യുവജ​നങ്ങൾ ചോദി​ക്കു​ന്നു . . .

ഞാൻ ഒരു സ്‌പോർട്‌സ്‌ ടീമിൽ ചേരണ​മോ?

“ഒരു ടീമിൽ ആയിരി​ക്കു​ന്ന​തിൽ ഇത്രമാ​ത്രം പ്രത്യേ​കത എന്താണ്‌?” സെവൻറീൻ മാഗസി​നി​ലെ ഒരു ലേഖനം അപ്രകാ​രം ചോദി​ച്ചു. “നിങ്ങൾ ഒരു പൊതു​ല​ക്ഷ്യ​ത്തി​നു​നേരെ ഒരുമി​ച്ചു പ്രവർത്തി​ക്കു​ന്നു, തൻമൂലം നിങ്ങൾ ഉറ്റസു​ഹൃ​ത്തു​ക്ക​ളാ​യി​ത്തീ​രു​ന്നു. ഒരു സംഘവു​മാ​യുള്ള പ്രശ്‌നങ്ങൾ എപ്രകാ​രം പരിഹ​രി​ക്കാം, എങ്ങനെ വഴക്കവും പരിഗ​ണ​ന​യും ഉള്ളവരാ​യി​രി​ക്കാം, എങ്ങനെ വിട്ടു​വീഴ്‌ച ചെയ്യാം എന്നിങ്ങനെ മറ്റുള്ള​വ​രു​മാ​യി ഇടപെ​ടുന്ന വിധ​ത്തെ​ക്കു​റി​ച്ചും നിങ്ങൾ പഠിക്കു​ന്നു”വെന്ന്‌ ഉത്തരമാ​യി ആ ലേഖനം പറഞ്ഞു.

അങ്ങനെ, സംഘടിത സ്‌പോർട്‌സിൽ ഏർപ്പെ​ടു​ന്ന​തു​കൊ​ണ്ടു പ്രയോ​ജ​ന​ങ്ങ​ളു​ള്ള​താ​യി കാണ​പ്പെ​ടു​ന്നു. അവയിൽ പ്രധാ​ന​മാ​ണു നേര​മ്പോ​ക്കും വ്യായാ​മ​വും.a ടീം സ്‌പോർട്‌സിൽ ഏർപ്പെ​ടു​ന്നത്‌ ഒരുവന്റെ സ്വഭാ​വ​നി​ഷ്‌ഠ​യു​ടെ വികസ​ന​ത്തി​നു സഹായ​ക​ര​മാ​ണെന്നു ചിലർ അവകാ​ശ​പ്പെ​ടു​ക​പോ​ലും ചെയ്യുന്നു. അതു​കൊണ്ട്‌ ഒരു യുവ ബെയ്‌സ്‌ബോൾ പ്രസ്ഥാ​ന​ത്തി​ന്റെ ആദർശ​സൂ​ക്ഷം “സ്വഭാ​വ​നിഷ്‌ഠ, ധൈര്യം, വിശ്വ​സ്‌തത” എന്നാണ്‌.

സംഘടിത സ്‌പോർട്‌സ്‌ എല്ലായ്‌പോ​ഴും അത്തരം ശ്രേഷ്‌ഠ​മായ ആദർശ​ങ്ങൾക്കു ചേർച്ച​യി​ലാ​യി​രി​ക്കു​ന്നില്ല എന്നതാണു പ്രശ്‌നം. കിഡ്‌സ്‌പോർട്‌സ്‌ എന്ന പുസ്‌തകം ഇപ്രകാ​രം പറയുന്നു: “ചില സന്ദർഭ​ങ്ങ​ളിൽ, ഗ്രഹണ​ക്ഷ​മ​ത​യുള്ള ചെറു​പ്പ​ക്കാർ അശ്ലീല ഭാഷ ഉപയോ​ഗി​ക്കു​ന്ന​തി​നും ചതിക്കു​ന്ന​തി​നും പോരാ​ടു​ന്ന​തി​നും ഭീഷണി​പ്പെ​ടു​ത്തു​ന്ന​തി​നും മറ്റുള്ള​വരെ മുറി​വേൽപ്പി​ക്കു​ന്ന​തി​നും പഠിക്കു​ന്നു.”

എന്തു വില​കൊ​ടു​ത്തും വിജയ​മോ?

