പ്രപഞ്ച​ത്തി​ലേക്ക്‌ ഉററു​നോ​ക്കൽ

ഹവായിയിലെ ഉണരുക! ലേഖകൻ

കാലത്തി​ലേക്കു പിന്തി​രി​ഞ്ഞു നോക്കാൻ നിങ്ങൾ ആഗ്രഹി​ച്ചാൽ നിങ്ങൾക്ക​തി​നു കഴിയു​മോ? ഉത്തരം ഉവ്വ്‌ എന്നാണ്‌!

വാസ്‌ത​വ​ത്തിൽ, നക്ഷത്ര​നി​ബി​ഡ​മായ ആകാശ​ത്തേ​ക്കു​നോ​ക്കുന്ന ഓരോ​സ​മ​യ​ത്തും നാം ഭൂതകാ​ല​ത്തി​ലേക്ക്‌ ഉററു​നോ​ക്കു​ക​യാണ്‌. പിന്നിട്ട കാലത്തി​ന്റെ അത്തരം സമ്മോ​ഹ​ന​മായ കാഴ്‌ച്ച ആസ്വദി​ക്കു​ന്ന​തി​നു നമുക്ക്‌ എവിടെ പോകാൻ കഴിയും? കൊള്ളാം, ഹവായി കണ്ടെത്താ​നാ​യി നക്ഷത്ര​ങ്ങളെ പിൻതു​ടർന്ന പുരാതന പോളി​നേ​ഷ്യ​ക്കാ​രേ​പ്പോ​ലെ, ഇന്നു നക്ഷത്ര​ങ്ങളെ നിരീ​ക്ഷി​ക്കു​ക​യോ പിൻതു​ട​രു​ക​യോ ചെയ്യാൻ ശ്രമി​ക്കുന്ന അനേകർ ഈ ദ്വീപു​സം​സ്ഥാ​ന​ത്തി​ലേക്കു വരുന്നു. എന്നിരു​ന്നാ​ലും, ജ്യോ​തി​ശാ​സ്‌ത്ര​സാ​ങ്കേ​തി​ക​വി​ദ്യ​യു​ടെ ഏററവും ഉയർന്ന രൂപം അവർ കണ്ടെത്തു​ന്നു—ഭൂതകാ​ല​ത്തി​ലേക്കു കൂടുതൽ വിദൂ​ര​ത്തിൽ നോക്കാൻ മനുഷ്യ​രെ സഹായി​ക്കുന്ന ഒരു സാങ്കേ​തി​ക​ശാ​സ്‌ത്രം തന്നെ.

നമുക്കു ഹവായി ദ്വീപി​ലേക്ക്‌ അഥവാ ബിഗ്‌ ഐലൻഡി​ലേക്കു പോകാം. അവിടെ മൗണാ കീ എന്നു വിളി​ക്ക​പ്പെ​ടുന്ന കെട്ടട​ങ്ങിയ ഒരു അഗ്നിപർവ്വ​ത​ത്തി​ന്റെ മുകളി​ലേക്കു നാം കയറും. 4,205 മീററർ ഉയരത്തിൽ പ്രപഞ്ച​ത്തി​ലേക്ക്‌ ഉററു​നോ​ക്കാൻ അർപ്പി​ക്ക​പ്പെട്ട ലോക​ത്തി​ലെ ഏററവും നല്ല ബഹിരാ​കാ​ശ​നി​രീ​ക്ഷ​ണ​ശാ​ല​ക​ളിൽ ചിലവ നാം സന്ദർശി​ക്കും.

