യുവജ​നങ്ങൾ ചോദി​ക്കു​ന്നു...

ഹോബി​ക​ളെ​ക്കു​റിച്ച്‌ എന്ത്‌?

ഹോബി​കൾ ആനന്ദം നൽകുന്നു. അവ “ഒരു വ്യക്തി തന്റെ ഒഴിവു​സ​മ​യത്തു ചെയ്യാൻ ഇഷ്ടപ്പെ​ടുന്ന എന്തുത​ന്നെ​യും” എന്നു നിർവ​ചനം ചെയ്യ​പ്പെ​ട്ടി​രി​ക്കു​ന്നു. ചില യുവാക്കൾ തങ്ങളുടെ ഒഴിവു​സ​മയം നീന്തു​ന്ന​തി​നോ, ഫുട്‌ബോൾ കളിക്കു​ന്ന​തി​നോ, അല്ലെങ്കിൽ ഓടു​ന്ന​തി​നോ ചെലവ​ഴി​ക്കു​ന്നു. കായി​ക​വി​നോ​ദ​ങ്ങ​ളിൽ അഭിരു​ചി​ക്കു​റ​വുള്ള യുവജ​നങ്ങൾ സംഗീതം ശ്രദ്ധി​ക്കു​ന്ന​തി​നോ, ദീർഘ​ദൂര നടത്തത്തി​നോ, അല്ലെങ്കിൽ വെറുതെ വീട്ടി​ലി​രു​ന്നു വായി​ക്കു​ന്ന​തി​നോ ഇഷ്ടപ്പെ​ട്ടേ​ക്കാം. വേറെ ചിലർ പ്രത്യേക ഗുണങ്ങൾ വളർത്തു​ന്ന​തി​നോ വസ്‌തു​ക്കൾ ശേഖരി​ക്കു​ന്ന​തി​നോ താത്‌പ​ര്യ​പ്പെ​ടു​ന്നു. നതാലി​യു​ടെ ഹോബി ഓടക്കു​ഴൽവാ​യ​ന​യാണ്‌. അവളുടെ ഇളയ സഹോ​ദരി, നിക്കി, പാവകൾ ശേഖരി​ക്കു​ന്നു.

വിശ്ര​മ​വേ​ള​ക​ളി​ലെ മുഷിപ്പ്‌ അകററി​ക്കൊ​ണ്ടു, ഹോബി​കൾ ജോലി​യും കളിയും തമ്മിൽ ഒരു സന്തുലനം പ്രദാനം ചെയ്യുന്നു. അവ അയവു​പ്രാ​പി​ക്കാൻ നിങ്ങളെ സഹായി​ച്ചേ​ക്കാം. ഉചിത​മായ അയവു മാനസി​ക​വും ശാരീ​രി​ക​വും ആയി മെച്ചപ്പെട്ട ആരോ​ഗ്യ​ത്തിൽ കലാശി​ക്കും. കാനഡാ​ക്കാ​ര​നായ ഡോക്ടർ സർ വില്യം ഓസ്‌ളർ ഇങ്ങനെ അവകാ​ശ​പ്പെട്ടു: “ഹോബി​യി​ല്ലാത്ത ഒരു മനുഷ്യ​നും സന്തുഷ്ട​നോ സുരക്ഷി​ത​നോ അല്ല.” അദ്ദേഹം കൂട്ടി​ച്ചേർക്കു​ന്നു: “അത്‌ ബാഹ്യ​മായ താൽപ്പ​ര്യം എന്തായി​രു​ന്നാ​ലും അമൂല്യ​മായ ചെറിയ വ്യത്യാ​സം ഉളവാ​ക്കു​ന്നു. . . ഒരു ഹോബി​യു​ണ്ടാ​യി​രി​ക്ക​യും അതിനു നല്ല ശ്രദ്ധ കൊടു​ക്കു​ക​യും ചെയ്യു​ന്നി​ട​ത്തോ​ളം കാലം എന്തായാ​ലും മതിയാ​കും.” എന്നാൽ ഏതു നല്ല തെളി​പ്പു​കാ​ര​നും തന്റെ കുതി​രയെ നിയ​ന്ത്രി​ക്കു​ന്ന​തു​പോ​ലെ, നിങ്ങളു​ടെ ഹോബി നിങ്ങളെ നിയ​ന്ത്രി​ക്കാൻ അനുവ​ദി​ക്കു​ന്ന​തി​നു പകരം നിങ്ങൾ ഹോബി​യെ നിയ​ന്ത്രി​ക്കണം. എങ്ങനെ?

