സേവന​യോ​ഗ​ത്തി​നാ​യി എങ്ങനെ തയ്യാറാ​കാം?

1. സേവന​യോ​ഗ​ത്തി​ന്റെ ഉദ്ദേശ്യ​മെന്ത്‌, നമു​ക്കെ​ങ്ങനെ അതിൽനി​ന്നു പരമാ​വധി പ്രയോ​ജനം നേടാം?

¹ നല്ല ശുശ്രൂ​ഷ​ക​രാ​കാൻ നമ്മെ സഹായി​ക്കു​ക​യെന്ന ലക്ഷ്യത്തി​ലാണ്‌ സേവന​യോഗ പരിപാ​ടി​കൾ തയ്യാറാ​ക്കി​യി​രി​ക്കു​ന്നത്‌. സുവാർത്താ പ്രസംഗം, പഠിപ്പി​ച്ചു ശിഷ്യ​രാ​ക്കൽ, ആസന്നമായ ദിവ്യ​ന്യാ​യ​വി​ധി പ്രഖ്യാ​പി​ക്കൽ എന്നിവ​യ്‌ക്ക്‌ ഊന്നൽനൽകു​ന്ന​വ​യാണ്‌ അവ. (മത്താ. 28:20; മർക്കോ. 13:10; 2 പത്രോ. 3:7) നന്നായി തയ്യാറാ​കു​ക​യും അഭി​പ്രാ​യങ്ങൾ പറയാൻ ഒരുങ്ങി​യി​രി​ക്കു​ക​യും ചെയ്യു​മ്പോൾ ഈ യോഗ​ത്തിൽനി​ന്നു പരമാ​വധി പ്രയോ​ജനം നേടാൻ നമുക്കു കഴിയും.

2. ഒരു പ്രസംഗം ശ്രദ്ധി​ക്കാൻ നമു​ക്കെ​ങ്ങനെ തയ്യാറാ​കാം?

² പ്രസംഗം: ഓരോ ആഴ്‌ച​യും ഏതൊക്കെ വിഷയ​ങ്ങ​ളാണ്‌ ചർച്ച​ചെ​യ്യു​ന്ന​തെന്ന്‌ പ്രസം​ഗ​ക​നുള്ള നിർദേ​ശ​ത്തിൽനി​ന്നു മിക്ക​പ്പോ​ഴും മനസ്സി​ലാ​ക്കാ​വു​ന്ന​താണ്‌. പരാമർശി​ച്ചി​ട്ടുള്ള തിരു​വെ​ഴു​ത്തു​കൾ എടുത്തു​നോ​ക്കി​ക്കൊ​ണ്ടും വിവരങ്ങൾ ശുശ്രൂ​ഷ​യിൽ എങ്ങനെ ബാധക​മാ​ക്കാ​മെന്നു ചിന്തി​ച്ചു​കൊ​ണ്ടും നിങ്ങൾക്ക്‌ നിയമി​ത​ഭാ​ഗങ്ങൾ അവലോ​കനം ചെയ്യാ​നാ​കും.

3. ചോ​ദ്യോ​ത്തര പരിചി​ന്ത​ന​ത്തിന്‌ നമു​ക്കെ​ങ്ങനെ തയ്യാറാ​കാം?

³ ചോ​ദ്യോ​ത്തര പരിചി​ന്തനം: ഹ്രസ്വ​മായ മുഖവു​ര​യോ​ടും ഉപസം​ഹാ​ര​ത്തോ​ടും കൂടി, വീക്ഷാ​ഗോ​പു​രാ​ധ്യ​യ​ന​ത്തി​ന്റെ മാതൃ​ക​യി​ലാണ്‌ ഈ പരിപാ​ടി നടത്തു​ന്നത്‌. ഓരോ ഖണ്ഡിക​യി​ലെ​യും മുഖ്യ ആശയങ്ങൾക്ക്‌ അടിവ​ര​യി​ട്ടു​കൊണ്ട്‌ അർഥവ​ത്തായ ചെറിയ ഉത്തരങ്ങൾ പറയാൻ തയ്യാ​റെ​ടു​ക്കുക.

4. സദസ്യ ചർച്ചയ്‌ക്കാ​യി നമു​ക്കെ​ങ്ങനെ തയ്യാറാ​കാം?

