അന്തർദ്ദേ​ശീയ നിർമ്മാ​ണ​ത്തിൽ പുതു​മ​യു​ള്ളത്‌

ഈജി​പ്‌റ​റി​ലെ പിരമി​ഡു​കൾ, ചൈന​യി​ലെ വൻമതിൽ എന്നിവ പോലുള്ള നിർമ്മാണ പ്രവർത്ത​ന​ങ്ങ​ളിൽ അനേകർ ആശ്ചര്യ​പ്പെ​ടു​ന്നു. കാൽ മൈൽ ഉയരമുള്ള ആധുനിക അംബര​ചും​ബി​ക​ളും ഭയാവ​ഹ​ങ്ങ​ളാണ്‌. എന്നിരു​ന്നാ​ലും, മറെറാ​രു നിർമ്മാണ പദ്ധതി​യു​ടെ സവി​ശേ​ഷ​തകൾ സമാന​മാ​യി അത്ഭുത​പ്പെ​ടു​ത്തു​ന്ന​താണ്‌.

സ്വമേ​ധ​യാ​സേ​വകർ ലോക​വ്യാ​പ​ക​മാ​യി ഡസൻ കണക്കിന്‌ ബൃഹത്തായ പദ്ധതികൾ നിർമ്മി​ക്കു​ക​യാണ്‌. ഇവരിൽ അനേകം സ്വമേ​ധ​യാ​സേ​വ​ക​രും കെട്ടി​ടങ്ങൾ നിർമ്മി​ക്ക​പ്പെ​ടുന്ന അതേ രാജ്യ​ങ്ങ​ളിൽ നിന്നു​മു​ള്ള​വ​രാണ്‌. എന്നാൽ മിക്ക​പ്പോ​ഴും കൂടു​ത​ലായ സഹായം ആവശ്യ​മാ​യ​തി​നാൽ മററു രാജ്യ​ങ്ങ​ളിൽ നിന്നു​മുള്ള വേലക്കാർ തങ്ങളുടെ യാത്ര​ച്ചെ​ല​വി​നാ​യി ദശലക്ഷ​ക്ക​ണ​ക്കിന്‌ ഡോളർ മുടക്കി വിദൂ​ര​ത്തുള്ള നിർമ്മാണ സ്ഥലങ്ങളി​ലേക്ക്‌ പോയി​ട്ടുണ്ട്‌. ഈ സ്വമേ​ധ​യാ​സേ​വ​ക​രിൽ അനേകർ ജോലി ചെയ്യു​ന്ന​തി​നാ​യി തങ്ങളുടെ അവധി ത്യാഗം ചെയ്‌തി​ട്ടുണ്ട്‌; മററു ചിലർ സാധാരണ ജോലി​യിൽ നിന്നും അവധി​യെ​ടു​ക്കു​ക​യും ഗണ്യമായ വരുമാ​നം നഷ്ടപ്പെ​ടു​ത്തു​ക​യും ചെയ്യുന്നു.

ഈ അത്ഭുത​ക​ര​മായ സഹായ​ശ്രമം ന്യൂ​യോർക്കി​ലെ ബ്രൂക്ലി​നി​ലുള്ള യഹോ​വ​യു​ടെ സാക്ഷി​ക​ളു​ടെ ആസ്ഥാനത്തു നിന്നും സമന്വ​യി​പ്പി​ക്ക​പ്പെ​ട്ടി​രി​ക്കുന്ന, സ്വമേ​ധ​യാ​സേ​വ​ക​രു​ടെ അന്തർദ്ദേ​ശീയ നിർമ്മാണ പദ്ധതി​യാണ്‌. 1985 നവംബ​റിൽ ഈ നിർമ്മാണ പദ്ധതി ആരംഭി​ച്ചതു മുതൽ തങ്ങളുടെ സ്വന്തം ചെലവു​കൾ വഹിച്ചു​കൊണ്ട്‌ വടക്കേ അമേരിക്ക, തെക്കേ അമേരിക്ക, ആസ്‌​ത്രേ​ലിയ, ആഫ്രിക്ക, യൂറോപ്പ്‌ എന്നിവി​ട​ങ്ങ​ളി​ലും വ്യത്യസ്‌ത ദ്വീപു​ക​ളി​ലു​മുള്ള 30-ലധികം നിർമ്മാണ സ്ഥലങ്ങളി​ലേക്ക്‌ 3,000-ത്തിലധി​കം പേർ വന്നെത്തി​യി​ട്ടുണ്ട്‌.

ഇപ്പോൾ, ഏതാണ്ട്‌ 25 രാജ്യ​ങ്ങ​ളി​ലാ​യി 600-ഓളം അന്തർദ്ദേ​ശീയ സ്വമേ​ധ​യാ​സേ​വകർ വേല ചെയ്യു​ന്നുണ്ട്‌. അവരിൽ 400-ലധികം പേർ ഒന്നോ അതില​ധി​ക​മോ വർഷ​ത്തേ​ക്കുള്ള ദീർഘ​കാല നിയമ​ന​ങ്ങ​ളി​ലാണ്‌, അവർ “അന്തർദ്ദേ​ശീയ സേവകൻമാർ” എന്ന്‌ വിളി​ക്ക​പ്പെ​ടു​ന്നു. ശേഷി​ച്ചവർ രണ്ടാഴ്‌ച തൊട്ട്‌ മൂന്നു മാസം വരെയുള്ള ഹ്രസ്വ-കാല നിയമ​ന​ങ്ങ​ളി​ലാണ്‌.

എന്തു​കൊ​ണ്ടാണ്‌ ഈ ജോലി​ക്കാ​രെ​ല്ലാം കൂലി കൂടാതെ തങ്ങളുടെ കഴിവു​ക​ളും അദ്ധ്വാ​ന​വും സ്വമേ​ധയാ അർപ്പി​ക്കു​ന്നത്‌? ഈ വ്യക്തി​പ​ര​മായ ത്യാഗങ്ങൾ ചെയ്യു​വാൻ തക്കവണ്ണം അവർ ഇത്രമാ​ത്രം പ്രധാ​ന്യ​മു​ള്ള​താ​യി കരുതു​ന്നത്‌ എന്താണ്‌?

ബൈബിൾ പ്രവചനം നിറ​വേ​റ​റാൻ

അന്തർദ്ദേ​ശീയ നിർമ്മാണ പദ്ധതി​യോ​ടുള്ള ആശ്ചര്യ​ക​ര​മായ പ്രതി​ക​ര​ണ​ത്തി​ന്റെ കാരണം ഒരു ചോദ്യ​ത്തി​നുള്ള മറുപ​ടി​യിൽ കാണുന്നു. 1,900 വർഷങ്ങൾക്കു മുൻപ്‌, യേശു​വി​ന്റെ ശിഷ്യൻമാർ അവനോ​ടു ചോദി​ച്ചു: “നിന്റെ വരവി​നും ലോകാ​വ​സാ​ന​ത്തി​നും അടയാ​ള​മെന്ത്‌?” വ്യാപ​ക​മായ യുദ്ധങ്ങൾ, ഭക്ഷ്യക്ഷാ​മം, പകർച്ച​വ്യാ​ധി​കൾ, ഭൂകമ്പങ്ങൾ എന്നിവ​പോ​ലുള്ള കാര്യങ്ങൾ വർണ്ണി​ച്ച​ശേഷം യേശു പറഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും അപ്പോൾ അവസാനം വരും.”—മത്തായി 24:3, 14.

യേശു​വി​ന്റെ പ്രവചനം നിറ​വേ​റി​ക്കൊ​ണ്ടി​രി​ക്കു​ന്നത്‌ ഇപ്പോ​ഴാ​ണെന്ന്‌ ഈ സ്വമേ​ധയാ വേലക്കാർക്ക്‌ ബോദ്ധ്യ​മുണ്ട്‌. അതു​കൊണ്ട്‌ ഈ വ്യവസ്ഥി​തി​യു​ടെ അന്ത്യം വരുന്ന​തി​നു മുമ്പ്‌ രാജ്യ​പ്ര​സം​ഗം പുരോ​ഗ​മി​പ്പി​ക്കു​ന്ന​തി​നു തങ്ങളാൽ കഴിവു​ള്ള​തെ​ല്ലാം ചെയ്യാൻ അവർ സന്തോ​ഷ​മു​ള്ള​വ​രാണ്‌. രാജ്യ​സ​ന്ദേശം അച്ചടി​ക്കു​ന്ന​തി​നും വിതരണം ചെയ്യു​ന്ന​തി​നു​മുള്ള സൗകര്യ​ങ്ങൾ നിർമ്മി​ക്കു​ന്ന​തി​നുള്ള ഇത്തരം വ്യക്തി​ക​ളു​ടെ ശ്രമങ്ങളെ സമന്വ​യി​പ്പി​ക്കു​ന്ന​തി​നാണ്‌ ഈ അന്തർദ്ദേ​ശീയ നിർമ്മാണ പദ്ധതി സ്ഥാപി​ക്ക​പ്പെ​ട്ടത്‌.

