കളിക​ളി​ലുള്ള ഇന്നത്തെ പ്രശ്‌ന​ങ്ങൾ

കളികൾ ധാർമ്മിക മാഹാ​ത്മ്യ​ത്തെ കെട്ടി​പ്പ​ടു​ത്തു എന്നതി​നാൽ അത്‌ വിലയു​ള്ള​താ​ണെന്ന്‌ ആളുകൾ വാദി​ക്കു​മാ​യി​രു​ന്നു. കളികൾ കഠിനാ​ദ്ധ്വാ​ന​ത്തോ​ടുള്ള വിലമ​തിപ്പ്‌, കളിക്കാ​രന്റെ ആദർശ​ശു​ദ്ധി, കളിക്കു​ന്ന​തി​ന്റെ സന്തോഷം എന്നിവക്ക്‌ പ്രചോ​ദനം നൽകി​യെന്ന്‌ അവർ അവകാ​ശ​പ്പെട്ടു. എന്നാൽ ഇത്തരം വാദങ്ങൾ പൊള്ള​യോ കാപട്യം​പോ​ലു​മോ ആയി ഇന്ന്‌ അനേകർക്ക്‌ തോന്നു​ന്നു.

വിജയ​ത്തി​നു​ള്ള ഊന്നൽ വിശേ​ഷാൽ ഒരു പ്രശ്‌ന​മാണ്‌. ഇതിനെ “സ്‌പോർട്‌സി​ന്റെ ഇരുണ്ട വശ”മെന്നാണ്‌ സെവൻറീൻ എന്ന മാസിക വിളി​ക്കു​ന്നത്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ മാസിക പറയു​ന്ന​പ്ര​കാ​രം, “വിജയം സത്യസ​ന്ധ​ത​യേ​ക്കു​റി​ച്ചുള്ള ചിന്തകൾ, സ്‌കൂൾപ​ഠനം, ആരോ​ഗ്യം, സന്തോഷം എന്നിവ​യേ​യും കൂടാതെ ജീവി​ത​ത്തി​ലെ പ്രധാ​ന​പ്പെട്ട മററന​വധി ഘടകങ്ങ​ളേ​യും വിഗണി​ക്കു​ന്നു. ജയിക്കു​ന്നത്‌ എല്ലാമാ​യി​ത്തീ​രു​ന്നു.”

കായി​കാ​ഭ്യാ​സ​നേ​ട്ട​ങ്ങൾക്ക്‌ അമിത ഊന്നൽ കൊടു​ക്കു​ന്ന​തി​ന്റെ ദാരു​ണ​മായ പരിണ​ത​ഫ​ലത്തെ ചിത്രീ​ക​രി​ക്കു​ന്ന​തിന്‌ അമേരി​ക്ക​യി​ലെ കോ​ളേജ്‌ ട്രാക്ക്‌ താരമായ കാത്തി ഓംസ്‌ബി​യു​ടെ അനുഭവം ഉപയോ​ഗി​ക്ക​പ്പെ​ട്ടി​രു​ന്നു. 10,000 മീററർ ഓട്ടത്തിൽ നാഷണൽ കൊളീ​ജി​യ​ററ്‌ വിമെൻസ്‌ റെക്കോർഡ്‌ സ്ഥാപി​ച്ച​തിന്‌ ഏതാനും ആഴ്‌ച​കൾക്കു ശേഷം 1986 ജൂൺ 4-ാം തീയതി NCCA (നാഷണൽ കൊളീ​ജി​യ​ററ്‌ അത്‌ല​റ​റിക്ക്‌ അസ്സോ​സ്സി​യേഷൻ) ചാമ്പ്യൻഷി​പ്പിൽ പങ്കെടു​ക്കവെ കാത്തി ട്രാക്കിൽ നിന്നും വ്യതി​ച​ലിച്ച്‌ സമീപ​ത്തുള്ള ഒരു പാലത്തി​ലേക്ക്‌ ഓടു​ക​യും ഒരാത്മ​ഹ​ത്യാ​ശ്ര​മ​ത്തിൽ അതിൽ നിന്നും ചാടു​ക​യും ചെയ്‌തു. അവൾ അതിജീ​വി​ച്ചു, എന്നാൽ അരക്കു താഴേക്ക്‌ തളർന്നു​പോ​യി.

കാത്തി ഒററ​പ്പെ​ട്ട​വ​ള​ല്ലെന്ന്‌ കായി​കാ​ഭ്യാ​സി​കളെ ചികി​ത്സി​ക്കുന്ന ഒരു മനശ്ശാ​സ്‌ത്ര​ജ്ഞ​നായ സ്‌കോട്ട്‌ പെൻജലി കുറി​ക്കൊ​ണ്ടു. കാത്തി​യു​ടെ ആത്മഹത്യാ​ശ്ര​മ​ത്തി​നു ശേഷം പെൻജലി ഇങ്ങനെ റിപ്പോർട്ട്‌ ചെയ്‌തു: “‘കാത്തി​യെ​പ്പോ​ലെ തന്നെ എനിക്കും തോന്നു​ന്നു’ എന്നു പറഞ്ഞു​കൊണ്ട്‌ എനിക്ക്‌ ഫോൺവി​ളി​കൾ ലഭിച്ചു.” അർദ്ധ-മാര​ത്തോ​ണിൽ നാഷണൽ ഏജ്‌ ഗ്രൂപ്പ്‌ റെക്കോർഡ്‌ സ്ഥാപിച്ച മറെറാ​രു കായി​ക​താ​ര​മായ ജോർജ്‌ടൗൺ യൂണി​വേ​ഴ്‌സി​റ​റി​യി​ലെ മേരി വസേറ​റ​റും ഒരു പാലത്തിൽ നിന്നും ചാടി ആത്മഹത്യ ചെയ്യാൻ ശ്രമി​ക്കു​ക​യും ശേഷിച്ച ജീവി​ത​കാ​ലം മുഴുവൻ തളർന്നു​കി​ട​ക്കു​ക​യും ചെയ്‌തു.

