ലോകത്തെ വീക്ഷിക്കൽ

ബ്രിട്ട​നിൽ ണ്ടെത്തി​യ​റോ​മൻ നിക്ഷേപം

ഇംഗ്ലണ്ടി​ലെ സഫോ​ക്കി​ലുള്ള ഒരു കൃഷി​യി​ട​ത്തിൽ സ്വർണം, വെള്ളി, വെങ്കലം എന്നിവ​കൊ​ണ്ടുള്ള 14,780 നാണയ​ങ്ങ​ളു​ടെ ഒരു ശേഖരം കണ്ടെത്തി​യി​രി​ക്കു​ന്നു. ഒപ്പം 90 സെൻറി​മീ​ററർ നീളമുള്ള ഒരു സ്വർണ​മാല, 15 വളകൾ, ഏതാണ്ട്‌ 100 വെള്ളി സ്‌പൂ​ണു​കൾ എന്നിവ​യും കണ്ടെത്തി. ഈ നിധി കണ്ടെത്തി​യത്‌ ജോലി​യിൽനി​ന്നു വിരമിച്ച ഒരു പൂന്തോ​ട്ട​ക്കാ​ര​നാണ്‌. നഷ്ടപ്പെ​ട്ടു​പോയ ഒരു ചുററിക കണ്ടെത്താൻ മെററൽ ഡിററക്ടർ ഉപയോ​ഗിച്ച്‌ അന്വേ​ഷണം നടത്തു​ക​യാ​യി​രു​ന്നു അദ്ദേഹം. ഈ ശേഖര​ത്തി​ന്റെ മൂല്യം 1.5 കോടി ഡോളർ ആണെന്ന്‌ ഒരു വിദഗ്‌ധൻ നിർണ​യി​ച്ചു. ഈ നിക്ഷേപം ബ്രിട്ടീഷ്‌ ഗവൺമെൻറി​ന്റെ വകയാ​ണെന്ന്‌ ഒരു വ്യവഹാ​ര​സ​മി​തി സ്ഥിരീ​ക​രി​ച്ചു. ഈ നിക്ഷേപം കണ്ടെത്തിയ 70 വയസ്സുള്ള എറിക്‌ ലോസിന്‌ ആ നിക്ഷേ​പ​ത്തി​ന്റെ കമ്പോള വിലയ്‌ക്കു തുല്യ​മായ പണം ലഭിക്കും എന്നാണ്‌ ഇതിന്റെ അർഥം. ഈ ശേഖരം ബ്രിട്ടീഷ്‌ മ്യൂസി​യ​ത്തിൽ പൊതു​പ്ര​ദർശ​ന​ത്തി​നാ​യി വച്ചിരി​ക്കു​ക​യാ​ണെന്ന്‌ ഗാർഡി​യൻ വീക്ക്‌ലി റിപ്പോർട്ടു ചെയ്യുന്നു.

