ലോകത്തെ വീക്ഷിക്കൽ

ധനിക-ദരിദ്ര വിടവു വർദ്ധി​ക്കു​ന്നു

കഴിഞ്ഞ 30 വർഷങ്ങൾകൊ​ണ്ടു ധനിക​രും ദരി​ദ്ര​രും തമ്മിലുള്ള വിടവ്‌ ഇരട്ടി​യാ​യി​രി​ക്കു​ന്നു​വെന്ന്‌ ഐക്യ​രാ​ഷ്‌ട്ര വികസന പരിപാ​ടി​ക്കു​വേണ്ടി പ്രസി​ദ്ധീ​ക​രി​ക്ക​പ്പെട്ട മാനുഷ വികസന റിപ്പോർട്ട്‌ 1992 പറയുന്നു. ദേശീയ ശരാശ​രി​ക​ളു​ടെ അടിസ്ഥാ​ന​ത്തിൽ, 1960-ൽ ലോക​ജ​ന​സം​ഖ്യ​യു​ടെ അതിസ​മ്പ​ന്ന​മായ 20 ശതമാനം അതിദ​രി​ദ്ര​മായ 20 ശതമാ​ന​ത്തെ​ക്കാൾ 30 മടങ്ങു സമ്പന്നമാ​യി​രു​ന്നു. ആയിര​ത്തി​ത്തൊ​ള്ളാ​യി​ര​ത്തി​എൺപ​ത്തി​യൊ​മ്പത്‌ ആയപ്പോ​ഴേക്ക്‌ അവർ ഏകദേശം 60 മടങ്ങ്‌ അധികം ധനിക​രാ​യി. വ്യക്തി​യ​ടി​സ്ഥാ​ന​ത്തിൽ ലോക​ത്തി​ലെ ഏററവും ധനിക​രായ 100 കോടി ധനികർ ഏററവും ദരി​ദ്ര​രായ 100 കോടി​യെ​ക്കാൾ കുറഞ്ഞ​പക്ഷം 150 മടങ്ങെ​ങ്കി​ലും ഭേദപ്പെട്ട അവസ്ഥയി​ലാണ്‌. (g92 11/8)

ഏററവും പഴക്കമുള്ള ബേക്കറി?

ഒരു സംയുക്ത പത്രറി​പ്പോർട്ടു​പ്ര​കാ​രം ഈജി​പ്‌റ​റി​ലെ പിരമി​ഡു​കൾക്കു സമീപം ജോലി ചെയ്‌തു​കൊ​ണ്ടി​രുന്ന പുരാ​വ​സ്‌തു​ഗ​വേ​ഷകർ ലോക​ത്തി​ലെ ഏററവും പഴക്കമു​ള്ള​താ​യി​രി​ക്കാ​വുന്ന ബേക്കറി കണ്ടുപി​ടി​ച്ചി​രി​ക്കു​ന്നു. തെളി​വ​നു​സ​രിച്ച്‌, ഈ ബേക്കറി പിരമി​ഡു​കൾ പണിയുന്ന വേലക്കാർക്കു റൊട്ടി ഉണ്ടാക്കു​ന്ന​തി​നാ​യി ഉപയോ​ഗി​ക്ക​പ്പെ​ട്ടി​രു​ന്നി​രി​ക്കണം. ഈജി​പ്‌റ​റി​നെ​ക്കു​റി​ച്ചു പഠിക്കുന്ന ഒരു ഗവേഷ​ക​നും ഉൽഖനന ഡയറക്ടർമാ​രി​ലൊ​രാ​ളു​മായ മാർക്ക്‌ ലേനർ ഇങ്ങനെ പറഞ്ഞു: “ഒരു ദിവസം 30,000 പേരെ അനായാ​സം പോഷി​പ്പി​ക്കാൻ കഴിയുന്ന ബൃഹത്തായ അപ്പനിർമ്മാ​ണ​ത്തെ​യാ​ണു ഞങ്ങൾ അർത്ഥമാ​ക്കു​ന്നത്‌.” കഠിന​മായ ചൂടും കറുത്ത, കനത്ത പുകയും ഉണ്ടായി​രുന്ന ഈ ബേക്കറി​യി​ലെ പ്രവർത്ത​ന​സാ​ഹ​ച​ര്യ​ങ്ങൾ പേടി​സ്വ​പ്‌നം ആയിരു​ന്നി​രി​ക്കു​മെന്നു നിഗമനം ചെയ്യുന്നു. “ഈ മുറികൾ മഴയുള്ള രാത്രി​യി​ലെ ആകാശം​പോ​ലെ​യാ​യി​രു​ന്നി​രി​ക്കണം. ഞങ്ങൾ കറുപ്പും വെൽവെ​റ​റും നിറത്തിൽ അടിഞ്ഞു​കൂ​ടിയ ചാരത്തിൽ 45 സെൻറീ​മീ​ററർ ആഴത്തിൽ കുഴി​ച്ചി​രി​ക്കു​ന്നു” എന്ന്‌ അദ്ദേഹം പറയുന്നു. പിരമി​ഡു​നിർമ്മാ​ണ​നാ​ളു​കൾ മുതലു​ള്ള​താ​ണു ബേക്കറി​യെന്നു വിശ്വ​സി​ക്ക​പ്പെ​ടു​ന്നു. (g92 10/22)