മൗണാ കീയിൽ കയറൽ

പ്രഭാ​ത​ത്തിൽ ആരംഭി​ക്കുന്ന മൗണാ കീയുടെ മുകളി​ലേ​ക്കുള്ള ഞങ്ങളുടെ യാത്ര സുദീർഘ​വും വളഞ്ഞു​പു​ള​ഞ്ഞ​തു​മാണ്‌. ഒരു വർഷത്തിൽ 500 സെൻറീ​മീ​റ​റ​റി​നു​മേൽ വർഷപാ​ത​മുള്ള താഴ്‌വാ​ര​ത്തി​ലെ ഉഷ്‌ണ​മേ​ഖ​ലാ​കാ​ലാ​വസ്‌ഥ വിട്ട്‌ ആണ്ടുവ​ട്ട​ത്തിൽ അനേക​മാ​സ​ങ്ങ​ളോ​ളം മഞ്ഞുമൂ​ടി​ക്കി​ട​ക്കുന്ന ഉയർന്ന നിർജ്ജീവ അഗ്നിപർവ​ത​ത്തി​ന്റെ മുകളി​ലത്തെ ശൂന്യ​ച​രി​വു​ക​ളി​ലേക്ക്‌ ഞങ്ങൾ കയറുന്നു. ഏററവും മുകളി​ലുള്ള വൃക്ഷനി​ര​യും പിന്നിട്ടു മുകളി​ലോ​ട്ടു കയറു​മ്പോൾ ചെങ്കു​ത്താ​യ​തും അപകടം നിറഞ്ഞ​തു​മായ മോശ​മായ ഒരു പാതയിൽ നാം എത്തുന്നു. നാലു ചക്രങ്ങ​ളും വലിക്കുന്ന ഒരു വാഹനം ആവശ്യ​മാ​യി​രി​ക്കു​ന്ന​തെ​ന്തു​കൊ​ണ്ടെന്ന്‌ ഇപ്പോൾ നാം മനസ്സി​ലാ​ക്കു​ന്നു.

അന്തിമ​മാ​യി, ഗിരി​ശൃം​ഗ​ത്തി​ലെ​ത്തുന്ന നാം അങ്ങിങ്ങാ​യി സ്ഥിതി​ചെ​യ്യുന്ന അനേകം വാനനി​രീ​ക്ഷ​ണ​ശാ​ലകൾ കാണുന്നു. ഇവിടത്തെ അന്തരീക്ഷം ശുദ്ധവും വ്യക്തവും യഥാർത്ഥ​ത്തിൽ സുതാ​ര്യ​വു​മാണ്‌. ഞങ്ങൾ വാഹനം പാർക്കു ചെയ്‌തി​ട്ടു പുറത്തി​റ​ങ്ങു​ന്നു. വേഗത​യുള്ള ശീതക്കാ​ററ്‌ ക്ഷണത്തിൽ ഞങ്ങളെ തണുപ്പി​ക്കു​ന്നു. മത്തുപി​ടി​പ്പി​ക്കുന്ന ഒരു ഹർഷോൻമാ​ദം ഞങ്ങളി​ലേക്കു പാഞ്ഞു​ക​യ​റു​ന്നു. ചുററു​മുള്ള മേഘാ​വ​ര​ണ​ത്തി​നു മീതെ, മറെറ​ല്ലാ​ഭൂ​പ്ര​ദേശ സമുദ്ര വീക്ഷണ​ങ്ങ​ളിൽനി​ന്നും വിച്‌ഛേ​ദി​ക്ക​പ്പെ​ട്ട​തു​പോ​ലെ തോന്നു​മാറ്‌ ഞങ്ങൾ ശൂന്യ​മായ അഗ്നിപർവ​ത​ത്തി​നു മുകളിൽ നിൽക്കു​ക​യാണ്‌!

എന്തു​കൊ​ണ്ടി​വി​ടെ?

