ഒരു കൃഷി​ക്കളം കാണാ​നാ​ഗ്ര​ഹിച്ച അഫ്‌ഗാൻ അനാഥർ

ആധുനിക സമുദാ​യം കൂടുതൽ കൂടുതൽ നഗരവൽക്ക​രി​ക്ക​പ്പെ​ടു​ന്ന​തി​നാൽ ദശലക്ഷ​ക്ക​ണ​ക്കിന്‌ കുട്ടികൾ ഒരിക്ക​ലും ഒരു കൃഷി​ക്ക​ള​മോ അതിലെ മൃഗങ്ങ​ളെ​യോ കാണാ​നി​ട​യാ​കു​ക​യില്ല. നിശ്ചയ​മാ​യും അഫ്‌ഗാ​നി​സ്ഥാ​നിൽനി​ന്നുള്ള കുട്ടികൾ സാധാ​ര​ണ​ഗ​തി​യിൽ ഒരു അമേരി​ക്കൻ കൃഷി​ക്കളം ഒരിക്ക​ലും കാണാ​നി​ട​യാ​കു​ക​യില്ല. അതു​കൊണ്ട്‌, യുദ്ധത്താൽ ചീന്ത​പ്പെ​ട്ട​വ​രും അംഗവി​ഹീ​ന​രാ​ക്ക​പ്പെ​ട്ട​വ​രു​മായ അത്തരം അനാഥ​ക്കു​ട്ടി​ക​ളു​ടെ ഒരു ചെറു​സം​ഘ​ത്തിന്‌ ന്യൂ​യോർക്ക്‌ നഗരത്തി​നു വടക്ക്‌ കാറിൽ 2 മണിക്കൂർ ദൂരെ വാൾക്കി​ലിൽ സ്ഥിതി​ചെ​യ്യുന്ന വാച്ച്‌ടവർ കൃഷി​ക്കളം സന്ദർശി​ക്കാൻ സാധി​ച്ച​പ്പോ​ഴത്തെ ഉൾപ്പു​ളകം വിഭാ​വനം ചെയ്യുക.

യഹോ​വ​യു​ടെ സാക്ഷികൾ നടത്തു​ന്ന​തും വാച്ച്‌ടവർ കൃഷിക്കള കുടും​ബാം​ഗ​ങ്ങ​ളായ ആയിര​ത്തി​ല​ധി​കം വരുന്ന ഒരു സംഘത്താൽ കൈകാ​ര്യം ചെയ്യ​പ്പെ​ടു​ന്ന​തു​മായ ഈ അതുല്യ കൃഷിക്കള-അച്ചടി സമുച്ച​യ​ത്തി​ലെ എല്ലാ പ്രവർത്ത​ന​ങ്ങ​ളും മനസ്സി​ലാ​ക്കു​ന്ന​തിന്‌ ഈ സംഘത്തെ സഹായി​ക്കാൻ അവരോ​ടൊ​പ്പം അഫ്‌ഗാൻ പരിഭാ​ഷകർ എത്തി.

സന്ദർശനം ചായയും ബിസ്‌ക്ക​റ​റും കൊണ്ടുള്ള സ്വാഗത സൽക്കാ​ര​ത്തോ​ടെ ആരംഭി​ച്ചു. അതിനു​ശേഷം സംഘം വീക്ഷാ​ഗോ​പു​രം, ഉണരുക! മാസി​കകൾ ഉത്‌പ്പാ​ദി​പ്പി​ക്കുന്ന വലിയ ചതുർവർണ്ണ അച്ചടി യന്ത്രങ്ങൾ കാണാൻ മുന്നോ​ട്ടു​നീ​ങ്ങി. ഒരു വഴികാ​ട്ടി പറഞ്ഞു: “കൃഷിക്കള മൃഗങ്ങളെ കാണു​ന്ന​തിന്‌ അവരുടെ ഹൃദയങ്ങൾ വെമ്പൽകൊ​ണ്ടി​രു​ന്നെ​ങ്കി​ലും, പ്രവർത്ത​ന​ത്തി​ന്റെ കാര്യ​ക്ഷ​മ​ത​യും വൈപു​ല്യ​വും അവർ ആസ്വദി​ച്ചു എന്നത്‌ എന്നെ അത്ഭുത​പ്പെ​ടു​ത്തി.”

അദ്ദേഹം തുടർന്നു: “തുടർന്ന്‌ കന്നുകു​ട്ടി​ക​ളു​ടെ അടു​ത്തേക്ക്‌, അവിടെ മൃഗങ്ങളെ ലാളി​ക്കാ​നും തീററി​കൊ​ടു​ക്കാ​നും കുട്ടി​കൾക്ക​വ​സ​ര​മു​ണ്ടാ​യി​രു​ന്നു. മൃഗക്കു​ട്ടി​കളെ തീററാൻ കൂടുതൽ പച്ചിലകൾ ശേഖരി​ക്കാൻ കുട്ടികൾ ഓടു​ന്നത്‌ കാണേണ്ട ഒരു ദൃശ്യ​മാ​യി​രു​ന്നു. കോഴി​ഷെ​ഡ്ഡിൽ അവർക്കെ​ല്ലാ​വർക്കും കോഴി​ക്കു​ഞ്ഞു​ങ്ങളെ പിടി​ക്കാൻ കഴിഞ്ഞു. അവരുടെ പ്രിയ​പ്പെട്ട അമേരി​ക്കൻ ഭക്ഷണ​മെ​ന്താ​യി​രു​ന്നെന്ന്‌ ചോദി​ച്ച​പ്പോൾ ‘കെൻചു​ക്കി സ്‌റേ​റാ​ഴ്‌സി​ന്റെ പൊരിച്ച കോഴി’ എന്ന്‌ അവർ ഉത്തരം പറഞ്ഞത്‌ തമാശ​യു​ണർത്തി!’”