നൈജീ​രിയ അതിന്റെ ജനത്തെ എണ്ണുന്നു

ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​രണ്ടു മാർച്ച്‌ 20-നു നൈജീ​രി​യ​യി​ലെ എല്ലാ പ്രമുഖ വർത്തമാ​ന​പ്പ​ത്ര​ങ്ങ​ളും ഒരേ സംഖ്യ തലക്കെ​ട്ടാ​ക്കി—885 ലക്ഷം. ഈ സംഖ്യ, കൃത്യ​മാ​യി പറഞ്ഞാൽ 8,85,14,501, 1991 നവംബ​റിൽ നൈജീ​രി​യ​യി​ലെ​ടുത്ത ദേശീയ കാനേ​ഷു​മാ​രി​ക്ക​ണ​ക്ക​നു​സ​രിച്ച്‌ അവിടത്തെ മൊത്തം ജനസം​ഖ്യ​യാ​യി രാഷ്‌ട്ര​ത്തോ​ടു പ്രഖ്യാ​പി​ക്ക​പ്പെട്ടു. ഈ കാനേ​ഷു​മാ​രി​ഫ​ലങ്ങൾ രണ്ട്‌ അതിശ​യങ്ങൾ അടങ്ങി​യി​രു​ന്നു. അനവധി രാജ്യ​ങ്ങ​ളിൽനി​ന്നു വിഭി​ന്ന​മാ​യി പുരു​ഷൻമാർ സ്‌ത്രീ​ക​ളേ​ക്കാൾ അല്‌പം കൂടു​ത​ലാ​ണെ​ന്ന​താ​യി​രു​ന്നു ഒരു സംഗതി. രണ്ടാമ​ത്തേത്‌, നൈജീ​രി​യ​ക്കാ​രു​ടെ മൊത്തം​സം​ഖ്യ ഇതിനു​മുമ്പ്‌ 1963-ലെടുത്ത കാനേ​ഷു​മാ​രി​യു​ടെ വെളി​ച്ച​ത്തിൽ കണക്കാ​ക്കിയ 10 കോടി മുതൽ 12 കോടി വരെ എന്ന സംഖ്യ​യെ​ക്കാൾ വളരെ കുറവാ​യി​രു​ന്നു. മൊത്തം സംഖ്യ പൊതു കണക്കു​ക​ളെ​ക്കാൾ 20 ശതമാനം കുറഞ്ഞു​പോ​യെ​ങ്കി​ലും നൈജീ​രിയ ആഫ്രിക്കൻ ഭൂഖണ്ഡ​ത്തി​ലെ ഏററവും ജനസം​ഖ്യ​യുള്ള രാഷ്‌ട്ര​മാ​യി തുടരു​ന്നു. (g92 11/8)