ഇൻഡ്യ​യി​ലെ മാരക​മായ ഭൂമി​കു​ലു​ക്കം

“ആനയുടെ തലയും കുടവ​യ​റുള്ള ഒരു മമനു​ഷ്യ​ന്റെ ഉടലു​മുള്ള ഗണപതി ഹിന്ദു​മ​ത​ത്തി​ലെ ഏററവും പ്രിയ​പ്പെട്ട ദൈവ​ങ്ങ​ളിൽ ഒന്നാണ്‌, അതു നല്ല തുടക്ക​ങ്ങ​ളു​ടെ​യും സൗഭാ​ഗ്യ​ത്തി​ന്റെ​യും ഒരു ദൈവ​മാണ്‌” എന്നു ടൈം മാഗസിൻ പ്രസ്‌താ​വി​ക്കു​ന്നു. ഈ സൗഭാ​ഗ്യ​ദൈ​വ​ത്തി​ന്റെ കീർത്തി​ക്കാ​യി പത്തു ദിവസം നീണ്ടു​നിന്ന ഉത്സവം അവസാ​നിച്ച്‌ ഏതാനും മണിക്കൂ​റു​കൾ കഴിഞ്ഞ​പ്പോൾ ഇൻഡ്യ​യു​ടെ തെക്കു​പ​ടി​ഞ്ഞാ​റൻ മേഖലയെ ഒരു ഭൂകമ്പം പിടിച്ചു കുലുക്കി. 50 ഗ്രാമ​ങ്ങ​ളി​ലും പട്ടണങ്ങ​ളി​ലും വീടുകൾ തകർന്നു​വീ​ഴു​ന്ന​തിന്‌ ഇതു കാരണ​മാ​യി. ശക്തമായ ഭൂകമ്പം അനുഭ​വ​പ്പെ​ട്ടി​ടത്ത്‌ റിക്ടർ സ്‌കെ​യി​ലിൽ 6.4 രേഖ​പ്പെ​ടു​ത്തി. ഈ സ്ഥലത്തോട്‌ ഏററവു​മ​ടു​ത്തു​ണ്ടാ​യി​രുന്ന കില്ലാരി ഗ്രാമം 90 ശതമാ​ന​ത്തോ​ളം തകർന്നു തരിപ്പ​ണ​മാ​യി. മരണസം​ഖ്യ 20,000-ത്തിലധി​ക​മാ​ണെന്നു ചില കണക്കുകൾ സൂചി​പ്പി​ക്കു​ന്നു. കഴിഞ്ഞ 58 വർഷങ്ങ​ളിൽ ഇൻഡ്യൻ ഉപഭൂ​ഖ​ണ്ഡത്തെ പിടിച്ചു കുലു​ക്കിയ ഏററവും വലിയ ഭൂകമ്പ​മാ​ണിത്‌. കുഴമ​ണ്ണു​കൊ​ണ്ടോ കല്ലു​കൊ​ണ്ടോ പണിത വീടുകൾ തകർന്നു​വീണ്‌ അവയിലെ നിവാ​സി​ക​ളി​ല​ധി​ക​വും മരിക്കാ​നി​ട​യാ​യത്‌ ഭൂകമ്പ​ത്തി​ന്റെ ശക്തി​കൊ​ണ്ടല്ല, വീടുകൾ പണിത പ്രാകൃ​ത​രീ​തി​കൊ​ണ്ടാണ്‌. ഉദാഹ​ര​ണ​ത്തിന്‌, കുറെ വർഷങ്ങൾക്കു മുമ്പു​ണ്ടായ സാൻഫ്രാൻസി​സ്‌കോ ഭൂകമ്പം റിക്ടർ സ്‌കെ​യി​ലിൽ 6.9 പോയിൻറ്‌ രേഖ​പ്പെ​ടു​ത്തി. എന്നാൽ 67 പേർ മരിച്ച​താ​യേ റിപ്പോർട്ടു​ള്ളൂ. അതിൽ ഹൃദയ​സ്‌തം​ഭനം മൂലമു​ണ്ടായ മരണങ്ങ​ളും ഉൾപ്പെ​ടു​ന്നു.