ബാഹ്യാ​കാ​ശ​ത്തി​ലേ​ക്കും ഭൂതകാ​ല​ത്തി​ലേ​ക്കും ഉററു​നോ​ക്കാ​നാ​യി ജ്യോ​തി​ശ്ശാ​സ്‌ത്രജ്ഞർ 1960-കളുടെ പ്രാരം​ഭ​ത്തിൽ തങ്ങളുടെ ആദ്യത്തെ ബിഗ്‌ ഐലൻഡ്‌ വാനനി​രീ​ക്ഷ​ണ​ശാല നിർമ്മി​ക്കാൻ തുടങ്ങി. എന്നാൽ ഇവിടെ പസഫിക്‌ സമു​ദ്ര​ത്തിൽ വിദൂ​ര​ത്തി​ലുള്ള ഒരു ദ്വീപ അഗ്നിപർവ​ത​ത്തി​ന്റെ മുകളിൽ എന്തു​കൊണ്ട്‌?

നക്ഷത്ര​നി​ബി​ഡ​മായ ആകാശത്തെ സൂക്ഷ്‌മ​നി​രീ​ക്ഷണം നടത്തു​ന്ന​തിന്‌ ഈ പ്രത്യേക സ്ഥാനം വളരെ പ്രയോ​ജ​ന​ക​ര​മാ​യി​രി​ക്കു​ന്ന​തി​നു നാല്‌ അടിസ്ഥാ​ന​കാ​ര​ണങ്ങൾ ഉണ്ട്‌: (1) വാർഷി​ക​മാ​യുള്ള തെളിഞ്ഞ രാത്രി​ക​ളു​ടെ ഉയർന്ന ശതമാനം; (2) തടസ്സം കുറഞ്ഞ കാഴ്‌ച്ച പ്രദാനം ചെയ്യുന്ന വായു​വി​ന്റെ സ്വച്ഛത​യും സ്ഥിരത​യും; (3) ബിഗ്‌ ഐലൻഡി​ലെ നഗര​വെ​ളി​ച്ച​നി​യ​ന്ത്ര​ണ​നി​യ​മ​ങ്ങ​ളാൽ സംരക്ഷി​ക്ക​പ്പെ​ടുന്ന രാത്രി​യി​ലെ ഏററവും താഴ്‌ന്ന പ്രകാ​ശ​നില; (4) വളരെ താഴ്‌ന്ന ഈർപ്പം എന്നിവ. അവസാ​നത്തെ ആ ഘടകം പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? എന്തെന്നാൽ ഈർപ്പം ചിലതരം ഉപകര​ണ​ങ്ങ​ളു​ടെ പ്രവർത്ത​നത്തെ തടസ്സ​പ്പെ​ടു​ത്തു​ന്നു.

ബഹിരാ​കാ​ശ​ത്തെ ഉററു​നോ​ക്കു​ന്ന​തിന്‌ ഈ സ്ഥാനത്തെ ഉത്തമമാ​ക്കുന്ന അസാധാ​ര​ണ​മായ അന്തരീ​ക്ഷ​ഗു​ണങ്ങൾ നഗ്നനേ​ത്ര​ത്താൽപോ​ലും നമുക്ക്‌ അനായാ​സം കാണാൻ കഴിയും. നക്ഷത്ര​ങ്ങളെ നിരീ​ക്ഷി​ക്കു​ന്ന​തിന്‌ ഏതാണ്ട്‌ കുററ​മററ സ്ഥാനമാ​യി മൗണാ കീ കരുത​പ്പെ​ടു​ന്ന​തിൽ അതിശ​യ​മില്ല.

വാനനി​രീ​ക്ഷ​ണ​നി​ല​യ​ങ്ങൾക്കു​ള്ളിൽ

ഞങ്ങൾ വഴികാ​ട്ടി​യെ കണ്ടുമു​ട്ടു​ക​യും അവളോ​ടൊ​ത്തു ഡബ്ലിയു. എം. കെക്ക്‌ വാനനി​രീ​ക്ഷ​ണ​നി​ല​യ​ത്തി​ലേക്ക്‌ പോകു​ക​യും ചെയ്യുന്നു. ഇന്നോളം നിർമ്മി​ക്ക​പ്പെ​ട്ടി​ട്ടു​ള്ള​തിൽ വച്ച്‌ ഏററവും വലുതും അതിശ​ക്ത​വു​മായ ദൂരദർശി​നി ഇവി​ടെ​യുണ്ട്‌.