വ്യാജ-ഔഷധ മുന്നറി​യിപ്പ്‌

തത്ത്വദീ​ക്ഷ​യി​ല്ലാത്ത വ്യാജ ഔഷധ വ്യാപാ​രി​കൾ ഓരോ വർഷവും ശതകോ​ടി​ക്ക​ണ​ക്കി​നു ഡോള​റാ​ണു കൊയ്യു​ന്നത്‌. എന്നാൽ മററു വ്യാജ ഉത്‌പ​ന്ന​ങ്ങ​ളിൽനി​ന്നു വ്യത്യ​സ്‌ത​മാ​യി “വ്യാജ ഔഷധ​ങ്ങൾക്ക്‌ ആരോ​ഗ്യ​ത്തെ ഗുരു​ത​ര​മാ​യി ഹനിക്കാ​നോ കൊല്ലാൻപോ​ലു​മോ കഴിയും” എന്നു ലോകാ​രോ​ഗ്യ സംഘട​ന​യു​ടെ ഒരു പത്രക്കു​റി​പ്പു മുന്നറി​യി​പ്പു നൽകുന്നു. ഔഷധ​പ​ര​മാ​യി ഒട്ടും​തന്നെ ഗുണമി​ല്ലാത്ത അനേകം മരുന്നു​കൾക്കും മലമ്പനി​യോ പ്രമേ​ഹ​മോ പോലുള്ള ഗുരു​ത​ര​മായ രോഗ​മു​ള്ള​വരെ സഹായി​ക്കാൻ കഴിയു​ന്നില്ല. ചിലതിൽ അനധി​കൃ​ത​മോ വിഷമ​യ​മോ ആയ വസ്‌തു​ക്കൾ അടങ്ങി​യി​ട്ടു​പോ​ലു​മുണ്ട്‌. “ചുമയ്‌ക്കു​ള്ള​തെന്നു സങ്കല്‌പി​ക്ക​പ്പെട്ട ഒരു മരുന്നു കഴിച്ചു മരണമടഞ്ഞ നൈജീ​രി​യ​യി​ലെ കുട്ടി​ക​ളെ​ക്കു​റിച്ച്‌ അടുത്ത​കാ​ലത്തു വന്ന റിപ്പോർട്ട്‌ ഇത്തരം വ്യപാ​ര​ങ്ങ​ളു​ടെ ഗുരു​ത​രാ​വ​സ്ഥയെ പരിതാ​പ​ക​ര​മാ​യി സ്ഥിരീ​ക​രി​ക്കു​ന്നു” എന്നു റിപ്പോർട്ടു പറയുന്നു. ഈ പ്രശ്‌നം പ്രത്യേ​കി​ച്ചും ഗുരു​ത​ര​മാ​യി​രി​ക്കു​ന്നതു വികസ്വര ലോകത്തെ ദരി​ദ്ര​രായ ജനങ്ങൾക്കാണ്‌. അവർ വിചാ​രി​ക്കു​ന്നത്‌ ഒരു വിശിഷ്ട കമ്പനി നിർമ്മി​ച്ച​തെ​ന്നും നല്ലതെ​ന്നും തോന്നി​പ്പി​ക്കുന്ന മരുന്നു​കൾ ആദായ വിലയ്‌ക്കു തങ്ങൾ വാങ്ങുന്നു എന്നാണ്‌. ഉത്‌പന്നം ശുദ്ധമാ​ണെന്ന്‌ അതിന്റെ ലേബലോ പാക്കിം​ഗോ ഉറപ്പു​നൽകു​ന്നില്ല. അവയും മരുന്നു​പോ​ലെ​തന്നെ വ്യാജ​മാ​യി​രു​ന്നേ​ക്കാം. (g92 11/8)

നവീനകല ഒരു പരി​ശോ​ധ​ന​യിൽ പരാജ​യ​പ്പെ​ടു​ന്നു.

സമകാ​ലീന കലാകാ​രൻമാ​രാ​ലുള്ള ചായച്ചി​ത്രങ്ങൾ നേരി​ടുന്ന അപ്രതീ​ക്ഷി​ത​മായ ഭീഷണി സംബന്ധി​ച്ചു കലാ​ലോ​കം നടുക്ക​ത്തി​ലാണ്‌—അവ ശിഥി​ല​മാ​യി​ക്കൊ​ണ്ടി​രി​ക്ക​യാണ്‌. ഡേവിഡ്‌ ഹോക്ക്‌നി, ജാക്‌സൺ പൊ​ള്ളോക്ക്‌, മാർക്ക്‌ റോത്‌ക്കോ തുടങ്ങിയ കലാകാ​രൻമാ​രു​ടെ ചിത്ര​ങ്ങൾക്കു നിറ​ഭേദം സംഭവി​ക്കു​ക​യോ അവ വിരി​ഞ്ഞു​പോ​കു​ക​യോ ചെയ്യു​മ്പോൾ മററു​ള്ള​വ​രു​ടെ കലാനിർമ്മി​തി ശകലീ​ഭ​വി​ച്ചു ക്യാൻവാ​സിൽ നിന്ന്‌ അടർന്നു​വീ​ഴു​ക​യാ​ണെന്നു ലണ്ടനിലെ ദ സൺഡേ റൈറംസ്‌ റിപ്പോർട്ടു ചെയ്യുന്നു. ആയിര​ത്തി​ത്തൊ​ള്ളാ​യി​രത്തി അറുപ​തു​ക​ളിൽ ഉപയോ​ഗി​ച്ചി​രുന്ന അക്രി​ലിക്ക്‌ പെയിൻറി​ന്റെ കുററ​മാ​ണെ​ന്നാണ്‌ ആരോ​പി​ക്ക​പ്പെ​ടു​ന്നത്‌. ആധുനിക രാസാ​ധി​ഷ്‌ഠിത വസ്‌തു​ക്കൾ 1962-ൽ വിപണി​യിൽ ആദ്യമാ​യി പ്രത്യ​ക്ഷ​പ്പെ​ട്ട​പ്പോൾ അവ പുകഴ്‌ത്ത​പ്പെ​ട്ടെ​ങ്കി​ലും ന്യൂ​യോർക്ക്‌ സിററി​യി​ലെ മോ​ഡേൺആർട്ട്‌ മ്യൂസി​യ​ത്തി​ന്റെ സഹപരി​പാ​ലി​ക​യായ കാരൾ സ്‌ട്രി​ങ്കാ​രി പറഞ്ഞത്‌ ഇതാണ്‌: “ഒരു അക്രി​ലിക്‌ ചിത്ര​ത്തിൽനിന്ന്‌ ഒരൽപ്പം അഴുക്കു നീക്കാൻ ആരോ ആദ്യമാ​യി ശ്രമി​ച്ച​പ്പോൾ അതു പോകു​ക​യി​ല്ലെന്ന്‌ അവർ തിരി​ച്ച​റി​ഞ്ഞു. അതെങ്ങനെ ചെയ്യാ​മെന്ന്‌ ഇപ്പോ​ഴും ഞങ്ങൾക്ക്‌ അറിയില്ല.” (g92 11/8)

