ബൈബി​ളി​ന്റെ വീക്ഷണം

പ്രതി​ഷേ​ധ​ങ്ങ​ളും പ്രകട​ന​ങ്ങ​ളും—ലോക​ത്തി​നു മാററം വരുത്താൻ അവയ്‌ക്കു കഴിയു​മോ?

“നമ്മൾ തുറന്നു സംസാ​രി​ക്കണം, നമ്മൾ തെരു​വു​ക​ളിൽ പ്രകട​നങ്ങൾ നടത്തു​ക​യും വേണം.” ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റെ​റാ​ന്നി​ലെ പേർഷ്യൻ ഗൾഫ്‌ യുദ്ധം പൊട്ടി​പ്പു​റ​പ്പെ​ടു​ന്ന​തി​നു തൊട്ടു​മുമ്പ്‌ ഒരു റോമൻ കത്തോ​ലി​ക്കാ വർത്തമാ​ന​പ്പ​ത്ര​മായ നാഷണൽ കത്തോ​ലിക്ക്‌ റിപ്പോർട്ട​റി​ലെ മുഖ​പ്ര​സം​ഗ​ത്തി​ന്റെ തലക്കെട്ടു കൊടു​ത്തി​രു​ന്നത്‌ അങ്ങനെ​യാ​യി​രു​ന്നു. ഐക്യ​നാ​ടു​ക​ളി​ലു​ട​നീ​ളം സമാധാന റാലി​ക​ളി​ലും പ്രകട​ന​ങ്ങ​ളി​ലും പങ്കെടു​ക്കാൻ വായന​ക്കാ​രെ ആഹ്വാനം ചെയ്‌തു​കൊ​ണ്ടു മുഖ​പ്ര​സം​ഗം തുടർന്നു പറഞ്ഞു: “ഈ ഭരണകൂ​ട​ത്തി​ന്റെ അവഗണ​ന​യെ​യും ധാർഷ്ട്യ​ത്തെ​യും മറിക​ട​ക്കാൻ ലക്ഷക്കണ​ക്കി​നു ജനങ്ങളും സമാധാ​ന​ല​ബ്ധി​ക്കാ​യുള്ള നിരന്ത​ര​മായ കഠിന​ശ്ര​മ​ങ്ങ​ളും ആവശ്യ​മാ​യി വരും . . . ജനങ്ങൾ തെരു​വു​പ്ര​ക​ട​നങ്ങൾ നടത്തണം.”

പ്രവർത്ത​ന​ത്തി​നാ​യുള്ള അത്തരം ആഹ്വാ​നങ്ങൾ ഇന്നു കൂടെ​ക്കൂ​ടെ കേൾക്കാ​റുണ്ട്‌. മനുഷ്യ​വർഗ്ഗ​ത്തി​ന്റെ ക്ഷേമത്തെ ഭീഷണി​പ്പെ​ടു​ത്തുന്ന രാഷ്‌ട്രീ​യ​വും സാമ്പത്തി​ക​വും പരിസ്ഥി​തി​പ​ര​വു​മായ അനേകം പ്രതി​സ​ന്ധി​ക​ളു​ള്ള​തി​നാൽ, പ്രതി​ഷേ​ധ​ങ്ങൾക്കാ​യി​ട്ടും പ്രാർത്ഥ​ന​കൾക്കാ​യി​ട്ടും പ്രകട​ന​ങ്ങൾക്കാ​യി​ട്ടും “തെരു​വി​ലേ​ക്കി​റ​ങ്ങാൻ” തങ്ങൾ നിർബ​ന്ധി​ത​രാ​കു​ന്ന​താ​യി ജനങ്ങൾ വിചാ​രി​ക്കു​ന്നു. അയൽപ്ര​ദേശ കുററ​കൃ​ത്യ​ങ്ങൾ തടയു​ന്ന​തു​മു​തൽ ലോക സമാധാ​നം സ്ഥാപി​ക്കൽവ​രെ​യുള്ള പ്രശ്‌ന​ങ്ങ​ളാ​ണു​ള്ളത്‌. കൗതു​ക​ക​ര​മെ​ന്നു​പ​റ​യട്ടെ, ഈ പ്രകട​ന​ങ്ങ​ളിൽ ഒരു വലിയ പങ്കും നടക്കു​ന്നതു സഭാ സംഘട​ന​ക​ളു​ടെ​യും മത നേതാ​ക്ക​ളു​ടെ​യും അംഗീ​കാ​ര​ത്തോ​ടെ​യാണ്‌.

