മാ​യി വളരു​വാ​നുള്ള മറെറാ​രു മാർഗ്ഗം സദസ്യ​പ​ങ്കു​പ​ററൽ ക്ഷണിക്ക​പ്പെ​ടു​മ്പോൾ അഭി​പ്രാ​യ​ങ്ങ​ളും ഉത്തരങ്ങ​ളും സ്വമേ​ധയാ പറയുക എന്നുള്ള​താണ്‌. മുൻകൂ​ട്ടി തയ്യാറാ​ക​ലാണ്‌ താക്കോൽ.b എന്നാൽ ചില​പ്പോൾ നിങ്ങൾ മീററിം​ഗിന്‌ തയ്യാറാ​കു​മ്പോൾപാ​ലും അഭി​പ്രാ​യം പറയുക പ്രയാ​സ​മാ​ണെന്ന്‌ കണ്ടെത്തി​യേ​ക്കാം. അങ്ങനെ​യുള്ള സാഹച​ര്യ​ങ്ങ​ളിൽ യഹോ​വ​യോട്‌ സഹായ​ത്തിന്‌ അപേക്ഷി​ക്കുക. ദാവീദ്‌ രാജാവ്‌ ഇങ്ങനെ പ്രാർത്ഥി​ച്ചു: “യഹോവേ എന്റെ അധരങ്ങളെ തുറ​ക്കേ​ണമേ, എന്നാൽ എന്റെ സ്വന്തം വായ്‌ നിന്നെ സ്‌തു​തി​ച്ചു​കൊ​ണ്ടി​രി​ക്കും.”—സങ്കീർത്തനം 51:15.

ഓർമ്മി​ക്കു​ക: ഒരുത്തരം വളരെ നീണ്ടതോ കെട്ടു​പണി ചെയ്യാൻതക്ക വിവരങ്ങൾ ഉൾക്കൊ​ള്ളു​ന്ന​തോ ആയിരി​ക്കേ​ണ്ട​തില്ല. 12 വയസ്സു​കാ​രി​യായ റേച്ചൽ ഇങ്ങനെ പറയുന്നു: “ഒരു നീണ്ട ഉത്തരം പറയു​ന്ന​തി​നു പകരം ഒററ വാചക​ത്തിൽ അഭി​പ്രാ​യം പറയാം.” ആദ്യം മീററിം​ഗു​ക​ളിൽ സംസാ​രി​ക്കു​ന്നത്‌ പ്രയാ​സ​മാ​ണെന്ന്‌ കണ്ടേക്കാം, നിങ്ങൾക്കു സഹായ​ത്തിന്‌ അപേക്ഷി​ക്കാൻ കഴിയും, ചില സമയത്ത്‌ റേച്ചൽ ചെയ്‌ത​തു​പോ​ലെ വിചാ​രി​ക്കാ​വു​ന്ന​താണ്‌. അവർ വിശദീ​ക​രി​ക്കു​ന്നു: “നിങ്ങൾ സ്വയം ഒരു അഭി​പ്രാ​യം പറയു​മ്പോൾ യഥാർത്ഥ​ത്തിൽ അതു നിങ്ങളു​ടേതു തന്നെയാണ്‌, അതിൽ നിങ്ങൾക്കു അഭിമാ​നി​ക്കാൻ കഴിയും.” കൂടു​ത​ലാ​യി നിങ്ങളു​ടെ പ്രയത്‌ന​ങ്ങൾക്കുള്ള ഫലം എന്ന നിലയിൽ നിങ്ങൾ ആത്മീയ​മാ​യി വളരും.

ഇന്നത്തെ സ്വാർത്ഥ​തൽപ​ര​മായ ലോക​ത്തിൽ ആത്മീയ മനോ​ഭാ​വം ഉള്ളവരാ​യി​രി​ക്കുക എന്നുള്ളത്‌ എളുപ്പമല്ല. എന്നാൽ നിങ്ങൾ നിരന്ത​ര​മാ​യി മീററിം​ഗു​കൾക്ക്‌ ഹാജരാ​വു​ക​യും ശരിയാ​യി തയ്യാറാ​വു​ക​യും പങ്കുപ​റ​റു​ക​യും പക്വത​യു​ള്ള​വ​രോട്‌ സഹവസി​ക്കു​വാൻ പ്രയത്‌നി​ക്കു​ക​യും ചെയ്യു​ന്നു​വെ​ങ്കിൽ തീർച്ച​യാ​യും ക്രിസ്‌തീയ മീററിം​ഗു​കൾ നിങ്ങളെ ആത്മീയ​മാ​യി വളരു​വാൻ സഹായി​ക്കും. (g91 7/8)

[അടിക്കു​റി​പ്പു​കൾ]

[21-ാം പേജിലെ ചിത്രങ്ങൾ]

ദിവ്യാധിപത്യ ശുശ്രൂ​ഷാ​സ്‌കൂൾ ആയിര​ക്ക​ണ​ക്കിന്‌ യുവാ​ക്കളെ ദൈവ​വ​ച​ന​ത്തി​ന്റെ സമർത്ഥ​രായ അദ്ധ്യാ​പ​ക​രാ​യി​രി​ക്കാൻ പരിശീ​ലി​പ്പി​ച്ചി​ട്ടുണ്ട്‌