ക്ഷയരോ​ഗം തിരി​ച്ചു​വ​രു​ന്നു

പണ്ടത്തെ ക്ഷയരോ​ഗ​ബാധ ഇപ്പോൾ വർഷം​തോ​റും 30 ലക്ഷം ജീവൻ അപഹരി​ക്കു​ന്നു​ണ്ടെന്നു ഡബ്ലിയു​എച്ച്‌ഒ (ലോകാ​രോ​ഗ്യ സംഘടന) റിപ്പോർട്ടു ചെയ്യുന്നു. ഓരോ വർഷ​ത്തെ​യും 80 ലക്ഷം പുതിയ കേസു​ക​ളിൽ 96 ശതമാ​ന​വും വൈദ്യ​പ​രി​ച​ര​ണ​ത്തി​ന്റെ​യും ഔഷധ​ങ്ങ​ളു​ടെ​യും കുറവു​മൂ​ലം വികസ്വര രാജ്യ​ങ്ങ​ളി​ലാ​ണു​ണ്ടാ​കു​ന്ന​തെന്നു കാനഡാ ടോറ​ണ്ടോ​യി​ലെ ദ ഗ്ലോബ്‌ ആൻഡ്‌ മെയിൽ കൂടു​ത​ലാ​യി വിശദീ​ക​രി​ക്കു​ന്നു. ക്ഷയം “അധഃകൃ​തരെ അതിരൂ​ക്ഷ​മാ​യി പ്രഹര​മേ​ല്‌പി​ക്കുന്ന, ഒരു സാമൂ​ഹിക-സാമ്പത്തി​ക​രോ​ഗ​മാ​യി​ത്തീ​രു​ക​യാണ്‌” എന്നു ഡബ്ലിയു​എച്ച്‌ഒ-യുടെ ഡയറക്ടർ ജനറലായ ഹിരോ​ഷി നക്കാജി​മാ വിശദീ​ക​രി​ച്ചു. കൂടുതൽ സമ്പന്നമായ രാഷ്‌ട്ര​ങ്ങ​ളിൽ അതു മുഖ്യ​മാ​യും പ്രഹരി​ക്കു​ന്നതു പ്രായം ചെന്നവ​രേ​യും വംശീയ ന്യൂന​പ​ക്ഷ​ങ്ങ​ളേ​യും കുടി​യേ​റ​റ​ക്കാ​രേ​യു​മാണ്‌. ഉദാഹ​ര​ണ​ത്തിന്‌, ഐക്യ​നാ​ടു​ക​ളി​ലെ ഒരു മെഡിക്കൽ ഉദ്യോ​ഗസ്ഥൻ പറഞ്ഞത്‌ അനേകം കേസു​ക​ളിൽ ഉൾപ്പെ​ട്ടി​രി​ക്കുന്ന രോഗി​കൾ മയക്കു​മ​രു​ന്നി​ന്റെ ദുരു​പ​യോ​ഗ​ത്താ​ലോ എയ്‌ഡ്‌സി​നാ​ലോ തങ്ങളുടെ പ്രതി​രോധ വ്യവസ്ഥ ദുർബ​ല​മാ​യ​വ​രാ​ണെ​ന്നാണ്‌. (g92 11/8)

