കുട്ടി​ക​ളു​ടെ കളികൾ—പെരു​കുന്ന കയ്യാങ്ക​ളി​കൾ

◼ ഒരു കൂട്ടം ഹൈസ്‌കൂൾ വിദ്യാർഥി​കൾ ഒരു ഫുട്‌ബോൾ മത്സരത്തി​നാ​യി കൂടി​വ​രു​ന്നു. കളി സമനി​ല​യിൽ എത്തിയ​തി​നാൽ കൂടുതൽ സമയം അനുവ​ദി​ക്കു​ന്നു. ഒടുവിൽ നെറ്റു ചലിക്കു​മ്പോൾ നൂറി​ല​ധി​കം വരുന്ന രക്ഷാകർത്താ​ക്ക​ളും പരിശീ​ല​ക​രും കളിക്കാ​രും പരസ്‌പരം ആക്രോ​ശി​ക്കാ​നും പിടി​ച്ചു​ത​ള്ളാ​നും തുടങ്ങു​ന്നു. അങ്ങനെ കളി കയ്യാങ്ക​ളി​യിൽ അവസാ​നി​ക്കു​ന്നു.

◼ ഒമ്പതി​നും പന്ത്രണ്ടി​നും ഇടയ്‌ക്കു പ്രായ​മുള്ള ഒരുകൂ​ട്ടം ബാലി​കാ​ബാ​ല​ന്മാർ ഫുട്‌ബോൾ കളിയിൽ ഏർപ്പെ​ട്ടി​രി​ക്കു​ക​യാണ്‌. കൂട്ടത്തി​ലെ ഒരു പന്ത്രണ്ടു വയസ്സു​കാ​രൻ, കൂട്ടു​കാ​രൻ തട്ടി​ക്കൊ​ടുത്ത പന്ത്‌ നഷ്ടപ്പെ​ടു​ത്തു​ന്നു. ക്ഷുഭി​ത​നായ പരിശീ​ലകൻ അവനെ കഴുത്തി​നു പിടിച്ചു തള്ളുന്നു. നിലത്തു​വീണ കുട്ടി​യു​ടെ കൈ രണ്ടും ഒടിയു​ന്നു.

◼ എട്ടു മുതൽ പന്ത്രണ്ടു വരെ വയസ്സുള്ള കുട്ടികൾ അടങ്ങിയ ഒരു ലിറ്റിൽ ലീഗ്‌ ബേസ്‌ബോൾ ടീമിന്റെ പരിശീ​ലകൻ ഒരു കളിക്കാ​രനെ കളിയിൽനി​ന്നു പിൻവ​ലി​ക്കു​ന്നു. കുട്ടി​യു​ടെ പിതാവ്‌ പരിശീ​ല​കനു നേരെ വധഭീ​ഷണി മുഴക്കു​ന്നു. ഫലമോ? 45 ദിവസത്തെ തടവു​ശിക്ഷ.

◼ ഒരിക്കൽ, ഐസ്‌ ഹോക്കി​യിൽ കുട്ടി​ക​ളു​ടെ പരിശീ​ലനം നടക്കു​മ്പോൾ, കളിയി​ലെ നിയമങ്ങൾ പാലി​ക്കു​ന്ന​തി​നെ ചൊല്ലി രണ്ടു രക്ഷാകർത്താ​ക്കൾ തമ്മിൽ ഉഗ്രൻ വഴക്ക്‌. ഒടുവിൽ കോപാ​ക്രാ​ന്ത​നായ ഒരാൾ മറ്റെയാ​ളെ അയാളു​ടെ മൂന്നു മക്കളുടെ മുന്നി​ലിട്ട്‌ അടിച്ചു​കൊ​ല്ലു​ന്നു.