കാനഡ​യി​ലെ​യും ഐക്യ​നാ​ടു​ക​ളി​ലെ​യും സാക്ഷരതാ പ്രശ്‌ന​ങ്ങൾ

“19 കോടി 10 ലക്ഷം വരുന്ന രാജ്യത്തെ പ്രായ​പൂർത്തി​യായ പൗരൻമാ​രിൽ ഏതാണ്ട്‌ പകുതി​യും ബില്ലിലെ ഒരു പിശകു സംബന്ധിച്ച്‌ ഇംഗ്ലീ​ഷിൽ ഒരെഴു​ത്തെ​ഴു​തു​ന്ന​തി​നോ പ്രസി​ദ്ധീ​ക​രി​ക്ക​പ്പെട്ട ഒരു പട്ടിക​യ​നു​സ​രിച്ച്‌ ഒരു ബസ്‌യാ​ത്ര​യു​ടെ ദൈർഘ്യം കണക്കാ​ക്കു​ന്ന​തി​നോ പ്രാപ്‌തരല്ല” എന്ന്‌ ഐക്യ​നാ​ടു​ക​ളി​ലെ സാക്ഷരത സംബന്ധിച്ച നാലു​വർഷത്തെ ഒരു സംയുക്ത പഠനം കണ്ടെത്തി​യി​രി​ക്കു​ന്നു. ഇതിന്റെ അർഥം, ഒരു പത്രത്തിൽനിന്ന്‌ വിവരങ്ങൾ ശരിയാ​യി വായിച്ചു മനസ്സി​ലാ​ക്കുക, ബാങ്ക്‌ നിക്ഷേപ ഫോറം പൂരി​പ്പി​ക്കുക, ബസ്‌ സമയവി​വ​ര​പ​ട്ടിക വായിച്ചു മനസ്സി​ലാ​ക്കുക, അല്ലെങ്കിൽ കുട്ടിക്കു കൊടു​ക്കാ​നുള്ള മരുന്നി​ന്റെ ശരിയായ അളവ്‌ ഒരു ലേബലിൽനി​ന്നു നിർണ​യി​ക്കുക തുടങ്ങിയ ദൈനം​ദിന കാര്യ​ങ്ങ​ളിൽ അവർക്കു വൈഷ​മ്യം നേരി​ടു​ന്നു എന്നാണ്‌. സമാന​മാ​യി, “പ്രായ​പൂർത്തി​യായ 16 ശതമാനം കാനഡാ​ക്കാർക്ക്‌, അനുദിന ജീവി​ത​ത്തിൽ എഴുതി കാണുന്ന വിവര​ങ്ങ​ളി​ല​ധി​ക​വും മനസ്സി​ലാ​ക്കാൻ കഴിയാ​ത​വണ്ണം അവരുടെ വായനാ​പ്രാ​പ്‌തി​കൾ വളരെ പരിമി​ത​മാണ്‌” എന്നു കാനഡ​യിൽ നടത്തിയ ഒരു ഔദ്യോ​ഗിക പഠനം ചൂണ്ടി​ക്കാ​ട്ടി. ഇനിയും മറെറാ​രു 22 ശതമാ​ന​ത്തി​നു വായി​ക്ക​ണ​മെ​ങ്കിൽ, സുപരി​ചി​ത​മായ ഒരു പശ്ചാത്ത​ല​ത്തിൽ ലളിത​മായ ജോലി വ്യക്തമാ​യി വിവരി​ച്ചി​രി​ക്കണം എന്ന്‌ ദ ഗ്ലോബ്‌ ആൻഡ്‌ മെയിൽ പറയുന്നു. മോശ​മായ സാക്ഷര​ത​കൊ​ണ്ടു​ണ്ടാ​കുന്ന ഉത്‌പാ​ദ​ന​ക്ഷ​മ​ത​യി​ലെ കുറവ്‌, പിശകു​കൾ, അത്യാ​ഹി​തങ്ങൾ തുടങ്ങി​യവ ബിസി​ന​സ്സിന്‌ അനേക കോടി ഡോളർ നഷ്ടപ്പെ​ടു​ത്തി​യി​ട്ടുണ്ട്‌.