ഒന്നാമ​താ​യി, ജീവി​ത​ത്തി​ലെ കൂടുതൽ പ്രധാ​ന​പ്പെട്ട സംഗതി​കൾക്കു മുൻതൂ​ക്കം കൊടു​ത്തി​രി​ക്കു​ന്നു എന്നു നിങ്ങൾ ഉറപ്പു​വ​രു​ത്തേ​ണ്ട​തുണ്ട്‌, അതായതു ക്രിസ്‌തീയ യോഗ​ങ്ങൾക്കു ഹാജരാ​കൽ, വീട്ടു​ജോ​ലി​കൾക്കു​വേണ്ടി കരുതൽ, അതു​പോ​ലെ നിങ്ങളു​ടെ ഗൃഹപാ​ഠം ചെയ്യൽ എന്നിവ. (ഫിലി​പ്പി​യർ 1:10) ഇപ്പോൾ നിങ്ങളു​ടെ ഒഴിവു​സ​മ​യ​ത്തിൽ ഹോബിക്ക്‌ എത്രമാ​ത്രം സമയമാ​കാം എന്നു നിങ്ങൾക്കു നിശ്ചയി​ക്കാൻ സാധി​ക്കും.

പ്രയോ​ജ​ന​പ്ര​ദ​മായ ഹോബി​കൾ

കൈത്തയ്യൽ, വസ്‌ത്ര​നിർമ്മാ​ണം, അഥവാ പാചക കലയുടെ അനുധാ​വനം എന്നീ ഹോബി​കൾ വിലയുള്ള വൈഭ​വങ്ങൾ വികസി​പ്പി​ക്കാൻ നിങ്ങളെ സഹായി​ക്കും. ശരിയാണ്‌, ഈ ഹോബി​കൾ പെൺകു​ട്ടി​കൾക്കാ​ണു പ്രത്യേ​കി​ച്ചും ആകർഷകം. എന്നിരു​ന്നാ​ലും, പാചകം​ചെ​യ്യു​ന്ന​തിൽ ആണുങ്ങൾക്കു യോഗ്യ​മ​ല്ലാ​ത്ത​താ​യി ഒന്നുമില്ല. (യോഹ​ന്നാൻ 21:9-12 താരത​മ്യം ചെയ്യുക.) നിങ്ങൾ വിശിഷ്ട ഭക്ഷണനി​ല​വാ​ര​ങ്ങ​ളിൽ എത്തുക​യി​ല്ലാ​യി​രി​ക്കാം, എങ്കിലും പാചക​ത്തിൽ ചില്ലറ പരീക്ഷണം നടത്തു​ന്നത്‌ എന്നെങ്കി​ലും സ്വാ​ശ്ര​യ​ത്തിൽ കഴി​യേ​ണ്ടി​വ​ന്നാൽ അമൂല്യ​മെന്നു തെളി​ഞ്ഞേ​ക്കാ​വുന്ന കഴിവു​കൾ വികസി​പ്പി​ച്ചെ​ടു​ക്കാൻ നിങ്ങളെ സഹായി​ക്കും. നേരേ മറിച്ച്‌, പെൺകു​ട്ടി​കൾ, വാഹനം നന്നാക്കു​ന്ന​തി​ലോ വീട്ടു​സം​ബ​ന്ധ​മായ കേടു​പോ​ക്ക​ലി​ലോ ഒരുകൈ നോക്കു​ക​യാ​ണെ​ങ്കിൽ അതിൽനി​ന്നു പ്രയോ​ജനം കിട്ടി​യേ​ക്കാം.