എന്നിരു​ന്നാ​ലും, അത്തരം പ്രകട​ന​ങ്ങ​ളിൽ പങ്കു​കൊ​ള്ളു​ന്നതു ക്രിസ്‌ത്യാ​നി​കൾക്ക്‌ ഉചിത​മാ​ണോ? പ്രക്ഷോഭ റാലി​ക​ളു​ടെ​യോ സന്ധ്യാ​വേ​ള​യി​ലെ ഗൗരവ​മുള്ള പ്രാർത്ഥ​ന​യു​ടെ​യോ രൂപത്തി​ലാ​യാ​ലും, അത്തരം പ്രതി​ഷേ​ധ​ങ്ങൾക്കു ലോകത്തെ യഥാർത്ഥ​മാ​യി മെച്ച​പ്പെ​ടു​ത്താൻ കഴിയു​മോ?

പ്രകട​നങ്ങൾ—ക്രിസ്‌തീയ വീക്ഷണം

“അനങ്ങാ​പ്പാ​റ​ക​ളായ അധികാ​രി​കളെ ആവശ്യ​മായ നടപടി​ക​ളെ​ടു​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നാ​യുള്ള . . . രാഷ്‌ട്രീയ വികാ​ര​പ്ര​ക​ട​ന​ത്തി​ന്റെ വിശേ​ഷാൽ ഫലപ്ര​ദ​മായ ഒരു വിധം” എന്നാണ്‌ ഒരു സാമൂ​ഹി​ക​ശാ​സ്‌ത്രജ്ഞൻ പ്രകട​ന​ങ്ങളെ വർണ്ണി​ച്ചി​രി​ക്കു​ന്നത്‌. അതേ, പ്രതി​ഷേധ റാലി നടത്തു​ന്നവർ അല്ലെങ്കിൽ പ്രകട​നങ്ങൾ നടത്തു​ന്നവർ സാധാരണ അങ്ങനെ ചെയ്യു​ന്നത്‌ അവരുടെ കൂട്ടായ ശ്രമങ്ങൾക്ക്‌ ഇന്നത്തെ സാമൂ​ഹി​ക​വും രാഷ്‌ട്രീ​യ​വു​മായ വ്യവസ്ഥി​തി​യിൽ കണ്ടുവ​രുന്ന അനീതി​ക​ളെ​യും അഴിമ​തി​യെ​യും തിരു​ത്താൻ കഴിയും എന്ന പ്രത്യാ​ശ​യി​ലാണ്‌.

എന്നിരു​ന്നാ​ലും, യേശു​ക്രി​സ്‌തു അവിടത്തെ അനുഗാ​മി​കൾക്ക്‌ എന്തു മാതൃ​ക​യാ​ണു നല്‌കി​യി​രി​ക്കു​ന്നത്‌? യഹൂദ ജനം റോമാ സാമ്രാ​ജ്യ​ത്തി​ന്റെ മർദ്ദന​ഭ​ര​ണ​ത്തി​ലാ​യി​രുന്ന ഒരു സമയത്താ​ണു യേശു ജീവി​ച്ചത്‌. നിശ്ചയ​മാ​യും, ഞെരു​ക്കുന്ന റോമൻ നുകത്തിൽനി​ന്നുള്ള വിടുതൽ ജനങ്ങൾ വളരെ ആഗ്രഹി​ച്ചി​രു​ന്നു. എന്നിട്ടും, ഒരു പ്രകടനം നടത്തു​വാ​നോ പ്രതി​ഷേധ റാലി നടത്തു​വാ​നോ അല്ലെങ്കിൽ മറേറ​തെ​ങ്കി​ലും വിധത്തിൽ രാഷ്‌ട്രീ​യ​മാ​യി ഉൾപ്പെ​ടു​വാ​നോ യേശു തന്റെ അനുഗാ​മി​കളെ ഒരിക്ക​ലും പ്രോ​ത്സാ​ഹി​പ്പി​ച്ചില്ല. നേരെ മറിച്ച്‌, തന്റെ ശിഷ്യൻമാർ “ലോക​ത്തി​ന്റെ ഭാഗമാ​കാ”തിരി​ക്ക​ണ​മാ​യി​രു​ന്നു എന്ന്‌ അവിടുന്ന്‌ ആവർത്തി​ച്ചു പറഞ്ഞു.—യോഹ​ന്നാൻ 15:19; 17:16; യോഹ​ന്നാൻ 6:15 കൂടെ കാണുക.