ജ്യോ​തി​ശ്ശാ​സ്‌ത്രജ്ഞർ മേലാൽ നഗ്നനേ​ത്ര​ങ്ങൾകൊണ്ട്‌ ഈ ദൂരദർശ​നി​ക​ളിൽ കൂടി നോക്കു​ന്നില്ല എന്ന്‌ നാം ഉള്ളി​ലേക്കു പ്രവേ​ശി​ക്കവേ ഉടൻതന്നെ മനസ്സി​ലാ​ക്കു​ന്നു. ഇല്ല, ആ നാളുകൾ പൊയ്‌പ്പോ​യി​രി​ക്കു​ന്നു! ഇന്ന്‌ ശാസ്‌ത്ര​ജ്ഞൻമാർ ശക്തി​യേ​റിയ കമ്പ്യൂ​ട്ട​റു​ക​ളി​ലൂ​ടെ​യും മററു സങ്കീർണ്ണ ഉപകര​ണ​ങ്ങ​ളി​ലൂ​ടെ​യും ദൂരദർശി​നി​ക​ളു​മാ​യി പരസ്‌പ​ര​പ്ര​വർത്തനം നടത്തുന്നു. കമ്പ്യൂ​ട്ടർസ​ഹാ​യ​മുള്ള ഈ സജ്ജീക​ര​ണ​ത്തി​നു നഗ്നനേ​ത്ര​ങ്ങൾകൊണ്ട്‌ കാണാൻ കഴിയു​ന്ന​തി​ന്റെ ശതകോ​ടി​ക്ക​ണ​ക്കി​നു മടങ്ങ്‌ കാണാൻ പ്രാപ്‌തി​യുണ്ട്‌.

മനസ്സിനെ അമ്പരപ്പി​ക്കു​ന്നത്‌, അല്ലേ? തങ്ങൾ ശേഖരി​ച്ച​തി​നെ വിലയി​രു​ത്തി​ക്കൊണ്ട്‌ മാസങ്ങ​ളോ​ളം തങ്ങളെ തിരക്കു​ള്ള​വ​രാ​ക്കി​നിർത്താൻ കഴിയു​ന്നത്ര വിവരങ്ങൾ ഏതാനും ചില ദിവസ​ങ്ങൾകൊണ്ട്‌ ജ്യോ​തി​ശ്ശാ​സ്‌ത്ര​ജ്ഞർക്ക്‌ ഈ സങ്കേതി​ക​വി​ദ്യ​യി​ലൂ​ടെ സമ്പാദി​ക്കാൻ കഴിയും.

ഡബ്ലിയു. എം. കെക്ക്‌ വാനനി​രീ​ക്ഷ​ണ​നി​ല​യത്തെ ബഹിരാ​കാശ സങ്കേതി​ക​വി​ദ്യ​യു​ടെ മുൻനി​ര​യിൽ നിറു​ത്തു​ന്നത്‌ എന്താ​ണെ​ന്നു​ള്ള​തി​ലേക്ക്‌ ഞങ്ങളുടെ ഗൈഡ്‌ ഞങ്ങളുടെ ശ്രദ്ധ തിരി​ക്കു​ന്നു—അതിലെ ദൂരദർശി​നി​യു​ടെ അതുല്യ രൂപസം​വി​ധാ​നം തന്നെ. ഓരോ​ന്നി​നും 1.8 മീററർ നീളമുള്ള 36 ഷഡ്‌ഭു​ജ​ദർപ്പ​ണ​ഖ​ണ്ഡങ്ങൾ നാം കാണുന്നു. ഇവ 10 മീററർ വ്യാസ​മുള്ള ഒരു ദർപ്പണ​ത്തി​നു തുല്യ​മാണ്‌.