സെവൻറീൻ മാഗസി​നി​ലെ ഒരു ലേഖനം ഇപ്രകാ​രം സമ്മതി​ക്കു​ന്നു: “വിജയ​ത്തി​നു വമ്പിച്ച മൂല്യം കൽപ്പി​ക്കുന്ന ഒരു ഇരുണ്ട​വശം സ്‌പോർട്‌സി​നുണ്ട്‌.” ഇതു പിൻവ​രുന്ന ബൈബിൾ വാക്യ​ങ്ങൾക്കു കടകവി​രു​ദ്ധ​മാണ്‌: “നാം അന്യോ​ന്യം പോരി​ന്നു വിളി​ച്ചും അന്യോ​ന്യം അസൂയ​പ്പെ​ട്ടും​കൊ​ണ്ടു വൃഥാ​ഭി​മാ​നി​കൾ ആകരുതു.” (ഗലാത്യർ 5:26) ഒരു ചെറിയ അളവി​ലുള്ള സൗഹൃദ മത്സരത്തി​നു കളി​യോ​ടുള്ള താത്‌പ​ര്യ​വും ആസ്വാ​ദ​ന​വും വർധി​പ്പി​ക്കാൻ കഴിയു​മെ​ന്നി​രി​ക്കെ, ഒരു അമിത മത്സരാ​ത്മാ​വി​നു ശത്രുത ജനിപ്പി​ക്കാ​നും കളിയി​ലെ നേര​മ്പോ​ക്കി​നെ ഇല്ലാതാ​ക്കാ​നും കഴിയും.

“ഞങ്ങളുടെ കോച്ച്‌ ഒരു യഥാർഥ സ്‌പോർട്‌സ്‌ ഭ്രാന്ത​നാ​യി​രു​ന്നു; എല്ലായ്‌പോ​ഴും ഞങ്ങളു​ടെ​നേർക്ക്‌ ആക്രോ​ശി​ക്കു​ക​യും അലറു​ക​യും ചെയ്യു​മാ​യി​രു​ന്നു . . . പരിശീ​ല​ന​ത്തി​നു​പോ​കു​ന്നത്‌ എനിക്കു പ്രാണ​ഭ​യ​മാ​യി​രു​ന്നു. . . . ഞാനൊ​രു തടങ്കൽപ്പാ​ള​യ​ത്തി​ലാ​യി​രു​ന്ന​തു​പോ​ലെ എനിക്കു​തോ​ന്നി,” ഒരു മുൻ ഹൈസ്‌കൂൾ ഫുട്‌ബോൾ കളിക്കാ​ര​നായ ജോൻ അനുസ്‌മ​രി​ക്കു​ന്നു. എല്ലാ കോച്ചു​മാ​രും ഭർത്സി​ക്കു​ന്ന​വ​ര​ല്ലെ​ന്നി​രി​ക്കെ, അനേക​രും വിജയ​ത്തി​നു വളരെ​യ​ധി​കം ഊന്നൽ കൊടു​ക്കു​ന്നു. “അനേകം കായി​ക​താ​രങ്ങൾ . . . മത്സരി​ക്കു​ന്ന​തി​ന്റെ സന്തോഷം, വിജയി​ക്കു​ക​യെന്ന ഒരു അസഹനീയ ഭാരത്തി​നു വഴിമാ​റി​ക്കൊ​ടു​ക്കുന്ന ഘട്ടംവരെ എത്തി​ച്ചേ​രു​ന്നു”വെന്ന്‌ ഒരു എഴുത്തു​കാ​രൻ നിഗമനം ചെയ്‌തു. ഫലമെ​ന്താ​യി​രി​ക്കാം?

കോ​ളെ​ജി​ലെ ഫുട്‌ബോ​ളും ബാസ്‌ക​റ്റ്‌ബോ​ളും കളിക്കാ​രു​ടെ​യി​ട​യിൽ “12 ശതമാ​ന​ത്തി​നു മനഃശാ​സ്‌ത്ര​പ​ര​മായ വേദന, ശാരീ​രിക ക്ലേശം, മയക്കു​മ​രു​ന്നു​ക​ളോ ലഹരി​പ​ദാർഥ​ങ്ങ​ളോ ഒഴിവാ​ക്കു​ന്ന​തി​ലെ ബുദ്ധി​മുട്ട്‌, മാനസി​ക​വും ശാരീ​രി​ക​വു​മായ ദുഷ്‌പെ​രു​മാ​റ്റം, മോശ​മായ വിദ്യാ​ഭ്യാ​സ നിർവ​ഹണം എന്നീ അഞ്ചു മേഖല​ക​ളിൽ കുറഞ്ഞ​പക്ഷം രണ്ടെണ്ണ​ത്തി​ലെ​ങ്കി​ലും പ്രശ്‌ന​മു​ള്ള​താ​യി റിപ്പോർട്ടു​ചെ​യ്‌തു”വെന്ന്‌ ഒരു സർവേ വെളി​പ്പെ​ടു​ത്തി​യ​താ​യി സയൻസ്‌ ന്യൂസ്‌ റിപ്പോർട്ടു ചെയ്‌തു. അതേ ചിന്താ​ധാ​ര​യിൽ, ഓൺ ദ മാർക്ക്‌ എന്ന പുസ്‌തകം ഇപ്രകാ​രം റിപ്പോർട്ടു ചെയ്യുന്നു: “സംഘടിത കായി​ക​മ​ത്സ​ര​ങ്ങ​ളു​മാ​യി ബന്ധപ്പെട്ട മിക്കവാ​റു​മെ​ല്ലാ​വ​രും​തന്നെ സ്‌പോർട്‌സിൽ ഏതു തുറക​ളി​ലും ഒരു വലിയ മയക്കു​മ​രു​ന്നു ദുരു​പ​യോഗ പ്രശ്‌ന​മു​ണ്ടെന്നു സമ്മതി​ക്കു​ന്നു.”