പ്രതീ​ക്ഷ​കൾക്കൊ​ത്തു ജീവി​ക്കു​ന്ന​തി​നും വിജയി​ക്കു​ന്ന​തി​നു​മുള്ള സമ്മർദ്ദം വമ്പിച്ച​താ​യി​രു​ന്നേ​ക്കാം, പരാജ​യ​ത്തി​ന്റെ പരിണ​ത​ഫ​ല​മോ, സംഹാ​ര​ക​വു​മാ​യി​രു​ന്നേ​ക്കാം. കാലി​ഫോർണി​യാ ഏൻജൽസി​ന്റെ ബേയ്‌സ്‌ബോൾ പന്തെറി​യുന്ന താരമാ​യി​രുന്ന ഡോണീ മൂർ ബേയ്‌സ്‌ബോ​ളി​ലെ 1986 വേൾഡ്‌ സീരീ​സിൽ തന്റെ ടീമിനെ എത്തിക്കു​ന്ന​തിന്‌ വളരെ അടു​ത്തെത്തി. എന്നാൽ ബോസ്‌റ​റന്റെ കളിക്കാ​രൻ ഒരു പോയിൻറ്‌ നേടു​ന്ന​തി​നുള്ള ഒരു ഊററ​നടി അടിക്കു​ക​യും ആ കളിയി​ലും അമേരി​ക്കൻ ലീഗ്‌ ചാമ്പ്യൻഷി​പ്പി​ലും വിജയി​ക്കു​ക​യും ചെയ്‌തു. ഡോണി​യു​ടെ സുഹൃ​ത്തു​ക്ക​ളിൽ നിന്നും അറിയാൻ കഴിഞ്ഞ​പ്ര​കാ​രം, തന്റെ പരാജ​യ​ത്താൽ അവൻ നിരന്തരം മാനസി​ക​മാ​യി പീഡി​പ്പി​ക്ക​പ്പെ​ട്ടു​കൊ​ണ്ടി​രി​ക്ക​യും സ്വയം വെടി​വെച്ച്‌ മരിക്കു​ക​യും ചെയ്‌തു.

അമിത മത്സരം

ഇന്നത്തെ സ്‌പോർട്‌സി​നോ​ട​നു​ബ​ന്ധി​ച്ചുള്ള ഒരു പ്രശ്‌നം അമിത മത്സരമാണ്‌. പ്രതി​യോ​ഗി​കൾ ഫലത്തിൽ രാക്ഷസൻമാ​രാ​യി രൂപാ​ന്തരം പ്രാപി​ച്ചേ​ക്കാം എന്നു പറഞ്ഞാൽ അതൊ​ര​തി​ശ​യോ​ക്തി​യല്ല. താൻ ബോക്‌സിം​ഗി​ലെ ഹെവി​വെ​യ്‌ററ്‌ ചാമ്പ്യ​നാ​യി​രു​ന്ന​പ്പോൾ ലാറി ഹോംസ്‌ പറഞ്ഞത്‌ റിംഗിൽ പ്രവേ​ശി​ച്ച​പ്പോൾ തനിക്കു മാററം വരു​ത്തേ​ണ്ടി​യി​രു​ന്നു​വെ​ന്നാണ്‌. “ഞാൻ നൻമയെ പുറത്തു​ക​ള​യേ​ണ്ട​തുണ്ട്‌, ഡോ. ജെക്കി​ലി​നെ​യും മിസ്‌ററർ ഹൈഡി​നെ​യും​പോ​ലെ സകല തിൻമ​യെ​യും ആനയി​ക്കേ​ണ്ടി​യും ഇരിക്കു​ന്നു” എന്ന്‌ അദ്ദേഹം വിശദീ​ക​രി​ച്ചു. തങ്ങൾക്കൊ​പ്പം കഴിവുള്ള മററു​ള്ളവർ തങ്ങളെ പരാജ​യ​പ്പെ​ടു​ത്താ​തി​രി​ക്കേ​ണ്ട​തിന്‌ കായി​ക​താ​രങ്ങൾ തങ്ങളെ നിരന്തരം ഭയപ്പെ​ടു​ത്തുന്ന ഒരു നിർബ​ന്ധ​ബു​ദ്ധി വളർത്തി​യെ​ടു​ക്കു​ന്നു.

“നിങ്ങൾക്ക്‌ ആ തീ നിങ്ങളിൽ ഉണ്ടായി​രി​ക്കണം, ഇന്ധനം ക്രമമാ​യി​ക്കൊ​ടുത്ത്‌ ആ തീയെ കെടാതെ സൂക്ഷി​ക്കാൻ വിദ്വേ​ഷം പോലെ മറെറാ​ന്നില്ല” എന്നാണ്‌ ഒരു മുൻ ഫുട്‌ബോൾ പരിശീ​ലകൻ ഒരിക്കൽ പറഞ്ഞത്‌. മുൻ അമേരി​ക്കൻ പ്രസി​ഡൻറാ​യി​രുന്ന റൊണാൾഡ്‌ റെയ്‌ഗൻ പോലും ഒരു കോ​ളേജ്‌ ഫുട്‌ബോൾ ടീമി​നോട്‌ ഒരിക്കൽ ഇങ്ങനെ പറഞ്ഞതാ​യി പറയ​പ്പെ​ടു​ന്നു: “നിങ്ങളു​ടെ പ്രതി​യോ​ഗി​യോട്‌ നിങ്ങൾക്ക്‌ ഒരു ശുദ്ധമായ വിദ്വേ​ഷം തോന്നാം. അതൊരു ശുദ്ധമായ വിദ്വേ​ഷ​മാണ്‌ കാരണം അത്‌, അണിയുന്ന കുപ്പാ​യ​മെ​ന്ന​പോ​ലെ പ്രതീ​കാ​ത്മ​ക​മായ ഒന്നു മാത്ര​മാണ്‌.” എന്നാൽ ഒരു പ്രതി​യോ​ഗി​ക്കെ​തി​രെ വിദ്വേ​ഷം ഉണ്ടാക്കി​യെ​ടു​ക്കു​ന്നത്‌ യഥാർത്ഥ​ത്തിൽ നല്ലതാ​ണോ?

ലോസ്‌ ആഞ്ചലസ്‌ ലെയ്‌ക്കേ​ഴ്‌സിന്‌ വേണ്ടി ഉയർന്ന സ്‌കോർ നേടി​യി​രുന്ന ഡിക്ക്‌ ബാർണെ​ററ്‌ പോയിൻറ്‌ നേടു​ന്ന​തി​നെ​തി​രെ പ്രതി​രോ​ധി​ക്കാ​നുള്ള തന്റെ നിയമ​ന​ത്തെ​ക്കു​റിച്ച്‌ ബോസ്‌ററൻ സെൽറെ​റ​ക്‌സി​നു വേണ്ടി കളിച്ചി​രുന്ന ഏററവും മികച്ച മുൻ ബാസ്‌ക്ക​റ​റ്‌ബോൾ താരമാ​യി​രുന്ന ബോബ്‌ കസി ഒരിക്കൽ പറഞ്ഞു: “ഞാൻ ആകെക്കൂ​ടെ ചെയ്‌തത്‌ ഭാഗി​ക​മാ​യി, ബാർനെ​റ​റി​നെ തടയു​ന്ന​വി​ധം സംബന്ധി​ച്ചു ധ്യാനി​ച്ചു​കൊ​ണ്ടും ഭാഗി​ക​മാ​യി, അവനെ​തി​രെ വിദ്വേ​ഷം വളർത്തി​ക്കൊ​ണ്ടും ധ്യാനി​ച്ചു​കൊ​ണ്ടും രാവിലെ മുതൽ സന്ധ്യ വരെ എന്റെ മുറി​യിൽ ഇരിക്കുക എന്നതാ​യി​രു​ന്നു. കളിക്ക​ള​ത്തി​ലെ​ത്തു​മ്പൊ​ഴേ​ക്കും, ‘ഹലോ’ എന്ന്‌ ബാർണെ​ററ്‌ സൗഹൃ​ദ​മാ​യി​പ്പോ​ലും പറഞ്ഞി​രു​ന്നെ​ങ്കിൽ, മിക്കവാ​റും അവന്റെ മുഖത്ത്‌ തൊഴി​ച്ചു​കൊണ്ട്‌ അവനെ ആക്രമി​ക്ക​ത്ത​ക്ക​വണ്ണം ഞാൻ അത്ര കുപി​ത​നാ​യി​രു​ന്നു.”