നമ്മെ സ്‌തബ്ധ​രാ​ക്കുന്ന ഇത്തരം റിപ്പോർട്ടു​കൾ ഇന്നു സർവസാ​ധാ​രണം ആയിത്തീർന്നി​രി​ക്കു​ക​യാണ്‌. കളികൾ അരങ്ങേ​റുന്ന പുൽത്ത​കി​ടി​ക​ളി​ലും മൈതാ​ന​ങ്ങ​ളി​ലും ബേസ്‌ ബോൾ കോർട്ടു​ക​ളി​ലും ഐസ്‌-സ്‌കേ​റ്റിങ്‌ നടക്കുന്ന ഹിമപ്പ​ര​പ്പു​ക​ളി​ലും അക്രമം ഒരു പകർച്ച​വ്യാ​ധി​പോ​ലെ പടരുന്നു. കുട്ടികൾ തോൽക്കാൻ പോവു​ക​യാ​ണെന്നു മനസ്സി​ലാ​ക്കു​മ്പോൾ പല രക്ഷാകർത്താ​ക്ക​ളും പരിശീ​ല​ക​രും അടിയു​ണ്ടാ​ക്കു​ന്നു. ജൂപ്പിറ്റർ-ടെക്വസ്റ്റ (ഫ്‌ളോ​റിഡ) അത്‌ല​റ്റിക്‌ അസോ​സി​യേഷൻ പ്രസി​ഡന്റ്‌ ജെഫ്‌റി ലെസ്‌ലി പറയു​ന്നതു ശ്രദ്ധിക്കൂ: “കളിയിൽ മികവു കാട്ടാൻ കുട്ടി​ക​ളു​ടെ മേൽ ശക്തമായ സമ്മർദം ചെലു​ത്തി​ക്കൊണ്ട്‌ അവരുടെ നേരെ ആക്രോ​ശി​ക്കുന്ന മാതാ​പി​താ​ക്കളെ ഞാൻ കണ്ടിട്ടുണ്ട്‌. മാതാ​പി​താ​ക്ക​ളു​ടെ പ്രേര​ണ​യ്‌ക്കു വഴങ്ങി കളിക്കി​ട​യിൽ ഇടിയും തൊഴി​യും ആയുധ​മാ​ക്കി​യി​രി​ക്കുന്ന കുട്ടി​ക​ളുണ്ട്‌. മാതാ​പി​താ​ക്ക​ളു​ടെ ശകാരം സഹിക്ക​വ​യ്യാ​തെ . . . കളിത്ത​ട്ടിൽ നിന്നു ചില കൊച്ചു​കു​ട്ടി​കൾ കരഞ്ഞു​പോ​കാ​റുണ്ട്‌.” അദ്ദേഹം ഇങ്ങനെ തുടരു​ന്നു: “കുട്ടി​ക​ളു​ടെ കായി​ക​മേ​ളകൾ പോലെ മാതാ​പി​താ​ക്കൾ ഇത്ര തരംതാ​ണു പോകുന്ന മറ്റൊ​രേർപ്പാ​ടും ഉണ്ടെന്നു തോന്നു​ന്നില്ല.” ഇത്തരം അക്രമ​ങ്ങ​ളിൽ നിന്നു കുട്ടി​കളെ രക്ഷിക്കു​ന്ന​തിന്‌ ചില നാടു​ക​ളിൽ കുട്ടി​ക​ളു​ടെ കായി​ക​മേ​ള​ക​ളിൽ മാതാ​പി​താ​ക്കൾക്കു പ്രവേ​ശനം വിലക്കുന്ന അളവോ​ളം സംഘാ​ട​കർക്കു പോ​കേണ്ടി വന്നിട്ടുണ്ട്‌.