ധാർമിക വിട്ടു​വീ​ഴ്‌ച​കൾ

വിജയം നേടാ​നുള്ള സമ്മർദ​ത്തിന്‌, ഒരു യുവ കളിക്കാ​രൻ നിഷ്‌പ​ക്ഷ​ത​യു​ടെ​യും സത്യസ​ന്ധ​ത​യു​ടെ​യും ന്യായ​യു​ക്ത​മായ നിലവാ​ര​ങ്ങ​ളിൽ വിട്ടു​വീഴ്‌ച ചെയ്യു​ന്ന​തി​നി​ട​യാ​ക്കാൻ കഴിയും. നിങ്ങളു​ടെ കുട്ടി സ്‌പോർട്‌സിൽ (ഇംഗ്ലീഷ്‌) എന്ന പുസ്‌തകം ഇപ്രകാ​രം നിരീ​ക്ഷി​ക്കു​ന്നു: “സ്‌പോർട്‌സി​ന്റെ ആധുനിക ലോക​ത്തിൽ വിജയി​ക്കു​ക​യെ​ന്നതു കേവലം നല്ലതു മാത്ര​മാ​യി​രി​ക്കു​ന്നില്ല; അതു മാത്ര​മാ​ണു സ്വീകാ​ര്യ​മായ സംഗതി. പരാജയം മോശ​മാ​ണെന്നു മാത്രമല്ല, അത്‌ അസ്വീ​കാ​ര്യ​വു​മാണ്‌.”

മറ്റൊരു പരുക്കൻ യാഥാർഥ്യം ഇതാണ്‌: കോച്ചു​മാർ പലപ്പോ​ഴും എതിരാ​ളി​കളെ മുറി​വേൽപ്പി​ക്കു​ന്ന​തി​നുള്ള കഠിന​മായ സമ്മർദ​ത്തിൻകീ​ഴിൽ കളിക്കാ​രെ ആക്കിത്തീർക്കു​ന്നു. സൈ​ക്കോ​ളജി റ്റുഡേ​യി​ലെ ഒരു ലേഖനം ഇപ്രകാ​രം പറഞ്ഞു: “സ്‌പോർട്‌സിൽ നല്ലവരാ​യി​രി​ക്കാൻ, നിങ്ങൾ മോശ​മാ​യി​രി​ക്കേ​ണ്ട​തുണ്ട്‌. അല്ലെങ്കിൽ അതാണ്‌ അനേകം കായി​ക​താ​ര​ങ്ങ​ളും കോച്ചു​മാ​രും സ്‌പോർട്‌സ്‌ ഭക്തരും വിശ്വ​സി​ക്കു​ന്നത്‌.” തന്റെ സാധാരണ വ്യക്തി​ത്വ​മ​നു​സ​രി​ച്ചു താൻ “മൃദു​ഭാ​ഷി​യും പരിഗ​ണ​ന​യും സൗഹൃ​ദ​വും” കാട്ടു​ന്ന​വ​നു​മാ​ണെന്ന്‌ ഒരു തൊഴി​ല​ധി​ഷ്‌ഠിത ഫുട്‌ബോൾ കളിക്കാ​രൻ വിവരി​ക്കു​ന്നു. എന്നാൽ കളിക്ക​ള​ത്തി​ലാ​യി​രി​ക്കു​മ്പോൾ അദ്ദേഹ​മൊ​രു ദ്വിമുഖ വ്യക്തിത്വ പരിവർത്ത​ന​ത്തി​ലൂ​ടെ കടന്നു​പോ​കു​ന്നു. കളിക്ക​ള​ത്തി​ലെ തന്റെ വ്യക്തി​ത്വ​ത്തെ വർണി​ച്ചു​കൊണ്ട്‌ അദ്ദേഹം ഇപ്രകാ​രം പറയുന്നു: “അപ്പോൾ ഞാൻ നീചനും വൃത്തി​കെ​ട്ട​വ​നു​മാണ്‌. . . . ഞാൻ അങ്ങേയറ്റം ദുഷി​ച്ച​വ​നാണ്‌. ഞാൻ പ്രഹരി​ക്കാൻ പോകുന്ന വ്യക്തി​യോട്‌ എനിക്കു തികഞ്ഞ അനാദ​ര​വാ​ണു​ള്ളത്‌.” അത്തരത്തി​ലുള്ള ഒരു സ്ഥിതി​വി​ശേ​ഷത്തെ കോച്ചു​മാർ പലപ്പോ​ഴും പ്രോ​ത്സാ​ഹി​പ്പി​ക്കു​ന്നു.