പ്രതി​യോ​ഗി​കളെ മിക്ക​പ്പോ​ഴും മനപ്പൂർവ്വം അശക്തരാ​ക്കാൻ കളിക്കാർ ശ്രമി​ക്കു​മെ​ന്നു​ള്ള​താണ്‌ വസ്‌തുത, അങ്ങനെ ചെയ്യു​ന്ന​തിന്‌ അവർക്ക്‌ പ്രതി​ഫലം നൽക​പ്പെ​ടു​ക​യും ചെയ്യുന്നു. ഒരു വർത്തമാ​ന​പ്പത്ര സ്‌പോർട്ട്‌സ്‌ ലേഖക​നായ ഐറാ​ബർക്കൊ പറഞ്ഞത്‌ ഒരു ഫുട്‌ബോൾ കളിക്കാ​രനു തന്റെ പ്രതി​യോ​ഗി​യായ ഒരു കളിക്കാ​രനെ കളിയിൽ നിന്നും പുറത്താ​ക്കാൻ കഴിഞ്ഞാൽ “നന്നായി ചെയ്‌ത ഒരു വേലക്കാ​യി അവനെ ചുംബി​ക്കു​ക​യും ആലിം​ഗനം ചെയ്യു​ക​യും ചെയ്യുന്നു” എന്നാണ്‌. “അവൻ കേട്‌ വരുത്തുന്ന അനവധി പ്രഹര​മേൽപ്പി​ച്ചി​ട്ടു​ണ്ടെ​ങ്കിൽ . . . സീസന്റെ അവസാ​ന​ത്തി​ങ്കൽ വർദ്ധിച്ച ശമ്പളത്താ​ലോ, പകരക്കാ​ര​നാ​ണെ​ങ്കിൽ തുടർന്നു ജോലി നൽകി​ക്കൊ​ണ്ടോ പ്രതി​ഫലം നൽക​പ്പെ​ടും. അങ്ങനെ കളിക്കാർ ക്രൂര​നായ ജോ ഗ്രീൻ, കൊല​യാ​ളി​യായ ജാക്ക്‌ ററാററം എന്നീ രീതി​യി​ലുള്ള ഇരട്ട​പ്പേ​രു​ക​ളിൽ അഭിമാ​നം​കൊ​ള്ളാ​റുണ്ട്‌.”—ദി ന്യൂ​യോർക്ക്‌ റൈറംസ്‌, 1989 ഡിസംബർ 12.

സെൻറ്‌ ലൂയിസ്‌ ഫുട്‌ബോൾ ടീമിന്റെ പ്രതി​രോധ നിരയി​ലെ കളിക്കാ​ര​നായ ഫ്രെഡ്‌ ഹേറൻ ഇങ്ങനെ പറഞ്ഞു: “ക്ലീവ്‌ലാൻറ്‌ ബ്രൗൺസി​ന്റെ ക്വാർട്ടർ ബാക്കിന്റെ പിടലിക്ക്‌ സുഖമി​ല്ലെന്ന്‌ പരിശീ​ലകർ ഞങ്ങളോ​ടു പറഞ്ഞു. എനി​ക്കൊ​ര​വ​സരം കിട്ടി​യാൽ ഞാൻ അവനെ കളിയിൽ നിന്നും പുറത്താ​ക്കാൻ ശ്രമി​ക്ക​ണ​മെന്ന്‌ അവർ നിർദ്ദേ​ശി​ച്ചു. അതു​കൊണ്ട്‌ കളിക്കി​ട​യിൽ കളിക്കാ​രു​ടെ നിര ഭേദിച്ച്‌ സെൻറ​റി​നെ​യും ഗാർഡി​നെ​യും കടന്ന്‌ ചെന്ന​പ്പോൾ അതാ അവൻ അവിടെ നിൽക്കു​ന്നു. എന്റെ കൈ കൊണ്ട്‌ അവന്റെ തല പിടിച്ച്‌ കീറാൻ ഞാൻ ശ്രമിച്ചു, അവൻ നിയ​ന്ത്രണം വിട്ട്‌ പന്തു താഴെ​യി​ട്ടു. എന്റെ കൂട്ടു​കാർ എന്നെ പുകഴ്‌ത്തു​ന്നു​ണ്ടാ​യി​രു​ന്നു. പക്ഷേ ക്വാർട്ടർബാക്ക്‌ വേദന​യോ​ടെ നിലത്ത്‌ കിടക്കു​ന്നത്‌ ഞാൻ നിരീ​ക്ഷി​ച്ചു. ഞാൻ പെട്ടെന്ന്‌ സ്വയം ചിന്തിച്ചു, ‘ഞാൻ ഏതോ ഒരു മൃഗമാ​യി​ത്തീർന്നോ? ഇതൊരു കളിയാണ്‌, എന്നാൽ ഞാൻ ഒരാളെ അംഗവി​ഹീ​ന​നാ​ക്കാൻ ശ്രമി​ക്കു​ക​യാണ്‌.’” എങ്കിലും, “കാണികൾ ആവേശ​ത്തോ​ടെ എന്നെ പുകഴ്‌ത്തു​ക​യാ​യി​രു​ന്നു” എന്ന്‌ ഹേറൻ കുറി​ക്കൊ​ണ്ടു.

അമിത മത്സരത്തി​ന്റെ ഫലമാ​യു​ണ്ടാ​കുന്ന പരിക്കു​കൾ ഇന്നത്തെ സ്‌പോർട്‌സി​ലെ ഒരു മുഖ്യ പ്രശ്‌ന​മാ​ണെന്ന്‌ അനേകർ വിലപി​ക്കു​ന്നു. ദുഃഖ​ക​ര​മെ​ന്നു​പ​റ​യട്ടെ, ഇങ്ങനെ​യുള്ള ദശലക്ഷ​ക്ക​ണ​ക്കിന്‌ പരിക്കു​കൾ അതീവ മത്സരമുള്ള കളിക​ളിൽ ചെറു​പ്രാ​യ​ത്തിൽ പ്രവേ​ശി​ക്കുന്ന കുട്ടി​ക​ളെ​യും ബാധി​ക്കു​ന്നു. യു.എസ്‌. കൺസ്യൂ​മർ പ്രോ​ഡ​ക്‌ററ്‌ സേഫ്‌ററി കമ്മീഷന്റെ അഭി​പ്രാ​യ​പ്ര​കാ​രം ഓരോ വർഷവും സ്‌പോർട്‌സിൽ നിന്നുള്ള പരിക്കു​കൾ മൂലം 40 ലക്ഷം കുട്ടികൾ അത്യാ​ഹിത മുറി​ക​ളി​ലും ഏകദേശം 80 ലക്ഷം കുടുംബ ഡോക്ടർമാ​രാ​ലും ചികി​ത്സി​ക്ക​പ്പെ​ടു​ന്നുണ്ട്‌.