ആളിപ്പ​ട​രു​ന്ന ഈ കോപാ​വേ​ശങ്ങൾ എന്തി​ലേക്കു നയിച്ചി​രി​ക്കു​ന്നു? ഫ്‌ളോ​റിഡ കേന്ദ്ര​മാ​ക്കി​യുള്ള നാഷണൽ അലയൻസ്‌ ഫോർ യൂത്ത്‌ സ്‌പോർട്‌സി​ന്റെ സ്ഥാപക​നും പ്രസി​ഡ​ന്റു​മായ ഫ്രെഡ്‌ ഇങ്‌ ഇങ്ങനെ വിലയി​രു​ത്തു​ന്നു: “മുതിർന്ന​വർക്കി​ട​യി​ലെ ഇത്തരം തരംതാണ സ്വഭാ​വ​പ്ര​ക​ട​നങ്ങൾ കുട്ടി​ക​ളു​ടെ കായി​ക​മേ​ള​ക​ളിൽ കരിനി​ഴൽ വീഴ്‌ത്തു​ക​യാണ്‌. അവ അതിന്റെ ആസ്വാ​ദ്യത മുഴുവൻ നശിപ്പി​ക്കു​ക​യും ദശലക്ഷ​ക്ക​ണ​ക്കി​നു കുട്ടി​ക​ളിൽ അക്രമം സംബന്ധിച്ച്‌ ഒരു അനുവാ​ദാ​ത്മക മനോ​ഭാ​വം സൃഷ്ടി​ച്ചു​കൊണ്ട്‌ ഇളം മനസ്സു​ക​ളിൽ വിഷം കുത്തി​വെ​ക്കു​ക​യും ചെയ്യുന്നു.”

എന്തു വില കൊടു​ത്തും വിജയി​ക്കു​ക

എന്റെ മകൻ അല്ലെങ്കിൽ മകൾ മറ്റു കുട്ടി​ക​ളെ​ക്കാൾ എവി​ടെ​യും ഒരുപടി മികച്ചു നിൽക്കണം, എന്തു വില കൊടു​ത്താ​യാ​ലും വിജയ​തി​ലകം അണിയണം എന്നും മറ്റുമുള്ള ചില മാതാ​പി​താ​ക്ക​ളു​ടെ ദുരാ​ഗ്ര​ഹ​മാണ്‌ ഈ പ്രശ്‌ന​ത്തി​ന്റെ നാരാ​യ​വേര്‌. കാനഡ​യി​ലെ ശിശു​ദ്രോഹ വിരുദ്ധ സ്ഥാപന​ത്തി​ന്റെ ഒരു പ്രതി​നി​ധി ഇങ്ങനെ പറയുന്നു: “വിജയ​ത്തി​നും കരുത്തി​നും നൽകുന്ന അമിത പ്രാധാ​ന്യം ആളുകളെ അന്ധരാ​ക്കു​മ്പോൾ കയ്യൂക്കു കുറഞ്ഞവൻ തല്ലു കൊ​ള്ളേ​ണ്ടി​വ​രു​ന്നു. ഇത്തരം മേളക​ളിൽ ഏറ്റവും അപായ സാധ്യത ഉള്ളത്‌ കുട്ടി​കൾക്കാണ്‌.” കാനഡ​യി​ലെ ഒൺടേ​റി​യോ കായി​കാ​രോ​ഗ്യ വിദ്യാ​ഭ്യാ​സ സമിതി​യി​ലെ ഒരു ഉദ്യോ​ഗ​സ്ഥന്റെ നിരീ​ക്ഷ​ണ​ത്തിൽ ഇത്തരം സമ്മർദ​ങ്ങൾക്കു വിധേ​യ​രാ​കുന്ന കുട്ടി​ക​ളിൽ “വളരെ ചെറു​പ്പ​ത്തി​ലേ തന്നെ മാനസി​കാ​രോ​ഗ്യ പ്രശ്‌നങ്ങൾ തലപൊ​ക്കാൻ സാധ്യ​ത​യുണ്ട്‌. മുതിർന്നു വരു​മ്പോൾ പരാജ​യങ്ങൾ ഉൾക്കൊ​ള്ളാൻ അവർ നന്നേ ബുദ്ധി​മു​ട്ടി​യേ​ക്കാം.”