രാജ്യ​വേ​ല​യു​ടെ വികസനം

മനുഷ്യ​വർഗ്ഗ​ത്തി​ന്റെ ഏകപ്ര​ത്യാ​ശ​യെന്ന നിലയിൽ ദൈവ​രാ​ജ്യ​ത്തെ വിശേ​ഷ​വൽക്ക​രി​ക്കുന്ന 67,85,09,507 വീക്ഷാ​ഗോ​പു​രം, ഉണരുക! മാസി​ക​ക​ളാണ്‌ കഴിഞ്ഞ വർഷം യഹോ​വ​യു​ടെ സാക്ഷി​ക​ളാൽ നടത്ത​പ്പെ​ടുന്ന സ്ഥാപന​ങ്ങ​ളിൽ നിന്നും അച്ചടി​ക്ക​പ്പെ​ട്ടത്‌. എന്നുപ​റ​ഞ്ഞാൽ ഓരോ ജോലി​ദി​ന​ത്തി​ലും 20 ലക്ഷത്തി​ല​ധി​കം മാസി​ക​യാണ്‌—നിങ്ങൾ വായി​ക്കു​ന്ന​തു​പോ​ലു​ള്ളത്‌—അച്ചടി​യ​ന്ത്ര​ങ്ങ​ളിൽ നിന്നും പുറത്ത്‌ വരുന്നത്‌! അതിനു​പു​റമേ, ഓരോ വർഷവും കോടി​ക്ക​ണ​ക്കിന്‌ ബൈബി​ളു​ക​ളും പുസ്‌ത​ക​ങ്ങ​ളും ചെറു​പു​സ്‌ത​ക​ങ്ങ​ളും ലഘുപ​ത്രി​ക​ക​ളും അച്ചടി​ക്കു​ക​യും വിതരണം ചെയ്യു​ക​യും ചെയ്യു​ന്നുണ്ട്‌.

ഏററവും വലിയ അച്ചടി​സൗ​ക​ര്യ​ങ്ങൾ യഹോ​വ​യു​ടെ സാക്ഷി​ക​ളു​ടെ ന്യൂ​യോർക്കി​ലെ ബ്രൂക്ലി​നി​ലുള്ള അന്തർദ്ദേ​ശീയ ആസ്ഥാന​ത്തും ന്യൂ​യോർക്കി​ലുള്ള വോൾക്കി​ലിന്‌ സമീപ​ത്തു​മാ​ണു​ള്ളത്‌. എന്നിരു​ന്നാ​ലും 1950-കളിലും 1960-കളിലും അമേരി​ക്ക​യ്‌ക്ക്‌ വെളി​യി​ലും അനേകം അച്ചടി​ശാ​ലകൾ നിർമ്മി​ക്ക​പ്പെട്ടു. അങ്ങനെ, 1970-ഓടു​കൂ​ടി ദ വാച്ച്‌ടവർ, എവേക്ക്‌! മാസി​കകൾ ജർമ്മനി, ദക്ഷിണാ​ഫ്രിക്ക, കാനഡാ, ഇംഗ്ലണ്ട്‌, സ്വിറ​റ്‌സർലണ്ട്‌, ഡെൻമാർക്ക്‌, സ്വീഡൻ, ഫ്രാൻസ്‌ എന്നിവി​ട​ങ്ങ​ളിൽ യഹോ​വ​യു​ടെ സാക്ഷി​ക​ളാൽ നടത്ത​പ്പെ​ടുന്ന സ്ഥാപന​ങ്ങ​ളിൽ നിന്നും ഉത്‌പാ​ദി​പ്പി​ക്ക​പ്പെട്ടു.

പിന്നീട്‌, 1972-ലും 1973-ലും മററ്‌ ആറു രാജ്യ​ങ്ങ​ളി​ലും യഹോ​വ​യു​ടെ സാക്ഷി​ക​ളു​ടെ അച്ചടി​ശാ​ല​ക​ളിൽ നിന്ന്‌ മാസി​കകൾ ഉല്‌പാ​ദി​പ്പി​ക്ക​പ്പെ​ടാൻ തുടങ്ങി: ജപ്പാൻ, ബ്രസീൽ, ആസ്‌​ത്രേ​ലിയ, ഘാന, നൈജീ​രിയ, ഫിലി​പ്പൈൻസ്‌. തുടർന്നുള്ള വർഷങ്ങ​ളിൽ രാജ്യ​വേല പുരോ​ഗ​മി​ച്ച​ത​നു​സ​രിച്ച്‌ ഇതിലും കഴിവു​ററ അച്ചടി​സൗ​ക​ര്യ​ങ്ങ​ളോ​ടു​കൂ​ടിയ പുതിയ ബ്രാഞ്ചാ​ഫീ​സു​ക​ളു​ടെ നിർമ്മാ​ണം ആരംഭി​ച്ചു. കുത്ത​നെ​യുള്ള വികസ​ന​ത്തി​ന്റെ ഒരു ഗ്രാഹ്യം ലഭിക്കു​ന്ന​തിന്‌, ദ വാച്ച്‌ട​വ​റ​നും എവേക്ക്‌!-നുമായി പുതിയ അച്ചടി യന്ത്രങ്ങ​ളോ​ടു​കൂ​ടിയ ബ്രാഞ്ച്‌ സമുച്ച​യങ്ങൾ താഴെ​ക്കാ​ണുന്ന തീയതി​ക​ളിൽ സമർപ്പി​ക്ക​പ്പെ​ട്ട​തി​നെ​ക്കു​റിച്ച്‌ പരിഗ​ണി​ക്കുക:

ഗ്രീസ്‌, ജനുവരി 16, 1979; സ്വീഡൻ, ഡിസംബർ 23, 1980; ബ്രസീൽ, മാർച്ച്‌ 21, 1981; കാനഡാ, ഒക്‌ടോ​ബർ 10, 1981; ഇററലി, ഏപ്രിൽ 24, 1982; റിപ്പബ്ലിക്ക്‌ ഓഫ്‌ കൊറിയ, മെയ്‌ 8, 1982; ജപ്പാൻ, മേയ്‌ 15, 1982; ആസ്‌​ത്രേ​ലിയ, മാർച്ച്‌ 19, 1983; ഡെൻമാർക്ക്‌, മേയ്‌ 21, 1983; സ്‌പെ​യിൻ, ഒക്‌ടോ​ബർ 9, 1983; നെതർലണ്ട്‌, ഒക്‌ടോ​ബർ 29, 1983; ജർമ്മനി, ഏപ്രിൽ 21, 1984; ഇന്ത്യ, ജനുവരി 20, 1985; ദക്ഷിണാ​ഫ്രിക്ക, മാർച്ച്‌ 21, 1987.

കൂടു​ത​ലാ​യി, പുതിയ ബ്രാഞ്ചാ​ഫീസ്‌ സമർപ്പി​ക്ക​പ്പെ​ടു​ക​യോ പഴയതി​നോട്‌ ഗണ്യമായ കൂട്ടി​ച്ചേർപ്പ്‌ നടത്തു​ക​യോ ചെയ്‌ത സ്ഥലങ്ങളും തീയതി​ക​ളും താഴെ കൊടു​ക്കു​ന്നു: ക്വോട്ടേ ഡെൽവോ​യർ, ഫെബ്രു​വരി 27, 1982; താഹിത്തി ഏപ്രിൽ 15, 1983; ഇംഗ്ലണ്ട്‌, ഒക്‌ടോ​ബർ 2, 1983; ഫിൻലൻറ്‌, മെയ്‌ 5, 1984; നോർവേ, മേയ്‌ 19, 1984; മാർട്ടി​നിക്ക്‌, ആഗസ്‌ററ്‌ 22, 1984; പെറു, ജനുവരി 27, 1985; മെക്‌സി​ക്കോ, ഏപ്രിൽ 13, 1985; വെനി​സ്വേല, ഏപ്രിൽ 21, 1985; ഫ്രാൻസ്‌, മേയ്‌ 4, 1985.

ചില ബ്രാഞ്ചു​ക​ളിൽ ചില നിർമ്മാ​ണ​പ്ര​വർത്ത​നങ്ങൾ സാക്ഷി​ക​ള​ല്ലാത്ത വിദഗ്‌ദ്ധ​രാൽ കൂലി​ക്കാണ്‌ ചെയ്യ​പ്പെ​ട്ട​തെ​ങ്കി​ലും പൊതു​വേ അതി​ലേ​റിയ പങ്കും സാക്ഷികൾ തന്നെയാണ്‌ ചെയ്‌തത്‌. ആയിര​ക്ക​ണ​ക്കി​നാ​ളു​കൾ, തങ്ങൾ നിർമ്മാ​ണ​രം​ഗത്ത്‌ വിദഗ്‌ദ്ധ​ര​ല്ലെ​ങ്കി​ലും തങ്ങളുടെ സേവനം സ്വമേ​ധയാ അർപ്പിച്ചു.