അതു​പോ​ലെ, ഗവൺമെൻറ്‌ ഉദ്യോ​ഗ​സ്ഥൻമാർ യേശു​വി​നെ അന്യാ​യ​മാ​യി കസ്‌റ​റ​ഡി​യി​ലെ​ടു​ത്ത​പ്പോൾ, അവിടുന്ന്‌ ഒരു പ്രതി​ഷേധം ഇളക്കി​വി​ടാൻ ശ്രമി​ച്ചില്ല. അങ്ങനെ ചെയ്യാൻ തീരു​മാ​നി​ച്ചി​രു​ന്നെ​ങ്കിൽ തീർച്ച​യാ​യും യേശു​വിന്‌ അതു സാധി​ക്കു​മാ​യി​രു​ന്നു. അതിനു​പ​കരം, അവിടു​ന്നു റോമൻ ഗവർണ​റോ​ടു പറഞ്ഞു: “എന്റെ രാജ്യം ഐഹി​കമല്ല; (ഈ ലോക​ത്തി​ന്റെ ഭാഗമല്ല, NW) എന്റെ രാജ്യം ഐഹികം ആയിരു​ന്നു എങ്കിൽ എന്നെ യഹൂദൻമാ​രു​ടെ കയ്യിൽ ഏല്‌പ്പി​ക്കാ​ത​വണ്ണം എന്റെ ചേവകർ പോരാ​ടു​മാ​യി​രു​ന്നു; എന്നാൽ എന്റെ രാജ്യം ഐഹി​കമല്ല (ഈ ഉറവിൽനിന്നുള്ളതല്ല, NW).” (യോഹ​ന്നാൻ 18:33-36) ഒരു വിവാ​ദത്തെ അഭിമു​ഖീ​ക​രി​ച്ച​പ്പോൾ, രാഷ്‌ട്രീയ കാര്യ​ങ്ങ​ളു​ടെ ഭാഗമാ​കാ​തെ നില​കൊ​ള്ളേ​ണ്ട​തി​ന്റെ ആവശ്യം തിരി​ച്ച​റി​ഞ്ഞു​കൊ​ണ്ടു യേശു ഏതുത​ര​ത്തി​ലു​മുള്ള പ്രതി​ഷേധ നടപടി​ക​ളിൽനി​ന്നു വിട്ടു​നി​ന്നു. അവിടു​ന്നു തന്റെ അനുഗാ​മി​കളെ അതു തന്നെ ചെയ്യു​വാൻ പ്രോ​ത്സാ​ഹി​പ്പി​ച്ചു.