പുരോ​ഹി​തൻമാ​രു​ടെ പൊതു പ്രതി​ച്ഛാ​യക്കു മങ്ങലേൽക്കു​ന്നു

“മതത്തിന്റെ സ്വാധീ​നം വർധി​ക്കു​ന്നു​വെന്നു വിചാ​രി​ക്കു​ന്ന​വ​രെ​ക്കാൾ മതത്തിനു സ്വാധീ​നം നഷ്ടപ്പെ​ടു​ന്നു​വെന്നു കരുതു​ന്ന​വ​രാണ്‌ കൂടു​ത​ലു​ള്ള​തെന്ന്‌ 1988 മുതൽ ഓരോ വർഷവും അഭി​പ്രായ വോ​ട്ടെ​ടു​പ്പു​കൾ പ്രകട​മാ​ക്കി​യി​രി​ക്കു​ന്നു.” അപ്രകാ​രം അഭി​പ്രാ​യ​പ്പെ​ടു​ന്നത്‌ ലോസാ​ഞ്ച​ലസ്‌ ടൈംസ്‌ ആണ്‌. അതിന്റെ ഒരു കാരണം ഒരു തൊഴിൽ എന്ന നിലയിൽ പുരോ​ഹി​തൻമാർക്ക്‌ പൊതു​ജ​ന​ങ്ങ​ളിൽനി​ന്നുള്ള ആദരവു കുറഞ്ഞു​വ​രു​ന്നു എന്നതാണ്‌. എട്ടു വർഷം മുമ്പ്‌ 67 ശതമാനം അമേരി​ക്ക​ക്കാർ പുരോ​ഹി​തൻമാ​രെ സത്യസ​ന്ധ​ത​യി​ലും സദാചാര നിലവാ​ര​ങ്ങ​ളി​ലും “ഉയർന്ന”വരോ “വളരെ ഉയർന്ന”വരോ ആയി കണക്കാ​ക്കി​യി​രു​ന്നു. 1993-ലെ ഒരു സർവേ പ്രകട​മാ​ക്കി​യത്‌ അത്‌ 53 ശതമാ​ന​മാ​യി കുറഞ്ഞു എന്നാണ്‌. എന്തു​കൊണ്ട്‌? ടിവി സുവി​ശേ​ഷ​കൻമാ​രു​ടെ​യും പ്രൊ​ട്ട​സ്‌റ​റൻറ്‌ പാസ്‌റ​റർമാ​രു​ടെ​യും കത്തോ​ലി​ക്കാ പുരോ​ഹി​തൻമാ​രു​ടെ​യും ലൈം​ഗിക ദുർന്നടത്ത ഉൾപ്പെ​ടുന്ന അപവാ​ദ​ങ്ങ​ളും അതു​പോ​ലെ​തന്നെ ധനശേ​ഖ​ര​ണാ​വ​കാ​ശ​വാ​ദ​ങ്ങളെ ചൊല്ലി​യുള്ള വിവാ​ദ​ങ്ങ​ളും പൗരോ​ഹി​ത്യ പ്രതി​ച്ഛാ​യക്കു കളങ്കം ചാർത്തി​യി​രി​ക്കു​ന്നു. 1988 ആയപ്പോ​ഴേ​ക്കും പൊതു​ജന ദൃഷ്ടി​യിൽ സദാചാര മൂല്യ​ങ്ങ​ളു​ടെ ഏററവും ഉയർന്ന സ്ഥാനത്ത്‌ പുരോ​ഹി​തൻമാർക്കു പകരം മരുന്നു​ക​ളു​ടെ ഉത്‌പാ​ദ​ന​വി​പ​ണ​ന​ത്തിൽ ഏർപ്പെ​ട്ടി​രു​ന്നവർ എത്തിയി​രു​ന്നു. നല്ല രീതി​യി​ലുള്ള സ്വാധീന ശക്തിയു​ടെ കാര്യ​ത്തിൽ സ്വത​ന്ത്ര​മാ​യി നടത്തുന്ന ബിസി​ന​സ്സു​ക​ളും അതു​പോ​ലെ​തന്നെ കമ്പ്യൂ​ട്ട​റു​ക​ളും സാങ്കേ​തി​ക​വി​ദ്യ​യും സഭക​ളെ​ക്കാൾ മെച്ചമാ​ണെന്നു മറെറാ​രു സർവേ പ്രകട​മാ​ക്കി. എന്നാൽ, രാഷ്‌ട്രീ​യ​ക്കാ​രെ​ക്കാ​ളും പത്ര​പ്ര​വർത്ത​ക​രെ​ക്കാ​ളും സത്യസ​ന്ധ​രാണ്‌ പുരോ​ഹി​തൻമാ​രെന്ന്‌ പൊതു​ജ​നങ്ങൾ ഇപ്പോ​ഴും വിചാ​രി​ക്കു​ന്നു.