യഹോ​വ​യു​ടെ സാക്ഷി​ക​ളു​ടെ രാജ്യ​പ്ര​സം​ഗം വർദ്ധി​ക്കു​ന്ന​തിൽ തുടർന്ന​പ്പോൾ വിപു​ലീ​ക​രി​ക്ക​പ്പെട്ട സൗകര്യ​ങ്ങൾ ആവശ്യ​മാ​യി വന്നു. ഇവ വർദ്ധിച്ച കാര്യ​ക്ഷ​മ​ത​യോ​ടെ എങ്ങനെ നിർമ്മി​ക്കാൻ കഴിയു​മാ​യി​രു​ന്നു?

പുതിയ പദ്ധതി ആവശ്യം നിറ​വേ​റ​റു​ന്നു

അന്തർദ്ദേ​ശീയ നിർമ്മാണ വേലയു​ടെ അസാധാ​ര​ണ​മായ ഈ വളർച്ചയെ സംവി​ധാ​നം ചെയ്യു​ന്ന​തി​നും അതിനെ സഹായി​ക്കു​ന്ന​തി​നും ഈ പ്രത്യേക സ്വമേ​ധയാ പദ്ധതി വിഭാ​വ​നം​ചെ​യ്യു​ക​യും വികസി​പ്പി​ക്കു​ക​യും ചെയ്‌തു. “ഒരു നിർമ്മാണ പദ്ധതി​ക്കി​ട​യിൽ പ്രത്യേക തൊഴിൽ വൈദ​ഗ്‌ദ്ധ്യ​ങ്ങൾ പ്രത്യേക സമയങ്ങ​ളി​ലാണ്‌ ആവശ്യ​മാ​യി വരുന്നത്‌,” ഈ പദ്ധതി​യു​ടെ ഒരു മേൽനോ​ട്ട​ക്കാ​രൻ വിശദീ​ക​രി​ച്ചു, “അടിത്തറ പണിയു​മ്പോൾ മേൽക്കൂര മേയുന്ന ഒരാളെ ആവശ്യ​മില്ല. അതു​കൊണ്ട്‌ കാര്യ​ങ്ങളെ സമന്വ​യി​പ്പി​ക്കു​ന്ന​തി​നാണ്‌ ന്യൂ​യോർക്കി​ലെ ബ്രൂക്ലി​നിൽ അന്തർദ്ദേ​ശീയ വേലക്കാ​രു​ടെ ഓഫീസ്‌ സ്ഥാപി​ക്ക​പ്പെ​ട്ടത്‌.”

അങ്ങനെ, തൊഴിൽക്കാർക്കു​വേ​ണ്ടി​യുള്ള അപേക്ഷകൾ വരുന്ന​ത​നു​സ​രിച്ച്‌ ബ്രൂക്ലിൻ ഓഫീസ്‌ ഒരു “ഇടക്കാര”നെപ്പോ​ലെ പ്രവർത്തി​ക്കും. അത്‌ ലോക​ത്തി​നു ചുററു​മുള്ള നിർമ്മാ​ണാ​വ​ശ്യ​ങ്ങൾ നിറ​വേ​റ​റു​ന്ന​തിന്‌ ഉചിത​മായ വേലക്കാ​രെ സമീക​ര​ണ​ത്തിൽ വരുത്തും. ഉദാഹ​ര​ണ​ത്തിന്‌, മെക്‌സി​ക്കോ ബ്രാഞ്ചി​ലെ പുതിയ പാർപ്പി​ട​സൗ​ക​ര്യ​ങ്ങ​ളു​ടെ നിർമ്മാ​ണം 1988-ൽ പൂർത്തീ​ക​ര​ണ​ത്തി​ലേ​ക്ക​ടു​ത്ത​പ്പോൾ, വിദഗ്‌ദ്ധ പരവതാ​നി-വിരി​പ്പു​കാർക്കു വേണ്ടി ബ്രൂക്ലി​നി​ലേക്ക്‌ ഒരറി​യി​പ്പു നൽകി. ഏതാനും മിനി​റ​റു​കൾക്കകം, സേവി​ക്കാൻ സന്തുഷ്ട​രായ നാലു വിദഗ്‌ദ്ധരെ ഓഫീസ്‌ കണ്ടുപി​ടി​ച്ചു. 1989, ജനുവ​രി​യിൽ ബ്രാഞ്ച്‌-അനുബന്ധം സമർപ്പി​ക്ക​പ്പെ​ട്ട​പ്പോൾ പരവതാ​നി​കൾ വിരി​ക്ക​പ്പെ​ടു​ക​യും അത്‌ മനോ​ഹ​ര​മാ​യി കാണ​പ്പെ​ടു​ക​യും ചെയ്‌തു.

സേവി​ക്കാൻ യോഗ്യത പ്രാപി​ക്കൽ

അന്തർദ്ദേ​ശീയ സ്വമേ​ധയാ പരിപാ​ടി​യിൽ പങ്കു പററു​ന്ന​തിന്‌, വേലക്കാ​രൻ ഒന്നാമ​താ​യി യോഗ്യത പ്രാപി​ക്കേണ്ട ആവശ്യ​മുണ്ട്‌. ഓരോ സ്വമേ​ധ​യാ​സേ​വ​ക​നും സമർപ്പിച്ച്‌ സ്‌നാ​പ​ന​മേററ ഒരു യഹോ​വ​യു​ടെ സാക്ഷി​യാ​യി​രി​ക്കണം. അമേരി​ക്ക​യിൽ, ഭാവി​യി​ലേക്ക്‌ പ്രതീ​ക്ഷി​ക്ക​പ്പെ​ടുന്ന സേവകൻ യഹോ​വ​യു​ടെ സാക്ഷി​ക​ളു​ടെ ന്യൂ​യോർക്കി​ലുള്ള ഏതെങ്കി​ലും ഒരു സ്ഥാപന​ത്തിൽ ആദ്യം സേവി​ക്കണം. ഇത്‌ അദ്ദേഹ​ത്തി​ന്റെ ജോലി ശീലങ്ങ​ളെ​യും കഴിവു​ക​ളെ​യും വിലയി​രു​ത്തു​ന്ന​തിന്‌ അവസരം പ്രദാനം ചെയ്യും. അതിനു​ശേഷം ആ വ്യക്തി പദ്ധതി​ക്കാ​യി ഒരു അപേക്ഷ സമർപ്പി​ക്കു​ന്ന​തിന്‌ ക്ഷണിക്ക​പ്പെ​ട്ടേ​ക്കാം. ഭാവി​യി​ലേക്ക്‌ പ്രതീ​ക്ഷി​ക്ക​പ്പെ​ടുന്ന സ്വമേ​ധ​യാ​സേ​വ​കന്റെ ഭാര്യ​ക്കും—സാധാ​ര​ണ​യാ​യി ഭർത്താ​വി​നോ​ടൊ​പ്പം സേവി​ക്കു​ന്ന​തിന്‌ ന്യൂ​യോർക്കി​ലേക്ക്‌ ക്ഷണിക്ക​പ്പെ​ടു​ന്നി​ല്ലെ​ങ്കി​ലും—യോഗ്യത പ്രാപി​ക്കു​ക​യും ഒരു അപേക്ഷ സമർപ്പി​ക്കു​ക​യും ചെയ്യാം.

മററു രാജ്യ​ങ്ങ​ളി​ലുള്ള യഹോ​വ​യു​ടെ സാക്ഷി​കൾക്ക്‌ തങ്ങളുടെ സ്വന്തം ബ്രാഞ്ചിൽ നിന്ന്‌ ഒരു അപേക്ഷാ​ഫോ​റ​ത്തി​നു​വേണ്ടി അഭ്യർത്ഥി​ച്ചു​കൊണ്ട്‌ ഈ പദ്ധതി​യിൽ പങ്കെടു​ക്കു​ന്ന​തിന്‌ അപേക്ഷി​ക്കാൻ കഴിയും. ഈ അപേക്ഷ അന്തർദ്ദേ​ശീയ സേവകൻമാ​രു​ടെ​യും മററ്‌ അന്തർദ്ദേ​ശീയ സ്വമേ​ധയാ വേലക്കാ​രു​ടെ​യും മേൽനോ​ട്ടം വഹിക്കുന്ന ബ്രൂക്ലിൻ ആസ്ഥാന​ത്തുള്ള ഓഫീ​സി​ലേക്ക്‌ അയക്കും. പിന്നീട്‌, തന്റെ ജോലി വൈദ​ഗ്‌ദ്ധ്യ​ങ്ങൾ ആവശ്യ​മാ​കു​മ്പോൾ അപേക്ഷ​കന്‌ വിവരം നൽക​പ്പെ​ടും.