അതു​കൊ​ണ്ടു പ്രകട​ന​ങ്ങ​ളിൽ പങ്കെടു​ക്കു​ന്നതു യേശു പഠിപ്പിച്ച ക്രിസ്‌തീയ നിഷ്‌പ​ക്ഷ​ത​യു​ടെ അടിസ്ഥാന തത്ത്വത്തെ ലംഘി​ക്കും. അതിലു​മു​പരി, അത്തരം പങ്കെടു​ക്കൽ മററു ക്രിസ്‌തീ​യ​വി​രുദ്ധ നടത്തയിൽ ഉൾപ്പെ​ടു​ന്ന​തി​ലേ​ക്കു​പോ​ലും നയി​ച്ചേ​ക്കാം. ഏതു രീതി​യിൽ? പങ്കെടു​ക്കു​ന്നവർ രണോ​ത്സു​ക​രോ അധി​ക്ഷേ​പി​ക്കു​ന്ന​വ​രോ അക്രമാ​സ​ക്ത​രോ ആകുന്ന​തോ​ടെ സദു​ദ്ദേ​ശ്യ​ത്തോ​ടെ നടത്ത​പ്പെ​ടുന്ന പ്രകട​നങ്ങൾ മിക്ക​പ്പോ​ഴും തീർത്തും മത്സരാ​ത്മ​ക​മാ​യി മാറുന്നു. നിയമ വിരു​ദ്ധ​വും തടസ്സമു​ണ്ടാ​ക്കു​ന്ന​തു​മായ തന്ത്രങ്ങൾ പ്രയോ​ഗി​ക്കു​ന്നതു ശ്രദ്ധയാ​കർഷി​ച്ചേ​ക്കാം, എന്നാൽ “ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങട്ടെ” എന്നും “സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ” എന്നുമുള്ള ബൈബി​ളി​ന്റെ അനുശാ​സ​ന​ത്തോട്‌ അതു തീരെ യോജി​ക്കു​ന്നില്ല. (റോമർ 12:18; 13:1) നിയമ​ലം​ഘന പ്രസ്ഥാ​നത്തെ പ്രോ​ത്സാ​ഹി​പ്പി​ക്കു​ന്ന​തി​നു പകരം, തങ്ങളുടെ നടത്ത ജനതക​ളു​ടെ ഇടയിൽ വിശി​ഷ്ട​മാ​യി കാത്തു​സൂ​ക്ഷി​ക്കാ​നും, അധികാ​രി​കൾ പ്രീതി​പ്പെ​ടാൻ ബുദ്ധി​മു​ട്ടു​ള്ള​വ​രോ ന്യായ​ബോ​ധ​മി​ല്ലാ​ത്ത​വ​രോ ആണെങ്കിൽപോ​ലും മാനുഷ ഗവൺമെൻറു​കൾക്കു കീഴ്‌പ്പെട്ടു നില​കൊ​ള്ളാ​നും ബൈബിൾ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു.—1 പത്രൊസ്‌ 2:12, 13, 18.

‘എന്നാൽ എല്ലാ പ്രകട​ന​ങ്ങ​ളും രണോ​ത്സു​ക​മോ അക്രമാ​സ​ക്ത​മോ അല്ല’ എന്നു ചിലർ പറഞ്ഞേ​ക്കാം. സത്യം തന്നെ, ചില പ്രകട​നങ്ങൾ നല്ല ഫലങ്ങൾ കൈവ​രി​ക്കു​ന്ന​താ​യി കാണ​പ്പെ​ടു​ക​യും ചെയ്യുന്നു. എന്നാൽ, പ്രകട​ന​ങ്ങൾക്ക്‌—അവ സമാധാ​ന​പൂർണ്ണ​വും നല്ല ഒരു ലക്ഷ്യത്തി​നു​വേണ്ടി നടത്ത​പ്പെ​ടു​ന്ന​തു​മാ​യാൽപ്പോ​ലും—ലോകത്തെ മെച്ച​പ്പെ​ടു​ത്താൻ വാസ്‌ത​വ​ത്തിൽ കഴിയു​മോ?

ലോക​ത്തി​നു മാററം വരുത്താൻ അവയ്‌ക്കു കഴിയു​മോ?

ക്രിസ്‌ത്യാ​നി​കൾ അവരുടെ അയൽക്കാ​രിൽ വളരെ താത്‌പ​ര്യ​മു​ള്ള​വ​രാണ്‌, അവരെ സഹായി​ക്കാൻ ആഗ്രഹി​ക്കു​ക​യും ചെയ്യുന്നു. എന്നാൽ പ്രകട​ന​ങ്ങ​ളിൽ പങ്കെടു​ക്കു​ന്നതു വാസ്‌ത​വ​ത്തിൽ അവർക്കു സഹായം നല്‌കാ​നുള്ള ഏററവും നല്ല മാർഗ്ഗ​മാ​ണോ? പ്രകടന ജനാധി​പ​ത്യം (Demonstration Democracy) എന്ന പുസ്‌തകം പ്രസ്‌താ​വി​ക്കു​ന്നു: “രാഷ്‌ട്രീയ ആശയ​പ്ര​ക​ട​ന​ത്തി​ന്റെ ഏത്‌ ഉപകര​ണ​ത്തി​നാ​ലും നേടി​യെ​ടു​ക്കാൻ കഴിയു​ന്ന​തിന്‌ ഒരു പരിധി​യുണ്ട്‌.” മനുഷ്യ​വർഗ്ഗം അഭിമു​ഖീ​ക​രി​ക്കുന്ന ദുരി​ത​ങ്ങളെ ദൂരീ​ക​രി​ക്കാൻ ഏതെങ്കി​ലും പ്രതി​ഷേ​ധ​ത്തി​നോ റാലി​ക്കോ വരുത്താൻ കഴിയാത്ത മാററങ്ങൾ ആവശ്യ​മാ​ണെ​ന്നു​ള്ളത്‌ അനി​ഷേ​ധ്യ​മാണ്‌.