ബൈബിൾ ക്രിസ്‌ത്യാ​നി​കളെ ഇപ്രകാ​രം പ്രോ​ത്സാ​ഹി​പ്പി​ക്കു​ന്നു: “മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിച്ചു​കൊൾക.” (കൊ​ലൊ​സ്സ്യർ 3:12) നിങ്ങളു​ടെ എതിരാ​ളി​കളെ മുറി​വേൽപ്പി​ക്കു​ന്ന​തി​നും ഞെരി​ച്ച​മർത്തു​ന്ന​തി​നും വികലാം​ഗ​രാ​ക്കു​ന്ന​തി​നും നിങ്ങളെ പ്രേരി​പ്പി​ക്കുന്ന ഉശിരൻ പ്രസം​ഗങ്ങൾ ദിനം​പ്രതി കേൾക്കു​ന്ന​പക്ഷം നിങ്ങൾ അത്തരം ഗുണങ്ങൾ നട്ടുവ​ളർത്തു​മോ? പതിനാ​റു വയസ്സു​കാ​ര​നായ റോബർട്ട്‌ ഇങ്ങനെ സമ്മതി​ക്കു​ന്നു: “ഞാൻ സംഘടിത സ്‌പോർട്‌സിൽ കളിച്ചി​ട്ടുണ്ട്‌. ജയിക്കു​ന്ന​തു​വരെ ആരെയാ​ണു മുറി​വേൽപ്പി​ക്കു​ന്നത്‌ എന്നൊ​ന്നും നിങ്ങൾ ശ്രദ്ധി​ക്കു​ന്നേ​യില്ല.” ഇപ്പോൾ അവനൊ​രു സ്‌നാ​പ​ന​മേറ്റ ക്രിസ്‌ത്യാ​നി​യാണ്‌, തന്മൂലം അവന്റെ വീക്ഷണ​ഗ​തി​കൾ മാറി​യി​രി​ക്കു​ന്നു. “ഞാൻ മേലാൽ അതി​ലേക്കു മടങ്ങു​ക​യില്ല” എന്ന്‌ അവൻ പറയുന്നു

ശാരീ​രിക പരിശീ​ല​ന​മോ ശാരീ​രിക മുറി​വോ?

ശാരീ​രിക അപകട​സാ​ധ്യ​ത​ക​ളെ​യും മറന്നു​ക​ള​യാ​വതല്ല. കൂട്ടു​കാ​രോ​ടൊ​പ്പം നേരം​പോ​ക്കി​നു​വേ​ണ്ടി​മാ​ത്രം കളിക്കു​മ്പോൾപോ​ലും സ്‌പോർട്‌സ്‌ അപകട​സാ​ധ്യ​ത​കൾക്കു വഴി​യൊ​രു​ക്കു​ന്നു​വെ​ന്നതു സത്യമാണ്‌. എന്നാൽ തൊഴി​ല​ധി​ഷ്‌ഠിത തലങ്ങളിൽ എത്തി​ച്ചേ​രാൻ ശ്രമി​ച്ചു​കൊ​ണ്ടു യുവാക്കൾ പരിശീ​ലനം നേടു​മ്പോൾ അപകടങ്ങൾ കൂടുതൽ വർധി​ക്കു​ന്നു.