ഇൻഡ്യൻ വന്യജീ​വി​കൾ ഭീഷണി​യിൽ

ഇൻഡ്യൻ കേന്ദ്ര പരിസ്ഥി​തി മന്ത്രാ​ല​യ​ത്തി​ലെ ഉദ്യോ​ഗ​സ്ഥൻമാർ ഇൻഡ്യ​യി​ലെ കടുവ​കളെ സംരക്ഷി​ക്കു​ന്ന​തി​നുള്ള തങ്ങളുടെ നേട്ടങ്ങ​ളെ​ക്കു​റി​ച്ചു പ്രഖ്യാ​പി​ക്കാൻ കഴിഞ്ഞ​വർഷം തയ്യാ​റെ​ടു​ത്തു. എന്നാൽ വാസ്‌ത​വ​ത്തിൽ അവർ കണ്ടെത്തി​യത്‌ നേരെ വിപരീ​ത​മാണ്‌: കടുവ വംശനാ​ശ​ത്തോട്‌ അടുത്തു​കൊ​ണ്ടി​രി​ക്കു​ക​യാണ്‌. വനത്തി​ലുള്ള 4,500 കടുവ​ക​ളിൽ ഏതാണ്ട്‌ 1,500 കടുവ​കളെ 1988 മുതൽ ഒളി​വേ​ട്ട​ക്കാർ കൊന്നി​ട്ടുണ്ട്‌. ഫലത്തിൽ, കൊന്ന കടുവ​ക​ളു​ടെ എല്ലാ ഭാഗങ്ങ​ളും—തൊലി, അസ്ഥി, രക്തം, ജനനേ​ന്ദ്രി​യങ്ങൾ പോലും—വൻ വിലയ്‌ക്ക്‌ അധോ​ലോക കമ്പോ​ള​ങ്ങ​ളിൽ വിൽക്കു​ന്നു. നിയമ​വി​രു​ദ്ധ​മായ വിപണനം ഇൻഡ്യ​യിൽ മററു മൃഗങ്ങ​ളെ​യും വംശനാ​ശ​ത്തി​ലേക്കു തള്ളിവി​ടു​ക​യാണ്‌. കൊമ്പു​കൾക്കു​വേണ്ടി കൊല്ലുന്ന കാണ്ടാ​മൃ​ഗ​ങ്ങ​ളു​ടെ എണ്ണം രണ്ടിര​ട്ടി​യാ​യി വർധി​ച്ചി​രി​ക്കു​ന്നു. ആനക്കൊ​മ്പു​കൾക്കു വേണ്ടി ധാരാളം കൊമ്പ​നാ​ന​ക​ളെ​യും കൊല്ലു​ന്നുണ്ട്‌. പുലി​ത്തോ​ലി​നു വേണ്ടി എല്ലാത്തരം പുലി​ക​ളെ​യും കൊല്ലു​ന്നു, കസ്‌തൂ​രി മാനു​ക​ളു​ടെ സുഗന്ധ​ഗ്ര​ന്ഥി​കൾക്കു വേണ്ടി അവയെ കശാപ്പു ചെയ്യുന്നു. ഹിമാ​ലയൻ കരടി​ക​ളു​ടെ പിത്താ​ശ​യ​ങ്ങൾക്കു വേണ്ടി അവയെ​യും കൊല്ലു​ന്നു. മാത്രമല്ല, പാമ്പു​ക​ളെ​യും പല്ലിക​ളെ​യും അവയുടെ തൊലി​ക്കു വേണ്ടി​യും കീരി​കളെ ബ്രഷു​ണ്ടാ​ക്കാ​നു​പ​യോ​ഗി​ക്കുന്ന അവയുടെ ദൃഢ​രോ​മ​ങ്ങൾക്കു വേണ്ടി​യും കൊല്ലു​ന്നു. നക്ഷത്രാ​കൃ​തി​യി​ലുള്ള ആമക​ളെ​യും കഴുക​നെ​യും നിയമ​വി​രു​ദ്ധ​മായ ഓമന​മൃ​ഗ​വാ​ണി​ജ്യ​ത്തിൽ ഇൻഡ്യ​യിൽനി​ന്നും കയററി അയയ്‌ക്കു​ന്നു. ശരിക്കും സായു​ധ​രായ ഒളി​വേ​ട്ട​ക്കാർ തങ്ങളെ കൊല്ലു​മോ എന്ന ഭയത്തി​ലാണ്‌ ഫോറ​സ്‌ററ്‌ ഉദ്യോ​ഗ​സ്ഥൻമാർ.