ജ്യോ​തി​ശ്ശാ​സ്‌ത്ര​ഗ​വേ​ഷ​ണ​ത്തി​നു കാലി​ഫോർണി​യാ അസോ​സി​യേ​ഷന്റെ ഒരു വാർത്താ​പ്ര​സി​ദ്ധീ​ക​രണം ഈ ദൂരദർശി​നി എങ്ങനെ പ്രവർത്തി​ക്കു​ന്നു എന്നു വിവരി​ച്ചു​കൊണ്ട്‌ ഇങ്ങനെ പ്രസ്‌താ​വി​ക്കു​ന്നു: “ഒരു ഇഞ്ചിന്റെ ഒരു ദശലക്ഷ​ത്തിൽ ഒന്നു വരെയുള്ള—ഒരു തലമു​ടി​യു​ടെ വീതി​യു​ടെ ആയിര​ത്തിൽ ഒന്നിലും കുറവ്‌—സൂക്ഷ്‌മ​ത​യിൽ ഇലക്‌​ട്രോ​ണിക്‌ സഹായ​ത്താൽ നിയ​ന്ത്രി​ക്ക​പ്പെ​ടുന്ന അവയുടെ സ്ഥാനങ്ങൾനി​മി​ത്ത​വും,” അതിലെ ദർപ്പണ​ങ്ങ​ളിൽ നാലി​ലൊ​ന്നു മാത്രം സ്ഥാനങ്ങ​ളിൽ നിർത്തു​ന്ന​തി​നാ​ലും അത്‌ കാലി​ഫോർണി​യാ​യി​ലെ “പലോമർ വാനനി​രീ​ക്ഷ​ണ​കേ​ന്ദ്ര​ത്തി​ലുള്ള 5 മീററർ ഹെയ്‌ൽ ദൂരദർശി​നി​യു​ടെ ശക്തി​യോ​ടു ഇപ്പോൾത്തന്നെ തുല്യ​മാണ്‌”.

അതു​കൊ​ണ്ടു തീർന്നില്ല. ഇപ്പോ​ഴും നിർമ്മാ​ണ​ത്തി​ലി​രി​ക്കുന്ന ഇതി​നോ​ടു ചേർന്നു രണ്ടാമ​തൊ​രു ദൂരദർശി​നി സ്ഥാപി​ക്കു​ന്ന​തി​നുള്ള ഫണ്ട്‌ ഇപ്പോൾത്തന്നെ ലഭിച്ച​തേ​യു​ള്ളു​വെന്ന്‌ ഞങ്ങളുടെ ഗൈഡ്‌ അറിയി​ക്കു​ന്നു. ഈ ഇരട്ട ദൂരദർശി​നി​കൾ, സാധ്യ​മാ​കു​മെന്ന്‌ മുൻപു കരുതി​യി​രു​ന്ന​തി​നേ​ക്കാൾ അതിവി​ദൂ​ര​ത്തി​ലേക്കു നോക്കി​ക്കൊണ്ട്‌ ഭീമാ​കാ​ര​മായ ബഹിരാ​കാശ ബൈ​നോ​ക്കു​ല​റു​ക​ളു​ടെ ഒരു ജോടി​യാ​യി വർത്തി​ക്കും. ഇവി​ടെ​യാ​യി​രി​ക്കു​ന്നതു വാസ്‌ത​വ​ത്തിൽ ആവേശ​ജ​ന​ക​മാണ്‌!

