സേവന​യോഗ പരിപാ​ടി​കൾ നടത്തു​ന്ന​വർക്കുള്ള നിർദേ​ശ​ങ്ങൾ

സേവന​യോഗ പട്ടിക​യിൽ ഉപയോ​ഗി​ച്ചു​വ​രുന്ന ചില പദങ്ങൾക്ക്‌, നമ്മുടെ രാജ്യ ശുശ്രൂ​ഷ​യു​ടെ ഈ ലക്കം മുതൽ മാറ്റം​വ​രു​ത്തി​യി​ട്ടുണ്ട്‌. പിൻവ​രുന്ന നിർദേ​ശ​ങ്ങ​ളും ഓർമി​പ്പി​ക്ക​ലു​ക​ളും, 2009 മേയ്‌ ലക്കം നമ്മുടെ രാജ്യ ശുശ്രൂ​ഷ​യിൽ വന്ന “സേവന​യോ​ഗ​ത്തി​നാ​യി എങ്ങനെ തയ്യാറാ​കാം?” എന്ന ലേഖന​ത്തിൽ പ്രതി​പാ​ദി​ച്ചി​രുന്ന വിവര​ങ്ങൾക്കു കൂടുതൽ വ്യക്തത നൽകും. പുതു​ക്കിയ ചില വിവര​ങ്ങ​ളും ഇതിൽ ഉൾപ്പെ​ടു​ത്തി​യി​ട്ടുണ്ട്‌.

◼ പ്രസംഗം: നിയമി​ത​ഭാ​ഗം അടിസ്ഥാ​ന​മാ​ക്കി നടത്തേണ്ട പ്രസംഗം. സദസ്യ പങ്കുപ​റ്റ​ലില്ല. സഭയ്‌ക്ക്‌ ഏറ്റവും സഹായ​ക​മായ വിവര​ങ്ങ​ളി​ലാ​യി​രി​ക്കണം പ്രസം​ഗകൻ ശ്രദ്ധ​കേ​ന്ദ്രീ​ക​രി​ക്കേ​ണ്ടത്‌.

◼ ചോ​ദ്യോ​ത്തര പരിചി​ന്തനം: ഹ്രസ്വ​മായ ഒരു മുഖവു​ര​യും ഉപസം​ഹാ​ര​വും സഹിതം, ഏറെക്കു​റെ വീക്ഷാ​ഗോ​പുര അധ്യയ​ന​ത്തി​ന്റെ മാതൃ​ക​യി​ലാണ്‌ ഈ പരിപാ​ടി നടത്തേ​ണ്ടത്‌. ഖണ്ഡിക​കൾക്കാ​യി കൊടു​ത്തി​രി​ക്കുന്ന എല്ലാ ചോദ്യ​ങ്ങ​ളും ചോദി​ക്കുക. പരിപാ​ടി നടത്തുന്ന സഹോ​ദരൻ അമിത​മാ​യി അഭി​പ്രാ​യങ്ങൾ പറയു​ന്നത്‌ ഒഴിവാ​ക്കണം. സമയം അനുവ​ദി​ക്കു​ന്ന​തി​ന​നു​സ​രിച്ച്‌ പ്രധാ​ന​പ്പെട്ട തിരു​വെ​ഴു​ത്തു​കൾ വായി​ക്കാ​നാ​കും. ഖണ്ഡികകൾ വായി​ക്കാൻ പ്രത്യേ​കം നിർദേ​ശി​ച്ചി​ട്ടി​ല്ലെ​ങ്കിൽ അവ വായി​ക്കേ​ണ്ട​തില്ല.

◼ ചർച്ച: സദസ്യ പങ്കുപ​റ്റ​ലോ​ടെ​യുള്ള പ്രസംഗം. പ്രസംഗം മാത്ര​മാ​യോ ചോ​ദ്യോ​ത്ത​ര​ച്ചർച്ച മാത്ര​മാ​യോ നടത്തേണ്ട ഒന്നല്ല ഇത്‌.