യേശു നൂററാ​ണ്ടു​കൾ പഴക്കമു​ണ്ടാ​യി​രുന്ന തന്റെ നാളിലെ മതവ്യ​വ​സ്ഥി​തി​യെ​ക്കു​റി​ച്ചു ചർച്ച​ചെ​യ്യവെ, സമാന​മായ ഒരു ആശയം അവതരി​പ്പി​ച്ചു. പരീശൻമാർ ആചരി​ച്ചി​രുന്ന കാപട്യ​മാർന്ന ആ ആരാധനാ സമ്പ്രദാ​യത്തെ സംബന്ധിച്ച്‌ അവിടു​ന്നു പറഞ്ഞു: “കോടി​ത്തു​ണി​ക്കണ്ടം ആരും പഴയവ​സ്‌ത്ര​ത്തിൽ ചേർത്തു തുന്നു​മാ​റില്ല; തുന്നി​ചേർത്താൽ അതു​കൊ​ണ്ടു വസ്‌ത്രം കീറും; ചീന്തൽ ഏററവും വല്ലാ​തെ​യാ​യി തീരും.” (മത്തായി 9:16) എന്തായി​രു​ന്നു യേശു പറഞ്ഞ ആശയം? തള്ളിക്ക​ള​യേ​ണ്ടി​യി​രുന്ന ദുഷ്ടവും പഴകി​യ​തു​മായ വ്യവസ്ഥി​തി​ക​ളോ​ടു സത്യ​ക്രി​സ്‌ത്യാ​നി​ത്വം അനുരൂ​പ​പ്പെ​ടു​ക​യില്ല എന്നുതന്നെ. ഉപയോ​ഗ​ശൂ​ന്യ​മായ ഒരു വ്യവസ്ഥി​തി​യെ താത്‌ക്കാ​ലി​ക​മാ​യി കേടു​പോ​ക്കു​ന്നതു പാഴ്‌വേ​ല​യാ​കു​മെന്ന്‌ അവിടു​ന്നു തിരി​ച്ച​റി​ഞ്ഞു.

മനുഷ്യ​വർഗ്ഗ​ത്തെ നൂററാ​ണ്ടു​ക​ളി​ലെ അനീതി​ക്കും ക്രൂര​ത​ക്കും അടിച്ച​മർത്ത​ലി​നും വിധേ​യ​മാ​ക്കിയ ലോക​വ്യ​വ​സ്ഥി​തി​യെ സംബന്ധി​ച്ചും ഇതു സത്യമാണ്‌. സഭാ​പ്ര​സം​ഗി 1:15 സ്‌പഷ്ട​മാ​യി വിശദീ​ക​രി​ക്കു​ന്നു: “വളവു​ള്ളതു നേരെ ആക്കുവാൻ വഹിയാ.” അതേ, ഏററവും ഉത്‌കൃ​ഷ്ട​മായ ശ്രമങ്ങ​ളു​ണ്ടാ​യി​രു​ന്നാ​ലും ഇന്നത്തെ ലോക​വ്യ​വ​സ്ഥി​തി​യെ നേരെ​യാ​ക്കാ​നാ​വില്ല. എന്തു​കൊണ്ട്‌? ഒന്നു യോഹ​ന്നാൻ 5:19 പറയു​ന്ന​തു​പോ​ലെ “സർവ്വ​ലോ​ക​വും” പിശാ​ചായ സാത്താ​നെന്ന “ദുഷ്ടന്റെ അധീന​ത​യിൽ കിടക്കു​ന്നു.” “ഈ ലോക​ത്തി​ന്റെ പ്രഭു” (ഭരണാധിപൻ, NW) എന്ന നിലയിൽ ആ ഒരുവ​നി​ലേക്ക്‌ യേശു വിരൽചൂ​ണ്ടി. (യോഹ​ന്നാൻ 12:31) സാത്താന്റെ സ്വാധീ​ന​ത്തിൻകീ​ഴിൽ ഈ വ്യവസ്ഥി​തി പ്രവർത്തി​ക്കു​ന്നി​ട​ത്തോ​ളം​കാ​ലം, ഒരളവി​ലുള്ള കേടു​പോ​ക്ക​ലും സ്ഥിരമായ ആശ്വാസം കൈവ​രു​ത്തു​ക​യില്ല.