അനേകം കുട്ടികൾ, അതിരു കടന്ന്‌ ഉപയോ​ഗി​ക്ക​പ്പെ​ടു​ന്ന​തി​നാൽ ഉണ്ടാകുന്ന പരിക്കു​കൾ സഹിക്കു​ന്നു. ഇവ മുൻ വർഷങ്ങ​ളിൽ വിരള​മാ​യേ കാണ​പ്പെ​ട്ടി​രു​ന്നു​ള്ളു. കുറെ​വർഷ​ങ്ങൾക്കു​മുമ്പ്‌ കുട്ടികൾ വിനോ​ദ​ത്തി​നു​വേണ്ടി കളിക്കു​മ്പോൾ പരിക്ക്‌ പററി​യാൽ വീട്ടിൽ പോകു​ക​യും വ്രണം ഉണങ്ങു​ന്ന​തു​വരെ അഥവാ വേദന മാറു​ന്ന​തു​വരെ വീണ്ടും കളിക്കാ​തി​രി​ക്കു​ക​യും ചെയ്യു​മാ​യി​രു​ന്നു. എന്നാൽ ഉയർന്ന മത്സരമുള്ള, സംഘടി​ത​മായ കളിക​ളിൽ അപ്പോൾതന്നെ മുറിവ്‌ പററി​യ​തോ വേദനി​ക്കു​ന്ന​തോ ആയ ശരീര​ഭാ​ഗ​ങ്ങൾക്കു ഹാനി​വ​രു​ത്തി​ക്കൊണ്ട്‌ കുട്ടികൾ മിക്ക​പ്പോ​ഴും കളിച്ചു​കൊ​ണ്ടേ​യി​രി​ക്കും. മുൻ ബേയ്‌സ്‌ബോൾ താരമായ റോബിൻ റോബർട്ട്‌സ്‌ പറയുന്ന പ്രകാരം മുതിർന്ന​വ​രാണ്‌ പ്രശ്‌ന​ത്തി​ന്റെ പ്രധാന കാരണം. “അവർ കുട്ടി​ക​ളു​ടെ​മേൽ മാനസി​ക​വും ശാരീ​രി​ക​വു​മാ​യി വളരെ​യ​ധി​കം സമ്മർദ്ദം ചെലു​ത്തു​ക​യാണ്‌, അവർ അതിനു​വേണ്ടി തയ്യാറാ​കു​ന്ന​തിന്‌ വളരെ മുമ്പു തന്നെ.”

പണവും വഞ്ചനയും

പണം, മുന്തി നില്‌ക്കുന്ന ഒരു ശ്രദ്ധാ​വി​ഷ​യ​മാ​യി​ത്തീർന്നി​രി​ക്കു​ന്നു എന്നതാണ്‌ സ്‌പോർട്‌സി​ലെ മറെറാ​രു പ്രശ്‌നം. കളിക്കാ​രു​ടെ ആദർശ​ശു​ദ്ധി​ക്കും നല്ല കളിക്കും പകരം, അത്യാ​ഗ്ര​ഹ​മാണ്‌ ഇന്ന്‌ സ്‌പോർട്‌സി​നെ ഭരിക്കു​ന്ന​തെന്ന്‌ തോന്നു​ന്നു. “സ്‌പോർട്‌സി​ലെ നിഷ്‌ക്ക​ള​ങ്ക​ത്വം 1980-കളിൽ പൂർണ്ണ​മാ​യും അപ്രത്യ​ക്ഷ​മാ​യി എന്ന്‌ റിപ്പോർട്ടു​ചെ​യ്യാൻ ദു:ഖമുണ്ട്‌” എന്ന്‌ ദി ഡെൻവർ പോസ്‌റ​റ​ന്റെ പംക്തി​യെ​ഴു​ത്തു​കാ​ര​നായ ജേയി മരി​യൊ​ട്ടി വിലപി​ച്ചു. “അത്‌ 90-കളി​ലേക്ക്‌ ഒരു രാക്ഷസ​ശക്തി പോലെ നമ്മുടെ സംസ്‌കാ​ര​ത്തി​ലേക്ക്‌ കടന്നു വരിക​യാണ്‌, ചില​പ്പോൾ ഒരു വഞ്ചകമായ ധനാർജ്ജ​ന​മാർഗ്ഗം എന്ന്‌ നന്നായി വിശേ​ഷി​പ്പി​ക്ക​പ്പെ​ടുന്ന, അവിശ്വ​സ​നീ​യ​മാം​വി​ധം അതിബൃ​ഹ​ത്തായ സഹസ്ര കോടി​ഡോ​ള​റി​ന്റെ (വാസ്‌ത​വ​ത്തിൽ, 6,310 കോടി ഡോളർ, അമേരി​ക്ക​യിൽ 22-ാം സ്ഥാനത്തെ) ഒരു വ്യവസാ​യം തന്നെ.”

കഴിഞ്ഞ വർഷം അമേരി​ക്ക​യിൽ 162 പ്രധാന ലീഗ്‌ ബേയ്‌സ്‌ബോൾ കളിക്കാർ—ആ കളിയിൽ മൊത്ത​മു​ള്ള​തി​ന്റെ അഞ്ചി​ലൊ​ന്നി​ല​ധി​കം പേർ—ഓരോ​രു​ത്ത​രും പത്തു ലക്ഷം ഡോള​റി​ല​ധി​കം നേടി, ഏററവും ഉയർന്ന ശമ്പളം ഏതാണ്ട്‌ 30 ലക്ഷത്തി​ല​ധി​ക​മാ​യി​രു​ന്നു. ഒരു വർഷത്തിന്‌ ശേഷം, ഇനി 1992 മുതൽ 1995 വരെ ഓരോ വർഷവും 120-തിലധി​കം പേർക്ക്‌ 20 ലക്ഷത്തി​ല​ധി​കം ഡോളർ വീതം കൂലി നൽക​പ്പെ​ടും, ഇതിൽ 32 പേർക്കെ​ങ്കി​ലും 30 ലക്ഷത്തി​ല​ധി​കം ഡോള​റും ഒരാൾക്കെ​ങ്കി​ലും 50 ലക്ഷത്തി​ല​ധി​കം ഡോള​റും ലഭ്യമാ​കും! പണത്തി​നും ഭീമമായ ശമ്പളത്തി​നും വേണ്ടി​യുള്ള ദാഹം മററ്‌ കളിക​ളി​ലും സാധാ​ര​ണ​മാ​യി​ത്തീർന്നി​രി​ക്ക​യാണ്‌.