വേറൊ​രു പ്രയോ​ജ​ന​പ്ര​ദ​മായ നേര​മ്പോക്ക്‌ ഒരു ഭാഷ പഠിക്ക​ലാണ്‌. ഉദാഹ​ര​ണ​ത്തിന്‌, യുവാ​വായ ജെയിംസ്‌, ഇപ്പോൾ റഷ്യൻ ഭാഷ പഠിക്കു​ന്നു. ഒരുപക്ഷേ ഒരു രണ്ടാം ഭാഷ ഒരു വിദേശ രാജ്യത്തു മററു​ള്ള​വരെ ബൈബിൾ സത്യങ്ങൾ പഠിപ്പി​ക്കാൻ നിങ്ങളെ പ്രാപ്‌ത​രാ​ക്കും! തീർച്ച​യാ​യും, ഹോബി​കൾ പലപ്പോ​ഴും മററു​ള്ള​വരെ സഹായി​ക്കാ​നുള്ള ഉപാധി​യാ​യി ഭവിക്കു​ന്നു.

ഉദാഹ​ര​ണ​ത്തിന്‌, പൂന്തോ​ട്ട​നിർമ്മാ​ണ​മാ​ണോ നിങ്ങളു​ടെ ഹോബി? നിങ്ങളു​ടെ മുത്തശ്ശീ-മുത്തശ്ശൻമാ​രു​ടെ അല്ലെങ്കിൽ തങ്ങളുടെ പൂന്തോ​ട്ടം ഉചിത​മാ​യി പരിപാ​ലി​ക്കാൻ ബുദ്ധി​മു​ട്ടുന്ന മറേറ​തെ​ങ്കി​ലും പ്രായ​മേ​റി​യ​വ​രു​ടെ പൂന്തോ​ട്ട​ത്തിൽ എന്തു​കൊ​ണ്ടു നിങ്ങളു​ടെ തോട്ട​നിർമ്മാണ കലാ​വൈ​ഭ​വങ്ങൾ പ്രയോ​ജ​ന​പ്പെ​ടു​ത്തി​ക്കൂ​ടാ? സ്വയം പണി​ചെ​യ്യു​ന്നതു നിങ്ങൾ ആസ്വദി​ക്കു​ന്നു​വോ? എങ്കിൽ ഒരു പ്രായ​മായ ആളെയോ അല്ലെങ്കിൽ ഒരു വിധവ​യെ​യോ വീട്ടു​സം​ബ​ന്ധ​മായ കേടു​പോ​ക്ക​ലിൽ സഹായി​ക്കാ​മെന്ന്‌ എന്തു​കൊ​ണ്ടു വാഗ്‌ദാ​നം ചെയ്‌തു​കൂ​ടാ? പാചകം നിങ്ങളു​ടെ ഹോബി​യാ​യി​രി​ക്ക​യും ഇഷ്ടപ്പെട്ട ഒരു പാചക​വി​ധി നിങ്ങൾക്ക്‌ ഉണ്ടായി​രി​ക്ക​യും ചെയ്യു​മ്പോൾ, എന്തു​കൊണ്ട്‌ ആ ഭക്ഷണം തയ്യാറാ​ക്കി മുട്ടുള്ള ആർക്കെ​ങ്കി​ലും ഒരു ദാനമാ​യി കൊടു​ത്തു​കൂ​ടാ? ഓർമ്മി​ക്കുക, “സന്തോഷം കൂടു​ത​ലു​ള്ളത്‌”, യേശു പറഞ്ഞതു​പോ​ലെ, “വാങ്ങു​ന്ന​തി​നേ​ക്കാൾ കൊടു​ക്കു​ന്ന​തി​ലാണ്‌.”—പ്രവൃ​ത്തി​കൾ 20:35, NW.