എന്നിരു​ന്നാ​ലും, ഇത്ര ഉയരത്തിൽ ഞങ്ങൾ അതിരു​ക​ടന്ന്‌ ആവേശ​ഭ​രി​ത​രാ​യി​ത്തീ​രാൻ ആഗ്രഹി​ക്കു​ന്നില്ല, എന്തെന്നാൽ ഞങ്ങളിൽ ഹൈ​പ്പോ​ക്‌സി​യാ​യ്‌ക്കുള്ള സാധ്യത, ശരീര​ക​ല​ക​ളി​ലെ ഓക്‌സി​ജന്റെ കുറവ്‌, വ്യക്തമാണ്‌. ചിന്തകളെ കേന്ദ്രീ​ക​രി​ക്കാ​നും സംസാ​ര​ത്തിന്‌ രൂപം​കൊ​ടു​ക്കാ​നും ഞങ്ങൾ പാടു​പെ​ടു​മ്പോൾ ഞങ്ങളുടെ മാനസി​ക​കൂർമ്മത ഏററവും നന്നായി പ്രവർത്തി​ക്കു​ന്നില്ല എന്നു ഞങ്ങൾ മനസ്സി​ലാ​ക്കു​ന്നു. വാസ്‌ത​വ​ത്തിൽ ഇത്ര ഉയരത്തിൽ വളരെ വേഗത്തിൽ നീങ്ങു​ന്നത്‌ അല്ലെങ്കിൽ വളരെ​യ​ധി​കം ഊർജ്ജം പ്രയോ​ഗി​ക്കു​ന്നത്‌ തലവേ​ദ​ന​ക്കും ഓക്കാ​ന​ത്തി​നും ബോധ​ക്ഷ​യ​ത്തി​നും കാരണ​മാ​യേ​ക്കാം. തീർച്ച​യാ​യും മോശ​മായ ആരോ​ഗ്യ​മുള്ള യാതൊ​രു​വ​നും ഉള്ള സ്ഥലമല്ലിത്‌.

അതു​കൊണ്ട്‌, ഈ ഗിരി​ശൃം​ഗ​ത്തിൽ അഞ്ചു മണിക്കൂർ ചെലവ​ഴി​ച്ച​ശേഷം പർവത​ത്തിൽനി​ന്നു 2,800 മീററർ താഴേക്ക്‌ ഇറങ്ങാ​നുള്ള സമയമാ​യി. ഈ ഘട്ടം വരെ സംഭവ​ബ​ഹു​ല​മായ ഒരു പ്രഭാ​ത​മാ​ണു​ണ്ടാ​യി​രി​ക്കു​ന്നത്‌.

നക്ഷത്രങ്ങൾ നമ്മോട്‌ എന്താണ്‌ പറയു​ന്നത്‌?

രണ്ടായി​ര​ത്തി​എ​ണ്ണൂ​റു മീററർ ഉയർന്ന ഈ സ്ഥാനത്ത്‌ 50 ജ്യോ​തി​ശ്ശാ​സ്‌ത്ര​ജ്ഞൻമാർക്കും പിൻതു​ണ​ക്കാ​രായ വ്യക്തി​കൾക്കും പാർപ്പി​ട​വും മററു സൗകര്യ​ങ്ങ​ളും ഉണ്ട്‌. കൂടാതെ ഈ ഉയരത്തിൽ ഒരു സന്ദർശ​ക​കേ​ന്ദ്ര​വും ഉണ്ട്‌, അവിടെ നിങ്ങൾക്ക്‌ മൗണാ കീ വാനനി​രീ​ക്ഷ​ണ​നി​ല​യ​ങ്ങ​ളേ​ക്കു​റി​ച്ചുള്ള പ്രസം​ഗങ്ങൾ കേൾക്കാൻ കഴിയും.