കോ​ളേജ്‌ കളിക​ളിൽ പോലും ഊന്നൽ മിക്ക​പ്പോ​ഴും പണത്തി​നാണ്‌. വിജയി​ക്കുന്ന ടീമു​ക​ളു​ടെ കോച്ചു​കൾക്ക്‌ ശമ്പളവും വ്യാപാ​രി​ക​ളിൽനി​ന്നുള്ള പരസ്യ​ക്കൂ​ലി​യു​മാ​യി ഒരു വർഷം 10 ലക്ഷം ഡോള​റോ​ളം, പ്രതി​ഫലം നൽക​പ്പെ​ടു​ന്നു. വർഷാ​വ​സാന ബൗൾഗ​യിം​സി​നു യോഗ്യ​ത​നേ​ടുന്ന ഫുട്‌ബോൾടീ​മുള്ള ഐക്യ​നാ​ടു​ക​ളി​ലെ സ്‌കൂ​ളു​കൾക്കും അനേക​ദ​ശ​ലക്ഷം ഡോളർ ലഭിക്കു​ന്നു.—ഇക്കഴിഞ്ഞ വർഷം തന്നെ 550 ലക്ഷം ഡോളർ. “ഫുട്‌ബോ​ളും ബാസ്‌ക്ക​റ​റ്‌ബോ​ളും പണം ഉണ്ടാ​ക്കേ​ണ്ടി​യി​രി​ക്കു​ന്നു, അതിനാ​യി അവർ ജയി​ക്കേ​ണ്ടി​യി​രി​ക്കു​ന്നു” എന്ന്‌ കോ​ളേജ്‌ പ്രസി​ഡൻറായ ജോൺ സ്‌ളോ​ററർ വിശദീ​ക​രി​ക്കു​ന്നു. ഇത്‌, വിജയം മനസ്സിനെ വേട്ടയാ​ടി​ക്കൊ​ണ്ടി​രി​ക്കുന്ന വിഷമ​വൃ​ത്ത​ത്തിൽ കലാശി​ക്കും—വിനാ​ശ​ക​ര​മായ അനന്തര​ഫ​ല​ങ്ങ​ളോ​ടെ തന്നെ.

കളി തൊഴി​ലാ​ക്കി​യി​രി​ക്കു​ന്ന​വ​രു​ടെ ജോലി വിജയത്തെ ആശ്രയി​ച്ചി​രി​ക്കു​ന്ന​തു​കൊണ്ട്‌ ജയിക്കു​ന്ന​തി​നാ​യി അവർ പ്രാ​യോ​ഗി​ക​മാ​യി എന്തും ചെയ്യും. “അത്‌ മേലാൽ ഒരു കളിയല്ല, ദുഷിച്ച ശാരീ​രിക ഇടപാ​ടാണ്‌” എന്നാണ്‌ മുൻ ബേയ്‌സ്‌ബോൾ താരമായ റസ്‌ററി സ്‌ററാബ്‌ പറയു​ന്നത്‌. വഞ്ചന ഇപ്പോൾ വൈകൃത സ്വഭാ​വ​മു​ള്ള​താണ്‌. “നിങ്ങൾ വഞ്ചിക്കു​ന്നി​ല്ലെ​ങ്കിൽ നിങ്ങൾ ശ്രമി​ക്കു​കയല്ല,” എന്ന്‌ ബേസ്‌ബോൾ കളിക്കാ​ര​നായ ചിലി ഡേവീസ്‌ വിശദീ​ക​രി​ക്കു​ന്നു. “പിടി​ക്ക​പ്പെ​ടാ​തെ നിങ്ങൾക്ക്‌ ചെയ്യാ​വു​ന്ന​തെ​ന്തും ചെയ്യുക” എന്നാണ്‌ ന്യൂ​യോർക്ക്‌ മെററ്‌സ്‌ ടീമിന്റെ ഇൻഫീൽഡ​റായ ഹോർഡ്‌ ജോൺസൺ പറയു​ന്നത്‌.

അങ്ങനെ ധാർമ്മിക ഗുണം ദുർബ​ല​മാ​ക്ക​പ്പെ​ട്ടി​രി​ക്ക​യാണ്‌, ഇത്‌ കോ​ളേജു കളിക​ളി​ലും ഒരു വലിയ പ്രശ്‌ന​മാ​യി​രി​ക്ക​യാണ്‌. ഒഹായോ യൂണി​വേ​ഴ്‌സി​റ​റി​യു​ടെ മുൻ പ്രസി​ഡൻറാ​യി​രുന്ന ഹാരോൾഡ്‌ എൽ. എനാർസൻ ഇങ്ങനെ സമ്മതിച്ചു, “ചില പരിശീ​ല​ക​രും കായി​കാ​ഭ്യാ​സ ഡയറക്ടർമാ​രും വഞ്ചിക്കാ​റുണ്ട്‌, എന്നാൽ പ്രസി​ഡൻറു​മാ​രും ട്രസ്‌റ​റി​മാ​രും അതിനെ അവഗണി​ക്കു​ക​യും ചെയ്യുന്നു.” അടുത്ത കാലത്ത്‌ അമേരി​ക്ക​യിൽ നിയമ​ലം​ഘനം മൂലം 21 യൂണി​വേ​ഴ്‌സി​റ​റി​കളെ നാഷണൽ കൊളീ​ജി​യെ​ററ്‌ അത്‌ല​റ​റിക്ക്‌ അസ്സോ​സ്സി​യേഷൻ പിഴ ചുമത്തു​ക​യും മററ്‌ 28 യൂണി​വേ​ഴ്‌സി​റ​റി​കളെ അന്വേ​ഷ​ണ​ത്തിന്‌ വിധേ​യ​മാ​ക്കു​ക​യും ചെയ്‌തു.

യുവ കളിക്കാ​രു​ടെ മൂല്യം നശിച്ചു​പോ​യി​രി​ക്കു​ന്നു​വെ​ന്നത്‌ അതിശ​യമല്ല, ഇത്‌ ഈ കാലത്തെ കളിക​ളി​ലെ മറെറാ​രു മുഖ്യ പ്രശ്‌ന​മാണ്‌. കായി​ക​പ്ര​ക​ടനം മെച്ച​പ്പെ​ടു​ത്താൻ മയക്കു​മ​രുന്ന്‌ ഉപയോ​ഗി​ക്കു​ന്നത്‌ സാധാ​ര​ണ​മാണ്‌, എന്നാൽ ഒരു വിദ്യാ​ഭ്യാ​സം നേടാൻ അങ്ങനെയല്ല. മുന്തിയ കായിക പരിപാ​ടി​ക​ളുള്ള കോ​ളേജ്‌ കാമ്പസി​ലെ കളിക്കാർ പഠനത്തി​നും ക്ലാസ്സിൽ പങ്കെടു​ക്കു​ന്ന​തി​നും ചെലവ​ഴി​ക്കു​ന്ന​തി​നേ​ക്കാൾ കൂടുതൽ സമയം കളിക​ളിൽ ചെലവ​ഴി​ക്കു​ന്നു​വെ​ന്നത്‌ ഒരു മുഖ്യ പഠനം ശരി​വെ​ക്കു​ന്നു. പുരു​ഷൻമാർക്കു പ്രമുഖ ബാസ്‌ക്ക​റ​റ്‌ബോൾ പരിപാ​ടി​യുള്ള മൂന്നി​ലൊന്ന്‌ അമേരി​ക്കൻ കോ​ളേ​ജു​ക​ളി​ലും യൂണി​വേ​ഴ്‌സി​റ​റി​ക​ളി​ലും നിന്ന്‌ അഞ്ചി​ലൊ​ന്നിൽ താഴെ കളിക്കാർ മാത്രമേ ഡിഗ്രി സമ്പാദി​ക്കു​ന്നു​ള്ളു എന്ന്‌ ഒരു ഫെഡറൽ പഠനം കണ്ടെത്തി.