ക്രിസ്‌ത്യാ​നി​കൾ ലോക​ത്തി​ന്റെ പ്രശ്‌ന​ങ്ങ​ളിൽ വിരക്ത​രാ​ണെ​ന്നോ ക്രിയാ​ത്മക നടപടി​യെ​ടു​ക്കാൻ വൈമ​ന​സ്യ​മു​ള്ള​വ​രാ​ണെ​ന്നോ ഇതിനർത്ഥ​മില്ല. വാസ്‌ത​വ​ത്തിൽ, ക്രിസ്‌ത്യാ​നി​ക​ളോ​ടു പറഞ്ഞി​രി​ക്കു​ന്നതു യേശു തന്റെ അനുഗാ​മി​കളെ പ്രാർത്ഥി​ക്കാൻ പഠിപ്പിച്ച രാജ്യ ഗവൺമെൻറ്‌ തന്നെയായ ദൈവ​രാ​ജ്യ​ത്തി​ന്റെ സുവാർത്ത പ്രസം​ഗി​ക്കു​ന്ന​തി​ന്റെ​യും പഠിപ്പി​ക്കു​ന്ന​തി​ന്റെ​യും വേലയിൽ തികച്ചും കർമ്മനി​ര​ത​രാ​യി​രി​ക്കാ​നാണ്‌, അല്ലാതെ പ്രതി​ഷേ​ധി​ക്കു​ന്ന​തി​ലല്ല. (മത്തായി 6:10; 24:14) നവീക​രി​ക്കാൻ സാധ്യ​മ​ല്ലാത്ത ഈ ലോകത്തെ രാജ്യം വീണ്ടെ​ടു​ക്കാൻ ശ്രമി​ക്കി​ല്ലെന്നു ബൈബിൾ പ്രകട​മാ​ക്കു​ന്നു; മനുഷ്യ​വർഗ്ഗത്തെ ഇപ്പോൾ ഞെരു​ക്കി​ക്കൊ​ണ്ടി​രി​ക്കുന്ന ദുഷ്ട ഗവൺമെൻറു​ക​ളെ​യും സാമൂ​ഹിക ക്രമങ്ങ​ളെ​യും അതു സമ്പൂർണ​മാ​യി ഇല്ലായ്‌മ​ചെ​യ്യു​ക​യും ഭൂവ്യാ​പ​ക​മാ​യി യഥാർത്ഥ ന്യായ​വും നീതി​യും സ്ഥാപി​ക്കാൻ കഴിവുള്ള ഒരു വ്യവസ്ഥി​തി​യെ പകരം കൊണ്ടു​വ​രു​ക​യും ചെയ്യും. (ദാനീ​യേൽ 2:44) അത്തര​മൊ​രു വ്യവസ്ഥി​തി​യു​ടെ​കീ​ഴിൽ ആർക്കും പ്രതി​ഷേധ റാലി നടത്തേ​ണ്ടി​വ​രില്ല, എന്തു​കൊ​ണ്ടെ​ന്നാൽ “ജീവനു​ള്ള​തി​ന്നൊ​ക്കെ​യും പ്രസാ​ദം​കൊ​ണ്ടു തൃപ്‌തി​വ​രു​ത്തുന്ന”വനായ യഹോ​വ​യാം ദൈവം നമ്മുടെ ആഗ്രഹങ്ങൾ സമ്പൂർണ്ണ​മാ​യും സാക്ഷാ​ത്‌ക്ക​രി​ക്ക​പ്പെ​ടു​ന്ന​തിൽ ശ്രദ്ധി​ക്കും.—സങ്കീർത്തനം 145:16. (g93 2/8)

[18-ാം പേജിലെ ചിത്ര​ത്തിന്‌ കടപ്പാട്‌]

Labor strike, Leslie’s