ഉച്ചഭക്ഷണ സമയമാ​യ​പ്പോൾ വലിയ കൃഷി​ക്ക​ള​കു​ടും​ബ​ത്തോ​ടൊ​പ്പം അവർ ഊണു​മു​റി​യിൽ ചോറും കോഴി​യും ചേർന്ന ഭക്ഷണത്തിൽ പങ്കുപ​ററി. പിന്നീട്‌ കുടും​ബാം​ഗങ്ങൾ വളരെ വിദൂ​ര​ത്തു​നി​ന്നുള്ള ഈ ചെറു​പ്പ​ക്കാ​രെ അഭിവാ​ദനം ചെയ്യു​ന്ന​തിന്‌ തടിച്ചു​കൂ​ടി. അവർ കുട്ടി​കളെ സ്‌നേ​ഹി​ച്ചു എന്നത്‌ വ്യക്തമാ​യി​രു​ന്നു.

വൈകു​ന്നേ​രം കുട്ടികൾ ട്രാക്ട​റു​ക​ളിൽ കയറു​ന്ന​തും സ്‌ററീ​യ​റിംഗ്‌ വളയം പിടി​ക്കു​ന്ന​തും ആസ്വദി​ച്ചു. തീർച്ച​യാ​യും അവരെ​ല്ലാം ഒരു കുതി​ര​സ​വാ​രി ആഗ്രഹി​ച്ചു; ആ ആഗ്രഹം പെട്ടെന്നു സഫലീ​ക​രി​ക്ക​പ്പെട്ടു. അടുത്ത വലിയ പുളകം? വാച്ച്‌ടവർ കൃഷിക്കള അഗ്നിശമന ഗൃഹവും അതിന്റെ വലിയ കടും​ചു​വ​പ്പു​നി​റ​ത്തി​ലുള്ള അഗ്നിശമന യന്ത്രവും! എന്തൊരു ഉൾപു​ളകം! തങ്ങളുടെ ഊഴമ​നു​സ​രിച്ച്‌ സവാരി ചെയ്യു​ക​യും സൈറൺ മുഴക്കു​ക​യും ചെയ്‌ത​പ്പോൾ അവരുടെ മുഖത്ത്‌ നിങ്ങൾക്കത്‌ കാണാൻ കഴിയു​മാ​യി​രു​ന്നു. ലോക​വ്യാ​പ​ക​മാ​യി കുട്ടികൾ അടിസ്ഥാ​ന​പ​ര​മാ​യി ഒരേ സംഗതി​കളെ ഇഷ്ടപ്പെ​ടു​ന്നു—നിറവും ശബ്ദവും!

സന്ദർശനം സംബന്ധിച്ച്‌ അവരുടെ പ്രതി​ക​ര​ണ​മാ​രാ​ഞ്ഞ​പ്പോൾ ഒരു മുതിർന്ന കുട്ടി​യായ അഹമ്മദ്‌ പറഞ്ഞു: “ഞാൻ അച്ചടി യന്ത്രങ്ങ​ളും ഭക്ഷണത്തി​നു​മു​മ്പും പിമ്പും പ്രാർത്ഥി​ക്കു​ന്ന​തും—കൂടാതെ ലഘുഭ​ക്ഷ​ണ​ശാ​ല​യി​ലേ​തെ​ല്ലാം—ആസ്വദി​ച്ചു.” അവർക്കെ​ല്ലാം മൃഗങ്ങ​ളും കുതി​ര​സ​വാ​രി​യും ഇഷ്ടമായി.

അനാഥ​രോ​ടോ മററാ​രോ​ടെ​ങ്കി​ലു​മോ ആയാലും ദയക്ക്‌ ക്രിസ്‌തീയ വിശ്വാ​സ​ത്തി​ന്റെ​യും സ്‌നേ​ഹ​വാ​നാം ദൈവ​മായ യഹോ​വ​യു​ടെ​യും ഒരു നല്ല ഗുണകീർത്ത​ന​മാ​യി​രി​ക്കാൻ കഴിയു​മെന്ന്‌ ഈ ചെറിയ അനുഭവം ദൃഷ്ടാ​ന്തീ​ക​രി​ക്കു​ന്നു. ബൈബിൾ പറയു​ന്ന​തു​പോ​ലെ: “പിതാ​വായ ദൈവ​ത്തി​ന്റെ മുമ്പാകെ ശുദ്ധവും നിർമ്മ​ല​വു​മായ ഭക്തിയോ: അനാഥ​രെ​യും വിധവ​മാ​രെ​യും അവരുടെ സങ്കടത്തിൽ ചെന്നു കാണു​ന്ന​തും ലോക​ത്താ​ലുള്ള കളങ്കം പററാ​ത​വണ്ണം തന്നെത്താൻ കാത്തു​കൊ​ള്ളു​ന്ന​തും ആകുന്നു.” (യാക്കോബ്‌ 1:27)—സംഭാവന ചെയ്യ​പ്പെ​ട്ടത്‌. (g91 7/8)