കൂടാതെ, തങ്ങാനാ​ഗ്ര​ഹി​ക്കു​ന്ന​വർക്ക്‌ ഒരു സൗജന്യ​സ​ത്‌ക്കാ​രം എന്ന നിലയിൽ, ഹവായി യൂണി​വേ​ഴ്‌സി​റ​റി​യി​ലെ പ്രഗത്ഭ​രായ ശാസ്‌ത്ര​ജ്ഞ​രിൽ ഒരാൾ നൽകുന്ന വ്യാഖ്യാ​ന​ങ്ങൾസ​ഹി​തം ഒരു 28 സെൻറീ​മീ​ററർ ദൂരദർശി​നി​യി​ലൂ​ടെ​യുള്ള നക്ഷത്ര​ങ്ങ​ളു​ടെ രാത്രി​കാ​ല​കാ​ഴ്‌ച്ച​യും ഉണ്ടായി​രി​ക്കും. ഞങ്ങൾ ചെയ്‌ത​തു​പോ​ലെ നിങ്ങൾ താമസി​ക്കു​ന്നു​വെ​ങ്കിൽ നിങ്ങൾ നിരാ​ശ​രാ​കു​ക​യില്ല. ചുരു​ക്കി​പ്പ​റ​ഞ്ഞാൽ, അതു നക്ഷത്രങ്ങൾ നൽകുന്ന സാക്ഷ്യം മനസ്സി​ലാ​ക്കു​ന്ന​തി​നും ഏററവും അസാധാ​ര​ണ​മായ ഒരു ദിനത്തിന്‌ സമാപനം കുറി​ക്കു​ന്ന​തി​നും ഉള്ള ഉത്തമമായ മാർഗ്ഗ​മാണ്‌.

കാലത്തി​ലേ​ക്കു പിന്തി​രി​ഞ്ഞു​നോ​ക്കാൻ കഴിയു​മെന്ന്‌ ഞങ്ങൾ നേരത്തേ പ്രസ്‌താ​വി​ച്ചത്‌ എന്തു​കൊ​ണ്ടാ​ണെന്ന്‌ നിങ്ങൾ ആശ്‌ച​ര്യ​പ്പെ​ടു​ന്നു​ണ്ടാ​യി​രി​ക്കാം. ഈ ആശയം മനസ്സി​ലാ​ക്കാൻ ഒരു ഉദാഹ​രണം നിങ്ങളെ സഹായി​ച്ചേ​ക്കാം. ദൃഷ്ടാ​ന്ത​ത്തിന്‌, ആണ്ട്രോ​മെഡാ ഗാലക്‌സി തന്നെ എടുക്കുക. ഒരു തെളിഞ്ഞ രാത്രി​യിൽ അതിന്റെ പ്രകാശം നഗ്നനേ​ത്ര​ങ്ങൾക്ക്‌ ദൃശ്യ​മാ​യി​രി​ക്കാം. ആ ഒററപ്പെട്ട നക്ഷത്ര​മ​ണ്ഡലം ഭൂമി​യിൽനിന്ന്‌ എത്ര അകലത്തി​ലാ​ണെ​ന്നും പ്രകാശം ഒരു സെക്കൻഡിൽ 2,99,792 കിലോ​മീ​ററർ വേഗത്തിൽ സഞ്ചരി​ക്കു​ന്നു​വെ​ന്നും അറിയാ​വു​ന്ന​തു​കൊണ്ട്‌, ഇപ്പോൾ ശാസ്‌ത്ര​ജ്ഞൻമാർ ആണ്ട്രോ​മെഡാ ഗാലക്‌സി​യിൽനി​ന്നു വരുന്ന പ്രകാശം 15,00,000 വർഷം പഴക്കമു​ള്ള​താ​ണെന്ന്‌ തിട്ട​പ്പെ​ടു​ത്തി​യി​രി​ക്കു​ന്നു! അതെ, നക്ഷത്ര​വെ​ളി​ച്ചത്തെ വീക്ഷി​ക്കു​ന്നതു യഥാർത്ഥ​ത്തിൽ ഭൂതകാ​ല​ത്തി​ലേക്കു പിന്തി​രി​ഞ്ഞു നോക്കൽത​ന്നെ​യാണ്‌.