⁴ സദസ്യ ചർച്ച: മുഖ്യ​മാ​യും ഒരു പ്രസം​ഗ​ത്തി​ന്റെ രൂപത്തി​ലാണ്‌ ഇത്‌ അവതരി​പ്പി​ക്കു​ന്ന​തെ​ങ്കി​ലും, അതിൽ പങ്കുപ​റ്റാ​നുള്ള ഏതാനും അവസരങ്ങൾ സദസ്സി​നും ഉണ്ടായി​രി​ക്കും. മുഖ്യ ആശയങ്ങൾക്ക്‌ അടിവ​ര​യി​ടു​ക​യും തിരു​വെ​ഴു​ത്തു​കൾ എടുത്തു​നോ​ക്കു​ക​യും ചെയ്യു​ന്നെ​ങ്കിൽ ചോദ്യ​ങ്ങൾ ചോദി​ക്കു​മ്പോൾ നിങ്ങൾക്ക്‌ ഉത്തരം പറയാൻ സാധി​ച്ചേ​ക്കും. മുഖ്യ ആശയങ്ങൾ ചർച്ച​ചെ​യ്യു​മ്പോൾ സദസ്സിനെ ഉൾപ്പെ​ടു​ത്താൻ, ഈ പരിപാ​ടി കൈകാ​ര്യം ചെയ്യുന്ന സഹോ​ദരൻ പ്രത്യേ​കം ശ്രദ്ധി​ക്കും.

5. അവതര​ണ​ങ്ങ​ളിൽനിന്ന്‌ പരമാ​വധി പ്രയോ​ജനം നേടാൻ നമു​ക്കെ​ങ്ങനെ കഴിയും?

⁵ അവതര​ണങ്ങൾ: ചില പരിപാ​ടി​ക​ളിൽ, പരിചി​ന്തി​ക്കുന്ന വിവരങ്ങൾ പ്രദേ​ശത്ത്‌ എങ്ങനെ ബാധക​മാ​ക്കാ​മെന്നു കാണി​ക്കുന്ന, യാഥാർഥ്യ​ത്തോ​ടു പൊരു​ത്ത​മുള്ള അവതര​ണങ്ങൾ നടത്തേ​ണ്ട​തു​ണ്ടാ​യി​രു​ന്നേ​ക്കാം. അതിനാ​യി മൂപ്പന്മാ​രെ​യോ അനുഭ​വ​സ​മ്പ​ന്ന​രായ പ്രസാ​ധ​ക​രെ​യോ പയനി​യർമാ​രെ​യോ സമീപി​ക്കാ​വു​ന്ന​താണ്‌. ഈ ഭാഗം തയ്യാറാ​കു​മ്പോൾ, വിവരങ്ങൾ എങ്ങനെ​യാ​യി​ര​ക്കും അവതരി​പ്പി​ക്കാൻപോ​കു​ന്ന​തെന്ന്‌ നിങ്ങൾക്ക്‌ വിഭാ​വനം ചെയ്യാ​നാ​കും. ഒരു മാതൃ​കാ​വ​ത​രണം നിരീ​ക്ഷി​ക്കു​മ്പോൾ, വ്യത്യസ്‌ത സാഹച​ര്യ​ങ്ങ​ളി​ലു​ള്ള​വർക്ക്‌ ഇണങ്ങും​വി​ധം അതെങ്ങനെ പൊരു​ത്ത​പ്പെ​ടു​ത്താ​മെന്നു ചിന്തി​ക്കുക. യോഗ​ങ്ങൾക്കു വരു​മ്പോൾ, അവതര​ണ​ത്തിൽ ഉപയോ​ഗി​ക്കുന്ന പ്രസി​ദ്ധീ​ക​ര​ണോ മാസി​ക​യോ കൂടെ​ക്കൊ​ണ്ടു​വ​രാൻ ശ്രദ്ധി​ക്കുക. കുടും​ബാ​ധ്യ​യ​ന​വേ​ള​യിൽ ഈ അവതര​ങ്ങ​ളിൽ ചിലത്‌ പരിശീ​ലി​ക്കു​ന്നതു നന്നായി​രി​ക്കും.

6. സേവന​യോ​ഗ​ത്തിന്‌ തയ്യാറാ​കേ​ണ്ട​തി​ന്റെ ചില കാരണ​ങ്ങ​ളേവ?

⁶ നന്നായി തയ്യാറാ​യി​വ​രി​ക​യും അവതരി​പ്പി​ക്കാൻപോ​കുന്ന വിവര​ങ്ങൾക്കാ​യി ആകാം​ക്ഷ​യോ​ടെ കാത്തി​രി​ക്കു​ക​യും ചെയ്യു​ന്നെ​ങ്കിൽ സേവന​യോഗ പരിപാ​ടി നമുക്ക്‌ കൂടുതൽ ആസ്വാ​ദ്യ​ക​ര​മാ​യി​രി​ക്കും. അങ്ങനെ അത്‌ പരസ്‌പര പ്രോ​ത്സാ​ഹ​ന​ത്തി​നുള്ള അവസര​മൊ​രു​ക്കും. (റോമ. 1:11, 12) സേവന​യോ​ഗ​ത്തി​നു നന്നായി തയ്യാറാ​കു​ന്ന​പക്ഷം, നമ്മുടെ നിയോ​ഗം നിറ​വേ​റ്റാൻ നാം ഏറെ സജ്ജരാ​യി​ത്തീ​രും.—2 തിമൊ. 3:17.