◼ അഭിമു​ഖ​ങ്ങ​ളും അവതര​ണ​ങ്ങ​ളും: അഭിമു​ഖ​ത്തിൽ പങ്കെടു​ക്കു​ന്നവർ ഇരിപ്പി​ട​ത്തിൽ ഇരുന്നു​കൊ​ണ്ടല്ല, സ്റ്റേജിൽ വന്നു​വേണം സംസാ​രി​ക്കാൻ. അവതരണം ഉൾപ്പെ​ടു​ത്താൻ പറയു​മ്പോൾ, തന്റെ പരിപാ​ടി​യിൽ ഒരു അവതരണം ഉൾപ്പെ​ടു​ത്താ​നുള്ള ഉത്തരവാ​ദി​ത്വം പരിപാ​ടി നടത്തുന്ന സഹോ​ദ​രന്‌ ഉണ്ടെന്നാണ്‌ അർഥമാ​ക്കു​ന്നത്‌; ആ സഹോ​ദ​രൻതന്നെ അവതരണം നടത്തണം എന്നല്ല. അവതരണം നടത്താ​നാ​യി അദ്ദേഹം തിര​ഞ്ഞെ​ടു​ക്കു​ന്നവർ പ്രാപ്‌ത​രും മാതൃ​കാ​യോ​ഗ്യ​രു​മാ​യി​രി​ക്കണം. കഴിയു​ന്ന​തും​നേ​ര​ത്തെ​തന്നെ അവരു​മാ​യി സംസാ​രിച്ച്‌ വേണ്ട ക്രമീ​ക​ര​ണങ്ങൾ ചെയ്യേ​ണ്ട​താണ്‌. പുതിയ, അനുഭ​വ​പ​രി​ചയം കുറവുള്ള പ്രസാ​ധ​കർക്ക്‌ വെറുതെ സ്റ്റേജിൽ കയറാ​നുള്ള ഒരു അവസരം നൽകു​ന്ന​തി​നു​വേ​ണ്ടി​മാ​ത്രം നിയമനം നൽകാ​തി​രി​ക്കു​ന്ന​താണ്‌ ഉചിതം; എന്നാൽ അവരിൽ ചിലരെ വീട്ടു​കാ​രാ​യി ഉപയോ​ഗി​ക്കാ​നാ​കും. അവതരണം നടത്തു​ന്നവർ സദസ്സിന്‌ അഭിമു​ഖ​മാ​യി​വേണം അതു നടത്താൻ. അവതര​ണ​ങ്ങ​ളും അഭിമു​ഖ​ങ്ങ​ളും നന്നായി പരിശീ​ലി​ച്ച​ശേഷം നടത്തുക. സമയം കൂടി​പ്പോ​കു​ന്ന​തു​നി​മി​ത്തം പരിപാ​ടി വെട്ടി​ച്ചു​രു​ക്കേ​ണ്ട​താ​യി വന്നാൽപ്പോ​ലും അവതര​ണ​ങ്ങ​ളോ അഭിമു​ഖ​ങ്ങ​ളോ ഒഴിവാ​ക്ക​രുത്‌. ശുശ്രൂ​ഷാ​ദാ​സ​ന്മാർ, അവതര​ണ​ത്തി​നാ​യി പ്രസാ​ധ​കരെ തിര​ഞ്ഞെ​ടു​ക്കു​ന്ന​തി​നു​മുമ്പ്‌ മൂപ്പന്മാ​രു​ടെ സംഘത്തി​ന്റെ കോ-ഓർഡി​നേ​റ്റ​റു​മാ​യോ മറ്റേ​തെ​ങ്കി​ലും ഒരു മൂപ്പനു​മാ​യോ ആലോ​ചി​ക്കേ​ണ്ട​താണ്‌.

ഒരു പരിപാ​ടി നടത്തു​ന്ന​തിന്‌ എന്തെങ്കി​ലും പ്രത്യേക നിർദേ​ശ​ങ്ങ​ളു​ണ്ടെ​ങ്കിൽ അവ ശ്രദ്ധാ​പൂർവം പിൻപ​റ്റേ​ണ്ട​താണ്‌. മേൽപ്പറഞ്ഞ നിർദേ​ശ​ങ്ങൾക്കു ചേർച്ച​യിൽ സഹോ​ദ​ര​ന്മാർ സേവന​യോഗ പരിപാ​ടി​കൾ നടത്തു​മ്പോൾ, സേവന​യോ​ഗം “ഉചിത​മാ​യും ക്രമീ​കൃ​ത​മാ​യും” നടക്കാൻ ഇടവരും.—1 കൊരി. 14:40.