മൗണാ കീയിലെ മെച്ചപ്പെട്ട ദൂരദർശി​നി​ക​ളാൽ സജ്ജനായി, മനുഷ്യ​നു കാലത്തി​ലേക്കു കുറേ​ക്കൂ​ടെ പിന്തി​രി​ഞ്ഞു​നോ​ക്കാ​നും ബാഹ്യാ​കാ​ശ​ത്തിൽ കുറേ​ക്കൂ​ടെ വിദൂ​ര​ത്തി​ലേക്കു നോക്കാ​നും ഇന്നു പ്രാപ്‌തി​യുണ്ട്‌. ഇത്‌ ആധുനിക ദൂരദർശി​നി​കൾ നഗ്നനേ​ത്ര​ങ്ങ​ളേ​ക്കാൾ വളരെ​യ​ധി​കം ശക്തമാ​യ​തു​കൊ​ണ്ടാണ്‌. തീർച്ച​യാ​യും, ഇന്നത്തെ സാങ്കേ​തി​ക​വി​ദ്യ ഉപയോ​ഗിച്ച്‌, ജ്യോ​തി​ശ്ശാ​സ്‌ത്രജ്ഞർ എട്ടു ശതകോ​ടി വർഷം പഴക്കമുള്ള പ്രകാശം കാണു​ന്നു​വെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു. അത്തരം വിവരങ്ങൾ ശേഖരി​ക്കു​ന്ന​തി​നാൽ നക്ഷത്രങ്ങൾ എങ്ങനെ ആരംഭി​ച്ചു​വെ​ന്നും പ്രപഞ്ചം എങ്ങനെ വികാസം പ്രാപി​ച്ചു​വെ​ന്നും കൂടുതൽ മെച്ചമാ​യി മനസ്സി​ലാ​ക്കാൻ കഴിയു​മെന്ന്‌ അവർ പ്രത്യാ​ശി​ക്കു​ന്നു.

തീർച്ച​യാ​യും സന്ദർശ​ക​രായ ഞങ്ങൾക്ക്‌ ഇത്‌ മറേറതു ദിവസ​ത്തേ​യും പോലുള്ള ഒന്നായി​രു​ന്നില്ല. ഞങ്ങൾ കണ്ടത്‌ ഞങ്ങളുടെ സ്‌മര​ണ​യിൽ ദീർഘ​കാ​ലം പതിഞ്ഞി​രി​ക്കും. ശാസ്‌ത്ര​ജ്ഞൻമാർ ഇപ്പോൾ കാണു​ന്ന​തും ഇനിയും കാണാ​നി​രി​ക്കു​ന്ന​തും സൃഷ്ടി​യി​ലെ അത്ഭുത​ങ്ങ​ളിൽ നാം ആശ്‌ച​ര്യ​ഭരി​ത​രാ​യി​ത്തീ​രാ​നി​ട​യാ​ക്കു​ന്നു. മേലാൽ നാം രാത്രി​യി​ലെ നക്ഷത്ര​നി​ബി​ഡ​മായ ആകാശത്തെ കേവലം നോക്കി​യി​ട്ടു കടന്നു​പോ​കു​ക​യില്ല. അതു​കൊണ്ട്‌ ഇന്നുമു​തൽ ഈ സന്ദർഭ​വും ഈ പർവത​നി​രീ​ക്ഷ​ണ​സ്ഥാ​ന​ത്തി​ന്റെ മനോ​ഹാ​രി​ത​യും ഞങ്ങൾ ഓർത്തി​രി​ക്കും.

ആശ്‌ച​ര്യ​ത്തി​ന്റെ ഇത്തര​മൊ​രു ഉറവി​ട​മായ അഖിലാ​ണ്ഡത്തെ നിർമ്മി​ച്ച​വനെ വിലമ​തി​ക്കാൻ അത്തരം അനുഭ​വങ്ങൾ നമ്മേ​യെ​ല്ലാം പ്രേരി​പ്പി​ക്കട്ടെ.—യെശയ്യാവ്‌ 40:26; 42:5. (g91 12/8)

[25-ാം പേജിലെ ചിത്ര​ത്തിന്‌ കടപ്പാട്‌]

California Association for Research in Astronomy