ജോലി​സ്ഥ​ലത്തെ സ്‌ത്രീ​കൾ

ലോക​ത്തിൽ കൂടുതൽ കൂടുതൽ സ്‌ത്രീ​കൾ “സാമ്പത്തി​ക​മാ​യി പ്രവർത്ത​ന​നി​ര​ത​രാ​കുക”യോ ശമ്പളം പററുന്ന ജോലി​യിൽ ഏർപ്പെ​ടു​ക​യോ ചെയ്യു​ക​യാണ്‌, എന്നിരു​ന്നാ​ലും ലോക​ബാ​ങ്കും അന്താരാ​ഷ്‌ട്ര നാണയ​നി​ധി​യും ചേർന്നു പ്രസാ​ധനം ചെയ്യുന്ന ഒരു പത്രി​ക​യായ പണവും വികസ​ന​വും പറയു​ന്ന​ത​നു​സ​രിച്ച്‌ അവർ ഇപ്പോ​ഴും അസാധാ​ര​ണ​ങ്ങ​ളായ പ്രതി​ബ​ന്ധ​ങ്ങളെ അഭിമു​ഖീ​ക​രി​ക്കു​ന്നു. ലോക​വ്യാ​പ​ക​മാ​യി ഏതാണ്ട്‌ 83 കോടി സ്‌ത്രീ​കൾ സാമ്പത്തി​ക​മാ​യി പ്രവർത്ത​ന​നി​ര​ത​രാ​ണെ​ന്നും അവരിൽ 70 ശതമാനം പേർ വികസ്വര രാജ്യ​ങ്ങ​ളിൽ ജീവി​ക്കു​ന്നു​വെ​ന്നും പത്രിക കണക്കാ​ക്കു​ന്നു. ആഫ്രി​ക്ക​യി​ലും ഏഷ്യയു​ടെ ചില ഭാഗങ്ങ​ളി​ലും ആൺകു​ട്ടി​ക​ളോ​ടുള്ള താരത​മ്യ​ത്തിൽ വളരെ കുറച്ചു പെൺകു​ട്ടി​കളേ സെക്കൻഡറി സ്‌കൂ​ളിൽ ചേരു​ന്നു​ള്ളു. അതിനാൽ 25-ഉം അതില​ധി​ക​വും വയസ്സുള്ള സ്‌ത്രീ​ക​ളിൽ ഏതാണ്ട്‌ 75 ശതമാനം നിരക്ഷ​ര​രാ​യി​രി​ക്കു​ന്ന​തും അങ്ങനെ​യുള്ള സ്‌ത്രീ​കൾക്ക്‌ ഒരു നല്ല ജോലി കണ്ടെത്തുക മിക്ക​പ്പോ​ഴും ഏറെ ബുദ്ധി​മു​ട്ടാ​യി​രി​ക്കു​ന്ന​തും അതിശ​യമല്ല. പുരു​ഷൻമാ​രേ​ക്കാൾ വളരെ​കു​റച്ചു സ്‌ത്രീ​കളേ സാമ്പത്തി​ക​മാ​യി പ്രവർത്ത​ന​നി​ര​ത​രാ​യി​രി​ക്കു​ന്നു​ള്ളു​വെ​ങ്കി​ലും സ്ഥിതി​വി​വ​ര​ക്ക​ണ​ക്കു​കൾ ഔപചാ​രി​ക​മായ ജോലി​യ​ല്ലാ​തെ വീട്ടി​ലോ കുടും​ബ​ന​ട​ത്തി​പ്പി​നുള്ള പ്രവർത്ത​ന​ങ്ങ​ളി​ലോ ചെയ്യുന്ന ജോലി കൈകാ​ര്യം ചെയ്യാ​ത്ത​തി​നാൽ സ്‌ത്രീ​കൾ ജോലി ചെയ്യു​ന്നു​ണ്ടോ എന്നതിനെ ഇത്‌ ഒട്ടും​തന്നെ പ്രതി​ഫ​ലി​പ്പി​ക്കു​ന്നില്ല. ഏഷ്യയി​ലും ആഫ്രി​ക്ക​യി​ലും പസഫി​ക്കി​ലും ഒരു സാധാരണ സ്‌ത്രീ ഒരു സാധാരണ പുരു​ഷ​നേ​ക്കാൾ വാരം​തോ​റും ഏതാണ്ട്‌ 12-ഓ 13-ഓ മണിക്കൂർ കൂടുതൽ ജോലി ചെയ്യു​ന്നു​ണ്ടെന്നു പഠനങ്ങൾ വ്യക്തമാ​ക്കി​യി​ട്ടുണ്ട്‌. (g92 10/22)