തൊഴിൽപ​ര​മാ​യ കളിക​ളിൽ അന്തിമ​മാ​യി വിജയി​ക്കു​ക​യും നല്ല ശമ്പളം പററു​ക​യും ചെയ്യുന്ന വിദ്യാർത്ഥി​ക​ളായ കായി​ക​താ​ര​ങ്ങൾപോ​ലും ഒട്ടുമി​ക്ക​പ്പോ​ഴും ശോക​സ്വ​രൂ​പ​ങ്ങ​ളാ​യി​ത്തീ​രു​ന്നു. അവർ തങ്ങളുടെ പണം കൈകാ​ര്യം ചെയ്യു​ന്ന​തി​ലും ജീവി​തത്തെ യഥാർത്ഥ​മാ​യി നേരി​ടു​ന്ന​തി​ലും കഴിവി​ല്ലാ​ത്ത​വ​രാ​കു​ന്നു. 1990 ഫെബ്രു​വ​രി​യിൽ പാർക്കാ​നൊ​രി​ട​മി​ല്ലാ​തെ ദാരി​ദ്ര്യ​ത്തിൽ 45-ാമത്തെ വയസ്സിൽ മൃതി​യടഞ്ഞ ട്രാവിസ്‌ വില്ല്യംസ്‌ ഇതി​നൊ​രു​ദാ​ഹ​രണം മാത്ര​മാണ്‌. 1967-ൽ ഗ്രീൻ ബേ പാക്കേ​ഴ്‌സ്‌ ഫുട്‌ബോൾ ടീമി​നോ​ടൊ​പ്പം കളിക്കവെ, കളി തുടങ്ങു​ന്നി​ട​ത്ത്‌നി​ന്നും പന്ത്‌ കൈയ​ടക്കി എതിർ ടീമി​നെ​തി​രെ 37.6 മീററർ ദൂരം പന്തുമായ്‌ പോയി അദ്ദേഹം ഇപ്പോ​ഴും നിലനിൽക്കുന്ന യു.എസ്‌. പ്രൊ​ഫ​ഷനൽ റെക്കോർഡ്‌ സ്ഥാപിച്ചു. കോ​ളേ​ജി​ലാ​യി​രു​ന്ന​പ്പോൾ “അദ്ദേഹ​ത്തിന്‌ ക്ലാസ്സിൽ പോകേണ്ട ആവശ്യ​മേ​യി​ല്ലാ​യി​രു​ന്നു. പരിശീ​ല​ന​ത്തി​നാ​യി എത്തി​ച്ചേർന്നാൽ മാത്രം മതിയാ​യി​രു​ന്നു.” എന്ന്‌ അദ്ദേഹം ഒരിക്കൽ പ്രസ്‌താ​വി​ച്ചു.

കാണി​ക​ളോട്‌ ബന്ധപ്പെട്ട പ്രശ്‌ന​ങ്ങൾ

ആളുകൾ ഇന്ന്‌ തങ്ങൾ കളിക്കു​ന്ന​തി​നേ​ക്കാൾ വളരെ​ക്കൂ​ടു​തൽ സമയം അവ കാണു​ന്ന​തി​നാ​യി ചെലവ​ഴി​ക്കു​ക​യും സാരമായ പ്രശ്‌നങ്ങൾ ഉണ്ടാകു​ക​യും ചെയ്‌തി​ട്ടുണ്ട്‌. ഒരു സംഗതി, കളികൾ കാണാൻ പോകു​ന്ന​തി​നാൽ മിക്ക​പ്പോ​ഴും മററു കാണി​ക​ളു​ടെ അശ്ലീല​വും അക്രമാ​സ​ക്ത​വു​മായ പെരു​മാ​റ​റ​ത്തി​ന്റെ സ്വാധീ​ന​ത്തിന്‌ വിധേ​യ​രാ​യി​ത്തീ​രും എന്നുള്ള​താണ്‌. ചില കളിയി​ന​ങ്ങ​ളി​ലുള്ള നിറഞ്ഞ വൈകാ​രി​കാ​വ​സ്ഥ​യിൽ അടിപി​ടി സാധാ​ര​ണ​മാണ്‌. കാണി​ക​ളിൽ നൂറു​ക​ണ​ക്കിന്‌ പേർക്ക്‌ പരി​ക്കേൽക്കു​ക​യും ചിലർ മരണമ​ട​യു​ക​യും ചെയ്‌തി​ട്ടുണ്ട്‌.

എന്നാൽ ഇന്ന്‌ അധികം കാണി​ക​ളും കളികൾ നടക്കു​ന്നി​ടത്ത്‌ ശാരീ​രി​ക​മാ​യി സന്നിഹി​തരല്ല; അവർ അത്‌ ടെലി​വി​ഷ​നിൽ കാണുന്നു. അമേരി​ക്കൻ ഐക്യ​നാ​ടു​ക​ളിൽ ഒരു 24-മണിക്കൂർ സ്‌പോർട്‌സ്‌ ചാനൽ, ദൈനം​ദിന വാർത്താ​പ്ര​ക്ഷേ​പ​ണ​ത്തിന്‌ ഏതൊരു റേഡി​യോ ശൃഖല​യും നീക്കി​വെ​ക്കുന്ന സമയ​ത്തേ​ക്കാൾ കൂടുതൽ സമയം സ്‌പോർട്‌സ്‌ പ്രക്ഷേ​പ​ണ​ങ്ങൾക്കാ​യി നീക്കി​വെ​ച്ചി​രി​ക്കു​ന്നു. പക്ഷേ, ഒരുവന്റെ ഭവനത്തി​ലെ സ്വകാ​ര്യ​ത​യിൽ കളികൾ കാണു​ന്നത്‌ പ്രശ്‌ന​വി​മു​ക്ത​മാ​ണോ?