മാതാ​പി​താ​ക്ക​ളു​ടെ​യും അമിതാ​വേശം പൂണ്ട പരിശീ​ല​ക​രു​ടെ​യും കോപാ​വേ​ശങ്ങൾ കൊച്ചു​ക​ളി​ക്കാ​രി​ലേ​ക്കും പടരു​ന്ന​തിൽ അതിശ​യ​മില്ല. പെൺകു​ട്ടി​ക​ളു​ടെ ഒരു വോളി​ബോൾ കളിയിൽ ഏഴു തവണ അവർ റഫറി​മാ​രെ ആക്രമി​ച്ചു. ഒരിക്കൽ ഒരു ടെന്നീസ്‌ മത്സരത്തിൽനി​ന്നും പുറത്താ​ക്ക​പ്പെട്ട ഒരു പെൺകു​ട്ടി സംഘാ​ട​കന്റെ കാർ തല്ലി​പ്പൊ​ളി​ച്ചു​കൊ​ണ്ടാണ്‌ പക പോക്കി​യത്‌. ഒരു ഗുസ്‌തി​മ​ത്സ​ര​ത്തിൽ ഫൗൾ വിളി​ച്ച​തിന്‌ ഹൈസ്‌കൂൾ വിദ്യാർഥി​യായ ഒരു ‘കുട്ടി​ച്ച​ട്ടമ്പി’ തന്റെ തലകൊണ്ട്‌ റഫറി​യു​ടെ നെറ്റി​ക്കിട്ട്‌ ഒരെണ്ണം കൊടു​ത്തു. നക്ഷത്ര​മെ​ണ്ണി​പ്പോയ റഫറി ബോധം കെട്ടു വീണു​പോ​യി. “യുവജ​ന​ങ്ങ​ളു​ടെ കായി​ക​വി​നോ​ദ​ങ്ങ​ളിൽ മുൻകാ​ലത്ത്‌ നല്ല ചിട്ടക​ളും മാന്യ​മായ പെരു​മാ​റ്റ​വു​മൊ​ക്കെ നിലനി​ന്നി​രു​ന്ന​താണ്‌” എന്ന്‌ കുട്ടി​ക​ളു​ടെ പെരു​മാറ്റ വൈക​ല്യ​ങ്ങളെ കുറി​ച്ചും ബാല കായി​ക​താ​ര​ങ്ങളെ കുറി​ച്ചും പഠിക്കുന്ന ഡാറെൽ ബർണെറ്റ്‌ എന്ന മനശ്ശാ​സ്‌ത്രജ്ഞൻ അഭി​പ്രാ​യ​പ്പെ​ടു​ന്നു. “എന്നാൽ ഇന്ന്‌, അവയിൽ വിനോ​ദ​ത്തി​ന്റെ തരിമ്പു പോലും അവശേ​ഷി​ക്കു​ന്നി​ല്ലാ​ത്ത​തി​നാൽ അവ കായിക വിനോ​ദ​ങ്ങളേ അല്ലാതാ​യി​രി​ക്കു​ന്നു” എന്ന്‌ അദ്ദേഹം ഖേദ​ത്തോ​ടെ പറയുന്നു.

മാതാ​പി​താ​ക്കൾക്കു ചെയ്യാൻ കഴിയു​ന്നത്‌

സ്‌പോർട്‌സ്‌ കുട്ടി​കൾക്കു വിനോ​ദം പകരുന്നു. മാത്രമല്ല, ഓടാ​നും ചാടാ​നു​മുള്ള അവസര​വും അവ പ്രദാനം ചെയ്യുന്നു. കുട്ടികൾ സ്‌പോർട്‌സ്‌ ഇഷ്ടപ്പെ​ടു​ന്ന​തി​ന്റെ കാരണം ഇതൊ​ക്കെ​യാ​ണെന്ന്‌ മാതാ​പി​താ​ക്കൾ മനസ്സിൽ പിടി​ക്കു​ന്നതു നന്നായി​രി​ക്കും. അതു​കൊണ്ട്‌ കുട്ടി​ക​ളു​ടെ സ്‌പോർട്‌സ്‌ സമ്മർദ പൂരി​ത​മാ​ക്കു​ക​യും അവരെ നാവു​കൊ​ണ്ടു പീഡി​പ്പി​ക്കു​ക​യും ചെയ്യു​ന്നത്‌ സ്‌നേ​ഹ​ര​ഹി​ത​മാണ്‌. അത്‌ വിപരീ​ത​ഫലം ഉളവാ​ക്കു​ക​യും ചെയ്യും. “മാതാ​പി​താ​ക്കളേ, നിങ്ങളു​ടെ മക്കളെ നീരസ​ത്തി​ലേക്കു തള്ളിവി​ട​രുത്‌” എന്ന്‌ ബൈബിൾ ബുദ്ധി​യു​പ​ദേ​ശി​ക്കു​ന്നു.—എഫെസ്യർ 6:4, ദ ജറുസ​ലേം ബൈബിൾ.

