സേവന​യോ​ഗം എല്ലാ നല്ല വേലക്കും നമ്മെ സജ്ജരാ​ക്കു​ന്നു

¹ പ്രസം​ഗ​വേ​ല​യി​ലും ശിഷ്യ​രാ​ക്കൽ വേലയി​ലും കൂടുതൽ പൂർണ​മായ പങ്കുണ്ടാ​യി​രി​ക്കാൻ നമ്മെ പ്രോ​ത്സാ​ഹി​പ്പി​ക്കു​ക​യും സജ്ജരാ​ക്കു​ക​യും ചെയ്യുക എന്നതാണ്‌ സേവന​യോ​ഗ​ത്തി​ന്റെ ഉദ്ദേശ്യം. (2 തിമൊ. 3:17) എന്നാൽ, ഈ യോഗ​ത്തി​നു വേണ്ടി നാം ഉചിത​മാ​യി തയ്യാറാ​കാ​തി​രി​ക്കു​ക​യോ പഠിക്കുന്ന കാര്യങ്ങൾ പ്രാ​യോ​ഗി​ക​മാ​ക്കാൻ പരാജ​യ​പ്പെ​ടു​ക​യോ ചെയ്‌താൽ പ്രയോ​ജ​നങ്ങൾ കുറവാ​യി​രി​ക്കും.

² പ്രബോ​ധനം കൂടുതൽ പൂർണ​മാ​യി ഉൾക്കൊ​ള​ളാൻ മുന്നമേ തയ്യാറാ​കു​ന്നത്‌ നിങ്ങളെ സഹായി​ക്കും. ഉപയോ​ഗി​ക്കുന്ന പ്രസി​ദ്ധീ​ക​ര​ണങ്ങൾ ഏവയെന്നു തിട്ട​പ്പെ​ടു​ത്തി അവ നിങ്ങ​ളോ​ടൊ​പ്പം കൊണ്ടു​വ​രിക. അപ്പോൾ നിങ്ങൾക്ക്‌ അതു ഒത്തു​നോ​ക്കു​ന്ന​തി​നും പങ്കുപ​റ​റു​ന്ന​തി​നും കഴിയും. അവധാ​ന​പൂർവം ശ്രദ്ധി​ക്കു​ക​യും പിന്നീട്‌ ഉപയോ​ഗി​ക്കു​ന്ന​തി​നു വേണ്ടി കുറി​പ്പു​ക​ളെ​ടു​ക്കു​ക​യും ചെയ്യുക.

³ പട്ടിക​പ്പെ​ടു​ത്തി​യി​രി​ക്കുന്ന യോഗ​ഭാ​ഗങ്ങൾ അധ്യക്ഷ​മേൽവി​ചാ​രകൻ ശ്രദ്ധാ​പൂർവം അവലോ​കനം ചെയ്യുന്നു. പ്രാപ്‌ത​രും യോഗ്യ​രു​മായ മൂപ്പൻമാ​രും ശുശ്രൂ​ഷാ​ദാ​സൻമാ​രും അവ തയ്യാറാ​കാൻ വേണ്ടി നിയമി​ക്ക​പ്പെ​ടു​ന്നു. (സംഘടി​തർ പേ. 73) മൂപ്പൻമാ​രും ശുശ്രൂ​ഷാ​ദാ​സൻമാ​രും കുറവു​ളള സഭകളിൽ അവരെ സഹായി​ക്കു​ന്ന​തി​നു യോഗ്യ​ത​യു​ളള മററു സഹോ​ദ​രൻമാ​രെ​യും നിയമി​ക്കാ​വു​ന്ന​താണ്‌. (രാ.ശു. 11⁄76, ചോദ്യ​പ്പെട്ടി) ഓരോ പ്രസം​ഗ​ക​നും നല്ലവണ്ണം തയ്യാറാ​കു​ക​യും നൽകി​യി​രി​ക്കുന്ന നിർദേ​ശ​ത്തോട്‌ അടുത്തു പററി​നി​ന്നു​കൊ​ണ്ടു താൻ സമയം കൂടു​ത​ലെ​ടു​ക്കു​ന്നി​ല്ലെന്ന്‌ ഉറപ്പു​വ​രു​ത്തു​ക​യും ചെയ്യണം.