ഭാര്യ​മാ​രു​ടെ സംഭാവന

നിർമ്മാണ വേലക്കാ​രു​ടെ ഭാര്യ​മാർ സാധാ​ര​ണ​യാ​യി തൊഴിൽ വിദഗ്‌ദ്ധ​ര​ല്ലെ​ങ്കി​ലും അനേക​രും കോൺക്രീ​ററ്‌ സ്ലാബിന്റെ കമ്പി കെട്ടു​ക​മ്പി​കൊണ്ട്‌ കെട്ടു​ന്ന​തി​നും, തറയ്‌ക്ക്‌ സിമൻറിട്ട്‌ ഓട്‌ പാകു​ന്ന​തി​നും സാൻറ്‌പേ​പ്പ​റു​കൊണ്ട്‌ മിനു​ക്കു​ന്ന​തി​നും പെയിൻറ​ടി​ക്കു​ന്ന​തി​നും പരിശീ​ലി​പ്പി​ക്ക​പ്പെ​ട്ടി​ട്ടുണ്ട്‌. മററു​ള്ളവർ ആവശ്യ​മുള്ള ദൈനം​ദിന വീട്ടു​ജോ​ലി​കൾ ചെയ്യും. അങ്ങനെ ലോക​ത്തി​നു​ചു​റ​റു​മുള്ള നിർമ്മാണ സ്ഥലങ്ങളി​ലെ വേലക്ക്‌ അവർ നല്ല സംഭാവന നൽകുന്നു.

പ്യൂർട്ടോ റിക്കോ​യി​ലെ പുതിയ ബ്രാഞ്ച്‌ നിർമ്മാ​ണ​ത്തിൽ ജോലി ചെയ്‌തു​കൊ​ണ്ടി​രുന്ന തന്റെ ഭർത്താ​വി​നോ​ടൊ​പ്പം ചേർന്ന ഒരു ഭാര്യ അടുത്ത കാലത്ത്‌ ബ്രൂക്ലിൻ ഓഫീ​സി​ലേക്ക്‌ ഇങ്ങനെ​യെ​ഴു​തി: “ഞങ്ങളുടെ ഒരു മാസത്തെ നിയമ​ന​ത്തി​നാ​യി ഞങ്ങൾ 1991, ജനുവ​രി​യിൽ എത്തി. കോൺക്രീ​ററ്‌ സ്ലാബിന്റെ കമ്പി കെട്ടുന്ന സംഘ​ത്തോ​ടൊ​പ്പം ഞാൻ വേല ചെയ്‌തു. ഞാൻ ചെയ്‌തി​ട്ടു​ള്ള​തി​ലേ​ക്കും ഏററവും കഠിന​മായ ശാരീ​രിക വേലയാ​യി​രു​ന്നു ഇത്‌. അടിസ്ഥാ​ന​പ​ര​മാ​യി, കുനിഞ്ഞു നിന്നു​കൊണ്ട്‌ പ്ലെയറും ഒരു ചുററു കമ്പിയും ഉപയോ​ഗിച്ച്‌ കമ്പികൾ കൂട്ടി​ക്കെ​ട്ടു​ന്ന​താണ്‌ ഇതിൽ ഉൾപ്പെ​ട്ടി​രി​ക്കു​ന്നത്‌—ദിവസം മുഴു​വ​നും!

“ആദ്യത്തെ കുറേ ദിവസ​ങ്ങ​ളിൽ എന്റെ കട്ടിയുള്ള തൊപ്പി ഊർന്നു പൊയ്‌ക്കൊ​ണ്ടി​രു​ന്നു, കൂടാതെ എന്റെ അമിത വലിപ്പ​മുള്ള കൈയുറ കമ്പിക്കി​ട​യിൽ ഉടക്കു​ക​യും ചെയ്യു​മാ​യി​രു​ന്നു. ക്രമേണ, ഞാൻ കൂടുതൽ ചിട്ട​യോ​ടെ വേല ചെയ്യാൻ തുടങ്ങി. തഴമ്പു​പൊ​ട്ടി​യ​പ്പോൾ ഞാൻ അഞ്ചാറ്‌ ബാൻറ്‌-എയിഡ്‌ ഒട്ടിച്ചു. പ്ലാനിൽ നോക്കി അളവെ​ടു​ക്കാ​നും ചരടു വെച്ച്‌ വരയി​ടാ​നും കെട്ടു​ന്ന​തി​നുള്ള കമ്പി സ്ഥാനത്ത്‌ വെക്കാ​നും ഞാൻ പഠിച്ചു. അത്‌ സത്യമാ​യും സംതൃ​പ്‌തി​ക​ര​മായ ഒരു വേലയാ​യി​രു​ന്നു. ദൈനം​ദി​നാ​ടി​സ്ഥാ​ന​ത്തിൽ സാധാ​ര​ണ​യാ​യി ഞാൻ ചെയ്യുന്ന ജോലി​കൾ—വൃത്തി​യാ​ക്കൽ, ഭക്ഷണം പാകം ചെയ്യൽ, തുണി കഴുകൽ, എന്നിവ—വീണ്ടും വീണ്ടും ചെയ്യേ​ണ്ട​യാ​വ​ശ്യ​മുണ്ട്‌. എന്നാൽ ആ കമ്പികൾ ബ്രാഞ്ച്‌ നിലനിൽക്കു​ന്നി​ട​ത്തോ​ളം കാലം നിൽക്കുന്ന ഭിത്തി​ക​ളി​ലേ​ക്കാണ്‌ പോകു​ന്നത്‌. ആ ചിന്ത പ്രതി​ഫ​ല​ദാ​യ​ക​മാണ്‌!”

ഈ വേലയു​ടെ പദവിക്ക്‌ നന്ദിയു​ള്ള​വർ

ഈ അന്തർദ്ദേ​ശീയ നിർമ്മാണ വേലയു​ടെ ഒരു മേൽനോ​ട്ട​ക്കാ​രൻ പറഞ്ഞു: “ഇതാണ്‌ നിങ്ങൾക്ക്‌ സങ്കൽപ്പി​ക്കാൻ കഴിയുന്ന ഏററവും വിശേ​ഷ​പ്പെട്ട കാര്യം. തങ്ങളുടെ സ്വന്തം പണമു​പ​യോ​ഗിച്ച്‌ വിദൂ​ര​ത്തുള്ള ജോലി സ്ഥലങ്ങളി​ലേക്ക്‌ യാത്ര ചെയ്യു​ന്ന​തിന്‌ ആളുകൾ തങ്ങളുടെ അവധി​ക്കാ​ലം ഉപയോ​ഗി​ക്കു​ന്നു. മുഴു വർഷവും ചെയ്‌തി​ട്ടു​ള്ള​തി​നേ​ക്കാ​ളും കഠിന​മാ​യും കൂടുതൽ മണിക്കൂ​റു​ക​ളും അവർ അവിടെ വേല ചെയ്‌തേ​ക്കാം. അവർ വീട്ടി​ലെ​ത്തു​മ്പോൾ തങ്ങൾക്കു ലഭിച്ച പദവി​ക്കാ​യി ഞങ്ങളോട്‌ നന്ദി പറയു​ന്ന​തിന്‌ അവർ എഴുതു​ന്നു!”

ഉദാഹ​ര​ണ​ത്തിന്‌ അടുത്ത​കാ​ലത്തെ ഒരു കത്ത്‌ ഇങ്ങനെ പറയുന്നു: “ഫിലി​പ്പൈൻസി​ലുള്ള ബ്രാഞ്ചി​നു​വേണ്ടി മൂന്നു മാസം വേല ചെയ്‌തു​കൊണ്ട്‌ ഞങ്ങൾ ആസ്വദിച്ച വമ്പിച്ച പദവി​ക്കാ​യി നിങ്ങ​ളോട്‌ നന്ദി പറയാ​നാണ്‌ ഞങ്ങൾ എഴുതു​ന്നത്‌. ഓരോ ജോലി ദിനത്തി​ന്റെ അവസാ​ന​ത്തി​ങ്ക​ലും ഞങ്ങൾ പ്രതീ​ക്ഷി​ച്ച​തു​പോ​ലെ തന്നെ ശാരീ​രി​ക​മാ​യി ക്ഷീണി​ത​രാ​യി​രു​ന്നു, എന്നാൽ ഞങ്ങളുടെ സഹവാസം മൂലം ആത്മീയ​മാ​യി വളരെ കെട്ടു​പണി ചെയ്യ​പ്പെ​ട്ടി​രു​ന്നു. അവി​ടെ​യു​ണ്ടാ​യി​രുന്ന മററ്‌ സേവകൻമാ​രിൽ അനേക​രേ​യും അറിയു​വാ​നി​ട​യാ​യത്‌ ഞങ്ങൾ ആസ്വദി​ച്ചു, കൂടാതെ ഞങ്ങളോ​ടൊ​പ്പം ജോലി ചെയ്‌ത സ്ഥലത്തെ സാക്ഷി​ക​ളാൽ ഞങ്ങൾ വളരെ മതിപ്പു​ള്ള​വ​രാ​യി​ത്തീർന്നു. സത്യമാ​യും അവർ ഞങ്ങൾക്ക്‌ പ്രിയ​രാ​യി തീർന്നി​രി​ക്കു​ന്നു, ഞങ്ങളുടെ കുടും​ബ​ത്തി​ന്റെ ഒരു വിപു​ലീ​ക​രണം തന്നെ.”