ആത്മീയ​മാ​യി മുന്നേ​റു​ന്ന​തി​നു​പോ​ലും ഒരു ഹോബി​ക്കു നിങ്ങളെ സഹായി​ക്കാൻ കഴിയും. ഉദാഹ​ര​ണ​ത്തിന്‌, മാതൃ​കകൾ ഉണ്ടാക്കു​ന്നതു നിങ്ങൾ ഇഷ്ടപ്പെ​ടു​ന്നു​വെ​ങ്കിൽ, ഒരു ചെറു​പെ​ട്ടകം നിർമ്മി​ക്കു​ക​വഴി നോഹ​യു​ടെ വിശ്വാ​സ​ത്തി​ന്റെ ദൃഢത​യേ​പ്പ​റ​റി​യുള്ള നിങ്ങളു​ടെ വിലമ​തി​പ്പി​ന്റെ ആഴം അതു വർദ്ധി​പ്പി​ക്കി​ല്ലേ? (ചതുരം കാണുക.) അതു​പോ​ലെ സമാഗ​മ​ന​കൂ​ടാ​ര​ത്തി​ന്റെ​യോ ആലയത്തി​ന്റെ​യോ ഒരു മാതൃക നിർമ്മി​ച്ചാൽ പണ്ടുകാ​ലത്തു ദൈവ​ദാ​സൻമാർ ആരാധിച്ച വിധ​ത്തെ​പ്പ​റ​റി​യുള്ള നിങ്ങളു​ടെ അറിവു മെച്ച​പ്പെ​ടു​ത്തി​യേ​ക്കാം. ബൈബിൾക്കാ​ല​ങ്ങ​ളിൽ ഇടയ​ച്ചെ​റു​ക്ക​നായ ദാവീദു തന്റെ ഒഴിവു​സ​മ​യത്തു കിന്നരം വായി​ച്ചി​രു​ന്നു. പിന്നീട്‌ അവൻ യഹോ​വ​യു​ടെ സ്‌തു​തി​ക്കാ​യി സുന്ദര​മായ ഗാനങ്ങൾ രചിച്ചു. നിങ്ങൾക്ക്‌ ഒരു സംഗീ​തോ​പ​ക​രണം വായി​ക്കാൻ സ്വയം പഠിക്കാൻ കഴിയു​മോ? അങ്ങനെ​യെ​ങ്കിൽ, യഹോ​വ​യ്‌ക്കു സ്‌തു​തി​ഗീ​തങ്ങൾ പാടുകa എന്ന പാട്ടു​പു​സ്‌ത​ക​ത്തിൽനി​ന്നും കുറെ ഗീതങ്ങൾ പഠിച്ചു​കൊ​ണ്ടു യഹോ​വയെ സ്‌തു​തി​ക്കു​ന്ന​തിന്‌ നിങ്ങളു​ടെ കഴിവ്‌ എന്തു​കൊണ്ട്‌ ഉപയോ​ഗി​ച്ചു​കൂ​ടാ? നിങ്ങൾ സംഗീതം ആലപി​ക്കു​മ്പോൾ, പദങ്ങൾ വഹിക്കുന്ന വികാരം പരിചി​ന്തി​ക്കുക. നിങ്ങൾ ശേഖരണം നടത്തുന്ന ഒരാളാ​ണോ? എങ്കിൽ ബൈബിൾസം​ബ​ന്ധ​മായ വസ്‌തു​ക്കൾ സ്വരൂ​പി​ക്കുക. അല്ലെങ്കിൽ ബൈബിൾനാ​ടു​ക​ളു​ടെ ചിത്ര​ങ്ങൾകൊണ്ട്‌ ഒരു ആൽബത്തി​ന്റെ താളുകൾ നിറക്കാൻ ശ്രമി​ക്കുക.

വില കണക്കാ​ക്കു​ക

ഒരു ഹോബി എത്രതന്നെ പ്രയോ​ജ​ന​പ്ര​ദ​മാ​യി​രു​ന്നേ​ക്കാ​മെ​ങ്കി​ലും, നിങ്ങ​ളോ​ടു​തന്നെ ഇങ്ങനെ ചോദി​ക്കു​ന്നതു പലപ്പോ​ഴും ബുദ്ധി​യാണ്‌, ഇതിന്‌ എന്തു ചെലവാ​കും? (ലൂക്കോസ്‌ 14:28) ഹോബി നിങ്ങളു​ടെ ബജററിൽ ഒതുങ്ങു​ന്ന​താ​ണോ? നിങ്ങളു​ടെ നേര​മ്പോ​ക്കു ശേഖര​ണ​മാ​യി​രി​ക്കു​മ്പോൾ ഇതു പ്രത്യേ​കി​ച്ചും ഒരു വെല്ലു​വി​ളി​യാ​യി​രി​ക്കാൻ കഴിയും, അതു തപാൽസ്‌റ​റാ​മ്പു​ക​ളോ, പുരാ​വ​സ്‌തു​ക്ക​ളോ, അഥവാ പാവകൾ പോലു​മോ ആയിരു​ന്നാ​ലും!