ലൈം​ഗിക കൈ​യേ​റ​റങ്ങൾ കോമി​ക്ക്‌പു​സ്‌ത​ക​ങ്ങളെ പഴിചാ​രു​ന്നു

അടുത്ത​കാ​ലത്തു ജപ്പാനി​ലെ ടോ​ക്യോ​യിൽ പോലീസ്‌ 16 വയസ്സുള്ള ഒരു വിദ്യാർത്ഥി 25 പ്രാവ​ശ്യം ലൈം​ഗിക കൈ​യേ​റ​റങ്ങൾ നടത്തി​യ​താ​യി കുററം​ചു​മത്തി. യുവാവ്‌ അശ്ലീല കോമി​ക്ക്‌പു​സ്‌ത​ക​ങ്ങളെ പഴിചാ​രി. ഒരു സംഭവ​ത്തിൽ, ലൈം​ഗി​ക​മാ​യി തുറന്നു​കാ​ട്ടുന്ന ഒരു കോമി​ക്‌പു​സ്‌തകം അവന്‌ ഒരു കൺവീ​നി​യൻസ്‌ സ്‌റേ​റാ​റിൽനി​ന്നു കിട്ടി​യ​താ​യി പറയ​പ്പെ​ടു​ന്നു. പിന്നീട്‌ 10 വയസ്സുള്ള ഒരു പെൺകു​ട്ടി​യെ ഒരു വിശ്ര​മ​മു​റി​യി​ലേക്കു കൂട്ടി​ക്കൊ​ണ്ടു​പോ​യി പുസ്‌ത​ക​ത്തി​ലെ ഒരു നഗ്നരംഗം അവതരി​പ്പി​ക്കു​ന്ന​തി​നു തന്നോടു ചേരാൻ ബലപ്ര​യോ​ഗം ചെയ്‌തു. ഇതു​പോ​ലുള്ള 24 ആക്രമ​ണങ്ങൾ താൻ നടത്തി​യി​ട്ടു​ള്ള​താ​യും അവയി​ലേ​റിയ പങ്കും ഇതു​പോ​ലെ അശ്ലീല​കോ​മി​ക്കു​ക​ളാൽ പ്രചോ​ദി​പ്പി​ക്ക​പ്പെ​ട്ട​വ​യാ​യി​രു​ന്നെ​ന്നും അവൻ പോലീ​സി​നോ​ടു സമ്മതി​ച്ചു​പ​റഞ്ഞു. ദ ഡെയിലി യോമി​യൂ​രി ഇങ്ങനെ റിപ്പോർട്ടു ചെയ്യുന്നു: “കഴിഞ്ഞ​വർഷം, അശ്ലീല​കോ​മി​ക്കു​ക​ളിൽനി​ന്നു പ്രചോ​ദ​ന​മുൾക്കൊ​ണ്ടു നടത്തി​യെന്നു വിശ്വ​സി​ക്ക​പ്പെ​ടുന്ന, പ്രായ​പൂർത്തി​യാ​കാ​ത്തവർ ഉൾപ്പെട്ട, 86 ലൈം​ഗി​ക​കു​റ​റ​കൃ​ത്യ​ങ്ങൾ ടോ​ക്യോ​യിൽ റിപ്പോർട്ടു ചെയ്യ​പ്പെട്ടു.” (g92 10/22)

മദ്യവും കൊഴു​പ്പും?

വളരെ​യ​ധി​കം ലഹരി​പാ​നീ​യങ്ങൾ കുടി​ക്കുന്ന ആളുകൾ വണ്ണം​വെ​യ്‌ക്കു​ന്നു​വെ​ന്നത്‌ ഒരു വാർത്ത​യേയല്ല. പക്ഷേ എന്തു​കൊണ്ട്‌? സ്വിറ​റ്‌സർല​ണ്ടി​ലെ സൂറിച്ച്‌ യൂണി​വേ​ഴ്‌സി​റ​റി​യിൽ നടത്തപ്പെട്ട അടുത്ത​കാ​ലത്തെ ഒരു പഠനം രസകര​മായ ഒരു സാദ്ധ്യ​ത​യു​മാ​യി മുന്നോ​ട്ടു​വന്നു. പ്രത്യ​ക്ഷ​ത്തിൽ മദ്യത്തി​ല​ട​ങ്ങി​യി​രി​ക്കുന്ന കലോറി മാത്രമല്ല, പിന്നെ​യോ കൊഴു​പ്പി​നെ ദഹിപ്പി​ക്കാ​നുള്ള ശരീര​ത്തി​ന്റെ കഴിവി​നെ മദ്യം ബാധി​ക്കുന്ന വിധവും​കൂ​ടി​യാ​ണു മദ്യത്തെ കൊഴു​പ്പു വർദ്ധി​പ്പി​ക്കു​ന്ന​താ​ക്കു​ന്നത്‌. പഞ്ചസാ​ര​യും ധാന്യ​ക​വും സത്വരം ദഹിപ്പി​ക്കാൻ പ്രവണത കാണി​ക്കവേ, കൊഴു​പ്പി​നെ ദഹിപ്പി​ക്കു​ന്ന​തി​നു ശരീരം അല്‌പം മാന്ദ്യ​മു​ള്ള​താ​ണെന്നു വളരെ​ക്കാ​ല​മാ​യി പോഷ​ക​ഗ​വേ​ഷ​കർക്ക​റി​വു​ള്ള​താണ്‌. എന്നാൽ ശരീരം കൊഴു​പ്പി​നെ അതിലും പതുക്കെ ദഹിപ്പി​ക്കാൻ മദ്യം ഇടയാ​ക്കു​ന്നു. ഒരു പരീക്ഷ​ണ​ത്തിൽ, ആളുകൾക്കു ദിവസ​വും 90 മില്ലീ​ലി​ററർ ശുദ്ധമായ മദ്യം—ആറുകു​പ്പി ബിയറി​നു തുല്യ​മാ​യത്‌—ഉൾപ്പെ​ടു​ത്തിയ ആഹാര​ക്രമം ഏർപ്പെ​ടു​ത്തി. ഈ ആഹാര​ക്ര​മ​ത്തിൽ അവർ സാധാ​ര​ണ​യിൽനി​ന്നു മൂന്നി​ലൊ​ന്നു കുറച്ചാണ്‌ കൊഴു​പ്പു ദഹിപ്പി​ച്ചത്‌. തീർച്ച​യാ​യും, ഒരുവന്റെ ആഹാര​ക്ര​മ​ത്തിൽ എത്ര കൂടുതൽ കൊഴു​പ്പ​ട​ങ്ങി​യി​രി​ക്കു​ന്നോ അത്ര കൂടുതൽ വ്യക്തമാ​യി​രി​ക്കും ഈ ഫലവും. (g92 10/22)