മാതാ​പി​താ​ക്കൾക്ക്‌ ഇക്കാര്യം സംബന്ധിച്ച്‌ എങ്ങനെ സമനില പാലി​ക്കാൻ കഴിയും? ആദ്യം​തന്നെ, ചെറു​പ്പ​മാ​യി​രു​ന്ന​പ്പോൾ നിങ്ങൾ എങ്ങനെ​യാ​യി​രു​ന്നു എന്നു ചിന്തി​ക്കു​ന്നതു നന്നായി​രി​ക്കും. നിങ്ങളു​ടെ പ്രകടനം പ്രൊ​ഫ​ഷണൽ കായി​ക​താ​ര​ങ്ങ​ളു​ടെ ഏഴയല​ത്തെ​ങ്കി​ലും എത്തുമാ​യി​രു​ന്നോ? നിങ്ങൾക്കു കഴിയാ​ഞ്ഞത്‌ നിങ്ങളു​ടെ മകനോ മകളോ ചെയ്യണ​മെന്നു നിങ്ങൾ വാശി​പി​ടി​ക്കു​ന്നതു ന്യായ​മാ​ണോ? ‘കുട്ടികൾ തീരെ ഇളപ്പമാ​ണെന്ന്‌’ ഓർക്കുക. (ഉല്‌പത്തി 33:13, ന്യൂ ഇൻഡ്യാ ബൈബിൾ ഭാഷാ​ന്തരം) കൂടാതെ ജയാപ​ജ​യങ്ങൾ സംബന്ധിച്ച്‌ ഉചിത​മായ ഒരു വീക്ഷണം പുലർത്താൻ ശ്രമി​ക്കുക. കടിഞ്ഞാ​ണി​ല്ലാത്ത കിടമ​ത്സ​രത്തെ “മായയും വൃഥാ​പ്ര​യ​ത്‌ന​വും” എന്നാണു ബൈബിൾ വിളി​ക്കു​ന്നത്‌.—സഭാ​പ്ര​സം​ഗി 4:4.

ജയാപ​ജ​യ​ങ്ങൾ സംബന്ധി​ച്ചു സമനി​ല​യുള്ള ഒരു കാഴ്‌ച​പ്പാ​ടു നിലനി​റു​ത്താൻ ഒരു പ്രമുഖ ബേസ്‌ ബോൾ ടീമിലെ മുൻ കളിക്കാ​രൻ മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ന്നു. മകനോ മകളോ പ്രതീ​ക്ഷ​യ്‌ക്കൊത്ത്‌ ഉയരാ​തി​രി​ക്കു​മ്പോൾ നീരസ​പ്പെ​ടു​ക​യോ വിജയം കൊയ്യു​മ്പോൾ അമിത​മാ​യി ആഹ്ലാദി​ക്കു​ക​യോ ചെയ്യരുത്‌ എന്ന്‌ അദ്ദേഹം ഉപദേ​ശി​ക്കു​ന്നു. വിജയ​മാണ്‌ ജീവി​ത​ത്തി​ലെ എല്ലാ​മെ​ല്ലാം എന്ന വീക്ഷണം മാറ്റി, കുട്ടികൾ ആരോ​ഗ്യ​മു​ള്ള​വ​രാ​യി​രി​ക്കു​ന്ന​തി​ന്റെ പ്രയോ​ജ​നങ്ങൾ തിരി​ച്ച​റിഞ്ഞ്‌ അവരുടെ ഉല്ലാസ​ത്തിൽ മാതാ​പി​താ​ക്കൾ ശ്രദ്ധ കേന്ദ്രീ​ക​രി​ക്കണം.