നിങ്ങൾ വിഭവ​ങ്ങളെ എങ്ങനെ വിനി​യോ​ഗി​ക്കു​ന്നു എന്നതു നിത്യ​ജീ​വൻ ലഭിക്കാ​നുള്ള നിങ്ങളു​ടെ സാദ്ധ്യ​ത​യേ​പ്പോ​ലും ബാധി​ച്ചേ​ക്കാം എന്നോർമ്മി​ക്കുക. യേശു പറഞ്ഞു: “അനീതി​യുള്ള മമ്മോ​നെ​ക്കൊ​ണ്ടു [നിങ്ങളു​ടെ പണം] നിങ്ങൾക്കു സ്‌നേ​ഹി​തൻമാ​രെ ഉണ്ടാക്കി​ക്കൊൾവിൻ, അതു ഇല്ലാ​തെ​യാ​കു​മ്പോൾ, അവർ [യഹോ​വ​യാം ദൈവ​വും യേശു​ക്രി​സ്‌തു​വും] നിത്യ​കൂ​ടാ​ര​ങ്ങ​ളിൽ നിങ്ങളെ ചേർത്തു​കൊൾവാൻ ഇടയാ​കും.” (ലൂക്കോസ്‌ 16:9) “യഹോ​വയെ നിങ്ങളു​ടെ വില​യേ​റിയ വസ്‌തു​ക്കൾകൊ​ണ്ടു ബഹുമാ​നി​ക്കാൻ” ഒന്നും മിച്ചമി​ല്ലാത്ത വിധത്തിൽ, ഒരു ഹോബി​ക്കു​വേണ്ടി അത്രയ​ധി​കം പണം നിങ്ങൾക്കു ചെലവാ​ക്കേ​ണ്ടി​വ​രു​മോ? (സദൃശ​വാ​ക്യ​ങ്ങൾ 3:9, NW) ഒരു ഹോബി​ക്കു പണം മുടക്കു​ന്നത്‌, ഒരുപക്ഷേ ആത്മീയ​കാ​ര്യ​ങ്ങൾക്കു വീഴ്‌ച്ച​വ​രു​ത്തി​ക്കൊണ്ട്‌ അംശകാ​ല​ജോ​ലി ഏറെറ​ടു​ക്കു​ന്ന​തി​നു നിങ്ങളെ നിർബ​ന്ധി​ക്കു​മോ?

നിങ്ങളു​ടെ സമനില നിലനിർത്തുക!

ചില അവസര​ങ്ങ​ളിൽ ഹോബി ഗൗരവ​മാ​യെ​ടു​ക്കു​ന്നവർ അതേ അനുധാ​വനം ആസ്വദി​ക്കു​ന്ന​വ​രോ​ടൊ​ത്താ​യി​രി​ക്കാൻ തീവ്ര​മാ​യി ആഗ്രഹി​ക്കു​ന്നു. നിങ്ങ​ളോ​ടു​തന്നെ ചോദി​ക്കുക: അങ്ങനെ​യുള്ള സഹവാസം കെട്ടു​പണി ചെയ്യു​ന്ന​താ​യി​രി​ക്കു​മോ? അവരുടെ വേഷവും ചമയവും, അവരുടെ വിനോ​ദ​ത്തി​ന്റെ തിര​ഞ്ഞെ​ടുപ്പ്‌, അല്ലെങ്കിൽ അവരുടെ സംഭാ​ഷണം എന്നിവ​യു​ടെ നിലവാ​രങ്ങൾ നിങ്ങളു​ടെ​മേൽ ഒരു ചീത്ത സ്വാധീ​നം ആയേക്കു​മോ? നിങ്ങളു​ടെ സ്വന്തം കുടും​ബ​ത്തേ​ക്കാ​ളോ ക്രിസ്‌തീയ കൂട്ടു​കാ​രേ​ക്കാ​ളോ കൂടുതൽ നിങ്ങൾ അവരുടെ കൂട്ടത്തി​ലേക്ക്‌ അടുക്കു​ന്ന​താ​യി വരുമോ? ഓർമ്മി​ക്കുക, “ചീത്ത സഹവാസം പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.”—1 കൊരി​ന്ത്യർ 15:33, NW.