ധാന്യ​ദൗർല​ഭ്യ

അടുത്ത വർഷം തെക്കൻ ആഫ്രി​ക്ക​യി​ലേക്ക്‌ ഏകദേശം ഒരു​കോ​ടി ടൺ ചോളം ഇറക്കു​മതി ചെയ്യേ​ണ്ടി​വ​രു​മെന്ന്‌ ഒരു പ്രാ​ദേ​ശിക മുന്നറി​യി​പ്പു സംഘട​ന​യായ തെക്കൻ ആഫ്രിക്കൻ വികസന ഏകോപന സമിതി റിപ്പോർട്ടു ചെയ്‌തു. അതിന്റെ ബുള്ളറ​റിൻ ഇപ്രകാ​രം പ്രസ്‌താ​വി​ക്കു​ന്നു: “പ്രതീ​ക്ഷി​ക്ക​പ്പെ​ടുന്ന അളവി​ലുള്ള ധാന്യ​നീ​ക്ക​ങ്ങത്തെ കൈകാ​ര്യം ചെയ്യു​ന്ന​തിന്‌ ഈ പ്രദേ​ശ​ത്തി​നു​ള്ളി​ലെ തുറമു​ഖം, റെയിൽവേ, റോഡ്‌, സംഭര​ണ​സം​വി​ധാ​നം എന്നിവ​യു​ടെ കഴിവു​സം​ബ​ന്ധി​ച്ചു വളരെ ഗൗരവ​മായ ആശങ്കയുണ്ട്‌.” കഴിഞ്ഞ വർഷത്തെ ഉത്‌പാ​ദനം ശരാശ​രി​യെ​ക്കാൾ താഴെ​യാ​യി​രു​ന്നെ​ങ്കി​ലും ഈ വർഷത്തെ ചോള​മു​ത്‌പാ​ദനം കഴിഞ്ഞ​വർഷ​ത്തെ​ക്കാൾ 40 ശതമാനം കുറവാ​യി​രി​ക്കു​മെ​ന്നാ​ണു പ്രതീ​ക്ഷി​ക്ക​പ്പെ​ടു​ന്നത്‌. വരൾച്ച ഒരുപക്ഷേ ഈ നൂററാ​ണ്ടിൽ തെക്കൻ ആഫ്രി​ക്കയെ ബാധി​ച്ചി​ട്ടു​ള്ള​തി​ലേ​ക്കും ഏററവും കഠിന​മാണ്‌. (g92 11/8)