“തൊഴി​ല​ധി​ഷ്‌ഠിത കളിക്കാർക്കു മുറി​വേ​റ്റേ​ക്കാം. എന്നാൽ അവർ വളരെ വിദഗ്‌ധ​രായ, ശാരീ​രി​ക​മാ​യി കഴിവുറ്റ, മുറി​വേൽക്കു​ന്ന​തി​ന്റെ സാധ്യത മനസ്സൊ​രു​ക്ക​ത്തോ​ടെ ഏറ്റെടു​ക്കുന്ന, പക്വത​യുള്ള, പുരു​ഷ​ന്മാ​രാണ്‌. അങ്ങനെ ചെയ്യു​ന്ന​തി​നാൽ അവർക്കു നല്ല പ്രതി​ഫലം ലഭിക്കു​ക​യും ചെയ്യുന്നു. അതിലു​പരി, അവർക്കു പൊതു​വേ ഏറ്റവും നല്ല, അതിവി​ദ​ഗ്‌ധ​മാ​യി​ട്ടുള്ള പരിശീ​ലനം ലഭിക്കു​ന്നു. കൂടാതെ, ഏറ്റവും നല്ല ഉപകര​ണ​ങ്ങ​ളും വളരെ​യ​ടുത്ത, മുന്തിയ വൈദ്യ​ചി​കി​ത്സ​യും ലഭ്യമാ​കു​ന്നു. . . . സ്‌കൂൾ കുട്ടി​കൾക്ക്‌ അത്തരത്തി​ലുള്ള ആനുകൂ​ല്യ​ങ്ങ​ളില്ല” എന്ന്‌ നിങ്ങളു​ടെ കുട്ടി സ്‌പോർട്‌സിൽ എന്ന പുസ്‌തകം അഭി​പ്രാ​യ​പ്പെ​ടു​ന്നു. ‘തങ്ങളുടെ ശരീര​ങ്ങളെ ജീവനും വിശു​ദ്ധി​യും ദൈവ​ത്തി​ന്നു പ്രസാ​ദ​വു​മുള്ള യാഗമാ​യി സമർപ്പി​ക്കാ’ൻ ക്രിസ്‌ത്യാ​നി​ക​ളോ​ടു പറഞ്ഞി​രി​ക്കു​ന്നു. (റോമർ 12:1) നിങ്ങളു​ടെ ശരീരത്തെ അനാവ​ശ്യ​മോ ന്യായ​ര​ഹി​ത​മോ ആയ അപകട​സാ​ധ്യ​ത​കൾക്കു വിധേ​യ​മാ​ക്കു​ന്ന​തി​നെ​ക്കു​റി​ച്ചു നിങ്ങൾ രണ്ടാമ​തൊ​ന്നു ചിന്തി​ക്കേ​ണ്ട​തല്ലേ?

പരിഗ​ണി​ക്കേണ്ട മറ്റു ഘടകങ്ങൾ

ആരോ​ഗ്യ​പ​ര​മായ അപകട​സാ​ധ്യ​തകൾ കുറവാ​ണെന്നു തോന്നു​ന്നെ​ങ്കിൽപ്പോ​ലും, സംഘടിത സ്‌പോർട്‌സ്‌ അപ്പോ​ഴും സമയം പാഴാ​ക്കു​ന്ന​താണ്‌. പരിശീ​ലന സെഷനു​കൾ നിങ്ങളു​ടെ സാമൂഹ്യ ജീവി​തത്തെ വെട്ടി​ക്കു​റ​യ്‌ക്കുക മാത്രമല്ല, പഠനത്തി​നും ഗൃഹപാ​ഠ​ത്തി​നും മാറ്റി​വെ​ക്കേണ്ട സമയത്തി​ന്റെ സിംഹ​ഭാ​ഗം കവർന്നെ​ടു​ക്കു​ക​യും ചെയ്‌തേ​ക്കാം. പാഠ്യേ​തര പ്രവർത്ത​ന​ങ്ങ​ളിൽ ഏർപ്പെ​ട്ടി​രുന്ന മറ്റു കുട്ടി​ക​ളെ​ക്കാൾ “അൽപ്പം താഴ്‌ന്ന ഗ്രെയി​ഡു​കൾ” ഉണ്ടായി​രി​ക്കാൻ കോ​ളെജ്‌ കായി​ക​താ​രങ്ങൾ പ്രവണ​ത​കാ​ട്ടു​ന്ന​താ​യി സയൻസ്‌ ന്യൂസ്‌ റിപ്പോർട്ടു ചെയ്‌തു. അതിലും പ്രധാ​ന​മാ​യി, ഒരു ടീമിൽ സേവി​ക്കു​ന്നത്‌ “അധികം പ്രാധാ​ന്യ​മുള്ള കാര്യങ്ങൾ” എന്നു ബൈബിൾ വിളി​ക്കുന്ന ആത്മീയ താത്‌പ​ര്യ​ങ്ങളെ അനുധാ​വനം ചെയ്യു​ന്നതു പ്രയാ​സ​മാ​ക്കി​ത്തീർക്കു​ന്നു​വെന്നു നിങ്ങൾ കണ്ടെത്തി​യേ​ക്കാം. (ഫിലി​പ്പി​യർ 1:10, NW) ‘ഒരു ടീമിൽ ചേരു​ന്നത്‌ എന്നെ ക്രിസ്‌തീയ യോഗങ്ങൾ നഷ്ടപ്പെ​ടു​ത്താൻ ഇടയാ​ക്കു​മോ, അല്ലെങ്കിൽ അതു പ്രസം​ഗ​വേ​ല​യി​ലുള്ള എന്റെ പങ്ക്‌ പരിമി​ത​പ്പെ​ടു​ത്തു​മോ?’ എന്നു നിങ്ങൾ സ്വയം ചോദി​ക്കുക.