ഉത്‌ക്ക​ണ്‌ഠ​ക്കു​ള്ള മറെറാ​രു സംഗതി: ഏതുത​ര​ത്തി​ലുള്ള മനോ​ഭാ​വ​ത്തെ​യാ​ണു നിങ്ങളു​ടെ ഹോബി പ്രോ​ത്സാ​ഹി​പ്പി​ക്കു​ന്നത്‌? അനാ​രോ​ഗ്യ​ക​ര​മായ ഒരു മത്സരാ​ത്മാ​വി​നെ അത്‌ ഉദ്ദീപി​പ്പി​ക്കു​ന്നു​ണ്ടോ? അതിൽ അമിത​മായ ആരോഗ്യ അപായങ്ങൾ ഉൾപ്പെ​ടു​ന്നു​ണ്ടോ? അങ്ങനെ​യെ​ങ്കിൽ, അപ്പോ​സ്‌ത​ല​നായ പൗലോ​സി​ന്റെ വാക്കുകൾ മനസ്സിൽപി​ടി​ക്കു​ന്നതു നന്നായി​രി​ക്കും: “ശരീരാ​ഭ്യാ​സം അല്‌പ​പ്ര​യോ​ജ​ന​മു​ള്ള​ത​ത്രേ; ദൈവ​ഭ​ക്തി​യോ . . . സകലത്തി​ന്നും പ്രയോ​ജ​ന​ക​ര​മാ​കു​ന്നു.”—1 തിമൊ​ഥെ​യൊസ്‌ 4:8; ഗലാത്യർ 5:26.

നേരേ മറിച്ച്‌, ശലോ​മോൻ പറഞ്ഞു: “എല്ലാറ​റി​ന്നും ഒരു സമയമു​ണ്ടു; ആകാശ​ത്തിൻകീ​ഴുള്ള സകലകാ​ര്യ​ത്തി​നും ഒരു കാലം ഉണ്ടു.” “ചിരി​പ്പാൻ ഒരു കാലം” കൂടി അതിൽ ഉൾപ്പെ​ടു​ന്നു. അതെ, ഹോബി​കൾക്കും ഉല്ലാസ​ത്തി​നും അതി​ന്റേ​തായ സ്ഥാനമുണ്ട്‌. എന്നിരു​ന്നാ​ലും, ശലോ​മോ​ന്റെ പിൻവ​രുന്ന വാക്കു​കളെ അവഗണി​ക്കുന്ന വിധത്തിൽ, ഒരു ഹോബി നിങ്ങളു​ടെ താത്‌പ​ര്യ​ത്തെ ഗ്രസി​ക്കു​ന്നി​ല്ലെന്ന്‌ ഉറപ്പു​വ​രു​ത്തുക: “എല്ലാറ​റി​ന്റെ​യും സാരം കേൾക്കുക; ദൈവത്തെ ഭയപ്പെട്ടു അവന്റെ കൽപ്പന​കളെ പ്രമാ​ണി​ച്ചു​കൊൾക; അതു ആകുന്നു സകല മനുഷ്യർക്കും വേണ്ടു​ന്നതു.”—സഭാ​പ്ര​സം​ഗി 3:1, 4; 12:13. (g91 11/22)

[അടിക്കു​റി​പ്പു​കൾ]

[18-ാം പേജിലെ ചതുരം]

ഞാൻ നോഹ​യു​ടെ പെട്ടകം നിർമ്മി​ച്ചു!

ഞാൻ കൈകൾ കൊണ്ടു ജോലി ചെയ്യു​ന്നത്‌ ആസ്വദി​ക്കു​ന്നു. ഒരുദി​വസം എനിക്കു നോഹ​യു​ടെ പെട്ടക​ത്തെ​പ്പ​ററി കൂടുതൽ അറിയാ​നുള്ള പ്രേരണ ഉണ്ടായ​പ്പോൾ, അതിന്റെ ചെറി​യ​തോ​തി​ലുള്ള ഒരു മാതൃക ഉണ്ടാക്കാൻ ഞാൻ തീരു​മാ​നി​ച്ചു.