ഇക്വ​ഡോ​റി​ലേക്കു പോയ ഒരു ദമ്പതികൾ ഇങ്ങനെ​യെ​ഴു​തി: “വിപു​ല​മായ ഭക്ഷണം കൂടാതെ ജീവി​ക്കു​ന്ന​തി​നും, കുറച്ചു വെള്ളം​കൊ​ണ്ടു കുളി​ക്കു​ന്ന​തി​നും, തണുത്ത വെള്ളത്തിൽ ഷേവ്‌ ചെയ്യു​ന്ന​തി​നും കുളി​ക്കു​ന്ന​തി​നും ഞങ്ങൾ പഠിച്ചു. പരസ്യ​ങ്ങ​ളി​ലൂ​ടെ ഞങ്ങളുടെ ചിന്ത എത്ര​ത്തോ​ളം സ്വാധീ​നി​ക്ക​പ്പെ​ട്ടി​രു​ന്നു​വെന്ന്‌ ഞങ്ങൾക്ക്‌ യാതൊ​രു ധാരണ​യു​മി​ല്ലാ​യി​രു​ന്നു. ഞങ്ങൾക്കു​ണ്ടാ​യി​രു​ന്ന​തിൽ ഏററവും മെച്ചമാ​യത്‌ ഞങ്ങൾ ജോലി​സ്ഥ​ലത്ത്‌ നൽകി, എന്നാൽ ഞങ്ങൾ കൊടു​ത്ത​തി​ലു​മ​ധി​കം ആർജ്ജി​ച്ചു​കൊണ്ട്‌ തിരി​കെ​പ്പോ​ന്നു. അമേരി​ക്കൻ നിലവാ​ര​മ​നു​സ​രിച്ച്‌ നമ്മുടെ ഇക്വ​ഡോ​റി​ലെ സഹോ​ദ​രൻമാർ ഭൗതി​ക​മാ​യി പാവങ്ങ​ളാണ്‌, എന്നാൽ അവരുടെ ആത്മീയ​ത​യും പ്രസം​ഗ​വേ​ല​യോ​ടുള്ള അവരുടെ വിലമ​തി​പ്പും മികച്ചു​നിൽക്കു​ന്ന​താണ്‌. ഈ പദവി​സം​ബ​ന്ധിച്ച്‌ ഞങ്ങൾക്ക്‌ തോന്നു​ന്നത്‌ യഥാർത്ഥ​ത്തിൽ വർണ്ണി​ക്കാൻ വാക്കു​കൾക്ക്‌ കഴിയു​ന്നില്ല.”

ടിൽററ്‌-അപ്പ്‌ നിർമ്മാ​ണം

അന്തർദ്ദേ​ശീയ നിർമ്മാണ ജോലി​യു​ടെ ഒരതു​ല്യ​മായ സവി​ശേഷത ടിൽററ്‌-അപ്പ്‌ രീതി​യു​ടെ ഉപയോ​ഗ​മാണ്‌. വലിയ കമ്പി​കൊണ്ട്‌ ബലപ്പെ​ടു​ത്തിയ കോൺക്രീ​റ​റു​പാ​ളി​കൾ ഭിത്തി​കൾക്കു​വേണ്ടി നിർമ്മാണ സ്ഥലത്തു​വെ​ച്ചു​തന്നെ വാർക്കു​ന്ന​താണ്‌ ഈ രീതി​യിൽ ഉൾപ്പെ​ട്ടി​രി​ക്കു​ന്നത്‌. ഇതിന്‌ മൂന്നു​നില പൊക്ക​വും 20 ടൺ ഭാരവും കണ്ടേക്കാം. കെട്ടി​ട​ത്തി​ന്റെ തറയിൽ തന്നെയോ സമീപത്ത്‌ വാർക്കു​ന്ന​തി​നുള്ള ഒരു സ്ഥലത്തോ ആണ്‌ ഈ പാളികൾ നിർമ്മി​ക്ക​പ്പെ​ടു​ന്നത്‌.

ഒന്നിന്‌ മേൽ ഒന്നായി ആറോ എട്ടോ പാളികൾ അടുക്കി​വെ​ക്കാൻ കഴിയും. പാളികൾ ആവശ്യ​ത്തിന്‌ ഉറപ്പു​ള്ള​താ​കു​മ്പോൾ—സാധാരണ ഏഴു ദിവസ​ത്തിന്‌ ശേഷം—അവയെ സ്ഥാനത്ത്‌ ഉയർത്തി നിർത്തു​ന്ന​തിന്‌ ഒരു ക്രെയിൻ ഉപയോ​ഗി​ക്കു​ന്നു. പുറത്തും അകത്തും ഉള്ള ഭിത്തി​കൾക്കും ബഹുനി​ല​ക്കെ​ട്ടി​ട​ങ്ങൾക്കും പാളികൾ ഇപ്പോൾ ഉപയോ​ഗി​ക്ക​പ്പെ​ടു​ന്നു. ഉദാഹ​ര​ണ​ത്തിന്‌, ഫിലി​പ്പൈൻസി​ലെ ബ്രാഞ്ച്‌ഭ​വ​ന​ത്തിൽ 11 നില ഇത്തരം നൂറു​ക​ണ​ക്കി​നു പാളികൾ ഉപയോ​ഗി​ച്ചു. മുന്നമേ നിർമ്മി​ക്ക​പ്പെ​ടുന്ന മിനു​സ​മുള്ള ഈ കോൺക്രീ​ററ്‌ പാളി​കൾക്ക്‌ പെയിൻറ​ടി​ക്കേണ്ട ആവശ്യം മാത്ര​മേ​യു​ള്ളു.

ഈ നിർമ്മാ​ണ​രീ​തി സമയം ലാഭി​ക്കു​ന്നെന്ന്‌ മാത്രമല്ല, കുറഞ്ഞ വൈദ​ഗ്‌ദ്ധ്യ​മുള്ള വേലക്കാ​രെ ഫലപ്ര​ദ​മാ​യി ഉപയോ​ഗി​ക്കു​ക​യും ചെയ്യുന്നു. കോൺക്രീ​ററ്‌ എന്ന ഒരു തൊഴിൽ പ്രസി​ദ്ധീ​ക​രണം യഹോ​വ​യു​ടെ സാക്ഷി​ക​ളു​ടെ ഇംഗ്ലണ്ടി​ലെ പുതിയ ഫാക്‌റ​റ​റി​യു​ടെ നിർമ്മാ​ണ​ത്തേ​ക്കു​റിച്ച്‌ ഇപ്രകാ​രം പറഞ്ഞു: “ടിൽററ്‌-അപ്പ്‌ നിർമ്മാണ രീതി​യു​ടെ ലാളി​ത്യം​മൂ​ലം ഈ രീതി അവരുടെ ആവശ്യ​ങ്ങൾക്ക്‌ പ്രത്യേ​കി​ച്ചും ചേരു​ന്ന​താ​യി​രു​ന്നു . . . സമയത്തി​ന്റെ​യും ചെലവു​ക​ളു​ടെ​യും ലാഭം എല്ലായ്‌പോ​ഴും ഈ രീതി​യു​ടെ പ്രമുഖ പ്രയോ​ജ​ന​മാ​യി​രു​ന്നി​ട്ടുണ്ട്‌.”

ടിൽററ്‌-അപ്പ്‌ നിർമ്മാ​ണ​ത്തെ​ക്കു​റിച്ച്‌ ആ മാസിക ഇങ്ങനെ കൂട്ടി​ച്ചേർത്തു: “ഭാരം താങ്ങു​ന്ന​തോ അല്ലാത്ത​തോ ആയ ഭിത്തികൾ വലിയ അളവിൽ ചുരു​ങ്ങിയ കാലയ​ള​വിൽ നിർമ്മി​ക്കു​ന്ന​തി​നുള്ള അതിന്റെ കഴിവും പ്രാ​ദേ​ശിക തൊഴി​ലാ​ളി​ക​ളു​ടെ ഉപയോ​ഗ​വും അമിത മേൽനോ​ട്ട​മാ​വ​ശ്യ​മി​ല്ലാ​ത്ത​തും ചേർന്ന്‌ ഈ രീതിക്ക്‌ അതിന്റെ വേഗത​യും ലാഭവും നൽകുന്നു. അതു​കൊണ്ട്‌ പുതിയ നിർമ്മാണ പദ്ധതി ലളിത​വും കാര്യ​ക്ഷ​മ​വു​മായ ഈ നിർമ്മാണ രീതി ഉപയോ​ഗ​പ്പെ​ടു​ത്തു​ന്നത്‌ എത്രയോ ഉചിത​മാണ്‌!