ലോകാ​രോ​ഗ്യ റിപ്പോർട്ട്‌

ലോകാ​രോ​ഗ്യ സംഘടന രോഗ​ത്തി​നെ​തി​രെ​യുള്ള ആഗോള പോരാ​ട്ട​ത്തി​ന്റെ ഒരു മങ്ങിയ ചിത്രം വരച്ചു​കൊണ്ട്‌ ലോകാ​രോ​ഗ്യ സ്ഥിതി​വി​ശേ​ഷത്തെ സംബന്ധിച്ച എട്ടാമത്തെ റിപ്പോർട്ടിൽ ഇങ്ങനെ പ്രസ്‌താ​വി​ക്കു​ന്നു: “ഉഷ്‌ണ​മേ​ഖലാ പ്രദേ​ശത്തെ രോഗങ്ങൾ പടർന്നു പിടി​ക്കു​ക​യാ​ണെന്നു തോന്നു​ന്നു. ഈ നൂററാ​ണ്ടി​ലാ​ദ്യ​മാ​യി കോളറ അമേരി​ക്കൻ ഭൂഖണ്ഡ​ങ്ങ​ളിൽ വ്യാപി​ക്കു​ന്നു, പകർച്ച​വ്യാ​ധി​ക​ളായ മഞ്ഞപ്പനി​യും സന്ധിക​സ​ന്നി​പാ​ത​വും കൂടുതൽ ആളുകളെ ബാധി​ക്കു​ന്നു, മലമ്പനി സ്ഥിതി​വി​ശേഷം വഷളാ​യി​ക്കൊ​ണ്ടി​രി​ക്കു​ന്നു . . . എയ്‌ഡ്‌സ്‌ സാം​ക്ര​മിക രോഗം ഗോള​വ്യാ​പ​ക​മാ​യി വ്യാപി​ക്കു​ന്നു . . . ശ്വാസ​കോശ ക്ഷയരോ​ഗം വർധി​ക്കു​ക​യാണ്‌ . . . വികസ്വര രാജ്യ​ങ്ങ​ളിൽ അർബുദം പിടി​പെ​ടു​ന്ന​വ​രു​ടെ സംഖ്യ വികസിത രാജ്യ​ങ്ങ​ളി​ലെ അത്തരക്കാ​രു​ടെ സംഖ്യയെ ആദ്യമാ​യി കടത്തി​വെ​ട്ടി​യി​രി​ക്കു​ന്നു. പ്രമേഹം എവി​ടെ​യും കൂടി​വ​രി​ക​യാണ്‌.” 1985-90 കാലഘ​ട്ടത്തെ വിവരങ്ങൾ ഉൾക്കൊ​ള്ളി​ക്കുന്ന ഈ റിപ്പോർട്ട്‌, പ്രതി​വർഷ​മുള്ള 5 കോടി മരണങ്ങ​ളിൽ 4 കോടി 65 ലക്ഷം മരണങ്ങ​ളും രോഗം നിമി​ത്ത​മു​ണ്ടാ​കു​ന്ന​താ​ണെന്നു പ്രകട​മാ​ക്കു​ന്നു. ഓരോ വർഷവും ജനിക്കുന്ന 14 കോടി ശിശു​ക്ക​ളിൽ 40 ലക്ഷം ശിശുക്കൾ ജനിച്ച്‌ മണിക്കൂ​റു​ക​ളോ ദിവസ​ങ്ങ​ളോ കഴിയു​മ്പോൾ മരിക്കു​ന്നു. പ്രതി​വർഷം എഴുപതു ലക്ഷം പേർക്ക്‌ പുതു​താ​യി അർബുദം പിടി​പെ​ടു​ന്നു. കൂടാതെ, വർഷം​തോ​റും പത്തുല​ക്ഷ​ത്തി​ല​ധി​കം ആളുകൾക്ക്‌ എയ്‌ഡ്‌സി​നു കാരണ​മായ എച്ച്‌ഐവി അണുബാ​ധ​യു​ണ്ടാ​കു​ന്നു. മണ്ണൻ, വില്ലൻചുമ തുടങ്ങിയ ചില ശിശു​രോ​ഗങ്ങൾ കുറഞ്ഞു​വ​രു​ന്നത്‌ ഒരു നല്ല വശമാണ്‌. ആയുർ​ദൈർഘ്യം ഒന്നുരണ്ടു വർഷം കണ്ട്‌ വർധി​ച്ചി​ട്ടുണ്ട്‌. ആഗോള ശരാശരി ഇപ്പോൾ 65 വയസ്സാണ്‌.