ധാർമിക നിലവാ​രങ്ങൾ, ശുദ്ധമായ സംസാരം, അല്ലെങ്കിൽ മത്സരം ഇവയെ​ക്കു​റി​ച്ചുള്ള നിങ്ങളു​ടെ വീക്ഷണങ്ങൾ പങ്കു​വെ​ക്കാത്ത യുവാ​ക്ക​ളോ​ടും മുതിർന്ന​വ​രോ​ടു​മൊ​പ്പം അനേക മണിക്കൂ​റു​കൾ ചെലവ​ഴി​ക്കു​ന്ന​തി​ന്റെ സാധ്യ​മായ ഫലങ്ങളെ ശ്രദ്ധാ​പൂർവം തൂക്കി​നോ​ക്കുക. “ചീത്ത സഹവാസം പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു”വെന്നു ബൈബിൾത​ന്നെ​യും പറയു​ന്നു​ണ്ട​ല്ലോ. (1 കൊരി​ന്ത്യർ 15:33, NW) ഉദാഹ​ര​ണ​ത്തിന്‌, ദ ന്യൂ​യോർക്ക്‌ ടൈംസ്‌-ന്റെ മുഖ​പ്ര​സം​ഗ​ത്തി​നെ​തി​രെ​യുള്ള പേജിലെ ഒരു ലേഖന​ത്തെ​ക്കു​റി​ച്ചു പരിചി​ന്തി​ക്കുക: “വസ്‌ത്രം മാറു​ന്ന​തി​നും സാമ​ഗ്രി​കൾ സൂക്ഷി​ക്കു​ന്ന​തി​നു​മുള്ള മുറി പുരു​ഷ​ന്മാർ വ്യക്തമായ ലൈം​ഗിക പദപ്ര​യോ​ഗ​ങ്ങ​ളി​ലൂ​ടെ സ്‌ത്രീ​ശ​രീ​ര​ത്തെ​ക്കു​റി​ച്ചു ചർച്ച ചെയ്യു​ന്ന​തി​നുള്ള സ്ഥലമാണ്‌. അവർ ‘ലൈം​ഗിക സംഭോ​ഗം നടത്തു​ന്ന​തിൽ വിജയി​ക്കു​ന്ന​തി​നെ’ക്കുറിച്ചു വീമ്പി​ള​ക്കു​ക​യും സ്‌ത്രീ​കളെ പ്രഹരി​ക്കു​ന്ന​തി​നെ​ക്കു​റി​ച്ചു തമാശ പറയു​ക​യും ചെയ്യുന്ന സ്ഥലമാണ്‌.” അത്തര​മൊ​രു ചുറ്റു​പാ​ടി​ലാ​യി​രി​ക്കു​ന്നതു നിങ്ങൾ തിര​ഞ്ഞെ​ടു​ക്കു​ന്ന​പക്ഷം ആത്മീയ​മാ​യി നിങ്ങൾ എങ്ങനെ വർത്തി​ക്കും?—യാക്കോബ്‌ 3:18 താരത​മ്യം ചെയ്യുക.

ഒരു ജ്ഞാനപൂർവ​ക​മായ തീരു​മാ​ന​മെ​ടു​ക്കൽ

ഒരു സ്‌പോർട്‌സ്‌ ടീമിൽ ചേരു​ന്ന​തി​നെ​ക്കു​റി​ച്ചു നിങ്ങൾ ചിന്തി​ക്കു​ന്നു​ണ്ടോ? എങ്കിൽ, അതിന്‌ ഒടു​ക്കേ​ണ്ടി​വ​രുന്ന വില പരിഗ​ണി​ക്കാൻ ഒരുപക്ഷേ മേൽപ്പ​റഞ്ഞവ നിങ്ങളെ സഹായി​ക്കും. നിങ്ങൾ തീരു​മാ​ന​മെ​ടു​ക്കു​മ്പോൾ മറ്റുള്ള​വ​രു​ടെ മനസ്സാ​ക്ഷി​യെ​യും പരിഗ​ണ​ന​യി​ലെ​ടു​ക്കുക. (1 കൊരി​ന്ത്യർ 10:24, 29, 32) തീർച്ച​യാ​യും, ലോക​വ്യാ​പ​ക​മാ​യി സാഹച​ര്യ​ങ്ങൾ വ്യത്യ​സ്‌ത​മാ​യി​രി​ക്കു​ന്ന​തി​നാൽ കർശന​മായ നിയമം ഉണ്ടാക്കാൻ കഴിയു​ക​യില്ല. ചില പ്രദേ​ശ​ങ്ങ​ളിൽ സ്‌പോർട്‌സിൽ പങ്കെടു​ക്കാൻ വിദ്യാർഥി​ക​ളോട്‌ ആവശ്യ​പ്പെ​ടു​ക​പോ​ലും ചെയ്‌തേ​ക്കാം. എന്നാൽ നിങ്ങൾക്കു സംശയം തോന്നു​ന്ന​പക്ഷം കാര്യാ​ദി​ക​ളെ​ക്കു​റി​ച്ചു നിങ്ങളു​ടെ മാതാ​പി​താ​ക്ക​ളു​മാ​യോ ഒരു പക്വത​യുള്ള ക്രിസ്‌ത്യാ​നി​യു​മാ​യോ സംസാ​രി​ക്കുക.