എഞ്ചിനീ​യ​റിംഗ്‌ ഓഫീ​സു​കൾ

യഹോ​വ​യു​ടെ സാക്ഷി​ക​ളു​ടെ ന്യൂ​യോർക്കി​ലെ ബ്രൂക്ലി​നി​ലുള്ള ആസ്ഥാനത്തെ വലിയ എഞ്ചിനീ​യ​റിംഗ്‌ ഓഫീ​സിൽ നിന്നാണ്‌ ഈ അന്തർദ്ദേ​ശീയ നിർമ്മാണ പദ്ധതി​ക്കുള്ള മാർഗ്ഗ​നിർദ്ദേശം നൽക​പ്പെ​ടു​ന്നത്‌ . അവിടെ, ആസ്ഥാന​ത്തുള്ള ജോലി​ക്കാ​രായ എൻജി​നീ​യർമാർ, നിർമ്മാണ രൂപസം​വി​ധാ​യകർ, രേഖാ​മാ​തൃ​ക​യു​ണ്ടാ​ക്കു​ന്നവർ എന്നിവ​ര​ട​ങ്ങുന്ന നൂറി​ല​ധി​കം പേർ നിർമ്മാണ പദ്ധതി​യിൽ വേല ചെയ്യുന്നു. വർദ്ധിച്ച ജോലി​ഭാ​രം താങ്ങാൻ ജപ്പാനി​ലും ആസ്‌​ത്രേ​ലി​യാ​യി​ലും യൂറോ​പ്പി​ലും സമീപ​കാ​ലത്ത്‌ മേഖലാ എഞ്ചിനീ​യ​റിംഗ്‌ ഓഫീ​സു​കൾ സ്ഥാപി​ക്ക​പ്പെട്ടു.

പ്ലാനുകൾ തയ്യാറാ​ക്കു​ന്ന​തിന്‌ 1987-ൽ CAD (കാഡ്‌, കമ്പ്യൂട്ടർ എയിഡഡ്‌ ഡിസൈൻ) അവതരി​പ്പി​ക്ക​പ്പെട്ടു. ഒരു സാധാരണ കാഡ്‌ സ്‌റേ​റ​ഷ​നിൽ പല ഉപകര​ണങ്ങൾ അടങ്ങി​യി​രി​ക്കു​ന്നു. ഇവ ഒന്നിച്ചു​പ​യോ​ഗി​ക്കു​മ്പോൾ, ഡ്രാഫ്‌റ​റിംഗ്‌ ബോർഡിൽ വരയ്‌ക്കു​ന്ന​തി​നു​പ​കരം ഒരു കമ്പ്യൂ​ട്ട​റിൽ പ്ലാനുകൾ തയ്യാറാ​ക്കു​ന്ന​തി​നു കഴിയും. ഇപ്പോൾ ബ്രൂക്ലി​നി​ലും മററ്‌ ബ്രാഞ്ചു​ക​ളി​ലു​മാ​യി 65 കാഡ്‌ സ്‌റേ​റ​ഷ​നു​കൾ ഉപയോ​ഗി​ക്ക​പ്പെ​ട്ടു​കൊ​ണ്ടി​രി​ക്കു​ന്നു.

കമ്പ്യൂ​ട്ട​റി​ന്റെ ഓർമ്മ​യിൽ പ്ലാനുകൾ സൂക്ഷി​ക്കാൻ കഴിയു​ന്ന​തു​കൊണ്ട്‌, പഴയ പദ്ധതി​ക​ളിൽ നിന്നും രൂപക​ല്‌പ​നകൾ വരുത്തു​ന്ന​തി​നും ഇപ്പോ​ഴത്തെ പ്ലാനു​ക​ളോട്‌ കൂട്ടി​ച്ചേർക്കു​ന്ന​തി​നും കഴിയും. ഇത്‌ ഉല്‌പാ​ദ​ന​ക്ഷ​മ​ത​യ്‌ക്കും രൂപക​ല്‌പന, നിർമ്മാ​ണം എന്നിവ​യു​ടെ നിലവാ​രം ഏകീക​രി​ക്കു​ന്ന​തി​നും സഹായി​ക്കും.

അടുത്ത കാലത്തെ നിർമ്മാണ പദ്ധതികൾ

ബ്രൂക്ലി​നി​ലെ എൻജി​നി​യ​റിംഗ്‌ ഓഫീസ്‌ വലുതാ​യ​ത​നു​സ​രിച്ച്‌ വേലക്ക്‌ സ്വമേ​ധ​യാ​സേ​വ​കരെ സംഘടി​പ്പി​ക്കുക എന്ന ആശയവും വികസി​ച്ചു. പനാമ​യി​ലെ പുതിയ ബ്രാഞ്ച്‌ പണിയു​ന്ന​തിന്‌ മററു രാജ്യ​ങ്ങ​ളിൽ നിന്ന്‌ ജോലി​ക്കാർ പ്രതി​ക​രി​ക്കാൻ തുടങ്ങി​യ​പ്പോൾ, 1985-ലാണ്‌ ഈ പദ്ധതി​യാ​രം​ഭി​ച്ച​തെന്ന്‌ പറയാൻ കഴിയും. പെറു ബ്രാഞ്ചിന്‌ ഒരു വലിയ കൂട്ടി​ച്ചേർപ്പ്‌ ആവശ്യ​മാ​യ​പ്പോൾ ഇത്‌ കൂടുതൽ വികസി​ച്ചു. കോസ്‌റേ​റാ​റി​ക്കോ​യി​ലെ​യും നൈജീ​രി​യ​യി​ലെ​യും ബ്രാഞ്ച്‌ നിർമ്മാ​ണ​ത്തോ​ടെ​യാണ്‌ ഈ പദ്ധതി ശരിക്കും നിർദ്ദിഷ്ട രൂപം പ്രാപി​ക്കാൻ തുടങ്ങി​യത്‌. പെട്ടെ​ന്നു​തന്നെ ലോക​ത്തി​നു ചുററു​മുള്ള പദ്ധതി​ക​ളിൽ സഹായി​ക്കു​ന്ന​തിന്‌ മുഖ്യ ജോലി​ക്കാ​രെ അയച്ചു.

ആയിര​ത്തി​ത്തൊ​ള്ളാ​യി​ര​ത്തി​എൺപ​ത്തി​യാ​റി​ന്റെ ആരംഭം മുതൽ പണിതീർക്ക​പ്പെ​ട്ട​വ​യുൾപ്പെടെ അനേകം ബ്രാഞ്ചു​ക​ളും പഴയതി​നോ​ടുള്ള കൂട്ടി​ച്ചേർപ്പു​ക​ളും പണിയാൻ അന്തർദ്ദേ​ശീയ സേവകൻമാ​രും മററ്‌ സ്വമേ​ധ​യാ​സേ​വ​കൻമാ​രും സഹായി​ച്ചി​ട്ടുണ്ട്‌. കഴിഞ്ഞ അഞ്ചോളം വർഷങ്ങൾക്കു​ള്ളിൽ പനാമ, കോസ്‌റേ​റാ​റിക്ക, ചിലി, മെക്‌സി​ക്കോ, ന്യൂസി​ലണ്ട്‌, ഹെയി​ററി, ലൈബീ​രി​യാ, ഓസ്‌ട്രി​യാ, ഇക്വ​ഡോർ, പാപ്പുവാ ന്യൂ ഗിനിയാ, ഗയാനാ, ഘാനാ, ഹവായി, പോർച്ചു​ഗൽ, ഹോ​ങ്കോംഗ്‌, സൈ​പ്രസ്‌, പെറു, എൽസാൽവ​ഡോർ, മൗറീ​ഷ്യസ്‌, ജപ്പാൻ, ഹോണ്ടു​റാസ്‌, ഗ്വാട്ടി​മാ​ലാ, നൈജീ​രിയ, അർജൻറീന, ആസ്‌​ത്രേ​ലിയ, ന്യൂ കാലി​ഡോ​ണി​യാ, ഫിജി, ഫിലി​പ്പൈൻസ്‌, ഗ്രീസ്‌ എന്നീ സ്ഥലങ്ങളിൽ പദ്ധതികൾ പൂർത്തീ​ക​രി​ക്കു​ക​യും സമർപ്പി​ക്കു​ക​യും ചെയ്‌തി​ട്ടുണ്ട്‌.

ഇവയി​ല​ധി​ക​വും ബൃഹത്തായ നിർമ്മാണ പദ്ധതി​ക​ളാ​യി​രു​ന്നു. നൈജീ​രി​യാ​യിൽ 140 ഏക്കർ [57 ഹെക്‌ററർ] സ്ഥലത്ത്‌ ഫലത്തിൽ ഒരു ചെറിയ പട്ടണം തന്നെ പണി കഴിപ്പി​ക്ക​പ്പെട്ടു. 140 മീററർ നീളവും 70 മീററർ വീതി​യു​മുള്ള ഒരു ഫാക്‌റ​ററി, 400-ലധികം പേരെ പാർപ്പി​ക്കു​ന്ന​തി​നുള്ള ഭവനങ്ങൾ, ഒരു ഓഫീസ്‌, ഒരു ഗരേജ്‌, മററ്‌ കെട്ടി​ടങ്ങൾ എന്നിവ പണി കഴിപ്പി​ക്ക​പ്പെട്ടു. അമേരി​ക്കൻ ഐക്യ​നാ​ടു​ക​ളിൽ നിന്നു മാത്രം അയക്കപ്പെട്ട നിർമ്മാ​ണ​വ​സ്‌തു​ക്കൾ ഒന്നോ​ടൊന്ന്‌ തൊട്ടു വച്ചാൽ 3.5 കിലോ​മീ​ററർ നീളം വരുന്ന 347 കണ്ടെയി​ന​റു​ക​ളിൽ കൊള്ളാൻ മാത്രം ഉണ്ടായി​രു​ന്നു.