ഒരിക്ക​ലു​മല്ല. “വർഷങ്ങ​ളാ​യി എല്ലാ പ്രൊ​ഫ​ഷനൽ കളിക്കാ​രെ​യും എന്റെ ഭർത്താ​വി​ന​റി​യാം,” എന്ന്‌ പറഞ്ഞു​കൊണ്ട്‌ ഒരു സ്‌ത്രീ ഇങ്ങനെ വിശദീ​ക​രി​ച്ചു, “അദ്ദേഹം ഒരു ഒററപ്പെട്ട കേസല്ല. ക്രമമാ​യി കളികൾ കാണാത്ത വളരെ ചുരുക്കം പേരേ അദ്ദേഹ​ത്തിന്‌ കൂട്ടു​കാ​രാ​യു​ള്ളു. ഈ നടപടി​യി​ലുൾപ്പെ​ടുന്ന ഏററവും വലിയ കുററം കുട്ടി​ക​ളു​ടെ​മേൽ അതിനുള്ള സ്വാധീ​ന​മാണ്‌.” അവർ ഇങ്ങനെ കൂട്ടി​ച്ചേർത്തു, “എന്റെ ഭർത്താവ്‌ എന്നോ​ടും കുട്ടി​ക​ളോ​ടും പരിഗണന കൂടാതെ കളികൾ കാണു​ന്ന​തി​നാ​യി തന്റെ വ്യക്തി​പ​ര​മായ സമയം ഉപയോ​ഗി​ക്കു​ന്ന​തിൽ എനിക്ക്‌ നീരസ​മുണ്ട്‌.”

ഇത്‌ ഒരൊ​റ​റ​പ്പെട്ട പരാതി​യാ​ണോ? ഒരിക്ക​ലു​മല്ല. ലോക​ത്തെ​മ്പാ​ടു​മുള്ള കുടും​ബ​ങ്ങ​ളിൽ മററു​ള്ള​വരെ അവഗണി​ച്ചു​കൊണ്ട്‌ കളികൾ വീക്ഷി​ക്കാൻ ചില കുടും​ബാം​ഗങ്ങൾ വളരെ​യ​ധി​കം സമയം ചെലവ​ഴി​ക്കാ​റുണ്ട്‌. ബ്രസീ​ലി​ലെ ഒരു വീട്ടമ്മ ഒരു അപകട​ക​ര​മായ പരിണ​ത​ഫ​ല​ത്തി​ലേക്ക്‌ വിരൽചൂ​ണ്ടു​ന്നു, “വിവാ​ഹത്തെ അപകട​പ്പെ​ടു​ത്തി​ക്കൊണ്ട്‌ ഭാര്യ​ക്കും ഭർത്താ​വി​നു​മി​ട​യി​ലുള്ള സ്‌നേ​ഹ​ത്തി​നും വിശ്വാ​സ​ത്തി​നും ക്രമേണ ദുർബ്ബ​ല​മാ​യി​ത്തീ​രാൻ കഴിയും.”

സ്‌പോർട്‌സ്‌ പ്രേമി​കൾ മിക്ക​പ്പോ​ഴും മററു പ്രകാ​ര​ങ്ങ​ളി​ലും അസന്തു​ലി​ത​രാണ്‌. അവർ സാധാ​ര​ണ​യാ​യി കളിക്കാ​രെ വിഗ്ര​ഹ​മാ​ക്കു​ന്നു, ഇത്‌ ഒരു പ്രശ്‌ന​മാ​യി ചില കളിക്കാർതന്നെ കാണുന്നു. ജർമ്മൻ ടെന്നിസ്‌ താരമായ ബോറീസ്‌ ബെക്കർ ഇങ്ങനെ പ്രസ്‌താ​വി​ച്ചു, “ഞാൻ എന്റെ സ്വന്തം പട്ടണത്തിൽ പ്രവേ​ശി​ച്ച​പ്പോൾ പോപ്പിൽ നിന്നും അനു​ഗ്ര​ഹങ്ങൾ പ്രതീ​ക്ഷി​ച്ചു​കൊ​ണ്ടെ​ന്ന​പോ​ലെ ആളുകൾ എന്നെ തുറി​ച്ചു​നോ​ക്കി​ക്കൊണ്ട്‌ അവിടെ നിന്നു, എന്റെ ആരാധ​ക​രു​ടെ കണ്ണുക​ളി​ലേക്ക്‌ ഞാൻ നോക്കി​യ​പ്പോൾ . . . രാക്ഷസൻമാ​രെ നോക്കു​ന്ന​താ​യി ഞാൻ ചിന്തി​ച്ചു​പോ​യി. അവരുടെ കണ്ണുകൾ നിശ്ചല​മാ​യി​രു​ന്നു, അവയിൽ ജീവനി​ല്ലാ​യി​രു​ന്നു.”

സ്‌പോർട്‌സിന്‌, ഉത്തേജ​ന​വും ശക്തമായ ആസക്തി​യും സൃഷ്ടി​ക്കുന്ന ഒരു കാന്തിക ശക്തിയാ​യി​രി​ക്കാൻ കഴിയു​മെ​ന്ന​തി​നു സംശയ​മില്ല. കളിക്കാ​രു​ടെ എകോ​പി​ച്ചുള്ള പ്രവർത്ത​ന​വും സാമർത്ഥ്യ​വും കൊണ്ടു മാത്രമല്ല, ഒരു കളിയു​ടെ ഫലമെ​ന്താ​യി​രി​ക്കും എന്ന അനിശ്ചി​താ​വ​സ്ഥ​യും നിമിത്തം ആളുകൾ വശീക​രി​ക്ക​പ്പെ​ട്ടേ​ക്കാം. ആർ ജയിക്കു​മെ​ന്ന​റി​യാൻ അവർ ആഗ്രഹി​ക്കു​ന്നു. കൂടാതെ, ദശലക്ഷ​ങ്ങൾക്ക്‌ കളികൾ ജീവി​ത​ത്തി​ലെ വിരസ​മായ കാര്യ​ങ്ങ​ളിൽ നിന്നും ഒരു മാററം നൽകുന്നു.

എന്നിരു​ന്നാ​ലും ജനങ്ങൾക്ക്‌ സന്തോഷം കൈവ​രു​ത്താൻ കളികൾക്ക്‌ സാധി​ക്കു​മോ? അവക്ക്‌ പ്രദാനം ചെയ്യാൻ കഴിയുന്ന യഥാർത്ഥ പ്രയോ​ജ​ന​ങ്ങ​ളു​ണ്ടോ? കൂടാതെ അവയോ​ട​നു​ബ​ന്ധി​ച്ചുള്ള പ്രശ്‌നങ്ങൾ നിങ്ങൾക്കെ​ങ്ങനെ ഒഴിവാ​ക്കാൻ സാധി​ക്കും? (g91 8/22)

[9-ാം പേജിലെ ചതുരം]

കളികളാകുന്ന മതം

ഐസ്‌ “ഹോക്കി കാനഡാ​യിൽ ഒരു കളി​യേ​ക്കാൾ അധിക​മാണ്‌: അത്‌ അനേകർക്കും ഒരു മതം പോലെ പ്രവർത്തി​ക്കു​ന്നു,” എന്ന്‌ കാനഡാ​ക്കാ​ര​നായ റേറാം സിൻക്ലെർ-ഫോക്ക്‌നെർ വാദി​ച്ചി​രി​ക്കു​ന്നു. കളിക​ളി​ലാ​വേ​ശ​മുള്ള അനേകർ, അവർ എവിടെ ജീവി​ക്കു​ന്ന​വ​രാ​യി​രു​ന്നാ​ലും, പ്രകട​മാ​ക്കുന്ന മനോ​ഭാ​വ​ത്തി​ന്റെ മാതൃ​ക​യാണ്‌ ഇത്‌.