വാച്ച്‌ ടവർ സൊ​സൈ​ററി പ്രസി​ദ്ധീ​ക​രി​ക്കുന്ന ഗവേഷ​ണ​സ​ഹാ​യി​കൾ ഉപയോ​ഗിച്ച്‌ ഉൽപ്പത്തി 6:14-16 വരെയുള്ള ബൈബിൾ വിവരണം സശ്രദ്ധം പഠിച്ചു​കൊ​ണ്ടു ഞാൻ തുടങ്ങി. പെട്ടകം ഒരു ആധുനിക കപ്പൽപോ​ലെ ആയിരു​ന്ന​തേ​യില്ല എന്നു ഞാൻ പെട്ടെന്നു തിരി​ച്ച​റി​ഞ്ഞു. പിന്നെ​യോ, അതു കേവലം വലിയ ഒരു പെട്ടി​യാ​യി​രു​ന്നു: 300 ഗുണം 50 ഗുണം 30 മുഴം. അതു മീററ​റി​ലേക്കു മാററു​മ്പോൾ 133.5 മീററർ നീളവും, 22.3 മീററർ വീതി​യും, 13.4 മീററർ ഉയരവും കിട്ടുന്നു. അപ്പോൾ പെട്ടകം 134 മീററർ നീളമു​ള്ള​താ​യി​രു​ന്നു— ഐക്യ​നാ​ടു​ക​ളി​ലെ ഒരു ഫുട്‌ബോൾ കളിസ്ഥ​ല​ത്തി​ന്റെ ഏതാണ്ട്‌ ഒന്നര ഇരട്ടി​യോ​ളം നീളം. ഇത്ര​ത്തോ​ളം ഭീമാ​കാ​ര​മായ നിർമ്മി​തി​ക്കു​പോ​ലും, അസ്‌തി​ത്വ​ത്തി​ലു​ണ്ടെന്നു ശാസ്‌ത്ര​ജ്ഞൻമാർ പറയുന്ന 10,00,000-ത്തിൽപ്പരം ജന്തുഗ​ണ​ങ്ങളെ ഉൾക്കൊ​ള്ളി​ക്കാൻ കഴിയില്ല. എന്നിരു​ന്നാ​ലും, ഇന്ന്‌ അസ്‌തി​ത്വ​ത്തി​ലുള്ള മഹാ​വൈ​വി​ദ്ധ്യ​മാർന്ന ജന്തുഗ​ണ​ങ്ങളെ ഉത്‌പാ​ദി​പ്പി​ക്കാൻ വെറും 43 “തരം” സ്‌തന്യ​പങ്ങൾ, 74 “തരം” പക്ഷികൾ, 10 “തരം” ഇഴജന്തു​ക്കൾ എന്നിവക്കു കഴിയു​മാ​യി​രു​ന്നു എന്നു ചില ഗവേഷകർ വിശ്വ​സി​ക്കു​ന്നു​വെന്നു ഞാൻ മനസ്സി​ലാ​ക്കി.

എന്റെ ഗവേഷണം നോഹ​യു​ടെ ജോലി​യു​ടെ ആധിക്യം വിലമ​തി​ക്കാ​നും എന്നെ സഹായി​ച്ചു: അതായത്‌, വൈദ്യു​തി​വാ​ളു​ക​ളി​ല്ലാ​തെ മരങ്ങൾ മുറിക്കൽ, നിർമ്മാ​ണ​സ്ഥ​ല​ത്തേക്കു ട്രാക്ട​റു​ക​ളി​ല്ലാ​തെ തടി വലിക്കൽ, അതു​പോ​ലെ, ഭാരമുള്ള മേൽത്ത​ട്ടി​ന്റെ തുലാങ്ങൾ ക്രെയി​നു​കൾ ഇല്ലാതെ ഉയർത്തൽ. നോഹ​യു​ടേ​തി​നോ​ടു താരത​മ്യം ചെയ്യു​മ്പോൾ എന്റെ ജോലി നിസ്സാ​ര​മാ​യി​രു​ന്നു! “തടി” ലഭിക്കു​ന്ന​തിന്‌, ഞാൻ കേവലം ഉണങ്ങിയ കളത്തണ്ടു​ക​ളു​ടെ കുറെ കെട്ടുകൾ പൊട്ടി​ച്ചെ​ടു​ത്തു. എന്റെ “മൃഗങ്ങൾ” കളിമ​ണ്ണു​കൊണ്ട്‌ ഉണ്ടാക്കി​യ​വ​യാ​യി​രു​ന്നു. അകത്തള​ത്തി​ന്റെ ആസൂ​ത്ര​ണ​ത്തി​നു​വേണ്ടി, എനിക്കു കുറെ ഊഹപ്പണി ചെയ്യേ​ണ്ടി​വന്നു. തങ്ങൾക്ക്‌ ഏററവും കൂടുതൽ വെളി​ച്ച​വും വായൂ​സ​ഞ്ചാ​ര​വും ആസ്വദി​ക്കാൻ കഴിയു​മാ​യി​രു​ന്നതു മുകളി​ലത്തെ നിലയി​ലാ​യി​രി​ക്കു​ന്ന​തു​കൊണ്ട്‌, സാദ്ധ്യ​ത​യ​നു​സ​രി​ച്ചു നോഹ​യും കുടും​ബ​വും അവിടം താമസി​ക്കാൻ തിര​ഞ്ഞെ​ടു​ത്തു​കാ​ണും എന്നു ഞാൻ കണക്കു​കൂ​ട്ടി. ജന്തുക്കളെ ഞാൻ പെട്ടക​ത്തി​ന്റെ താഴ​ത്തെ​നി​ല​ക​ളി​ലാ​ക്കി.