ചില​പ്പോൾ പദ്ധതി​കൾക്ക്‌ പുരോ​ഹി​തൻമാ​രു​ടെ എതിർപ്പുണ്ട്‌. ഗ്രീസിൽ 1989-ൽ പുരോ​ഹി​തൻമാർ 40 ബസ്‌ നിറയെ പ്രതി​ഷേ​ധ​കരെ അണിനി​രത്തി, എന്നാൽ പണിയാ​നുള്ള സാക്ഷി​ക​ളു​ടെ നിയമ​പ​ര​മായ അവകാ​ശത്തെ പോലീസ്‌ പിന്താ​ങ്ങു​ക​യും പ്രതി​ഷേധം നിഷ്‌ഫ​ല​മാ​യി​പ്പോ​കു​ക​യും ചെയ്‌തു. ഒരു വിശാ​ല​മായ, പുതിയ ഫാക്‌റ​റ​റി​യും 170 പേരെ പാർപ്പി​ക്കു​ന്ന​തി​നുള്ള 22 കെട്ടി​ട​ങ്ങ​ളും ഉൾപ്പെ​ടെ​യുള്ള പുതിയ ബ്രാഞ്ച്‌ കഴിഞ്ഞ വസന്തത്തിൽ പൂർത്തീ​ക​രി​ക്കു​ക​യും സമർപ്പി​ക്കു​ക​യും ചെയ്‌തു.

ഫ്രാൻസിൽ, എവ്‌റ​ക്‌സി​ലെ ബിഷപ്പായ ഷക്ക്‌ ഗിയോ, ലൂവി​യിൽ യഹോ​വ​യു​ടെ സാക്ഷി​ക​ളു​ടെ വിശാ​ല​മായ പുതിയ ബ്രാഞ്ചി​നുള്ള പദ്ധതി​യ്‌ക്കെ​തി​രെ പ്രതി​ഷേ​ധ​മു​യർത്തി. സാക്ഷി​ക​ളു​ടെ പരസ്യ ശുശ്രൂഷ “മമനു​ഷ്യ​ന്റെ മാന്യ​തയെ ആദരി​ക്കു​ന്ന​തല്ലെ”ന്ന്‌ അദ്ദേഹം പറഞ്ഞു. എങ്കിലും മററു​ള്ളവർ ബിഷപ്പി​നോട്‌ യോജി​പ്പി​ലല്ല. ലോക​മെ​മ്പാ​ടും അനേകം സ്ഥലങ്ങളി​ലും ചെയ്യു​ന്ന​തു​പോ​ലെ തന്നെ ആ പ്രദേ​ശ​ത്തും യഹോ​വ​യു​ടെ സാക്ഷി​കൾക്ക്‌ തങ്ങളുടെ സൗകര്യ​ങ്ങൾ വികസി​പ്പി​ക്കാ​നുള്ള അവകാ​ശ​മു​ണ്ടാ​യി​രി​ക്ക​ണ​മെന്നു അവർ കരുതു​ന്നു.

ഇപ്പോൾ, അന്തർദ്ദേ​ശീയ നിർമ്മാണ സ്വമേ​ധ​യാ​സേ​വകർ കൊളം​ബി​യാ, പ്യൂർട്ടോ​റി​ക്കോ, സാംബി​യാ, ബ്രസീൽ, ഇംഗ്ലണ്ട്‌, കാനഡാ, ഡൊമി​നി​ക്കൻ റിപ്പബ്ലിക്ക്‌, ഇക്വ​ഡോർ, പോളണ്ട്‌, ഗ്വാഡ​ലൂപ്പ്‌, തായ്‌ലണ്ട്‌, ലീവാർഡ്‌ ഐലണ്ട്‌സ്‌, ബഹാമസ്‌, വെസ്‌റേറൺ സമോവ, താഹിത്തി, സോളമൻ ഐലണ്ട്‌സ്‌, വെനി​സ്വേല, റിപ്പബ്ലിക്ക്‌ ഓഫ്‌ കൊറിയ, സൗത്ത്‌ ആഫ്രിക്ക, ജർമ്മനി എന്നീ രാജ്യ​ങ്ങ​ളി​ലെ ബ്രാഞ്ച്‌ പദ്ധതി​ക​ളിൽ വേല ചെയ്‌തു​കൊ​ണ്ടി​രി​ക്കു​ന്നു. ഫ്രാൻസി​ലും സ്‌പെ​യി​നി​ലും മെക്‌സി​ക്കോ​യി​ലും ശ്രീല​ങ്ക​യി​ലും തായ്‌വാ​നി​ലും സുറി​നാ​മി​ലും മററ്‌ പദ്ധതി​കൾക്കാ​യി പ്ലാൻ തയ്യാറാ​ക്കി​ക്കൊ​ണ്ടി​രി​ക്കു​ക​യാണ്‌.

ഒരാവ​ശ്യം മുൻകൂ​ട്ടി​ക്കാ​ണു​ന്നു

ആയിര​ത്തി​ത്തൊ​ള്ളാ​യി​ര​ത്തി​എൺപ​ത്തി​യെ​ട്ടിൽ, ജർമ്മനി​യി​ലെ ബ്രാഞ്ചിന്‌ ഒരു 50 ശതമാനം വികസനം വരുത്താൻ യഹോ​വ​യു​ടെ സാക്ഷി​ക​ളു​ടെ ഭരണസം​ഘം അനുമതി നൽകി​യ​പ്പോൾ ആ കൂട്ടി​ച്ചേർപ്പ്‌ ആവശ്യ​ത്തി​ല​ധി​കം വലുതാ​ണെന്ന്‌ നിരീ​ക്ഷകർ വിലയി​രു​ത്തി. 1989-ലും 1990-ലും യഹോ​വ​യു​ടെ സാക്ഷി​ക​ളു​ടെ പ്രസം​ഗ​വേല പോളണ്ട്‌, ഹംഗറി, പൂർവ്വ ജർമ്മനി, റുമേ​നിയ എന്നിവി​ട​ങ്ങ​ളിൽ നിയമാ​നു​സൃ​ത​മാ​ക്ക​പ്പെ​ടു​ക​യോ തടസ്സം​കൂ​ടാ​തെ പ്രവർത്തി​ക്കു​ന്ന​തിന്‌ അനുവ​ദി​ക്ക​പ്പെ​ടു​ക​യോ ചെയ്‌തു. കൂടാതെ കഴിഞ്ഞ വർഷം മാർച്ച്‌ 27-ന്‌ സോവി​യ​ററ്‌ യൂണി​യ​നിൽ യഹോ​വ​യു​ടെ സാക്ഷികൾ ഒരു മതസ്ഥാ​പ​ന​മാ​യി അംഗീ​ക​രി​ക്ക​പ്പെട്ടു.

കഴിഞ്ഞ​തിന്‌ മുമ്പി​ലത്തെ വേനൽക്കാ​ലത്ത്‌ യഹോ​വ​യു​ടെ സാക്ഷി​ക​ളു​ടെ കൺ​വെൻ​ഷ​നു​കൾക്ക്‌ പൂർവ്വ യൂറോ​പ്യൻ രാജ്യ​ങ്ങ​ളിൽ 3,00,000-ത്തിലധി​കം പേർ ഹാജരാ​യി; ബൈബിൾ സാഹി​ത്യ​ങ്ങൾ സ്വീക​രി​ക്കാൻ അവർ ആകാം​ക്ഷ​യു​ള്ള​വ​രു​മാ​യി​രു​ന്നു. “രണ്ട്‌ മാസം കൊണ്ട്‌,” 1991 ബ്രിട്ടാ​നി​ക്കാ ബുക്ക്‌ ഓഫ്‌ ദി ഇയർ കുറി​കൊ​ണ്ടു, “വാച്ച്‌ടവർ സൊ​സൈ​റ​റി​യു​ടെ പശ്‌ചിമ ജർമ്മൻ ബ്രാഞ്ചാ​ഫീസ്‌ 1,15,000 ബൈബി​ളു​ക​ളുൾപ്പെടെ 275 ടൺ ബൈബി​ള​ധി​ഷ്‌ഠിത സാഹി​ത്യ​ങ്ങ​ളാണ്‌ പൂർവ്വ യൂറോ​പ്പി​ലേക്കു മാത്രം കയററി അയച്ചത്‌.” അങ്ങനെ, അനുവ​ദി​ക്ക​പ്പെട്ട മുഴു വികസ​ന​വും ജർമ്മൻ ബ്രാഞ്ചിന്‌ ആവശ്യ​മാ​ണെ​ന്നു​ള്ളത്‌—അതും ഉടനെ തന്നെ—ഇപ്പോൾ വ്യക്തമാണ്‌!