ഐക്യ​നാ​ടു​ക​ളിൽ പുകവ​ലി​യു​മാ​യി ബന്ധപ്പെട്ട മരണങ്ങൾ കുറഞ്ഞു​വ​രു​ന്നു

യു.എസ്‌. രോഗ​നി​യ​ന്ത്രണ-പ്രതി​രോധ കേന്ദ്രങ്ങൾ (CDC) പുകവ​ലി​യോ​ടു ബന്ധപ്പെട്ട മരണങ്ങ​ളിൽ ഒരു കുറവു​ള്ള​താ​യി അറിയി​ച്ചി​രി​ക്കു​ന്നു—1985-ൽ റെക്കോർഡു​കൾ സൂക്ഷി​ക്കാൻ തുടങ്ങി​യ​തു​മു​തൽ ആദ്യ​ത്തേ​താ​ണിത്‌. സിഗര​ററ്‌ വലിക്കു​ന്ന​തു​നി​മി​ത്തം ഓരോ വർഷവും മരിക്കുന്ന അമേരി​ക്ക​ക്കാ​രു​ടെ എണ്ണം 15,000 കണ്ടു കുറഞ്ഞ്‌ 1990-ൽ 4,19,000 ആയിത്തീർന്നു. ഇതിന്റെ ഒരു പ്രമുഖ കാരണം പുകവലി നിമി​ത്ത​മു​ണ്ടാ​കുന്ന ഹൃ​ദ്രോ​ഗ​ത്തിൽ വന്ന കുറവാണ്‌. പ്രായ​പൂർത്തി​യായ അമേരി​ക്ക​ക്കാ​രിൽ ഏതാണ്ട്‌ 42.4 ശതമാനം പേർ 1965-ൽ പുകവലി നടത്തി​യി​രു​ന്നു. 1990 ആയപ്പോ​ഴേ​ക്കും അത്‌ 25.5 ശതമാ​ന​മാ​യി​രു​ന്നു. എന്നാൽ തടയാ​വുന്ന രോഗ​ത്തി​ന്റെ​യും മരണത്തി​ന്റെ​യും ഏററവും വലിയ കാരണ​മാ​യി പുകവലി ഇപ്പോ​ഴും നില​കൊ​ള്ളു​ന്നു. മാത്രമല്ല അത്‌ ആരോഗ്യ ചെലവു​കളെ ഒരു വർഷം ഏതാണ്ട്‌ 2,000 കോടി ഡോളർ കണ്ട്‌ വർധി​പ്പി​ക്കു​ന്നു. പുകവ​ലി​ക്കെ​തി​രായ പരസ്യ​ത്തി​നു​വേണ്ടി ഗവൺമെൻറ്‌ പ്രതി​വർഷം 10 ലക്ഷം ഡോളർ ചെലവാ​ക്കു​ന്നു. അതേസ​മയം പുകവലി പ്രോ​ത്സാ​ഹി​പ്പി​ക്കു​ന്ന​തി​നും പരസ്യ​ങ്ങൾക്കും വേണ്ടി പുകയില വ്യവസാ​യം 400 കോടി ഡോളർ ചെലവി​ടു​ന്നു. പുകവ​ലി​ക്കുന്ന ഓരോ വ്യക്തി​ക്കും ശരാശരി ആയുർ​ദൈർഘ്യം അഞ്ചു വർഷം കുറയാൻ ഇതു കാരണ​മാ​കു​ന്നു എന്ന്‌ സിഡിസി റിപ്പോർട്ടു ചെയ്യുന്നു.

നിരാ​ശ​യും ഹൃദയ​വും

“ക്ലേശി​പ്പി​ക്കുന്ന നിരാ​ശ​യും വൈകാ​രിക അരിഷ്ട​ത​യും ഹൃ​ദ്രോ​ഗ​മു​ണ്ടാ​കാ​നും അതിന്റെ അനന്തര​ഫ​ലങ്ങൾ നിമിത്തം മരിക്കാ​നു​മുള്ള ഒരാളു​ടെ സാധ്യ​ത​കളെ നിശ്ചയ​മാ​യും കൂട്ടുന്നു” എന്ന്‌ സയൻസ്‌ ന്യൂസ്‌ പ്രസ്‌താ​വി​ക്കു​ന്നു. “വളരെ​ക്കാ​ല​മാ​യി ദുഃഖ​വും നിരാ​ശ​യും ഉണ്ടായി​രി​ക്ക​യും എന്നാൽ ‘കടുത്ത വിഷാദം’ ഇല്ലാതി​രി​ക്ക​യും ചെയ്യു​ന്നെ​ങ്കിൽ ഹൃദയ​ത്തി​ന്റെ പ്രവർത്തനം ദുർബ​ല​മാ​യേ​ക്കാം” എന്നു ഗവേഷകർ പറയുന്നു. ഗവേഷകർ, 45 മുതൽ 77 വരെ പ്രായ​മുള്ള 2,832 മുതിർന്ന വ്യക്തി​ക​ളെ​ക്കു​റി​ച്ചു ശരാശരി 12 വർഷ​ത്തോ​ളം പഠനം നടത്തി. തുടക്ക​ത്തിൽ ആർക്കും ഹൃ​ദ്രോ​ഗ​മോ മററു പഴകിയ അസുഖ​ങ്ങ​ളോ ഇല്ലായി​രു​ന്നു. പങ്കെടു​ത്ത​വ​രിൽ കടുത്ത നൈരാ​ശ്യ​മു​ണ്ടെന്നു റിപ്പോർട്ടു ചെയ്‌ത​വ​രു​ടെ ഇടയിൽ അതു റിപ്പോർട്ടു ചെയ്യാ​ത്ത​വ​രു​ടെ ഇടയിൽ ഉള്ളതി​നെ​ക്കാൾ ഹൃ​ദ്രോ​ഗം നിമി​ത്ത​മുള്ള മരണങ്ങൾ നാലു മടങ്ങ്‌ കൂടു​ത​ലാ​ണെന്നു കണ്ടെത്ത​ലു​കൾ പ്രകട​മാ​ക്കി. മാരക​മ​ല്ലാത്ത ഹൃ​ദ്രോ​ഗ​ങ്ങ​ളും വിഷാ​ദ​മ​നു​ഭ​വി​ച്ചി​രു​ന്ന​വ​രിൽ കൂടെ​ക്കൂ​ടെ കാണ​പ്പെട്ടു. നൈരാ​ശ്യ​മി​ല്ലെന്നു റിപ്പോർട്ടു ചെയ്‌ത​വ​രോ​ടു താരത​മ്യ​പ്പെ​ടു​ത്തു​മ്പോൾ ലഘുവായ വിഷാ​ദ​വും നിരാ​ശ​യും അനുഭ​വി​ച്ച​വ​രു​ടെ ഇടയിൽപ്പോ​ലും ഹൃ​ദ്രോ​ഗം നിമി​ത്ത​മുള്ള മരണനി​രക്ക്‌ സാരമാം​വി​ധം കൂടു​ത​ലാ​യി​രു​ന്നു.