⁴ സാധാ​ര​ണ​മാ​യി അറിയി​പ്പു​ക​ളോ​ടെ​യാ​ണു യോഗം ആരംഭി​ക്കു​ന്നത്‌. ഇതിനു നിയമി​ക്ക​പ്പെട്ട സഹോ​ദരൻ ഏതെല്ലാം കാര്യ​ങ്ങ​ളാണ്‌ അറിയി​ക്കേ​ണ്ടത്‌ എന്നറി​യാൻ നേര​ത്തെ​തന്നെ അധ്യക്ഷ​മേൽവി​ചാ​ര​കനെ കാണണം. അറിയി​ക്കേണ്ട കാര്യ​ങ്ങ​ളിൽ സൊ​സൈ​റ​റി​യിൽനി​ന്നു​ളള എഴുത്തു​ക​ളോ സേവന​ക്ര​മീ​ക​ര​ണങ്ങൾ, മാസം​തോ​റു​മു​ളള റിപ്പോർട്ടു​കൾ എന്നിവ സംബന്ധിച്ച ഓർമി​പ്പി​ക്ക​ലു​ക​ളോ ഉൾപ്പെ​ട്ടേ​ക്കാം. നാം സന്ദർശനം നടത്തേ​ണ്ട​യാ​വ​ശ്യ​മു​ളള രോഗി​കൾ ഉണ്ടെന്നു നാം മനസ്സി​ലാ​ക്കി​യേ​ക്കാം. അല്ലെങ്കിൽ ഭാവി​യി​ലേക്ക്‌ ആസൂ​ത്രണം ചെയ്‌തി​ട്ടു​ളള സഭാ​പ്ര​വർത്ത​ന​ങ്ങ​ളെ​ക്കു​റി​ച്ചു നാം കേട്ടേ​ക്കാം. അവ സംബന്ധിച്ച്‌ അറിയു​ന്ന​തി​നും നിങ്ങളു​ടെ പങ്കു നിർവ​ഹി​ക്കാൻ ഒരുങ്ങി​യി​രി​ക്കു​ന്ന​തി​നും അവ ശ്രദ്ധ​യോ​ടെ കേൾക്കുക.

⁵ ഒരു യോഗ​ഭാ​ഗത്തു സദസ്യ​പ​ങ്കു​പ​ററൽ ഉണ്ടായി​രി​ക്കു​മ്പോൾ, പ്രസ്‌തുത ഭാഗം വായി​ക്കു​ക​യും തിരു​വെ​ഴു​ത്തു​കൾ എടുത്തു നോക്കു​ക​യും ചെയ്‌തു​കൊ​ണ്ടു തയ്യാറാ​കുക. നിർദേ​ശങ്ങൾ ബാധക​മാ​ക്കാൻ നിങ്ങൾ എങ്ങനെ ആസൂ​ത്രണം ചെയ്യുന്നു എന്നതു സംബന്ധി​ച്ചും മററു​ള​ള​വരെ പ്രോ​ത്സാ​ഹി​പ്പി​ക്കാൻ നിങ്ങൾക്കു പറയാൻ കഴിയുന്ന അഭി​പ്രാ​യങ്ങൾ ഏതൊ​ക്കെ​യാണ്‌ എന്നതു സംബന്ധി​ച്ചും ചിന്തി​ക്കുക. ഹ്രസ്വ​മായ ഒരു അനുഭവം പറഞ്ഞു​കൊ​ണ്ടു പ്രബോ​ധ​ന​ത്തി​ന്റെ പ്രാ​യോ​ഗിക മൂല്യം വ്യക്തമാ​ക്കാൻ നിങ്ങൾക്കു കഴിയും.

⁶ ഒരു പ്രകട​ന​മു​ള​ള​പ്പോൾ, സമാന​മായ സാഹച​ര്യ​ങ്ങ​ളിൽ നിങ്ങളാ​യി​രി​ക്കു​ന്ന​താ​യി സങ്കൽപ്പി​ക്കുക, നിങ്ങൾ എന്തു പറയും എന്നതു സംബന്ധി​ച്ചും ചിന്തി​ക്കുക. അവതരി​പ്പി​ക്കുന്ന വാദമു​ഖ​ങ്ങ​ളും ന്യായ​വാ​ദ​രീ​തി​യും ശ്രദ്ധി​ക്കുക. നിങ്ങൾ കഴിഞ്ഞ പ്രാവ​ശ്യം ഇത്തരം സാഹച​ര്യ​ത്തി​ലാ​യി​രു​ന്ന​പ്പോൾ പറഞ്ഞ കാര്യം ഓർമി​ക്കാൻ ശ്രമി​ക്കുക. കൂടാതെ, ഭാവി​യിൽ മെച്ചപ്പെട്ട ഫലങ്ങൾ കിട്ടു​ന്ന​തിന്‌ പ്രകടി​പ്പി​ച്ചു​കാ​ണിച്ച ആശയങ്ങൾക്കു നിങ്ങളെ എങ്ങനെ സഹായി​ക്കാ​നാ​കു​മെന്ന്‌ പരിചി​ന്തി​ക്കുക.