അനേകം ക്രിസ്‌തീയ യുവാക്കൾ ടീം സ്‌പോർട്‌സിൽ കളിക്കാ​തി​രി​ക്കാ​നുള്ള പ്രയാ​സ​മേ​റിയ തീരു​മാ​ന​മെ​ടു​ത്തി​ട്ടുണ്ട്‌. നിങ്ങൾ കായി​ക​താ​ര​വും യഥാർഥ​ത്തിൽ സ്‌പോർട്‌സ്‌ ആസ്വദി​ക്കുന്ന ആളുമാ​ണെ​ങ്കിൽ ഇത്‌ എളുപ്പമല്ല! അധ്യാ​പ​ക​രിൽനി​ന്നും കോച്ചു​മാ​രിൽനി​ന്നും മാതാ​പി​താ​ക്ക​ളിൽനി​ന്നു​മുള്ള സമ്മർദം നിങ്ങളു​ടെ നൈരാ​ശ്യ​ത്തിന്‌ ആക്കം കൂട്ടി​യേ​ക്കാം. യുവാ​വായ ജിമ്മി ഇപ്രകാ​രം സമ്മതി​ക്കു​ന്നു: “കളിക്കാ​തി​രി​ക്കു​ക​യെ​ന്നത്‌ എന്നോ​ടു​ത​ന്നെ​യുള്ള ഒരു കഠിന പോരാ​ട്ട​മാ​ണെന്നു ഞാൻ കണ്ടെത്തു​ന്നു. എന്റെ അവിശ്വാ​സി​യായ പിതാവ്‌ അദ്ദേഹ​ത്തി​ന്റെ ഹൈസ്‌കൂൾ നാളു​ക​ളിൽ ഒരു പ്രശസ്‌ത കായി​ക​താ​ര​മാ​യി​രു​ന്നു. ഒരു ടീമിൽ ചേരാ​തി​രി​ക്കു​ക​യെ​ന്നത്‌ എന്നെ സംബന്ധി​ച്ചി​ട​ത്തോ​ളം ചില​പ്പോ​ഴൊ​ക്കെ ദുഷ്‌ക്ക​ര​മാണ്‌.” അങ്ങനെ​യാ​ണെ​ങ്കിൽപോ​ലും, വിശ്വാ​സി​ക​ളായ മാതാ​പി​താ​ക്ക​ളു​ടെ​യും സഭയിലെ പക്വത​യുള്ള ക്രിസ്‌ത്യാ​നി​ക​ളു​ടെ​യും പിന്തു​ണ​യ്‌ക്കു തീരു​മാ​ന​ത്തോ​ടു പറ്റിനിൽക്കാൻ നിങ്ങളെ വളരെ​യ​ധി​കം സഹായി​ക്കാൻ കഴിയും. ജിമ്മി ഇപ്രകാ​രം പറയുന്നു: “ഞാൻ എന്റെ മമ്മി​യോ​ടു നന്ദിയു​ള്ള​വ​നാണ്‌. ചില​പ്പോൾ സ്‌പോർട്‌സിൽ ഏർപ്പെ​ടാ​നുള്ള സമ്മർദം നിമിത്തം ഞാൻ വിഷാ​ദ​ചി​ത്ത​നാ​കു​ന്നു. എന്നാൽ എന്റെ യഥാർഥ ജീവി​ത​ല​ക്ഷ്യ​ങ്ങ​ളെ​ക്കു​റിച്ച്‌ എന്നെ ഓർമി​പ്പി​ക്കാൻ മമ്മി എല്ലായ്‌പോ​ഴും സന്നിഹി​ത​യാണ്‌.”