മണിക്കൂ​റു​ക​ളോ​ള​മുള്ള അദ്ധ്വാ​ന​ത്തി​നു​ശേഷം, എന്റെ മാതൃക പൂർത്തി​യാ​യി. ഹൃദയ​ഹാ​രി​യാ​യി കാണ​പ്പെ​ട്ടു​വെന്നു ചിലർ പറഞ്ഞെ​ങ്കി​ലും, യഥാർത്ഥ പെട്ടകം എന്റെ മാതൃ​ക​യേ​ക്കാൾ ഒരു നൂറി​രട്ടി നീളവും, വീതി​യും, ഉയരവും ഉള്ളതാ​യി​രു​ന്നു. മററു​വാ​ക്കു​ക​ളിൽ, മൂല​പെ​ട്ട​ക​ത്തി​ന്റെ ഉൾക്കൊ​ള്ളാ​നുള്ള ശേഷിക്കു തുല്യ​മാ​കാൻ എന്റെ മാതൃ​ക​യു​ടെ 10,00,000-എണ്ണം വേണ്ടി​വ​രും. അപ്പോൾ, യഥാർത്ഥ പെട്ടക​ത്തെ​പ്പ​ററി കൂടുതൽ കണ്ടുപി​ടു​ക്കു​ന്ന​തി​നുള്ള എന്റെ വാഞ്‌ഛയെ പദ്ധതി ഉത്തേജി​പ്പി​ച്ചത്‌ അതിശ​യമല്ല. ദൈവ​ത്തി​ന്റെ പുതിയ ലോകം കാണാ​നാ​യി ജീവി​ച്ചി​രി​ക്കാൻ എനിക്കു പദവി ലഭിക്ക​യും മരിച്ച​വ​രു​ടെ പുനരു​ത്ഥാ​ന​ത്തി​നു സാക്ഷ്യം വഹിക്കാൻ ഇടയാ​കു​ക​യും ചെയ്‌താൽ, ഒരുപക്ഷേ ഒരു പുതിയ മാതൃക ഉണ്ടാക്കാൻ—എല്ലാവി​ശ​ദാം​ശ​ത്തി​ലും കൃത്യ​മായ ഒന്നുതന്നെ—നോഹ​യോ​ടു സഹായം അഭ്യർത്ഥി​ക്കാൻ എനിക്കു കഴിയും.—സംഭാ​വ​ന​ചെ​യ്യ​പ്പെ​ട്ടത്‌.

[19-ാം പേജിലെ ചിത്രങ്ങൾ]

നിങ്ങളുടെ ഹോബി നിങ്ങൾക്കും മററു​ള്ള​വർക്കും ആനന്ദം നൽകു​ന്നു​ണ്ടോ?

ബൈബിൾ നാടു​ക​ളു​ടെ ചിത്രങ്ങൾ ശേഖരി​ക്കു​ന്നതു തിരു​വെ​ഴു​ത്തു​സം​ഭ​വങ്ങൾ മനോ​മു​ക​ര​ത്തിൽ കാണാൻ നിങ്ങളെ സഹായി​ക്കും