ഉദാഹ​ര​ണ​ത്തിന്‌, അമേരി​ക്കൻ ഐക്യ​നാ​ടു​ക​ളിൽ സ്‌പോർട്‌സ്‌ “ഒരു അംഗീ​കൃത ലൗകിക മതം,” എന്ന്‌ വിശേ​ഷി​പ്പി​ക്ക​പ്പെ​ട്ടി​രി​ക്കു​ന്നു. സ്‌പോർട്‌സ്‌ മനശ്ശാ​സ്‌ത്ര​ജ്ഞ​നായ ഡേവിഡ്‌ കോക്‌സ്‌ ഇപ്രകാ​രം കുറി​ക്കൊ​ണ്ടു: “നിഘണ്ടു​വി​ലുള്ള മതത്തിന്റെ നിർവ്വ​ച​ന​വും കളിക​ളും തമ്മിൽ വളരെ​യ​ധി​കം ബന്ധങ്ങളുണ്ട്‌.” ചില “ആളുകൾ കായി​കാ​ഭ്യാ​സി​കളെ ദൈവ​ങ്ങ​ളോ പുണ്യ​വാ​ളൻമാ​രോ ആയി കണക്കാ​ക്കാ​റുണ്ട്‌” എന്ന്‌ മി. കോക്‌സ്‌ കൂട്ടി​ച്ചേർത്തു.

കളി​ഭ്രാ​ന്തൻമാർ വളരെ ത്യാഗങ്ങൾ ചെയ്യാ​റുണ്ട്‌, തങ്ങളുടെ കളികൾക്കാ​യി സമയവും പണവും നീക്കി​വെ​ച്ചു​കൊണ്ട്‌ മിക്ക​പ്പോ​ഴും തങ്ങളുടെ കുടും​ബ​ങ്ങ​ളു​ടെ ചെലവിൽ തന്നെ. ടെലി​വി​ഷ​നിൽ സ്‌പോർട്‌സ്‌ വീക്ഷി​ക്കു​ന്ന​തി​നാ​യി ആരാധകർ എണ്ണമററ മണിക്കൂ​റു​കൾ നീക്കി​വെ​ക്കും. അവർ അഭിമാ​ന​പൂർവ്വം തങ്ങളുടെ ടീമിന്റെ നിറം അണിയു​ക​യും കളിക​ളു​ടെ ചിഹ്നങ്ങൾ പരസ്യ​മാ​യി പ്രദർശി​പ്പി​ക്കു​ക​യും ചെയ്യും. തങ്ങളുടെ കളിക​ളു​ടെ ആരാധ​ക​രാ​ണെന്ന്‌ തിരി​ച്ച​റി​യി​ച്ചു​കൊണ്ട്‌ അവർ ഉൻമാ​ദ​ത്തോ​ടും അലറി​ക്കൊ​ണ്ടും പാട്ടുകൾ പാടും.

അനേകം കായി​ക​താ​രങ്ങൾ കളിക്ക്‌ മുമ്പ്‌ ദൈവ​ത്തി​ന്റെ അനു​ഗ്ര​ഹ​ത്തി​നാ​യി പ്രാർത്ഥി​ക്കു​ക​യും ഒരു ഗോൾ നേടി​യ​തി​നു ശേഷം നന്ദി​കൊ​ടു​ക്കു​ന്ന​തി​നാ​യി മുട്ടു​കു​ത്തി പ്രാർത്ഥി​ക്കു​ക​യും ചെയ്യും. ആയിര​ത്തി​ത്തൊ​ള്ളാ​യി​ര​ത്തി​എൺപ​ത്തി​യാ​റി​ലെ ലോക​കപ്പ്‌ കളിയിൽ അർജൻറീ​നാ​യി​ലെ ഒരു ഫുട്‌ബോൾ താരം തന്റെ ഗോൾ ദൈവ​ത്തി​ന്റെ കരങ്ങളി​ലേക്ക്‌ സമർപ്പി​ച്ചു. കൂടാതെ ചില അടിയു​റച്ച മതവി​ശ്വാ​സി​ക​ളെ​പ്പോ​ലെ കളി​ഭ്രാ​ന്തൻമാർ “അടിസ്ഥാന സൈദ്ധാ​ന്തിക വിശ്വാ​സി​കൾ” എന്ന്‌ വിശേ​ഷി​പ്പി​ക്ക​പ്പെ​ട്ടി​ട്ടുണ്ട്‌. ഈ ഭ്രാന്ത്‌ പ്രതി​യോ​ഗി​ക​ളായ ആരാധ​ക​രു​ടെ ഇടയിൽ രക്തപങ്കി​ല​വും ചില​പ്പോൾ മാരക​വു​മായ പോരാ​ട്ട​മു​ള​വാ​ക്കു​ന്ന​തിന്‌ ഇടയാ​ക്കി​യി​ട്ടുണ്ട്‌.

വ്യാജ​മ​ത​ത്തിന്‌ സമാന​മാ​യി, കളിക​ളാ​കുന്ന “ലൗകിക മതം” അതിന്റെ അത്യാർത്തി​യുള്ള അനുഗാ​മി​കൾക്ക്‌ “പുണ്യ​വാ​ളൻ”മാരേ​യും പാരമ്പ​ര്യ​ങ്ങൾ, സ്‌മാ​ര​കാ​വ​ശി​ഷ്ടങ്ങൾ, അനുഷ്‌ഠാ​നങ്ങൾ എന്നിവ​യേ​യും പ്രദാനം ചെയ്യാ​റുണ്ട്‌, എന്നാൽ അത്‌ അവരുടെ ജീവി​ത​ത്തിന്‌ യഥാർത്ഥ​മോ നിലനിൽക്കു​ന്ന​തോ ആയ അർത്ഥം നൽകു​ന്നില്ല.

[7-ാം പേജിലെ ചിത്രം]

കളിക്കാർ മിക്ക​പ്പോ​ഴും അശക്തരാ​ക്ക​പ്പെ​ടു​ന്നു

[8-ാം പേജിലെ ചിത്രം]

ടി.വി-യിലെ സ്‌പോർട്‌സ്‌ വീക്ഷണ​ത്തിന്‌ കുടും​ബ​ത്തിൽ വിയോ​ജി​പ്പു​ണ്ടാ​ക്കാൻ കഴിയും