കുട്ടി​ക​ളു​ടെ കായി​ക​മേ​ളകൾ അനാ​രോ​ഗ്യ​ക​ര​മായ ഒരു മത്സരമ​നോ​ഭാ​വം വളർത്തു​ന്നു​ണ്ടെന്നു ചില മാതാ​പി​താ​ക്കൾ കരുതു​ന്നു. അവരുടെ കുട്ടികൾ കൂട്ടു​കാ​രു​മൊത്ത്‌ കായിക വിനോ​ദ​ങ്ങ​ളി​ലേ പങ്കെടു​ക്കില്ല എന്നല്ല ഇതിനർഥം. ദൃഷ്ടാ​ന്ത​ത്തിന്‌, ക്രിസ്‌തീയ മാതാ​പി​താ​ക്ക​ളിൽ പലരും തങ്ങളുടെ കുട്ടി​കളെ സഹവി​ശ്വാ​സി​ക​ളായ കൂട്ടു​കാ​രു​മൊത്ത്‌ മുറ്റത്തും പറമ്പി​ലും പാർക്കി​ലും കളിക്കാൻ അനുവ​ദി​ക്കാ​റുണ്ട്‌. കുട്ടി​ക​ളു​ടെ കൂട്ടു​കെട്ട്‌, സഹവാസം എന്നിവ​യു​ടെ​മേൽ ഒരു കണ്ണുണ്ടാ​യി​രി​ക്കാ​നും ഇതുവഴി അവർക്കു സാധി​ക്കു​ന്നു. കുടും​ബം ഒരുമിച്ച്‌ ഇടയ്‌ക്കൊ​ക്കെ പുറത്തു​പോ​കു​ന്നത്‌ കുട്ടി​കൾക്ക്‌ കളിക്കാ​നുള്ള കൂടു​ത​ലായ അവസരങ്ങൾ നൽകി​യേ​ക്കും. കായിക മേളക​ളി​ലെ മത്സരങ്ങ​ളു​ടെ അത്ര ഹരം കൊള്ളി​ക്കു​ന്ന​താ​യി​രി​ക്കില്ല വീട്ടു​മു​റ്റത്തെ കളികൾ എന്നതു വാസ്‌ത​വ​മാണ്‌. എന്നിരു​ന്നാ​ലും, “ശരീരാ​ഭ്യാ​സം അല്‌പ​പ്ര​യോ​ജ​ന​മു​ള്ള​ത​ത്രേ; ദൈവ​ഭ​ക്തി​യോ . . . സകലത്തി​ന്നും പ്രയോ​ജ​ന​ക​ര​മാ​കു​ന്നു” എന്ന വസ്‌തുത മറക്കാ​തി​രി​ക്കുക. (1 തിമൊ​ഥെ​യൊസ്‌ 4:8) സ്‌പോർട്‌സ്‌ സംബന്ധിച്ച്‌ സമനി​ല​യുള്ള വീക്ഷണം പുലർത്തി​ക്കൊണ്ട്‌ അക്രമ​ത്തി​ന്റെ ഈ പുതിയ പകർച്ച​വ്യാ​ധി​യിൽ നിന്ന്‌ നിങ്ങളു​ടെ കുട്ടിയെ രക്ഷിക്കാ​നാ​വും. (g02 12/08)

[15-ാം പേജിലെ ചിത്രങ്ങൾ]

സ്‌പോർട്‌സ്‌ ഉല്ലാസ​ത്തി​നു വേണ്ടി ആയിരി​ക്കണം, കലഹി​ക്കാ​നാ​യി​രി​ക്ക​രുത്‌