ടീം സ്‌പോർട്‌സ്‌ സഹകരി​ക്കു​ന്ന​തി​നും പ്രശ്‌നങ്ങൾ പരിഹ​രി​ക്കു​ന്ന​തി​നും കളിക്കാ​രെ പഠിപ്പി​ച്ചേ​ക്കാം. പക്ഷേ ക്രിസ്‌തീയ സഭയ്‌ക്കു​ള്ളിൽ പ്രവർത്തി​ക്കു​ന്ന​തി​നാൽ അത്തരം കാര്യങ്ങൾ പഠിക്കു​ന്ന​തി​നു മതിയായ അവസര​മുണ്ട്‌. (എഫെസ്യർ 4:16 താരത​മ്യം ചെയ്യുക.) ടീം സ്‌പോർട്‌സ്‌ നേരം​പോ​ക്കും ആയിരു​ന്നേ​ക്കാം, എന്നാൽ അവ ആസ്വദി​ക്കാൻ നിങ്ങൾ ഒരു ടീമിൽ ആയിരി​ക്ക​ണ​മെ​ന്നില്ല. ചില കളികൾ ക്രിസ്‌തീയ സുഹൃ​ത്തു​ക്ക​ളോ​ടൊ​പ്പം മുറ്റത്തോ പ്രാ​ദേ​ശിക പാർക്കി​ലോ ആസ്വദി​ക്കാൻ കഴിയും. കുടുംബ ഉല്ലാസ​യാ​ത്രകൾ ആരോ​ഗ്യാ​വ​ഹ​മായ കളിക്കു കൂടു​ത​ലായ അവസരങ്ങൾ പ്രദാനം ചെയ്‌തേ​ക്കാം. 16 വയസ്സു​കാ​ര​നായ ഗ്രെഗ്‌ ഇങ്ങനെ പറയുന്നു: “നിങ്ങളു​ടെ സഭയിലെ മറ്റുള്ള​വ​രോ​ടൊ​പ്പം കളിക്കു​ന്നത്‌ എത്രയോ നല്ലതാണ്‌. അതു കേവലം നേര​മ്പോ​ക്കി​നാണ്‌, നിങ്ങൾ നിങ്ങളു​ടെ സുഹൃ​ത്തു​ക്ക​ളോ​ടൊ​പ്പ​വു​മാണ്‌!”

നിങ്ങളു​ടെ സുഹൃ​ത്തു​ക്ക​ളോ​ടൊ​പ്പം കളിക്കു​ന്നത്‌ ഒരുപക്ഷേ, വിജയി​ക്കുന്ന ടീമി​ലാ​യി​രി​ക്കു​ന്ന​തി​ന്റെ അതേ ഹർഷോ​ന്മാ​ദം നൽകു​ക​യില്ല എന്നതു സത്യം തന്നെ. എന്നുവ​രി​കി​ലും, ഏറ്റവും അനുകൂ​ല​മായ സാഹച​ര്യ​ങ്ങ​ളിൽപോ​ലും “ശാരീ​രിക പരിശീ​ലനം അൽപ്പം [മാത്രം] പ്രയോ​ജ​ന​മു​ള്ള​താ​കു​ന്നു; എന്നാൽ ദൈവിക ഭക്തിയോ സകലത്തി​നും പ്രയോ​ജ​ന​ക​ര​മാ​കു​ന്നു” എന്നതു മറക്കരുത്‌. (1 തിമോ​ത്തി 4:8, NW) ദൈവിക ഭക്തി വികസി​പ്പി​ച്ചെ​ടു​ക്കുക, ദൈവ​ദൃ​ഷ്ടി​യിൽ നിങ്ങൾ യഥാർഥ​ത്തിൽ ഒരു വിജയി​യാ​യി​രി​ക്കും!

[അടിക്കു​റിപ്പ്‌]

[22-ാം പേജിലെ ആകർഷ​ക​വാ​ക്യം]

“ഞങ്ങളുടെ കോച്ച്‌ ഒരു യഥാർഥ സ്‌പോർട്‌സ്‌ ഭ്രാന്ത​നാ​യി​രു​ന്നു; എല്ലായ്‌പോ​ഴും ഞങ്ങളു​ടെ​നേർക്ക്‌ ആക്രോ​ശി​ക്കു​ക​യും അലറു​ക​യും ചെയ്യു​മാ​യി​രു​ന്നു . . . പരിശീ​ല​ന​ത്തി​നു പോകു​ന്നത്‌ എനിക്കു പ്രാണ​ഭ​യ​മാ​യി​രു​ന്നു”

[23-ാം പേജിലെ ചിത്രം]

ഒട്ടുമിക്കപ്പോഴും, കോച്ചു​മാർ വിജയ​ത്തിന്‌ ഊന്നൽ കൊടു​ക്കു​ന്നു—അതു മറ്റുള്ള​വരെ മുറി​വേൽപ്പി​ച്ചി​ട്ടാ​ണെ​ങ്കിൽക്കൂ​ടി