ഒരന്തവു​മി​ല്ല

1989-ൽ ഏഴു വയസ്സുള്ള ബ്രിട്ടീ​ഷു​കാ​ര​നായ ക്രേഗ്‌ ഷെർഗോൾഡ്‌ തലച്ചോ​റി​ലു​ണ്ടായ ഒരു മുഴ കാരണം ദുരി​ത​മ​നു​ഭ​വി​ക്കു​ക​യാ​യി​രു​ന്നു. ജീവി​ച്ചി​രി​ക്കു​മെന്നു പ്രതീ​ക്ഷ​യു​മി​ല്ലാ​യി​രു​ന്നു. ആശംസാ​കാർഡു​കൾ ലഭിക്കു​ന്ന​തിൽ ലോക​റെ​ക്കോർഡ്‌ തകർക്കു​ക​യാ​യി​രു​ന്നു അവന്റെ ആഗ്രഹം. ഇതിന്‌ മാധ്യ​മ​ങ്ങ​ളും അററ്‌ലാൻറ​യിൽ പ്രവർത്തി​ക്കുന്ന ചിൽഡ്രൻസ്‌ വിഷ്‌ ഫൗണ്ടേഷൻ ഇൻറർനാ​ഷ​ണ​ലും പ്രചാരം നൽകി. മാസങ്ങൾക്കു​ള്ളിൽ റെക്കോർഡു തകർന്നു. ആദ്യവർഷം തന്നെ 1 കോടി 60 ലക്ഷത്തി​ല​ധി​കം ആശംസാ​കാർഡു​കൾ ലഭിച്ചു. 1992 ആയപ്പോ​ഴേ​ക്കും 3 കോടി 30 ലക്ഷം. കാർഡു​ക​ളൊ​ന്നും അയയ്‌ക്ക​രു​തെന്ന അഭ്യർഥന രണ്ടു വർഷം മുമ്പു നടത്തി​യ​താ​ണെ​ങ്കി​ലും ആഴ്‌ച​യിൽ 3,00,000 എന്ന നിരക്കിൽ അവ ഇപ്പോ​ഴും ലഭിച്ചു​കൊ​ണ്ടി​രി​ക്കു​ന്നു. 6 കോടി​യാ​യ​പ്പോൾ എണ്ണൽ നിറുത്തി. “ഇപ്പോ​ഴും പൊട്ടി​ച്ചു​നോ​ക്കാത്ത തപാൽ ഉരുപ്പ​ടി​കൾ 900 ചതുര​ശ്ര​മീ​ററർ വലിപ്പ​മുള്ള ഒരു പണ്ടകശാ​ല​യിൽ മച്ചിൽ മുട്ടേ ഞങ്ങൾ അടുക്കി വച്ചിട്ടുണ്ട്‌” എന്ന്‌ ഫൗണ്ടേ​ഷന്റെ പ്രസി​ഡൻറായ ആർഥർ സ്‌റെറൻ പറയുന്നു. ഒരു ദാനധർമി​യു​ടെ സഹായ​ത്താൽ 1991-ൽ ക്രേഗി​നെ ഓപ്പ​റേഷൻ ചെയ്‌ത്‌ മുഴയു​ടെ 90 ശതമാ​ന​വും നീക്കം ചെയ്‌തു.