⁷ പ്രകട​ന​ങ്ങ​ളി​ലും അഭിമു​ഖ​ങ്ങ​ളി​ലും പങ്കെടു​ക്കു​ന്നവർ കാലേ​കൂ​ട്ടി നല്ലവണ്ണം തയ്യാറാ​കണം. സ്‌റേ​റ​ജിൽ താൻ എന്താണു പറയാൻ പോകു​ന്ന​തെ​ന്നും എന്താണു ചെയ്യേ​ണ്ട​തെ​ന്നും ഓരോ വ്യക്തി​യും അറിഞ്ഞി​രി​ക്കണം. മുന്നമേ തയ്യാറാ​കാത്ത ഭാഗങ്ങൾ സദസ്സിനെ ഉത്തേജി​പ്പി​ക്കു​ക​യോ പ്രോ​ത്സാ​ഹി​പ്പി​ക്കു​ക​യോ ചെയ്യു​ക​യില്ല. വീക്ഷാ​ഗോ​പുര അധ്യയനം കഴിഞ്ഞു തങ്ങളുടെ ഭാഗം പരിശീ​ലി​ച്ചു നോക്കാ​നാ​യി ചിലർ ഒരുങ്ങി​വ​രു​ന്നു. അങ്ങനെ​യാ​കു​മ്പോൾ അവർക്കു സ്‌റേ​റ​ജിൽവ​ച്ചു​തന്നെ പരിശീ​ലി​ച്ചു​നോ​ക്കാ​നാ​കും, മാത്രമല്ല എന്താണ്‌ ആവശ്യ​മാ​യി​രി​ക്കു​ന്ന​തെന്നു മൈക്കു​കൾ കൈകാ​ര്യം ചെയ്യുന്ന സഹോ​ദ​രൻമാർക്ക്‌ അറിയാ​നും സാധി​ക്കും.

⁸ സേവന​യോ​ഗ​ത്തിൽ, ചില​പ്പോൾ സഭാപ​ര​മായ ഒരു പ്രത്യേക ആവശ്യത്തെ കാണി​ക്കു​ന്ന​തോ സമയോ​ചിത വീക്ഷാ​ഗോ​പുര ലേഖന​ത്തിൽനി​ന്നു​ള​ള​തോ ആയ ഒരു പ്രസംഗം ഉണ്ടായി​രി​ക്കും. സൂക്ഷ്‌മ​മാ​യി ശ്രദ്ധി​ക്കുക. ബുദ്ധ്യു​പ​ദേശം കാര്യ​മാ​യി എടുക്കു​ക​യും അതു ബാധക​മാ​ക്കാൻ ശ്രമി​ക്കു​ക​യും ചെയ്യുക.

⁹ “നല്ല വേലെക്കു ഒക്കെയും ഒരുങ്ങി”യിരി​ക്കാൻ നാമാ​ഗ്ര​ഹി​ക്കു​ന്നു. (2 തിമൊ. 2:21) അതു ചെയ്യാൻ നമ്മെ സഹായി​ക്കു​ന്ന​തിന്‌ യഹോവ നൽകുന്ന കരുത​ലു​ക​ളിൽ ഒന്നാണ്‌ സേവന​യോ​ഗം. വിശ്വ​സ്‌ത​മായ യോഗ​ഹാ​ജ​രും നാം പഠിക്കു​ന്നത്‌ ഉപയോ​ഗി​ക്കാ​നു​ളള ആത്മാർഥ​മായ ശ്രമവും “[നമ്മുടെ] ശുശ്രൂഷ പൂർണ​മാ​യി നിവർത്തി​ക്കാൻ” നമ്മെ തീർച്ച​യാ​യും സഹായി​ക്കും.—2 തിമൊ. 4:5, NW.