ഭാവി ആവശ്യ​ത്തി​നു വേണ്ടി തയ്യാ​റെ​ടു​ക്കു​ന്നു

നിങ്ങൾക്ക്‌ ഊഹി​ക്കാൻ കഴിയു​ന്ന​തു​പോ​ലെ, യേശു​വി​ന്റെ പ്രവച​ന​ത്തി​ന്റെ നിവൃ​ത്തി​യെ​ന്ന​വണ്ണം ‘രാജ്യ​ത്തി​ന്റെ ഈ സുവി​ശേഷം അന്ത്യം വരുന്ന​തിന്‌ മുമ്പ്‌ നിവസി​ത​ഭൂ​മി​യി​ലെ​ല്ലാം പ്രസം​ഗി​ക്കു​ന്ന​തിന്‌,’ ബൃഹത്തായ ശ്രമം ആവശ്യ​മാണ്‌. (മത്തായി 24:14) ലോക​മെ​മ്പാ​ടു​മുള്ള സത്യ​ക്രി​സ്‌ത്യാ​നി​കൾ ആ ശ്രമം നടത്തു​ക​യു​മാണ്‌. സകല രാഷ്‌ട്ര​ങ്ങൾക്കും ഈ രാജ്യ​സ​ന്ദേശം ലഭ്യമാ​കു​ന്ന​തിന്‌ സുസം​ഘ​ടി​ത​മായ രീതി​യിൽ തങ്ങളാ​ലാ​വു​ന്ന​തെ​ല്ലാം അവർ ചെയ്യു​ക​യാണ്‌.

ഇതു കൈവ​രി​ക്കു​ന്ന​തിന്‌ യഹോ​വ​യു​ടെ സാക്ഷികൾ ന്യൂ​യോർക്കി​ലെ ബ്രൂക്ലി​നി​ലുള്ള തങ്ങളുടെ കേന്ദ്ര​കാ​ര്യാ​ല​യ​ത്തിൽ ബൈബിൾ സാഹി​ത്യ​ങ്ങൾ പ്രസി​ദ്ധീ​ക​രി​ക്കു​ന്ന​തി​നുള്ള കഴിവ്‌ വികസി​പ്പി​ച്ചു​കൊ​ണ്ടി​രി​ക്കു​ക​യാണ്‌. കേന്ദ്ര​കാ​ര്യാ​ല​യ​ത്തി​ലെ സ്‌ററാ​ഫം​ഗ​ങ്ങ​ളിൽ ഒരായി​രം പേരെ​ക്കൂ​ടെ പാർപ്പി​ക്കു​ന്ന​തിന്‌ 90 സാൻറ്‌സ്‌ സ്‌ട്രീ​റ​റിൽ ഒരു 30-നില​ക്കെ​ട്ടി​ട​ത്തി​ന്റെ പണി ഇപ്പോൾ നടന്നു​കൊ​ണ്ടി​രി​ക്കു​ക​യാണ്‌, 1993-ൽ പൂർത്തീ​ക​രി​ക്കാൻ പട്ടിക​പ്പെ​ടു​ത്തി​യി​രി​ക്കു​ക​യു​മാണ്‌.

എന്നിരു​ന്നാ​ലും, ഏററവും വലിയ നിർമ്മാണ പദ്ധതി ന്യൂ​യോർക്ക്‌ നഗരത്തിൽ നിന്ന്‌ 110 കിലോ​മീ​ററർ അകലെ​യുള്ള പാറേ​റ​ഴ്‌സന്‌ സമീപം പുരോ​ഗതി പ്രാപി​ച്ചു​കൊ​ണ്ടി​രി​ക്കു​ന്ന​താണ്‌. 1991, ഏപ്രിൽ 7-ലെ ദ ന്യൂ​യോർക്ക്‌ റൈറംസ്‌ ഇങ്ങനെ റിപ്പോർട്ട്‌ ചെയ്‌തു, “1996-ൽ അവർ [യഹോ​വ​യു​ടെ സാക്ഷികൾ] ആ പണി തീർക്കു​മ്പോൾ 2 മുതൽ 5 വരെ നിലക​ളും മൊത്തം 624 ഫ്‌ളാ​റ​റു​ക​ളു​മുള്ള 6 അപ്പാർട്ട്‌മെൻറ്‌ കെട്ടി​ട​ങ്ങ​ളും, 450 കാറു​കൾക്കുള്ള ഒരു ഗരേജും, 144 മുറി​ക​ളുള്ള ഒരു ഹോട്ട​ലും, ഒരു കൂററൻ അടുക്ക​ള​യും 1,600 പേർക്ക്‌ ഒരേ സമയം ഭക്ഷണം വിളമ്പാൻ കഴിയുന്ന ഭോജ​ന​ശാ​ല​യും ഒരു ഓഫീസ്‌ കെട്ടി​ട​വും, ക്ലാസ്സ്‌മു​റി​ക​ളുള്ള ഒരു കെട്ടി​ട​വും, സേവകർ ജോലി ചെയ്യുന്ന അനവധി കെട്ടി​ട​ങ്ങ​ളും അവർ പണി കഴിപ്പി​ച്ചി​രി​ക്കും.” ഈ ബൃഹത്തായ രാജ്യ വിദ്യാ​ഭ്യാ​സ കേന്ദ്രം പണിയു​ന്ന​തിന്‌ നൂറു​ക​ണ​ക്കിന്‌ സ്വമേ​ധ​യാ​സേ​വകർ സൗജന്യ​മാ​യി ജോലി ചെയ്‌തു​കൊ​ടു​ക്കു​ക​യാണ്‌.

സത്യമാ​യും, ഭൂമി​യു​ടെ എല്ലാ ഭാഗങ്ങ​ളി​ലും ഒരു അതിശ​യ​ക​ര​മായ നിർമ്മാണ പദ്ധതി നടന്നു​കൊ​ണ്ടി​രി​ക്കു​ക​യാണ്‌—എല്ലാം സ്വമേ​ധയാ ജോലി​ക്കാ​രാൽ സമന്വ​യി​പ്പി​ക്ക​പ്പെ​ടു​ക​യും നടപ്പി​ലാ​ക്ക​പ്പെ​ടു​ക​യും ചെയ്‌തു​കൊ​ണ്ടു തന്നെ. തീർച്ച​യാ​യും ഇത്‌ അന്തർദ്ദേ​ശീയ നിർമ്മാ​ണ​ത്തിൽ പുതു​മ​യു​ള്ളതു തന്നെ! (g91 8/22)

[21-ാം പേജിലെ ചിത്രം]

കമ്പി കെട്ടു​ന്നത്‌ നിർമ്മാണ വേലയു​ടെ ഒരു ഭാഗമാണ്‌

[23-ാം പേജിലെ ചിത്രങ്ങൾ]

ടിൽററ്‌-അപ്പ്‌ നിർമ്മാ​ണ​ത്തിൽ കോൺക്രീ​ററ്‌ പാളികൾ ഒന്നിന്‌ മുകളിൽ ഒന്നായി നിർമ്മി​ക്ക​പ്പെ​ട്ടേ​ക്കാം. പാളികൾ ആവശ്യ​ത്തിന്‌ ഉറക്കു​മ്പോൾ അതു ഉയർത്തി അതിന്റെ സ്ഥാനത്ത്‌ ഉറപ്പി​ക്കും

[24-ാം പേജിലെ ചിത്രങ്ങൾ]

പോളണ്ടിലെ പുതിയ ബ്രാഞ്ച്‌ കെട്ടിടം ബ്രൂക്ലി​നിൽ പുനഃ​പ​രി​ശോ​ധി​ക്ക​പ്പെട്ടു കൊണ്ടി​രി​ക്കു​ന്നു. നിർമ്മാണ സംബന്ധ​മായ വരകൾ ഒരു കമ്പ്യൂ​ട്ട​റിൽ തയ്യാറാ​ക്കി ക്കൊണ്ടി​രി​ക്കു​ക​യാണ്‌

[25-ാം പേജിലെ ചിത്രങ്ങൾ]

പ്യൂർട്ടോറിക്കോ, സാമ്പിയാ, ലീവേർഡ്‌ ഐലണ്ട്‌സ്‌ എന്നിവക്കു വേണ്ടി പദ്ധതി​യി​ട്ട​പ്ര​കാ​ര​മുള്ള ബ്രാഞ്ച്‌ കെട്ടി​ട​ങ്ങൾ

[27-ാം പേജിലെ ചിത്രം]

ഒരു യൂറോ​പ്യൻ രാജ്യ​ത്തുള്ള നിർമ്മാണ പദ്ധതി​യിൽ സ്വമേ​ധയാ സേവകർ