പരോ​ക്ഷ​മായ പുകവലി സംബന്ധിച്ച അന്യായം

ഏകദേശം ഒരു ഡസൻ വർഷ​ത്തോ​ളം പുകനി​റഞ്ഞ അന്തരീ​ക്ഷ​ത്തിൽ ജോലി ചെയ്‌ത​തി​നെ​ത്തു​ടർന്നു​ണ്ടാ​യെന്നു പറയ​പ്പെ​ടുന്ന ഗുരു​ത​ര​മായ ആരോ​ഗ്യ​പ്ര​ശ്‌നം മുൻനിർത്തി തന്റെ മുൻ തൊഴി​ലു​ട​മ​കൾക്കെ​തി​രെ കേസു കൊടുത്ത 64 വയസ്സുള്ള ഒരു സ്‌ത്രീക്ക്‌ ആസ്‌​ട്രേ​ലി​യാ​യി​ലെ ന്യൂ സൗത്ത്‌ വെയിൽസി​ലെ ജില്ലാ കോടതി കനത്ത നഷ്ടപരി​ഹാ​രം അനുവ​ദി​ച്ചു. മുമ്പ്‌ ഇത്തരം കേസുകൾ കോട​തി​ക്കു പുറത്തു​തന്നെ പരിഹ​രി​ക്ക​പ്പെ​ട്ടി​ട്ടുണ്ട്‌, എന്നാൽ ഈ അതി​പ്ര​ധാന വിധി​യിൽ കോടതി വാദിക്ക്‌ 85,000 ഡോളർ (ആസ്‌​ട്രേ​ലി​യൻ) കൊടു​ക്കാൻ കല്‌പി​ച്ചു. പുകനി​റഞ്ഞ വായു ശ്വസി​ക്കുന്ന പുകവ​ലി​ക്കാ​ത്ത​വ​രു​ടെ ആരോ​ഗ്യ​ത്തെ പുകവ​ലി​ക്കാ​ര​നായ ഒരാൾക്കു ഹനിക്കാൻ കഴിയു​മെന്ന്‌ ഇതാദ്യ​മാ​യാണ്‌ ഒരു കോടതി വിധി​ക്കു​ന്ന​തെന്നു ദി ഓസ്‌​ട്രേ​ലി​യൻ വർത്തമാ​ന​പ​ത്രം റിപ്പോർട്ടു ചെയ്‌തു. റെസ്‌റേ​റാ​റൻറു​ക​ളെ​യും ഹോട്ട​ലു​ക​ളെ​യും നിശാ​ക്ല​ബ്ബു​ക​ളെ​യും ഈ വിധി വ്യാപ​ക​മാ​യി ബാധി​ച്ചേ​ക്കു​മെന്നു ചിലർ വിചാ​രി​ക്കു​ന്നു. അവിടെ പുകയി​ല്ലാത്ത ജോലി​യി​ടങ്ങൾ നൽക​പ്പെ​ടു​ന്നി​ല്ലെ​ങ്കിൽ പുകവ​ലി​ക്കാത്ത ജോലി​ക്കാർ കനത്ത നഷ്ടപരി​ഹാ​ര​ത്തി​നു കേസു​കൊ​ടു​ത്തേ​ക്കാം. (g92 10/22)

അകാല ലൈം​ഗി​ക​ത​യും മനശ്ശാ​സ്‌ത്ര​പ​ര​മായ പ്രക്ഷു​ബ്ധ​ത​യും

ലൈം​ഗി​ക​വേഴ്‌ച ചെറു​പ്പ​ക്കാ​രിൽ ഗുഹ്യ​രോ​ഗ​ത്തി​നു പുറമെ അനേകം പ്രശ്‌ന​ങ്ങൾക്ക്‌ ഇടയാ​ക്കി​യേ​ക്കാം. ലാ സ്‌ററാ​മ്പാ എന്ന പത്രം പറയു​ന്ന​ത​നു​സ​രിച്ച്‌, ഏറെ തിരി​ച്ച​റി​യ​പ്പെ​ടാത്ത ഒരപകടം അകാല​ത്തുള്ള ലൈം​ഗി​ക​ജീ​വി​ത​ത്തിന്‌, “വഴിവിട്ട പെരു​മാ​റ​റ​രീ​തി​കൾക്കും മദ്യത്തി​ന്റേ​യും മയക്കു​മ​രു​ന്നി​ന്റേ​യും ദുരു​പ​യോ​ഗ​ത്തി​നും കുററ​കൃ​ത്യ​ത്തി​നും കാരണ​മാ​കുന്ന അളവോ​ളം ചെറു​പ്പ​ക്കാ​രു​ടെ മനസ്സു​ക​ളി​ലും അവരുടെ വ്യക്തി​പ​ര​മായ ബന്ധങ്ങളി​ലും പ്രക്ഷുബ്ധത സൃഷ്ടി​ക്കുന്ന ചിത്ത​രോഗ”ത്തിനു കാരണ​മാ​കാൻ കഴിയു​മെ​ന്ന​താണ്‌. യുവജ​നങ്ങൾ വളരെ ചെറു​പ്പ​ത്തിൽതന്നെ ലൈം​ഗി​ക​വേ​ഴ്‌ച​യി​ലേർപ്പെ​ടാൻ തുടങ്ങു​ന്നു​വെന്നു മാനസിക-സാമൂ​ഹിക പഠനത്തി​നുള്ള കേന്ദ്ര​വും ഇററലി​യി​ലെ നീതി​ന്യാ​യ​വ​കു​പ്പും​ചേർന്നു റോമിൽ സംഘടി​പ്പിച്ച ഒരു കൺ​വെൻ​ഷ​നിൽവെച്ച്‌ ഉറപ്പായി പ്രസ്‌താ​വി​ക്ക​പ്പെട്ടു. ഒരു ഉപദേ​ശകൻ പറഞ്ഞത​നു​സ​രി​ച്ചു ശരാശരി പ്രായം 17 ആണ്‌. (g92 10/22)